Ведом во иудеи Бог; во Израили велие имя eго. И бысть в мире место eго, и жилище eго в Сионе. Тамо сокруши крепости луков, oружие и мечь и брань. Просвещаеши ты дивно от гор вечных. Смятошася вси неразумнии сердцем; уснуша сном своим, и ничтоже обретоша вси мужие богатства в руках своих. От запрещения твоего, Боже иаковль, воздремаша вседшии на кони. Ты страшен eси, и кто противостанет тебе? оттоле гнев твой. С небесе слышан сотворил eси суд; земля убояся и умолча, внегда востати на суд Богу, спасти вся кроткия земли. Яко помышление человеческое исповестся тебе, и останок помышления празднует ти. Помолитеся и воздадите Господеви Богу нашему; вси, иже окрест eго, принесут дары страшному и отемлющему духи князей, страшному паче царей земных.