ПОВЕСТЬ О УБИЕНИИ БАТЫЯ *

О убиении злочестиваго Батыя во Угрехъ

И поне же злочестивый онъ и злоименитый мучитель не доволен бывает, иже толика злая, тяжкая же и бедная христианом наведе, и толико множество человековъ погуби, но тщашеся, аще бы мощно и по всей вселенной сотворити, ни да по не именовано ся бы христианское именование, абие в то же лето устремляется на западныя Угры къ вечерним странам, их же прежде не доходи; многа же места и грады пусты сотворивъ, и бяше видети втораго Навуходоносора, град Божий Иерусалимъ воююще. Сей же злейший и губительнейший бысть онаго, грады испровергая, села же и места пожигая, человеки же закалая, инехъ же пленяа, и бе пророческое // л.264 обю// слово бываемо зряще: "Боже, приидоша языцы в достояние твое и оскверниша церковь святую твою". И паки: "положиша трупия рабъ твоих брашно птицам небесным и плоти

219

преподобных твоих зверемъ земным". Темъ же иже тогда все человечество, вси плакаху, вси воздыхаху, и вси "увы" взывааху. Инии же глаголаху: "по что родихомся; родившееся же по что не умрохом, яко же прежде бывший человецы, да быхом сихъ золъ не видели, и поне же быхом грйшнейши паче онех, яко таковая злая постигоша насъ". Но никто же бе утешаяй, не бо человечьское бяше бываемое, но от Бога попущаемо, грех ради наших. Сим же тако бывающим, достиже оный гневъ Божий и до самаго великаго Варадина града Угорскато; той бо среди земли Угорской лежитъ древесъ простыхъ мало имущи, но много овощия, изобилия же и вина; градъ же весь водами обведенъ и от сея крепости не боящеся никого же, среди же града столпъ стоя зело превысокъ, елико удивляти зрящих на нь. Бе же тогда самодержец тоя земли краль Власлов, Угром же и Чехом и Немцом и всему поморию, даже и до великаго моря. Беху же Угри первое в православии крещение отъ Грек приемшимъ, но не поспевшимъ имъ своимъ языкомъ грамоту изложити. Римляном же, яко близ сущим, приложиша ихъ своей ереси последовати, и оттоле даже и до днесь бывает тако. Предреченный же краль Власлов, и той тако же пребываше Римской церкви повинуяся, донде же прииде к нему святыи Савва Сербьский архиепископъ. И сему паки сотваряет присту// л. 265// пити к непорочней христианстей вере Гречестей, не явленно, но отай, бояше ся бо востания Угров на ся. Пребысть же святыи Савва, поучая его о православии, месяцъ 5, тако отходить восвояси, единаго священника оставив у него; и того тако пребывающа, яко же единагот от служащих ему. Той же окаянных окаяннейший царь Батый пришедъ в землю, грады разрушая и люди Божия погубляя. Самодержцу же Всеславу *, его же святыи Савва именова Владиславъ, не поспевшу собратися с людми своими, далняго ради землямъ растояния. Тогда же благополучное время Батый обретъ, творяше елико хотяше. Той же самодержец, видев гневъ Божий, пришедший на землю его, плакаше, не имый что сотворити; на многи же дни пребысть ни хлеба, ни воды вкушая, но пребываше на предреченномъ

* Ошиб. вместо Власлову.

