Вскую, Боже, отринул eси до конца? разгневася ярость твоя на oвцы пажити твоея? Помяни сонм твой, eгоже стяжал eси исперва, избавил eси жезлом достояния твоего, гора Сион сия, в нейже вселился eси. Воздвигни руце твои на гордыни их в конец, eлика лукавнова враг во святем твоем. И восхвалишася ненавидящии тя посреде праздника твоего; положиша знамeния своя знамeния, и не познаша. яко во исходе превыше; яко в дубраве древяне секирами разсекоша двeри eго вкупе, сечивом и oскордом разрушиша и. Возжгоша oгнем святило твое; на земли оскверниша жилище имене твоего. Реша в сердцы своем южики их вкупе; приидите, и отставим вся праздники Божия от земли. Знамeния их не видехом; несть ктому пррока, и нас не познает ктому. Доколе, Боже, поносит враг? раздражит противный имя твое до конца? Вскую отвращаеши руку твою и десницу твою от среды недра твоего в конец? Бог же, царь наш, прежде века содела спасение посреде земли. Ты утвердил eси силою твоею море; ты стерл eси главы змиeв в воде; ты сокрушил eси главу змиеву, дал eси того брашно людем eфиопским. Ты расторгл eси источники и потоки; ты изсушил eси реки ифамския. Твой eсть день, и твоя eсть нощь; ты совершил eси зарю и солнце. Ты сотворил eси вся пределы земли; жатву и весну ты создал eси я. Помяни сия; враг поноси Господеви, и людие безумнии раздражиша имя твое. Не предаждь зверeм душу исповедающуюся тебе; душ убогих твоих не забуди до конца. Призри на завет твой; яко исполнишася помраченнии земли домов беззаконий. Да не возвратится смиренный посрамлен; нищ и убог восхвалита имя твое. Востани, Боже, суди прю твою; помяни поношение твое, eже от безумнаго весь день. Не забуди гласа молитвeнник твоих; гордыня ненавидящих тя взыде выну.