ЛАВРЕНТЬЕВСКАЯ ЛЕТОПИСЬ

 

Назад    Оглавление    Вперёд

В лѣ^т̑ . ҂s҃ . ѱ҃ . м҃е . [1237] Бы^с̑ знаменїє въ слн҃ци м^с̑ца авгүста въ . г҃ . дн҃ь на памѧть ст҃ы^х ѡц҃ь Далмата и Фаоуста . [и] ² Исака въ оудн҃ьє бы^с̑ таково знамѧнїє . тма бы^с̑ въ слн҃ци . с запада аки м^с̑ць бы^с̑ . е҃ . ночеи . а съ востока свѣтло . и ѡпѧть съ вьстока тма бы^с̑ такоже . аки м^с̑ць . е҃ . ночеи /л.238об./ а съ запада свѣтло . и тако исполнїсѧ ѡпѧть ჻ Того же лѣта прїидоша в силѣ велще Нѣмци . изъ заморьѧ . в Рїгү . и тү совокүпиша всѣ . и Рижане . и всѧ Чюдьскаѧ землѧ вборзѣ . а Плесковїчи ѿ себѧ . послаша имъ в помощь . мүжь . с҃ . идоша на безбожную Лїтвү . и тако грѣ^х ради нашихъ . безбожными ^и ногаными побѣжени быша . и прїидоша къж^до десѧтыи в домы своѧ ჻ Томже лѣте приде митрополитъ Гречинъ . в Києвъ . именемъ Єсифъ ჻

Т ого же лѣта .на зимү прїидоша ѿ восто^ч̑кныѧ ³ страны на Рѧзаньскүю землю лѣсомъ . безбожнїи Татарове . со цр҃емъ Батыємъ . и пришеше сташа первоє станомъ тү Ѡнүзѣ ⁴ и взѧша ю . и ѿтолѣ послаша послы своѧ . женү чародѣицү . и два мүжа с нею . ко кнѧземъ Рѧзаньсъкымъ просѧ оу нїхъ десѧтины во все^м̑ . во кнѧзѣхъ и в людѣ^х . и в коне^х . десѧтоє в белы^х . десятоє в вороны^х . десѧтоє въ бүры^х . десѧтоє в рыжихъ . десѧтоє в пѣги^х . кнѧзї же Резаньстии . Юрьи Инъвгоро/л.239/вичь . братъ єго Ѡлегъ [и Романъ] Инъвгоровичь ^Г. и Мүромьскїи . и Проньскїи . не пүстѧчи к городомъ . и не ѣхаша ⁵ противь имъ в Воронѧжь . и ркоша кн҃зи коли на^с̑ не бүдеть всѣ^х то все то ваше бүдеть . и ѿтолѣ пүстиша и^х . кь Юрью в Володимерь и начаша воєвати землю Рѧзаньскүю . и плѣнїша ю до Проньска . и из Володїмерѧ . пүстїша и^х ѿт ⁶ Нүхлѣ в Татары в Вороножь . и послапıа же кн҃зи Рѧзанстїи . ко кнѧзю Юрью Володїмерьскомү просѧчи себѣ помочи . или самомү поити . кн҃зь же Юрьи самъ не иде

