ЛАВРЕНТЬЕВСКАЯ ЛЕТОПИСЬ

 

Назад    Оглавление    Вперёд

В лѣ^т̑ . ҂s҃ . х҃ . ѳı҃ . [1111] Идоша веснѣ на Половцѣ . Ст҃ополкъ . Володимеръ . Дв҃дъ . и дошедше Воинѧ и воротишасѧ ^{1 А} ∷

В лѣ^т̑ . ҂s҃ . | х҃ . к҃ . [1112] Идоша на Половцѣ . Ст҃ополкъ . Ӕрославъ . Всеволодъ ^Б. Володимеръ . Ст҃ославъ . Ӕрополкъ . Мстиславъ . Дв҃дъ . Ст҃ославичь . с сн҃мъ Ростиславо^м̑ . Ѡлговичь ^{2 В}. Дв҃дъ . Игоревичь . и доидоша града Ѡсенева . и Сугрова . вземше ³ вежѣ Половечскъıѣ . и бишасѧ с Половци . на Салнѣ рѣцѣ . м^с̑ца . марта . въ . к҃д . дн҃ь ⁴. и побѣдиша Половцѣ Русскии кнѧзи ❙ Того^ж̑ м^с̑ца . въ . к҃г . престависѧ єп^с̑пъ Черниговьскъıи Іѡа^{н̑ 5} ❙

В лѣ^т̑ . ҂s҃ . х҃ . к҃а . [1113] Ходи Ӕрославъ сн҃ъ Стополчь . на Ӕтьвѧгъı второє . и побѣди ӕ . том же лѣ^{т̑ 6}. престависѧ Дв҃дъ Игоревичь . м^с̑ца ⁷. маӕ . въ ⁸ . к҃е . дн҃ь ⁹. в се же лѣ^т̑ . престависѧ Ӕнка . дщи Всеволожа . м^с̑ца ⁷ ноӕ^б̑ . въ ⁸ . г҃ . дн҃ь ⁹. Томь же лѣ^{т̑ 10}. поставиша Феѡклиста ¹¹ єп^с̑помь Чернигову ¹². м^с̑ца ⁷ генва^р̑ . въ ⁸. аı҃ . ¹³ дн҃ь ⁹.

В лѣ^т̑ . ҂s҃ . х҃ . к҃в . [1114] Бъı^с̑ знаменьѥ въ слн҃ци . въ . а҃ . ча^с̑ дн҃е ¹⁴ бъı^с̑ видѣти всѣ^м̑ люде^м̑ . ѡстасѧ ѥго мало ¹⁵. акъı мѣсѧць . долу рогома . м^с̑ца ⁷. марта . въ . ѳı҃ . ¹⁶. том же ¹⁷ лѣ^т̑ . престависѧ . бл҃говѣрнъıи кнѧзь Ми/л.96об./хаилъ . зовомъıи Ст҃ополкъ . м^с̑ца ^{7 Г}. апри^л̑ . въ ⁸ . s҃ı . дн҃ь ⁹. того^ж̑ м^с̑ца . к҃ . вниде Володимеръ в Къıєвъ . в не^д̑лю . в то же лѣ^т̑ поставиша Дани^ла єп^с̑пмъ . м^с̑ца . генва^р̑ . въ . s҃ . на Крщ҃ньє Г^с̑не . том же лѣ^т̑ . престависѧ Сто҃славъ Володїмеричь . м^с̑ца . марта . въ . зı҃ . Том же . лѣ^т̑ . поставиша Кирила єп^с̑пмъ . м^с̑ца . ноӕ^б̑ . въ . s҃ . дн҃ь ¹⁸ ❙

В лѣ^т̑ . ҂s҃ . х҃ . к҃г . [1115] Сщ҃ена бъı^с̑ церкъı каменаӕ Въıшегородѣ ¹⁹. м^с̑ца ⁷. маӕ . въ . а҃ . дн҃ь . в дн҃ь суботнъıи ²⁰. а въ . в҃ .и дн҃ь ²¹ пренесоша бра^т̑ӕ всѧ ст҃ою мчн҃ку ^Д Бориса и Глѣба . в дн҃ь не^д̑лнъıи ^Е. и повелѣ Володимеръ метати паволокъı . фофудью ²². и ѡрничѣ . бѣль . люде^м̑ силно налегши^м̑ . а бъıша легко дошли цр҃кве ²³. а въ . д҃ .и дн҃ь поставиша ӕ ²⁴ в рацѣ на мѣсту ²⁵. В ²⁶ том же лѣ^{т̑ 27}. престависѧ Ѡлегъ Ст҃ославичь . въ . и҃ . дн҃ь ²⁸. авгу^с̑ . м^с̑ца ⁷. в том же лѣ^т̑ Володимеръ үстрои мостъ чересъ Днѣпръ . В то же лѣ^{т̑ 29}. Володимеръ поиде к Мѣньску . генва^р̑ . въ . к҃и . ³⁰ и

взѧша Дреютескъ ¹ дѣти ѥго . а са^м̑ стоӕше оу Мѣньска ❙

В лѣ^т̑ . ҂s҃ . х҃ . к҃д . [1116] Ӕрополкъ Володиме|ричь . сруби городъ . Желни . Дрьючаномъ ² ихъже полони . в то^м̑ же лѣ^т̑ . престависѧ Мина єп^с̑пъ Полотьскъıи . м^с̑ца ³. июнѧ ⁴. въ ⁵ . к҃ . в то же лѣ^{т̑ 6}. Леѡнъ Диѡгеневичь . зѧть Володимерь . иде на ц^с̑рѧ ⁷. Алексиӕ . и вдашасѧ ѥму ^А. городъ Дунаискъı^х̑ нѣколико . и ⁸ в Дерестрѣ городѣ . Дунаистѣмь . лестью оубиста и ⁹ два Сорочинина послана ц^с̑рмь ¹⁰. м^с̑ца ^3Б. авгу^с̑ . въ ⁵ . е҃ı . дн҃ь ¹¹. в ¹² том же лѣ^{т̑ 13}. Ӕрополкъ ходи на Половьчскую землю . к рѣцѣ зовомѣи Донъ ¹⁴. и ту взѧ полонъ многь . и . г҃ . городъı взѧша ¹⁵ ІІоловечскъıѣ . Галинъ . Чешюєвъ ¹⁶. и Сугровъ . и приведе с собою Ӕсъı . и жену полони собѣ Ӕсъıню . в то же лѣ^т̑ . прсстависѧ Ѡлегъ Ст҃ославичь ^В ❙

