Ко входуЯков Кротов. Богочеловвеческая историяПомощь
 

Аноним

О хождении посолонь. Ок. 1481 года.

Комментарии к публикации - публикаторов Клосса и Назарова, 1997.

Московская Русь (1359-1584): культура и историческое самосознание. Под пед. А.М.Клеймола, Г.Д.Ленхофф. М.: ИЦ-Гарант, 1997. C.606.

Culture and Identity in Muscovy, 1359-1584. Moscow: ITZ-Garant, 1997. Ed. by A.M.Kleimola, G.D.Lenhoff.

Клосс Б.М., Назаров В.Д. Полемическое сочинение 1481 г. о хождении "посолонь". С. 351-390. Страницы указаны в прямых скобках и выделены линейками.

РГБ, ф. 37 (собр. Т. Ф. Большакова), № 97, л. 252 об.-262.

[1481 г.] Полемическое сочинение о порядке освящения храмов


В лето 6939, месяца июля в 2 день , преставися Фотий митрополит. И по преставлении его восташа брани межусобные промеж великого князя Василия Васильевича и дяди его Юрья Дмитриевича, зазвашася в Орду ко царю Махметю о великом княжени* , и много зло бысть промеж их, якоже явленно в летописце о них. А смирити их некому, митрополита бо не бысть тогда.

И тогда убо и ереси начата являтися, не яко яве, но по малу: первое венчание, таже и около огня обвожение посолно по совету

* Так в ркп. //385//


злых человек обаянник. Потом же дерзнувше и на высочайшая и превеликая и церкви свящати, обходити 3-жды вкруг их по солнечному же двизанию, а не яко около престола, якоже устав кажет.

Тогда же по шестих летех преставления Фотия митрополита прииде Исидор, и той бе волк и хищник, а не яко пастырь, но токмо развратник, имеяй лукавая в сердцы своем. И порадовася, видя бесчиние наше, и яко готов сый прелщати нас, и дерзновение прият и поиде на осмый собор в Рим к папе Евгению и к сущим тамо собранным прелестником от папы и от того Исидора. Бысть на Москве той Сидор всего 6 месяц.

И в Русии святителя не бысть тогда, и начаша святительскую власть князи держати. И быша тогда брани злы межусобные в братье, тако же и женитвы во племяни, а возбраняющих не бе. И многу сему злу бывающу, еще же и ратем и кровопролитию многу, и одолев един другаго и ослепи его.

Потом же бысть и нахождение иноплеменник, и великого князя Московскаго плениша под Суждалем и отпустиша его паки татарове на великое княжение. И тое же зимы братья поимаша его на крестном целовании и ослепиша, и в заточение посадиша, по седми же месяцех и выпущен бысть. И прииде на свое государьство на Москву, избирает святители земли своея и поставляет митрополитом рязанского* епископа Иону, и повинуется ему яко отцу и учителю во всем.

Той же блаженный Иона митрополит нача направляти и учити Богом порученное ему стадо по божественным правилом. И бысть тогда взыскание от него о священии церковном смятения ради того, иже бысть преже его без святителей: инии по двизанию солнечному ходили около церквей, а инии к востоку, якоже и округ престола устав держит кропити и кадити. Иона же митрополит собор собра о том, якоже глаголют, Иякова попа, иже бысть тогда под протопопом церкви началник и сосудохранитель и потом священноинок Иона же; бывшу же, рече, на соборе том и Ефрему архиепископу Ростовскому, понеже той тогда в осаде бысть на Москве. И обыскав по старине теми же прежними священники, которые были еще при Киприяне митрополите и при Фотии, что ходити к востоку, как при тех митрополитех было.

И митрополит Иона поставил церковь в полате на своем дворе во имя Положения ризы Пречистая Богородица и свящал ее сам,

* В ркп. "рязанским". //385//


первое вышед ис церкви, ис полаты, и став пред дверми 41 и покропил их; и тако поиде к востоку, кропя все стены, а шел преже в болшие врата да ис Пречистой к предним дверем, таже к полате, и взем кадило, став и покадил двери и поиде, тако же кадя все стены около, и паки пришед, став и взяв крест и знамена двери и поиде тако же вкруг, осеняя крестом вся стены церковныя. А посолно не 42 ходил и повелел тако же все церкви свящати по всей митрополии своей. И оттуду бысть тако вся благая в земли нашей беша, а врагом скорбь.

А при Феодосии митрополите священна церковь Иона святы в Боровитцких воротех. А был на священии Трифон архимарит, протопоп Кирьяк, протопоп Иван, протопоп Родион. А тако же ходили к востоку. А был тогда поп Василей у тое 43 церкви.