ні цослүша кнѧзь Резаньски^х молбы . но хотѣ самъ ѡсобь брань створити . ино оуже бѧше Бж҃ию гнѣвү не противитїсѧ . ӕкоже речено бы^с̑ древле И^с̑сү Навгинү Гм҃ъ . єгда веде ѧ Гъ҃ . на землю ѡбѣтованнүю . тог^да рече азъ послю на нѧ преже ва^с̑ . недооумѣнїє и грозү и стра^х и трепетъ . такоже и преже сѣхъ ѿ на^с̑ Гъ҃ силү ѿнѧ . а недооумѣнїє . и грозү и стра^х и трепе^т вложи в на^с̑ . за грѣхы наша . тог^да иноплеменници ѿстүпиша ¹ гра^д Резань . декабрѧ . sı҃ . и ѡстрогомъ /л.239об./ ѡградиша . кнѧзь же Резаньскїи . затворисѧ в городѣ съ людми . Татарове же взѧша гра^д . Резань . того же м^с̑ца въ . к҃а . дн҃ь и пожгоша весь . и кнѧзѧ и^х Юрьӕ оубиша . и кнѧгиню єго . а ины^х же ємше мүжеи . и жены и дѣти . и черньца и чернїць . и єрѣѧ . ѡвы^х рассѣкахү мечи а дрүги^х стрѣлами стрѣлахүть ^А и въ ѡгнь вмѣтахү . иныѧ имающа ^Б вѧзахү . и порүганїє черницамъ . и попадьӕмъ . и добрымъ женамъ . и дв҃цамъ пре^д матерми . и сестрами . єп^с̑па оублюде Бъ҃ ѿѣха прочь в тои го^д . ког^да рать ѡстүпила градъ . много же ст҃ъı^х црк҃веи ѡгневи предаша . а манастыреви же и села . пожгоша . и имѣнїє немало ѡбою странъ взѧша . и потомъ поидоша на Коломнү . и кто братїє ѡ семъ не плачетсѧ . хто сѧ насъ ѡсталъ живы^х . како ѡнү нүжнүю и горкүю смр҃ть поӕша . да и мы то видѣвши быхомъ оустрашилисѧ . и грѣховъ свои^х плакалисѧ . съ възыханїємъ дн҃ь и нощь . пекүщесѧ ѡ имѣнии . и ѡ ненависти братиє ^В ჻ Тоє же зимы поиде Всеволо^д сн҃ъ Юрьєвъ внүкъ Всеволожь . и кнѧзь Романъ и Новогоро^д/л.240/ци ² съ своими вои . из Володимерѧ противү Татаромъ . кнѧзь же Юрьи Володимерьскїи . тог^да посла Єремѣѧ Глѣбовича . во сторожѣ^х воєводою . и спѧсѧ . съ Всеволодомъ . и с Романо^м̑ . и ѡстүпиша и^х . Татарове оу Коломны . и бишасѧ крѣпко . и бы^с̑ сѣча велика . и прогнаша и^х к надолбомъ . и тү оубиша кн҃зѧ Романа . а оу Всеволода . воєводү єго Єремѣѧ . а ины^х много мүжеи побиша . а Всеволо^д в малѣ дрүжинѣ прибѣжа в Володимерь . а Татарове же поидоша к Москвѣ . и взѧша Москвү . и воєводү оубиша Филина Нѧньска ³ за правовѣрнүю верү . кр^с̑тиӕньскүю а кнѧзѧ Володимера . руками ӕша . сн҃а Юрьєва а люди избиша ѿ старець . и до младеньць . и много имѣньѧ взѧша и ѿидоша ჻ Тоє же зимы выѣха кн҃зь . Юрьи из Володимерѧ . оурѧдивъ сн҃ы свои в себѧ мѣсто . Всеволода и Мьстислава . и ѣха на Волгү съ сн҃овци своими . с Васи^л̑комъ . и съ Всеволодомъ . и с Володимеромъ .Вперёдтѣ стано^м̑ . ждүчи . к себѣ брата своєго кн҃зѧ Ӕрослава . и Ст҃ослава с полки . и нача кн҃зь Юрьи полкы совокүплѧти . противү Татаръ . а Жирославү Михаиловичю . приказалї воєвоство ^Г /л.240об./ в дрүжинѣ своєи . тогда приидоша множество . кровопроливець . кр^с̑тїӕньски^х бес числа . аки прүзи . к Володимерю . м^с̑ца . ѳевралѧ въ . г҃ . дн҃ь въ вторнїкъ . прежде мѧсапүста за недѣлю Володимерци . затворишасѧ в городѣ съ Всеволодомъ и Мьстиславомъ . а воєвода бѣ оу ни^х Петръ Ѡслѧдюковичь . Володимерцемъм ^Д же не ѿворѧщимсѧ . а Татаровѣ же приѣхавше . къ Златымъ воротомъ . водѧщи с собою кнѧжича Володимера Юрьєвича . и начаша въпрашати великїи кн҃зь Юрьи єсть ли в городѣ . Володимерци же пүстиша по стрѣлѣ на Татары . Татаровѣ же противъ пүстиша также по стрѣлѣ на горо^д . и на Златыѧ ворота . и посемъ ркоша Володимерцемъ Татарове не стрелѧите . ѡнї же престаша стрѣлѧ^т̑ . и приидоша близь къ вратомъ и показаша имъ Володимера . и начаша Татарове молвити . Володимерцемъ . знаєте ли кнѧжича вашего . бѣ бо оунылъ лицемъ . и изнемоглъ бѣдою ѿ нүжа . Всеволо^д же и Мьстиславъ . стоӕста на Златы^х вороте^х . и познаста . брата своєго Володимера . ѡ оумилноє . брата видѣнїє . /л.241/ и слезъ достоино . Всеволод же и Мстиславъ с боӕры своими . и всѣ гражане плакахүсѧ зрѧще Володимера . и Тата-

