ЛАВРЕНТЬЕВСКАЯ ЛЕТОПИСЬ

 

Назад    Оглавление    Вперёд

В лѣ^т̑ . ҂s҃ . ѱ҃ . к҃s . [1218] Взѧша Болгаре Оустюгъ ჻ Того же лѣта престависѧ кнѧзь Василеи ^В Мстиславичь . и положиша и оу ст҃ѣи Софїи . въ ст҃ѣи Бц҃и в голова^х оу дѣда . Того же лѣта выиде кнѧзь Мстиславъ из Новагорода в Рүсь ჻ Того же лѣта послаша Новогородци к Смоленьскү . по Ст҃ослава . и прииде Ст҃ославъ ჻

В лѣ^т̑ . ҂s҃ . ѱ҃ . к҃з . [1219] Присла кн҃зь велїкии Мстиславъ Романовичь ис Києва сн҃ъ свои . Всеволодъ в Новъгоро^д̑ и рече . приимѣте себѣ кнѧзѧ Всеволода . а Ст҃ослава стареишаго ѿпүстите ко мнѣ . Новогоро^дци же волю ^Г єго сътвориша ჻ Того же лѣта поиде кнз҃ь велїкии Мстиславъ . и кнз҃ь Володимеръ ис Києва в Галичь . на королевичи ⁴. и выидоша Галичане противү . и Чаховѣ и Лѧхове и Морава . и Оугри . и стүпишасѧ полки . и пособи Бг҃ъ кнз҃ю великомү Мьстиславү . и в горо^д в Галичь вьѣха . а королевича поима и с женою . /л.228об./ и взѧ миръ с королемъ а сн҃а єго пүсти . а самъ сѣде в Галичѣ . а Рюрикъ Володимеричь ⁵ в Кїєвѣ ჻

В лѣ^т̑ .҂s҃ . ѱ҃ . к҃и . [1220] Прїиде в Новъгоро^д архиєп^с̑пъ Митрофанъ . а дрүгомү архиєп^с̑пү Антонью . вда митрополитъ архиєп^с̑пью . в Перемышлѣ ჻

В лѣ^т̑ .҂s҃ . ѱ҃ . к҃ѳ . [1221]

В лѣ^т̑ . ҂s҃ . ѱ҃ . л҃ . [1222] Выгнаша Новогоро^дци кнз҃ѧ Всеволода Мстиславича из Новагорода : Послаша

архїєп^с̑па Митрофана . и посадника Иванка . к великомү кнѧзю Юрью Всеволодичю . и вда имь сн҃ъ ^{1 А} свои кн҃зѧ Всеволода . Тог^да кнѧзь велики Юрьи присла сн҃ъ свои кнѧзѧ Ст҃ослава . в помочь Новүгородү и идоша кнѧзи с Новогоро^дци к Кѣси ². и приидоша Литва и помочь же . и много повоєваша . а Новагорода ³ не взѧша ჻ На тү зимү выиде кнѧзь Всеволодъ . из Новагорода . Новогоро^ддци же печални быша . тога же послаша Новогоро^дци . к великомү кнѧзю Юрью . ѡже ти не го^дно держати Новагорода сн҃омъ . и выдаи намъ брата . и вда имъ брата своєго кн҃зѧ Ӕрослава ჻