В лето 76-го 44 свящал Филипп митрополит каменную церковь Вознесения Христова, ноября в 3 день. А Васьян, Спасской 45 архимандрит, с ним же был и прочий архимариты, и протопопы, и свя-щенницы, а тако же ходили к востоку, а не посолно. А того же лета Филип же митрополит свящал церковь Воздвижение честнаго креста, а тако же ходил. Да и прочий все церкви по всей митрополии тако повеле свящати.

А Пафнутий свящал во своем монастыре церковь каменную Рожества Богородицы, тако же ходил. А был на священии том поп Иван, что в протопопех у Архангела был.

А что говорил Иона, преже бывши протопоп Архангелский, что бывало де в Суждали посолно хаживали, - ино то было при Аврамии епископе, а той Аврамей с Сидором митрополитом 46 во единачестве был и на соборе в Риме. А и на Москве тогда в безначалии тако же было, по мирских человек воле ходили, без святителя. Яко же и в Писании глаголет: "Иде же несть святителя, и в той земли многое зло бывает".

А иже кто глаголет: "Единако хожение и посолно", и - где то есть написано, что преже поход и моление на запад да на сивер? На запад бо обращьшеся, диявола проклинаем и отрицаемся его, якоже явленно во оглашении святые великие пятницы пасхи в Потребнице, во главе

41 Вркп. "пре-дверми".

42 В ркп. "не" пропущено.

43 Вркп. "о тое".

44 В ркп. "7006-го".

45 В ркп. далее прибавлено "и"

46 Вркп. "митрополитьтом".//386//


107. Другое же явленно в Потребнице во отрицании манихейском и фряжском о не хотящих к востоку истинному Богу молитися и солнечному двизанию внимающи велико запрещение и проклятие во главе 142. Како же се единако, глаголют, посолно ходити, иже преже святый олтарь и святую трапезу, сиречь престол, како свящают и кропят и кадят к востоку, и еже о душе тако действовавше. А около церкви, еже есть тело, сопротивно ходим к западу, то како не зло се есть, раздравше Христову ризу. Аще бо и земнии мы, о душе добре вся строим, а единою же летом согрешим, то и с душею снидем во ад. Якоже великий Антоней рече учеником своим о некоем старце, поведающим ему о нем: "Велик, братие, корабль той и обременен есть, но не вем, како дойдет ли до пристанища". Потом же рече Антоний великий он: "Братие, столп падеся, а падение его бысть з дивием безсловесным".

А иже кто на святых прежних старцев глаголет: "Тако тии посолно же церкви свящали". И аще бо то и было от неведения, и того Господь не вменит им в грех, якоже и в Писании глаголет. Бе некий иерей о всем богоугодно живый, и егда служащу ему литоргию и всегда анггели ему служаху, но точию службу ту прият от еретик, не презре же Господь труда его и добродетели усмотрив. Тако прилучися приитти к нему диякону от соборныя церкви во время святыя литоргия и видех его служаща не по уставу святыя соборныя церкве и обличил его, глаголя: "Отче, несть сия суть от предания соборныя церкви, но от еретик". Поп же не послушал его. Диякон же и в другий день тако же обличи его, а он же не внимаше, но надеяся своему исправлению. В третий же день нача поп той литоргию и анггели же предсташа 47 ему готови на послужение. И рече к ним поп: "Онъсица диакон зазрит ми о службе моей". И рекоша ему анггели: "Право глаголет ти, останися того". И рече поп: "То почто вы не возбраните ми сего?" И рекоша анггели: "Добродетелнаго ради жития твоего посла нас Господь служити тебе, а не учитти, ни обличати тебе, усмотри бо Господь Бог человеком человеки исправляет".

Ведите же се, преже бывши Иона митрополит и чюдотворец сице повелел свящати святыя церкви, якоже и прежде его быша. По тому же преданию и нынешний митрополит Геронтей действует 48 сам и повелевает тако же и всем ереом творити.

47 В ркп. "предстасташа".

48 В ркп. "действуем". //387//


И вы же убо глаголете: "В старину так бывало, что посолно ходили круг церкве", Мы же вам глаголем 49 : "В старину и болваном ся кланяли и солнцу, и луне, и звездам, и огню, и кусту, якоже пои цари Батые, иже замучил князя Михаила Черниговского и болярина 50 его Феодора. А и ныне невегласи зверем молятся, иже в державе великого князя глаголемии гугуличи. А инии зовущеся християны мнозии, а бесчисленно их множество, глаголют, в Наугородцких областех, и нечистоту ядят и давленину, и кровь, и у рек же и у кладезей, и у болот молбы творят, и животная закалают, волы и овцы, и бораны, и вепри, и куры, и коим закалают и глаголют, рекше, святым и тамо и ядят и пьют, тамо же и пива варят. А инии умерший в лесех и кладутся, а не у церкви, якоже и древний елини. Ино сея ли старины держитеся, еже есть горшее зло?"

