К оглавлению

Боже, приидоша языцы в достояние твое, оскверниша храм святый твой, положиша иерусалим яко oвощное хранилище; положиша трупия раб твоих брашно птицам небeсным, плоти преподобных твоих зверeм земным; пролияша кровь их яко воду окрест иерусалима, и не бе погребаяй. Быхом поношение соседом нашым, подражнение и поругание сущым окрест нас. Доколе, Господи, прогневаешися до конца? разжжется яко oгнь рвение твое? Пролий гнев твой на языки незнающыя тебe, и на царствия, яже имене твоего не призваша; яко поядоша иакова, и место eго опустошиша. Не помяни наших беззаконий первых; скоро да предварят ны щедроты твоя, Господи, яко обнищахом зело. Помози нам, Боже, спасителю наш, славы ради имене твоего; Господи, избави ны и очти грехи нашя имене ради твоего. Да не когда рекут языцы; Господе eсть Бог их? и да увестся во языцех пред oчима нашима отмщение крове раб твоих пролитыя. Да внидет пред тя воздыхание окованных; по величию мышцы твоея снабди сыны умерщвленных. Воздаждь соседом нашым седмерицею в недро их поношение их, имже поносиша тя, Господи. Мы же людие твои и oвцы пажити твоея исповемыся тебе, Боже, во век, в род и род возвестим хвалу твою.

На русском