Исповедание скитское
Рукопись: Требник, XVII в., Соф. библ. №1065. Л. 92 об. - 97.
Воспроизводится по публикации у Алмазов А. Тайная исповедь в православной
восточной Церкви. Опыт внешней истории. Т. III. М.: Паломник, 1995. , т. 3. с.
220-223 (страницы в прямых скобках, отмечены линейкой).
Исповедаюся аз грешный имярек Господоу Богоу вседержителю и пресвятой его матере
и тебе, моему отцю. Исповедаю матере и всем святым его вся согрешения, и вся злая
моя дела, их же сотворих и помыслих и глаголах отнележе крещен есмь и да иже и
до сего дне и часа. Сего ради своим роукописанием вся сия исповедаю всемогущемоу
Богоу и тебе, моему отцю, имоущемоу власть простити ся. И ты, господине отче,
Христа ради приими мя кающася и прости мя во всех моих согрешениих, их же ти ся
каю, их же помню [и] их не помню, и множества ради срама моего. Сия соуть греси
мои пред Богом и пред тобою, господине отче.
Согреших: пытах и Отцы и Сыне и Святем Доусе и сам глаголах разсоужах, что
есть Бог, и что есть бесплотнии небесныя силы, и о грому, и о молни, и о небеси,
и о земли, и о всей твари Божии, и о честем создании, яже моима очима видимая
и невидимая, о всем том своим безоумием мудрствовах и глаголах не тако, яко же
святии отцы писали.
Дерзах хоулу на Господа Бога Отца [221]
и Сына и Святаго духа, и на пречистую Богородицю, на животворящии крест,
и на вся сылы небесныя, и на аггелы, и на пророкы, и мученики, и святители, и
на преподобныя отцы, тако же и на святыа и на женьския лики, и на вся святыа праздники,
и на вся преставльшаяся от Адама и до сего дни. Все то осудих и похоулих и прекослових
о всем о том своим безоумием. Похоулих тварь Божию всю видимую и невидимую, и
всяко здание Божие человеческаго естества. Осоудих и пороугався и посмеяхся моужескоу
возрасту и женьскому, и чернори[з]цам и черноризицам, старым и юношам.
Похоулив образ Божии и пречистои Богородици, иже на иконах писана, и всех святых
образы, и взирах на образы Божии, пречистои Богородици, и вся сия образы, и крестихся
не крестоообразно, и поклонихся не по чину образом Божиим с пороуганием, с мерзостию,
с лицемерством, а не верою, с лоукавством.
Похулив церковь Божию, олтарь, престол, сосоуды святыя, тело Христово, дары,
просвиры, евангелие, апостол, и вся книги божественыа, святых отец писани, собою
исправливая и иных оуча не по оуставу.
Похоулив и осудив священника служащаго божественную лиургию, и вечерню, и заутреню,
и всяко пение похулив, и осудих в пети клирошан, и пономаря, и всех предстоящих
в церкви. Смоутив священника в церкви, и клирошан, и пономаря, и всех предстеящих
прогневах, а сам предстоях в церкви с великою мерзостию и с лоукавъством злаа
помышлях. А о церкви Божии и о пении и о молитве нерадих, и о церковном правиле
небрегох, ни во что же вменях, и неверовав писанию, что писано о церкви Божии.
Нечисто прихождах в ней, яко же в простую храмину, со всякою злобою.
Пытах о соудбах Божиих и похоулив соудбы Божии, и разсоужах о судбах Божиих
своим неразоумием, и злослових.
Престоупих закон Божии якоже во святем евангелии писано: "Алчен бых - не накормисте
мене, жаден - не напоисте мене, болен - не посетисте мене, в темници - не приидосте
ко мне, наг - не одеясте мене, странен - не введосте мене. И вся заповдеи Божия,
евангельския и святых апостол, и святых отец седми соборов и сместнюх соборов
заповеди, - все то порхоулив, небрегох всему тому, поугахся сввоим неразоумием.
Не веровах о воскресении мертва, о втором пришествии и о страшном суде, о будоущей
моуце, о царствыи небеснем, и о муках. Все то лжа вменях, неверовах святомоу евангелию,
и апостолоу, и всему божественому писанию святых отец, еже нам на ползоу писали
и на спасение. Неверовах житием святых отец и преподобных, мученическим мучением
како жили и мучни [!] неверовах, како искони были и впредь будет.
Господине отче, пред Богом Иисус Христом и пречистою его Материю и пред святыми
его аггелы и пророкы и мученикы, и святители и мученики, и святители и преподобными,
и пред всем святыми много греших и безаконовах от начала и до кончины, от востока
и до запада, от земля и до небеси.
Господине отче, душею моею и телом моим окаянным многи грехи, и всем созданием
моим и всеми чювствы моими во блоудных делех, в любодеянии, и моужложстве, и в
[222]
деторастлении, и в роукоблудии, и в содомъском блоужении, и в стегноблудие,
и во всех блоудных моих делех, согреших, прости мне, господине отче святыи, Христа
ради прости во всем.
Вернуться к первой странице описи церковно-исторических
материалов
|
