М. А. Федотова

К ВОПРОСУ О ЖИТИИ ЕФРЕМА ПЕРЕКОМСКОГО*

Оп. в кн.: Книжные центры Древней Руси. Севернорусские монастыри. СПб.: Дмитрий Буланин, 2001.

Номера страниц после текста. В формате pdf - №114

Житие святого Ефрема Перекомского (Перекопского), созданное, по мнению ряда исследователей, не ранее середины XVI в. Романом (ум. в 1554 г.), ставшим после смерти святого игуменом Перекомского монастыря («Списано той обители Романомъ игуменомъ, ученикомъ святаго», — говорится в заглавии Жития),1 и сохранившееся в немногочисленных списках, имеет немалое число противоречий. Выявляя эти противоречия, В. О. Ключевский отметил: «Трудно представить себе более внешнее или бессильное отношение биографа к своему делу».2 Несоответствия, ошибки и вымысел, содержащиеся в тексте Жития Ефрема Перекомского, связаны прежде всего с полной несогласованностью тех немногочисленных фактов его биографии, которые читаются в редакциях его Жития и в летописных источниках, что не позволяло и не позволяет исследователям до сих пор делать более или менее определенные выводы.

Согласно Житию Ефрема Перекомского, известному до недавнего времени исследователям3 только по двум поздним спискам4 кон. XVIII—нач. XIX в., Ефрем Перекомский (или Перекопский) родился в 1413 г.,5 основал на реке Веренде, на западном берегу озера Ильмень, в 1450 г. Перекомский монастырь в 25 верстах к югу от Великого Новгорода. Название монастыря святого Николая на реке Веренде — Перекопский или Перекомский — произошло от «перекопа» — канала, вырытого святым и его учениками из реки Веренды в озеро Ильмень для снабжения монастыря пресной водой. Дата смерти Ефрема Перекомского определяется от 1486 до

* Исследование подготовлено при поддержке гранта РФФИ № 99-15-96095.

1   Цит. по списку: РГИА, ф. 834, оп. 3, № 3884, л. 1. Далее все цитаты даются по этому списку, лист указывается в скобках в конце цитаты.

2   Ключевский В. О. Древнерусские жития святых как исторический источник. М., 1871. С. 263.

3  См.:  Соколова Л. В.  Роман   Словарь книжников и книжности Древней Руси. Л.,  1989. Вып. 2 (вторая половина XIV—XVI в.), ч. 2: Л—Я. С. 311—313; Охотина-Линд Н. А. Сказание о Валаамском монастыре. СПб.,  1996. С. 55—58. Благодарим А. Г. Боброва, обратившего наше внимание на это исследование.

4  Л.    В.    Соколова   отмечает   еще   один   список   XVII   в.,   «известный П. М. Строеву и находившийся в свое время в Перекомском монастыре», но сейчас этот список утерян. См.: Соколова Л. В. Роман. С. 312.

5  Л. В. Соколова указывает 1412 г. как год рождения святого.

152

1552 г., он был канонизирован церковным собором 1549 г., празднование памяти Ефрема Перекомского — 26 сентября, в день кончины святого, и 16 мая, в день перенесения его мощей.

Как отмечалась выше, уже само Житие содержит противоречия о жизни святого. В конце Жития перед статьей «Чудеса преподобнаго Ефрема от зубной болезни», явно еще более позднего происхождения, чем само Житие, сказано: «Сей преподобный родился в лето 6921 сенътебря въ 20 денъ при царе Иоанне Василиче всея Росии. Име ему бе въ миръ Евстафий. Въ Колязине монастыре жилъ три года, и приидъ на Вишеру реку къ преподобному Саве Вишерскому и пострижеся в 25 годъ во иноческий образъ. Пришествие святаго въ пустыню 6958-го. Поставиша церковъ каменую въ лето 7053. Принесение мощей по преставлении святаго въ лъто 22. В той же новый монастырь и братию переведоша в лето 7053 майя въ 17 денъ Преставися преподобный Ефремъ в лето 6995 сентебря 26 дня. Живъ же преподобный всехъ летъ 80. Совершается же соборъ его во святой обители» (л. 49 об.—50).7 Запись эта, как и сообщение о смерти святого в самом Житии, что отмечалось всеми исследователями, глубоко противоречива. Уже В. О. Ключевский указал, обращая внимание на дату смерти святого, на несоответствия в тексте Жития. Ефрем, умирая, поручил заботу о монастыре архиепископу Пимену, прося его выбрать из четырех кандидатов игумена: «И се яко видьте мя, хъ концу приближающася, вам же оставляю себе четыре брата: во свещеноиноцехъ Романа, Анфеногена, Пафнутия, Макария — и от техъ, егоже Богъ благословить и архиепискупъ Пименъ, той вамъ игуменъ да будетъ в мое место...» (л. 34). Архиепископ Пимен занимал Новгородскую кафедру с 1552 по 1570 г., следовательно, смерть святого не могла наступить ранее этой даты, что противоречит и дате смерти в тексте Жития — 1487 г   и времени канонизации святого — 1549 г., и дате перенесения его мощей— 1545 г. Согласно последней дате смерть Ефрема Перекомского выпадает на 1523 г., так как перенесение мощей святого состоялось спустя 22 года.8 Такие же сомнения связаны и с именем автора Жития — игумена Романа.9

6 Год канонизации святаго — 1549 г. — был поставлен под сомнение в одной из работ А. Мусина, где автор с критической точки зрения рассматривает труд Е Е Голубинского относительно деятельности церковных соборов 1547 и 1549 гг., установление литургического празднования Ефрему Перекомскому автор относит к 1552—1554 гг. (см.: Александр (Мусин), диакон. «Новые чудотворцы» и проблема авторитета в культуре XVI века Русское искусство позднего средневековья XVI век - Тезисы докладов международной конференции. Москва, 12—14 января 2000 г. СПб   2000 С. 21—26). Благодарим Т. Б. Карбасову, указавшую нам эту статью.

7 Эта запись имеется в списке РГИА, ф. 834, оп. 3. № 3884, кон. XVIII в другой список ГИМ, собр. Уварова, № 911, кон. XVIII-нач. XIX в., этого абзаца не имеет. К сожалению, только эти списки нам удалось просмотреть, поэтому еще 2 списка мы охарактеризовать не можем (см. об этом ниже).

8   Видимо   на этом строит свои выводы П. М. Строев, у которого 1523 г. указан как год смерти святого. См.: Строев П. М. Списки иерархов и настоятелей монастырей Российской церкви. СПб., 1877. Стб.  114  № 61.

9  См. подробнее: Соколова Л. В. Роман. С.312-313.

153

Таким образом, В. О. Ключевский, а вслед за ним и ряд других исследователей полагали, что Житие Ефрема Перекомского написано в середине XVI в. «Можно предположить, — пишет Л. В. Соколова, — что толчком к созданию Жития послужило перенесение мощей Ефрема 16 мая 1545 г.».10 Умер святой, скорее всего, в начале XVI столетия.

Однако последние разыскания Н. А. Охотиной-Линд, мнения которой мы и придерживаемся, опровергают выводы В. О. Ключевского. Основные наблюдения исследовательницы заключаются в следующем: «Житие Ефрема было написано во второй половине XVII в., когда Перекомский монастырь был возрожден из запустения стараниями боярина Романа Федоровича Боборыкина», автором его вряд ли мог быть игумен Роман, как «ученик святого», так и «Роман-второй», игуменствовавший в 1545 г., а жизнь самого святого относится к первой половине XV в., перенесение мощей Ефрема Перекомского состоялось не позже начала XVI в." Н. А. Охотина-Линд показывает, что известия, содержащиеся в Житии Ефрема Перекомского, позднем и вторичном, не подтверждаются историческими фактами. Во-первых, имя Ефрема Перекомского появляется в «Сказании о Валаамском монастыре», памятнике середины XVI в. Приведем этот отрывок: «Безъмерное же и бесконечное неисчетное крайнее милосердие человеколюбие Божие, иже всегда всъм человеком хощет спастися и в разум истинный приитти, и по пророчеству своего апостола съвершаа, подвиже некых от святоученных священных инокъ от Великого Новаграда. В них же единъ Ефремъ зовомый (так в издании Н. А. Охотиной-Линд. — М. Ф.), иже послъди монастырь на Перековском острове на Илмене велицем езере съгради, и о Святемъ Дусе христоподобное братство съвокупи, и съвоимь величайшим трудом явствену мзду на ползу притежа <...> Сей убо священый предивный отець Ефремъ подвижется, с нимъ же другый преславный священноинокъ премудрый Сергие с инъми вкупочинными своими, к предреченному великому и чюдному оному острову Валаамскому приходят. Тако убо преподобный онъ Ефрем съ своими к малому тому и высокому острову пришед и ту начало полагают, Царское знамение животворящий крестъ водружають, таже и церковь поставляют въ имя преславного боголепнаго святого Преображениа Господа Бога Спаса нашего Исуса Христа, таже поспешением всемогущаго Бога множитися начата».12 Валаамский монастырь, согласно исследованию Н. А. Охотиной-Линд, был создан не ранее 1388 г., но и не позднее 1415 г. Другой источник, который также приводит исследовательница,— это Новгородская III летопись, где под 1407 г. говорится о создании каменной церкви Николаю чудотворцу и об «устроении» на Веренде монастыря.13 Соответственно ни один из этих ран-

10  Там же. С. 312.

11   Охотина-Линд Н. А. Сказание о Валаамском монастыре. С. 56—57.

12  Там же. С.  167.

13   ПСРЛ. СПб.,  1841. Т. 3. С. 234.

154

них источников не был использован в тексте Жития.14 Поздний агиограф использовал другие памятники, которые послужили не только источниками для создания биографии святого, но и «канвой» для его агиографического прославления.

Один из таких источников, и основной, был указан еще В. О. Ключевским — это Житие Александра Свирского: «Автор почти целиком переписал житие Александра Свирского, поставив только другие имена лиц и мест и кое-где легко изменив ход рассказа».15 Нет необходимости проводить сравнительный анализ двух памятников, автор Жития Ефрема Перекомского действительно до статьи «О преставлении преподобнаго Александра» почти дословно переписал Житие Александра Свирского, исключив лишь некоторые чудеса, но сохранив даже имя отца святого Александра Свирского — Стефан как имя отца и Ефрема Перекомского, статьи «О приятии святаго священъства», «О собрании ко святому въ пустыню братии», «О приходе анъггела Господня ко святому» и другие, переделав статью «О произведении воды от горняго езера в нижнее и о поставлении мелницы» в статью «О пропущении воды из реки Веренды во езеро Илмеръ», а статью «О приходе къ преподобному Александру Андрея Завалишина» в статью «О приходъ ко святому мужа Александра» и т. д.16 Отметим здесь лишь один любопытный факт: согласно Житию Александра Свирского, святой Александр стремится, покинув родной дом, добраться «до святыя обители святаго Спаса на Валаам», а Ефрем Перекомский идет в Троицкий Колязинский монастырь, а в «Сказании о Валаамском монастыре», как показала Н. А. Охотина-Линд, именно Ефрем Перекомский назван основателем Спасской обители на Валаамском острове. После статей «О преставлении преподобнаго Ефрема» и «О преставлении преподобнаго Александра» Жития отличаются друг от друга. Житие Ефрема Перекомского дополнено чудесами, произошедшими в кон. XVII—нач. XVIII в., последние чудеса святого «от зубной болъзни» были записаны сыном Козмы Анкиндинова из Осташкова: «Абия с позволения родителя моего написахъ сия, яже самъ самовидецъ быхъ».

Другой источник Жития Ефрема Перекомского, как удалось определить, — это Житие Саввы Вишерского, созданное Пахомием Логофетом на основе записок игумена Геласия между 1464 и 1472 гг. Из Жития Саввы Вишерского взят один эпизод: «Чудо преподобнаго  Ефрема  о  разбойницехъ,  како  подятиемъ  древа

14  Справедливости ради следует отметить, что В. О. Ключевский писал: «В самом житии можно заметить, что его хронологические показания вообще раньше обозначаемых  ими  событий...» (Ключевский В. О.  Древнерусские жития  святых как исторический источник. С. 263.)

15  Там же.

16   При сравнении Жития Ефрема Перекомского с Житием Александра Свирского мы пользовались списком Жития Александра Свирского из Софийского собр., № 459, л. 22—109 об. (РНБ), подготовленным к печати В. И. Охотниковой, любезно предоставившей его нам для работы, за что приносим ей искреннюю благодарность.

17  См. подробнее: Федотова М. А. К вопросу о житии Саввы Вишерского   ТОДРЛ. Т. 53 (в печати).

155

усътраши ихъ» имеет в своей сюжетной основе аналогичное же чудо из Жития Саввы Вишерского, только в Житии Ефрема Перекомского оно более пространное и украшенное. Приведем для сравнения оба текста полностью:

Житие Саввы Вишерского

О разбойници. Чюдо 1.

Не терпя лукавый враг, но позавидъ тому, нъкых от разбойник навади еже прийти к тому и пакость сотворити, мкяще нъкое богатьство у него быти. И ако приидоша тому, келию строящю, и лестию, яко благоговъйни   ся мняще, благословение испросивше. Старець же, познавь тъхъ лукавьство, яко разбойници суть, и сего ради, яко с молениемъ, глаголеть темъ: «Чяда, сътворите любовь, помозите ми воздвигнути древо на стену». Повелеваеть же тем за тончяйший конецъ бревно взяти, сам же за тяшчайший конецъ прият, воздвизаше древо. Онъм же всем не могущимь своего конца на стену возложити, старець же Божиею помощию, яко си-ленъ, единъ, взем древо, на ствну возложи. Видъвше же сиа, разбойници другъ на друга взирающе со удивлениемь, тъмже срамомъ и страхом обиати бывше, прочее отбъжаша паче боящеся, да нечто пакостно от старца постражуть (РНБ, ОСРК, Q.I.999, л. 117— 117 об.).

Житие Ефрема Перекомского

Чудо преподобнаго Ефрема о разбойницехъ, како подятиемъ древа усътраши ихъ.

В некое время совокупишася неразумнии, лукавии и злии человецы мнозии, научени дияво-ломъ и подстрекаеми на чъловековъ добронравныхъ, хотяще быти самовласны и доволствоватися чужимъ, от рода ленива и развращена, не хотяще бо работати и от своихъ трудовъ ясти, и другимъ подати неимущимъ на очищение греховъ и спасение душъ. Но послушаша родоненависника хрис-тиянскаго — диявола, не допущающаго хотящихъ въ путь идти, ведущий ко спасению и в царство небесное, но влекуще въ геену огненую и в муку вьчную. Приидоша убо и на святую обитель сию, еже ограбити и святаго старца озлобити, но не возмогоша.

Случися бо преподобному отцу Ефрему быти за монастыремъ, пред враты, и влачаше одинъ   бревна великая дубовыя Божиимъ пособиемъ. Онем же окаянымъ пришедшимъ на него со оружиемъ и хотящимъ яти его, но видеще его единаго, велиемъ дерево мъ владеущаго и влекущаго въ монастырь, ужасошася, посем же единому древу превелику зело, еже никако бе мощно нести его многимъ человекомъ. а святый единъ касашеся и рече разбойникомъ: «Братие, помозите ми, убогому старцу, под вершину — азъ же возму от корене». Они же емлюще верхни конецъ древа семъ че-ловекъ и не могуще его и двигнути, ниже подяти. Святый же единъ под корень взя и несяше, а верхъ по земли влачашеся, егоже не возмогоша мнози подяти. Они же, лукавии, быша во ужасе вели и и страсе, и в недоумении, и другъ на друга възирающе, хотяху бежати, но бояхуся, егда постигнетъ ихъ и убиетъ, мысляху въ себъ, что имугь творити.   Преподобный же видь ихъ ужасныхъ и в недоумении бывшихъ, сожале о нихъ зело, рече къ нимъ: «Братие, что стоите и размышляете? Хотение ваше въеуе бе, и неподобная мысль погибе. Аще хощите, шедше, ядите глебъ (так!) во обители, да не зле погибнете, и паки сему месту не преступайте. И престаните от злыя мысли, да не пла-чутъ на васъ человецы, несть бо богатьства обрести вамъ у насъ. И аще ли не покаетеся от злыхъ сихъ дълъ, то мука въчная ждеть васъ. Вы же не ожесточите сердецъ вашихъ, но, скоро шедше, покайтеся о злыхъ, содеяныхъ вами. У мене бо, убогаго старца, несть богатства велия и сокровищъ златыхъ, и риза драгоценыхъ». Они же, окаянии. отшедше посрамлени, со страхомъ бежаще, паче же побеждени быше, нежели победиша; и к тому уже престаша злыя дъла творити (л. 32 об.—33).

Кроме этого, с Житием Саввы Вишерского Житие Ефрема Перекомского   связывает  еще  один  факт.   Согласно  церковной

156

традиции, Ефрем Перекомский считается младшим современником Саввы Вишерского, и более —его учеником: Савва Вишерский благословил Ефрема Перекомского на создание Верендского Перекомского монастыря. В Житии Ефрема сказано, что святой «по сердечному расположению к уединенной жизни» получил благословение от Саввы Вишерского еще при жизни последнего. События эти изложены в статье «О исходе святаго с Вишеры реки», где, в частности, после видения, бывшего святому Ефрему, говорится: «Отецъ же его святый Савва приемъ моление его и поучивъ его <...> о добродетелехъ. И любезно облобызавъ, глаголаше к нему: „Богъ да благословит тя, чадо, <...> тако и бу-детъ"» (л. 18 об.). Событие произошло, по Житию, в 1450 г. «во время княжения великого князя Василия Иоанновича». Эти данные, как и многое в Житии Ефрема Перекомского, спорны: в это время на московском престоле находился не Василий Иоаннович, а великий князь Василий II Васильевич Темный (1424— 1462). По другим источникам,18 Ефрем только после смерти Саввы Вишерского (т. е. после 1458 г.) удалился на западный берег озера Ильмень, где и основал свой монастырь.

Создание монастыря на реке Веренде, согласно летописным данным, как показала Н. А. Охотина-Линд, произошло в 1407 г., а первое упоминание о монастыре Саввы Вишерского в той же Новгородской III летописи относится к 1417 г., т. е. на 10 лет позднее, а следовательно, Ефрем Перекомский, вероятно, и не мог быть учеником святого Саввы. 19 Если предположить, что Ефрем Перекомский все-таки побывал у Саввы Вишерского, то нужно допустить, что к этому времени, к 1407 г., и Савва Вишерский уже находился в Новгородской земле, а этому противоречат некоторые исторические факты. Савва Вишерский был выходцем из Тверского Савво-Сретенского монастыря, который покинул, согласно рукописным источникам, не ранее 1411 г.

