Указания о порядке чтения канонов (старообрядческие, Ржевская Покровская община, 2004):
НАЧАЛО ОБЩЕЕ ВСЕМ КАНОНАМ
По обычнем Малом начале мирянин совершает три поклона и глаголет:
3а молитв святых отец наших, Господи Исусе Христе Сыне Божии, помилуй нас. Аминь.
Святыи Боже, Святыи Крепкии, Святыи Безсмертныи, помилуй нас (трижды, с поклонами).
Слава Отцу и Сыну и Святому Духу, и ныне и присно и во веки веком, аминь.
Пресвятая Троице, помилуй нас. Господи, очисти грехи наша. Владыко, прости беззакония наша. Святыи, посети и исцели немощи наша, имене Твоего ради. Господи помилуй (трижды). Слава Отцу и Сыну и Святому Духу, и ныне, и присно, и во веки веком, аминь.
Отче наш, Иже еси на небесех, да святится имя Твое, да приидет царствие Твое, да будет воля Твоя, яко на небеси и на земли. Хлеб наш насущныи даждь нам днесь, и остави нам долги наша, яко же и мы оставляем должником нашим, и не введи нас во искушение, но избави нас от лукаваго.
Господи Исусе Христе, Сыне Божии, помилуй нас. Аминь.
Господи помилуй (12 раз).
Слава Отцу и Сыну, и Святому Духу, и ныне, и присно, и во веки веком, аминь.
Приидите, поклонимся Цареви нашему Богу (поклон).
Приидите, поклонимся Христу Цареви и Богу нашему (поклон).
Приидите, поклонимся и припадем к самому Господу Исусу Христу, Цареви и Богу нашему (поклон).
Псалом 142.
Господи, услыши молитву мою, внуши моление мое во истине Твоей, услыши мя в правде Твоей. И не вниди в суд с рабом Твоим, яко не оправдится пред Тобою всяк живыи. Яко погна враг душу мою, и смирил есть в земли живот мой. Посадил мя есть в темных, яко мертвыя веку, и уны во мне дух мой, во мне смутися сердце мое. Помянух дни древния, поучихся во всех делех Твоих, и в делех руку Твоею поучахся. Воздех к Тебе руце мои, душа моя, яко земля безводная Тебе. Скоро услыши мя Господи, исчезе дух мой. Не отврати лица Твоего от мене, и уподоблюся низходящим в ров. Слышану сотвори мне заутра милость Твою, яко на Тя уповах. Скажи мне Господи, путь вонь же пойду, яко к Тебе взях душу мою. Изми мя от враг моих Господи, к Тебе прибегох. Научи мя творити волю Твою, яко Ты еси Бог мой. Дух Твой благии наставит мя на землю праву. Имене Твоего ради, Господи живиши мя, правдою Твоею изведеши от печали душу мою. И милостию Твоею потребиши враги моя, и погубиши вся стужающия души моей, яко аз раб Твой есмь.
Слава Отцу и Сыну, и Святому Духу, и ныне, и присно, и во веки веком, аминь.
Аллилуия, Аллилуия, слава Тебе, Боже (трижды, с поклонами).
Господи помилуй (12 раз). Слава Отцу и Сыну, и Святому Духу, и ныне, и присно, и во веки веком, аминь.
Бог Господь и явися нам, благословен грядыи во имя Господне.
Стих 1. Исповедайтеся Господеви яко Благ, яко в век милость Его.
Стих 2. Обышедше обыдоша мя и именем Господним противляхся им.
Стих 3. Не умру, но жив буду и повем дела Господня.
Стих 4: Камень, Его же небрегоша зиждущии, Сей бысть во главу углу, от Господа бысть Сей, и есть дивна во очию нашею.
И по каждом стихе глаголем: Бог Господь и явися нам (полностью). Посем, тропарь празднику Христову или Богородицы, коему изволиши пети, глаголи дважды. Слава, и ныне; паки его же. Аще ли поеши два канона: Христову празднику и Богородицы, то глаголи прежде Христову празднику тропарь дважды. Слава, и ныне, празднику Богородицы.
Каноны поем: первее Спасителю (или Кресту), посем Богородице, ангелом и святому. Аще ли случится пети нескольким святым: первее поем апостолом, посем пророком, священномучеником и священноисповедником, великомучеником и мучеником, святителем, преподобным и праведным.
Аще ли поеши два канона: Спасу (или Кресту) и святому (или ангелу), то глаголи тропарь Спасу дважды. Слава: святому, и ныне: Спасу. Такоже и Богородице со святым. Аще ли случится пети празднику Христову (или Кресту), Богородице и святому коему, то прежде глаголи тропарь празднику, дважды. Таже, Слава: святому, и ныне: Богородице. Аще ли Спасу, Богородице, ангелом и святому; глаголи тропарь Спасу, ангелом, Слава: святому, и ныне: Богородице (вси по единощи). Аще ли поеши единому святому, то глаголи тропарь святому, дважды. Слава, и ныне: Богородичен воскресен по гласу тропаря святаго.
Псалом 50.