В лѣ^т̑ . ҂s҃ . ѱ҃ . л҃а . [1223] Престависѧ архиєп^с̑пъ /л.229/ Новогоро^дскыи Митрофанъ . и положенъ бы^с̑ въ притворѣ ст҃ыӕ Софии ჻ Прииде кнз҃ь Ӕрославъ ѿ брата в Новъгоро^д съ всею ѡбластию . и поиде к Колываню . и повоєва всю землю Чюдьскүю . а полона приведоша бес числа . но города не взѧша . и злата много взѧша ჻ Того же лѣта побїша Татарове . кнз҃еи Рү^с̑ски^х По грѣхомъ нашимъ приидоша ӕзыци незнаєми . при Мьстиславѣ . кнз҃ѣ Романовичѣ . в десѧтоє лѣто кнѧженьӕ єго . в Києвѣ . и прииде неслыханаѧ [рать] ^Б безбожнїи Моавитѧне . рекомии Татарове . ихже добрѣ никтоже вѣсть ӕсно . кто сүть и ѿколѣ приидоша . и что ӕзыкъ и^х . и котораго племени сүть . и что вѣра и^х и зовүтъ и^х Татары . а инїи гл҃ть Таоурменї . а дрүзїи Печенѣзи . инїи же гл҃ть ӕко се сүть ѡ нихже Мофедии ⁴ єп^с̑пъ Патаромьскыи свидѣтельствүєтъ . ӕко сии сүть вышли ис пүстынѧ Єтривьскїѧ . сүщи м^еи въстокомъ . и сѣверомъ . ко скончанїю времѧни . ӕвитисѧ имъ . ӕже загна Гедеѡнъ . и попленѧть всю землю . ѿ вьстока и до Єфраита ⁵. /л.229об./ и ѿ Тигръ до Понтиискаго морѧ . кромѣ Єфиѡпиѧ . Бг҃ъ же єдинъ вѣсть и^х . но мы здѣ вписахомъ ѡ ни^х памѧти ради Рү^с̑скы^х кнѧзеи . и бѣды ӕже бы^с̑ имъ ѿ ни^х . слышахом бо ӕко многы страны поплениша Ӕсы . Ѡбезы . Косагы ჻ И приидоша на землю Половетьскүю . Половцем же ставшимъ . а Юрьи Кончаковичь бѣ боли″ше ⁶ всѣ^х Половець . не може стати противү лицү имъ . бѣгающи ⁷ же ємү . Половци же не могоша противитисѧ имь побѣгоша . до рекы Днѣпра безбожнии Половци . а ины^х изгна по^днү ⁸. и в лүкү морѧ . и тамо изомроша оубиваємї гнѣвомъ Би҃имъ . и преч^с̑тыӕ єго мт҃ре . много бо тѣ Половци зла створиша . Рү^с̑стѣи земли . того ради всемл^с̑тивыи Бг҃ъ . хотѧи погүбити безбожныӕ сн҃ы Измаиловы . Күманы . ӕко да ѿмьстить кровь кр^с̑тьӕньскүю ⁹. и єже бы^с̑ над ними безбожными . побѣдиша и Татари . инѣхъ ӕзыкъ . з҃ . и приидоша ¹⁰ всюВперёдү Күманьскү . и приидоша бли^з̑ Рүси . а Котанъ ¹¹ съ иными кнз҃ьми . и со ѡ/л.230/станкомъ Половець прибѣгоша . идѣже зоветсѧ валъ Половецькыи . а Данилъ Кобѧковичь и Оурїи оубьєна быста . а инїи Половци мнози разбѣгошасѧ въ Рү^с̑скүю землю . сеи же Котѧнъ бѣ тесть Мстиславү . Мьстислави^ч̑ Галитьскомү . и прииде с поклономъ съ кнз҃и Половетьскими . в Галичь къ кнѧзю Мстиславү к зѧтю . и ко всѣмъ кнѧземъ Ру^с̑скимъ . и дары принесе многы . коні вельбүды и бү″волы и дѣвкы . и ѡдари кнз҃еи Рүсьскы^х . а ркүчи тако . нашү землю ѿӕли . дн^с̑ь . а вашү заоутра возмүтъ прише^д побороните насъ . аще не поможете намъ мы нн҃ѣ иссѣченї бүдемъ . а вы наоутрии иссѣчени бүдете . и помолисѧ Котѧнъ ^В зѧтю своємү ѡ пособьи . Мьстислав же нача мл҃тисѧ кнз҃мъ Рү^с̑скымъ . бра^т̑и своєи рече . аже мы братеє ¹² симъ не поможемъ . то си имүтъ предатисѧ имъ . то и^х болши бүдетъ сила .

