ЛАВРЕНТЬЕВСКАЯ ЛЕТОПИСЬ

В лѣ^т̑ . ҂s҃ . ф҃ . м҃д ❙ [1036] Мьстиславъ ⁴⁰ изиде н^а ловъı . разболѣсѧ ⁴¹ и оумре . и положиша и ⁴² [в церкви] ^Д оу ⁴³ ста^г̑ Сп҃са . юже [бѣ] ^Е самъ заложилъ . бѣ бо въздано єӕ ⁴⁴ при немь . възвъıше ӕко ⁴⁵ на кони стоӕще ⁴⁶ [рүкою] ^Ж досѧщи ⁴⁷. бѣ же Мьстиславъ . дебелъ тѣломь . черменъ лице^{м̑ 48}. великъıма ѡчима . храборъ на рати . мл^с̑твъ ⁴⁹. любѧше дружину по велику . имѣньӕ не щадѧше ни питьӕ . ни ѣденьӕ бранѧше ⁵⁰. посемь же переӕ власть | ѥго всю ⁵¹ Ӕрославъ . и бъı^с̑ самовл^астець ⁵² Русьстѣи ⁵³ земли . иде Ӕрославъ Новугороду ⁵⁴. и посади сн҃а своєго Володимера Новѣгородѣ ¹². єп^с̑па постави Жидѧту . и ⁵⁵ в се времѧ родисѧ Ӕрославу сн҃ъ . нарекоша ⁵⁶ имѧ єму Вѧчеславъ . Ӕрославу же сущю Новѣгородѣ ¹². вѣсть приде

ѥму ¹. ӕко Печенѣзи ѡстоӕть Къıєвъ . Ӕрославъ събра вои многъ ². Варѧгъı и ³ Словѣни . приде ⁴ Къıєву ⁵ и вниде в городъ ⁶ свои . и бѣ Печенѣгъ ⁷ бе-щисла ⁸. Ӕрославъ ⁹ въıступи из града . и исполчи дружину. [и] ^А постави Варѧгъı посредѣ . а ¹⁰ на правѣи ¹¹ сторонѣ Къıӕне . а на лѣвѣмь ¹² крилѣ Новгородци . [и] ^А сташа пре^д̑ градомь . Печенѣзи приступиша и ¹³ почаша . и сступишасѧ ¹⁴ на мѣсто ¹⁵. идеже стоить ¹⁶ нъıнѣ ст҃аӕ Соѳьӕ . митропольӕ Русьскаӕ . бѣ бо тогда поле внѣ града . и бъı^с̑ сѣча зла . и ¹⁷ ѡдва ¹⁸ ѡдолѣ к вечеру Ӕрославъ . и побѣгша ¹⁹ Печенѣзи разно . и не вѣдѧхусѧ ²⁰ камо бѣжати ²¹. [ѡви бежаще] ^Б тонѧху въ Сѣтомли ²². инѣ же ²³ въ инѣхъ ²⁴ рѣкахъ . а ²⁵ прокъ ихъ пробѣгоша и до сего дн҃е ²⁶. в се же лѣто всади Ӕрославъ . Судислава в порупъ ²⁷. брата /л.51об./ своѥго . Плесковѣ ²⁸ ѡклеветанъ к нему ❙

