Благо eсть исповедатися Господеви и пети имени твоему, вышний; возвещати заутра милость твою и истину твою на всяку нощь, в десятоструннем псалтири с песнию в гуслех. Яко возвеселил мя eси, Господи, в творении твоем, и в делех руку твоeю возрадуюся. Яко возвеличишася дела твоя, Господи; зело углубишася помышлeния твоя. Муж безумен не познает, и неразумив не разумеет сих. Внегда прозябоща грешницы яко трава, и проникоша вси делающии беззаконие, яко да потребятся в век века; ты же вышний во век, Господи. Яко се, врази твои, Господи, яко се, врази твои погибнут, и разыдутся вси делающии беззаконие. И вознесется яко eдинорога рог мой, и старость моя в eлеи мастите; и воззре oко мое на враги моя, и востающыя на мя лукавнующыя услышит ухо мое. Праведник яко финиx процветет; яко кедр, иже в ливане, умножится. Насаждени в дому Господни во дворех Бога нашего процветут; eще умножатся в старости мастите, и благоприемлюще будут. Да возвестят, яко прав Господь Бог наш, и несть неправды в нем.