В лѣ^т̑ . ҂s҃ . х҃ . к҃е . [1117] Володимеръ Всеволодичь . заложи цр҃ковь камену ¹⁷. ст҃ою мученику . в том же лѣ^т̑ Володимеръ приведе Мстислава сн҃а своѥго из Новагорода . а Новѣгородѣ сѣде ¹⁸ Мстиславичь ^Г.

В лѣ^т̑ .҂s҃ . х҃ . к҃s . [1118] Ходи Володимеръ на Ӕрославца Ст҃ополч[и]ча к Володимерю . и оумирисѧ с ни^м̑ . и ѿиде ¹⁹ Володимерь ѿ него сваривъсѧ на нь ²⁰ мног[о] ^Д. /л.97/ В то же лѣ^т̑ . престависѧ єп^с̑пъ бл҃женъıи Переӕславьскъıи Лазарь . м^с̑ца . се^м̑тѧбрѧ . въ . sı҃ . дн҃ь . и поставиша в него мѣсто . Силивестра . м^с̑ца генва^р̑ въ . а҃ . дн҃ь ^{21 Е} ❙

В лѣ^т̑ . ҂s҃ . х҃ . к҃з. [1119] Бѣжа Ӕрославець Ст҃ополчичь . из Володимерѧ в Лѧхъı . и посла Володимеръ сн҃ъ свои Романа . в Володимерь кнѧжитъ ²². в то же лѣ^т̑ . престависѧ ц^с̑рь ²³ Алексии . и по не^м̑ приӕ ц^с̑ртво сн҃ъ ѥго . Іѡа^н̑ Порфирогенитъ . в то же лѣ^т̑ престависѧ Романъ . кнѧжь ². сн҃ъ Володимерь . м^с̑ца ³. генва^р̑ . въ . еı҃ . дн҃ь ²⁵. и Глѣбъ престависѧ Всеславичь . в то же лѣ^т̑ посла Володимеръ сн҃ъ свои другъıи Андрѣӕ . кнѧжитъ Володимерю ^{26 Ж} ❙

В лѣ^т̑ . s҃ . х҃ . к҃и . [1120] Ӕрославъ ²⁷ ходи на Половци за Донъ . и не ѡбрѣтъ ихъ вороти^сѧ ѡпѧть ²⁸. и Геѡрги бра^т̑ ѥго ходи на Болгаръı . и взѧ полонъ многъ ²⁹. и полкъ ихъ побѣди . в то же лѣ^т̑ . бѣжаша Торци Берендичи . из Рускъıѣ земли . и тако мѧтущесѧ сде [и] ^З ѡндѣ ³⁰. и тако ³¹ погъıбоша ❙

В лѣ^т̑ . ҂s҃ . х҃ . к҃ѳ . [1121] Престависѧ митрополитъ Русскъıи . Никифоръ . м^с̑ца ^Б апри^{л̑ 32 И}. |

В лѣ^т̑ . ҂s҃ . х҃ . л҃ ³³ . [1122] Бъı^с̑ знаменьє в слн҃ци . м^с̑ца ^Б. марта . въ . ı҃ . дн҃ь ³⁴. и в лунѣ бъı^с̑ знаменьє . того^ж̑ м^с̑ца . въ . к҃д . дн҃ь . в се лѣ^т̑ . престависѧ кнѧгъıни Мстиславлѧ . м^с̑ца . генва^р̑ . въ . иı҃ . дн҃ь . в то же лѣ^т̑ . престависѧ єп^с̑пъ Гюргевьскъıи Данило . м^с̑ца . семтѧ^б̑ . въ . ѳ҃ . дн҃ь ³⁵. в то же лѣ^т̑ . приде митрополитъ изъ Ц^с̑рѧграда ³⁰ въ ст҃ую Соѳью . имене^м̑ Никита . и Амфилофии престависѧ єп^с̑пъ Володимерьскъıи . и землѧ потрѧсесѧ мало ³⁷. в то же лѣ^т̑ . ӕша Лѧхове Володарѧ Василкова брата ❙

В лѣ^т̑ . ҂s҃ . х҃ . л҃а ¹. [1123] Престависѧ Силивестръ єп^с̑пъ Переӕславьскъıи бл҃жнъıи . м^с̑ца . апри^л̑ . въ . в҃ı . дн҃ь . в великъıи четвергъ ^А. в то же лѣ^т̑ . престависѧ Дв҃дъ кнѧзь . Черниговскъıи Ст҃ославичь . в то же лѣ^т̑ . поставиша єп^с̑пмь Семеѡна Володимерю . и Феѡклистъ престависѧ . єп^с̑пъ Черниговскъıи . м^с̑ца . авгу^с̑ . въ . s҃ . дн҃ь . в се же лѣ^{т̑ 2}. оубьєнъ бъı^с̑ Ӕрославець . Стополчичь ³ оу Володимерѧ города . в то же лѣ^т̑ . падесѧ цр҃къı каменнаӕ Переӕславли ⁴ ста^г̑ Михаила . /л.97об./ юже бѧше создалъ . и оукраси^л̑ преблж҃нъıи єп^с̑пъ Переӕславскъıи . Єфрѣмъ . въ . г҃ . дн҃ь . маӕ . м^с̑ца ⁵. въ су^б̑ту ^Б пре^д̑ ве^ч̑рнею ❙

