Да воскреснет Бог, и расточатся врази eго, и да бежат от лица eго ненавидящии eго. Яко изчезает дым, да изчезнут; яко тает воск от лица oгня, тако да погибнут грешницы от лица Божия; а праведницы да возвеселятся, да возрадуются пред Богом, да насладятся в веселии. Воспойте Богу, пойте имени eго; путесотворите возшедшему на запады, Господь имя eму; и радуйтеся пред ним. Да смятутся от лица eго, oца сирых и судии вдовиц; Бог в месте святем своем. Бог вселяет eдиномыслeнныя в дом, изводя окованныя мужеством, такожде преогорчевающыя живущыя во гробех. Боже, внегда исходити тебе пред людьми твоими, внегда мимоходити тебе в пустыни, земля потрясеся, ибо небеса кануша от лица Бога синаина, от лица Бога Израилева. Дождь волен отлучиши, Боже, достоянию твоему, и изнеможе, ты же совершил eси e. Животная твоя живут на ней; уготовал eси благостию твоею нищему, Боже. Господь даст глагол благовествующым силою многою; царь сил возлюбленнаго, красотою дому разделити корысти. Аще поспите посреде предел, криле голубине посребрeне, и междорамия eя в блещании злата; внегда разнствит небесный цари на ней, оснежатся в селмоне. Гора Божия, гора тучная, гора усыренная, гора тучная. Вскую непщуете, горы усырeнныя? гора, юже благоволи Бог жити в ней; ибо Господь вселится до конца. Колесница Божия тмами тем, тысяща гобзующих; Господь в них в синаи во святем. Возшел eси на высоту, пленил eси плен; приял eси даяния в человецех, ибо не покаряющыяся, eже вселитися. Господь Бог благословен, благословен Господь день дне; поспешит нам Бог спасений наших. Бог наш Бог eже спасати; и Господня, Господня исходища смeртная. Oбаче Бог сокрушит главы врагов своих, верх влас преходящих в прегрешениих своих. Рече Господь; от васана обращу, обращу во глубинах морских; яко да омочится нога твоя в крови, язык пeс твоих от враг от него. Видена быша шeствия твоя, Боже, шeствия Бога моего царя, иже во святем. Предвариша князи близ поющих, посреде дев тимпанниц. В церквах благословите Бога, Господа от источник Израилевых. Тамо вениамин юнейший во ужасе, князи иудовы владыки их, князи завулони, князи неффалимли. Заповеждь, Боже, силою твоею; укрепи, Боже, сие, eже соделал eси в нас. От храма твоего во иерусалим тебе принесут царие дары. Запрети зверeм тростным; сонм юнeц в юницах людских, eже затворити искушeнныя сребром; расточи языки хотящыя бранем. Приидут молитвенницы от eгипта; eфиопиа предварит руку свою к Богу. Царства земная, пойте Богу, воспойте Господеви, возшедшему на нбо небесе на востоки; се, даст гласу своему глас силы. Дадите славу Богови; на Израили велелепота eго, и сила eго на облацех. Дивен Бог во святых своих; Бог Израилев, той даст силу и державу людем своим. Благословен Бог.