и тако дүмавше много . и ӕшасѧ пособити Котѧню . мл҃еніѧ слүшаӕ кн҃зь Половеческы^х ჻ Бывшү же съвѣтү всѣ^х кнѧзеи въ градѣ в Києвѣ . /л.230об./ и створиша съвѣ^т̑ сице . лүче бы ны єсть приӕть ӕ на чюжеи земли . нежели на своєи . и начаша вои строити . которыиждо свою власть . тог^да бо бѣ Мстиславъ във ¹ Києвѣ . а Мьстиславъ Козельскыи в Черниговѣ . а Мьстиславъ в Галичѣ . тѡ бо бѣахү старѣишины в Рү^с̑скои земли . кнѧзѧ же великаго Юрьѧ Сүз^дальскаго . нѣтү в совѣте томъ . се же пакы младии кнѧзи . кнѧзь Данило Романовичь . кнѧзь Михаило Всеволодичь . кнѧзь Всеволо^д Мстиславичь Києвьскыи . и инии мнози кнѧзи . тог^да же кн҃зь великии Половецькии кр^с̑тисѧ . Басты . Василка же не бѣ в Володимери младъ . и совокүпивше землю Рү^с̑скүю всю противү Татаромъ . и приидоша к рѣцѣ . Днѣпрү . на Зарубъ къ ѡстровү Варежьскомү . тог^да оувѣдавше Татарове что идүть кн҃зи Рү^с̑стии . противү и^м̑ . и прислаша послы кь кнѧземъ Рү^с̑скымъ . се слышимъ . ѡже противү намъ идете послүшавше Половець . а мы вашеи земли не заӕхомъ . ни городовъ /л.231/ ваши^х ни селъ . нї на ва^с̑ приидохомъ . но приидохомъ Бг҃омъ попүщени на холопи наши . и на конюси свои . на поганыѧ Половци . а возмите с нами миръ . а намъ с вами рати нѣтү . ѡже бѣжать к вамъ Половци и вы беите ѿтоле а товаръ ємлите себѣ . занеже слышахомъ ӕко и вамъ многа зла творѧ^т̑ . того же ради мы и^х ѿселе бьємъ . кнѧзи же Рү^с̑стїи того не послүшаша . и послы Татарьскыѧ избиша . а сами поидоша противү имъ . и не дошеше Ѡлешьѧ .Вперёднѣпрѣ . и прислаша Татарове второє послы гл҃ще . аще єсте послүшали Половець . а послы наши єсте нзбили а идете противү намъ . то вы поидѣте а мы ва^с̑ не замаємъ ничимъ . то всѣмъ намъ Бг҃ъ . и ѿпүстиша послы и^х . и прииде тү всѧ землѧ Половецькаѧ . и вси ихъ кнз҃и . а ис Кїєва кнз҃ь Мьстиславъ со всею силою . а из Галича кн҃зь Мстиславъ со всею силою . Володимеръ Рюриковичь с Чернѣговци . и вси кн҃зи Рү^с̑стии . и вси кнѧзи Чернѣговьскїи . а ис Смоленьска на /л.231об./ [За]руб ^З . у҃ . ² мүжь и инѣхъ ³ странамъ . тог^да же кн҃зь Мстиславъ Галицькїи пребродисѧ Днѣпръ . въ . ҂а҃ . мү^ж̑ . на сторожи Татарскїѧ и побѣди ѧ . а ѡстанокъ ихъ побѣже с воєводою . с Гемѧбѣкомъ и тү имъ не бѣ помощи . и погребоша воєводү своєго Семеӕбѣка ^{4 Б} жива в землю . хотѧще жива оублюсти . и тү наидоша єго . и исъпросиша єго Половци и оубиша єго . слышавше же се кнѧзи Рү^с̑стїи поидоша вси за Днѣпръ на множествѣ людеи . а Галичане и Волыньци . кыиж^до съ своими кн҃вьми . а Күрѧне и Трүбчане и Пүтивлици кыиж^до с своими кн҃зи . и приидоша кьдми ⁵. а выгонци Галичаскыи ⁶ приѣхаша в лодьӕхъ по Днѣпру . и поидоша въ море бѣ бо людїи ⁷ . ҂а҃ . и поидоша в рѣкү Днѣпръ и возведоша порогы . и сташа оу рекы оу Хортици на бродѣ . на протольчьи . бѣ бо с нїми Домамеричь . Юрьи Держикраи Володиславичь . прише^дше вѣсти въ станы . ӕко пришли сүть пре^двидѣти шьлѧди ⁸ Рү^с̑скыѧ . слышав же Двд҃ъ ⁹ Романовичь . и гнавъ всѣ^д на кони . и сүщии /л.232/ с нимъ коннїци . и ннїи мнозї кнз҃и с нимъ гнаша видѣти рати . ѡиѣм же ѿше^дшимъ Юрьи же имъ сказавше ^В ӕко стрѣлци суть . инїи же молвѧахү ӕко простии людии сүть пүщеи Половець . Юрьи же Домамеричь молвѧше ратници сүть . и добраа вои приѣхавше сказаша Мьстиславү . Юрьи же все сказа . и рекшимъ молодымъ кнз҃емъ . Мьстиславе . и дрүгыи Мьстиславе . не стоита поидем противү имъ . преидоша же вси люди и кнѧзи вси . и Мьстиславъ Чернѣговьскыи рѣкү Днѣпръ . и поидоша на коне^х в поле Поло-