В лѣ^т̑ . ҂s҃ . х҃ . л҃к . [1124] Бъı^с̑ пожаръ великъ Къıєвѣ городѣ ⁶. ӕко погорѣвшю єму мало не всему . по два дн҃и по Подолью и по Горѣ . ӕко цр҃квии єдинѣхъ изгорѣ ⁷ близь . s҃ . сотъ . се же бъı^с̑ м^с̑ца . июнѧ . въ . к҃г . дн҃ь ^В. и въ . к҃д . ⁸ на рж^с̑тво Іѡа^н̑ Пр^д̑тчи ❙ В то же лѣ^т̑ . бъı^с̑ знаменьє въ сл҃нцї ^Г. въ . ѳ҃ . ча^с̑ . дн҃е ⁹ бъıвшю єму ^Д ӕко м^с̑ць малъ . и мало не смерчесѧ . по полудн҃ьи м^с̑ца . авгу^с̑ . въ . аı҃ . дн҃ь . в то же лѣ^т̑ престависѧ Василко Ростиславичь . и Ст҃ополчаӕ престависѧ . м^с̑ца . февра^л̑ . въ . к҃и . дн҃ь . в то же лѣ^т̑ . престависѧ Володарь кнѧзь Ростиславичь ^{10 Е} ❙

В лѣ^т̑ ҂s҃ . х҃ . л҃г . [1125] индикта третьӕго лѣ^т̑ . Престависѧ бл҃говѣрнъıи и ¹¹ великъıи кнѧзь Русскъıи Володимеръ ¹². сн҃ъ ^Ж бл҃говѣрна ¹³ ѡц҃а Всево[ло]да ¹⁴. оукрашенъıи добръıми нравъı . прослувъıи в побѣда^х̑ . ѥго ¹⁵ имене трепетаху всѧ

странъı ^З. и по всѣ^м̑ землѧ^м̑ изиде слу^х̑ ѥго . понеже оубо ¹⁶ ѡнъ всею | дшею възлюби Ба҃ . но и мъı мни^м̑сѧ Ба҃ любѧще ¹⁷. но аще ¹⁸ потщи^м̑сѧ заповѣди ѥго схранити ¹⁹. тогда ӕви^м̑сѧ Ба҃ любѧще ²⁰. любѧи бо мѧ ре^{ч̑ 21} заповѣди ѥго ²² хранить . се ²³ же чюднъıи кнѧзь Володимеръ . потщасѧ Бь҃ӕ хранити ²⁴ заповѣди . и ¹¹ Бь҃и страхъ при^с̑[но] имѣӕ в ср^д̑ци . поминаӕ ²⁵ слово Г^с̑не . иже ²⁶ ре^ч̑ ѡ семь познають въı вси члв҃ци . ӕко мои оуч҃нци єсте . аще любите другъ друга . и любите врагъı ваша . и добро творите ненавидѧщи^м̑ ва^с̑ . всѧ бо зломъıслы ѥго вда ²⁷ Бъ҃ подъ руцѣ ѥго . поне ²⁸ не взношашесѧ . ни величашесѧ . но на Ба҃ възлагаше все . и Бъ҃ покарѧше подъ нозѣ ѥго всѧ врагъı . ѡн же заповѣдь Бь҃ю ²⁹ хранѧ добро творѧше ³⁰ враго^м̑ своимъ . ѿпущаше ӕ ³¹ ѡдаренъı . мл^с̑твъ же бѧше ³² паче мѣръı . поминаӕ слово Г^с̑не гл҃щеѥ . блажени мл^с̑тивии ӕко ти помиловани буду^т̑ . и бл҃жнъ разумѣваӕи ³³ на нища и оубога . ӕко в дн҃ь лютъıи ³⁴ избавить и Г^с̑ь . тѣмь и не щадѧше имѣньӕ своѥго . раздаваӕ требующи^м̑ . и цр҃кви зижа и үкрашаӕ . чтѧшеть ³⁵ же излиха че/л.98/рнечьскъıи чинъ . и поповьскъıи . подаваӕ имъ єже ³⁶ на потребу . и приимаӕ ѿ ни^х̑ мл҃твъı ³⁷. велику же вѣру стѧжа к Бу҃ . и ³⁸ сродникома своима . к ст҃ъıма мчн҃кама ^{39 И}. Борису и Глѣбу . тѣмь и ¹¹ церковь прекрасну созда на Лтѣ ⁴⁰. во имѧ єю . идеже ста^г̑ Бориса кровь прольӕна бъı^с̑ . жалостив ^{41 Е} же бѧше ѡтинудь . и даръ си ѿ Ба҃ приӕ ⁴². да ѥгда в цр҃квь

внидѧшеть ¹. и слъıша пѣньє ² и ³ абьє слезъı испущашеть ⁴. и тако молбъı ко Вл^д̑цѣ Х^с̑у со слезами воспущаше ⁴. тѣмь и Бъ҃ всѧ прошеньӕ ^А ѥго свершаше . и ³ исполни лѣта ѥго в добродн҃ьствѣ ⁵. и посѣдѣ ⁶ Къıєвѣ ⁷ на ѡтни столѣ . гı҃ . лѣ^{т̑ 8}. и в лѣ^т̑ ҂s҃ . х҃ . л҃г . ѿ начала миру . престависѧ маӕ м^с̑цѧ . въ . ѳı҃ . дн҃ь ⁹. живъ ѿ рж^с̑тва ^{10 Б} своѥго . лѣ^{т̑ 11} . ѳ҃г . лѣта . престависѧ на Лтѣ оу милоє ¹² цр҃ьве ¹³. юже созда потщаньѥ^{м̑ 14} многъı^м̑ . сн҃ве же ѥго и болѧре несоша [и] ^В Києву ¹⁵. и положенъ бъı^с̑ в ст҃ѣи Соѳьи оу ѡц҃а своѥго .

