Слава в вышних Богу, и на земле мир, в человецех благоволение (дважды). Господи, устне мои отверзеши, и уста моя возвестят хвалу Твою.
Знаменуя крест Евангелием:
Благословенно царство, Отца, и Сына, и святаго Духа, ныне и присно, и во веки веков.
Народ: Аминь/
Духовенство: Христос воскресе из мертвых, смертию смерть поправ, и сущим во гробех живот даровав. Трижды.
Народ: Христос воскресе... Трижды.
Священник: Да воскреснет Бог, и расточатся врази Его, и да бежат от Лица Его ненавидящии Его.
Народ: Христос воскресе: (один раз)
Священник: Яко исчезает дым, да исчезнут, яко тает воск от лица огня.
Народ: Христос воскресе: (один раз)
Священник: Тако да погибнут грешницы от Лица Божия, а праведницы да возвеселятся.
Народ: Христос воскресе: (один раз)
Священник: Сей день, егоже сотвори Господь, возрадуемся и возвеселимся вонь.
Народ: Христос воскресе: (один раз)
Священник: Слава:
Народ: Христос воскресе: (один раз)
Священник: И ныне:
Народ: Христос воскресе: (один раз)
Господи Боже наш, Его же держава несказанна и слава непостижима, Его же милость безмерна и человеколюбие неизреченно, Сам, Владыко, по благоутробию Твоему призри на ны и на святый храм сей и сотвори с нами и молящимися с нами богатыя милости Твоя и щедроты Твоя яко подобает Тебе всякая слава, честь и поклонение: Отцу, и Сыну, и Святому Духу ныне, и присно, и во веки веков.
Первый антифон.
Воскликните Господеви вся земля. Молитвами Богородицы, Спасе спаси нас.
Воскликните Господеви вся земля, пойте же имени Его, дадите славу хвале Его. Молитвами Богородицы, Спасе спаси нас.
Рцыте Богу: коль страшна дела Твоя, во множестве силы Твоея солжут Тебе врази Твои. Молитвами Богородицы, Спасе спаси нас.
Вся земля да поклонится Тебе, и поет Тебе, да поет же имени Твоему Вышний. Молитвами Богородицы, Спасе спаси нас.
Слава, и ныне: Молитвами Богородицы, Спасе спаси нас.
Господи Боже наш, спаси люди Твоя и благослови достояние Твое, исполнение Церкви Твоея сохрани, освяти любящыя благолепие дому Твоего, Ты тех воспрослави Божественною Твоею силою и не остави нас, уповающих на Тя, яко Твоя держава, и Твое есть Царство, и сила, и слава: Отца, и Сына, и Святаго Духа ныне, и присно, и во веки веков.
Народ: Аминь.
Второй антифон.
Боже ущедри ны и благослови ны. Спаси ны Сыне Божий, воскресый из мертвых, поющия Ти: Аллилуиа. единожды.
Боже, ущедри ны, и благослови ны, просвети лице Твое на ны, и помилуй ны. Спаси ны Сыне Божий, воскресый из мертвых, поющия Ти: Аллилуиа. единожды.
Да познаем на земли путь Твой, во всех языцех спасение Твое. Спаси ны Сыне Божий, воскресый из мертвых, поющия Ти: Аллилуиа. единожды.
Да исповедятся Тебе людие Боже, да исповедятся Тебе людие вси. Спаси ны Сыне Божий, воскресый из мертвых, поющия Ти: Аллилуиа. единожды.
Слава Отцу, и Сыну, и Святому Духу и ныне, и присно, и во веки веков. Аминь.
Единородный Сыне и Слове Божий, Безсмертен Сый, и изволивый спасения нашего ради воплотитися от Святыя Богородицы и Приснодевы Марии, непреложно вочеловечивыйся; распныйся же, Христе Боже, смертию смерть поправый, един Сый Святыя Троицы, спрославляемый Отцу и Святому Духу, спаси нас.
Иже общыя сия, и согласныя даровавый нам молитвы, иже и двема, или трем, согласующымся о имени Твоем, прошения подати обещавый: сам и ныне раб Твоих прошения к полезному исполни, подая нам в настоящем веце познание Твоея истины, и в будущем живот вечный даруя яко благ и Человеколюбец Бог еси, и Тебе славу возсылаем: Отцу, и Сыну, и Святому Духу ныне, и присно, и во веки веков.
