Во исходе Израилеве от eгипта, дому иаковля из людий варвар, бысть иудеа святыня eго, Израиль область eго. Море виде и побеже, иoрдан возвратися вспять; горы взыграшася яко oвни, и холми яко агнцы oвчии. Что ти eсть, море, яко побегло eси, и тебе, иoрдане, яко возвратился eси вспять? горы, яко взыграстеся яко oвни, и холми яко агнцы oвчии? От лица Господня подвижеся земля, от лица Бога иаковля; обращшаго камень во eзера водная и несекомый во источники водныя. Не нам, Господи, не нам, но имени твоему даждь славу о милости твоей и истине твоей; да не когда рекут языцы; Господе eсть Бог их? Бог же наш на небеси и на земли, вся eлика восхоте, сотвори. идоли язык сребро и злато, дела рук человеческих; уста имут, и не возглаголют; oчи имут, и не узрят; ушы имут, и не услышат; ноздри имут, и не обоняют; руце имут, и не осяжут; нозе имут, и не пойдут; не возгласят гортанем своим. Подобни им да будут творящии я и вси надеющиися на ня. Дом Израилев упова на Господа; помощник и защититель им eсть. Дом ааронь упова на Господа; помощник и защититель им eсть. Боящиися Господа уповаша на Господа; помощник и защититель им eсть. Господь помянув ны благословил eсть нас; благословил eсть дом Израилев, благословил eсть дом ааронь, благословил eсть боящыяся Господа, малыя с великими. Да приложит Господь на вы, на вы и на сыны вашя; благословени вы Господеви, сотворшему нбо и землю. Нбо небесе Господеви, землю же даде сыновом человечeским. Не мертвии восхвалят тя, Господи, ниже вси низходящии во ад; но мы живии благословим Господа отнне и до века.