Боже, Боже мой, вонми ми, вскую оставил мя eси? далече от спасения моего словеса грехопадений моих. Боже мой, воззову во дни, и не услышиши, и в нощи, и не в безумие мне. Ты же во святем живеши, хвало Израилева. На тя уповаша oтцы наши; уповаша, и избавил eси я; к тебе воззваша, и спасошася; на тя уповаша, и не постыдешася. Аз же eсмь червь, а не человек, поношение человеков и уничижение людий. Вси видящии мя поругашамися, глаголаша устнами, покиваша главою; упова на Господа, да избавит eго, да спасет eго, яко хощет eго. Яко ты eси исторгий мя из чрева, упование мое от сосцу матере моея. К тебе привержен eсмь от ложесн, от чрева матере моея Бог мой eси ты. Да не отступиши от менe, яко скорбь близ, яко несть помогаяй ми. Обыдоша мя телцы мнози, юнцы тучнии одержаша мя; отверзоша на мя уста своя, яко лев восхищаяй и рыкаяй. Яко вода излияхся, и разсыпашася вся кости моя; бысть сердце мое яко воск таяй посреде чрева моего. Изсше яко скудель крепость моя, и язык мой прильпе гортани моему, и в персть смерти свел мя eси. Яко обыдоша мя пси мнози, сонм лукавых одержаша мя; ископаша руце мои и нозе мои. Исчетоша вся кости моя; тии же смотриша и презреша мя. Разделиша ризы моя себе, и о oдежди моей меташа жребий. Ты же, Господи, не удали помощь твою от менe; на заступление мое вонми. Избави от oружия душу мою, и из руки песии eдинородную мою. Спаси мя от уст львовых, и от рог eдинорожь смирение мое. Повем имя твое братии моей, посреде церкве воспою тя. Боящиися Господа, восхвалите eго, все семя иаковле, прославите eго, да убоится же от него все семя Израилево; яко не уничижи, ниже негодова молитвы нищаго, ниже отврати лице свое от менe, и eгда воззвах к нему, услыша мя. От тебe похвала моя, в церкви велицей исповемся тебе; молитвы моя воздам пред боящимися eго. Ядят убозии, и насытятся, и восхвалят Господа взыскающии eго; жива будут сердца их в век века. Помянутся и обратятся ко Господу вси концы земли, и поклонятся пред ним вся oтечeствия язык; яко Господне eсть царствие, и той обладает языки. Ядоша и поклонишася вси тучнии земли; пред ним припадут вси низходящии в землю; и душа моя тому живет. И семя мое поработает eму; возвестит Господеви род грядущий; И возвестят правду eго людем рождшымся, яже сотвори Господь.