Помилуй мя Боже, по велицей милости Твоей. И по множеству щедрот Твоих, очисти беззаконие мое. Наипаче омый мя от беззакония моего и от греха моего очисти мя. Яко беззаконие мое аз знаю, и грех мой предо мною есть выну. Тебе единому согреших, и лукавое пред Тобою сотворих. Яко да оправдишися в словесех Своих и победиши внегда судити. Се бо в беззакониих зачат есмь, и во гресех роди мя мати моя. Се бо истину возлюбил еси, безвестная и тайная премудрости Твоея явил ми еси. Окропиши мя иссопом, и очишуся, омыеши мя, и паче снега убелюся. Слуху моему даси радость и веселие, возрадуются кости смиренныя. Отврати лице Твое от грех моих, и вся беззакония моя очисти. Сердце чисто созижди во мне Боже, и дух прав обнови во утробе моей. Не отверзи мене от лица Твоего, и Духа Твоего Святаго не отыми от мене. Воздаждь ми радость спасения Твоего, и Духом Владычным утверди мя. Научу беззаконныя путем Твоим, и нечестивии к Тебе обратятся. Избави мя от кровий Боже, Боже спасения моего, возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел жертвы, дал бых убо, всесожжения не благоволиши. Жертва Богу, дух сокрушен, сердце сокрушено и смирено, Бог не уничижит. Ублажи, Господи, благоволением Твоим Сиона, и да созиждутся стены иеросалимския. Тогда благоволиши жертву правды, возношение и всесожигаемая. Тогда возложат на олтарь Твой тельца.
Господи Исусе Христе Сыне Божии, помилуй нас. Аминь.
Посем канон, ему же изволиши: празднику или святому.
Подобает ведати: аще поеши два или более канонов, то ирмосы всегда поем только 1-го канона, а прочие ирмосы оставляются, чтутся токмо стихи, т.е. тропари с запевами. Катавасии вси припеваем каждого канона и по поклону полагаем, и после еще поем: Господи помилуй (трижды, с поклонами).
Если читаешь вместе два или три канона, к первым двум канонам говорятся к каждому тропарю свои запевы; Слава, и ныне не говорится, а говорится у последнего канона к последним тропарям. А когда читаешь один канон, то к предпоследнему: Слава Отцу и Сыну и Святому Духу; и к последнему: И ныне и присно и во веки веком, аминь.
Указ о седальнах по третьей песни. Егда поеши канон Спасу, Кресту и Богородице, особь по единому: после катавасии и Господи помилуй (трижды, с поклонами) Слава, и ныне: седален (или ипакой), единожды. Аще два седальна имать, то седален, единожды; Слава, и ныне; другии. Егда же два канона, Спасу (или Кресту) и Богородице, глаголи кондак и икос (младшего канона) Богородице. Слава: седален Спасу. И ныне: седален Богородице. Тако же и Богородице со святым (или ангелом).
Аще Спасу (или Кресту), Богородице, ангелом и святому: кондак и икос Богородице; кондак и икос ангелом; кондак и икос святому; седален Спасу; седален ангелом; Слава; седален святому, и ныне: седален Богородице. Аще ли святому единому: седален святому, единожды; Слава, и ныне: Богородичен (иже наряду).
По шестой песни глаголем токмо кондак и икос 1-го (старшего) канона.
По совершении же канонов, задостойник:
Владычице, приими молитву раб Своих и избави нас от всякия нужды и печали. Ты еси Богородице, Оружие наше и Стена, Ты еси Заступнице, и к Тебе прибегаем, Тя и ныне на молитву призываем, да избавиши ны от враг наших. Возвеличим Тя вси Пренепорочную Матерь Христа Бога нашего, Юже осени Дух Пресвятыи (поклон до земли).
Сей задостойник поется всегда, кроме великих (двунадесятых) праздников Христовых и Богородичных, ибо тогда, вместо сего задостойника, поется ирмос девятой песни праздничнаго канона (от дня праздника и до отдания его).
Посем: Трисвятое, и по Отче наш, Исусова молитва.
Указ о тропарех и кондаках, како глаголются по совершении канонов.
Аще канон един Спасу, глаголи: тропарь: Слава, и ныне: кондак. Аще ли Спасу и Богородице; тропарь Спасу и Богородице. Слава: кондак Спасу. И ныне: кондак Богородице. Такоже и Кресту с Богородицею. Аще ли Кресту и Богородице, по единому; глаголи, яко же и Спасу единому. Аще ли Спасу и святому; глаголи: тропарь Спасу и святому. Слава: кондак святому. И ныне: кондак Спасу. Тако же и Кресту (или Богородице) по единому со святым (или со ангелы). Аще Спасу (или Кресту), Богородице, ангелом и святому; глаголи: тропарь Спасу, Богородице, ангелом и святому. Таже, кондак Спасу, ангелом, Слава: святому, и ныне: Богородице. Аще святому (или ангелом) по единому; глаголи: тропарь, Слава: кондак, и ныне: Богородичен, по гласу тропаря от воскресных (ин устав: аще ли в храме Господском или Богородичном, то покрывай по кондаке святаго, и ныне: кондак храму).
Посем: Господи помилуй (40 раз, с тремя поклонами в начале). Слава Отцу и Сыну, и Святому Духу, и ныне, и присно, и во веки веком, аминь.
Честнейшую херувим и славнейшую воистину серафим, без истления Бога Слова рождьшую, сущую Богородицу Тя величаем (поклон).
Слава Отцу и Сыну, и Святому Духу (поклон), и ныне, и присно, и во веки веком, аминь (поклон). Господи помилуй (дважды), Господи благослови (поклон). И отпуст празднику или святому (отпусты помещены в конце каждого канона).
Подобает ведати: если прилучится пети канон праздником Господским и праздником Богородицы, и прочим святым великим и малым, тогда отпуст глаголем сице: первее поминаем праздник Владычний, Богородицы, архангелов и святых великих, потом и малых, и всех