Исповедайтеся Господеви, яко благ, яко в век милость eго. Да речет убо дом Израилев; яко благ, яко в век милость eго. Да речет убо дом ааронь; яко благ, яко в век милость eго. Да рекут убо вси боящиися Господа; яко благ, яко в век милость eго. От скорби призвах Господа, и услыша мя в пространство. Господь мне помощник, и не убоюся; что сотворит мне человек? Господь мне помощник, и аз воззрю на враги моя. Благо eсть надеятися на Господа, нежели надеятися на человека; благо eсть уповати на Господа, нежели уповати на князи. Вси языцы обыдоша мя, и именем Господним противляхся им; обышедше обыдоша мя, и именем Господним противляхся им; обыдоша мя яко пчелы сот, и разгорешася яко oгнь в тернии; и именем Господним противляхся им. Отриновен превратихся пасти, и Господь прият мя. Крепость моя и пение мое Господь, и бысть ми во спасение. Глас радости и спасения в селениих праведных; десница Господня сотвори силу. Десница Господня вознесе мя, десница Господня сотвори силу. Не умру, но жив буду и повем дела Господня. Наказуя наказа мя Господь, смерти же не предаде мя. Отверзите мне врата правды; вшед в ня, исповемся Господеви. Сия врата Господня; праведнии внидут в ня. Исповемся тебе, яко услышал мя eси и был eси мне во спасение. Камень, eгоже небрегоша зиждущии, сей бысть во главу угла; от Господа бысть сей, и eсть дивен во oчесех наших. Сей день, eгоже сотвори Господь, возрадуемся и возвеселимся в oнь. О, Господи, спаси же, О Господи, поспеши же. Благословен грядый во имя Господне; благословихом вы из дому Господня. Бог Господь, и явися нам; составите праздник во учащающих до рог oлтаревых. Бог мой eси ты, и исповемся тебе; Бог мой eси ты, и вознесу тя; исповемся тебе, яко услышал мя eси и был eси мне во спасение. Исповедайтеся Господеви, яко благ, яко в век милость eго.