В лѣ^т̑ . ҂s҃ . ф҃ . м҃е ❙— [1037] Заложи Ӕрославъ городъ ²⁹ великъıи . оу ³⁰ негоже града суть Златаӕ врата . заложи же ³¹ и црк҃вь ст҃ъıӕ Соѳьӕ . митрополью ³². и ³ посемь црк҃вь на Золотъıхъ воротѣхъ . ст҃оє Бц҃е ³³ Блг҃вѣщеньє . посемь ст҃аго Геѡргиӕ манастъıрь . и ст҃ъıӕ Иринъı . и ¹⁷ при ³⁴ семь нача вѣра х^с̑ьӕньска плодитисѧ . и раширѧти ³⁵. и черноризьци почаша множитисѧ . и манастъıреве починаху бъıти . и бѣ Ӕрославъ любѧ црк҃внъıӕ оуставъı . попъı ³⁶ любѧше по велику . излиха же черноризьцѣ . и книгамъ прилежа и почитаӕ є ³⁷ часто в ³⁸ нощи и въ дн҃е . и ³⁹ собра писцѣ ⁴⁰ многъı . и прекладаше ⁴¹ ѿ Грекъ н^а Словѣньскоє писмо ⁴². и списаша ⁴³ книгъı многъı . и сниска ⁴⁴ имиже поүчащесѧ вѣрнии людьє наслажаютсѧ . оученьӕ бж^с̑твенаго . ӕкоже бо ⁴⁵ се нѣкто землю разорить ⁴⁶. другъıи же насѣєть . ини же пожїнають ⁴⁷. и ӕдѧть пищю бескудну ⁴⁸. тако и сь ⁴⁹. ѡц҃ь бо сего ⁵⁰ Володимеръ [землю] ^В взора ⁵¹. и оумѧчи ⁵² рекше крщ҃ньємь просвѣтивъ ^Г. сь ⁴⁹ же насѣӕ ⁵⁶ книжнъıми словесъı ср^д̑ца вѣрнъı^х̑ людии . а мъı пожинаємъ оученьє приѥмлюще книжноє . велика бо ⁴⁵ бъıваѥть полза ѿ оученьӕ книжного . книгами бо кажеми и оучими ѥсмъı . пути покаӕнью . мдр^с̑ть ⁵⁴ бо ѡбрѣтаѥмъ и въздержаньє . ѿ словесъ книжнъıхъ . се бо суть рѣкъı напаӕюще вселеную . се ⁵⁵ суть исходищӕ ⁵⁶ м[удр]ости ⁵⁷. книгамъ бо єсть неищетнаӕ ⁵⁸ глубина . сими бо в печали оутѣшаѥми ⁵⁹ єсмъı . си ⁶⁰ суть оузда въздержанью . мдр^с̑ть бо велика єсть . ӕкоже и ³ Симонъ ⁶¹ хвалѧ є ⁶² гл҃ще . азъ прмдр^с̑ть всели . свѣтъ [и] ^А разумъ и мъıсль ⁶³. азъ призва^х̑ страхъ Г^с̑нь ^Д. мои свѣти . моӕ мдр^с̑ть . моє оутверженьє ⁶⁴. моӕ крѣпость . мною ц^с̑рве ⁶⁵ цр^с̑твують . а ⁶⁶ силнии пишють правду . мною вельможа ⁶⁷ величаютсѧ . и мчт҃ли держать землю . азъ любѧщаӕ мѧ люблю . ищющи мене ѡбрѧщють [благодать] ^Е. аще бо поищеши въ книгахъ мдр^с̑ти ⁶⁸ прилѣжно . то ѡбрѧщеши ⁶⁹ велику ползу дш҃и своєи . иже бо книгъı ⁷⁰ часто

чтеть . то бесѣдуєть с Бо҃мь . или ст҃ъıми ¹ мужи почита/л.52/ӕ ² пррч҃скъıӕ бесѣдъı . и єуа^г̑льскаӕ оученьӕ ³. и ап^с̑лкаӕ . [и] ^А житьӕ ст҃хъ ѡц҃ь въсприємлеть . дш҃а ^Б велику ползу . Ӕрославъ же се ⁴ ӕко^ж̑ реко^{м̑ 5}. любимъ бѣ книгамъ . [и] ^А многъı написавъ ⁶ положи в ст҃ѣи Соѳьи . црк҃ви ⁷ юже созда самъ . оукраси ⁸ ю златомь и сребромь . и ссудъı и ⁹ цркв҃нъıми . в неиже ѡбъıчнъıӕ пѣсни Бу҃ въздають . в годъı ѡбъıчнъıӕ . и инъı црк҃ви ставлѧше по градомъ и по мѣстомъ . поставлѧӕ ¹⁰ попъı и даӕ имъ ѿ имѣньӕ ^В своѥго үрокъ ¹¹. велѧ имъ оучити люди ¹². понеже тѣмь єсть поручено ¹³ Бм҃ь . и приходити часто къ црк҃вамъ . и оумножишасѧ ¹⁴ прозвутери . [и] ^А людьє ¹⁵ х^с̑ьӕньстии . радовашесѧ ¹⁶ Ӕрославъ вида ¹⁷ множьство црк҃вии ¹⁸. и люди хр^с̑ьӕнъı зѣло . а врагъ сѣтовашетьсѧ ¹⁹ побѣжаємъ . новъıми лıодьми х^с̑ьӕньскъıми ❙

