Симеон Тверской
ПОУЧЕНИЕ
Оп.: Древняя русская литература. Хрестоматия. Сост. Н.И.Прокофьев. — М., 1980.
— С.129. Сверено с изд.: Наставление тверского епископа Семена / Изборник (Сборник
произведений литературы Древней Руси). — М., 1969. — С.376.
Костянтинъ князь полотьский нарицаємый Безрукий, у собе в пиру хотя
укорити тивуна своєго нЂочемь, рече єпископу пред всЂми:
«Владыко, кдЂ быти тивуну на ономь свЂтЂ?».
Семенъ єпископъ отвЂчал: «КдЂ и князю!» Князь же
не улюбивъ того, молвить єпископу: «Тиунъ неправду судить, мьзду ємлеть, люди
продаєть, мучить, лихоє все дЂєть; а язъ что дЂю?»
И рече єпископ: «Аже будеть князь добръ, богобоинъ, жалуєть людий, правду любить,
— исбираєть тиуна или коєго волостителя — мужа добра и богобоина, страха божия
полна, разумна, праведна, по закону божию все творяща, и суд вЂдуща.
И князь в рай, и тиунъ в рай. Будеть ли князь без божия страха, христьянъ не жалуєть,
сиротъ не милуєть, и вдовицями не печалуєть, — поставляеть тиуна или коєго волостителя
— человЂка зла, бога не боящася и закона божия не вЂдуще,
и суда не разумЂюще, толико того дЂля, абы князю
товары добывалъ, а людий не щадить. Аки бЂшена человЂка
пустилъ на люди, дав єму мечь — тако и князь, дав волость лиху человЂку
губити люди. Князь во адъ и тиунъ с нимь во адъ!»
|