Третий антифон
Да воскреснет Бог, и расточатся врази Его. Тропарь: Христос воскресе из мертвых:
Да воскреснет Бог, и расточатся врази Его, и да бежат от лица Его ненавидящии Его. Христос воскресе:
Яко исчезает дым, да исчезнут, яко тает воск от лица огня. Христос воскресе:
Тако да погибнут грешницы от лица Божия, а праведницы да возвеселятся, да возрадуются пред Богом. Христос воскресе:
Малый вход: Владыко Господи, Боже наш, уставивый на небесех чины и воинства ангел и архангел в служение Твоея славы, сотвори со входом нашим входу святых ангелов быти, сослужащих нам и сославословящих Твою благость, яко подобает Тебе всякая слава, честь и поклонение Отцу, и Сыну, и Святому Духу ныне и присно и во веки веков. Аминь.
Благословляя: Благословен вход святых Твоих всегда: ныне, и присно, и во веки веков.
На входе: Премудрость, прости.
Народ: В церквах благословите Бога, Господа от источник Израилевых. Христос воскресе:
Предварившия утро яже о Марии, и обретшия камень отвален от гроба, слышаху от Ангела: во свете присносущнем Сущаго с мертвыми что ищете, яко человека? Видите гробныя пелены, тецыте и миру проповедите, яко воста Господь, умертвивый смерть, яко есть Сын Бога, спасающаго род человеческий.
Слава, и ныне: Аще и во гроб снизшел еси, Безсмертне, но адову разрушил еси силу, и воскресл еси яко Победитель, Христе Боже, женам мироносицам вещавый: радуйтеся, и Твоим апостолам мир даруяй, падшим подаяй воскресение.
Боже Святый, иже во святых почиваяй, иже Трисвятым гласом от серафимов воспеваемый и от херувимов славословимый, и от всякия небесныя силы покланяемый, иже от небытия во еже быти приведый всяческая, создавый человека по образу Твоему и по подобию и всяким Твоим дарованием украсивый, даяй просящему премудрость и разум и не презираяй согрешающего, но полагаяй на спасение покаяние, сподобивый нас, смиренных и недостойных раб Твоих, и в час сей стати пред славою Святаго Твоего Жертвенника и должное Тебе поклонение и славословие приносити, Сам, Владыко, приими и от уст нас, грешных, Трисвятую песнь и посети ны благостию Твоею, прости нам всякое согрешение, вольное же и невольное, освяти наша душы и телеса и даждь нам в преподобии служити Тебе вся дни живота нашего, молитвами Святыя Богородицы и всех святых, от века Тебе благоугодивших, яко свят еси, Боже наш, и Тебе славу возсылаем: Отцу, и Сыну, и Святому Духу, ныне и присно и во веки веков. Аминь.
Елицы во Христа крестистеся, во Христа облекостеся: аллилуиа. (Трижды). Слава Отцу, и Сыну, и Святому Духу и ныне, и присно, и во веки веков. Аминь. Елицы во Христа крестистеся, во Христа облекостеся: аллилуиа.
Кадило Тебе приносим, Христе Боже наш, в воню благоухания духовнаго, еже приемь в пренебесный Твой Жертвенник, возниспосли нам благодать Пресвятаго Твоего Духа.
Благословен грядый во имя Господне. Благословен еси на престоле славы Царствия Твоего. седяй на херувимех, всегда, ныне, и присно, и во веки веков.
Вонмем. Мир всем. * Чтец: И духови твоему. * Премудрость. * Чтец:
Прокимен, глас 8: Сей день егоже сотвори Господь, возрадуемся и возвеселимся вонь. Стих: Исповедайтеся Господеви, яко благ, яко в век милость Его.
Апостол, Деяний чтение, зачало 1. [Деян. 1, 1 – 8.]
* Вонмем. * Чтец: (текст) * Мир ти. * Чтец: И духови твоему. * Премудрость. * Народ: Аллилуиа (трижды). Аллилуиа, глас 4: Ты воскрес ущедриши Сиона. Стих: Господь с Небесе на землю призре.