В лѣ^т̑ .҂s҃ . ф҃ . м҃s . [1038] Ӕрославъ иде на Ӕтвѧгъı ❙—

В лѣ^т̑ . ҂s҃ . ф҃ . м҃з . [1039] С^с̑щена бъı^с̑ цр҃къı ст҃ъıӕ Бц҃ѧ . юже созда Володимеръ ѡц҃ь Ӕрославль . митрополитомь Ѳеѡпомтомь ²⁰ ❙—

В лѣ^т̑ . ҂s҃ . ф҃ . м҃и . [1040] Ӕрославъ иде на Литву .

В лѣ^т̑ . ҂s҃ . ф҃ . м҃ѳ . [1041] Иде Ӕрославъ на Мазовъшанъı ²¹ въ лодьӕхъ ❙

В лѣ^т̑ . ҂s҃ . ф҃ . и҃ . [1042] | Иде ²² Володимеръ сн҃ъ Ӕрославль на ²³ Ӕмь . и побѣди^{въ Г} ӕ . и помроша кони . оу вои Володимерь ²⁴. ӕко и ²⁵ ѥще дъıшющимъ конемъ ²⁶. съдираху хзъı ²⁷ с нихъ . толикъ ²⁸ бо ²⁹ бѣ моръ в кони^{х̑ 30} ❙

В лѣ^т̑ . ҂s҃ . ф҃ . н҃а . [1043] Посла Ӕрославъ сн҃а своѥго Володимера . на Грькъı . и вда ³¹ єму вои многъ ³². а ³³ воєвотьство ³⁴ поручи Въıшатѣ . ѡц҃ю Ӕневу . и поиде Володимеръ в лодьӕ^х̑ . и придоша в Дунаи . [и] ^А поидоша к Ц^с̑рюграду ³⁵. и бъı^с̑ бурѧ велика и разби корабли Руси . и кнѧжь корабль разби вѣтръ . и взѧ кнѧзѧ в корабль . Иванъ Творимиричь ³⁶. воєводъı Ӕрославлѧ ³⁷. прочии ³⁸ же вои Володимери ввержени ³⁰ бъıша на брегъ . числомь . ҂s҃ . И ⁴⁰ хотѧще ^Д поити в Русь . и [не] ^Е идѧше с ними [никтоже] ^Ж ѿ дружинъı кнѧжеє ⁴¹. и ре^ч̑ [Вышата] ^З азъ поиду с ними . и въıсѣде ис корѧблѧ с ними ⁴². и [ре^ч̑] ^И аще ⁴² живъ буду [то] с нимь ⁴⁴. аще ⁴⁵ погъıну то с друженою ⁴⁶. и поидоша хотѧще ⁴⁷ в Русь . и бъı^с̑ вѣсть Грькомъ ⁴⁸. ӕко избило море Русь . и пославъ ⁴⁹ цр҃ь именемь Мономахъ ⁵⁶ по Руси ⁵¹ ❙ ѡлѧдии . д҃ı . Володимеръ же ⁵² видѣвъ с дружиною . ӕко иду^т̑ по немь ⁵³. въспѧтивъсѧ ⁵⁴ изби ⁵⁵ ѡлѧди Гречьскъıӕ ⁵⁰. и възврати/л.52об./сѧ в Русь . ссѣдавшесѧ ⁵⁷ в кораблѣ своѣ ⁵⁸. Въıшату ⁵⁹ же ӕша съ изверженъıми на брегъ . и приведоша ⁶⁰ ӕ Ц^с̑рюграду ⁶¹ и слѣпиша Руси ⁶² много . по трехъ же лѣтѣхъ миру бъıвшю . пущенъ бъı^с̑ Въıшата в Русь къ Ӕрославу в си же времена вдасть ⁶³ Ӕрославъ сестру свою