Еще же видим и написана Господа нашего Исуса Христа на кресте распята, на восток главу преклонша, и егда воин прободе ребра его и изыде кровь и вода тако же к востоку. Якоже глаголет и в прении Афонасия Великаго со Арием, что глава и перси к востоку же.

А егда же божественная литоргия совершается, како исходим из святаго олтаря на выход со святым еуангелием и на переносе с телом Хростовым и кровию и по причащении, иже егда страшим и святая относим потребити, не со востока ли обращаемся на полдень, таже на запад и на север, и паки на восток? А крест воздвизая, молимся не на восток ли преже, таже на юг и потом на запад и на сивер, и паки на восток? Тако же и кропят святою водою. А нигде несть писано, чтобы преже к западу молитися, опроче единаго конца, еже есть Христос истинный Бог нашь, но и то глаголется во церкви народа ради. К западу бо стояще, отрицаемся диявола и всех дел его, и плюем на него, и проклинаем. Тамо бо той стоит, иде же есть начало тмы.

А иже кто речет: "Ходи посолно", - то уже древних конобник есть ересь и святому писанию сопротивно. И егда убо крестим кого и около престола како обносим его 3-жды, не тако же ли, яко же и кадим? Или ставят диякона, или попа, или епископа, не тако же ли обводят их около престола к востоку? И на вся празники поставивше среди церкви икону праздничную, како кадим округ ея? И около креста на налое како кадим? И в суботу великую ходим с плащаницею, и на всяк день на вечернях и на литоргиях со еваньелием како бы ходим посолно ли? Аще же и преставится кто, тако же кадяще около его, а не посолно же.

49 Вркп. "глаголет".

50 В ркп. "и бо и болярина".//388//


Блаженнаго Афонасия, иже со Арием прение о Христе, яко со двема или трема розгама, понеже руце простерте, а глава же и перси к востоку.

От 3-го слова Козмы Индикоплова, вопрос. Еще же аще речет кто: "Почто на восток повеле Моисей быти вход сени и внутренней сени, еже есть святая святых, на западе?" Ответ. Да услышит о том вскоре - понеже бо подобие всего мира, сию сень, повеле сотворити по образу, от Бога показанному ему на горе. И тако сотворил вкупе и исписал, якоже созда Бог человека и начало входа, еже в мир, на востоце сотворил. И тако повелевает ко всходу растящимся и множащемся стяжевати и наполнити всю землю до запада. И того ради дверь сени на востоце бысть, а внутренняя же сень, еже есть святая святых, на западе бысть, понеже паки и та беяше подобие небеснаго места.

В последняя же дни повеле явитися архиереом и всех царем Господем нашим Исус Христом, якоже последи на западе бывши, понеже от востока нача быти мир человеком и по ряду до запада протек, и распростреся того ради, яко вторая и последи бывши на западе.

Того ради и церкви предание везде и едино поклонение християном духовно на восток творити Богови, иже бо от востока до запада род человечь умножившу и распростершу.

А якоже июдеи телесное о Бозе смысляще, поклон ко Иеросалиму, идеже храм созда себе, творяху. Едино же есть уведети о сем от Даниловы истории, иже отворив дверца, таже прямо Иеросали-му зряще ко храму, внемля, поклон творяше, якоже годно им Иеросалима на запад поклон творити, а западный на восток, а сиверный на юг, и полунощный на сивер, вещию бо коею 4 киждо являющи поклон. А християне же не тако, но един поклон духовен, якоже неописанну сушу Богу, на восток творят, якоже изначала тем от востока явльшемся и исполнившем тем до запада.

В греческом убо Потребнице в главе 154, а в нашем 107, во оглашении великия пятницы о хотящих креститися и по многих тамо глаголаниих речей им архиерей: "Ныне стоит к западу диявол, скрегча зубы, збирая власы, плеща руками, кусая устны и неистово рыдая опустения своего, не веруя о вашем свобожении. Сего ради Христос постави нас прямо его, да отвергше его и дунувше еже на него восприимать брань, на западе стоит диявол, идеже начало тмы, Отрецыите 51 того и дуните на нь".