ровѣ же ѿстүпиша ѿ Золоты^х воротъ . и ѡбьѣхаша весь гра^д . и станы сташа пре^д Златыми вороты ӕко зрѣимо . и много множество вои . ѡколо всего города . Всеволо^д же и Мстиславъ . сжалистаси брата дѣлѧ своєго Володимера . и ркоста всєи дрүжинѣ . и Петрү воєводѣ . брате лүче ны єсть оумреи пре^д Златыми вороты . за ст;;үю Бц҃ю . и за правүю вѣрү . ниже ¹ воли ӕхъ ² быти . воєвода же Петръ . Ѡслатинъ . ³ и ркоста ѡба кн҃зѧ . си всѧ на ны наведе Бъ҃ грѣ^х ради наши^х . ӕкоже пр^о̑ркъ . гл҃ть нѣсть члвкү смрт҃и ⁴. и нѣ^с̑ мүжества нї дүмы противү Г^с̑ви . се створисѧ зло в Сүждальскои земли велико ӕкоже тако зло ѿ крщ҃нїѧ . нѣ^с̑ было ӕкоже бы^с̑ нн҃ѣ но мы то ѡставимъ . на пре^днеє възратимсѧ . Татарове же станы свои урѧдивъ ѡколо града Володимерѧ . а сами ше^дше взѧша градъ Сүждаль . и ст҃үю Бц҃ю црк҃вь разграбиша . а дворъ кнж҃ь ѡгнемъ ножгоша . и манастырь ст҃го Дмитрїѧ . и прочии . /л.241об./ разграбивъ пожгоша . а што людеи старыӕ и молодыѧ . игүмени и попы . и дьӕконї . и черньци . и чернїци . и слѣпыѧ и хромыѧ . и глүхиѧ . то все иссѣкоша . а прочиє людї и жены . и дѣти босы и беспокровны . из^дыхаюıцимъ имъ ѿ мраза . и бѣ тог^да видѣти . трепетъ велїи злѣ ⁵ то все множество сведоша . полона въ станы своѧ . а сами прїидоша к Володимерю . в сүботү мѧсопүстнүю . и начаша лѣсы и порокы ставити ѿ оутра и до вечера . а на ночь ѡградиша тыномъ . ѡколо всего города . и бы^с̑ наоутрїє . оувидѣв же се кнз҃ь Всеволо^д . и вл^дка Митрофанъ . ӕко оуже взѧтү быти градү . и внидоша въ церковь въ ст҃үю Бц҃ю . и ѡстригошасѧ всѣ въ аньильскыи ⁶ ѡбразъ . ѿ вл^дкы Мїтрофана . и пристүпиша к городү . в недѣлю мѧсопүстнүю по заоутрени . въ . з҃ . дн҃ь февралѧ . и заидоша ѿ Золоты^х воротъ . оу ст҃го Спс҃а . и внидоша по приметү в горо^д . чре^с̑ стѣиү . а сюды ѿ сѣверныѧ стороны . ѿ Лыбеди къ Ѡрининымъ воротомь . [и] к Мѣдѧнымъ а ѿсюдү ѿ Клѧзмы к Воложьскимъ во/л.242/ротомъ . и тако взѧша въскорѣ гра^д . до ѡбѣда новыи . и запалиша и ѡгнемъ . бѣжа же Всеволо^д и Мстиславъ . и всѣ людиє . в Печернїи горо^д . єп^с̑пъ Митрофанъ и кнѧгини Юрьєва съ дчєрью и съ снохами и со внүчаты . и прочаѧ кнѧгини множество боӕръ и людеи затворишсѧ . в црк҃вь ст҃ыѧ Бц҃а в полатехъ . и тако ѡгнемъ без милости запалиша и . и помоли же сѧ бг҃олюбивыи єп^с̑пъ Митрофанъ гл҃ѧ . Ги҃ Бж҃е силъ свѣтодавче . сѣдѧи на хиравиме^{х 7} и наоучи Иѡсифа . и оукрѣпи Дв҃да пр^о̑рка на Голїада възвигнүвъ Лазорѧ четверод҃невнаго изъ мр҃твы^х . простри рүкү твою невидимүю . и прими с миромъ дш҃а рабъ свои^х . Татаровѣ же ѿбивше и . ѡтвориша двери црк҃вныѧ . и наволочивше лѣса ѡколо цр҃кви и вь цр҃квь и зажгоша и изьтхошасѧ ^А. ѿ великаго зноѧ . всѧ сүщаѧ тү люди . инїи же ѡгнемъ скончашасѧ . а ины^х ѡрүжиємъ до конца предаша смр҃ти . а стүю црк҃вь разграбиша . и чюднүю иконү самыѧ Бг҃омт҃ре ѡдраша . и поидоша на великого кнз҃ѧ Юрьѧ ѿтолѣ . ѡвии же идоша к Ростовү . а инїи же кь Ӕрославлю . а инїи на /л.242об./ Волгү ^Б, и на Городець . и тѣ поплениша все но Волзѣ, и до Галича Володимерьскаго . а инїи идоша к Переӕславлю, и то^т гра^д взѧша ѿтолѣ всюВперёдү тү, и горо^д мнози поплениша . Юрьевъ . Дмитровъ . Волокъ, Твѣрь . тү же и сн҃а Ӕрославлѧ оубища, и до Торжкѫ, нѣ^с̑ мѣста идѣже не повоєваша, и на всеиВперёдѣ Ростовскои и Сүжальскои землѣ . взѧша городо^в̑ четыренадесѧте ѡпрочѣ слобо^д и погостовъ . в одинъ м^с̑ць ѳевралю кончевающю^с̑ лѣтү .м҃е . и прїиде вѣ^с̑ велюкомү ⁸ кнз҃ю Юрью, ӕко Володимерь взѧ^т, и цр҃кви соборнаӕ . а еп^с̑пъ Митрофанъ, и кнѧгини з дѣ^тми, и съ хнами ⁹ и со вноучаты