за Казимира ^А. и вдасть Казимиръ за вѣно людии ¹ ❙ . и҃ . сотъ ² [єже бо ³ полонилъ Болеславъ . победи^в̑ Ӕрослава] ^Б ❙

В лѣ^т̑ . ҂s҃ . ф҃ . н҃в . [1044] И ⁴ выгребоша . . в҃ . Кнѧзѧ Ӕрополка и Ѡльга . с҃н^а Ст҃ославлѧ . и кр^с̑тиша кости єю . и ноложиша ӕ въ црк҃ви ст҃ъıӕ Бц҃а . в се ⁵ же . лѣ^т̑ . оумре Брѧчиславъ . сн҃ъ Изѧславль внукъ Володимерь . ѡц҃ь Всеславль ⁶. и Всеславъ сн҃ъ ѥго сѣде на столѣ ѥго . ѥгоже роди мт҃и ѿ вълхвованьӕ ⁷. мт҃ри бо родивши ⁸ ѥго . бъı^{с̑ 9} ѥму ӕзвено на главѣ ѥго . рекоша бо волсви ¹⁰ мт҃ри ѥго . се ӕзвено навѧжи на нь . да носить є до живота своѥго . єже носить ¹¹ Всеславъ и до сего дн҃е на собѣ . сего ради немл^с̑твъ єсть ¹² на кровьпролитьє . ❙—

В лѣ^т̑ . ҂s҃ . ф҃ . н҃г . [1045] Заложи Володимеръ ст҃ую Соѳью Новѣгородѣ ¹³ ❙

В лѣ^т̑ . ҂s҃ . ф҃ . н҃д . [1046] |

В лѣ^т̑ .҂s҃ . ф҃ . н҃е . [1047] Ӕрославъ иде на Мазовшанъı . и побѣди є ¹⁴ и кнѧзѧ ихъ оуби Моиславъ ¹⁵. и покори ӕ ¹⁶ Казимиру ❙

В лѣ^т̑ . ҂s҃ . ф҃ . н҃s [1048] ჻

В лѣ^т̑ .҂s҃ . ф҃ . н҃з . [1049]

В лѣ . ҂s҃ . ф҃ . н҃и . [1050] Престависѧ жена ¹⁷ Ӕрославлѧ кнѧгъıни ❙

В лѣ^т̑ . s҃ . ф҃ . н҃ѳ . [1051] Постави Ӕрославъ Лариѡна ¹⁸ митроцолитомь . Русина . въ ст҃ѣи Соѳьи . собравъ єп^с̑пы ❙— ııı ~ ııı ~❙—