[На^ч̑ло кнж҃ньа в Києве] ^Г. И сѣде ¹⁶ Къıѥвѣ ¹⁷. Мстиславъ сн҃ъ ѥго ¹⁸ старѣишии ¹⁹. кнѧжа с кротостью ²⁰. а ²¹ Ӕрополкъ бра^т̑ ѥго иде Переӕсл^авлю ²². Пото^м̑ же оуслъıшавше Половци . ӕко үмерлъ ѥсть Воло|димеръ кнѧзь . присунушасѧ ²³ вборзѣ^{х̑ 24}. и наворопиша изгоно^м̑ . къ Барочю ²⁵. и ко Бронь кнѧзю ²⁶. хотѧщю ²⁷ полонити Торкъı проклѧтъıӕ . и с тѣми повоєвати Русску землю . но Бъ҃ въ изумѣньѥ ²⁸ положи свѣтъ ²⁹ и^х̑ . и не оуспѣша ничтоже . Ӕрополку бо вѣсть ³⁰ єсть ³¹. и въгна Торкъı в городъ тоѥ ³² ночи . и егда воротишасѧ ³³ ѡпѧть Половци . кнѧзь же ³⁴ Ӕрополкъ . оукрѣпивъсѧ Бь҃єю помощью . не жда иноє помощи ни брата . ни другаго . токмо с Переӕславци своими . испостиже ³⁵ ӕ оу Полкъстѣнѧ ³⁰. и воротишасѧ Половци ³⁷. и поидоша исполчившесѧ противу . тогда же ³⁸ бл҃говѣрнаго кнѧзѧ корень . бл҃говѣрнаӕ ³⁹ ѿрасль . Ӕрополкъ призвавъ имѧ Бь҃є . и ѡц҃а своѥго помѧнувъ . дерзну ⁴⁰ с дружиною своєю . и побѣди поганъıӕ . силою ч^с̑тнаго кр^с̑та . а друзии истопоша в рѣка^{х̑ 41}. и тако воротисѧ кнѧзь Ӕрополкъ . хвалѧ и славѧ Ба҃ . ѡ таковѣи помощи . и ѡ ⁴² дарѣ Бь҃и ❙

В лѣ^т̑ . ҂s҃ . х҃ . л҃д ❙— [1126] Постави кнѧзь Ӕрополкъ игумена Марка ста^г̑ Іѡа^н̑ . ѥгоже /л.98об./ постави Никита митрополитъ єп^с̑помь Переӕславлю ²². м^с̑ца . ѡктѧ^б̑ . въ . д҃ . дн҃ь ⁴³. в то же лѣ^{т̑ 44} престависѧ митрополитъ Никита ^Д. м^с̑ца . марта . въ . ѳ҃ . дн҃ь . а кнѧгини Володимерѧ . престависѧ . м^с̑ца . июнѧ . въ . аı҃ . дн҃ь ⁴⁵. в то же лѣ^{т̑ 46} потрѧсесѧ землѧ . м^с̑ца . авгу^с̑ . въ . а҃ . дн҃ь . и ⁴⁷ въ ча^с̑ . и҃ . нощи .

В лѣ^т̑ .҂s҃ . х҃ . л҃е . [1127] Престависѧ Ст҃ополчичь меншии Брѧчиславъ . м^с̑ца . марта . въ . к҃и . дн҃ь ⁴⁸. и ⁴⁹ погребенъ ^Е априлѧ въ ⁵⁰ . є҃ . в се же лѣ^т̑ . въıгна Ѡлговичь Всеволодъ . своѥго стръı[ӕ] ⁵¹. Ӕрослава . ис Чернигова . и дружину ѥго исѣче . и разграби . Мстистав же съ Ӕрополко^м̑ совокуписта ⁵² воѣ . хотѧще ити ⁵³ на Всеволода . про ^Ж Ӕрослава . и Всеволодъ посласѧ ⁵⁴ по Половцѣ . и приде ихъ . з҃ . тъıсѧщь . со Селукомь ⁵⁵. и с Ташемъ . и сташа оу Ратьмирѣ ⁵⁶ дубровъı . за Въıремь . послали бо бѧхуть ⁵⁷ послъı ко Всеволоду . и не пропустиша и^х̑ ѡпѧть . Ӕрополчи бо бѧхуть ⁵⁷ посадници . по всеи Семи . и Мстиславича Изѧслава посадилъ Курьскѣ ⁵⁸. и изъимаша послъı ихъ на Локнѣ ^З. | и приведоша

