Принесите Господеви, сынове Божии, принесите Господеви сыны овни, принесите Господеви славу и честь; принесите Господеви славу имени eго; поклонитеся Господеви во дворе святем eго. Глас Господень на водах, Бог славы возгреме, Господь на водах многих. Глас Господень в крепости, глас Господень в великолепии. Глас Господа, сокрушающаго кедры; и стрыет Господь кедры ливанския, и истнит я яко телца ливанска; и возлюбленный яко сын eдинорожь. Глас Господа, пресецающаго пламень oгня. Глас Господа, стрясающаго пустыню; и стрясет Господь пустыню каддийскую. Глас Господень, свершающий eлeни, и открыет дубравы; и в храме eго всякий глаголет славу. Господь потоп населяет, и сядет Господь царь в век. Господь крепость людем своим даст, Господь благословит люди своя миром.