Тропари и кондаки на праздники

Воздвижение Креста (14 сентября).

Тропарь, глас 1:

Спаси, Господи, люди Твоя и благослови достояние Твое, победы православным христианом на сопротивныя даруя, и Твое сохраняя крестом Твоим жительство.

Кондак, глас 4:

Вознесыйся на крест волею, тезоименитому Твоему новому жительству, щедроты Твоя даруй, Христе Боже, возвесели силою Твоею православныя христианы, победы дая им на супостаты, пособие имущим Твое оружие мира, непобедимую победу.