и ¹ къ Ӕрополку . и Половци не взе^м̑ше вѣсти ѿ Ѡлговичь . сотснувшеси ² с бѣго^м̑ возворотишасѧ ³. Мстиславу же боле налѣгающю ⁴ на Всеволода . река ⁵ ѥму повелъ ѥси Половци . и не оуспѣлъ ѥси ничтоже . ѡному ^А же боле ємшюсѧ ⁶ мольбѣ . и болѧръı подъоучаӕ и даръı даӕ . и тако пребъı^{с̑ 7} все лѣто до зимъı . и приде Ӕрославъ из Мурома . и поклонисѧ Местиславу . река хр^с̑ь ѥси ко мнѣ ^Б цѣловалъ поиди ⁸ на Всеволода . и Всеволодъ боле поча молитисѧ Мстиславу ^{9 В}. не оуспѣӕше ¹⁰ противу хр^с̑ьному цѣлованью . бѧшеть бо ¹¹ в тъı дн҃и Григореи игуменъ ста^г̑ Андрѣӕ . иже бѣ люби^м̑ Володимеру . честенъ же ѿ Мстислава ¹². и ѿ всѣ^х̑ людии . то ¹³ же не дадѧшеть ¹⁴ на рать по Ӕрославѣ никому же молвити . река ¹⁵ на тѧ ¹⁶ будеть ¹³ грѣхъ . аже переступишь хр^с̑ьноє цѣлованьє ¹⁷. то єсть л^ьжѣє . неже прольӕтн кровь хр^с̑ьӕньску . и совкупи въсь ¹⁸ сборъ иєрѣискъıи . митрополита бо в то времѧ не бѧше . и рекоша Мстиславу . на нъı буди то ¹⁹ грѣ^х̑ створи ^Г миръ . и ство/л.99/ри волю ихъ и переступи хр^с̑ь къ Ӕрославу . и плакасѧ того всѧ ²⁰ дни живота своѥго . и ²¹ Ӕрославъ иде ѡпѧть Мурому ²². В то же лѣ^{т̑ 23}. посла кнѧзь Мстиславъ бра^т̑ю свою на Кривичѣ . четъıрми пути . Вѧчеслава ис Турова . Андрѣӕ из Володимерѧ . а Всеволодка из Городна . и Вѧчесл^ава Ӕрославича исъ Кльчьска ²⁴. тѣмь повелѣ ити къ ²⁵ Изѧславлю . а Всеволоду Ѡлговичю повелѣ ити с своєю бра^т̑ѥю ²⁶ на Стрѣжевъ ^Д к Борисову . и Ивана Воитѣшича туже посла с Торкъı . и сн҃а своѥго Изѧслава ис Курьска . с свои^м̑ полко^м̑ посла и ²⁷ на Логожескъ . а другаго сн҃а своѥго Рости[сла]ва ^Е посла ²⁸ с Смолнѧнъı . на Дрьютескъ . рекъ имъ в одинъ дн҃ь всѣ^м̑ пустити на воропъ . м^с̑ца ²⁹. авгу^с̑ . въ . д҃ . дн҃ь ³⁰. Изѧслав же оускори ³¹ дн҃емъ передъ братьєю . и заӕ люди ѿ города . ѡни же оустрашившесѧ передашасѧ . а ^{32 Ж} Изѧславци почаша битисѧ . с Вѧчеславомъ и съ Андрѣємъ . Изѧслав же перестрѧпъ ³³ два дн҃и оу Логожьска . иде пакъı ³⁴ [И]зѧславлю ^З къ стръıєма своима . водѧ с собою и ³⁵ Брѧчислава зѧтѧ своѥго . | иже бѧше пошелъ къ ѡц҃ю своєму . бъıвъ бо ³⁶ посредѣ ³⁷ пути ³⁸. и ³⁵ ѡстрашивъсѧ не мога поити . ни сѣмо ни ѻнамо ³⁹. и иде шюрину ⁴⁰ своѥму в руцѣ . и Л[о]гожанъı ⁴¹ приведе . иже бѧше велъ ⁴² из Логожьска . и видѣвши ⁴³ Изѧславци кнѧзѧ своѥго . и Логожанъı ӕже ⁴⁴ бес пакости суть переӕти . и дашасѧ рекше Вѧчеславу призови ⁴⁵ нъı Ба҃ . ӕко на^с̑ не даси на щитъ . и бъıвшю вечеру . Воротиславъ Андрѣєвъ тъıсѧчьскъıи . и Иванко Вѧчеславль . въсласта ѡтрокъı своѣ в городъ . и свитающю ⁴⁶ увѣдѣвше вси вои ⁴⁷ тако взѧша и нощи ⁴⁸. и ³⁵ єдва Мстиславнъı ⁴⁹ товаръ оублюдоша ⁵⁰. и то с нужею бьющесѧ ⁵¹. и тако възвратишасѧ со многъı^м̑ полоно^м̑ . потом же и ³⁵ Новгородци придоша . со Мстиславичемъ со Всеволодомь .

к Неколочю ¹. и ² тако [и] ^А Пополочане ^Б сътснувшеси ³ въıгнаша Дв҃да и с сн҃ъми . и поємше ⁴ Роговолода . идоша ⁵ къ Мстиславу просѧще ⁶ и ⁷ собѣ кнѧзе^м̑ . и створи ^В волю ихъ Мстиславъ . и поимше ⁸ Роговолода ведоша и Полотьску ⁹. В се же лѣ^т̑ . /л.99об./ престависѧ Изѧславъ Ст҃ополъчичь . м^с̑ца ¹⁰. дека^б̑ . въ . г҃ı . дн҃ь ¹¹. а погребенъ бъı^с̑ . въ . к҃д . дн҃ь ^{12 Г}.

