Рече Господь Господеви моему; седи одесную менe, дондеже положу враги твоя подножие ног твоих. Жезл силы послет ти Господь от Сиона, и Господствуй посреде врагов твоих. С тобою начало в день силы твоея, во светлостех святых твоих; из чрева прежде денницы родих тя. Клятся Господь и не раскается; ты иерей во век по чину мелхиседекову. Господь одесную тебe сокрушил eсть в день гнева своего цари; судит во языцех, исполнит падeния, сокрушит главы на земли многих. От потока на пути пиет; сего ради вознесет главу.