Рассказ о преступлении рязанских князей

По изд.: Рассказ о преступлении рязанских князей / Памятники литературы Древней Руси. XIII век. — М., 1981. — С.128-129. Тут по Новгородской Первой летописи.

Томь же (6726) лЂтЂ ГлЂбъ, князь Рязаньскыи, Володимиричь, наученъ сыи сотоною на убииство, сдумавъ въ своемь оканьнЂмь помыслЂ, имЂя поспешника Костянтина, брата своего, и с нимь диявола, юже й прЂльсти, помыслъ има въложи, рЂкшема има, яко избьеве сихъ, а сама приимЂва власть всю. И не вЂси, оканьнЂ, божия смотрения: даеть власть ему же хощеть, поставляеть цесаря и князя вышнии. Что прия Каинъ от бога, убивъ Авеля, брата своего: не проклятье ли и трясение; или вашь сродникъ оканьныи Святопълкъ, избивъ братью свою: онема вЂньць царства, а собЂ вЂчьную муку. Сь же оканьныи ГлЂбъ Святопълчю ту же мысль приимъ, и съкры ю въ сердци своемь съ братомь своимь.

Съньмъшемъся всЂмъ на исадЂхъ на порядЂ: Изяслав, кюръ Михаилъ, Ростислав, Святослав, ГлЂбъ, Романъ; Ингворъ же не приспЂ приехати к ним: не бе бо приспело врЂмя его. ГлЂбъ же Володимиць съ братомъ позва я к собе, яко на честь пирения, въ свои шатьръ, они же не вЂдуще зльгя его мысли и прЂльсти, вси 6 князь, кождо съ своими бояры и дворяны, придоша въ шатьръ ею. Сь же ГлЂбъ прЂже прихода ихъ изнарядивъ свое дворяне и братне, и поганыхъ половьчь множьство въ оружии, и съкры я въ полостьници близъ шатра, въ немь же бе имъ пити, не вЂдущю ихъ никому же, раз†тою зломысльною князю и ихъ гтроклятых думьчь. Яко начаша пити и веселитися, ту абие оканьныи, проклятыи ГлЂбъ съ братомъ, изьмъша мечя своя, начаста сЂчи прЂже князи, та же бояры и дворянъ множьство: одинЂхъ князь 6, а прочихъ бояръ и дворянъ множьство, съ своими дворяны и съ половчи. Си же благочьстивии князи рязаньстии концяшася мЂсяця июля въ 20, на святого пророка Илии, и прияша вЂнця от господа бога, и съ своею дружиною, акы агньци непорочьни прЂдаша душа своя богови. Сь же оканьныи ГлЂбъ и Костянтинъ, брат его, онЂмъ уготова царство небесное, а собе муку вЂчьную и съ думьци своими.