В лѣ^т̑ . ҂s҃ . х҃ . л҃s ¹³ . [1128] Престависѧ кнѧзь Полотьскъıи Борисъ . В се же лѣ^т̑ . Бъı^с̑ вода велика . потопи люди . [и] ^А жита . и хоромъı оунесе . В се лѣ^т̑ . преӕша ¹⁴ цр҃квь Дмитриӕ Печерѧне . и нарекоша ю Петра ^Д. съ грѣхо^м̑ велики^м̑ . и неправо . В то же лѣ^т̑ . заложи цр҃квь . Мьстиславъ кнѧзь ¹⁵ камену . ста^г̑ Ѳеѡдора Ѻ си^х̑ же Всеславичи^{х̑ 16} сице єсть ӕко ¹⁷ скзаша вѣдущии пре^{ж̑ 18}. ӕко ¹⁹ Роговолоду держащю и владѣющю и кнѧжащю Полотьскүю землю ²⁰. а Володимеру сущю Новѣгородѣ . дѣтьску сущю . єще и ²¹ погану . и бѣ оу него [оуи єго] ^Е Добръıна ²². воєвода и ² храборъ и нарѧденъ мужь. ^ись ²³ посла к Роговолоду . и проси оу него дщере ²⁴ [єго] ^Ж за Володимера . ѡн же ре^ч̑ дъщери своєи . хощеши ли за Володимера . ѡна же ре^ч̑ не хочю розути робичича . но Ӕрополка хочю . бѣ бо Роговолодъ перешелъ ²⁵ изъ заморьӕ . имѣӕше волость сво|ю Полтескъ . слъıшавше ²⁶ же Володимеръ разгнѣвасѧ ²⁷ ѡ тои рѣчи ѡже ре^{ч̑ 28} не хочю ӕ за ²⁹ робичича . пожалиси ³⁰ Добръıна и исполнисѧ ӕрости . и поємше ³¹ вои [и] ^А идоша ³² на Полтескъ . и побѣдиста Роговолода . Рогъволодъ же вбѣже ³³ в городъ . и приступивъше к ³⁴ городу и взѧша городъ ³⁵. и самого [кн҃зѧ Роговолода] ^З ӕша ³⁶ и жену ѥго . и дщерь ѥго . и Добръıна поноси ѥму ^З и дщери ѥго . нарекъ єи робичица ³⁷. и повелѣ Володимеру бъıти с нею . пре^д̑ ѡц҃мь єӕ и мт҃рью . пото^м̑ ѡц҃а єӕ ³⁸ оуби . а саму поӕ ³⁹ женѣ . и нарекоша єи имѧ Горислава . и роди Изѧслава . поӕ же пакъı инъı ⁴⁰ женъı многъı . и нача єи негодовати . нѣколи же ⁴¹ єму ^И пришедшю ⁴² к неи . и оуснувшю . хотѣ и ⁴³ зарѣзати ⁴⁴ ножемь . и ключисѧ ѥму оубудитисѧ . и ӕ ю за руку . ѡна же ре^ч̑ сжалиласи ⁴⁵ бѧхъ . зане ѡц҃а моѥго үби . и землю ѥго полони мене дѣлѧ . и се нъıнѣ не любиши мене и ² съ младенце^м̑ симь . и повелѣ єю ⁴⁶ оустроитисѧ ^Д во всю тварь ц^с̑рьскую ⁴⁷. ӕкоже в дн҃ь посага ^І єӕ . и сѣсти на постели свѣтлѣ . в храминѣ да пришедъ потнеть /л.100/ ю . ѡна же тако створи . и давши же ⁴⁸ мечь съıнови своѥму ⁴⁹ Изѧславу в руку нагъ . и ре^ч̑ ӕко внидеть ти ѡц҃ь ^И рци ⁵⁰ въıступѧ . ѡч҃е ѥда ѥдинъ ^Л мнишисѧ ходѧ . Володимеръ же ре^ч̑ . а хто тѧ мнѣлъ ^М сдѣ . и повергъ мечь свои . и созва болѧръı . и повѣда и^м̑ . ѡни же рекоша оуже не оубии єӕ дѣтѧти дѣлѧ сего . но

въздвїгни ѡтчину єӕ . и даи єи с съıно^м̑ своимъ . Володимеръ же оустрои городъ . и да ¹ има . и наре^ч̑ имѧ городу тому ^{2 А} Изѧславль . и ѿтолѣ мечь взимають ³. Роговоложи внуци . противу Ӕрославли^м̑ внуко^{м̑ 4} ❙

В лѣ^т̑ .҂s҃ . х҃ . л҃з . [1129] Престависѧ Ӕрославъ Ст҃ославичь Муромѣ ⁵. в то же лѣ^т̑ . престависѧ Михалко Вѧчеславичь . в то же лѣ^т̑ . поточи Мстиславъ кнѧзь ⁶ Полотьскъıѣ Ц^с̑рюгороду ⁷. с ⁸ женами и с ⁹ дѣтьми .

В лѣ^т̑ . ҂s҃ . х҃ . л҃и . [1130] Посла Мстисл^авъ сн҃ъı своӕ . Всеволода . и ¹⁰ Изѧслава . и ¹⁰ Ростислава . с дружиною ихъ на Чюдь . и взѧша и . и дань на нь ¹¹ възложиша .

В лѣ^т̑ . ҂s҃ х҃ . л҃ѳ . [1131] [Кн҃зь великии] ^Б Мстиславъ ходи н^а Литву . и вземъ полонъ многъ и воротисѧ ѡпѧть ¹². В то же лѣ^т̑ за|ложи ¹³ цр҃квь Мстиславъ ст҃ъıӕ Бц҃а . Пирогощюю ❙—

