К оглавлению

Господь воцарися, да гневаются людие; седяй на херувимех, да подвижится земля. Господь в Сионе велик, и высок eсть над всеми людьми. Да исповедятся имени твоему великому, яко страшно и свято eсть. И честь царева суд любит; ты уготовал eси правоты, суд и правду во иакове ты сотворил eси. Возносите Господа Бога нашего и покланяйтеся подножию ногу eго, яко свято eсть. Моисей и аарон во иереех eго, и самуил в призывающих имя eго; призываху Господа, и той послушаше их. В столпе облачне глаше к ним; яко храняху свидения eго и повеления eго, яже даде им. Господи Боже наш, ты послушал eси их; Боже, ты милостив бывал eси им, и мщая на вся начинания их. Возносите Господа Бога нашего и покланяйтеся в горе святей eго; яко свят Господь Бог наш.

На русском