18   См. описание Новгородского Перекомского монастыря в рукописи: Новгородский государственный музей, Отдел письменных источников, № 25982/12087, 1856 г., Г. л. 186. В состав рукописи входит Опись духовных училищ Новгородской епархии, Опись монастырей Новгородской губернии, ряд житий новгородских святых. Рукопись, очень большая по объему (1002 л.), вероятно, составленная на основе каких-то не дошедших до нас письменных источников, мало изучена и представляет большой научный интерес.

19   В Проложной редакции Жития Ефрема Перекомского жизнь Ефрема относится к более раннему периоду — к концу XIV  в. В ней сказано, что и перенесение мощей святого Ефрема происходило при «великом князе Димитрии Иоанновиче Донъском   в  лъто  6900-е...»  (Ярославский  музей-заповедник,  №   15544,   1807 г., л. 243). (Ср. память, читающуюся в Прологе (РГИА, ф. 834, оп. 2, № 1296, 2-я пол. XVII в., л. 237: «...в царство великаго князя Димитрия Ивановича Москов-скаго») Эта же дата обозначена и в Святцах, но без указания на княжение Дмитрия   Донского   (см.:   Охотина-Линд Н. А.   Сказание   о   Валаамском   монастыре. С. 57—58).

20   См., например, рукопись из собр. графа Толстого «Слова Исаака Сирина» (совр. шифр: РНБ, ОСРК, Q.1.207), датируемую 1416 г., она написана, о чем сказано  на л.  373 об.,  при  Варсонофии из Саввиной  пустыни.  Варсонофий,  как пишет об этом  Иосиф Волоцкий,  был игуменом Савво-Сретенского  монастыря после Саввы  Вишерского в течение 5 лет,  а значит,  и Савва не мог уйти из обители   ранее   1411 г.,   хотя   и  должен был прийти в Новгородскую землю до 1415 г., так как он пришел в Новгород при архиепископе Иоанне, который умер в 1417 г., а отошел от дел в 1415 г.

157

Можно предположить, что создатель Жития Ефрема Перекомского, одним из источников которого является Житие Саввы Вишерского, отождествил имя Ефрема из Жития святого Саввы с именем новгородского чудотворца Ефрема Переком-ского. В Житии Саввы Вишерского действительно несколько раз упоминается некий Ефрем. Именно его Савва посылает в «Словеньскый конець» Новгорода «посадникомъ и тысяцкимъ, и прочимъ господнимъ», чтобы урегулировать взаимоотношения с Лисицким монастырем по поводу места Саввина монастыря на реке Вишере; именно его, Ефрема, а также Андрея, согласно Житию, он назначает «старейшим же братии повеле быти, яко теплейших иже к нему верою, иже и многы труды показавшимъ на месте томъ». Ученики Саввы Вишерского, Ефрем и Андрей, упоминаются и в «чуде о разбойницехъ», которых святой Савва устрашил, «удари на столпе жезлом». Если об Андрее в дальнейшем из Жития святого Саввы мы узнаем, что он «толико изнури себе воздержанием, елико токмо кожи и костем видени быти, и тако в том велицем житии, реку же, въ безмерном посте и въ молитве душю свою с миром Гос-подови предасть, во всемь ревнитель бысть наставника своего житию», то о Ефреме не говорится больше ни слова. Автор Жития Саввы больше ничего не знал о «некоем Ефреме», агиограф же Ефрема Перекомского, возможно, согласно местным легендам, отождествил их, на основе чего и появилось это церковное предание. Отметим, что ни служба Савве Вишерскому, ни служба Ефрему Перекомскому, памятники XVI в., не сообщают нам об этом «историческом благословении». Служба Ефрему Перекомскому имеет в своей основе службу Савве Вишерскому, составленную Пахомием Логофетом, 21 что в свою очередь повлияло на Проложную редакцию Жития Ефрема Перекомского (см.  ниже).

Таким образом, о жизни святого Ефрема Перекомского мы можем строить лишь догадки. Возможно, на это повлияла и история самого монастыря, первоначально созданного в устье реки Веренды, затапливаемого при разливах Ильменя и в итоге перенесенного на другой берег реки, что не способствовало сохранению исторических фактов как о самом монастыре, так и о его создателе, но ведь житие — «это не история, а назидательный рассказ о жизни святого в совокупности с его похвалой».22

Издания Жития Ефрема Перекомского не было. Нам известно 2 редакции этого Жития: Основная и Проложная.

Основная редакция, созданная «неким Романом» или ему приписываемая, известна нам в 4 списках: ГИМ, Музейское собр.,

21   Спасский Ф. Г. Русское литургическое творчество (по современным минеям). Париж,  1951. С. 215—216.

22   Бушнин Д-  М.  Троянская тема в житии  Михаила Клопского ТОДРЛ. СПб.,  1993. Т. 48. С. 221.

158

№ 1510, 1-я пол. XVIII в., F., 359 л.;23 обнаруженный нами список РГИА, ф. 834, оп. 3, № 3884, кон. XVIII в., в 4-ку, 54 л.; ГИМ, собр. Уварова, № 911, кон. XVIII—нач. XIX в., в 4-ку, 425 л., л. 7—49 об.; РГБ, ф. 205, № 45, кон. XIX в. Служба и житие Ефрема Перекомского, в 4-ку, 98 л. (два последних списка известны были ранее, см., например, указанную выше монографию Н. А. Охотиной-Линд). В Приложении опубликован текст Основной редакции по списку РГИА, ф. 834, оп. 3, № 3884. Данный список, на наш взгляд, наиболее полный, содержит дополнительные чудеса святого об исцелении «от зубной болезни». Он, возможно, и более близок к протографу Жития, так как не имеет ряда «риторических» особенностей, свойственных, например, списку РГБ, ф. 205, № 45.

Проложную редакцию Жития Ефрема Перекомского см.: Ярославский музей-заповедник, № 15544, 1807 г., F, л. 243— 243 об. Это пока единственный список, который нам удалось обнаружить. Отметим, что Проложная редакция также создавалась с учетом Жития Саввы Вишерского, но опосредованно, через службу, и независимо от Основной редакции: чудо святого Саввы «о разбойницехъ», где он прогнал их ударом жезла о столп, на котором стоял, лежит в основе одного из чудес, описанных в Проложной редакции, и отсутствует в Основной редакции его Жития. Описание чуда в Проложной редакции составлено по образцу стихиры на Господи, возвах, гласа 5 службы Ефрема Перекомского, которая в свою очередь, как мы отмечали, была ориентирована на службу Саввы Вишерского. Сравним:

Служба Савве Вишерскому

Иже неправедно разбойнически нашедших на обитель твою, преподобъне, хотящих оскорбити ученики твоя. Ты же от столпа, яко тех видевъ, токмо жезла ударением устрашил еси. Отнюдуже, яко познавше свое безчеловечное суровство, с студомъ к бегству устремишася, Христови молися спастися душям нашим (РНБ, ОСРК, F.I.729, л. 305 об.).

Служба Ефрему Перекомскому

Иже неправедно разбойнически нашедших на обитель твою, преподобие, хотяще оскорбити ученики твоя. Ты же от келии, яко техъ виделъ, токмо жезла ударениемъ устрашилъ еси. Отнудуже, яко познавше свое безчеловечное суровство, со студомъ бегству устремишася. Христови молися спасти душы нашя (РНБ, ОСРК, F.I.729, л. 319— 319 об.)

Проложная редакция Жития Ефрема Перекомского

Некогда наидоша на ту обитель разбойницы, хотяще оскорбити его и ученики. Сей же святый Ефремъ от келий своея токма жезла ударением устраши ихъ, еже видевше тии разбойницы, со студомъ бежаша (Ярославский музей-заповедник, № 15544, л. 243).

К богослужебному комплексу текстов почитания святого Ефрема Перекомского можно отнести и текст похвального слова, обнаруженный нами в рукописи РНБ, ОСРК, F.I.729, л. 328—331: «Слово похвално о житии и о чудесех преподобнаго

23 Рукопись описана: Крушельницкая Е. В. Автобиография и житие в древнерусской литературе. СПб., 1996. С. 337—338.

159

отца нашего Ефрема Перекопского, новгородского чюдотворца». Оно входит в состав Трефологиона новгородских святых и принадлежит, вероятно, перу Бориса Ияковлева Козыневского. Слово встречается в единственном списке, датируемом 1687 г.: по всем листам рукописи идет скрепа о написании ее «рукою многогрешного Бориса Ияковлева сына Козыневского». На л. 1 сообщается и место, куда она была вложена, и когда создана: «Сия книга, глаголемая Трифологион Новгородских чудотворцев, священных храмовъ великих Божиих угодников святителя Николая, архиепископа Мир Ликийских, чудотворца, и преподобнаго Варлаама игумена Футынскаго, новгородскаго чудотворца, честныя их святыя обители Косина монастыря их Старые Русы, даная тамо в лъто 7195-е, месяца майя 21 дня, в славу Божию и Богородицы и святых ихъ. Аминь». На л. 469 той же рукой запись: «[Я]вление и молитвы святых Божиих угодниковъ Новгородских чюдотворцевъ. При настоятель тоя святыя обители игумене Исакии, еже о Христе з братиею. Рукою многръшнаго Раба Божия БИЯСК (Бориса Ияковлева сына Козыневского. — М. Ф), во оставление гръховъ его и сущих в нем и в память вечную усопших рабовъ Божиих рода ихъ. Аминь. Переплетом же совершена и в тое святую обитель отдана того же вышеписаннаго лъта. При настоящей оного монастыря власти ктиторе и икономе патер Иосиф*. Месяца майя 21 дня». Возможно, текст похвального слова предназначался для произнесения в день памяти святого на утренней службе. В основе этого похвального слова, вероятно, лежат два источника: Основная рекдакция Жития, описанная выше, и «Слово похвальное на перенесение мощей преподобнаго отца нашего Ефрема, игумена Перекопскаго, новаго чудотворца», известное нам пока в одном списке (РГБ, ф.  205, № 405, л.   15—22).

Далее публикуются подготовленные нами 2 редакции Жития и текст похвального слова святому Ефрему Перекомскому. При публикации древнерусские тексты передаются современным шрифтом, вышедшие из употребления буквы славянского алфавита заменяются современными: i — и, омега — о, \ — кс, у — пс, Mk, ia — я, ю — е, в — ф. Буквы ъ, ь, ъ сохраняются во всех случаях их написания в рукописи, «й» пишется в соответствии с современным пониманием текста. Титла раскрываются, надстрочные знаки не воспроизводятся, паерок не восстанавливается в строке, выносные буквы вносятся в строку. Пунктуация современная, за исключением тех случаев, когда правила современной пунктуации не соответствуют синтаксическому строю текста. Кириллические цифровые обозначения заменяются арабскими.

160

ПРИЛОЖЕНИЕ

ЖИТИЕ ЕФРЕМА ПЕРЕКОМСКОГО

Основная   редакция

Текст Основной редакции Жития Ефрема Перекомского публикуется по списку конца XVIII в. РГИА, ф. 834, оп. 3, № 3884, л. 1—53.

Месяца сентебрия въ 26 дънь. Житие и подвиги, и еже отчасти чюдесь исповедания преподобнаго и богоноснаго отца нашего Ефрема, игумена Перекомскаго Новъгороцкаго, новгороцкаго чюдотворца. Списано той обители Романомъ игуменомъ, ученикомъ святаго.

Молю убо, преподобство ваше, отцы блажении воистену и треблажении, яко добре спожительствовавше преподобному сему отцу, да не нудить мя ваше преподобство, яко несмъ достоинъ на сие, выше бо моея силы есть дъло сие, зане нищетою разума содержимъ, от убогаго дому моего ума ничесоже имый, яко подобну вашего достоинства предложити трапезу, полну сущу аггельския пищи. Васъ же присно богатого владыку и Бога молити   подвизаю, слово и разумъ, и языка уяснения от неоскудныхъ его сокровищъ подати ми, и прежде сихъ свъта зарею, еюже мракъ души и ума моего очистивъ, всеблаженаго преподобнаго отца нашего Ефрема, иже нынъ вновь в роды наша прозсиявша-го добродетелнымъ житиемъ, бодрено сказати возъможемъ. Не яко онаго ищуще похвалити, похвала бо праведнику от Господа, паче же полезно, что самемъ от него снискающе, ибо древнихъ мужей жития потребна бяху писатися и почитати ползы ради прибывшия от нихъ человекомъ. А иже нынъ нашего рода лениваго, в онже въкъ кончина достиже, в немже мало спасаемыхъ, не точию потребно, но и зело желанно, яже сихъ писати и часто прочитати, и, яко на высоте стоящия одушевленыя столпы, на жития ихъ зрети; и елико мы отстояще славы ихъ, зазрети   себе и совестию осуждатися за сущую в насъ леность. Тако поучимся и мы, и яко от сна возпрянемъ и к добродетели мало подвиг-немъся, еда бо многи и велики повести возбудятъ сердца наша къ жития изправлению. Праведно бо есть поистене послушати васъ, о чеснии, сего святаго отца списати плоцкое житие безъ всякаго пождания, да не во глубину воврещи забытия, но общую ползю и образъ предложити хотящимъ сихъ ради. И азъ вашему повелению повинухся.

Нынъ достохвалнаго и всеблаженаго Ефрема житие, како в пустыни трудися и постяся, последи же и игумена бывша въ созданемъ от него монастыре, въ повесть предлагаю слышащимъ. Не от слышания токмо сия приимъ, но от чесныхъ и с[вя]толепныхъ устъ блаженаго, и еже о Бозе трудолюбезное житие его слышахъ  и  от  сущихъ  ту  ученикъ   его,  иже  с  нимъ  исперва

161

добре жителствовавшихъ, вся извесно прияхомъ, яко пребогатое сокровище или причастие очие, иже по нихъ онаго стада писаниемъ. Аще и едва изяснити возможемъ блаженаго, не оскуденъ бо онъ небесныхъ похвалъ божественныхъ, вкупе и анггельскихъ, яже умъ нашъ, яко страненъ и нечисть, и недостиженъ изглаголати. Обаче Бога въ помощь молитвами его призываемъ, яже, по силе нашей, данней намъ благодати от Бога начинаемъ, взыскующе, повесть. Откудудове подобно взыскати? От корене и отрыслъ обрящемъ, и овемлемъ не от терния, но от лозя гроздь.

Се же о родителехъ преподобнаго

Сего блаженаго отрока отецъ бяше именемъ Стефанъ, жителство же имея во граде Кашине близъ Девича монастыря Пречистыя Богородицы Успению. Богобоязнивъ и нищелюбивъ, попремногу въ добродътелехъ сияяй, и к тому всеми благими   добродетелствуя зело, гобзуя паче же всехъ добрыми нравы, безлобиемъ и правдою, милостынею и кротостию укрепляяся, молитвою и постомъ Богу угождая. Поятъ жену себе по закону, именемъ Анну. И сия убо ничим же отстающи благихъ нравовъ мужа своего. И родишася ему чада, сыны и дщери, ихъже божественнымъ крещениемъ просвътивше и благимъ нравомъ научивше о Господе. Многу же времени минувъшу, не быстъ има к тому чадородия. И сего ради блаженная Анна поносима бе и оскорбляема мужемъ своимъ. Въ скорби же и жалости велицей обема сущема имъ, возделении мнозе бяху души ихъ о прижитии чадъ. Верная же и благонравная супруга, отвергши от себя печаль свою и вшедше в ложницу свою, всю нощь ставъши на молитву, руце свои воздевше ко всемогущему Богу, со слезами глаголюще: «Владыко, Господи Вседержителю, послушавый древне рабовъ твоихъ Авраама и Сарру и протчихъ праведниковъ, темже и чадородие подати изволилъ еси твоимъ человеколюби-емъ, верно молящим ти ся и просящимъ. Ты и ныне услыши насъ, грешныхъ рабъ своихъ, молящихъся тебе, даждъ намъ по твоей благодати прижитие чаду мужеска полу, иже будетъ утешение душъ нашихъ и наследникъ нашего достояния, и спожителство, и жезлъ старости нашея, на него же руце возложивше, да почиемъ и обещания обеты тебе воздадимъ». И шедше убо въ ближнию того места церковъ пресвятыя Богородицы Успения, и много время тамо молящеся ко Пречистей Богородице со слезами. И во едину убо нощъ молящимся имъ явися некое божественное явление, глаголющие: «Радуйтеся, добрая супруго! Се даруетъ вамъ Богъ отрока тезоименита, яко по рожестве его утешение своимъ церквямъ Богъ подати иматъ». Они же назноменаста время видения и возвратишеся в дом свой.

О рождении святаго Ефрема

По времени же родися имъ отроча мужеска полу и нарекоша имя ему Евстафий. Родители же его по рождении сего святаго

162

отрока разумевше и супружескаго ложа отлучишася, и в чистоте тела, даже до конца, пребыти обещашася. Родися святый в лето шесть тысещъ девять сотъ двацать первое, месяца сентебрия въ 20 день при державе великаго князя царя и государя самодержца Российския земли Василия Ивановича и при митрополите Фотии, и при епискупе Ефимии Новгороцкомъ, иже монастырь устрой на Вяжищахъ. Родители же святаго зело возрадовашася душею и прославиша Бога, не презревшаго моления ихъ. И породиша его, второе святымъ крещениемъ, водою и духомъ святымъ просветиша.

Святый же отрокъ крепляшеся духомъ о Господе и растяше добръч Времени же достиже учения грамоты, вдаша его учитися святымъ книгамъ. Дружине же его учившимся спешне, ему же косно и нескоро. Учитель же со многимъ прилежаниемъ   уча отрока, но ниже успеваше, еже бысть по строению Божию, яко от Бога святому отроку разумъ да[ща]лъ, а не от человекъ.

Во единъ убо денъ иде блаженый отрокъ, яко бе обычай всегда приходити въ преждереченъный Девичь монастырь, вниде въ церковь, и припаде пред образомъ Господа нашего, Иисуса Христа, и Пречистыя его матере, моляшеся со слезами и глаголющи: «О Пречистая госпоже дево, Богородице, владычице всемилостивая, рождшая плотию Христа Бога нашего! Вемъ, владычице, яко хощеши и можеши творити все. Буди мне ходатаица, недостойному, и помошница, присно молящемуся к Сыну твоему и Богу нашему. Да подастъ ми разумъ учения Божественаго Писания, еже учитель ми написует и прилежно учить, ничтоже от нихъ могу разумети, яже ми сказуетъ. И того ради зело есмъ в недоумении и скорби, не вемъ, что сотворю. Яко сущий со мною сверъсницы   укоряють мя и оскорбляютъ, родителем же моимъ зело болезнующимъ о мне». Сице молящуся божественному отроку, на земли лежащу и слезы проливающу. И абие некое Божие явление быстъ, глаголя: «Востани, не бойся; иже еси просилъ — приимеши». То слыша отрокъ от Божия гласа, скоро воставъ от земли и, благодарныя молитвы Богу воздавъ, въ домъ свой отиде, радуяся.

