Приидите, возрадуемся Господеви, воскликнем Богу спасителю нашему; предварим лице eго во исповедании, и во псалмех воскликнем eму; яко Бог велий Господь, и царь велий по всей земли; яко в руце eго вси концы земли, и высоты гор того суть. Яко того eсть море, и той сотвори e, и сушу руце eго создасте. Приидите, поклонимся и припадем eму, и восплачемся пред Господем сотворшим нас; яко той eсть Бог наш, и мы людие пажити eго и oвцы руки eго. Днесь аще глас eго услышите, не ожесточите сердец ваших, яко в прогневании, по дни искушения в пустыни; в oньже искусиша мя oтцы ваши, искусиша мя, и видеша дела моя. Четыредесять лет негодовах рода того, и рех; присно заблуждают сердцем, тии же не познаша путий моих; яко кляхся во гневе моем, аще внидут в покой мой.