вецьскоє . и оусрѣтоша Татарове полкы Рү^с̑скыѧ . и стрѣлци^ж Рүсьскыѧ побѣдиша и^х . и гнаше ^А в поле далече сѣкүщи ѧ . и взѧша скоты и^х а съ стады оутѣкоша . ӕко всимъ воємъ наполнитисѧ скотомъ . и ѿтүда же идоша по ни^х . и҃ . дн҃їи до рѣкы Калкы . и тү стрѣтоша сторожеве Татарове . и оудариша на Половци Рү^с̑скыѧ . сторожем же бившимсѧ с полкы Рү^с̑скыми . и оубиєнъ бы^с̑ тү Иѡа^н̑ Дмитреєвичь . и инаѧ . в҃ . с нимъ . Татаром же ѿѣхавшимъ на про/л.232об./чнѣ рѣцѣ ^{1 Б}. Кальцѣ оустрѣтоша Татаровѣ Половецькыѧ полкы . и Рү^с̑скыи кнѧзь же Мстиславь Мьстиславичь . повелѣ преди переити рѣкү Калкү Данїлови с полкы . и инѣмъ полкомъ с нимъ . а са^м по ни^х переиде . и заидоша за рѣкү за Калкү . и послаша въ сторожѣ^х Ӕрүна с полкы с Половци . а сами станомъ сташа тү . а кнѧзь Мстиславъ самъ . ѣха вборзѣ после . видѣвши ^В же ємү полкы Татарьскыѧ приѣхавъ рече . воѡрүжитисѧ повелѣ вборзѣ . а кнѧзю Мьстиславү и дрүгомү Мстиславү . сѣдѧщама има въВперёдү не вѣдүщима . Мстислав же не повѣда имъ зависти ради бѣ бо котора межи и^х велика . сразивши^хсѧ полкомъ на мѣсто Данил же выѣха напере^д . и Семьюнъ Ѡлюєвичь . и Василко Гавриловичь . и рази[до]шасѧ ² в полкы Татарскыѧ . Василкови же сбоденү бывшү . а Данилү боденү бывшү в перси . младеньства ради и буєсти . не чюаше раны бывши на телеси єго . бѣ бо възрастомъ . и҃ı . лѣтъ . бѣ бо силенъ . Данилови же крѣпко изъ/л.233/бивающе ^Г Татары . видѣвь то Мьстиславь Нѣмыи . мнѣвъ ӕко Данилъ сбоденъ бы^с̑ . потече и самъ в нѣ бѣ бо мүжь тои крѣпокъ . понеже оужика сы Романү . ѿ племѧнѧ ³ Володимерѧ прирокомъ Манамаха . бѣ бо великү любовь имѣӕ къ ѡц҃ү єго . ємү же порүчивши по смерт҃и свою волость даѧ кн҃зю Данилови . Татаром же бѣгающимъ . Данилови же избивающи ^Д ѧ . своимъ полкомъ . и Ѡлгови Күрьскомү крѣпко бьющесѧ ⁴. тог^да же Ӕрунъ и инїи полци Половецьтїи . стүпипıасѧ с нїми хотѧще битисѧ . и половци побѣгоша . и потопташа бѣжаща ⁵ станы ^Е кнз҃и ⁶ Рү^с̑скы^х . а кнѧзи не оуспѣша ѡ полчитисѧ противү имъ . и смѧтошасѧ вси полци Рүсстии . и бы^с̑ сѣча зла и люта . грѣ^х ради наши^х . Рү^с̑скымъ полкомъ побѣженымъ бывши^м̑ . Данил же видѣвъ ӕко крѣпчає брань Татарьскаѧ належитъ . и ѡбрати конь свои и бѣжа . ѿ оустремленїѧ противны^х . и вжада воды и пїи ⁷. и почюти ранү на телеси своємъ . въ бранї не позна єѧ . крѣпости ради мүжества . /л.233об./ възраста своєго . бѣ бо дерзъ и храбръ . ѿ главы и до ногү єго . не бѣ на немъ порока и бы^с̑ побѣда на вси кнз҃и Рү^с̑стїи . ака же не бывала ѿ начала Рүсськои земли никог^даже . сам бо великїи кнз҃ь Мьстиславь Кїєвьскїи видѧ се зло не движесѧ никакоже с мѣста . стал бо бѣ на горѣ . на^д рѣкою Калкою . бѣ бо мѣсто каменисто . и түто оучиниша горо^д с кольє^м̑ . и бисѧ с ними из града по . г҃ . дн҃и . а инїи же Татарове поидоша после Рү^с̑скы^х кнѧзеи бьюще и^х и до Днѣпра . а оу города ѡсталисѧ два воєводы . Чегирканъ . и Тешүканъ . на кнѧзѧ Мстислава . и на зѧтѧ єго Ан^дрѣѧ . и Алексан^дра Дүбравьскаго . бѣста бо тү два кнз҃ѧ со Мстиславомь . тү же и Бродници быша старыє . и воєвода и^х Плоскынѧ . и тъи ѡкаӕнныи целовавъ кр^с̑тъ . кы ⁸ кнз҃ю Мстиславү . и ѡбѣма кнз҃ема ӕко и^х не избити . и пүстити и^х на искүпѣ ⁹. и сългавъ ѡкаӕнныи предасть и^х свѧзавъ Татаро^м̑ . а горо^д взѧша а люди посѣкоша . а кн҃зии има ^Ж издавиша и . по^дкла^дше по^д доскы . /л.234/ а сами верхү

