К оглавлению - Триодь цветная.

В четверг 5-й седмицы по Пасхе


В среду пятыя седмицы по Пасце вечера,

на Господи воззвах: поставим стихов 6, и поем стихиры о самаряныне. Глас 4.
Подобен: З
ванный свыше:

На кладязе Христос самаряныню обрет, проси воду пити от нея, жаждай сея исправления и спасения, еже и уразумеся делы исполняемое. Сию бо влекущую питие, пития Сам извлекает, и пития исполняет живущаго, согражданом возвещающую: се древле в законе реченный Мессиа Христос, явися яко Человек, мыслей сокровенных открывая неизреченная.

Се Мессиа Христос, сущим во граде, на земли явися, самаряныня глаголет: написанный приити, иже содеянная мною сказа, и яже во глубине сердца моего сокровенная, вся мне рече, яко соверших. Темже град стекшийся видит словеса ея, по всему истинствующая, и вещи удивляется, и уверяется видению.

Тебе в шестый час, яко Владыку иногда в раи ходяща Бога, праматерняя виде дщи паки, в час шестый тако седяща, идеже источник воды, и кладенец ископася, и от нея просяща пити, яко да водою сию напоиши жизни нетления, еже и содеяся: Твоея бо живоносныя воды, она изобильно напившися, и во граде проповеда водное богатство.

И Минеи, 3.

Слава, и ныне: глас 1:

На источник пришел еси, источниче чудес, в шестый час, Евин уловити плод: Ева бо в той изыде из рая, прелестию змиевою. Приближи бо ся самаряныня почерпсти воду, юже видев рече Спас: даждь Ми воду пити, и Аз воды текущия насыщу тя. И во град текши целомудренная, народом возвести абие: приидите видите Христа Господа, Спаса душ наших.

На стиховне стихиры Осмогласника, глас 4:

Врата адова сокрушил еси Господи, и Твоею смертию смертное царство разрушил еси: род же человеческий от истления свободил еси, живот и нетление миру даровав, и велию милость.

Стих: К Тебе возведох очи мои:

Апостольский лик, Духом Святым просветил еси Христе, и нашу скверну греховную теми отмый Боже, и помилуй нас.

Стих: Помилуй нас Господи, помилуй нас:

Мученичен: Имуще дерзновение ко Спасу святии, молитеся непрестанно за ны грешныя, оставление прегрешений просяще, и душам нашим велию милость.

Слава, и ныне: глас 2:

На студенец яко прииде Господь, самаряныня моляше Благоутробнаго: подаждь ми воду веры, и прииму купельныя воды, радование и избавление. Животодавче Господи, слава Тебе.

Тропарь: Светлую Воскресения:

В четверток 5 седмицы по Пасце, на Утрени,

по 1-м стихословии, седален, глас 4.
Подобен: В
ознесыйся на Крест:

Распныйся нас ради волею, и вменен быв в мертвых Животодавче, и воскрес тридневно Христе Боже наш, сокрушил еси силою Твоею смерти державу, всех востанием Твоим сущих во аде ожививый. И воспевающе чтем Твое востание вси, безсмертне Господи.

Стих: Во всю землю изыде вещание их:

Подобен: Скоро предвари:

Светила в концех ученики Твоя, Спасе, показал еси сияюща Твоим проповеданием, просвещающия души наша: прелесть идольскую теми омрачив, ученьми благочестия просветивый мир. Тех молитвами спаси души наша.

Стих: Дивен Бог во святых Своих:

Мученичен: Крестом вооружившеся страстотерпцы Твои, победиша козни злоначальнаго врага, Христе Боже наш: возсияша яко светила, человеки наставляюще, подают исцеления верою просящим. Тех молитвами спаси души наша.

Слава, и ныне: Крестобогородичен:

Дево Пренепорочная, Преблагаго Бога рождшая, со апостолы Того непрестанно моли, оставление прегрешений, и исправление жития подати нам, прежде конца, верою и любовию воспевающим Тя по долгу, едина Всепетая.

