Радуйтеся, праведнии, о Господе; правым подобает похвала. Исповедайтеся Господеви в гуслех, во псалтири десятоструннем пойте eму; воспойте eму песнь нову, добре пойте eму со восклицанием; яко право слово Господне, и вся дела eго в вере. Любит милостыню и суд Господь, милости Господни исполнь земля. Словом Господним небеса утвердишася, и дхом уст eго вся сила их; собираяй яко мех воды морския, полагаяй в сокровищих бездны. Да убоится Господа вся земля, от негоже да подвижутся вси живущии по вселенней; яко той рече, и быша; той повеле, и создашася. Господь разоряет советы языков, отметает же мысли людий и отметает советы князей. Совет же Господень во век пребывает, помышлeния сердца eго в род и род. Блажен язык, eмуже eсть Господь Бог eго, людие, яже избра в наследие себе. С небесе призре Господь, виде вся сыны человечeския; от готоваго жилища своего призре на вся живущыя на земли; создавый на eдине сердца их, разумеваяй на вся дела их. Не спасается царь многою силою, и исполин не спасется множеством крепости своея. Ложь конь во спасение, во множестве же силы своея не спасется. Се, oчи Господни на боящыяся eго, уповающыя на милость eго; избавити от смерти душы их, и препитати я в глад. Душа же наша чает Господа, яко помощник и защититель наш eсть; яко о нем возвеселится сердце наше, и во имя святое eго уповахом. Буди, Господи, милость твоя на нас, якоже уповахом на тя.