Мал бех в братии моей и юнший в дому oтца моего; пасох oвцы oтца моего. Руце мои сотвористе oрган, и персты мои составиша псалтирь. И кто возвестит Господеви моему? Сам Господь, сам услышит; сам посла ангела своего, и взят мя от oвец oтца моего, и помаза мя eлеем помазания своего. Братия моя добри и велицы; и не благоволи в них Господь. Изыдох в сретение иноплеменнику, и проклят мя идолы своими. Аз же исторгнув меч от него, обезглавих eго и отъях поношение от сынов Израилевых.