|
Антоний, Иоанн и Евстафий Виленские, Литовские (1347).
Перенесение их мощей в 1946 г. Огицкий о них, 1984.
Литва, в которой они жили, была языческой страной. Ее князь Ольгерд был женат на православной, вроде бы был и крещен. Ну и что? Он не считал себя христианином и не был им. Его трудно назвать вероотступником, ибо к Христу он и не приступал. Своего придворного Антония он посадил в тюрьму за демонстративное соблюдение постов, его брату Иоанну дал понять, что приличный человек найдет способ верить в Христа, но вести себя пристойно как язычник. Но нет: пост стал для этих святых средством отделить веру от неверия, жизнь в Христе от жизни "как все". Братьев повесили на священном языческом дубе. С точки зрения язычников: и поучительно, и благочестиво. Не помогло! через полгода пришлось за соблюдение Рождественского поста там же повесить еще одного придворного святого - Евстафия. Все знают, что повешение - позорная казнь, но мало кто знает, почему у нее такая репутация: а дело в том, что при повешении у человека расслабляются все мускулы, в том числе те, которые удерживают содержимое желудка и кишечника. Повешенные очень дурно пахнут. Ныне мощи Антоний, Иоанна и Евстафия покоятся в Свято-Духовом монастыре в Вильнюсе и из гробницы их сочатся капли нежно благоухающей жидкости. Что останки князя Ольгерда ныне дурно пахнут - врать не будем; местонахождение их забыто. Ад и есть Бюро Находок, которые найдены никем. Acta Sanctorum,, апрель, т. 2, Butler, 14.4. Память 14 апреля, 14/27 апреля.
* * *
ЖИТИЕ
Память святых новоявленных мученик Антония, Иоанна, Еустафия
Стих же: Умерших три други Литвы родом, ныне мысленыя умершвяют тристатыи.
Тии бяху от места Литовьскаго, огню и тии служаще, подобно другым съплеменным своим, ибо Антоний и Иоан братия беаху, от душа християньству, еже о нас благочестие възлюбльше. И пришедше к священнику некоему достоинством, именем Нестору, от негоже Божественому сподобляются крещением. Иоан убо възрастом старей, а иже по нем Антоний именуется. И подобляющеся християном, показующе житие, пребывающе, служаще князю Литовьскому, обаче крыюще, яко беху християне. И понеже не мощно бе утаити неизменнаго устава и прочаго всего пребывания, иже не иным подобитися, главы же стригомым и брадам. Въспрошени быша от князя, християне собе споведаша с дръзновением. И нудими благочестия отврещися и предлежащих мяс трапезе вкусити. Ибо случися день постный, понеже не восхотеша, в темнице мрачной Иродове затворяются глубоце, радующеся и веселящеся, яко о Христове имени таковым сподобишася страдати, мняху бо ся, паче на царствие, а не во темницю отводими.
Лету же мимоходящю, малодушьствовав Иоанн, и усумневъся мук, посылает к князю, от темница изяту быти моляся, готов быти всяусердно повеленая исполнити, еже убо и бысть явьствено убо, яко единславен тем бе и вероподобен, в себе же християньство имяше, страхом же мук не хотя собе объявити. Тогда же и Антоний изят от темници бывает. И пребываху свободно обои, ни единой нужи тем наносимой, не убо иже то Иоанну христианьство крыяше, но являше благочестие и брату запрещаше.
И некогда велику имяше силу, и сего ждаше, предстояше князю обычно. Иоанн убо предлежащих мяса вкушаше. Антонию же повелено бысть вкусити, и не восхоте, явлено христианина собе исповедаше. Темже во темницю пакы влагается, еже есть глубокый ров. Иоанн же от христианьства отвращаем и от нечестивых досаждаем, яко праведную веру съблюд, иже последе изволив и съхранив. Приступль прежереченому прозвитеру Нестеру, моляше его ходатая быти к братнему пременению, яко прощену быти от него. Да якоже слыша от него, не хотяше сия брат никакоже, и иже бо не едино имети общение с ним, аще не исповест явленно благочестие. Вся абие преложена бывают, и время подобно искаше, яко обьявити. И некогда князю предстояше обычно, тому в бани служа, дерзновенно християна собе исповеда. И абие же биен от обретшихся руками и палицами и влачим, и в темницю отводится с радостью неизреченною. И благодушья исполнив брата. Пребываху убо оба в темници и благодаряше Бога, оних же пострада Его ради. По прехождению же реченных дней причащающеся животворящим Христовым тайнам от речена иерея.