Родители же, видевше его лицемъ светящася и душею веселящася, проразумеша, яко от Бога таковому посещению быти, и благодариша Бога о сихъ, ко отроку же наипаче сугубу любовь имуще по вся дни. И яко не токмо родители его радовахуся о немъ, но и ближний его и соседи глаголаху, яко сей отрокъ хо-щетъ быти изряденъ въ добродетелехъ, въ телесномъ возрасте и благолепии мнозе, и премудрости, бе бо отроча благообразно и весело душею   во учении пребывая и преспевая день и нощъ, внимая божественыхъ книгъ чтению, во всемъ повинуяся родителемъ своимъ, ни въ чем же преслушая ихъ, по Божественному Писанию глаголющему: «Чти отца твоего и матеръ, да будеши долголетенъ на земли». Начат же и воздержатися зело, постомъ тело свое изнуряя: по вся дни единою хлебъ ядый, и сего въ меру, а не до сытости, многия и сладкия пищи отнюдь не вку-

163

шая, в нощи мало сна приимаше. Яко и родители его дивляхуся о воздержании его. Матерь же увещеваше любезными глаголы: «Возлюбленое мое чадо, почто тако сокрушавши себе? Не весе ли, яко многая воздержания язвъ телеси навадятъ, паче же уну ти сущу и плотию цвътущу; и намъ симъ немалу скорбь наводиши. Темже, чадо, яждъ вкупе с нами и спи, якоже и мы». Благоразумный же отрокъ глагола: «Почто, мати,   тако глаголеши, отлучая мя сладкого ми воздержания, его имущимъ ничтоже полезнее, мню, быти. Не бо слышахъ родителей своихъ, чадъ на злое и неполезъное учащихъ: плоти бо угождающий удаляютъся от Бога, паче же у юней плоти воюущей, ибо писано есть: „Брашно и питие не поставить насъ пред Богомъ". Но остави убо, мати, якоже начахъ, и да совершу до конца Богу, ми помогающу».

Матерь же его удивися премудрому его ответу, паче же ди-вяся, еже по Бозе его доброму произволению. И рече ему: «О чадо, якоже хощеши, и твори».

Чудный же отрокъ велми к подвигомъ поучашеся, никогда же умъ ему уклонися. Якоже обычай есть младымъ играти или смехотворная словеса глаголати, но в смеха место дряхлое и плачевное, и простое хождение имея, толико питаше умъ свой премудростию и насыщаяся всегдашнимъ   воздержаниемъ, въменяя наслаждение, алчбу, и во время зимнее — наготу телесную. И видети разумъ блаженаго въ детскомъ возрасте удивленъ, яко всемъ глаголати: «Ново некое знамение отроча сей будетъ, яко благодать бе на немъ». И отсюду убо начало премудрости приимаше— страхъ Божий, и возприимаше божественыя любве день от дне, и огнъ ко огню прилагая желаниемъ несытнымъ, славу же и богатство, и вся, яже въ миръ много мятежну и непостояну разсуждая, и доброть зримыхъ, жития обилие, яко сень въменя-ше, многопитие и веселие, и вся, елика человеческая на земли, суетна и несуща разумевъ, десного пути емлется, и поучения божественныхъ книгъ, и к церкви по вся дни без лености упражняшеся, пость любя и сухоядение, празнословия и душевредныхъ песней, оскверняющихъ душу, до конца ненавидящи, смехотворения безгодного бегая, бе бо благъ, кротокъ, всемъ уветливъ и нищелюбивъ попремногу,   и наипаче монашеский чинъ веема любя и почиташе. Яко и родителемъ его дивитися таковому благоразумию его, не яко рождена, но поистене от Бога данна проразумеваху.

И егда в возрасть мужеский прииде, родителю его помышляху законному браку сочетати. Святый же отрокъ присно желаше и помышляше, како и киимъ ухищрениемъ мира избежати и от всехъ къ Богу упразнитися, ибо слышавъ о монастыре пресвятыя Троицы внизъ реки Волги, еже есть Колязено, и живущихъ в немъ иноковъ добродетелно, паче протчихъ монастырей, идеже Богу работають и спасаются, Богу же готовь есть на помощь и желание рабовъ своихъ совершая. Приидоша иноцы святыя обители Колязина монастыря во градъ Кашинъ потребы ради мо-

164

настырския и сташа близъ дому родителей святаго Евстафия витати у некаего христолюбива мужа.   Сему же блаженому уноши прилучися мимо дому идти, идеже монаси тии витаютъ. Узрев же издалече ихъ вне врать, на брегу стоящихъ, псалмопение со-вершающихъ, и пришед уноша, молитву сотвори, поклонися имъ до земли, рекъ: «Благословите, отцы святии». Они же видевше и удивишася юноши таковому смирению и целомудрию, и отвещаше к нему: «Богъ да благословит тя, чадо. Что же ти есть требование къ намъ?». Блаженный же юноша отвеща, глаголя: «О святии отцы! Требою вашихъ святыхъ молитвъ, яко да молите о мне Бога». Единъ же от нихъ бе прозорливъ старецъ и Духа Святаго исполненъ, зрящи юношу, и видъ его душевную любовь и телесную чистоту, и глаголы его в сладость послуша, и разуме хотящую благодать явитися на немъ. Сего же старца особь поемъ юноша и вопрошая, яже о святемъ монастыре. Оный же старецъ сказуя вся по чину пустынному: и како въ монастыре общежителное   пребывание, и особно, по двема или тремъ купнодушно, и отходное уединение въ пощении и безмолвии живущихъ, о всехъ сказа ему изяшне, бе бо старецъ зело исъкусенъ, реку же, яко Богомъ посланъ бе. Юноша же слышавъ, яже о монастырскомъ житии и къ Богу попечении ихъ, слезы от очесъ проливаше, глагола ко старцу: «Вижду, отче святый, яко Богъ проведый вся желание сердца моего, посла твою святыню утвердити мое окаянство. Ныне утвердися сердце мое и душа моя воз-весилися радостию неизглаголаною, и разумехъ, яко блажени суть и треблажени таковому безъпечалному и немятежному сподоблшеся житию. Что же азъ сотворю, святый отче, и како возмогу избежати многомятежнаго сего жития и таковыя анггельския жизни сподобитися, еда како родители мои браку принудятъ мя и любоплотиемъ удержанъ буду, не достигну таковаго житиа, якоже учиши, святый отче. Хотел быхъ бежати, но пути не вемъ; еда како блудящу   ми на мнозе, и постигнетъ мя отецъ мой и возвратить, и в скорбь отца вложю и себе в студъ многъ, и по сихъ неизправленъ буду». То слышовъ, старецъ рече ко святому: «О, чадо желаное, любы родителя и союзъ естества нерешимо, но убо и сихъ удобъ преобудити повелеваеть, и креетъ взяти на рамо, и тому усердно последовати, и вся удобъ страдати, еже за ны страсти его подобящеся. Не в мяхъкихъ красоватися и телесный искати покой, паче же наготе и алчбе, бдению же и молитве прилежати, умилению и плачу с воздыханиемъ и съ сокрушенымъ сердцемъ внимати. Сия убо боголюбивымъ душамъ путь, на добродетель ведый, предлагаеться, и сия въменяютъ славу истену и честь извесну». Сия слышавъ, блаженый юноша, яко земля доброплодна, приемлющи семя въ сердце свое словеса старца, рыдание къ рыданию предлагаетъ. Яко дивитися и старец таковой теплой к Богу любви его и огню   божественному, разжегшему тако душу его, и глагола: «Вижду тя, чадо, во глубину Божия любве въдавша душу твою, поспеши убо совершите доброе твое желание, да не како злыхъ сеятель плевелы посеетъ

165

въ сердце твое, и, укрепився, покрыетъ пшеницу, твою благую мыслъ, и таковаго тьшания пременишися, и любоплотиемъ, иже во Евангелии поносимымъ, подверженъ будеши, иже прекупления ради селъ и супругъ воловыхъ, и женъ поятиемъ сладкия вечери, и бесмертныя пищи отрекошася, и недосътойны избранаго звания и веселия небесного царя Христа въправду нарекошася. Азъ ти, чадо, таковому делу служитель буду о Господе и путь покажю ти до обители святыя Колязина монастыря, идеже желаеши. Токмо глаголаная мною да сохраниши».

И тако показа ему путь къ монастырю Пресвятыя Троицы, рекъ: «Отселе Господь да управитъ путь твой, о чадо,   яко самъ весть. Ныне же иди въ домъ твой с миромъ, якоже рехъ ти, Господь управитъ путь твой, яко ему угодно, тако и будеть». Сия слыша святый отрокъ Евстафий от старъца, рече: «Благодарю тя, Господи, яко увери сердце мое странымъ симъ». И к старцу глагола: «Благословенъ от Бога и ты, отче, яко укрепилъ еси душу мою». И бе блаженый радуяся душею и сердцемъ, яко сподобися таковаго старца видети, и благословенъ от него бывшу, и моляше его, глаголя: «Гряди, чесный старче, в домъ нашъ, яко да и родители мои сподобятся святаго твоего благословения». Старецъ же шедъ въ домъ и благослови родители его, и, тако изыде от нихъ, сия рекъ: «Яко сынъ вашъ великъ будеть пред Богомъ, и многия ради добродетели его съсудъ избранъ хощетъ быти Богу и служитель Пресвятыя Троицы». И сия рекъ, отиде.

Святый же уноша радости многия о сихъ исполъненъ бывъ и по времени проси у родителей своихъ благословения, глаголя: «Господие мои, во   оной веси, яко три поприща, нужду имамъ ко онъ, сице имя рекъ. Аще обретохъ благодать пред вами, то благословенъ и отпущенъ буду вами, аще и замедлю тамо, да не прогневаитеся на мя». Отецъ же его, угодная ему творя, глагола: «Господь с тобою, чадо, и да благословить тя и исправить путь твой». Матер же его обемши и целовавъ с любовию, отпусти с миромъ, повеле скоро возвратитися, въдеша бо, яко не во онъ весь хощетъ поитти, но яко источника живоноснаго, Христа, об-рящеть и напоить душу свою разполившуюся огнемъ желания любве его къ Богу.

Блаженый же юноша приимъ от родителей благословение, тако отходить из дому своего, не имый у себе ничтоже, разве одежды и мало хлеба немощи ради телесныя. Отшедъ же святый мало от дому своего и озревъся изъдалеча, и видевъ домъ свой, и рече: «Боже, рекий Аврааму, рабу своему, изыди от земли твоея и от рождения, ты же нынъ настави мя въ страхъ твой, се убо оставихъ домъ свой имени твоего ради   и не затвори от мене дверей царствия твоего». И плакася на многъ часъ. Таже устремися въ путь свой и исполнися многия радости, скоро же испешне шествоваше, да родителми не постиженъ будетъ.

Приходить же ко святей обители, Колязено зовомой, и, узревши церковь Пресвятыя Троицы, нача молитися на многъ часъ со слезами, глаголющи: «Господи Иисусе Христе, Боже нашъ, услы-

166

ши мя, недостойнаго раба твоего, яко к тебе прибегохъ, ты убо реклъ еси во святомъ Евангелии: „Аще кто не оставить отца или матерь и въ следъ мене не идетъ, несть мене достоинъ"; и паки рекий: „Приидите ко мне вси труждающися и обременении, и азъ упокою вы, возмите еремъ мой смиренымъ сердцемъ и обрящите покой душамъ вашимъ". Темъже и азъ, грешный, върою святому твоему словеси прибегохъ, ко множеству щедротъ твоихъ спасесе, яко ты прибежище наше и сила, и на тя уповая, не постыдимъся». И, воставъ от молитвы, ко вратомъ монастыря   прииде, и виде монахи монастыря того, вне врать стоящихъ, и поклонися имъ до земли, глаголя: «Благословите мя, отцы святый». Они же, видеша юношу проста суща и ризами худыми нелепо оболчена, глаголаше к нему: «Богъ да благословить тя, чадо. Что хощеши зде дати, сотворимъ». Он же рече к нимъ: «Хощу видети игумена и благословенъ быти от него». Монаси же скоро о немъ возвестиша игумену и реща святому: «Иди, зоветъ тя отецъ нашъ игуменъ». Святый же абие иде въ монастырь и пришедъ ко игумену, поклонися до земли, моляся ему со слезами, дабы его приялъ. Игуменъ же, видевъ святаго юношу, на земли лежаще и слезы многи проливающа, проразуме хотящую благодать быти на немъ и начать глаголати ему: «О чадо, видеши ми, яко место сие скорбно сущо и подвижимо на всяко дъло. Ты же унъ сый, мню, яко не имаши терпети на месте семь скорби». Се же, не яко изъкушая его, глаголаше, но прозорливама очима зряше блаженаго, яко Богомъ наставленъ бе уноша сей, прииде и хощетъ Богу сосудъ избранъ быти. Святый же со многимъ смирениемъ отвеща ко игумену, глаголя: «Отче чесный, яко провидецъ Богъ всяческихъ приведе мя ко твоей святыни, спастися мне хотящу, и елико, аще повелеши ми сотвори, повеленая тобою вся сотворю, но токмо спаси мя». И тогда глагола ему игуменъ: «Благословенъ Богъ, чадо, укрепивый тя на сие тшание, отселе буди служки братии со всякимъ терпениемъ и покорениемъ, купно же и послушаниемъ». Се же слышавъ от игумена, святый поклонися ему до земли и нача труждатися во обители на братию со всякимъ послушаниемъ, с любовию, без роптания повинуяся не токмо игумену и братии, но всемъ сущимъ во обители, ничтоже кому отвещая или пререкуя, паче же церкви прилежаще прежде всехъ входя и послежде всехъ изходя, яко всемъ сущимъ во обители дивитися великому его смирению и покорению, благонравию, укреплению и бодрости, и Бога о семь   прославляюще. В таковом служении препроводи святый три года.

Родители же святаго велми болезноваша о немъ, плакахся горко и много исках его во граде и во окресныхъ местехъ и весехъ, и, не обретше его, люте, яко по мертвомъ, рыдах, въ перси свои биющи, и глаголаху: «Аще бы кто-либо услышалъ или возвестилъ о немъ, мъзду бы приневъ о возвещении его». И се убо во единъ от дней мужъ некий пришедъ от обители Коля-зенской и рече отцу святаго: «Азъ убо извесно вемъ о сыне твоемъ, яко в мимошедшее лето видехъ его пришедша въ монастырь

167

Пресвятыя  Троицы   Колязено,   и  в  немъ  труждается  добре  и ныне».

Отецъ же его сие слышавъ, яко сынъ его живъ въ монастыре, нимало помедливъ, скоро поиде въ монастырь той на взыскание сына своего. И пришедъ ко игумену, поклонися до земли, глаголя: «Благослови мя, отче святый, се бо приидохъ помолитеся живоначалней Троице и от тебе благословитися». Игуменъ же виде его печална суща,   рече: «Богъ да благословить тя, чадо». По-томъ повеле ему сести. И седшимъ имъ въкупе, нача ко игумену простирати беседу многу, та же и вину поведа, еяже ради прииде, глаголаше: «Молю ти ся, отче, повеждъ ми, аще здъ есть отецъ а мой, много бо жалею его ради и не знаю, аще живъ есть». Игуменъ же, видъ его скорбна, рече: «Не съкорби, яко сынъ твой живъ есть, и не жалей о немъ». Онъ же глагола ко игумену: «Азъ его ради и приидохъ семо, яко да вижю его, и тако возвращуся въ домъ свой». Игуменъ же рече: «Аще хощеши видети его, то да идеши нынъ в гостиницу, почий, и азъ, шедъ, увещаю его, не бо хощетъ кого видети от преходящихъ. Ты же, въ третий день пришедъ, увидеши его». Онъ же отшедъ, чающи во онъ день видети его.

Игуменъ же, шедъ, возъвести вся святому. И егда услыша сие от игумена, велми оскорбися, яко не возможе утаитися от родителей. Игуменъ же едва умоли святаго, да явится отцу своему. Святый   же послуша игумена и въ третий день изыде ко отцу своему. Отецъ же видевъ его въ таковой скорби, бе бо лице его измененно от многаго воздержания, и объемъ его, плакася горко. И едва мало утешися, седь и нача[в]ъ увещевати, глаголющи: «Пойди, чадо, въ домъ свой, и еже ти на потребу и спасение души да делаеши по воли своей, токмо да не отлучишися насъ. Егда же умремъ, то, да погребеши тело наше, и тогда паки воз-вратишися, и, якоже хощеши, сотвориши». Святый же, слыша сия глаголы отца своего, оскорбися зело и рече: «Аще обрящу благодать пред тобою, отче мой, молю, да идеши въ домъ свой с миромъ, и едино хощу тебъ глаголати, да раздаси имение свое монастырямъ и церквямъ Божиимъ, на потребу нищимъ. Сам же да пострижешися въ монастыре и спасение обрящеши души своей. Аще же сего сотворити не восхощеши къ тому, лица моего не узриши». Сицевыми глаголы и иными многими наказании увещевая отца своего. Ему же не хотящу послушати, но абие отиде   въ гостилъницу. Святый же шедъ въ церковъ, прилежно моляшеся Богу о спасении отца своего и обращении сердца его на послушание словесъ его. Богъ же услышавъ молитву угодъника своего, по реченному от пророка: «Близъ Господь всемъ при-зывающимъ его воистене, волю боящихся его сотворить, и молитву ихъ услышитъ, и спасетъ их».

Паки же во единъ от дней пришедъ отецъ его и глагола святому: «Се, чадо, отныне вся повеленая тобою сотворю и к тому

а Так в ркп.

168

не возвращуся въ домъ свой, но, яко Богу хотящу, от сего часа иду въ монастырь, идеже еси ты, чадо, от твоего бо учения разумевъ, яко ничтоже есть светъ сей маловременый». Сия слышавъ блаженый от отца своего, возрадовася душею и шедъ возвести вся игумену, и вкупе прослависта Бога, скоро обратившему сердце его на покаяние. И паки шедъ блаженый ко отцу своему, и поучивъ его много еже о ползе душевней. Таже отецъ святаго приемлетъ благословение от игумена и отходить в домъ свой.