сѣдше ѡбѣдати и тако кнз҃и животъ свои скончаша . и много оубииство бесчисленоє створисѧ . а ины^х кнз҃еи гонѧчи до Днѣпра . s҃ . оубиша . кнѧзѧ Мстислава ¹ Ӕневьского . Изѧслава Иновогоро^дскаго ². Ст҃ослава Шумьскаго . Мьстислава Чернѣговьскаго съ сн҃омъ . Юрьѧ Несвѣжьскаго . а иного воӕ когож^до десѧтыи прїиде . и Алексан^дръ Поповичь тү оубиєнъ бы^с̑ съ инѣми . о҃ . ³ храбровъ ⁴. и тог^да же кнѧзь Мстиславъ Мьстиславичь преди перебѣже Днѣпръ . и прїиде к лодьӕ^м̑ . повелѣ жещи ѧ а иныѧ сѣчи и ѿрипүти ѿ брега . боӕсѧ по себѣ погонї ѿ Татаръ . а самъ єєдва ⁵ оубѣжа в Галичь . а молодыи кнѧзи прибѣжали в малѣ^х людїи . а кнз҃ь Володимеръ Рюрюковичь ⁶. прїбѣже в Кїєвъ и сѣде на столѣ . сии же злоба створїсѧ ѿ Татаръ . м^с̑ца . июнѧ . въ . s҃ı . дн҃ь . Татаром же побѣдившимъ Рү^с̑скыѧ кнз҃и . за прѣгрѣшенїє хр^с̑тьӕньскоє . и доше^дшимъ Татаромъ до Новагорода Ст҃ополчьскаго . не вѣдүщим же Рүси льсти Татарьскїѧ . /л.234об./ исходѧахү противү имъ . со к^с̑рты . ѡнї же избиша всѧ и ѡжидааше Бг҃ъ покаӕнїӕ хр^с̑тьӕньскаго . и ѡбрати Татаръ въспѧть ѿ рѣкы Днѣпра на землю въсточнүю и повоєваша землю Таноготьскүю ⁷. и ины страны . тог^да же и Чагонизъ канъ и^х оубїєнъ бы^с̑ . се же бы^с̑ намъ за грѣхї наша . Бг҃ъ вложи недоумѣнїє в на^с̑ . и погыбе ^бес числа много людии . и бы^с̑ вопль и въздыханїє и печаль по всѣмъ градомъ и по волостемъ . си же злыхъ Татаръ Таоурменъ не свѣдаємъ ѿкүдү были пришли на на^с̑ . и гдѣ сѧ дѣли ѡпѧть толко Бъ҃ вѣ^с̑ ჻

