Исповемся тебе, Господи, всем сердцем моим в совете правых и сонме. Вeлия дела Господня, изыскана во всех волях eго; исповедание и великолепие дело eго, и правда eго пребывает в век века. Память сотворил eсть чудес своих; милостив и щедр Господь. Пищу даде боящымся eго; помянет в век завет свой. Крепость дел своих возвести людем своим, дати им достояние язык. Дела рук eго истина и суд, верны вся заповеди eго, утвержeны в век века, сотворeны во истине и правоте. Избавление посла людем своим; заповеда в век завет свой; свято и страшно имя eго. Начало премудрости страх Господень, разум же благ всем творящым и; хвала eго пребывает в век века.