Пришедши же и мало помедливъ   въ дому своемъ, но вся добре устрояя нача, имение свое раздаяти по монастырямъ и церквямъ, и нищимъ. И мало поживе, въ добромъ исповедании умре с миромъ о Господе. Такожде и мати его добре и богоугодне поживе, с миромъ успе.

Блаженый же, слышавъ, яко родители его от жития преставишася, благодарныя молитвы Богу о семъ воздавая и мысля въ себе, глаголя: «Такожде и азъ смертенъ есмъ, якоже и родители мои». И оттоле нача на болей подъвигъ себе простирати, труды къ трудомъ прелагая.

Во едину же нощъ стоящу ему на молитве пред церковию, вънезапу слыша шумъ, и явися свътъ велий, и гласъ быстъ к нему: «Раби мой, отсюду да идеши къ великому Новуграду, и тамо обрящеши учителя и наставника себъ, именемъ Савву на Вишере реки, на столпе стояшаго, и да пребудеши с нимъ». Блаженый же отрокъ, слышавъ гласъ оный, быстъ во ужасе велии и в недоумении. Помалеже, едва   очудився, нача помышляти, како бы ему достигнути места, еже во гласе слыша, и нача скорбети о томъ, яко не знаяше пути.

Во един убо день пришедъ въ монастырь некто мужъ и пребыстъ три дни въ монастыре. Видевъ же святый сего мужа пришедша, нача прилежно вопрошати его, от коея страны есть и камо идътъ. Он же поведа ему, яко: «От Новаграда есть, приидохъ во святую обитель сию помолитися, такожде и по инымъ многимъ бывшу ми. И нынъ паки возвращаюся къ Великому Новъграду». Святый же, слышавъ от мужа онаго сия словеса, паче прелепися ему и глаголаше: «О чесный мужю, помилуй мя и приими мя. Да и азъ спутешествую с тобою, азъ бо пути не знаю и места, хощу бо достигнути великаго отца Саввы на реце Вишере». Онъ рече: «Добре, идеши, азъ бо путь той знаю».

Блаженый же скоро шедъ ко игумену, и припаде на землю, со слезами моляся, и поведа ему все бывшее видение, како бысть ему явлено. Игумен же, се слышавъ и провидя, яко благодать блаженая есть на немъ, и глагола: «Воля Господня,   чадо, да будетъ». И паки святый припаде къ ногамъ игуменовымъ, прося благословения и молитвъ, да отпущенъ будетъ. Игуменъ же благослови его, глаголя: «Богъ да благословить тя, чадо, якоже Гос-подови изволися, тако и будет».

Святый же, радости многия исполнися и помолися, отиде въ путь свой съ подругомъ онымъ. И Богу управляющу, малыми денми путь прешедше, приидоша во область Великаго Новаграда

169

на реку, зовомою Вишеру. Идущимъ же имъ внизъ тоя реки, и видевъ обитель мало ограждену и келий, въ нейже малая церковь древяная. Пришедъ же пред враты, никого же обрете вопросити, сотвори молитву со слезами на долгъ часъ, глаголя: «Господи Иисусе Христе, Боже нашъ, услыши мя, недостойнаго раба твоего, яко по глаголу твоему къ тебъ прибегохъ, ты убо реклъ еси во святомъ твоемъ гласе: „Да прииде семо и обрящу наставника, великаго отца Савву". Подаждъ ми, Господи, да вижю его святыню, ты убо реклъ еси: „Ищите и обрящите, толцыте и   отверзится вамъ, просите и дасца вамъ". Темже и азъ, грешный, надеюся на твою благодать, прибегохъ ко множеству щедротъ твоихъ, Спасе, яко ты еси прибежище наше и сила, и на тя уповающе, не постыдимся». И воставъ от молитвы, узреся, хотя видети онаго с нимъ путешествующаго мужа, и не бысть никогоже, смотря же семо и не обретеся нигдеже. Разуме же блаженый, яко некая Божия сила бе или анггелъ Божий с нимъ спутешествова. И тако благодарныя Богу о семь воздавъ, ко вратомъ монастыря прииде. И обрете инока, вне врать стояща, и поклонися ему до земли, глаголя: «Благослови мя, отче святый». Онъ же, видевъ святаго, ризами худыми нелепо облачена, глагола ему: «Богъ да благословить тя, чадо. Что хощеши зде?». Он же рече: «Хощу видети игумена и благословенъ быти от него». Инокъ же скоро возвести о немъ игумену. Игуменъ же святый Савва призва святаго. Святый же пришедъ, поклонися до земли святому Савве, прося благословения, и, благословенъ бывъ, нача  молити его со слезами, дабы   сотворилъ его инока. Игуменъ же святый Савъва, видъвъ святаго, на земли лежаща и слезы точа-ща, проразумъ хотящую благодать явитися на немъ, и яко Богомъ наставленъ сущи и приведенъ къ нему, и хощетъ съсудъ избранъ быти Богу. Глагола ему святый Савва: «Благословенъ Богъ, чадо, преведый тя до моей грубости и укрепивый тя на сие тъшание, отселе будеши служа братии со всякимъ терпениемъ, и покорениемъ, и послушаниемъ». Сие слыша, съвътый Евстафий паки поклонися ему до земли.

И тако остригаеть власы главы своея, въкупе же со отятиемъ власовъ и долу влекущая мудрования. И нарекоша имя ему Ефремъ, бе же тогда лъты 25 годовъ, егда возприя на ся иноческий образъ.

Оттоле же преподобный Ефремъ весь предадеся Богу, издавши себъ на труды многи, изнуряя плоть свою на вся дни, бдящи и молящеся без лености, во словословенияхъ и со иную тягость  отлагая, и съ воздержаниемъ плоти   труждаяся, рукама своима дьлая по вся дни, возпоминая псаломское слово: «Виждъ смирение и трудъ мой и отпусти вся грехи моя». Оттоле на болший подвигъ нача себъ простирати, труды къ трудомъ прилагати. По-томъ святы въ пекарню посылаетъся, и тамо добръ труждаяся со всякимъ смирениемъ и послушаниемъ, и во всемъ преспеваше трудомъ и подвигомъ телеснымъ, бяше бо теломъ здравъ и кре-покъ, и с поспешениемъ всемъ служаше, воду на себе носяше, и

170

дрова из леса влачаше, по вся же нощи без лености Богу моляся. Къ сему нощию изъ келий изхождаше и тело свое до пояса обнажаше, множество комаровъ и мшицъ все тело его кусающе и кровъ пияху. Стояше же съвятый неподвиженъ и не преступая с места на место, донде день возсияваше, и тамо преждъ всехъ обреташеся въ церкви, и, ставши на своемъ месте, непоступенъ сый пребывая, ни умомъ мятяся, божественое пение слушая, паки после всехъ из церкве изхождаше. Сего ради вси его любяху и почитаху велми, не яко новоначална   суща, но яко въ первоначалныхъ добродетелми сияюща, и яко отца его имяху, дивящеся таковому его смирению и покорению.

Пребыстъ же блаженый въ той службе лъта доволна, повинуяся игумену и братии. И посемъ вся службы монастырския прошедъ со всякимъ терпениемъ и послушаниемъ, и тако хвалимъ бяше всеми. И славу от человъкъ имяше многу, и о семъ преподобный стуживъси, ибо еже славитися от человекъ, яко студъ и грехъ себе въменяше. Попечение же имея много, еже бе-жати славы и работати Богу. Во единъ убо день приходить святый ко игумену Савве и просить благословения и молитвы, и болъзнь сердца исповедуетъ, не таить вину пременения, припада-етъ и молится, да благословенъ будетъ и отпущенъ, яко дабы ему повелелъ отходне на едине въ пустыни сидъти, и безмолствовати, и трудитися. Игуменъ же святый Савва велми почудився безгодному его прошению и глаголаше къ нему: «Ни убо, чадо, не подобно: не утвердивши ногу на корени, перъваго степени объшаго жития послушаниемъ, верха молчания и единства каса-тися, и без времени своего волею водитися, нъстъ бо лепо таковыхъ тебъ нынъ искати, все бо подобно во свое время, ибо еда кая ненадежна от обшаго человекомъ врага, или от крови мужей в пустыни тебе прилучится, и от всехъ поносими будемъ, твоей воли повинувшеся. И тако возъбраняется, и сие не без Бога бываеть, паче же благости и щедротъ его изволение. Да не яко въ пустыняхъ под спудъ зашедъ, въ горахъ покрывается, мнози же темъ не просветившеся последи света спасения лишатся». Сие же блаженый Ефремъ слышавъ, паки припадаетъ святому Савве и во всемъ повинуется, глаголя: «Воля Господня и ваша, чесный отче, да будетъ». И паки прежнихъ трудовъ и послушания касается. И всемъ, иже в нужныхъ работахъ, помогаетъ, много с ними труждаяся. Смирения же ради многаго, всеми любимъ бе и удивленъ, во дни убо труждаяся съ братиею, в нощи же въ молитвахъ стояние имый и множествомъ плоть поклоновъ умер-швляше, хлеба же и воды въ скудость въкушая, юносный изнуряше цветъ.   К сему же и зимою померзая, единою ризою худою и многошвеною доволенъ бываше, точию плоти прикровениемъ, и присно босъ ходя о жесточайшую притяжа кожю, яко и каменаго прирожения не бояся. Сицъ творя, яко врагъ бываше своему телу, и во всемъ подражая отцу своему святому игумену Саввъ, бе бо воистену крепокъ теломъ и не утомненъ, и во плоти сый по всему безплотнымъ подобяся.

171

О исходе святаго с Вишеры реки

И паки иногда преподобный Ефремъ во едину нощъ моляшеся Богу и Пречистей его матере, глаголя: «Пречистая мати Христа, Бога нашего, ты веси, яко всю мою надежду по Бозе возложихъ на тя, ты убо сама веси, настави мя на путь, в немже возмогу спастися». И тако ему намнозе молящуся, внезапу слышитъ гласъ, глаголющъ: «Ефреме, изыди отсюду и иди на десную страну, обогу Великаго Новаграда подле Илмера езера и реки, зовомыя Великия Веренды, доидеши и обряшеши место, тамо можеши спастися». И абие со гласомъ онемъ   и сввтъ велий явися. Открыв же святый оконъце келий и видъ светъ велий, сияющъ, къ полудню, и в немъ, яко перстомъ, показующъ место оное. Преподобный же от гласа онаго и видения радости многия исполнися, разуме, бо яко не презре Господъ моления его, и тако пребыстъ всю нощъ, бдя и моляся, дондеже время бе утрени. Помале же времени паки приходитъ святый ко игумену святому Савве, припадаеть на землю, и молится, и о бывшемъ ему гласе и видении поведаетъ. Савва [ж]е отецъ, слышавъ от устъ его и прозря внутренома очима, яко благодать Божия бе на немъ, и глаголаше: «Воля Господня, чадо, да будетъ». И пако святый припадаетъ и молится, да благословенъ и отпущенъ будетъ. Отецъ же его святый Савва приемъ моление его и поучивъ его намнозе о добро детелъхъ. И любезно облобызавъ, глаголаше к нему: «Богъ да благословить тя, чадо, яко Господеви годе, тако и будетъ».

Святый Ефремъ, благословенъ бывъ от игумена, радости многия исполнися, и слезы многи от очию излия,   и помолився на многъ часъ къ Всемилостивому Спасу и Пречистей его матери, и нощи наставъшей, изыде вонъ из монастыря, ничтоже въземъ, разве ризъ, и Богу поспешътвующу, помале прииде на показаное ему Богомъ место и возлюби его зело. И сотворивъ молитву, рече: «Се покой мой во въкъ въка. Зде вселюся, яко Господь изволи. Благословенъ Богъ отнынъ и до въка, яко услыша молитву мою и моление мое приять».

Пришествие святаго въ пустыню 6958

И посемъ начать дълати. Первее сотворивъ себъ хижицу малу, въ нейже мало покоя приимаше от труда.

Micro же то, идеже преподобный Ефремъ въселися, невелико бяше, но зело лесисто, и езеро Илменъ блиско бяше отвъсюду, и никтоже ту от человекъ живяше. Прежде обшедъ же преподобный место то и размотряше, где себе келию создати. Видевъ же место красно и некую лучу божественную сияюще, ту и вселися у реки Чермныя. И един единому Богу внимая и тому являя своя изправления, от негоже и воздаяния обидно надеяся, и божест-веннаго света зарею просвещая душу, но подобаше инемъ мно-гимъ его ради спастися и равноанъгелному житию его подражати.

172

И идущу убо некогда преподобному Ефрему от хижи своея къ Черной ръки почерпсти воды и Давыцкия поющу псалмы себе, и дъло ему бяше, еже непрестано пети и молитися, бысть гласъ с небесе, именемъ того зовущъ: «Понеже заповедъмъ моимъ былъ еси хранитель, тесный и прискорбный путь усердно прошедый, се тебе множество людей собрахъ, якоже ти прежде речено бысть. Ты же убо сихъ не отрыни, но простертома рукама приими и наставникъ темъ ко спасению буди». Се же слыша, преподобный Ефремъ ницъ на землю лицемъ падъ, ум же мыслено вознесъ на небо, благодарныя песни возсылая Богу. Таже воду почерпъ, возвратися в хижю свою. Сие же все быстъ, да збудетъся Господемъ реченое: «Не можетъ градъ укрытися, верху горы стоя. И никтоже вжегъ светилникъ и поставляетъ его под спудомъ или под одромъ, но на свъшницъ, да входящий видятъсветъ». Такождъ и сему преподобному отцу Ефрему, паче же реку наставнику и светилнику, не мощно толико время потаену быти. Сие же бысть промысломъ Божиимъ.

О приходе ко святому мужа Александра

Бысть некий мужъ, именемъ Александръ, живый недалече от хижи преподобнаго Ефрема. Сему убо Александру во единъ денъ по обычею идущу на поделие свое за великую реку Веренъду, и ходившу ему много, и закосневъшу, не могущу пути възыскати. Дню же преклоншуся къ вечеру, онъ же велми скорбя о томъ. Богъ же вся строя ко спасению человеческому, хотя показати раба своего сице. Шедшу же Александръ во внутреность леса места того и видевъ малу хижену, ужасеся, обрете и малъ следъ къ ней человеческий. Возрадовася, поразуме, яко некий рабъ Божий в ней живетъ. Прииде же близъ хижи тоя, и абие изыдъ старецъ, худыми и раздраными ризами облеченъ, и ста на мо-литъве, мневъ, бо того духа быти, и пребысть моляся.   Александръ же рече ко святому: «Чесо ради страшишися менъ, рабъ Иисуса Христа, Бога нашего? Возри и виждъ стопы моя, яко человекъ есмъ, якоже и ты плоть и кровъ есмъ». Преподобный же, видевъ его, благослови креснымъ знамениемъ, рече: «Аминъ». И глагола ему: «Откуду еси ты, чадо, и от коея страны, и чесо ради ко мнъ, грешному мужу, пришелъ еси?». Александръ же нача глаголати преподобному: «Азъ убо, чесный отче, поселянинъ есмъ и живу близъ сего места токмо три поприща в веси, зовомой Климково. Днесъ же изъшедъ изъ дому моего ради по-делия по обычаю. И вшедшу ми въ место сие и ходящу весь дънь. Заблудихъ с пути и тако приидохъ ко твоей святыни. Мню же азъ, рабе Божий, яко Господъ приведе мя ко твоему преподобию, да и азъ сподоблюся твоего благосъловения и молитвы. Хощу же ти поведати, чесъный отче, егда ходящу ми по сей странъ реки и видъхъ многажды прямо мъста сего овогда яко столпъ огненъ стоящъ, иногда   яко зарю некую божественую сияющу, иногда яко дымъ от земли к небеси восходящъ, и многажды возхотехъ идти на место сие и видети, и не возмогохъ,

173

ибо Богу тако изволившу показати ми твою святыню. Но молю ти ся, отче святый, не скрый от мене Бога ради, како семо пришелъ еси и кое ти есть име, и колико летъ имаши въ пустыни сей живый». Преподобный же Ефремъ, сия слышавъ от мужа онаго, истерпевъ сый велми, и прослезися, яко возможе утаитися и не моги же скрыта. Воздохнувъ изъ глубины сердца и рече: «Азъ убо, чадо, человекъ грешенъ есмъ, нарицаюся Ефремъ, живый преждъ на Виширы реки въ монастыре Въсемилостиваго Спаса. Помыслихъ убы изыти из монастыря, и вселитися въ пустыню сию, и быти въ молъчании, и плакатися греховъ моихъ — тако и сотворихъ, и приидохъ семо, и сотворихъ малу хижину, пребываю в ней до дне сего уже три лета, и никогоже от человекъ видехъ, токмо тебе днесъ». Александръ же паки вопроси святаго: «Чемъ же,   отче святый, питаешися?». Он же рече: «Былие, еже от земли самовозрасшее, с землею смесихъ и ядохъ, иногда же и одну землю ядохъ». И паки вопроси его Александръ: «Како, отче, изпервъ, егда семо пришелъ еси, трудно ли тебе бысть, или ни?». Преподобный же отвещавъ: «Преждъ убо, чадо, зело потрудихся и потомъ, яко изънемогающу ми, и пометахся на земли, страдахъ сердцемъ и не могохъ ниже главою возкло-нитися, ни стоящу ми молитвы творити болезни ради сердечныя, но лежащу ми творяхъ правило мое: моляхся всячески милосеръ дому Господу от обдержащия мя тогда болезни сердечныя избавите. И во единъ от дней седящу ми и утробою зело страждущу, и се видъхъ мужа преславна, предо мною стояща и глаголюща ми: „Что ти есть и чемъ страждеши?". Азъ же слышахъ то от него и укрепихся, рехъ ему: „Утробою сътражду". И рече ми: „Покажи, имиже болиши". Мне же показавшу место, идъже болитъ. Той же   простеръ и положи на мнъ руку свои, и осязовъ тело мое, творя красное знамение. И рече ко мне: „Се здравъ еси, къ тому не согрешай, да не горее ти сего будетъ, но работый Господеви своему отселъ и до вька". И от того дня даже и донынъ и изцелена бысть вся внутреная моя. И оттоле без труда пребываю, славя Бога и его милосердие, и щедроты». Слышавъ же сия Александръ от преподобнаго и прослави Бога, и благо-словенъ бывъ от него, отиде в домъ свой радуяся.

Времени же малу мимошедшу, паки прииде ко преподобному преждереченый мужъ Александръ со чады своими и принесе бремя хлебовъ и два сосуда ржи, такоже и алчменю, глаголаше: «Приими, отче мой, и моли Бога о мне». Преподобный же Ефремъ, слышавъ сия и приимъ, благослови его, рекъ: «Богъ да умножитъ, чадо, всехъ благихъ и изобилно въ дому твоемъ, и всякия благодати». Доволно же беседовавъ с преподобнымъ о ползе душевней, отидь в домъ свой с миромъ, славя Бога и угодника его святаго отца Ефрема, яко сподобися благословенъ быти от него. Блаженый же Ефремъ, видьвъ христолюбива мужа веру,   прослави Бога. И оттоле начать древа посекати и нивы разчищати, и хлъбъ сеяти, добре труждаяся и от трудовъ своихъ питаяся.