В лѣ^т̑ . s҃ . ѱ҃ . л҃г . [1225] Прїиде кнѧзь Михаилъ в Новъгоро^д . сн҃ъ Всеволожа ⁸ а внүкъ ^А Ѡлговъ ჻ Того же лѣта ходи кнѧзь Михаилъ [ко] ⁹ кнѧзю Юрью . и взѧ товары Новогоро^дцемъ што поималъ . кнз҃ь Юрьи на Торжькү . и прїиде в Новъгоро^д и рече Новогоро^дцемъ . не хощү оу ва^с̑ кнж҃ити . идү к Чернѣговү . и гость ко мнѣ пүскаите . ако землѧ ваша тако и землѧ моѧ . Новогоро^дцї же оуимаша мл҃ѧщисѧ . и не оумолиша . /л.235/ и тако проводиша и с честию ჻ Тоє же зимы повоєваша Литва ѡколо Торьжкү бѧше бо и^х . ҂з҃ . и гости биша . и Торопетьскүю волость повоєваша . кн҃зь же Ӕрославъ и Володимеръ . с Новоторжьци а Новогоро^дцевъ мало . Торопчане поидоша по ни^х . и сүгнаша ѧ на Вьсте ¹⁰. полонъ весь ѿӕша . а сами^х избиша . ҂в҃ . тү же оубиша Литва Топечьскаго ¹¹ кнз҃ѧ Дв҃да . и Васильѧ меченошү кнѧжа Ӕрославлѧ ჻

В лѣ^т̑ . ҂s҃ . ѱ҃ . л҃д . [1226] Прииде кн҃зь Ӕрославъ в Новъгородъ . с погони Литовьскиѧ ჻

В лѣ^т̑ . ҂s҃ . ѱ҃ . л҃е . [1227] Ходи кнѧзь великїи Ӕрославъ с Новогородци на Ѣмъ и повоєва и^х ჻

Назад    Оглавление    Вперёд