К тебе, Господи, воззову, Боже мой; да не премолчиши о менe; да не когда премолчиши о менe, и уподоблюся низходящым в ров. Услыши, Господи, глас моления моего, внегда молитимися к тебе, внегда воздети ми руце мои ко храму святому твоему. Не привлецы мене со грешники, и с делающими неправду не погуби мене, глаголющими мир с ближними своими, злая же в сердцах своих. Даждь им, Господи, по делом их и по лукавству начинаний их, по делом руку их даждь им, воздаждь воздаяние их им. Яко не разумеша в дела Господня и в дела руку eго; разориши я и не созиждеши я. Благословен Господь, яко услыша глас моления моего. Господь помощник мой и защититель мой; на него упова сердце мое, и поможе ми, и процвете плоть моя; и волею моею исповемся eму. Господь утверждение людий своих и защититель спасений христа своего eсть. Спаси люди твоя, и благослови достояние твое, и упаси я, и вознеси я до века.