174

О приходе анъггела Господня ко святому

Иногда молящуся святому во своей келий, творя обычное свое ему правило, внезапу предъста ему анггелъ Господень во одъжде беле и съветле. Сего видевъ, святый ужасеся и падъ ницъ на землю, бысть яко мертвъ. Святый же анггелъ приближеся к нему и за руку вземъ. «Востави, — рече, — о преподобие, отложи страхъ весъ, ибо азъ есмъ анггелъ силы Господни, посланъ есмъ на правый путь наставити тя. Возпомяни иже древлебывшихъ тебъ божественыхъ видений и предсказание места, в немже въселився, почнеши и отецъ многимъ духовнымъ чадомъ будеши, яко да совершенъ явишися и праведенъ».

Преподобный же Ефремъ, въ себе пришедъ, рече ему: «Кто еси ты, Господи, яко видъ твой смяте мя, но ужасъ нападъ на мя». Он же, отвещавъ, рече ему: «Азъ есмъ анггелъ Господинь, посланъ есмъ   от Бога поведати тебъ, яко благоволить Господь нашъ Иисусъ Христосъ, яко да созиждется църковъ на месте семь во име его святое, и братию да собереши, и монастырь соградиши». И сия рекъ, невидемъ бысть от него.

Преподобный же Ефремъ любя безмолвие и сладосно въ пустыни хождаше, паче же стоя на молитвахъ и моляся Богу избавити его всячески от прелести вражия, ибо боголюбивъ сый и любезно объхождаше пустыню ону.

Некогда же убо отшедъ от келий своея на островъ близъ езера над великою ръкою Верендою и ставъ на молитву по обычаю своему на многъ часъ, и се внезапу паки ему явися анггелъ Господень, глаголя: «Ефреме, якоже рекохъ ти преждъ, созижди църковъ, и братию собери, и монастырь согради, приидутъ бо къ тебе мнози, спастися хотящий тобою, ихъже наставиши на путь спасения». И сия рекъ анггелъ къ тому, невидемъ бысть.

О собрании ко святому въ пустыню братии

По времени же маль приидъ ко преподобному   некий старецъ, именемъ Фома, велику тяжесть зелезну на себъ носящъ, ибо ужемъ железнымъ превившуся ему по всему телу, еще и цепямъ многимъ о чреслехъ его препоясанымъ, со двема инокама. И пришедше, поклонишася, глаголюще: «Благослови насъ, рабе Божий». Преподобный же Ефремъ, видъ ихъ, возрадовася, слышал бо о ономъ старцъ, яко великъ бе житиемъ, и приять ихъ, яко от Бога посланыхъ, и моли старца пребыти с нимъ. Старецъ же, видъвъ велие усердие святаго и взирая на душевное его безлобие и премногую любовъ, пребыстъ с нимъ желателъне лъта доволно. Преподобный же Ефремъ зряше на старца онаго, въ добродътелехъ сияюща, велию ползю приимаше от него, помышляющи въ себъ, яко от Бога есть посещение пришествие его к нему. Старецъ же убо пребывая со преподобнымъ, живый время доволное в послушании со многою любовию и смирениемъ. Преподобный же Ефремъ паче воздержашеся выше человеческия силы: алкотою безмерною   и наготою въ зимное время, яко и

175

самой земли разседатися от зелнаго мраза. Он же во единой ризе, яко безплотенъ, подвизаяся, аще бо и люту зиму видяше, но сладъко о сихъ воздаяние ожидаше, студению тшашеся грядущаго гнева избъжати. Видевше же беси себъ попираемыхъ и преображахуся убо иногда во зверя, а иногда во змию, покушахуся устрашите святаго. И бе видети чудно гонение, овии свистаниемъ и зверскимъ свирепствомъ устремляющеся. Сей же молитвою, отражая, яко пучину, присно раздираему, творяше, и многа неизречена приять досаждения от бесовъ, ихъже невозможно изглаголати подробну, и тако благодатию Христовою пребываше от нихъ невредимъ.

Во едину убо нощъ восхоте святый итти на обычное свое правило, узре множество полковъ бесовскихъ, яко некое великое воинство, ярость на святаго показующе и зубы скрежюще, яко мнети, пламеню велику изъ устъ ихъ изходити, и яроснъ глаго-лаху ко святому: «Изыди отсюду, да незле умреши зде». Святый же молитвою вооруживъся, никакоже бояся и не устрашися техъ козни свирипаго лаяния. Ведеше бо техъ некрепъкую силу, молитва бо святаго, яко пламенъ изшедши из усть, абие техъ попали и невидемы сотвори.

О приятии святаго свещенъства

Свъщенику же тогда у нихъ не сущу, и зело братия сожале-ваху о томъ и моляху святаго возприяти свещенства санъ. Оному же отрицающуся и глаголющу, яко: «Выше силы моея есть дъло сие». Но аще ему и не хотящу, но молениемъ братии от архие-пискупа Георгия священству сподобляетъся. Поучивъ же его святитилъ много, глаголя: «Се, чадо, возприялъ еси ради смиренаго нашего послушания свещенства санъ. Темже подобаетъ тебъ не себе угождати, но изкренему, якоже и Господь нашъ Иисусъ Христосъ не себе угоди».   И протчая изрекъ ему о ползе души, и о Христе целование давъ, отпусти его с миромъ.

О построении первой церкви Богоявления Господня

Преподобный же Ефремъ еже о Христе съ братиею на преждепоказаное ему анггеломъ место приходить и, сотворивъ молитву, нача здати църковъ и келий. И посылаетъ от учениковъ своихъ старца Тихона въ великий Новъградъ ко архиепископу Генадию о антимисе и освящении църквъ. И повелениемъ того преосвященейшаго Генадия освятиша церковь во имя Богоявления Господня 6993 года б.

Преподобный же Ефремъ, аще и старейшество приять, не измени правила своего, но смирения образъ показуя, по Господню гласу: «Аще кто хощетъ въ васъ быти старей, да будетъ всехъ менший и всемъ слуга». Темже смиряя святый себе и всемъ служа, собою образъ темъ дая и на дело прежде всехъ изъходя,

б На полях: а от Христа 1485.

176

и во время святыя литургии весь во слезахъ пребывая. И оттоль цветяше и умножашеся место оное его молитвами, по реченому: «Праведникъ аки финикъ процвететъ и яко кедръ, иже въ Ливанъ умножится». Умножаху бо ся братия молитвами преподобнаго и добрыми его нравы. И мнози от велможъ прихождаху къ нему благословения ради, и от имения своего монастырю на построение подаяху, и с миромъ возвращахуся во своя домы, благодаряще Бога и преподобнаго убложающе, бяше бо поисътене человекъ Божий, свьтило во всемъ мире просия бо смиренымъ смысломъ, послушаниемъ и протчими добродетелми и труды подвизаяся на всякъ дънъ; въ пекарню въхождаше тесто мешаше и хлебы печаше, бе бо святый крепокъ теломъ, якоже и выше рехомъ: «Всехъ труждающихся утверждая и учаше никогдаже ослабевати въ делехъ своихъ».

Некогда же преспъвшу празнику Богоявления Господня и братии преуготовляущимся еже на потребу гостемъ, не сущей же водъ к потребе. Келаръ же Романъ шедъ сказа преподобному Ефрему, яко нестъ, кто воды носяй. То слышавъ, святый, съ великимъ поспешениемъ воставъ, начатъ из реки воду въ поварню носите. Братия же, видевша его сицъ трудящася, вси со тщаниемъ притекша и наносиша воды до избытка. Иногда же паки дровамъ не сущимъ преуготовленымъ на потребу варения, шедъ преждереченый Романъ келаръ ко блаженому Ефрему и глаголаше: «Отче, повели единому от братии, сущу празну, да шедъ преготовить дровъ, яже на потребу». То слышавъ, преподобный глагола: «Се азъ празденъ есмъ, азъ иду преду». Братии же повеле идти комуждо на послашание. Самъ же вземъ секиру и начатъ сещи дрова. И се нецыи от братии, видъще преподобнаго дрова секуща, възяше и тии койждо свою секиру и преуготовиша дровъ, яко быти темъ доволнымъ на многи дни.

Паки же иногда во едину от нощей иде святый во храмину, идеже братия рожъ и жито меляху на печение хлеба.   Братии еще спящимъ, вземъ святый разделеную часть коегождаго брата, рошъ измелеваше и смоловъ, на своемъ ихъ месте поставляше, паки во свою келию отхождаше. И сие творя многажды. Бе же ута[и]въ братии от преподобнаго, да в нощи кийждо измоловъ свою часть и потомъ начинають утреню, и потомъ паки делати ручное свое дъло, а инии во оградъ копаху зелнаго ради растения даже до пения часовъ и святыя литургии, и потомъ въкушаху хлеба мало, и паки делу своему кийждо прележаху. Сице по вся дни труждахуся, пребываху въ любви Божий. И во тъшании къ Богу во всемъ подражающе отцу съвоему Ефрему, иже имея истеное смирение и кротость велику и во всемъ подражая Христа Бога нашего, глаголющаго: «Научитеся от менъ, яко кротокъ есмъ и смиренъ сердцемъ». И на то възираше, смирялся и последнимъ себя во всемъ творя, въ церкви же преждь всехъ обреташеся и послежде  изхождаше,  и   никтоже  его   никогдаже  виде на  рогозине

177

 лежаща или воду на тело возливающа,   разве токмо руце умывающа. Одежда же его бе велми толста из рубищъ, изкропона. И бе видъти святаго нелепо одеяна, мънози же несмыслении укоряюще, ругахуся ему. Преподобный же сия укоризны от нихъ с радостию приимаше, поминая присно слово Господне: «Блажени бо, — рече, — есть, егда укоряють вы и егда рекуть всякъ золъ глаголъ на вы, лжюще мене ради. Возрадуйтеся въ той дънъ и възыграйте, яко мздя ваша многа на небесехъ». Се же возпоминая, святый и о сихъ утешашеся всегда.

Имаше же обычай преподобный по вся нощи обходити монашеския келий, хотя уведати коегождо ихъ житие. Егда бо слышаше, кого молитву творяща, ту ставъ прославляше о немъ Бога. И паки егда услышаше некиихъ, беседующихъ двухъ или трехъ, сошедъшихъся вкупе, ту ударяя во двери, назнаменуя имъ свой приходъ, и тако отхождаше. Во утрие же, призвавъ ихъ къ себе, не абие обличаше ихъ, но яко издалеча притчами глаголаше имъ, хотя увъдати къ Богу тшание ихъ. И аще будеть брать легокъ сердцемъ   и теплъ любовию Божиею, то сей, разумевъ свою вину и падь, поклонивься, прощения просяше. Аще ли же паки будеть брать омрачениемъ бесовскимъ сердце покровено имущъ, той стояше, мня, яко о иномъ беседуетъ, самъ чисть творяся, дондеже святый обличаше его и, епетимию наложивъ, отпущаше. И тако утверждая вся, и уча прилежно молитися Богу, и не беседовати по павечерней молитве никогда, и не приходити от келий въ келию, но во своей келий Богу молитися или что дълати, и псалмы Давыдовы всегда во устехъ имети, въстречу же другъ другу поклонятися, яко же подобаеть инокомъ в поесъ, и глаголаше имъ: «Молю вы, братие, подвигнемся в малое сие время постомъ, и молитвою, и попечениемъ о спасении душъ на-шихъ, возвратимъся от злобъ нашихъ и от путей лукавыхъ, еже суть любодеяние и татбы, клеветы, празнословия, пиянства, обя-дения и братоненавидения — сихъ, братие, уклонимся и возгнушаемся.   Не оскверним же сими душъ нашихъ, но пойдемъ по пути Господню, ведущему ны въ жизнъ вечную. Възыщемъ Бога рыданиемъ и слезами, пощениемъ и бдениемъ, покорением же и послушаниемъ, да тако обрящемъ милость от него. Еще же воз-ненавидемъ суетнаго мира сего, всегда поминающе о семъ рекшаго Господа: „Аще, кто не оставить отца и матери, и жены, несть мене достоинъ". И паки: „Обретый душу свою погубить ю, а иже погубить менъ ради, спасеть ю". Темже и мы, братие, отрекшеся мира, отречемся и сущихъ в немъ, возненавидимъ всяку неправду, и к тому мирскихъ да не творимъ, и да не обратимся на первыя грехи, якоже пси на своя блевотины. Рече бо Господь: „Никтоже, возложъ руку на рало и зря вспять, управленъ будеть во царство небесное". Но подшимъся избежати безконечныя сиа, братие моя, да не скончеваемъ время в лености. Не имущимъ бо покаяния, нелепо есть и нарещеся монахомъ, но по вся дни каемся гре[х]овъ своихъ, покаяние бо ключъ есть царства небеснаго, безъ того не удобъ есть внити никомуж, а

178

непокояние въводитъ въ тартаръ глубокий. Братие, держимся на томъ и пригвоздимъ плесни и стопы наша, къ тому бо пути не приближится злый змий лукавый и не можеть видети, того путишествия суть велми трудна и прискорбна от супостата злаго, последи же радосна и утешна. Братие, подвигнемся прежде дне онаго страшнаго да получимъ благая оная, и избегнемъ всехъ, хотящихъ быти ленивамъ и в покаянии не живушимъ». Сице убо святый сей наставникъ братию уча. Они же, яко земля, жаждущая воду, тако принимаху слово его, приносяще трудовъ своихъ плоды къ Богу, овъ сто, овъ же шездесять, овъ же тридесять, и бе видети на земли человеки, анггелское житие имуще. И мнози христолюбивии мужие и жены, иже от многихъ странъ, слышаще преподобнаго доброе житие, прихождаху к нему, исповедающе грехи своя и велику полъзу приемлюху от него, отхождаху. И таки паки приносящъ от имении своихъ на утешение   братии и на устроение монастыря. И тако множество людей отвсюду к нему прихождаху, овии благословение от него получити желающе, овии же вопросите имуще о неудобъразумеваемыхъ, инии же разрешение имуще различнымъ некимъ вещамъ. И вся разрешаше, и вся сказаваше, и всехъ благословляше, и не единаго же тша отсылаше.

По семъ на повесть паки возвратимся.

О пропущении воды из реки Веренды во езеро Илмеръ

Паки любви вашей простираю беседу о преславныхъ чудесехъ, иже сотвори Богъ угодникомъ своимъ. Сего преподобнаго въ пустыню пришествие, яко единому хотящу безмолствовати на семъ месте, но Богу изволившу монастыръ возградися и братии умножевшейся. И нецыи от братии роптаху на святаго, глаголюще: «Вскуе неразсудне селъ еси на месте семъ — воды несть близко». Святый же, утешая ихъ, глаголя: «Братие, азъ единъ хотехъ на семъ месте безмолствовати. Богу же изволившу толику обителъ воздвигнута во славу свою. Протчие подвизайтеся въ мо-литвахъ ваших и не премогайте, а сие оставимъ Богу о насъ пещися. Аще бо непокоривымъ и жестокосердымъ людемъ еврейскимъ въ пустыни пищу неоскудну подаде и воду из камени източи, васъ ли, братие, присно работающихъ ему, никакоже презрети иматъ». И тако утешаше немощь ихъ. Сам же нача по-мышляти въ себъ, како бы провести воду к монастырю ближае на спокойствие братии, от многихъ трудовъ изнемогшей, и зелнаго подвига, и воздержания.

И во единъ убо дънъ преподобный повеле всей братии копание сотворити от реки Веренды в великое езеро Илмеръ. Сотворившимъ же имъ малое копание, и тако внезапу устремися вода своимъ хождениемъ с великия ръки Вьренды во Илмеръ езеро с великимъ шумомъ и стремлениемъ, и воднымъ течениемъ, яко рву велику изрытися под монастыремъ от многаго течения воднаго.   Преклонивъ же преподобный колени своя и начать молитеся.

179

Молитва святаго

«Боже и отче Господа нашего Иисуса Христа, сотворивши небо и землю и вся видемая же и невидемая, и создавши человека от небытия въ бытие, и не хотяй смерти грешниковъ, но живымъ быти! Темже молимся и мы, грешнии и недостойнии рабы твои, услыши насъ въ сей часъ и яви славу свою, яко же бе въ Колосаехъ чудодействова архистратигомъ своимъ Михаиломъ: крепкая твоя десница воду въ камень низводъ. Тако и здь яви силу твою, ты бо еси Творецъ небу и земли, подаждъ уставление водамъ симъ. Да разумеютъ вси, послушавши боящихся имени твоего и воздадятъ славу тебъ, безначалному Отцу со единороднымъ твоимъ Сыномъ и всесвятымъ и благимъ и животворящимъ твоимъ Духомъ, нынъ и присно и во въки въкомъ. Аминъ».

Сия рекъ святый, и великимъ гласомъ Христово имя призвавъ, и десницу крестообразну простеръ во образъ креста,   и абие молитвьми святаго уставися водъ течение. И начаша брати зъ того места воду на всяку потребу монастырскую. Братия же прославиша Бога о семь, творящаго дивная чудеса молитвами преподобнаго Ефрема.