Перед чтением Евангелия: Возсияй в сердцах наших, человеколюбче Владыко, Твоего богоразумия нетленный свет, и мысленныя наши отверзи очи во евангельских Твоих проповеданий разумение: вложи в нас и страх блаженных Твоих заповедей, да плотския похоти вся поправше, духовное жительство пройдем, вся, яже ко благоугождению Твоему, и мудрствующе и деюще, Ты бо еси просвещение душ и телес наших, Христе Боже, и Тебе славу возсылаем со безначальным Твоим Отцем и всесвятым, и благим, и животворящим Твоим Духом ныне, и присно, и во веки веков. Аминь.
Премудрость, прости, услышим святого Евангелиа. Мир всем.
Народ: И духови твоему.
От Иоанна Святаго Евангелия чтение
Народ: Слава Тебе, Господи, слава Тебе.
Вонмем.
1 В начале было Слово, и Слово было у Бога, и Слово было Бог.
В начале бе Слово, и Слово бе к Богу, и Бог бе Слово.
2 Оно было в начале у Бога.
аутон эн архе прос тон Теон
3 Все чрез Него начало быть, и без Него ничто не начало быть, что начало быть.
omnia per ipsum facta sunt - et sine ipso factum est nihil quod factum est
4 В Нем была жизнь, и жизнь была свет человеков.
ja valgus paistab pimeduses, ja pimedus ei ole seda votnud omaks. Эстонский
5 И свет во тьме светит, и тьма не объяла его.
Na mwanga huo huangaza gizani, nalo giza halikuweza kuushinda. Суахили
6 Был человек, посланный от Бога; имя ему Иоанн.
Яви се човек изпратен от Бога, на име Иоан. Болгарский
7 Он пришел для свидетельства, чтобы свидетельствовать о Свете, дабы все уверовали чрез него.
Este vino como testigo, para dar testimonio de la luz (=th), a fin de que todos creyйeran por medio de el.
8 Он не был свет, но был послан, чтобы свидетельствовать о Свете.
Er war nicht das Licht, sondern er sollte zeugen von dem Licht.
9 Был Свет истинный, Который просвещает всякого человека, приходящего в мир.
Правдивим світлом був той, хто освітлює кожну людину, що приходить на світ.
10 В мире был, и мир чрез Него начал быть, и мир Его не познал.
Na szwiecie bylo Slowo, a szwiat stal sie przez Nie, lecz szwiat Go nie poznal.
11 Пришел к своим, и свои Его не приняли.
Przyszlo do swojej wlasnoszci, a swoi Go nie przyjeli.
Han kom till sitt eget, och hans egna togo icke emot honom. Шведский
12 А тем, которые приняли Его, верующим во имя Его, дал власть быть чадами Божиими,
A quanti pero l'hanno accolto, ha dato potere di diventare figli di Dio:
13 которые ни от крови, ни от хотения плоти, ни от хотения мужа, но от Бога родились.
Toate lucrurile au fost faэcute prin El; sшi nimic din ce a fost faэcut, n'a fost facut fara El. Румынский
14 И Слово стало плотию, и обитало с нами, полное благодати и истины; и мы видели славу Его, славу, как Единородного от Отца.
Et la Parole devint chair (шэр), et habita au milieu de nous - et nous vоmes sa gloire, une gloire comme d'un fils unique de la part du Pеre - pleine de grаce et de vеritе;
15 Иоанн свидетельствует о Нем и, восклицая, говорит: Сей был Тот, о Котором я сказал, что Идущий за мною стал впереди меня, потому что был прежде меня.
John bare witness of him, and cried, saying, This was he of whom I spake, He that cometh after me is preferred before me: for he was before me.
16 И от полноты Его все мы приняли и благодать на благодать,
Ir is Jo pilnatves mes visi gavome malone po malones. Литовский
17 ибо закон дан чрез Моисея; благодать же и истина произошли чрез Иисуса Христа.
17 яко закон моисеом дан бысть, благодать (же) и истина Иисус Христом бысть.
После чтения народ: Слава Тебе, Господи, слава Тебе.
Рцем вси от всея души и от всего помышления нашего рцем.
Господи Вседержителю, Боже отец наших, молим Ти ся, услыши и помилуй.
Помилуй нас, Боже, по велицей милости Твоей, молим Ти ся, услыши и помилуй.
