К оглавлению

Воспойте Господеви песнь нову, яко дивна сотвори Господь; спасе eго десница eго и мышца святая eго. Сказа Господь спасение свое, пред языки откры правду свою. Помяну милость свою иакову и истину свою дому Израилеву; видеша вси концы земли спасение Бога нашего. Воскликните Богови, вся земля, воспойте и радуйтеся и пойте. Пойте Господеви в гуслех, в гуслех и гласе псаломсте, в трубах кованых и гласом трубы рожаны; вострубите пред царем Господем. Да подвижится море и исполнение eго, вселенная и вси живущии на ней. Реки восплещут рукою вкупе, горы возрадуются от лица Господня, яко грядет, яко идет судити земли; судити вселенней в правду, и людем правостию.

На русском