Ко входуЯков Кротов. Богочеловвеческая историяПомощь
 

Воскресные стихиры на "Господи, воззвах"

Cр. всенощная.

Честным Твоим Крестом, Христе, диавола посрамил еси и Воскресением Твоим жало греховное притупил еси, и спасл еси ны от врат смертных: славим Тя, Единородне.

Велие чудо, невидимых Содетель, за человеколюбие плотию пострадав, воскресе Безсмертный. Приидите, отечествия язык, Тому поклонимся: благоутробием бо Его от прелести избавльшеся, в Триех Ипостасех Единаго Бога пета навыкохом.

Догматик

В Чермнем мори неискусобрачныя Невесты образ написася иногда. Тамо Моисей - разделитель воды: зде же Гавриил - служитель чудесе. Тогда глубину шествова немокренно Израиль; ныне же Христа роди безсеменно Дева. Море по прошествии Израилеве пребысть непроходно; Непорочная по рождестве Еммануилеве пребысть нетленна. Сый и прежде сый, явлейся яко человек, Боже, помилуй нас.

 
Ко входу в Библиотеку Якова Кротова