И се ¹⁹ да скажемъ что ²⁰ ради прозвасѧ Печерьскъıи манастъıрь . бо҃любивому бо ²¹ кнѧзю Ӕрославу . любѧщю ²² Берестовоє ²³. и црк҃вь ту сущюю . Ст҃ъıхъ Ап^с̑лъ . и попъı многъı набдѧщю . в ни^х̑же бѣ презвутеръ ²⁴. именемь Лариѡнъ мужь бл҃гъ . книженъ ²⁵ и постникъ . [и] ^В хожаше с Берестоваго на Днѣпръ на холмъ . кдѣ нъıнѣ ветхъıи манастъıрь Печерьскъıи . [и] ^И ту мл҃тву творѧше . бѣ бо ту лѣсъ великъ . ископа печерку малу двусажену ²⁶. и приходѧ с Берестового ѿпѣваше часъı и молѧшесѧ ту Бу҃ втаинѣ . посемь же Бъ҃ кнѧзю вложи въ ср^д̑це . и ²⁷ постави и ²⁸ митрополитомь в ²⁹ ст҃ѣи Соѳьи . а си печерка тако [ѡ]ста ³⁰. и ²⁷ не по мнозѣхъ дн҃ехъ бѣ нѣкъıи чл҃вкъ име/л.53/немь мирьскъıмь ³¹. ѿ града Любча . и ⁴ възложи сему Бъ҃ в ср^д̑це въВперёд³² ити . ѡнъ же оустремисѧ ³³ в Ст҃ую Гору ³⁴. и видѣ ту манастъıрь сущи ³⁵. и ѡбиходивъ възлюбивъ чернечьскъıи ѡбра^{з̑ 36}. приде в манастъıрь ту и оумоли ⁸⁷ игумена того . дабъı на нь възложилъ ѡбра^з̑ мнишьскъıи . ѡн же послушавъ ѥго постриже и. нарекъ ³⁸ имѧ ѥму Антонии . наказавъ ѥго и наоучивъ чернечьскому ѡбразу . и ре^ч̑ ѥму иди в Русь ѡпѧть . и буди блг^с̑влньє ѡ Ст҃ъıӕ Горъı . и ре^ч̑ ѥму ³⁹ ӕко ѿ тебе мнози черньцї ⁴⁰ бъıти имуть . блг^с̑ви и ⁴¹ и ѿпусти ^Г ѥго ⁴² рекъ ѥму иди с миромь . Антонии же приде Къıєву ⁴². и мъıслѧше кдѣ бъı ⁴⁴ жити . и ходи по манастъıремъ . и не възлюби Бу҃ ни ⁴⁵ хотѧщю . и поча ходити по дебремъ и по гора[мъ] ^Д ища кдѣ бъı єму Бъ҃ показалъ . и приде на холмъ идѣ ⁴⁶ бѣ Лариѡнъ ⁴⁷ ископалъ пе^ч̑рку . и възлюби мѣсто ⁴⁸ се . и вселисѧ в не ⁴⁹. и нача молитисѧ ^Г Бу҃ со слезами гл҃ѧ . Г^с̑и оутверди ^Е мѧ в мѣстѣ ⁵⁶

