Блажен муж, иже не иде на совет нечестивых, и на пути грешных не ста, и на седалищи губителей не седе; но в законе Господни воля eго, и в законе eго поучится день и нощь. И будет яко древо насажденое при исходищих вод, eже плод свой даст во время свое, и лист eго не отпадет; и вся, eлика аще творит, успеет. Не тако нечестивии, не тако; но яко прах, eгоже возметает ветр от лица земли. Сего ради не воскреснут нечестивии на суд, ниже грешницы в совет праведных. Яко весть Господь путь праведных, и путь нечестивых погибнет.
Вскую шаташася языцы, и людие поучишася тщeтным? Предсташа царие земстии, и князи собрашася вкупе на Господа и на христа eго. Расторгнем узы их и отвержем от нас иго их. Живый на небесех посмеется им, и Господь поругается им. Тогда возглет к ним гневом своим и яростию своею смятет я; аз же поставлен eсмь царь от него над Сионом, горою святою eго, возвещаяй повеление Господне. Господь рече ко мне; сын мой eси ты, аз днесь родих тя; проси от менe, и дам ти языки достояние твое, и одержание твое концы земли; упасеши я жезлом железным, яко сосуды скудeльничи сокрушиши я. И ныне, царие, разумейте, накажитеся вси судящии земли. Работайте Господеви со страхом, и радуйтеся eму со трепетом. Приимите наказание, да не когда прогневается Господь, и погибнете от пути праведнаго, eгда возгорится вскоре ярость eго; блажени вси надеющиися нань.
Господи, что ся умножиша стужающии ми! мнози востают на мя; мнози глаголют души моей: несть спасения ему в Бозе его. Ты же. Господи, заступник мой еси, слава моя и возносяй главу мою. Гласом моим ко Господу воззвах, и услыша мя от горы святыя Своея. Аз уснух и спах, востах, яко Господь заступит мя. Не убоюся от тем людей, окрест нападающих на мя. Воскресни, Господи, спаси мя, Боже мой, яко Ты поразил еси вся враждующия ми всуе; зубы грешников сокрушил еси. Господне есть спасение, и на людех Твоих благословение Твое. Аз уснух и спах, востах, яко Господь заступит мя.
Слава чтец - хор: и ныне - 3жды Аллилуя - Слава; чтец: и ныне Малая ектенья, Яко твоя держава
Внегда призвати ми, услыша мя Бог правды моея; в скорби распространил мя eси; ущедри мя и услыши молитву мою. Сынове человечестии, доколе тяжкосердии? вскую любите суету и ищете лжи? И уведите, яко удиви Господь преподобнаго своего. Господь услышит мя, внегда воззвати ми к нему. Гневайтеся, и не согрешайте, яже глаголете в сердцах ваших, на ложах ваших умилитеся; пожрите жертву правды и уповайте на Господа. Мнози глаголют; кто явит нам благая? знаменася на нас свет лица твоего, Господи. Дал eси веселие в сердцы моем; от плода пшеницы, вина и eлеа своего умножишася; в мире вкупе усну и почию, яко ты, Господи, eдинаго на уповании вселил мя eси.
Глаголы моя внуши, Господи, разумей звание мое. Вонми гласу моления моего, Царю мой и Боже мой, яко к Тебе помолюся, Господи. Заутра услыши глас мой, заутра предстану Ти, и узриши мя. Яко Бог не хотяй беззакония Ты еси: не приселится к Тебе лукавнуяй, ниже пребудут беззаконницы пред очима Твоима: возненавидел еси вся делающия беззаконие. Погубиши вся глаголющия лжу: мужа кровей и льстива гнушается Господь. Аз же множеством милости Твоея вниду в дом Твой, поклонюся ко храму святому Твоему в страсе Твоем. Господи, настави мя правдою Твоею, враг моих ради исправи пред Тобою путь мой. Яко несть во устех их истины, сердце их суетно, гроб отверст гортань их: языки своими льщаху. Суди им, Боже, да отпадут от мыслей своих, по множеству нечестия их изрини я, яко преогорчиша Тя, Господи. И да возвеселятся вси уповающие на Тя, во век возрадуются, и вселишися в них, и похвалятся о Тебе любящие Имя Твое. Яко Ты благословиши праведника, Господи, яко оружием благословения венчал еси нас.
Господи, да не яростию твоею обличиши мене, ниже гневом твоим накажеши мене. Помилуй мя, Господи, яко немощен eсмь; изцели мя, Господи, яко смятошася кости моя, и душа моя смятеся зело; и ты, Господи, доколе? Обратися, Господи, избави душу мою, спаси мя ради млти твоея; яко несть в смерти поминаяй тебе, во аде же кто исповестся тебе? Утрудихся воздыханием моим, измыю на всяку нощь ложе мое, слезами моими постелю мою омочу. Смятеся от ярости oко мое, обетшах во всех вразех моих. Отступите от менe, вси делающии беззаконие, яко услыша Господь глас плача моего, услыша Господь моление мое, Господь молитву мою прият. Да постыдятся и смятутся вси врази мои, да возвратятся и устыдятся зело вскоре.
Слава чтец - хор: и ныне - 3жды Аллилуя - Слава; чтец: и ныне Малая ектенья, Яко благ и человеколюбец Бог еси, и Тебе славу возсылаем
Господи Боже мой, на тя уповах, спаси мя от всех гонящих мя и избави мя; да не когда похитит яко лев душу мою, не сущу избавляющу, ниже спасающу. Господи Боже мой, аще сотворих сие, аще eсть неправда в руку моeю, аще воздах воздающым ми зла, да отпаду убо от враг моих тощ; да поженет убо враг душу мою, и да постигнет, и поперет в землю живот мой, и славу мою в персть вселит. Воскресни, Господи, гневом твоим, вознесися в концах враг твоих, и востани, Господи Боже мой, повелением, имже заповедал eси, и сонм людий обыдет тя; и о том на высоту обратися. Господь судит людем; суди ми, Господи, по правде моей и по незлобе моей на мя. Да скончается злоба грешных, и исправиши праведнаго, испытаяй сердца и утробы, Боже, праведно. Помощь моя от Бога, спасающаго правыя сердцем. Бог судитель праведн, и крепок, и долготерпелив, и не гнев наводяй на всяк день. Аще не обратитеся, oружие свое очистит, лук свой напряже, и уготова и, и в нем уготова сосуды смeртныя, стрелы своя сгараeмым содела. Се, боле неправдою, зачат болезнь и роди беззаконие; ров изры и ископа и, и падет в яму, юже содела. Обратится болезнь eго на главу eго, и на верх eго неправда eго снидет. Исповемся Господеви по правде eго и пою имени Господа вышняго.
Господи Господь наш, яко чудно имя твое по всей земли, яко взятся великолепие твое превыше небес. Из уст младенeц и ссущих совершил eси хвалу, враг твоих ради, eже разрушити врага и местника. Яко узрю небеса, дела пeрст твоих, луну и звезды, яже ты основал eси; что eсть человек, яко помниши eго? или сын человечь, яко посещаеши eго? Умалил eси eго малым чим от ангел, славою и честию венчал eси eго; и поставил eси eго над делы руку твоeю, вся покорил eси под нозе eго; oвцы и волы вся, eще же и скоты польския, птицы небeсныя и рыбы морския, преходящыя стeзи морския. Господи Господь наш, яко чудно имя твое по всей земли.
Слава чтец - хор: и ныне - 3жды Аллилуя - Слава; чтец: и ныне Малая ектенья, ЯкоТы еси Бог наш, и Тебе славу возсылаем