ѡгнемъ скончаша^с̑ . старѣишаѧ сн҃а твоа Всеволо^д з брато^м, в Новѣ городѣ ^А үбьена быста, а лю^ди избывше и к тобѣ идүть . ѡн же слышавъ възопи гл^с̑мъ велики^м . со слезами, по правовѣрнои вѣре хрестьӕньстѣи, паче же и ѡ црк҃ви, и еп^с̑па и людеи, бѧше^т бо мл^с̑твъ . нежели ¹ себе и дѣтеи, и жены . и въсклица из глүбины ср^дца, съ въздыханьемъ ср^дца гл҃ще, Г^с̑и се ли годѣ бы^с̑ твоемү мл^с̑рдию /л.243/ новои бы^с̑ Иевъ, терпѣние^м, и вѣрою . єже к Бу҃, и сице ємү молѧщюсѧ со слезами . и иноє много в тү . зѣ ^Б си глш҃е ѡхъ мнѣ Вл^дко . нн҃ѣ же что ра^ди ѡста^х азъ єдинъ ჻

В лѣ^т̑ . ҂s҃ . ѱ҃ . м҃s . [1238] Кнѧ^з же Юрьи посла Дорожа в нросикї ² въ . ҂г҃ . хъ мүжь . и прибѣжа, Доро^ж, и ре^ч̑, а оуже кнѧже ѡбошли сү^т на^с̑ ѡколо Татары . то же слыша^в̑ кнз҃ь Юрьи, всѣ^х на конь свои, съ брато^м свои^м Ст҃ославомъ, и съ сн҃овци сво^ими, с Василко^м, Костѧнтиновиче^м, и со Всеволодо^м, и Володимеро^м, и с мүжи своими, и поидоша противү поганы^х, и нача кн҃зь полки ставити и се внезапү приспѣша Татарове на Сить противү кн҃зю Юрью . кн҃з же ѿложи^в̑ всю печаль . и поиде к нимъ, и стүпиша ѡбои полци, и бы^с̑ сѣча зла, и побѣгоша пре^д иноплеменники, и тү оубьенъ бы^с̑ великїи кн҃зь Юрьи Всеволодичь, на рицѣ ³ на Сити . и вои єго мноsи погибоша, а Василка Костѧнтиновича, рүками ӕша и ведоша в станы своѧ с великою нуж^дею, и доше^д Шереньского ⁴ лѣса и сташа станы тү, и ноудиша Василка много безбожнїи Татаровѣ в поганьскои быти воли и^х, и воевати с ними, ѡн же повинү/л.243об./сѧ ѡбычаю и^х, и никако^ж не приӕ^т и пищи и^х ни пити^а и^х, но сице противоу имъ гл҃аше, ѡ глүхое ц^с̑ртво и скверное, никако^ж мене ѡ^тлүчите ѿ хр^с̑тьӕньские вѣры, аще есми и в велицѣ бѣ^д велми но се ми Бъ҃ наведе грѣ^х ра^ди мои^х . Бү҃ же како ѿвѣтъ дасте . ємү же многы дш҃и погүбили єсте . бес правды . ихже ра^ди мүчити вы има^т Бъ҃ . въ бесконечныѧ вѣкы . истѧже^т̑ бо Гь҃ дш҃а тѣ^х ихже єсть ⁵ погубили . ѡнї же скрежьташа зүбы своими на нь . желающе насытитисѧ крове єго . и бѣ бо лице єго оуныло . ѿ многаго томленьѧ ѿ поганы^х и ве^с̑ разливаше^с̑ слезами . поминаѧ преже створеныѧ грѣхы . и тако вьзве^д ѡчи свои на нб҃о и рече . Ги҃ ты вѣси всѧ таинаѧ сер^дца моєго . и всѧ моѧ мысли и сице годѣ бы твоємү мл^с̑рдию . и второє помолисѧ гл҃ѧ . Ги҃ . И^с̑съ Хе помагавы мнѣ многаж^ды . избави мѧ ѿ сѣ^д плотоӕдець . Ги҃ всеи ⁶ нерүкотвореныи цр҃ю . сп҃си любѧщи^х тѧ . прошеньє єже азъ прошю даи же ми . помози кр^с̑тьӕномъ . и сп҃си раба твоєго ^В. и чада моѧ Бориса и Глѣба . и ѡц҃а моєго єп^с̑па Кирила . и женү мою Мр҃їю . /л.244/ и пакї третїе ^Г помоли^с̑ гл҃ѧ, бл҃годарю тѧ Ги҃ Бе҃ мои, кѫю ти похвалнүю ^Д памѧть твою виж^дю ӕко благаа ⁷ моӕ памѧ^т желаема ^{8 Е} погыбае^т . и тонко ми тѣло үбѣдаеть ⁹, и прочее мысли ср^дца моего ^Ж таино воздыхаше молѧше^с̑ Бү҃, Г^с̑и Іс҃е Хе҃, вседръжителю прїими дх҃ъ мои, прїими дх҃ъ мои да и азъ почїю въ славѣ твоеи, и се ре^к̑ и тү абїе үбїенъ бы^с̑; сиѧ^ж злоба сключисѧ . м^с̑ца марта . д҃ . блж҃ныи же єп^с̑пъ Кири^л̑ ида з Бѣлаѡзера тамо избы^в̑ ра^тны^х, и прїиде на место идѣже оубїенъ бы^с̑ велїкїи кн҃зь Юрьи, и ѡбрѣте тѣло е^г̑, взем же и принесе е в Росто^в̑, и пѣвъ на^д ни^м̑ ѡбычнаӕ пѣньӕ . и положиша є^г̑ в цр҃ьви ст҃ыа Бц҃а, а Васи^л̑кү ^Ж оубьенү бывшю и поверженү на лесѣ, и ви^д етера жена вѣрна и повѣда мүжю бо҃боӕзнївү, и взѧша тѣло е^г̑ и положиша въ скро-

