Радуйтеся Богу помощнику нашему, воскликните Богу иаковлю; приимите псалом и дадите тимпан, псалтирь красен с гусльми; вострубите в новомчии трубою, во благознаменитый день праздника вашего; яко повеление Израилеви eсть, и судба Богу иаковлю. Свидение во иосифе положи e, внегда изыти eму от земли eгипетския; языка, eгоже не ведяше, услыша. Отят от бремене хребет eго; руце eго в коши поработасте. В скорби призвал мя eси, и избавих тя; услышах тя в тайне бурне; искусих тя на воде пререкания. Слышите, людие мои, и засвидетелствую вам, Израилю, аще послушаеши менe; не будет тебе бог нов, ниже поклонишися богу чуждему. Аз бо eсмь Господь Бог твой, изведый тя от земли eгипетския; разшири уста твоя, и исполню я. И не послушаша людие мои гласа моего, и Израиль не внят ми; и отпустих я по начинаниeм сердец их, пойдут в начинаниих своих. Аще быша людие мои послушали менe, Израиль аще бы в пути моя ходил; ни о чесомже убо враги eго смирил бых, и на оскорбляющыя их возложил бых руку мою. Врази Господни солгаша eму, и будет время их в век; и напита их от тука пшенична, и от камене меда насыти их.