По 2-м стихословии седален, глас 6.
Подобен: У
пование миру:

Яко верней самаряныне Господи, Божества Твоего источник отверзл еси, и излиял еси богоразумие на ню, напояя питием богоприятным: и ныне всем нам низпосли прегрешений очищение Преблагий. [Дважды.]

Воскресение Христово видевше: псалом 50.

Канон самаряныни, со ирмосы на 8: и Минеи на 4. Кондак, и икос самаряныни, и ексапостиларий, дважды.

На хвалитех поставим стихи 4. И поем стихиры Осмогласника, глас 4:

Отеческих Твоих недр не разлучився, Единородный Слове Божий, пришел еси на землю за человеколюбие, Человек быв непреложен, и Крест и смерть претерпел еси плотию, безстрастный Божеством: воскрес же из мертвых, безсмертие подал еси роду человеческому, яко един Всесилен. [Дважды.]

Некнижныя ученики Дух Твой Святый наказатели яви Христе Боже, и многовещанным сличием языков прелесть упраздни, яко Всесилен.

Мученичен:

Како вашим подвигом не удивимся святии мученицы, яко телом мертвенным обложени, безплотныя враги победисте? Не устрашиша вас мучительская прещения, ни ужасиша вас мук приложения, воистинну достойно от Христа прославистеся. Непрестанно молитеся спастися душам нашим.

Слава, и ныне: глас 2:

Собезначальный и соприсносущный Сын и Слово Отчее, на источник прииде, источник исцелений, и жена от Самарии прииде почерпсти воду, юже видев рече Спас: даждь Ми воду пити, и шедши пригласи твоего мужа. Она же яко Человеку глаголющи, а не Богу, утаити тщашеся, глаголаше: не имам мужа. И Учитель к ней: истину рекла еси, не имам мужа: пять бо имела еси, и ныне егоже имаши, несть твой муж. Она же о глаголе удивившися, и во град текши, народом вопияше, глаголющи: приидите видите Христа, Иже дарует мирови велию милость.

На стиховне самаряныни, Глас 4.
Подобен: Я
ко добля:

Ты источник благости сый и пучина, жизни же хранитель, едине Благоутробне, како жене самаряныне беседуя возгласил еси: даждь Ми воду пити, яко да приимеши оставление: воспеваем Твое многое благоутробие, имже спасаеши человеческий весь род, за многую благость.

Стих: Наляцы, и успевай, и царствуй, истины ради, и кротости, и правды.

Приидите видите Человека, Иже рече ми днесь на источнице седяй, что сотворих: Пророк бо истиннеший есть и превеликий, сокровенная и явленная ведый вся. Но даруй воду живу, юже подаеши жаждущим, да не вжажду паки во веки, Человеколюбче.

Стих: Возлюбил еси правду, и возненавидел еси беззаконие.

Источник приснотекущий, животе безсмертне, струя неистощаемая же и нетленная, путешествовав седяше близ кладязя, Своя ученики послав по брашно, беседоваше жене черплющей, сию хотя уловити, и просветити души ея очи.

Слава, и ныне: глас 3:

Да радуется днесь светло небо и земля, яко Христос явися воплощаемь яко Человек, да Адама измет от клятвы всеродна, и удивляется чудесы в Самарию пришед: жене же беседоваше воды прося, Иже облаки водами одеваяй. Темже вси вернии поклонимся, нас ради волею Обнищавшему, благоутробным советом.

На Литургии

Апостол Деяний, зачало 35. [Деян. 14, 20–27.]

Во дни оны, изыде Павел с Варнавою в Дервию.

Во дни оны, удалился Павел с Варнавою в Дервию.