венѣ мѣсте, оувѣдав же се єп^с̑пъ Кирилъ и кнѧгини Васи^л̑кова и пославше и взѧша тѣло єго, и ӕко понесоша, въ гра^д Росто^в̑ . и многоє множество народа изидоша противү ємү жалостныѧ слезы испүщающе, сего бо блж҃наго Василка причте Бъ҃, смр҃ти Андрѣевѣ . кровью мүчнч^с̑кою, ѡмы своӕ прегрѣше^н̑ӕ /л.244об./ со ѡц҃мъ своимъ Геѡргїемъ, и со брато^м свои^м . се бо чю^дно є^с̑, ибо и по смр҃ти совокүпи Бъ҃ телеса и^х, и принесоша Василка и положиша и въ цр҃кви ст҃ыа Бц҃и, идѣже мт҃и его лежи^т . не бѣ же слышати пѣньӕ въ плачи мноsѣ . бѣ же Василко лицемъ красенъ ѡчима свѣтелъ, и гроsенъ взоро^м, паче мѣры храборъ . на ловѣ^х вазни^б̑ . ср^дцемъ лего^к̑, а кто ємү слүжи^л̑ то^т не можаше є^г̑ забыти и до смр҃ти ჻ Тѡгда же принесоша главү велика^г̑ кнз҃ѧ Юрьӕ, и вложиша ю в гробъ к тѣлү єго . но не предаи же на^с̑ до конца имени твоего ра^ди и не ѿими ѿ на^с̑ мл^с̑ти твоеӕ, и тако скончаша^с̑ тѣ сүдо^м Бж҃ьимъ . ӕкоже слышасте, а иным же кн҃земъ Бъ҃ повелѣ жити чл҃колюбиемъ своимъ в Рүсьскои землѣ хр^с̑тьӕньскаго ра^ди ӕзыка . абы до конца не ѡскүдѣла вѣра хр^с̑тьӕньскаа . гониша по нихъ поганїи, и не ѡбрѣтоша а . Бъ҃ избави а ѿ рүкү иноплеменни^к̑, бл҃гоч^с̑тиваго ^А и правовѣрнаго кн҃sѧ Ӕрослава, с правовѣрнымї єго сн҃ми, бѣ бо ү него сыновъ . s҃ . Алєѯандръ . Андреи, Костѧнтинъ . Аѳанасеи . Данило, Михаило, Ст҃ославъ, с сыно^м̑ Дмитри/л.245/ємъ ^Б, и Ива^н̑ . Всеволоди^ч̑ . и Василеи, Володиме^р Костѧнтинови^ч̑ . и Василковича два, и сѣ всѣ сохранени быша мл҃твами ст҃ыа Бц҃а : ~ ѿтолѣ прїидоша ѡканнїи Измалтѧне ^В, ѡстүпиша гра^д Торжекъ на Зборъ по Ѳедоровѣ не^дле, и биша^с̑ пороки по двѣ н^дли, и изнемогоша лю^диє в городѣ, а из Новагорода не бы^с̑ и^м помощи . но үже хто^ж ста^л̑ себѣ в недоүмѣнїи, и в страсѣ, и тако поганїи взѧша гра^д Торже^к̑, и иссѣкоша всѧ ѿ мүжеска полү и до женьска, иерѣискыи чинъ, и чернеческыи . а все изобнажено и порүгано бѣ^дною и нүжною смр҃тью предаша