семь . и да будеть на мѣстѣ ¹ семь ² блг^с̑веньє Ст҃ъıӕ Горъı . и моѥго игумена . иже мѧ постригалъ ³. и по|ча жити ту молѧ Ба҃ . ӕдъıи хлѣбъ сухъ ⁴ и тоже ⁵ чересъ дн҃ь . и водъı в мѣру вкушаӕ копаӕ ⁶ печеру . и ⁷ не да собѣ оупокоӕ ⁸ дн҃ь и ⁹ нощь . в трудѣхъ ¹⁰ пребъıваӕ . въ ¹¹ бдѣньи ¹² и в млт҃вахъ . посемь же оувѣдѣша ¹³ добрии члв҃ци . и приходѧху ¹⁴ к нему ^А. приносѧще же ѥму єже на потребу бѣ . и прослу ӕкоже ¹⁵ великъıи Антонии . приходѧще ¹⁶ к нему просѧху ¹⁷ оу него блг^с̑ньӕ . посемь же преставльшюсѧ великому кнѧзю Ӕрославу . приӕ ¹⁸ власть сн҃ъ ѥго Изѧславъ . и сѣде Къıѥвѣ ¹⁹. Антонии же прославленъ бъı^с̑ в Русьскѣи земли . Изѧславъ же оувѣдѣвъ ²⁰ житьє ѥго . приде ²¹ с дружиною своѥю просѧ ²² оу него блг^с̑вньӕ и млт҃въı . и оувѣданъ бъı^с̑ всѣми великъıи Антонии и ²³ чтимъ . и начаша приходити к нему бра^т̑ӕ . и нача приимати ^Б и постригати ӕ ²⁴. и собрасѧ братьи ²⁵ к нему числомь . вı҃ . [и] ^В ископаша ²⁶ печеру велику . и црк҃вь и кѣльи ²⁷. ӕже суть и до сего дн҃е ²⁸ в печерѣ подъ ветхъıмь манастъıремь . совъкупленѣ же братьи . ре^{ч̑ 29} имъ А/л.58об./нтонии се Бъ҃ васъ братьӕ ³⁰ совъкути ³¹. и ѿ блг^с̑вньӕ єсте Ст҃ъıӕ Горъı . имьже ³² мене постриже игуменъ Ст҃ъıӕ Горъı . а ӕзъ ³³ в^асъ постригалъ ³⁴. да буди блг^с̑вньє ^Г на васъ перво ³⁵ ѿ Ба҃ . а второє ѿ Ст҃ъıӕ Горъı . и се рекъ ²⁹ имъ жївѣте же [ѡ] ^Д собѣ . и поставлю въı ³⁰ игумена . а самъ хочю въ ѡну гору ити ³⁷ єдинъ . ӕко^ж̑ и ⁷ преже бѧхъ ³⁸ ѡбъıклъ оуєдинивъсѧ [жити] ^Е. и постави имъ игуменомь ³⁹ В^арлама . а ⁴⁰ самъ иде в гору ⁴¹ и ⁷ ископа печеру . ӕже єсть подъ новъıмь манастъıре^м̑ . в неиже сконча животъ свои . живъ в добродѣтели . не въıходѧ ис печеръı . лѣ^т̑ . м҃ . никдѣже ⁴². в неиже лежать мощѣ ѥго и до сего дн҃е ²⁸. бра^т̑ӕже съ игуменомь ⁴³ живѧху [в печере] ^Ж. и оумножившимсѧ братьи в печерѣ ⁴⁴ [и не имүщим сѧ вмѣстити] ^А. и помъıслиша поставити внѣ печеръı м^анастъıрь . и приде игуменъ и братьӕ ко Антонью . и ⁷ рекоша ѥму ѡч҃е оумножилосѧ братьѣ а ⁴⁵ не можемъ сѧ вмѣстити в печеру . да бъı Бъ҃ повелѣлъ и твоӕ млт҃ва . да бъıхомъ поставили црк҃вьцю ⁴⁶ внѣ ⁴⁷ печеръı . и повелѣ имъ Антонии . ѡни же поклонишасѧ . єму . и | поставиша црк҃вьцю ⁴⁸ малу надъ пещерою . во имѧ ст҃ъıӕ Бц҃а Оуспеньє . и ⁴⁹ нача Бъ҃ оумножати черноризцѣ ⁵⁰. млт҃вми ст҃ъıӕ Бц҃а . и съвѣтъ створиша бра^т̑ӕ со игуменомь . поставити манастъıрь и ⁵¹ идоша бра^т̑ӕ ⁵² ко Антонью . и рѣша ѡч҃е бра^т̑ӕ оумножаютсѧ . а хотѣли бъıхомъ поставити манастъıрь . Антонии же радъ бъıвъ ⁵⁸ [рече] ^Д. блг^с̑нъ Бъ҃ ѡ всемь и млт҃ва ст҃ъıӕ Бц҃а . и сущихъ ѡц҃ь ^І. иже в Ст҃ъи Горѣ да будеть с ⁵⁴ вами . и се рекъ посла ⁵⁵ ѥдиного ѿ братьѣ . ко Изѧславу кнѧзю . река тако кнѧже мои . се Бъ҃ оумножаєть бра^т̑ю а мѣстьце мало . да бъı нъı далъ гору ту . ӕже

