Блажени, ихже оставишася беззакония, и ихже прикрышася греси. Блажен муж, eмуже не вменит Господь греха, ниже eсть во устех eго лесть. Яко умолчах, обетшаша кости моя, от eже звати ми весь день, яко день и нощь отяготе на мне рука твоя; возвратихся на страсть, eгда унзе ми терн. Беззаконие мое познах и греха моего не покрых, рех; исповем на мя беззаконие мое Господеви; и ты оставил eси нечестие сердца моего. За то помолится к тебе всяк преподобный во время благопотребно; oбаче в потопе вод многих к нему не приближатся. Ты eси прибежище мое от скорби обдержащия мя; радосте моя, избави мя от обышедших мя. Вразумлю тя, и наставлю тя на путь сей, в oньже пойдеши; утвержу на тя oчи мои. Не будите яко конь и меск, имже несть разума; броздами и уздою чeлюсти их востягнеши, не приближающихся к тебе. Многи раны грешному; уповающаго же на Господа милость обыдет. Веселитеся о Господе и радуйтеся праведнии, и хвалитеся, вси правии сердцем.