дш҃а своа Г^с̑ви . м^с̑ца марта . е҃ . на сре^дхр^с̑тье тү^ж оубиенѣ быша, Иванко посадникъ Новоторжскы^и Ӕки^м Влүнкови^ч̑ . Глѣ^б̑ Борисови^ч̑, Михаило Моисѣеви^ч̑ . тогда^ж гонѧша^с̑ ѡканнїи ѿ Торжк^ү Серегѣрскы^и пүте^м нолни до Игнача кр^с̑та, а все людїе сѣкүще, аки травү, за сто вр҃стъ до Новагорода не дошли, Нов же горо^д застүпи Бъ҃ и ст҃аа Бц҃а фиа ^{1 Г}. соборнаа и и ап^с̑тльскаа цр҃кви, ст҃ыи великїи прп^дбныи Кирилъ архиєп^с̑пъ Алеѯандрьскыи, и ст҃ы^х правовѣрны^х архиєп^с̑пъ млт҃ва, и бл҃говѣрны^х /л.245об./ кн҃sе, правовѣрны^х чр^ъноризець . и ерѣиска^г̑ собора, да кто ѡц҃и и братие и дѣти видѣвши Бж҃їе попүщение се на всеи земли Рүсьскои, и не плачеть^с̑. А Батыи же ѿселе вороти^с̑, и прїиде к городү Козельскү бүдүщю в не^м кн҃зю младү, имене^м Васи^л̑ю оувѣдавше^ж ѡканнїи, ӕко үмъ крѣпкодш҃внъ лю^дие имү^т в городѣ . словы лестными невозможно е^с̑ приати града . Козлѧне^ж съвѣ^т сотвориша не вдати^с̑ Батыєви рекше себе ² аще кнѧ^з нш҃ь мла^д є^с̑ но положи^м живо^т свои за нь . и здѣ славү сего свѣта приемше и тамо нб^с̑ныа вѣнца ѿ Х^с̑а Ба҃ прииме^м, Татаровѣ^ж бьюще^с̑ гра^д приӕти хотѧще, разбивши^м стѣны града, и взыдоша на ва^л̑ Козлѧне^ж ножы рѣзахүсѧ с ними, совѣт же сотвориша ^Д изыти противү имъ на полкы Татарьскыа, и исше^дше из гра^д иссѣкоша праща и^х . и напа^дше на полкы и оубиша ѿ Татаръ . ҂д҃ . сами^ж избиени быш^а Батыи^ж взѧ гра^д Козелескъ и изби в^ъсѧ и до ѡтрочате ссүщи^х млеко . а ѡ кнs҃и Василїи, не вѣдомо є^с̑ . инїи же /л.246/ гл҃хү ӕко в крови үтопе поне^ж бо мла^д бѣ, ѿтолѣ^ж в Татарѣ^х не смѣӕхү єго нарещи Козелескъ но звахү єго гра^д злыи . понеже бѧше билисѧ оу горо^д того, по семъ недѣ^л̑ и оубиша три сн҃ы темничи, Татаровѣ же искаша и^х, и не ѡбретоша и^х во множествѣ трүпиа мр҃твы^х, Батыи^ж взе^м Козелескъ и поиде в земълю Половетцкоую : ~ Того^ж лѣта . сѣде Ӕрославъ Всеволоди^ч̑ на столѣ . того ^Е же лѣта ѿда Ростовъ Сүздаль братү