Лету же некоему минувшу, Антоний убо осужается смерти. И сказану бывшю тому, ответ бодръствуя всю нощь преиде с братом купно, укрепляя его и ко страданию подвижа и перваго падениа въспоминая, предглаголя, яко не по его мнозех днех и той подобную подимет смерть. Та же и Божественным таинам причащаются оба. Дни же бывшю, удавлением представляет душу Богови в 14 день имущю априлю месяцю. Таже Иоан по проходжению [так в публикации Мельникова] прежереченных дней от Антония подобной тъи осужается удавлению в 24 апреля месяца. Честныя же их мощи неции от верных вземше, честно погребоша.
Еустафий же юн беаше възрастом, еще възраст цветущ имея, мужествен и красен и доблествен якоже душею, такоже и телом. Душею же християньство възлюбив, крещается от прежереченнаго иерея Нестера, и пребываше оттоле, яко християн, подобающее житие добре и к Богови любовию приходя, постяся до конца. И ину всяку добродетель делая начальством же и властию князя. Некогда тому последуя о ловитвах пребыванию творящу, и виден бысть от него и возрастающа брады его и власы носяй уже на главе, ниже мало что от сих вредив. Сим огнь обычай служитель есть, отцу их доброненавистному и лукавому бесу узаконоположившему постризати убо яже на главе в долготу яже протяженыя власы, браду же аки бритвою отрезати. Он же яко нечювьствие телу сице злочестная и безумная всякого обычая плотная отложив и сия целы сохранив. Сице убо князь имуща видев, аще христианин есть, въпрашаше. Тому же с дрьзновением християна собе исповедавшю, на ярость велику и бесование подвиже князя. И преложити сего честные веры в тщание положи и прежде убо нудит того ясти мяса. Понеже пяток беаше и пост преже Рожества Христова, и не всхоте оттуду сего скусити, якоже видя убо его князь, яже очима сие видети хотяше, ярость въспалив, первие убо жезлы немилостивно сего повеле бити. Ему же стоящю и слугам немилостивно биющим мученик не токмо слезу или стенание показа, но благодаряше паче человека, явльшагося и сподобльшаго обещнику святым Его быти, яже паче на ярость и больший гнев князя подвиже. Повелевает пакы воду студенейшю принести и в того вливати уста, да якоже сему бывшю, и плотью от лютыя студени посиневьши, и не въсхоте отнюдь мясу коснутися. И муку на того тяжьчайшю уготова, и кости ногу его скрушиша и строша от глезне до самых колен. По сем же главы того власы купно с кожею повеле отрезати, такоже нос и уши повеле отрезати. Сими убо казньми три дни терпя, они же ощющати мняше и глаголаше любимым тому християном, таковыя раны и болезни плачющим о нем и рыдающим, сице умирающю.
И повесити сего мучитель обеща. Он же такожде и скрушены же отнюдь естественныя обнося бедры и лыста, яко ничтоже пострада печально, водящим не возбрани, но паче предваряше течаше. Иже дуб обретьше, тако того повешают, ужа на выю възложивше. И тако душу Богови предаде в 13 имущю декаврию месяцю. И тамо вися три дни, неприступен зверю, съблюден бысть; от благочестивых же неции оттуду вземше и погрести сподобиша, благодаряще Бога.
Бывает же некое чюдо Богови мученику представляющуся: по тех бо смерти и не един от осуженник на оном месте осужден бысть умрети.
Но събравшеся християне и просиша у князя преклонитися к прошению тех и дати тем место, яко да воздвигнут церковь священну. Он же реченое место тем даде, тамо же церковь въдрузивше, Богови славословие въссыють [!], и принесоша же ся части некыя от священных мощий, и тех в святейшую великую вселеньскую церковь, и прияты быша честно в славу и хвалу великого самого Бога и Спаса нашего Иисус Христа. Емуже слава, честь, покланяние с Отцем и Святым Духом. В векы веком аминь.
Источник: Кніга жыцій і хаджэнняў. Уклад. Мельнікаў А.А. Мн., 1994. С.135-139. Оригинал: список XVI в. Росс. нац. библ., Спб., Общество любителей древней письменности, Q778, лл. 319-324.
Впервые житие виленских мучеников было написано на греческом языке и внесено в греч. Стишный Синаксарь, откуда перешло в некотор. списки южнославянского Стишного Синаксаря не позднее 15 в. Оттуда перешло на Русь. От южнослав. текста происходит Макарьевская редакция 17 в.
Языч. имена мучеников: Круглец, Нежила и Кумец. Они потерпели в 1346-1347 гг. во время княжения Ольгерда Гедиминовича. В некотор. редакциях жития князь наоборот делает все возможное, чтобы спасти мучеников.
Канонизированы приблиз. в 1354 г., но не поздней 1374 г., либо по другим известиям 14 апреля 1364 г., когда их мощи были перенес. в церковь Св. Духа. Память отмеч. 14 апреля - общая; а также: Антония - 14 января, Иоанна - 23 апреля, Евстафия - 13 декабря (Мельников А.А., указ. соч., с.474-475).
|
