Боже, отринул ны eси и низложил eси нас, разгневался eси и ущедрил eси нас. Стрясл eси землю и смутил eси ю; исцели сокрушение eя, яко подвижеся. Показал eси людем твоим жестокая; напоил eси нас вином умиления. Дал eси боящымся тебe знамение, eже убежати от лица лука. Яко да избавятся возлюбленнии твои, спаси десницею твоею и услыши мя. Бог возгла во святем своем; возрадуюся, и разделю сикиму, и юдоль жилищ размерю. Мой eсть галаад, и мой eсть манассий, eфрем крепость главы моея, иуда царь мой. Моав коноб упования моего; на идумею простру сапог мой; мне иноплемeнницы покоришася. Кто введет мя во град ограждения? или кто наставит мя до идумеи? Не ты ли, Боже, отринувый нас? и не изыдеши, Боже, в силах наших? Даждь нам помощь от скорби; и суетно спасение человеческо. О Бозе сотворим силу; и той уничижит стужающыя нам.