с. 220

столпе, зря бываемое от беззаконных и безбожник. Сестра же его бежащи к нему во град; тыя же варвари достигше ю, плениша и к Батыю отведоша. Краль же Владиславъ сия видевъ, и тако сугубый плачь и рыдание приложив, начатъ Бога молити, глаголя: "сия ли суть щедроты твоя, о Владыко, яко за их же кровь свою пролиялъ еси безгрешне, грехъ ради наших предал еси насъ в руки царю законопреступну и лукавнейшу паче всеа земля, но не предаждь насъ до конца имене твоего ради. Что бо речетъ мучитель: "где есть Богъ их". Помози ми, Господи Боже мои, и спаси насъ по милости твоей, и разумеют вси, яко ты единъ Господъ по всей земли". Сия же и ина многи плача глаголя, слезам же много текущим от очию его, яко рйчнымъ // л. 265 об. // быстринам подобяще, и иде же аще падаху на мраморие, оно проходяху насквозь, еже есть и до сего дне знамение то видъти на мрамориях, и от сего познаша помощи Божий быти. Ста же некто пред кралем и рече ему: "се ради слезъ твоих дает ти Господь победити царя злочестива". Начаша же смотрити лице глаголющаго и не видеше его к тому. И сошедше со столпа онаго видеши конь оседлан, никим же держим, особ стояще, и секира на седле, и от сего известнейше разумеша помощи Божией быти. И тако самодержецъ вседъ на коня оного и изыде на противных из града с вой, елико обретошася с ним; видевше же съпротивнии, и абие страхъ нападе на нихъ, и на бежание устремишася. Они же, во след женуще, толикое множество безбожных варваръ погубиша, и богатство их взяша, елико и числа не бе, и иных живых яша. Видевше же иже во граде оставшии помощь Божию и победу на противных, изыдоша из града с малою чадию, рекше жены же и дети, мужескую храбрость восприимше, и ти такожде нечестивыхъ побиваху, никому же противящуся, и яко же и первее pеxoм. Безбожному же оному Батыю ко Угорским планинамъ бежащу, зле житию конецъ приемлеть от руки самого того самодержца Владислава. Глаголютъ же нецыи, иже тамо живущий человецы, яко сестра Владиславля, ю же плениша, и та тогды бежащи бяше с Батыемъ, и бысть, повнегда //л. 266// сплестися Владиславу с Батыемъ, тогда сестра его помогаше Батыю, их же самодержец обою погуби. Угры же сташа въ станах Батые

С. 221

вых. Татарове же приходяще к станом своим со пленом не ведуще бывшаго. Угри же пленъ отнимающе, самихъ же варваръ немилостивно погубляху, токмо елицы восхотеша веры еже во Христа, техъ оставиша. Створенъ же бысть мъдным лиянием король, на кони седя и секиру в руце держа, ею же Батыя уби, и водруженъ на том столпи на видение и память роду и до сего дне. И тако сбысться реченное: "мне отмщение, и аз въздамъ месть", глаголеть Господь. До зде убо яже о Батый повесть конецъ приятъ.

Повесть опубликована: * Горский А.А. "Повесть о убиении Батыя" и руссая литература 70-х годов XV в. // Средневековая Русь. Ч. 3. М.: Индрик, 2001. С. 191-221.

Повесть оп. по неизданному списку: Архивская летопись, РГАДА, ф. 191, №20, л. 264-266. Номер листа (и страницы издания) предшествует тексту на ней.

Реферат статьи Горского

В летописи повесть под 1247 г. - о походе Батыя на Венгрию. Вне Руси сюжет не зафиксирован. В реальности Батый успешно взял Венгрию в 1241 г., противостоял ему Бела IV (1235-1270). Умер Батый в середине 50-х г. своей смертью. Самые ранние летописи, содержащие повесть, относятся к 1470-м г. (Ерм. и др.). С.Розанов считал, в основе сюжета легенда о Ласло Святом, короле 1077-1095 гг. - как дружина Владимира Святого в былинах побеждает татар. Отсюда Варадин. Также как источник житие Саввы Сербского, якобы обратившего в православие венгерского короля.

Необычна для др-р. лит-ры сниженность образа Батыя.

Сюжет лучше отражает неудачный поход татар на Венгрию в 1285 г., когда Ласло IV, не вступая в битву, потрепал татар. Сюжеты наслоились.

Повесть читается в Московском свободе 1479 г., была в его протографе, датировка которого неясна - автор полагает, что протограф был сводом 1477., где и была Повесть. Пахомий подключил, что было для него типично, повесть к житию Михаила Черниговского. Повесть перекликается с антитатарскими идеями клерикалов 1470-х гг., когда они убеждали Ивана бороться с Ахматом. Летом 1477 г. в Москве ждали орды, а свод 1477 г. заканчивается на известии 31 мая 1477 г. В Моск. своде 1470 опущены места, указывающие на зависимость от Орды: о службе Глеба Ростовского татаром, о получении Невским старейшинства в Орде. Рыло в Послании на Угру убеждал, что Батый не был царем. Возможно, что спор татарской и антитатарской партий восходит к 1472 г. В 1480 за сопротивление Орде был Паисий Ярославов, с 1479 игумен ТСЛ., и Рыло был прежде игуменом тут же.