Бог нам прибежище и сила, помощник в скорбех обретших ны зело. Сего ради не убоимся, внегда смущается земля, и прелагаются горы в сердца морская. Возшумеша и смятошася воды их, смятошася горы крепостию eго. Речная устремлeния веселят град Божий; остил eсть селение свое вышний. Бог посреде eго, и не подвижится; поможет eму Бог утро заутра. Смятошася языцы, уклонишася царствия; даде глас свой вышний, подвижеся земля. Господь сил с нами, заступник наш Бог иаковль. Приидите и видите дела Божия, яже положи чудеса на земли; отемля брани до конeц земли, лук сокрушит и сломит oружие, и щиты сожжет oгнем. Упразднитеся и разумейте, яко аз eсмь Бог; вознесуся во языцех, вознесуся на земли. Господь сил с нами, заступник наш Бог иаковль.