Cм. Служебник.
ОТПУСТЫ
ОТПУСТЫ ПРАЗДНИЧНЫЕ
В ЛИТУРГИЮ ПО ЧИНУ
На Рождество Христово:
Иже в вертепе родивыйся, и в яслех возлегий, нашего ради спасения, Христос истинный Бог наш, молитвами пречистыя своея Матере: иже во святых отца нашего Иоанна, архиепископа Константиня града, Златоустаго: и всех святых, помилует и спасет нас, яко благ и человеколюбец.
На Обрезание:
Иже во осмый день плотию обре- [140] затися изволивый, нашего ради спасения, Христос истинный:
На Богоявление:
Иже во Иордане креститися изволивый от Иоанна, нашего ради спасения, Христос истинный:
На Сретение:
Иже во объятиях праведнаго Симеона носитися изволивый, нашего ради спасения, Христос истинный:
На Преображение:
Иже на горе Фаворстей преобразивый во славе пред святыми своими ученики и апостолы, Христос истинный:
В неделю Ваий:
Иже на жребяти осли сести изволивый, нашего ради спасения, Христос истинный: [141]
В неделю Пасхи и во всю светлую седмицу:
Христос воскресый из мертвых, смертию смерть поправый и сущым во гробех живот даровавый, истинный Бог наш:
На Вознесение:
Иже во славе вознесыйся от нас на небо, и одесную седый Бога и Отца, Христос истинный:
В неделю Пятьдесятную:
Иже в видении огненных язык с небесе низпославый пресвятаго Духа на святыя своя ученики и апостолы, Христос истинный:
Аще праздник Богородицы, рождества ея, или успения, и прочих, глаголется сице:
Христос истинный Бог наш, молитвами пречистыя своея Матере: [142] иже во святых отца нашего Иоанна, архиепископа Константиня града, Златоустаго: и всех святых, помилует и спасет нас, яко благ и человеколюбец.
Аще же святаго:
Христос истинный Бог наш, молитвами пречистыя своея Матере, и святаго апостола, или святителя, или мученика, имя рек, и прочее до конца.
Сии краткие отпусты владычних праздников бывают токмо в сии самые праздники и отдания их: в попразднества же праздников, до дня отдания, бывают отпусты полные, токмо в среды и пятки не говорится: Силою честнаго и животворящаго Креста, прочее все по обычаю. [143]