51 Вркп. ''отрицыи".//389//


Онем же дунувше и обратившеся. И тако обратятся на восток и присовокупятся Христови, да никто же убо преобидит, но со страхом страхом стоит. Вся бо страшна настояща и грозна и вся силы небесныя зде приидоша, и вси анггели и арханьели невидимо глаголы наша описуют, херувими же и серафими ныне с небес приничат, яко да принесут наша обеты, и принесут ко Владыце. Блюдите же се убо, яко врага отричитеся и содетелю совокупляетеся. И по сем глаголет к ним: "06ратитеся к западу, горе руки своя имуще, и еже аз глаголю, се же и вы глаголите отричюся сатаны и всех дел его, и всея службы его, и всех ангел его, и всего студа его". И се убо третицею глаголют и всем отвещающим таяждетаже вопрошает их 3-жды: "Отрекосте ли ся сатаны?" Они же глаголют: "Отрекохомся", И глаголет: "Дуните же на нь". Потом же паки глаголет к ним: "Обратитеся на восток, долу руки свои имуще, и со страхом стойте, и якоже глаголю вам, - се и вы глаголите - совокупляюся Христу и верую во единаго Бога", все до конца. Сие же 3-жды глаголет, а нам же отвещающим, таже вопрошает третицею:

"Сочетаетьсте 52 ли ся Христови?" Они же отвещавают: "Сочетахомся". И по сем глаголет им: "Поклонитеся ему", - и прочее.

Аще же хощете ведати, прочтите сии в тех писаниих греческих и руских, яко несть никогда же молитве бываеме в церковных службах к зацаду или к сиверу, но все к востоку.

Подобает же и се ведати о проклинании ересей евномиян и фряг, иже во едино погружение крещаюшихся. И егда восхотят быти православнии християне, и тогда подобает им проклинати своея ереси, якоже написано в греческом Потребнице в главе 157, а в нашем 142. И по многих проклятиих се написано: "Проклинаю иже Христа глаголющих быти солнца и молящихся солнцу и луне, и звездам, и всяко тем, яко богом внимающих и светлейшая боги нарицающих и иже не к востоку точию истинному Богу молящихся, но солнечному двизанию внимающих".

К сим же и еже от зелейника и подобно армеyскому удыбанию от поядения жита от птиц. Се еже 53 воробьи или иные птицы поядают жито, то повелевают павину кость носити, дабы тебя ни птица, ни зверь не почюл, ни человек, ни ино что животно, ни на поле, ни в дому, но обойди жито посолно 3-жды и положи в жите. Аще ли же ти возлетит птица, то паки иди домов.

Сему же подобно и християне творят. Егда венчают их в церкви, и егда приведут их в дом, идеже быти им, и ту в дому том на

52 Так в ркп.

53 В ркп. "же".//389//


середу 54 воскладают огнь и обводят их трижды около огня того посолно. И потом ведут их во уготованное им место, идеже совокупитися им, адиявола потешивше. А мы, иереи, о сем не наказующе, ни учаще их, но по повелению их и по старому злому в них действу, еже вкоренися преже крещения в них, попущахом им. А и сами не разумеюще, но толико глаголюще: "Из старины так было". А божественная писания ни во что же вменяюще и не брегуще. И о сем прелщаемся малогодныя ради славишка, человеком угодная творяще, толико богатии бы были, а на конец и з детками в безну.

От третьяго 55 слова Шестодневника святаго великого Василия:

"Да не мнят прелестницы солнце творяще жизнь, но да ся его останут кланятися, яко преже того есть сотворено и все по земли, еже тому без меры чюдятся и ослабею мысляще, яко трава и сена новее есть, солнце бытием".

Се же блаженнаго Афонасия Александрийского ко Антиоху князю, воспрос: "Чего ради мы, християне, покланяемся на восток, а жидове на юг?" Ответ. Се едино есть о сем указание и совет, инако бо июдеем отвещаем, а инако же еллином, скажем и про то паки, християне, о сем изъявим. Июдеем бо речем, яко сего ради вернии покланяются на восток Духу Святому, взаконившу нам пророком Давидом, рекшу: "Поклонимся на месте, идеже стоясте нозе его". Аще же и глаголют июдеи: "Где стоясте нозе его?" Малахия же пророк учит ны, глаголя: "Станут нозе Господни на восток на горе Елеонстей, прямо Иерусалиму". И оттуду же и сами июдеи во Иерусалиме молящеся на восток, зрят к горе Елеонстей. И се убо вкратце еже ко июдеем. Отвещание же ко еллином сице речем: "Яко не на востоце описуему Богу покланяемся на восток, но понеже Бог свет истины 56 его, глаголется, сего ради к свету созданному взираю-ще не тому, но сотворшему покланяемся. От перваго состава, иже преже всех состав, вечного Бога почитающе. Вернии же да слышат и навыкнут, яко сего ради блажении християнския церкви к востоку сотворени стояти, яко да от сего краеви зрим, откуду же испадохом. А на юг зрети июдеем пророцы узакониша, занеже оть южныя страны Иерусалим, рекше от Фифлиома, сиречь от юга..."

54 Вркп. "среду".

55 Вркп. "ретьяго".

56 Вркп. "истинны".

 
Ко входу в Библиотеку Якова Кротова