О построении церкви каменыя во имя Николая чудотворца и о послании къ великому князю

Во единъ убо день преподобный Ефремъ собравшеся со всею убо братиею въ соборъ и, сотворивъ молитву, советавати нача с ними о поставлении церкви каменыя. «Яко хощетъ, — рече, — Богъ, братие, святых ради вашихъ молитвъ да созиждетца церковь каменая во имя чудотворца Николая». Братия же о семь начаша негодовати на святаго, глаголюще: «Не весе ли о семь, отче, яко место сие скорбно сущи, еще же и скудно есть всемъ. То како или откуду возможемъ на толико дъло приуготовати потребная? Сель и богатства не имуще, и како ты глаголеши, не разсудя, о поставлении церкви каменыя». Преподобный же, сия от нихъ слышавъ, и никакоже о томъ смутися, и ни оскорбися, и со кротостию у чаше ихъ, глаголя: «Братие, якоже Богъ возхоте, тако и сотвори. Мы же не можемъ ни единаго блага дъла сотворите, аще не Богъ подасть намъ, уповающимъ на всебогатую милость его. Но токмо, братие, сотворимъ начало делу, Богъ все на потребу неоскудне подаетъ». И тогда преподобный пойдъ на некое место, сотворивъ молитву, нача копати. Помале же копании обрете глинъ доволну близь монастыря и разуме, яко потребно на делание кирпича, и возрадовася зело, и, оградився върою и упованиемъ, начать дело, Богъ помогающу ему. И неколико время делающе — приуготоваше доволно кирпичу, тако и инъ запасъ: и известь, и камения множество, яко довлети на устроение церкви. Потомъ же преподобный Ефремъ избра от ученикъ своихъ три старца —Иону, Иродиона и Леонътия — и посла ихъ с грамотою къ самодержавному государю Росийскаго царства,  благоверному великому  князю  Василию   Ивановичу,

180

всея Росии самодержцу. Старцы же, послании от преподобнаго, дошедше самодержавнаго государя и поведаша ему съ великимъ смирениемъ преподобнаго Ефрема моление, еже о коменыхъ мастерахъ къ дълу церкве Николая чудотворца. Самодеръжавный же и великий князь, сия слышавъ о преподобнемъ отце Ефреме и вся, с радостию дарова ему потребная, еже на строение церкве и монастыря, такожде и каменщики, к сему же и надзирателя над ними къ делу тоя церкви даруетъ. Аще бо и далече бяше место разстояниемъ от самодержавнаго государя, но духовная его любовь и вера близь бъше преподобному Ефрему чудотворцу, ведущи бо святость жития его. И тако отпусти старцы въ монастырь, повеле же, яко да молить Бога о многолетстве, и о плоду чрева его, и о державе его, такожде и о всемъ христолюбивомъ воинстве, и о всемъ православномъ християнстве. Пришедше же сътарцы въ монастырь свой и преподобному Ефрему  сия вся возвестиша, и яко добръ здравъствуетъ о Христе самодержавный государь, и прошения твоя вся исполни, вся тебе дарова на усътроение монастыря и церкви каменыя. Преподобный же Ефремъ, сия слышавъ от нихъ, и начать благодарныя молбы Богу возсылати о державе царства государя и великаго князя Василия Иоанновича и о плодъ чрева его помолися, глаголя: «Богъ да умножить царство самодържавнаго государя и плодъ благороднаго чрева его да подаетъ». И тако помолися преподобный вкупе з братиею доволно, такождъ и о христолюбивомъ воинстве его и о всемъ христианстве. Потомъ же доброразеудънийший пастырь и велики въ добродетелехъ мужъ желаний, святый Ефремъ болши монастырь возъгради, и церкви Божия постави, и украси всякою утварию церковною. Такождъ и келий благообразно устроивъ, и тряпезу, и ина многая на потребу братии. Поидъ в великий Новъградъ и моли аръхиепископа Генадия о священии църквъ каменыя. И того благословениемъ освятися церковь во имъ чудотворца Николая 6974 года.

Чудо преподобнаго Ефрема о разбойницехъ, како подятиемъ древа усътраши ихъ

В некое время совокупишася неразумнии, лукавии и злии человецы мнозии, научени дияволомъ и подстрекаеми на человековъ добронравныхъ, хотяще быти самовласны и доволствоватися чужимъ, от рода ленива и развращена, не хотяще бо работати и от своихъ трудовъ ясти, и другимъ подати неимущимъ на очищение греховъ и спасение душъ. Но послушаша родоненависника християнскаго — диявола, не допущающаго хотящихъ въ путь идти, ведущий ко спасению и в царство небесное, но влекуще въ геену огненую и в муку въчную. Приидоша убо и на святую обитель сию, еже ограбити и святаго старца озлобити, но не возмогоша.

Случися бо преподобному отцу Ефрему быти за монастыремъ, пред враты, и влачаше одинъ бревна великая дубовыя Божиимъ пособиемъ. Онемже окаянымъ пришедшимъ на него со

181

оружиемъ и хотящимъ яти его, но видеще его единаго, велиемъ деревомъ владеущаго и влекущаго въ монастырь, ужасошася, посем же единому древу превелику зело, еже никако бе мощно нести его многимъ человекомъ, а святый единъ касашеся и рече разбойникомъ: «Братие, помозите ми, убогому старцу, под вершину — азъ же возму от корене». Они же емлюще верхни конецъ древа семь человекъ и не могуще его и двигнути, ниже подяти. Святый же единъ под корень взя и несяше, а верхъ по земли влачашеся, егоже не возмогоша мнози подяти. Они же, лукавии, быша во ужасе велии и страсе, и в недоумении, и другъ на друга възирающе, хотяху бежати, но бояхуся, егда постигнетъ ихъ и л. зз убиеть, мысляху въ себъ, что имутъ творити.   Преподобный же, виде ихъ ужасныхъ и в недоумении бывшихъ, сожале о нихъ зело, рече къ нимъ: «Братие, что стоите и размышляете? Хотение ваше въсуе бе, и неподобная мысль погибе. Аще хощите, шедше, ядите глебъ в во обители, да незле погибнете, и паки сему месту не преступайте. И престаните от злыя мысли, да не плачутъ на васъ человецы, нестъ бо богатъства обрести вамъ у насъ. И аще ли не покаетеся от злыхъ сихъ дълъ, то мука въчная ждетъ васъ. Вы же не ожесточите сердецъ вашихъ, но, скоро шедше, покайтеся о злыхъ, содеяныхъ вами. У мене бо, убогаго старца, нестъ богатства велия, и сокровищъ златыхъ, и риза драгоценыхъ». Они же, окаянии, отшедше посрамлени, со страхомъ бежаще, паче же побеждени быше, нежели победита; и к тому уже престаша злыя дъла творити.

О преставлении преподобнаго Ефрема

Посихъ убо уразумевъ святый, еже къ Богу свое отшествие, и призвавъ братию, рече имъ: «Се уже, братие, конецъ живота  моего приближается, и азъ убо отхожду от жития сего. Васъ же предаю Богу, той да сохранить вы и утвердить въ любви его. Азъ же, аще и телеснъ отхожду от васъ, но духомъ съ вами пребуду неотступенъ, и о семь да будетъ вамъ разумно. Аще обрящу благодать пред Богомъ, то монастырь сей и по моей съмерти ничемъ не оскудеетъ. Аще любовь между вами будетъ, подобаетъ убо вамъ, братие, со всякимъ прилежаниемъ и страхомъ Божиимъ въ покорении и любви быти». Тако святый со слезами всехъ учаше, еже о съпасении души, и богоугоднемъ житии, и о пощении, и еже к церкви тшании, и стоянии со страхомъ, о братолюбии же и покорении не токмо ко старейшимъ, но и к сверснымъ себе. «И се яко видьте мя, хъ концу приближающася, вам же оставляю въместо себе четыре брата: во свещеноиноцехъ Романа, Анфеногена, Пафнутия, Макария — и от техъ, егоже Богъ благословить и архиепискупъ Пименъ, той вамъ игуменъ да будеть в мое место, и тому во всемъ   повинуйтеся духовне, вкупе же и телеснъ того послушайте, и отца духовнаго того имейтеебе, и того бойтеся, и повеления его вся творите, и непредкно-

в Так в ркп.

182

вено въ православии пребывайте и единомыслии другъ ко другу. Имейте же чистоту душевную и телесную и любовь нелицемерную, от злыхъ же похотей и скверныхъ отметайтеся, пищу же и питие имейте немятежно, но и паче же смиреномудриемъ укра-шайтеся, странолюбия не забывайте, сопротивословия удаляйтеся, и ни во что же въменяйте жития сего честь и славу, но вместо сихъ от Бога мздовоздаяния ожидайте — небесныхъ и вечныхъ благъ наслаждения».

И тако наказавъ ихъ, рече: «Азъ бо уже отхожду от васъ, предаю же васъ всемогущему Богу и того Пречистей матери, да будетъ вамъ прибежище и стена от сетей вражиихъ». Братия же со слезами вопросиша: «Где его погребуть по преставлении его?». Он же завещавъ имъ, глаголя: «Братие, грешное мое тело, оцепивше за нозе, и вовлецыте въ дебръ блата, и во мху закопайте, и закопавше — ногама своима да поперете е». Они   же с плачемъ глаголюще: «Ни, отче, не соторимъ сего, но да в церкви Богоявления  Господня  погребенъ  будеши».  Паки  святый рече: «Аще сего, братие, не сотворите, то да погребите е у чудотворца Николая близь церкве». И тако поучивъ ихъ доволно, и духовнымъ лобзаниемъ лобызавъ, и всехъ последнимъ благословениемъ благословивъ, воздвиже руци на небо и молитву сотворивъ, конечное  слово  изрекъ:  «Господи,  въ  руце твои  предаю духъ мой». И такъ чесно свою душу Господеви предавъ с молитвою в лъто 6995 месяца сентебрия въ 16 день, преуведевъ прежде единаго лъта свое отшествие къ Богу, поживе 80 леть от рождения своего, скорбнымъ и ускимъ шествуя путемъ, достиже чесные старости и маститы и посническими съдинами украсився. И тако совершаху память его во обители Богоявления Господня, созда-немъ от него монастыре. Братии же всей собравшейся плачемъ и рыданиемъ сокрушахуся и на одре чесное и трудолюбивое тело положивше,    псалмопениемъ    надгробнымъ    того    проводивше, слезъ источники проливаху,   кормчия и учителя лишени быхомъ и отча разлучения не терпяще, плакаху, яко аще бы мощно, но умрети тогда с нимъ. Лице же святаго светяшеся паче, а не яко обычай есть мертвымъ, но яко живъ  или анггелу Божию ему быти, показуя душевную его чистоту, и еже от Бога мздовоздаяниемъ трудомъ его.  Положиша же тело внъ церквъ святителя Христова Николая одесную страну олтаря и погребоша чесныя его и чудотворныя мощи, иже изцеления подаютъ всякимъ болезнемъ съ вьрою приходящимъ к рацъ мощей его. И тако отидъ преподобны  въ  вечную  жизнъ,  славя  святую  Троицу,  Отца  и Сына и Святаго Духа нынъ и присно и во въки въковъ. Аминь.

Чудо святаго Ефрема о беснующемся отроке

Некий уноша, именемъ Агафонникъ, от села, нарицаемаго Голинъ, сему случися зане прежение лукавымъ духомъ обладану быти. Глаголаху бо о немъ, яко празнику   бывшу Воскресения Христова, въ той день до обеда пившу ему, и внезапу от действа дияволя онеме и смятеся умомъ, неподобная дъя. И многое время

183

крепко вяжемъ бывая и, разтерзая узы, бегая по полямъ и по стреминамъ, разбивашеся. Овогда хотяше и во езере утопитися от зелнаго мучения бесовъскаго. И тако много сему бывающу. Сожалеша о немъ сродницы его, глаголаху яко: «Грехъ ради нашихъ от Божия попущения чему быстъ». И помянуша чудеса, бывающая от мощей преподобнаго Ефрема, и приведоша его въ монастырь, и певше молебная, приложиша его ко гробу и водою святою покропиша. Абие в томъ часе изыде бесъ изъ него, и быстъ здравъ и смысленъ молитвами святаго Ефрема. И отидъ в домъ свой радуяся, славя Бога и его угодника, Ефрема преподобнаго.

Чудо о раслабленомъ отроке

Некой жене, именемъ Марии, в селе Оспинех,   вдове сущей, имеющей единаго сына, не ще г ему малолетие сущу, иде играти, якоже есть дътемъ обычай. Случися ему внезапу пасти на землю, и оттого быстъ въ расслаблении многа лета. Матерь же его велми о немъ скорбящи, и плакаше, и много врачемъ раздаде своего имения, и ни единыя полъзи отроку обретши. Во едино лето приспе празникъ преподобнаго Ефрема месяца сентебрия въ 26 денъ, помысли и оная вдова итти с сыномъ своимъ во обитель, и везоша отрока въ ладии, и принесоша его ко гробу святаго. И плакася жена о зцелении, и певше молебная, и по окроплении святыя воды отрокъ управясъ на нозе свои, и от того часъ быстъ здравъ, яко николиже болевъ. И притекъ ко гробу святаго, любезно лобызавъ, славя Бога и преподобнаго Ефрема благодаря, давъшаго изцеления, и отиде въ домъ свой радуяся.

О потоплении Перекомскаго монастыря стараго и острова и построении  новаго монастыря

Во дни благочестивыя державы благовернаго великаго государя царя и великаго князя Иоанна Василевича, самодержца всея Росии, и при епискупе Пимене великаго Новаграда Божиимъ изволениемъ нача Илъмеръ езеро от многихъ распространятся и проливати великими волнами и островъ Перекомо над устиемъ великия реки Веренды, иже бе тамо монастырь Богоявления Господня и церъковъ с теплою трапязою древяная, да церковь ка-меная Николая чудотворца, и в ней мощи преподобнаго Ефрема чудотворца. И уже подмыло ограду и святыя врата, и келий умалишася. И быстъ велие утеснение манастырю и братии, ибо волнами до самыхъ церквей со всехъ странъ подмывая. Игумену же въ то время бывшу Роману, и зело ему с братиею о семь скорбящу. И во единъ от дней собравшимся имъ въ церковь Николая чудотворца, идеже гробъ святаго Ефрема,   и певшимъ имъ всенощная пиния и молебная, бывшимъ веема в недоумении от страха и ужаса наполнившимся, и рекшимъ, яко: «Грехъ ради

г Так в ркп.

184

нашихъ умножение сие сотворися, яко всему острову потоплящу и монастырю такождъ». И у гроба святаго на долгъ часъ простерше руце, и рекоша ко преподобному со слезами умилно: «О преподобие и богоносе д отче нашъ, наставниче великий Ефреме, услыши насъ, сирыхъ, плачущихся днесъ, и скорбящихъ въ таковой страшной печали, и недоумевающимъ намъ, что сотворити. Собрани тобою во святую сию обитель, и призывающимъ тя в помощь помози намъ и не остави насъ погибнути, да не обенившеся, въпадемъ во отчаяние и ввержемся въ геену огненую, и тако осудимся вечне. Буди намъ отецъ, и предстатель, и утешитель, како разлучимся с тобою? Езеру Илмеру разливающуся, камо идемъ? Или кончина   жития приходить? Что да сотворимъ? Скоро предстани въ молитве ко своему владыцъ Христу и помолися за ны и Пречистей его матере, да не по грехомъ нашимъ сотворить намъ и по беззакониямъ воздаетъ. Ты нам буди путенаставникъ, и вождь добръ, и правитель, и престанище небурное и благоутишное». Посемъ е престаша, и обещашася игу-менъ Романъ, и вся братия, и вси сущий во обители возложити на ся пость тридневный: ни ясти, ни пити, но молитися, и бдЬти въ церкви, и каятися, прося прощения согрешениямъ своимъ, да не како не покаявшеся, умремъ; и въ третий дънъ певше всенощная пъния со слезами и умилениемъ.

На великом же славословии игумену Роману стоящу на месте, и от истомления быстъ яко во изступлении, и воздремався мало, возклонивъея. Внезапу виде въ церкви мужа светлообразна, ходяща, и сидинами украшена, и лицемъ свътящася. Пришедша къ нему и глаголюща:   «Брате, почто скорбиши? Яко благоволившу тако Богу мене и васъ с сего места преселити, но, не медъля, да перенесеши сию обитель на сухо место на брегъ, въ село, рекома Клинково. И азъ с вами хощу, да пребуду тамо». И сия рекъ, невидемъ быстъ. Игумен же возбнувъ и никого же пред собою виде, токмо свещеника с кадиломъ, к себъ идуща. Тогда игуменъ скоро шедъ ко гробу и падъ на землю со слезами, плакася на многъ часъ, и по скончании пения воставъ, поведа бывшее видение всей братии. И помышляху быти сему самому преподобному Ефрему, пастырю и учителю ихъ. Братия же, вся сущий со игуменомъ размышляху и пренесеши монастыря и церкве на место, еже явлено быстъ, иже бе недалече, яко три поприща от онаго осътрова.

А земля бе в той деревни дворцовая, а не ихъ монастырская. То како бы иму ту земълю себе изпросити под монастырь, усоветоваша игумену Роману самому ехать к Москве к самодержавному великому государю и просить оной земли, и о построении монастыря, и о перенесении церквей, и угодника Ефрема. Тогда игуменъ скоро поеха въ великий Новъградъ и вземъ благословение убо архиепискупа Пимена. Поеха к Москве, молитвами и помощию преподобнаго Ефрема скоро достиже царствующаго града Москвы и великаго государя. И помощию Божиею и Пре-

д Так в ркп.  

е Слово заклеено в ркп.

185

чистыя его матере, и молитвами великаго въ чудесехъ преподобнаго Ефрема великий государь царъ и великий князъ Иоаннъ Василевичъ, всея Росии самодержицъ, имея любовь ко святымъ Божиимъ церквямъ, паче же ко преподобному Ефрему, и нимало укоснивъ,  повеле дати  свою  государя  жалованую  грамоту  на вышепомянутую землю и деревню Клинково во вики неотъемлемо, и да будетъ на той земли обитель и собрание монахомъ, да молятъ Бога о немъ и о всемъ синклитстве, палате его и воинстве.   Самъ   же   великий государь   даде   игумену   въ   церковь Божию утваръ, даде же и злата на строение церкве и на возграждение монастыря. Игумен же, получивъ желаемое, скоро возвратися къ великому Новуграду съ грамотою, и испросивъ все, якоже подобаетъ, и прия благословение у преосвященийшаго Пимена архиепискупа, и достигну ему своея обители, совокупися с братиею и с сущими во обители. Поидоша осмотрети, где могутъ монастырь оградити и церковь поставити. Тоя же нощи рано, во время клепания к утрени, быстъ видение игумену и братии: столпъ стоящъ огненъ на земли. Шедъ убо игуменъ на то место, и виде его и благоухание велико, изхождаше на месте томъ, и разуме, яко Богомъ показано мъсто оно имъ, и возвратися скоро. Гробъ святаго оградивъ малою часовнею крепко, да ничемъ по-врежденъ будетъ от церковнаго ломания, и начаша церковь ломати и возити на предявленое место, рекомое Клинково. И Божиимъ пособиемъ спешно сътроишася церковь чудотворца Николая, въ нейже и пределъ преподобнаго отца нашего   Ефрема. Потом же монастырь и келий обложиша. Игумену же, и братии, и  служителемъ  всемъ  единодушно  въкупе  на сие другъ друга предваряюще и работающе. То слышавше и зряще, и протчия жители начаша приходити и помогати, окрестъ живущий посилъ помощь падающе. И тако помощию Божиею, и предстателствомъ Пречистыя его матере, и молитвами преподобнаго Ефрема дъло ускориша. Во едино бо лето църковъ пренесеся, и монастырь устройся, и освещена быстъ церковь Николая чудотворца и чудотворца Ефрем[а] предвлъ преосвещеным архиепискупомъ Пименомъ великаго Новаграда и Пскова. И тако обновися обитель. В то же время принесены быша и многоцелебныя мощи преподобнаго отца нашего Ефрема игумена с Перекома острова въ новопосътроеную обитель, въ церковь чудотворца Николая, въ пределъ чесно архиерейскими рукама со освещенымъ соборомъ и положиша на десную,   идъже есть нынъ видемы вами по преставлении его в лето 22-е. Потом же и древяную церковь построиша и с тряпезою теплою, и братию всю преселиша 7053 года майя въ 16 день.

