Cр. богослужение.

Тропарь, гл. 4.

Небесных воинств архистратиги, молим вас присно мы недостойнии, да вашими молитвами оградите нас кровом крыл невещественным вашея славы, сохраняюще нас припадающих прилежно и вопиющих: от бед избавите нас, яко чиноначальницы вышних сил.

Кондак, гл. 2.

Архистратизи Божий, служителие Божественныя славы, Ангелов начальницы и человеков наставницы, полезное нам просите и велию милость, яко бесплотных архистратизи.

На литургии

Прокимен, гл. 4: Творяй Ангелы Своя духи, и слуги Своя пламень огненный.

Стих: Благослови, душе моя, Господа, Господи Боже мой, возвеличился еси зело.

Аллилуиа, гл. 5. Хвалите Господа вси Ангели Его, хвалите Его вся силы Его.

Стих: Яко той рече, и быша: Той повеле, и создашася.

Причастен: Творяй Ангелы Своя духи, и слуги Своя пламень огненный.