Предыдущие молитвы

Омовение рук: Умыю в неповинных руце мои и обыду жертвенник Твой, Господи, еже услышати ми глас хвалы Твоея и поведати вся чудеса Твоя. Господи, возлюбих благолепие дому Твоего и место селения славы Твоея. Да не погубиши с нечестивыми душу мою и с мужи кровей живота моего: ихже в руках беззакония, десница их исполнися мзды. Аз же незлобием моим ходих: избави мя, Господи, и помилуй мя. Нога моя ста на правоте, в церквах благословлю Тя, Господи.

После подготовки жертвенника и трех поклонов: Боже, очисти мя, грешного, и помилуй мя.

Целуя дискос: Искупил ны еси от клятвы законныя

Целуя Чашу: честною Твоею Кровию,

Целуя звездицу: на Кресте пригвоздився и копием прободся,

Целуя лжицу: безсмертие источил еси человеком, Спасе наш, слава Тебе.

Диакон: Благослови, владыко.

Благословен Бог наш всегда: ныне, и присно, и во веки веков. Аминь.

Трижды, указывая копием: В воспоминание Господа, и Бога, и Спаса нашего Иисуса Христа.

Диакон: после каждого резания произносит: "Господу помолимся".

Надрезая просфору с левой от себя стороны: Яко овча на заколение ведеся.

Надрезая с правой от себя стороны: И яко Агнец непорочен, прямо стригущаго Его безгласен, тако не отверзает уст Своих.

Надрезая верх: Во смирении Его суд Его взятся.

Надрезая низ: Род же Его кто исповесть.

Диакон: Возми, владыко.

Надрезая снизу и вынимая Агнца: Яко вземлется от земли живот Его.

Диакон: Пожри, владыко.

Кладя печатью вниз на дискос и надрезая: Жрется Агнец Божий, вземляй грехи мира, за мирский живот и спасение.

Диакон: Прободи, владыко.

Перевернув Агнец, погружая копие с левой от себя стороны: Един от воин копием ребра Его прободе, и абие изыде кровь и вода, и видевый свидетельствова, и истинно есть свидетельство его.

Диакон: Благослови, владыко, святое соединение.

Благословляет и вливает вино и воду.

Вторая просфора: В честь и память Преблагословенныя Владычицы нашея Богородицы и Приснодевы Марии, Ея же молитвами приими, Господи, жертву сию в пренебесный Твой Жертвенник.

Кладя частицу слева от Агнца: Предста Царица одесную Тебе, в ризы позлащенны одеяна, преукрашенна.

Третья просфора:

Первая частица: Честнаго славнаго Пророка, Предтечи и Крестителя Иоанна.

Вторая частица: Святых славных пророков Моисея и Аарона, Илии и Елисея, Давида и Иессея, святых триех отроков, и Даниила пророка, и всех святых пророков.

Третья частица: Святых славных и всехвальных апостолов Петра и Павла и прочих всех святых апостолов.

Четвертая частица: Иже во святых отец наших, святителей Василия Великаго, Григория Богослова и Иоанна Златоустаго, Афанасия и Кирилла, Николая Мирликийскаго, Михаила Киевскаго, Петра, Алексия, Ионы, Филиппа и Ермогена Московских, Никиты, епископа Новгородскаго, Леонтия, епископа Ростовскаго, и всех святых святителей.

Пятая частица: Святаго апостола первомученика и архидиакона Стефана, святых великих мучеников Димитрия, Георгия, Феодора Тирона, Феодора Стратилата и всех святых мученик, и мучениц Феклы, Варвары, Кириакии, Евфимии и Параскевы, Екатерины и всех святых мучениц.

Шестая частица: Преподобных и богоносных отец наших Антония, Евфимия, Саввы, Онуфрия, Афанасия Афонскаго, Антония и Феодосия Печерских, Сергия Радонежскаго, Варлаама Хутынскаго, Серафима Саровскаго и всех преподобных отец; и преподобных матерей Пелагии, Феодосии, Анастасии, Евпраксии, Февронии, Феодулии, Евфросинии, Марии Египтяныни и всех святых преподобных матерей.

Седьмая частица: Святых и чудотворцев бессребреник Космы и Дамиана, Кира и Иоанна, Пантелеймона и Ермолая и всех святых бессребреников.