Еще молимся о господине и отце нашем святейшем вселенском архиерее (имярек) Папе Римском, о господине нашем Высокопреосвященном митрополите (имярек), и всей во Христе братии нашей.
Еще молимся о Богохранимей стране нашей, властех и воинстве ея, да тихое и безмолвное житие поживем во всяком благочестии и чистоте.
Народ трижды: Господи, помилуй.
Еще молимся о братиях наших, священницех, священномонасех и всем во Христе братстве нашем.
Еще молимся о милости, жизни, мире, здравии, спасении, посещении, прощении рабов Божиих (имя рек) и о еже умножитися лета жития их.
Еще молимся о блаженных и приснопамятных святейших патриарсех православных и о всех прежде почивших отцех и братиях, зде лежащих и повсюду, православных.
Еще молимся о плодоносящих и добродеющих во святем и всечестнем храме сем, труждающихся, поющих и предстоящих людех, ожидающих от Тебе великия и богатая милости.
Раскрывая антиминс: Господи Боже наш, прилежное сие моление приими от Твоих раб, и помилуй нас по множеству милости Твоея, и щедроты Твоя низпосли на ны и на вся люди Твоя, чающыя от Тебе богатыя милости,
яко милостив и Человеколюбец Бог еси, и Тебе славу возсылаем: Отцу, и Сыну, и Святому Духу ныне, и присно, и во веки веков.
Народ: Аминь.
Ектения об оглашаемых и первая молитва верных
Молитва верных вторая: Паки и многажды Тебе припадаем и Тебе молимся, благий и человеколюбче, яко да призрев на моление наше, очистиши наша душы и телеса от всякия скверны плоти и духа, и даси нам неповинное и неосужденное предстояние святаго Твоего жертвенника. Даруй же, Боже, и молящымся с нами преспеяние жития и веры и разума духовнаго, даждь им всегда со страхом и любовию служащым Тебе, неповинно и неосужденно причаститися святых Твоих таин, и небеснаго Твоего царствия сподобитися, яко да под державою Твоею всегда храними, Тебе славу возсылаем: Отцу, и Сыну, и Святому Духу ныне, и присно, и во веки веков.
Народ: Аминь.
Иже херувимы тайно образующе и Животворящей Троице Трисвятую песнь припевающе, всякое ныне житейское отложим попечение.
Молитва во время пения Херувимской песни: Никто же достоин от связавшихся плотскими похотьми и сластьми приходити, или приближатися, или служити Тебе, Царю славы, еже бо служити Тебе велико и страшно и самем небесным силам. Но обаче, неизреченного ради и безмернаго Твоего человеколюбия непреложно и неизменно был еси человек, и архиерей нам был еси, и служебныя сея и бескровныя жертвы священнодействие предал еси нам, яко владыка всех. Ты бо един, Господи, Боже наш, владычествуеши небесными и земными, иже на престоле херувимсте носимый, иже серафимов Господь и Царь Израилев, иже един свят и во святых почиваяй. Тя убо молю единаго и благаго и благопослушливаго: призри на мя, грешнаго и непотребнаго раба Твоего, и очисти мою душу и сердце от совести лукавыя, и удовли мя силою Святаго Твоего Духа, облеченна благодатию священства, предстати святей Твоей сей трапезе и священнодействовати Святое и Пречистое Твое Тело и Честную Кровь. К Тебе бо прихожду, приклонь мою выю, и молю Ти ся, да не отвратиши лица Твоего от мене, ниже отринеши мене от отрок Твоих, но сподоби принесенным Тебе быти, мною грешным и недостойным рабом Твоим, даром сим. Ты бо еси приносяй и приносимый, и приемляй и раздаваемый, Христе Боже наш, и Тебе славу воссылаем со безначальным Твоим Отцем и пресвятым, и благим, и животворящим Твоим Духом ныне, и присно, и во веки веков. Аминь.
Трижды: Иже Херувимы тайно образующе и Животворящей Троице Трисвятую песнь припевающе, всякое ныне житейское отложим попечение. Яко да Царя всех подымем, ангельскими невидимо дориносима чинми. Аллилуиа, аллилуиа, аллилуиа.
Трижды: Боже, очисти мя, грешного.