єсть надъ ¹ печерою . Изѧславъ же слъıшавъ и ² радъ бъı^{с̑ 3}. посла мужь свои и вда имь гору ту . игумен же и бра^т̑ӕ . заложиша цр҃квь велику . и манастъıрь ѡгородиша . а съ столпьємь ⁴ кельѣ ⁵ поставиша многъı ⁶. цр҃квь ⁷ свершиша . и иконами оукрасиша . и ⁸ ѿтолѣ почаша ⁹ Печерскъıи манастырь . имьже бѣша жили черньци преже в печерѣ . а ¹⁰ ѿ того ¹¹ прозвасѧ Печерскъıи манастъıрь . єсть же ¹² манастъıрь Печерскъıи ¹³ ѿ блг^с̑ньӕ Ст҃ъıӕ Го/л.54/ръı пошелъ . манастъıреви же свершену . игуменьство держащю Варламови . Изѧславъ же постави манастъıрь ст҃аго Дмитриӕ . и въıведе Варлама на игуменьство к ст҃му Дмитрию . хотѧ створити въıшнии ¹⁴ сего манастырѧ . надѣӕсѧ ба҃тьствү ¹⁵ мнози бо манастъıри ѿ ц^с̑рь ¹⁶ и ѿ боӕръ . и ѿ ба҃тьства поставлени ¹⁷. но не суть ¹⁸ таци . каци суть поставлени слезами . пощеньємь млт҃вою ¹⁹ бдѣньємь . Антонии бо не имѣ ²⁰ злата ни сребра . но стѧжа слезами и пощеньємь ӕкоже гл҃ахъ . Варламу же шедъшю к ст҃му Дмитрию . свѣтъ ²¹ створше ^{22 А} братьӕ идоша к старцю Антонью ^Б. и рекоша постави намъ игумена . ѡн же ре^ч̑ имъ . кого хощете . ѡни же рѣша кого хощеть Бъ҃ и тъı . и ре^ч̑ имъ кто болии въ васъ акъже ²³ Ѳѡдосии ²⁴ послушьливъıи . кроткъıи смѣренъıи ²⁵. да сь ²⁶ будеть вамъ игуменъ . бра^т̑ӕ ²⁷ же ради бъıвше поклонишасѧ ²⁸ старцю . и поставиша Ѳеѡдосьӕ игумено^м̑ . братьѣ ²⁹ чїсломь . к҃ . Ѳеѡдосу ³⁰ же приємшю ³¹ манастъıрь . поча имѣти въздержаньє . и ⁸ велико [по]щеньє ^В и млт҃въı съ слезами . и совоку|плѧти нача многъı черноризьци ³². и совокупи братьѣ числомь . р҃ . и нача искати правила чернечьскаго ³³. и ѡбрѣтесѧ тогда Михаилъ чернець ³⁴. манастъıрѧ Студиискаго . иже бѣ пришелъ изъ Грекъ с митрополитомь Геѡргиємь . и нача оу него искати оустава . чернець Студиискъı^{х̑ 35}. и ѡбрѣтъ оу него и списа . и оустави въ манастъıри своємь . како пѣти пѣньӕ манастъıрьскаӕ . и поклонъ какъ держати . и чтеньӕ почитати . и стоӕньє в црк҃ви . и весь рѧдъ црк҃внъıи [и на] ^Г трѧпезѣ сѣданьє . и что ӕсти в къıӕ дн҃и . все съ оуставленьємь ³⁶. Ѳеѡдосии все то изъѡбрѣтъ . предасть ³⁷ манастъıрю своєму . ѿ того же манастъıрѧ переӕша ³⁸ вси манастъıреве ³⁹ оуставъ . тѣмьже почтенъ єсть манастъıрь ³⁹ Печерьскъıи старѣє всего ⁴⁰. Ѳеѡдосьєви же живущю в манастъıри и правѧщю . добродѣтелноє ⁴¹ житьє . и чернечьскоє правило . и приимающю всѧкого приходѧщаго к нему . к нему же и азъ придохъ худъıи и недостоинъıи рабъ . и ⁴² приӕтъ мѧ ❙— /л.54об./ лѣ^т̑ ми сущю . з҃ı҃ . ѿ роженьӕ моѥго се же написахъ и положихъ . в коє лѣто почалъ бъıти ман^астъıрь . и что ради зоветьсѧ Печерьскъıи . а ѡ ⁴³ Ѳеѡдосовѣ ⁴⁴ житьи ^Д [п]акъı ^Е скажемъ ❙