Слышаще же народи великаго Новаграда и окреснъ странъ и сель о принесении чесъныхъ и многоцелебныхъ мощей святаго и преподобнаго отца нашего Ефрема со острова въ новопострое-ный монастырь, стекошася множество видети святаго мощи, со усердиемъ текуще и с великою любовию со всехъ странъ мужие

186

и жены, богатии и убозии, ожидающе Божия милости, слушаху благоговейно божественое пение всенощное въ то же время.

Нощи бывшей мрачной и темной и яко убо приспевшу времени великаго славословия, быстъ чудо ужасно и страшно, но удивления достойно. Внезапу, яко молния велия, зело преудивле-на приидъ с небесе на землю и хождаше по земли надоглъ часъ, и осъвети все то место и люди вся, сущия ту,   и к тому не видема быть. Архиерей же своима рукама касается гробе святаго, такождъ и весь освещеный соборъ, и несоша его на главахъ своихъ чесно въ новый монастырь. Людие же, видевше, начаша прикасатися гробу святаго.

В то же время прикоснуся ко гробу святаго мужъ, Феодоръ именемъ, имея руку суху осмъ летъ, и изцеле.

И инь мужъ, именемъ Георгий, главолениемъ одержимъ и бе слепъ три лита, прикосновениемъ ко гробу святаго изцеле.

Мужъ Никифоръ одержимъ бе сердечною болезнию, изцелися.

Отрокъ Петръ много летъ умъ погуби и своихъ ему не знаяше, и немъ бе — въ той часъ проглагола и своихъ позна, и быстъ здравъ.

Жена, именемъ Анна, имея кровоточивою болезнь зело тяшку много лътъ, и, еда идяше ко святому путемъ, изцеление получи.

Въ то же время двемя явися, седяшима въ темницъ, заключенымъ, нощию спящимъ. «Востаниете ж ,— рекъ, — азъ иду, объ васъ царя возвеселю и гневъ утолю, и свободни   будите [въ] сей день». Они же едва его возъмогоша просити: «Господи, ты кто еси и что име твое, избавляя насъ из темницы?». Онъ же рече имъ: «Азъ есмъ Ефремъ Перекомский, днесь гробъ мой от земли подняся архиерейскими руками и принесеся во обитель новую, и людие торжествуютъ». И сие рекъ невидемъ бысть. Имъже, возбнувшимъ от сна и друг друга вопросившимъ о бывшемъ видЬнии, и быстъ имъ едино. И абие свободиша ихъ. И прославиша Бога о семь и святаго Ефрема.

В то же время болнымъ седми человекамъ разными недугами быстъ изцеление. Единъ, имея грызную болезнь, и пришедъ на место, идъже лежа гробъ святаго, и прия перъстъ, и потре утробу свою, и быстъ здравъ. Видъвше же сие архиерей, и весь освещеный соборъ, и всенародное множество, прославиша Бога о семь, и Пречистую его матерь, и преподобнаго отца Ефрема о бывшихъ чудесехъ.

Чудо бывшее в лето 7160-го святаго Ефрема

Месяца майя въ 16 день едущимъ некиимъ къ великому Новуграду по езеру Илмену мимо монастыря сего преподобнаго   Ефрема чудотворца. Единъ же из них, богобоязънивъ сый, возхоте заехати къ преподобному во обитель и помолитися. Нача увещевати други своя, ибо бяху близь едуще, дабы и они заехали ко угоднику, понеже въ той день совершаху паметъ и звонъ слы-

ж Так в ркп.

187

шанъ бе ко святой литургии. Онем же отрицающимся и ниже слышати хотящимъ, глаголаху: «Бо намъ убо время скорее ко граду прейти, нежели в пути суще молбы творити, и не на сие бо изыдохомъ мы. Аще ли жъ тебе хочится, то иннымъ временемъ сие сотвори, насъ же въ пути не останавлевай». Слышавъ же человъкъ той жестокий ответь от дружины съвоея, прискорбенъ бысть, а наипаче желаниемъ побеждаемъ и во уме своемъ помышляше, яко моляся, глаголаше: «Святый и преподобный отче нашъ, сотвори милость свою! Преподобие Ефреме, даждъ ми видети святую обитель твою въ день сей на святую твою паметъ и гробъ чеснаго тела твоего, а впредь, какъ Богъ возхощетъ, буду ли азъ живъ или не буду, или како путь прелучится». И тако радениемъ возхотися, и аще бы мощно из ладии изытти и пешу дойти до монастыря, и се бы сотворилъ, но невозможно бе, яко з брега бе ладия. И паки нача просити, умомъ рече: «Свяче Божий, угодниче Ефреме, сотвори ко мне милость, и, яко веси, исъправи хотение мое, и соверши волю мою, дабы ми въ сей день быти в монастыре твоемъ и молбу ти принести». И се Господь близъ презывающимъ его воистину, внезапу нача воставати ветръ противень зело и буря темнооблачна, и яко дождю хотящу итти. Они же, сплавателие, нуждахося, гребуще противу ветру, одолети и не можаху. И еще паче прилежнее притужиху, гребущеся, ветру же множащуся. И тако обезсилеваху, начаша роптати на просящагося въ монастырь. Онъ же, аще и слыша роптание ихъ, но паче желаниемъ разпалаемъ во уме своемъ, глаголя: «Даждъ, Господи, се, да не будетъ путь ко граду». Несотворшимъ симъ къ монастырю сему шествия, и с моленимъ рече имъ: «Послушайте, господии мои, сотворите любовь, управите путь к монастырю и тамо моление Богови и святому чудотворцу Ефрему принесемъ, и, литургию слушавше, поедем, и после Богъ путь нашъ исправить лутше». Они же, яко со гневомъ, начаша ладию управляти ко брегу, ко пристанищу монастыря. И се волею Божиею и молитвами угодника Ефрема, якобы кто попирати начать ладию ко брегу созади, и съкоро приста ко брегу. Той же радосно пойде, прежде всехъ предъваряя, въ церковь, благодаря Бога и его угодъника преподобнаго Ефрема, протчии же с нимъ, яко с неволею, изыдоша. И тако отстояша литургию. И по литургии помолишася у гроба преподобнаго, изыдоша из церкве, и се быстъ чудо: абие утишися буря, и ветръ пременися, и сонце возсия, и быстъ путь строинъ всемъ, бывшимъ ту. И тако ти быстъ имъ шесътвие ко граду, и вскоръ въ домы своя достигоша, хваляще Бога и угодника его преподобнаго Ефрема въздъ прославляюще.

Чудо о создании храма Богоявления Господня въ том же монастыре  

В лето и при великомъ государе и царе Фе[одоре] царевиче, всея Росии самодержце, бе у него въ синклитстве некий мужъ

з В ркп. стерто.  

и В ркп. стерто.

188

богобоязнивъ, именемъ Романъ Феодоровъ, прозваниемъ Бобаринъ. Сему случися въ день помети преподобнаго Ефрема Перекомскаго ехати въ той денъ мостомъ, иже по Москве-реце. Вънезапу кони, сущия в колесницы, подкнушася и падоша, колесница же въ воду опровержися, и онъ с нею въ воде погрязну. Раби же его ринушася к нему, влачуще ю, друзии же — коней, и вскоре невозмогоша изяти. Он же, в колеснице сый въ водъ, возпо-мяну угодника Божия Ефрема Перекомскаго, егоже день бе празникъ, и рече: «О святый и преподобие Ефреме, божественыя ради своея памети не даждъ мне грешному утонути, но возведи мя еще на животъ». Въ ту же минуту абие, Божиею помощию и молитвами преподобнаго, изятъ быстъ от воды, яко некоего к силою выспръ возверженъ. И тако  въ домъ свой отиде здравъ, славя Бога и угодника святаго Ефрема. Посемъ боголюбивый той мужъ во обитель святаго многи книги приела и о прочихъ монастырскихъ скудостехъ вопрошаше тогда бывшаго въ Москве архиепискупа, после и митрополита, Корнылия. Онъ же поведа, яко древле бе храмъ тамо Богоявления Господня и от нахождения немецъ обетша, и разорися, теперь во единомъ токмо храме Николая чудотворца службу совершаютъ, аще и зиме сущей, и велику нужду терпятъ. Онъ же, яко боголюбива, абие даде сребра доволно на созидание храма Богоявления Господня купно, и с теплою тряпезою зимнаго ради упокоения братии устроити повеле. Видите, братие, како святый и преподобный отецъ нашъ Ефремъ чудо действу етъ, аще и в далней странъ, то колми близъ сущихъ помощникъ велий есть и промыслителъ.  

Чудо преподобнаго о архимандрите Макарии, како избави его святый  от потопления

В лъто 7194-го году случися архимандриту Макарию Хутын-скаго монастыря быти на освещении храма в Шелонской пятины по реки Шелони въ селе Костыжецехъ. И возвращахуся ему оттоле къ великому Новуграду, едеху в лодии озеромъ Илменемъ, и бысть имъ ветръ поначасъ. И приежая ко обители Богоявления Господня, и святаго Николая чудотворца, и преподобнаго Ефрема Перекомскаго, и овемъ хотящимъ заехати во обитель и по-клонитися мощамъ святымъ, овем же не хотевшимъ, и бысть у нихъ о томъ между собою разпря. И хотяху минути монастырь, и абие внезапу воздвижися буря велия, и быстъ вътръ противень и вихрь, и от великихъ волнъ налияся полна лодия воды, и седмъ человекъ утопе. Архимандрить же Макарий и с нимъ два еродякона стояху наверху ладии, на кровле, еле живы во ужасе от потопления и начаша презывати на помощь Господа Бога, и Пречистую его матерь, и всехъ святыхъ, а наипаче угодника Ефрема, игумена Перекомскаго, и обещахуся заехати во обитель и поклонитеся чеснымъ его мощамъ. И абие укротися ветръ, и преста буря ветреная, и предсташа ко брегу токмо трое, и идоша

к Так в ркп.

189

во обитель, и поклонишася чесней раце святаго. И о семь возвестиша строителю и братии содеяное чудо преподобнымъ и о утопшихъ людехъ, и о ризнице, из ладии выбитой волнами и разнесеной, в нейже животворящей кресть Господень с мощми святыхъ, и церковный сосуды, сребреныя потиръ и дискосъ со звездою, и с покровами одежды, и ризы, и протьчая вся потребная, и книги. И повеле, чтобы смотрели по брегу. Самъ же отиде пешъ съ еродяконы на Хутыню <...>л чудесе и Божия милосердия на насъ грешныхъ. Въ пятый бо день по потоплении во езере ладии обретеся ризница со всею утварию на брегу езера противъ обители святаго цела и нимало повредися от воды. И отослана быстъ на Хутюню въ целости того же времени.  

Чудо преподобнаго Ефрема о бесномъ

В лвто 7205-го года некий мужъ Никита от села Сергова сему же случися, празникъ сущу Восъкресению, в той день до обедни пити, и вънезапу от дъйства дияволя онеме и смятеся умомъ, неподобная дея, не могии отнюдь глаголати. И на многи дни зле вяжемъ бываше крепко и, разтерзая узы, бегаше, скитаеся въ пустыняхъ и разбивашеся по стремникахъ. И многими едва привлачимъ бываше въ домъ свой. И тако надолзе бысть ему. Помянута же чудеса преподобнаго Ефрема и приведоша его в монастырь, приложиша его к рацъ мощей его. Свещеникъ же певшу молебенъ, и покропленъ быстъ святою водою, абие бесъ изыде из него молитвами святаго Ефрема и отидъ въ домъ свой радуяся.

Чудо о митрополитЬ Иове, како избавленъ бысть от потопления молитвами святаго

В лето 7208-го августа месяца ехавшу преосвещеному Иову митрополиту Великого Новаграда и со освещенымъ соборомъ изо Пъскова с погребения псковскаго архиерея Илариона и бывшу ему во обители святаго, слуша утреню въ църкви, стоя у гроба святаго, и святую литуръгию, не возхоте же слушати молебнаго пения поспешения ради пути к Великому Новуграду, вътра ради поноснаго. И въшедшу ему въ ладию, и отеха на великое езеро Илменъ мало от тоя обители святаго токмо два поприща до реки великия Веряжи, внезапу с востоку летняго воздвижеся туча, и быстъ буря вълия, и ветръ противень, и возъходишася волны и начата заливати ладию, вътрела же оборва бурею и вьсла слома. Митрополит же Иовъ быстъ во ужасе велицемъ и вси с нимъ: архимандриты, и игумены, и свещеницы, и певчия, и клирецы, и протчии. И едва возъмогоша возпомянути велия чудъса преподобнаго Ефрема, и объщахуся возвратити ся во святую его обитель и пъти молебная. И тако с великою нуждею присташа ко брегу ничимъ вредимы. Митрополит же

л В ркп. стерто

190

Иовъ пришедъ напередъ единъ въ монастырь ужасенъ, ничтоже с собою имея и посохь свой остави в ладии. Собрашася же вси во обитель и вшедше въ церковь, начата молебное пъние у гроба святаго самъ митрополитъ со всемъ свещенымъ соборомъ со усеръдиемъ и слезами. И егда нача чести святое Евангелие, тогда воздух пременися, и буря въ тишину преложися, и волны укротишася, и сонцъ возъсия молитвами святителя Николая и Ефрема преподобнаго. Совершивъше же молебная и видъ архиерей и вси, с ним бывший, сие новое и преславное чудо, яко тако скоро предъста вътръ, и буря укротися, и быстъ тишина велия. Митрополитъ же Иовъ любезно целова гробь святаго и вси, сущий с нимъ. Во обители же братию почте и милостыню подадъ, отидь с миромъ к великому граду без пакости, во здравии, въ той же ладии, славя Бога и угодъниковъ   его, святителя Николая и Ефрема преподобнаго чудотворца, о бывшемъ чудеси.

Чудо, како принесе ко брегу монастыря Ефрема преподобнаго великаго государя Петра Алексеевича, [и]нператора Перваго

В лъто 7210-го м года случися сему великому государю и великому князю Петру Алексеевичу быти въ великомъ Новеграде, и во святей Софии, соборней церкви, быти и поклонитися, та-кождъ и по обителямъ, идеже опочиваху мощи святыя, усердно покланяяся, а во обители преподобнаго Ефрема еще не бывшу. И путешествова из великаго Новаграда въ лодии во градъ Псковъ по езеру Илмену, тогда убо бывшу дню светлу и ветру поносну. И над великою рекою Въряжею ъхавшу, дню убо уклоншуся къ вечеру, и внезапу возъдвижеся буря и ветръ противень с восходу зимняго, и возхождаху волны на езере велии и неукротимыя, и начаша волны заливати ладию, парусь же и весла облома и оборва. Самодержавный же государь быстъ во ужасе велицъ и с сущими с нимъ, иже быша въ ладии. И тако имъ бывшимъ до полуночи брегъ же немогущимъ достигнута ради великия б[у]ри и темноты ночней. Дню же еще не возсиявшу, принесе ихъ тою бурею ко брегу. Государь же великий и вси, сущий с нимъ, увидъша церковь древяную и другую особь каменую и повъле вопросити, кая сия церковь и место или село. Сущий же с нимъ едва от страха предсташа, яко обитель бе Ефрема преподобнаго, а церковь Богоявления Господня и Николая чудотворца, и поведаша государю, яко много Богъ чудесь творить угодникомъ своимъ Ефремомъ, егоже и мощи чудотворныя лежать здъ. Самодержавный же государь слыша сие и посла скоро, призва строителя и братию. Сам же нача молитися Господу Богу и его угодъникомъ Николаю чудотворцу и преподобному Ефрему. Строитель же слыша, яко государь в лодии,   на брегъ скоро потече и з братиею на брегъ несый с собой образъ Николая чудотворца и Ефрема Перекомскаго на благоволение и на потребная, иже бъ во обители. Благочестивый же государь с

м В ркп. восстановлено на полях.

191

радостию образъ вземъ, и облобыза, и повеле потребная прияти сущимъ с нимъ, самъ же строителя вопрошаше о чудесехъ преподобнаго и о монастырскихъ нуждахъ. Строитель же все ему поведа поряду преждебывъшая чудеса, преподобнымъ сотвореная и по преставлении, и до днесъ такожде, и о монастырскихъ недостаткахъ. Государь же, сия слыша от строителя и братии, подаде на украшение монастыря пять златыхъ и пять любскихъ, братии же — милостыню доволну, повелевая молити за себе, и о всей палате, и воинстве, и о всемъ християнстве. Въ том же часе Божиею милостию и молитвами святых угодниковъ Божиихъ воздухъ пременися, и сонце возсия, и быстъ тишина велия, и быстъ вътръ способънъ въ путь самодержавному государю. И тако отиде благополучно, славя Бога и угодниковъ его. Мы же, отцы и братия, слышаще сия, умилно внимаемъ со усердиемъ, како Богъ прославляетъ святыхъ своихъ, сотворшихъ волю его и сохраншихъ заповеди его, обогащаетъ чудесы, даетъ целбы многимъ просящимъ, призывающимъ и прославляющимъ святое име чуднаго Ефрема, иже въ бедахъ и в печалехъ, въ скорбехъ и болезнехъ помощника и от потопления и бури благоутишное пристанище. Но скоро притецемъ и припадемъ со усердиемъ, просяще отпущения греховъ от Бога, призывающе въ помощъ преподобнаго отца нашего Ефрема, целителя разныхъ недуговъ и утишителя въ бедахъ и в печалехъ, предстателя и избавителя великаго в чудесехъ, и молитвеника ко владыце, Иисусу Христу. Да получимъ отпущение грехомъ нашимъ, и сподобит ны быти причасъники своего царствия небеснаго со всеми святыми.