Благовествоваста же граду тому и научиста многи, возвратистася в Листру, и Иконию, и Антиохию:

Проповедав Евангелие сему городу и приобретя довольно учеников, они обратно проходили Листру, Иконию и Антиохию,

утверждающе души учеников, моляще пребыти в вере, и яко многими скорбьми подобает нам внити в Царствие Божие.

утверждая души учеников, увещевая пребывать в вере и поучая, что многими скорбями надлежит нам войти в Царствие Божие.

Рукоположше же им пресвитеры на вся церкви, и помолившеся с постом, предаста их Господеви, в Негоже вероваша.

Рукоположив же им пресвитеров к каждой церкви, они помолились с постом и предали их Господу, в Которого уверовали.

И прошедша Писидию, приидоста в Памфилию:

Потом, пройдя через Писидию, пришли в Памфилию,

и глаголавша в Пергии слово Господне, снидоста во Атталию.

и, проповедав слово Господне в Пергии, сошли в Атталию;

И оттуду отплыста во Антиохию, отнюдуже беста предана благодати Божией в дело, еже скончаста.

а оттуда отплыли в Антиохию, откуда были преданы благодати Божией на дело, которое и исполнили.

Пришедша же и собравша церковь, сказаста елика сотвори Бог с нима, и яко отверзе языком дверь веры.

Прибыв туда и собрав церковь, они рассказали всё, что сотворил Бог с ними и как Он отверз дверь веры язычникам.

Евангелие Иоанна, зачало 35. [Ин. 9, 39–10, 9.]

Рече Господь ко пришедшим к Нему иудеем: на суд Аз в мир сей приидох, да невидящии видят, и видящии слепи будут.

Сказал Господь ко пришедшим к Нему иудеям: на суд пришел Я в мир сей, чтобы невидящие видели, а видящие стали слепы.

И слышаша от фарисей сия сущии с Ним, и реша Ему: еда и мы слепи есмы?

Услышав это, некоторые из фарисеев, бывших с Ним, сказали Ему: неужели и мы слепы?

Рече им Иисус: аще бысте слепи были, не бысте имели греха: ныне же глаголете, яко видим, и грех ваш пребывает.

Иисус сказал им: если бы вы были слепы, то не имели бы на себе греха; но как вы говорите, что видите, то грех остается на вас.

Аминь, аминь глаголю вам: не входяй дверьми во двор овчий, но прелазя инуде, той тать есть и разбойник.

Истинно, истинно говорю вам: кто не дверью входит во двор овчий, но перелазит инуде, тот вор и разбойник;

А входяй дверьми пастырь есть овцам.

а входящий дверью есть пастырь овцам.

Сему дверник отверзает, и овцы глас его слышат, и своя овцы глашает по имени, и изгонит их.

Ему придверник отворяет, и овцы слушаются голоса его, и он зовет своих овец по имени и выводит их.

И егда своя овцы ижденет, пред ними ходит, и овцы по нем идут, яко ведят глас его:

И когда выведет своих овец, идет перед ними; а овцы за ним идут, потому что знают голос его.

По чуждем же не идут, но бежат от него, яко не знают чуждаго гласа.

За чужим же не идут, но бегут от него, потому что не знают чужого голоса.

Сию притчу рече им Иисус: они же не разумеша, что бяше, яже глаголаше им.

Сию притчу сказал им Иисус; но они не поняли, что такое Он говорил им.

Рече же паки им Иисус: аминь, аминь глаголю вам, яко Аз есмь дверь овцам.

Итак, опять Иисус сказал им: истинно, истинно говорю вам, что Я дверь овцам.

Вси, елико их прииде прежде Мене, татие суть и разбойницы: но не послушаша их овцы.

Все, сколько их ни приходило предо Мною, суть воры и разбойники; но овцы не послушали их.

Аз есмь дверь: Мною аще кто внидет, спасется: и внидет и изыдет, и пажить обрящет.

Я есмь дверь: кто войдет Мною, тот спасется, и войдет, и выйдет, и пажить найдет.