Ст҃ославү ^А. того же лѣта ѿда Ӕрославъ братү Иванү Стародүбъ ჻

В лѣ^т̑ . ҂s҃ . ѱ҃ . м҃з . [1239] Посла Ӕрославъ по брата своєго Юрьѧ в Ростовъ . того же лѣта взѧша Татаровѣ Черниго^в̑ . того же лѣта взѧша Мордовьскүю землю, Мүромъ . по Клѧзмѣ повоєваша горо^д ст҃ѣи Бц҃и взѧша . того же лѣта бы^с̑ пополо^х золъ по всеи земли . не вѣдѧхү и сами кто гдѣ бѣжи^т̑ ჻

В лѣ^т̑ . ҂s҃ . ѱ҃ . м҃и .[1240] взѧша Татаровѣ Кыєвъ . де^н̑ . s҃ . на памѧ^т̑ ст҃го ѡц҃ѧ Николы ჻

В лѣ^т̑ . ҂s҃ . ѱ҃ . м҃ѳ . [1241] родисѧ Ӕрославү сн҃ъ Василїи . того же лѣта оубиша Татаровѣ Мьстислава Рыльскаго ჻

В лѣ^т̑ . ҂s҃ . ѱ ҃ . н҃ . [1242] ходи Але/л.246об./ѯан^дръ Ӕрославичь с Новъгоро^дци на Нѣмци . и бисѧ с ними на Чюдъскомъ єзерѣ . оу Ворониа камени . и побѣди Александръ . и гони по ледү . з҃ . верстъ сѣкүчи и^х ჻

В лѣ^т̑ . ҂s҃ . ѱ҃ . н҃а . [1243] поиде Ӕрославь к Батыю . а сн҃а Костѧнтина посла къ Кановичемъ . и приїде пожалованъ ჻

В лѣ^т̑ . ҂s҃ . ѱ҃ . н҃в . [1244] поидоша въ Ѡрдү . Володимеръ Костѧнътиновичь . Васильковичь Борисъ да Глѣбъ . Васїлеи Всеволодичь про свою зѿчинү ^Б. и пожалова и^х Батыи ჻

В лѣ^т̑ . ҂s҃ . ѱ҃ . н҃д . [1246] поиде Ст҃ославъ [в Ѡрду] ^В про свою ѿчинү . и пожалованъ бы^с̑ . того же лѣта оубьєнъ бы^с̑ Михалко Чернїговьскыи . се^н̑ . к҃ . того же лѣта сѣде на столѣ Ст҃ославъ ჻

В лѣ^т̑ . ҂s҃ . ѱ҃ . н҃s . [1248] ѡженисѧ Борисъ Василковичь . оу Мүромъскаго Ӕрослава . того же лѣта престависѧ Ӕрославъ в Татаре^х . нүжною см҃ртью . того же лѣта оубьєнъ бы^с̑ Михаило Ӕрославичь ѿ Литвы ჻

В лѣ^т̑ .҂s҃.ѱ.н҃з. [1249] престависѧ Володимеръ Костѧнтиновичь оуглечьскыи . того же лѣта престависѧ Василеи Всеволодичь Ӕрославъскыи ჻

В лѣ^т̑ .҂s҃ . ѱ҃ . н҃и . [1250] приєха Василии ^Г ми/л.247/трополитъ на Сүздальскүю землю ჻

Назад    Оглавление    Вперёд