В лѣ^т̑ . ҂s҃ . ф҃ . ѯ҃ . [1052] Престависѧ Володимеръ сн҃ъ ^Ж Ӕрославль . старъ ⁴⁵ Новѣгородѣ ⁴⁶. и положенъ бъı^с̑ в ст҃ѣи Софьи юже бѣ самъ создалъ ❙

В лѣ^т̑ . ҂s҃ . ф҃ . ѯ҃а . [1058] Ѿ ⁴⁷ Всеволода ⁴⁸ родисѧ сн҃ъ ^Ж. и нарече имѧ єму Володимеръ ѡ ц^с̑рцѣ Грькъıнѣ ⁴⁹ ❙

В лѣ^т̑ . ҂s҃ . ф . ѯ҃в . [1054] Престависѧ великъıи кнѧзь Русьскъıи Ӕрославъ . и ¹ єще бо живущю ² ѥму . нарѧди сн҃ъı своӕ рекъ имъ . се азъ ѿхожю свѣта сего сн҃ве мои . имѣите в собѣ любовь . понеже въı єсте бра^т̑ӕ єдиного ѡц҃а и мт҃ре . да аще будете в любви межю собою . Бъ҃ будеть в васъ . и покоривыть ³ въı противнъıӕ ⁴ подъ въı ⁵. и будете мирно живуще . аще ли будете ненавидно ⁶ живуще ⁷. в распрѧхъ и ⁸ котораюıцесѧ то ⁹ погъıбнете ¹⁰ самї . [и] ^А [погубите] ^Б землю ѡц҃ь своихъ и дѣдъ своихъ иже ^В налѣзоша трудомь своимь великъıмъ . но пребъıваите мирно послушающе бра^т̑ брата . се же поручаю в со|бе ¹¹ мѣсто столъ старѣишему ¹² сн҃у моєму ¹³ и брату вашему Изѧславу Къıєвъ . сего послушаите ӕко послушасте ¹⁴ мене . да ¹⁵ то ¹⁶ въı будеть в мене мѣсто . а Ст҃ославу даю ¹⁷ Черниговъ . а Всеволоду Переӕславль . [а Игорю Володимерь] ^Г а Вѧчеславу Смолинескъ . и тако раздѣли имъ градъı . заповѣдавъ ¹⁸ имъ не преступати предѣла братнѧ . ни сгонити рекъ Изѧславу . аще кто хощеть ѡбилѣти брата своѥго . то ¹⁹ тъı помагаи ѥгоже обидѧть . и тако үрѧди ²⁰ сн҃ъı своӕ пребъıвати в любви . самому ^Д же болну сущю . и пришедшю Въıшегороду ²¹ разболѣсѧ велми . Изѧславу тогда сущю ^Е. а Ст҃ославу Володимери ²². Все[во]лоду ^Ж же ²³ тогда сущю у ѡц҃ѧ . бѣ бо любимъ ѡцемь ^З паче всеє ²⁴ братьи . є же ²⁵ имѧше ²⁶ присно ү собе . Ӕрославу же ²³ приспѣ конець житьӕ и предасть дш҃ю свою [Бу҃] ^И. в сувоту . а҃ . по^с̑ . ст҃аго Ѳеѡдора ^І. Всеволодъ же спрѧта тѣло ѡц҃а своѥго . възложьше ²⁷ на сани везоша и ²⁸ Къıєву . попове ²⁹ поюще ѡбъıчнъıӕ пѣсни . плакашасѧ ³⁰ по немь людьє . [и] ^А принесъ ³¹ положиша ³² и в рацѣ мороморѧнѣ . в цр҃ьви ст҃оє . Соѳьѣ ³³. и плакасѧ по немь Всеволодъ /л.55/ и людьє вси . живе же всѣхъ . лѣ^т̑ . о҃ . и . s҃ . ³⁴.

Назад    Оглавление    Вперёд