Восьмая частица: Святых и праведных Богоотец Иоакима и Анны и святаго (его же есть храм и день), и всех святых, ихже молитвами посети ны, Боже.

Девятая частица: Иже во святых отца нашего Иоанна, архиепископа Константинопольскаго, Златоустаго.

Четвертая просфора: Помяни, Владыко Человеколюбче, всякое епископство православных, господина нашего святейшего вселенского архиерея (имя рек) Папу Римского, и митрополита нашего (имярек), честное пресвитерство, во Христе диаконство и весь священнический чин, братию и сослужебники наша священники, диаконы и всю братию нашу, яже призвал еси во Твое общение Твоим благоутробием, Всеблагий Владыко.

Помяни, Господи, богохранимую страну нашу и православных людей ея.

Помяни, Господи, о здравии и спасении раба Божия (или рабов Божиих) (имя рек).

Пятая просфора: О памяти и оставлении грехов святейших патриархов православных (имя рек).

И всех в надежди воскресения, жизни вечныя и Твоего общения усопших православных отец и братии наших, Человеколюбче Господи.

Помяни, Господи, и мое недостоинство и прости ми всякое согрешение, вольное же и невольное.

Диакон: Благослови, владыко, кадило. Господу помолимся.

Благословляя кадило: Кадило Тебе приносим, Христе Боже наш, в воню благоухания духовнаго, еже прием в пренебесный Твой Жертвенник, возниспосли нам благодать Пресвятаго Твоего Духа. И кадим сам звездицу.

Диакон: Господу помолимся.

Звездица: И пришедши звезда, ста верху, идеже бе Отроча.

Диакон: Господу помолимся.

Покровец на дискос: Господь воцарися, в лепоту облечеся, облечеся Господь в силу и препоясася, ибо утверди вселенную, яже не подвижится. Готов престол Твой оттоле, от века Ты еси. Воздвигоша реки, Господи, воздвигоша реки гласы своя, возмут реки сотрения своя, от гласов вод многих. Дивны высоты морския, дивен в высоких Господь. Свидения Твоя уверишася зело. Дому Твоему подобает святыня, Господи, в долготу дний.

Диакон: Господу помолимся. Покрый, владыко.

Покровец на Чашу: Покры небеса добродетель Твоя, Христе, и хвалы Твоея исполнь земля.

Диакон: Господу помолимся. Покрый, владыко.

Воздух: Покрый нас кровом крилу Твоею, отжени от нас всякаго врага и супостата, умири нашу жизнь, Господи, помилуй нас и мир Твой и спаси душы наша, яко Благ и Человеколюбец.

Кадя жертвенник, трижды: Благословен Бог наш, сице благоволивый, слава Тебе.

Диакон при каждом каждении: Всегда, ныне и присно, и во веки веков. Аминь. Оба трижды кланяются.

Диакон: О предложенных честных дарех Господу помолимся.

Боже, Боже наш, небесный Хлеб, Пищу всему миру, Господа нашего и Бога Иисуса Христа пославый, Спаса и Избавителя, и Благодетеля, благословяща и освящающа нас, Сам благослови предложение сие и приими е в пренебесный Твой Жертвенник. Помяни, яко Благ и Человеколюбец, принесших и ихже ради принесоша, и нас неосуждены сохрани во священнодействии Божественных Твоих Таин, яко святися и прославися пречестное и великолепое Имя Твое: Отца, и Сына, и Святаго Духа ныне, и присно, и во веки веков. Аминь.

Слава Тебе, Христе Боже, Упование наше, слава Тебе.

Диакон: Слава Отцу, и Сыну, и Святому Духу и ныне, и присно, и во веки веков. Аминь. Господи, помилуй. Господи, помилуй. Господи, помилуй. Благослови.

Воскресый из мертвых (только в день воскресный) Христос, истинный Бог наш, молитвами Пречистыя Своея Матере, иже во святых отца нашего Иоанна, архиепископа Константинопольскаго, Златоустаго, и всех святых, помилует и спасет нас, яко Благ и Человеколюбец.

Диакон кадит: Во гробе плотски, во аде же с душею яко Бог, в раи же с разбойником, и на престоле был еси, Христе, со Отцем и Духом, вся исполняяй неописанный.

Каждение храма с чтением 50-го псалма.

Далее