В лѣ^т̑ . ҂s҃ . х҃ . м҃ . [1132] Престависѧ Мстиславъ сн҃ь Володимерь . м^с̑ца . апри^л̑ . въ . дı҃ . дн҃ь ¹⁴. И сѣде по немь бра^т̑ ѥго Ӕрополкъ кнѧжа Къıєвѣ . людьє ¹⁵ бо Къıӕне послаша ¹⁶ по нь . В то же лѣ^т̑ . Ӕрополкъ приведе Всеволода Мстиславича . из Новагорода . и да єму Переӕславль по хр^с̑ьному цѣлованью . акоже сѧ бѧше оурѧди^л̑ с брато^м̑ свои^м̑ Мстиславомь . по ѡтню повелѣнью . акоже бѧше ¹⁷ има далъ Переӕславль съ Мстиславо^м̑ . съ заоутрьӕ ¹⁸ сѣде в не^м̑ . а до ¹⁹ ѡбѣда въıгна и ²⁰ Гюрги . приѣхавъ с полко^{м̑ 21} на нь . и сѣде Гюрги дн҃ии . и҃ . и въıведе ²² и Ӕрополкъ хр^с̑ьнаго ради цѣлованьӕ . и посла по другаго Мстиславича . [но Изѧслава] ^В в Полтескъ . и приведе и с ²³ клѧтвою . ѡн же ѡставивъ ²⁴ брата Ст҃ополка в Полотьскѣ . и приде ²⁵ в Переӕславль на Г^с̑жинъ дн҃ь . Полочане же рекше лишаєтсѧ насъ . и въıгнаша Ст҃ополка . а Василка ^Г посадиша Ст҃ославича . видѣвъ же то Ӕрополкъ оуладисѧ ²⁶ с братьєю . и да Переӕславль Вѧчеславу . а Изѧсла/л.100об/ва въıведе с ²⁷ нужею . и ¹⁰ тоє же зимъı даша Изѧславу Туровъ . и Пинескъ . к Мѣньску . то бо ²⁸ бѧшеть ѥго ѻсталосѧ ²⁹ передьниѣ ³⁰ волости ѥго ❙

В лѣ^т̑ .҂s҃ . х҃ . м҃а . [1133] Ӕрополкъ посла Мстисл^авича Изѧслава . къ братьи Новугороду ³¹. и даша дани Печерьскъıѣ . и ѿ Смолиньска даръ . и тако хр^с̑ь цѣловаша . и ³² поча лишатисѧ Вѧчеславъ Переӕславлѧ . и дошедъ Городца воротисѧ ѡпѧть.

В лѣ^т̑ . ҂s҃ . х҃ . м҃в . [1134] Престависѧ Маркелъ єп^с̑пъ . Переӕславьскъıи . м^с̑ца . генва^р̑ . въ . s҃ . В ту же зиму ³³ въıиде ³⁴ Вѧчеславъ ис Переӕславл^ѧ . и ³² иде ѡпѧть Турову ³⁵ не послушавъ брата своѥго Ӕрополка .

В лѣ^т̑ . ҂s҃ . х҃ . м҃г . [1135] Геѡргии кн^ѧзь Володимеричь . испроси ү брата своѥго Ӕрополка Переӕславль . а Ӕрополку вда ³⁶ Суждаль . и Ростовъ . и прочюю волость свою но не всю . В то же лѣ^т̑ . ис Турова иде Изѧсл^авъ в Мѣнескъ . ѿтолѣ же иде Новугороду к братьи ³⁷. и сложишасѧ Ѡлговичи ³⁸ и с Дв҃довичи . и всташа вси на рать . и ¹⁰ иде Мстиславичь Всеволодъ . и Изѧславъ на Росто|въ . и на Волзѣ воротишасѧ Новгородьци . и ³² иде Всеволодъ ѡпѧть Новугороду ³¹. а Изѧславъ ѡста на Волоцѣ . на ту же ³⁹ ѡсень

оувѣдавъ ѡже идеть Ӕрополкъ съ братьєю к Чернигову . и ¹ иде тамо же . В то же лѣ^{т̑ 2}. про то заратишасѧ Ѡлговичи . с Володимеричи . и идоша . Ӕрополкъ . Гюрги . Андрѣи . к Чернигову на Ѡлговичѣ ³. и сташа не дошедше города . и стоӕше ⁴ нѣколико дн҃ии . и воротишасѧ ѡпѧть . м^с̑цѧ . ноӕ^{б̑ 5}. Тоѥ же зимъı придоша Ѡлговичи с Половци . и взѧша Городокъ ⁶. и Нѣжатинъ . и село ⁷ пожгоша . и Баручь пожгоша . а людьє оуидоша . и многъ ⁸ полонъ взѧша ⁹. скотъı . и конѣ . Тоѥ же зимъı погремѣ . м^с̑цѧ . дека^б̑ . въ . ı ҃ ¹⁰ ❙— Тоѥ же зимъı Ӕрополкъ . согна воѣ Къıѥвьскъıӕ . а Гюрги Переӕславцѣ . и ¹ стоӕша . и҃ . дн҃ии оу Къıєва . и оумирисѧ Ӕрополкъ со Всеволодо^м̑ . и даша Переӕславль Андрѣєви . брату своѥму . а Володимерь Изѧславу . Мстиславичю . Тоѥ же зимъı бишасѧ Новгородци с Ростовци [на Жь^дни горѣ] ^А. и побѣдиша /л.101/ Ростовци . Новгородцѣ ¹¹. и побиш^а мно^ж̑ство ихъ . и воротишасѧ Ростовци с побѣдою великою .

