С поклоном мирянам: Простите и благословите, отцы и братие.
Вниду в дом Твой, поклонюся ко храму святому Твоему в страсе Твоем. Господи, настави мя правдою Твоею, враг моих ради исправи пред Тобою путь мой, яко несть во устех их истины, сердце их суетно, гроб отверст — гортань их, языки своими льщаху. Суди им, Боже, да отпадут от мыслей своих, по множеству нечестия их изрини я, яко преогорчиша Тя, Господи. И да возвеселятся вси уповающии на Тя, во веки возрадуются, и вселишися в них, и похвалятся о Тебе любящии имя Твое. Яко Ты благословиши праведника, Господи, яко оружием благоволения венчал еси нас.
Священник трижды кланяется святой трапезе, целуют Евангелие и трапезу, берут каждый стихарь, трижды кланяются к востоку, говоря про себя: "Боже, очисти мя, грешнаго, и помилуй мя".
Одевая подризник: Благословен Бог наш всегда: ныне, и присно, и во веки веков. Аминь. Возрадуется душа моя о Господе, облече бо мя в ризу спасения и одеждею веселия одея мя. Яко жениху возложи ми венец, и яко невесту украси мя красотою.
Епитрахиль: Благословен Бог, изливаяй благодать Свою на священники Своя, яко миро на главе, сходящее на браду, браду Аароню, сходящее на ометы одежды его.
Пояс: Благословен Бог, препоясуяй мя силою, и положи непорочен путь мой,
совершаяй нозе мои яко елени, и на высоких поставляяй мя.
Правый нарукавник: Десница Твоя, Господи, прославися в крепости, десная
Твоя рука, Господи, сокруши враги, и множеством славы Твоея стерл еси супостаты.
Левый нарукавник: Руце Твои сотвористе мя и создасте мя, вразуми мя, и научуся заповедем Твоим.
Фелонь: Священницы Твои, Господи, облекутся в правду, и преподобнии Твои радостию возрадуются всегда: ныне, и присно, и во веки веков. Аминь.