Чудо преполобнаго о звоне, бывшемъ въ [ц]еръкви новой Богоявления Господня 1702 году

После погоревшей церкви старой Богоявления   Господня быстъ построена новая дъревяная церъковъ при державе благовернаго государя царя и великаго князя Петра Алексеевича всея Росии самодержца, при Иове, митрополите Великаго Новаграда, по прошению строителя тоя обители отца Пафнутия с братиею. И быстъ внесены иконы въ ню, якоже подобаетъ. Того же году де[кем]брия месяца въ десятый денъ и тоя нощи во второмъ часу по полунощи вънезапу под тою церковию противъ царскихъ врать, в земли, слышанъ быстъ благовестъ въ болшой колоколъ надолгъ часъ, потомъ трезвонъ великий во многия колокола, яко въ сей новой церкви зыбатися и земли колебатися. И быстъ той звонъ подобенъ, якоже въ Великомъ Новъградъ у Софей Премудрости Божий. И той звонъ вси слышаша: строитель и з братиею, и протчии служители, и спящий пробудишася, и окрестъ монастыря въ близости живущий — все стекошася, хотяще видъти новое и преславное чудо; таковому звону николиже во обители бывшу. И сошедшеся вси въ тую новую церковь, и начаша быти, яко во изступлении ума,   услышавши той звонъ, яко бе под землею. И абие преста. Того же месяца паки быстъ звонъ, въ шесъ-

192

тый на десятый денъ под тою же церковию во въторый часъ дне во одинъ колоколъ, яко съ часъ, а посемъ и трезвонъ во многия колокола. И той звонъ слышали строитель, и вся братия, и служители, якоже и прежде, и стекашася вси въ церковь на то чудо. И преста звонъ.

Освещена же быстъ церковь 1703-го году генъваря в 23 денъ.

Сей преподобный родился в лето 6921 сенътебря въ 20 денъ при царе Иоанне Василиче всея Росии. Име ему бе въ миръ Евстафий. Въ Колязине монастыре жилъ три года, и приидв на Ви-шеру реку къ преподобному Саве Вишерскому, и пострижеся в 25 годъ во иноческий образъ.

Пришествие святаго въ пустыню 6958-го.

Поставиша церковь каменую въ лето 7053.

Принесение мощей по преставлении святаго въ лъ-то 22. В той же новый монастырь и братию переведоша в лето 7053 майя въ 17 денъ.  

Преставися  преподобный  Ефремъ  в лето  6995  сентебря  26 л 50 дня. Живъ же преподобный всехъ летъ 80. Совершается же соборъ его во святой его обители.

Чудеса преподобнаго Ефрема от зубной болезни

В лето 1771-е бысть въ Великом Новеграде секлетаръ губерской Феодоръ Ивановъ, мужъ боголюбивъ и к благолепию святыхъ церквей Божиихъ рачителнийший. По усердию же своему будучи на Перекоме и моляся у гроба преподобнаго Ефрема, узре верхнию въ стене гробъницу низку на полу церковномъ, над мощами угодника Божия стоящую, и над нею выкругъ въ полъ стены низко сущую, возхоте выкругъ оную вышше обломати над гробницею и пространее устроити, дабы гробницу подняти от полу на едину ступень, во еже бы от приходящихъ въ церковь Николая чудотворца на поклонение и преподобнаго Ефрема гробница всеми видема была. Возвратився же въ домъ свой, въ Великий Новъградъ,   и по времени некоему возхоте намерение свое совершити и призва въ домъ свой прежде дъвухъ дней каменшика Федора Иванова, сказа ему свое намерение. И повъле ему готовится на Перекомо. По прошествии же двухъ дней, взявъ с собою помянутаго каменшика, и приехавше на Перекомъ въ летнее время. Присташа у свещеника Петра, не бе бо въ то время монашествующихъ, но живяше белый свещеникъ с клиросомъ, управляя церковию. Живяше же тогда на Перекоме и иконописецъ Осташъ Козма Анкиндиновъ, поправляя обетшалая иконы на коштъ помянутаго секлетаря Феодора Иванова. Вниде и той с ними въ церъковъ, но отягченъ бяше зубною болезнею. Каменшикъ же, обламавая сводъ надъ гробомъ, узре между керпичемъ въ стенъ над главою преподобнаго камень чудный, белъ и мелкосыпный, но некрепокъ, подобенъ песку окреплому. Его же узреша, свещеникъ, секретарь и каменщикъ удивошася, разсуждаху, яко въ стране ихъ не видели таковаго подобиемъ, и повеле каменшику около его осторожно   кирпичь и с ызвестию обобрати,

193

сами же секлетаръ и свещеникъ руками камень поддержаху. И егда очисти каменшикъ камень, тогда положиша его на столецъ, вземше от стены, удивляющеся ему вси. Каменшику же прииде помыслъ отломити камня онаго и дати болному иконописцу. Онъ же с верою вземъ, отломи мало и положи на болящия своя зубы, моляся преподобному Ефрему. Тогда той же минуты преста болезнь, и быстъ совершено здравъ, яко николиже болевъ, и радуяся благодари Бога и угодника его Ефрема чудотворца.

Тогоже дня, еще въ церкви всемъ сущимъ дивящимся сему чудеси, прииде вышереченаго попа Петра жена, ибо и она объята бе зубною же болезнию, ничесоже ведущи о семь, въ церковь посмотрети делания. Узревше же ю вся печалъну зело ради болезни, даша же ей того же камня малу частицу. Приемши же она камня онаго и призва на помощь угодника Божия, положи на болящия зубы своя, абие изцеле совершено, ибо всемъ зрящимъ пременение сица ея.

Видевше же сие, свещеникъ и секлетаръ удивляхуся зело, но усоветоваша межю собою, положиша камень оный въ верхнюю гробницу въ паметъ будущимъ родомъ ради бывшаго чудъха. Скончавъ же свое намерение, секлетаръ оный, си есть над гробомъ выкругъ, возвратися съ камешикомъ въ домъ свой въ Великий Новъградъ радуяся, благодаря Бога и угодника его преподобнаго Ефрема чудотворца, разуме бо от чудесъ, бывшихъ при немъ, яко не презре Господь моления его, и трудъ его не вотъше быстъ.

Изволися же Господу Богу въ славу пресвятаго имени своего и своего угодника преподобнаго Ефрема чудотворца паки возобновити обитель и быти по-прежнему жителству монашесъкому. Благословениемъ высоко преосвещенийшаго митрополита Гавриила, великоновгороцкаго и санктъпетербурскаго, возобновися обитель тшаниемъ и неусыпными трудами строителя иермонаха Лаврентия, и начаша жити на Перекомъ монашествующий 1795-го году, и бе без монашествующихъ 30 годъ, какъ и нынъ есть общежителенъ.  

Пройде же слухъ повсюду о возобновленой сей обители и о чине жития ихъ. Течаху отвсюду усердиемъ влекоми на поклонение мощемъ преподобнаго Ефрема чудотворца и для смотрения чина монашествующихъ. И в празникъ Благовещения Пресвятыя Богородицы собрашеся лудие от около сущихъ весей въ монастырь той, много исповедающеся и приобщающеся святыхъ таинъ. Прииде же тамо и иконописецъ из Осташкова, сынъ вышепомянутаго иконописца Козмы, и видъхъ въ церкви монаха Инокентия, раздающа требующимъ поселяномъ помалу песчанаго онаго камня. Пришед же к нему, вопроси: «Что сие есть и чесо ради раздаетъ его людемъ?». Онъ же рече ми: «Слышахомъ, яко въ гробнице верхней преподобнаго Ефрема сей бе камень и есть целителенъ, иже его с верою приемлютъ». Азъ же слышавши от него сие, начахъ ему сказовати поряду, како прежде живехъ осмолетенъ со отцемъ моимъ при церкви оной и како обретеся ка-

194

менъ оный, и о изцеленияхъ от него чрезъ   него от преподобнаго бываемыхъ. Испросихъ же себе от камня онаго, возвратихъся за езеро Илменъ въ село Коростюню и упражняхся въ деле своемъ. Достоверно же слышахъ о камне ономъ, яко бе под главою преподобнаго, егда еще бе погребенъ въ старомъ монастыре на Верендъ, по принесении же мощей святаго въ новой монастырь закладенъ быстъ въ стене над мощми святаго, где и обретенъ быстъ вышепомянутымъ каменшикомъ.

И немногимъ днемъ минувшимъ, приидъ ко мне синилникъ художествомъ, именемъ Лаврентий, живый в том же селе Коростынъ, объять зело зубною болезнию. Азъ же видвхъ его, пришедша посуплена от болезни и дряхла, сжалихся о немъ и дахъ ему камня онаго песчанаго, из Перекома принесенаго, и сказахъ ему о немъ. И вземъ мало персты своими, положихъ ему на болящия его зубы, повелевая ему молитеся преподобному. Онъ же   с радостию приимъ и скоро изцеле, возвратися въ домъ свой, славя Бога и угодника его Ефрема, преподобнаго чудотворца.

Живущу же мне тамо въ Коростыне того жъ 1796-го года, прииде ко мне отецъ мой Козма Анкидиновъ из Осташкова для свидания. По случаю же прииде тамо и каменшикъ оный Феодоръ Ивановъ. Бывшу же между собою разъговору о возобновляющейся обители и како прежде обретеся каменъ оный, и о изцеленияхъ, бывшихъ от него молитвами преподобнаго. Азъ же слышахъ от нихъ, какъ от отца моего, такъже и от каменшика, все сходно, какъ было. Абия с позволения родителя моего написахъ сия, яже самъ самовидецъ быхъ. И яко не от шеславия каковаго ли сие написахъ, но справедъливо все случившеся, обяс-нихъ въ похвалу преподобнаго отца нашего Ефрема, Перекомскаго чудотворца, в славу же Христа Бога нашего, емуже со Отцемъ купно и со Святымъ Духомъ буди честъ и поклонение нынъ и присно и во въки въковъ. Аминъ.

ПОХВАЛЬНОЕ СЛОВО ЕФРЕМУ ПЕРЕКОМСКОМУ

Публикуется по списку 1687 г., РНБ, ОСРК, F.I.729 (из собр. Буслаева), л. 328—331.

В той же день слово похвално о житии и о чюдесех преподобнаго отца нашего Ефрема Перекопскаго, новгородского чюдотворца.

Велико и благочестно пред Богомъ, еже возлюбити его от всея души и кръпости, и расточити вся имъния его ради, и отрещися родителей, и жены, и чад, и сродникъ, и всъхъ земных вещей. И, вземъ крестъ, ити вслъдъ его по Евангельскому словеси, поминая будущую славу нетлъннаго царствия, и житие со ангелы, и райское вселение со святыми, по апостолу, рекшему: «Наше житие на нъбесех есть». Отнюдуже и Спасителя нашего чаемъ Господа Иисуса Христа, рекшаго: «Азъ есмъ свътъ миру,

195

и всякъ, ходяй во свете, не поткнется». Того убо света сладкаго возлюби и симъ благимъ вожделе, и сему возревнова преподобный отецъ нашъ Ефремъ. Благоразумный святый старецъ, великий авва, душеполезный Еувангелия Христова возгласникъ, великий постникъ, сущим ко спасению вождь, неложный благочестия учитель, зельный в подвизе постническаго жительства, пустынное овча стада Христова двлы и словесы во всем подобяся великому отцу Саве Вишерскому, иже в том же Великом Новеграде в постех просиявшему.

Сей великий Ефремъ Сирина Ефрема духовнаго учения внимаяше, и пустыню населяше, и вечнаго живота с праведными желаше. Сей присно словущий и успешный в подвизех житием своим Бога возвесели и ангелы удиви, а бесы устраши и посрамлены, и безвестны от себе отгнаны сотвори. Сей от пустыннаго своего жительства нечистыя демоны прогна, и, яко худы плевы в слатине, потопта, и в бездну затвори. Сей досточюдный злых челов'Ькъ, от пустыни его проженути хотящих, безвестных показа и, ко учеником его хотящим тамо спребывати, злохищный их приход молитвою си устави.

Сей достохвалный на пусте месте прославлятися Божиею . имени сотвори, и место демоньскаго пребывалища иноческому лику обитель созда, и сих воедино совокупи, и ко спасению настави. Сей, хвалам достойный, выше естественое терпение в постех своих, и в трудех, и во всенощных бдениях, и непрестанных молитвах, и слезах показавъ, во умилении душъ учениковъ своих жити управи. Сей, достойно певаемый от всех приходящих на всечестную память его к честней его и многоцелебней раце, неоскудно ихъ дарствует спасением не токмо телесным, но и душевным. Сей многопетый по смерти своей даръ от Бога целебный приять и мощемъ своим от водного места на безводие пренестися сотвори, идЬже и ныне лежаще, многи целбы творят и чюдеса источают всем, тамо с верою приходящим. Сей, ангелом [бла]говейный мужъ, любовию наставляет на божественную свою память приходити во святую обитель свою, и великого отца и всего мира чюдотворца, святителя Николая, с собою подвизаетъ о них на молитву ко Господу, егоже и храм в честней своей обители имать, в немже и честныя своя мощи, яко дар освященъ и целеб источникъ, положити благоволи. И от водопребывалищнаго места в сие пренестися учини, и целбам источникъ тамо показа.

Сей всесвътлый светилникъ честную его обитель видъти желающему в лета по седми тысящах и ста и шестидесятъ в первей десяторицы, в день честнаго его праздника пренесения, обуревание вод утиши, и, вместо свирепых волнъ, покоено плавание сотвори, и сплавателный кораблецъ ко обители направи, аще прочим сплавателем, сего и не хотевшим содеяти и минути направляющихся. Тогда ветра противное обуревание востаяше и к минутию их не попущаше, понеже бо не бяху далече от обители и к литоргийному собранию звону сущу, тамо оглашающу я.

196

Обаче тии малодушьствующе глаголаху: «Нам путь есть о своей потребе, а не о молбе, на нюже не изыдохом». И не слушаху молящагося их пристати ту, емуже велиим желанием распалившуся,   зане и от рождения своего не бяше бывал во обители той. И моляся в мысли своей ко преподобному, рече: «Свете Божий, угодниче Ефреме, сотвори ко мне милость, и яко веси, светоче, исправи хотение мое и соверши волю мою, дабы ми быти в сей день в монастыре твоем и честным мощем твоим поклонитися». Тогда святый прославления си ради дивна сотвори: внезапу воста ветръ противен и буря темнооблачна, и яко дождь хотя дождити. Они же сплавателие нуждахуся гребущеся, ничесоже успеша. А егда же попустишася к монастырю, аще и негодующе на единаго повелевающаго их о сем, тогда дивно чюдо содеяся. Абие к брегу, яко бы кто созади реяше ладию, и вскоре присташа. И святую литоргию слушавше. И не у[спе] еще совершившеся святей службе, темность аерная разношашеся, и буря ветра утишашеся, и волны водныя украшахуся. А егда же совершися святая литоргия конечно, воздух просветися, и ветръ укротися и покосен бысть, и многовременное плавание ко граду их в малочасное содеяся. Вшедше бо   в ладию, вскоре град достигошя, в онь же час и не чаяху доплыти. Таковъ бо сей великий молебникъ Господеви о всех стяжущих веру к нему. Сия от самовидца, а не от слышателя сего чюдеси восписашеся, о немже и чюдо сие бысть.

И паки еще и другое от многих древлешедших новобывшее краткими ж глаголы возобявлю, да память святаго незабвенна будет, и вера не тща молебникам его. В лета бо державы бла-гочестиваго великаго государя нашего царя и великаго князя Феодора Алексиевича, всеа Великия, и Малыя, и Белыя Росии самодержца, его царьского величества служебникъ и сигклитьственикъ Романъ сын Феодоров, прозванием Боборыкин, на память сего преподобнаго отца нашего Ефрема в царствующем граде Москве прееждаше в колесничном обношении великий моетъ, иже на Москве-реце. Под ним же кони подткошася мосту в разшествие, и сам в воду низпаде и погрязаше, старостию одержимъ, и вскоре не успеваем рабы своима извлечен быти. И уже утопати хотяше, абие воспомяну день памяти сего отца нашего преподобнаго Ефрема и в мысли своей молебне возглагола: «О, преподобне и богоносне отче Ефреме, понеж божественныя ради памяти своея, не даждь ми напрасней сей смерти в твой святый день предану быти». О предивное чюдо и всякого удивления достойно! Вскоре его в далнем разстоянии услыша святый, внезапу бо рину его от воды, яко некая сила горъ, иже узревший возныревша его от воды, и восвоя дошед, многу подаянию обители книгам и священным одеждам, и древяныя церкви теплыя Богоявления Господня зимнаго ради покоя братии строитель бысть.

Сего преславнаго чюдоделателя препадобнаго отца нашего Ефрема и мы, вернии, усердно почтим и достойно прославимь. И день честныя памяти его незабвенне сотворим, яко да и нас

197

воздвигнет не токмо от временнаго воднаго, но от греховнаго и въчно мучащаго огненнаго томления. И молитвами своими сподобить нас нескончааемых благъ наслаждения, ихже буди нам всъм получити, благодатию великаго Бога нашего Господа Иисуса Христа, емуже слава ныне и присно, и во въки въков. Аминь.

ПРОЛОЖНАЯ РЕДАКЦИЯ

Публикуется по списку 1807 г., Ярославский музей-заповедник, № 15544, л. 243—243 об.

Месяца майя въ 16 день. Преподобнаго отца нашего Ефрема Перекомъскаго, новгородьскаго чюдотворца.

Сей преподобный Ефремъ от юности своея любви ради Христовы оставя отечеств и родъ свой и, вся же на земли преобидъвъ, приятъ ангельский и иноческий образъ, отиде въ пустыню на островъ, называемый Перекомо на езеръ Ильмени, на устьв Веренда-реки состоящей. И тамо сначала созда себъ малу хлъвину, и в ней подвизался, плоти похотное мудрование умертвивъ постьничеми труды. И потомъ созда обитель въ славу Христову, и собравъ ученикъ, ревнующихъ его житию, и в ней бысть игуменомъ. Послъдуя житию Сергия, Радонежьскаго чюдотворца, тъло свое постомъ и молитвами изнуряя, пребывая всегда въ слезахъ и въ воздыханияхъ.

Некогда наидоша на ту обитель разбойницы, хотяще оскорбити его и ученики. Сей же святый Ефремъ от келий своея токма жезла ударением устраши ихъ, еже видъвше тии разбойницы, со студомъ бъжаша. Поживе же святый в той своей обители много лътъ, и чудесъ дарования от Бога приятъ, и сподобися въчное наследие прияти на небесъхъ, и видъти троическую свьтлость, преставися и погребенъ в той его обители, и по преставлении многа чюдеса показа.

Святыя же его мощи обрътены и пренесены в церковь при великом князе Димитрии Иоанновиче Донъском   в лъто 6900-е   майя въ  16 день. В сие число память ему положена въ древлеписменных месяцесловахъ. Описуется подобие его на иконъ сицевое: сьдъ, брада с Николину, ризы иноческия и въ схиме.