К оглавлению

Благословен Господь Бог мой, научаяй руце мои на ополчение, персты моя на брань. Милость моя и прибежище мое, заступник мой и избавитель мой, защититель мой, и на него уповах; повинуяй люди моя под мя. Господи, что eсть человек, яко познался eси eму? или сын человечь, яко вменяеши eго? Человек суете уподобися; дние eго яко сень преходят. Господи, преклони небеса, и сниди; коснися горам, и воздымятся; блесни молнию, и разженеши я; посли стрелы твоя, и смятеши я. Посли руку твою с высоты, изми мя и избави мя от вод многих, из руки сынов чуждих, ихже уста глаголаша суету, и десница их десница неправды. Боже, песнь нову воспою тебе, во псалтири десятоструннем пою тебе; дающему спасение царeм, избавляющему Давида раба своего от меча люта. Избави мя и изми мя из руки сынов чуждих, ихже уста глаголаша суету, и десница их десница неправды; ихже сынове их яко новосаждeния водружeная в юности своей, дщeри их удобрeны, преукрашeны яко подобие храма; хранилища их исполнeна, отрыгающая от сего в сие; oвцы их многоплодны, множащыяся во исходищих своих; волове их толсти; несть падения оплоту, ниже прохода, ниже вопля в стогнах их. Ублажиша люди, имже сия суть; блажени людие, имже Господь Бог их.

На русском