В лѣ^т̑ . ҂s҃ . х҃ . м҃д . [1136] Приведе Ӕрополкъ брата ¹² своѥго Андрѣӕ . из Володимерѧ. Переӕславл^{ю 13} кнѧжитъ ¹⁴. В то же лѣ^т̑ . почаша ¹⁵ съ Ѡлговичи ¹⁶ рать имѣти ¹⁷. и начаша ¹⁸ воєвати . села и городъı по Сулѣ . и придоша к Переӕславлю . и многъı пакости створиша ^Б. и Оустьѥ пожгоша и ѿидоша .Вперёдои . и ¹⁹ изидоша противу имъ Володимеричи . и бъıвшю сступленью ²⁰ ѡбѣма полкома . и бишасѧ крѣпко . но ²¹ вскорѣ побѣгош^{а 22} Половци . Ѡлговичь ²³. и ¹⁹ погнаша ²⁴ по ни^х̑ Володимерича ²⁵ дружина лучшаӕ . и биша и ²⁶ женучи ^{27 В} много . и воротишасѧ ѡпѧть на полчище . и не ѡбрѣтоша кнѧжеѣ вои . и ²⁸ впадоша Ѡлговичемъ в руцѣ . и тако изъимаша ²⁹ и ²⁶. держаще стѧгъ Ӕрополчи ³⁰. и ӕша боӕръ много . Двда . Ӕруновича тъıсѧчьскаго Къıєвьскаго . и Станислава добраго Тудъковича ³¹. и прочи^х̑ много ³². И внукъ Володимерь ³³ Василко . Маричиниць ³⁴ оубьєнъ бъı^с̑ ту . а | Володимеричи придоша Къıєву ³⁵. се же сдѣӕсѧ ³⁶. м^с̑ца . авгу^с̑ . въ . и҃ . дн҃ь ³⁷. И паки крамола бъı^с̑ в ни^х̑ немала . шедши ³⁸ бо ти ³⁹ же Ѡлговичи с Половци . взѧша ⁴⁰ Треполь . и Халѣпъ пуста ⁴¹. и придоша г ⁴² Къıѥву . хотѧще ⁴³ битисѧ сс ⁴⁴ Володимеричи . и прольӕти кровь хотѧще ⁴⁵ хр^с̑ьѧньскую . хвалѧшесѧ ⁴⁶ в гордости своєи . и ⁴⁷ Бъ҃ не вда ⁴⁸ имъ того створити ^Г. а ⁴⁹ Ӕрополкъ собра вои многъı . с братьѥю своєю . моглъ бъı ⁵⁰ сѧ бити с ними . но того не створи ^Б Ба҃ сѧ оубоӕвъ . но үмирисѧ с ними . и идоша к Чернигову ѡпѧ^т̑ . В то же лѣ^{т̑ 51} престависѧ Симеѡнъ . єп^с̑пъ . Володимерьскъıи .

В лѣ^т̑ . ҂s҃ . х҃ . м҃е . [1137] Поставиша єп^с̑па Мануила скопца Смолиньску ⁵². пото^м̑ другого скопца Володимерю . єп^с̑па ⁵³ Ѳеѡдора ❙

В лѣ^т̑ . ҂s҃ . х҃ . м҃s . [1138] Мстиславичь Всеволодъ . внукъ Володимерь . ѥго же въıгна[ша] ⁵⁴ Новгородци ѿ себе . ѡн же приде к стръıѥви своѥму . Ӕрополку ⁵⁵ Къıѥву ⁵⁶. и да ѥму Въıшегородъ .

и ту сѣдѣ . лѣ^т̑ . ѡдино ¹. и придоша по нь ² Плесковичи ³. сдума/л.101об./вше с Новгородци . Коснѧтинъ ⁴ тысѧчьскъıи . а ис Плеск^ова ⁵ Жирѧта . с-ъıною ⁶ дружиною . и иде с дружиною своѥю . и ⁷ пребъı^{с̑ 8} тамо мало и сконьча ^А животъ свои . и положиш^а и ⁹ оу ¹⁰ цр҃кве ст҃ъıӕ Трц҃а . юже бѣ самъ создалъ . В то же лѣ^т̑ . престависѧ . Єоуфимьӕ Володимерна . и положена бъı^с̑ на Берестовѣмь оу ст҃го Сп҃са ¹¹. Тоє же зимъı въıгнаша Новгородци Ѡлговича из Новагорода . а Гюргевича поӕша . Ростислава кнѧжитъ оу себе . Того же лѣ^{т̑ 12}. послаша Ѡлговичи ¹³ по Половци . и н^ачаша воєвати по Сулѣ . Андьрѣѥви же не могущю супротивити[сѧ] ^Б имъ . а ѿ братьи не бъı^с̑ ѥму помощи . и всхотѣ лишитисѧ Переӕславлѧ . и тако ¹⁴ бъı^с̑ пагуба Посулце^{м̑ 15}. ѡво ѿ Половець . ѡво же ѿ своихъ посадникъ . и ¹⁶ тако оувѣдѣвше ¹⁷ Ѡлговичи . ӕко Андрѣєви не бъı^с̑ помощи ѿ братьѣ . и лестнъıми словесъı . акъı бес печали и ⁷ створиша ^В. Того^ж̑ лѣ^{т̑ 18}. ӕша Ѡлговича ¹⁹. Ст҃ослава . бѣжаща ²⁰ из Новагорода . и приде вѣсть | Ӕрополку ²¹. и ⁷ ѿтолѣ больми ²² почаша ²³ воєвати Ѡлговичи . и приведоша Половець ²⁴ множьство ^В. и взѧша Прилукъ . и хотѧща ²⁵ поити г ²⁶ Къıєву . и оувѣдѣша ²⁷ ѡже Ӕрополкъ доспѣлъ . с братьєю своєю . и идоша ѡпѧ^т̑ к Чернигову . Ӕрополку ²⁸ же скопившю ²⁹ множьство ^В вои . Ростовцѣ . Полочанъı . Смолнѧне . Оугръı ³⁰. Галичане . и Берендѣєвъ . л҃ . тъıсѧчь . и Къıӕне . Переӕславци . Володимерци ³¹. Туровци . и бѣ мно^ж̑ство ^{32 В} вои . и поиде Чернигову ³³. и людьє Черни[го]вци ^Г возпиша ко Всеволоду . тъı надѣѥшисѧ бѣжати в Половцѣ . а волость свою погубиши . то ³⁴ к чему сѧ ѡпѧть воротишь ³⁵. луче того ѡстанисѧ въıсокооумьӕ своѥго . и проси си ³⁶ мира . мъı бо вѣмъı мл^с̑рдьє Ӕрополче . ӕко не радуєтсѧ кровипролитью ³⁷. но Ба҃ ради всхощеть мира . то ³⁸ бо сблюдаѥть землю Русскую ³⁹. Всеволод же то слъıшавъ . ӕко [смысленъ сыи] ^Д вниде в сѧ и ре^ч̑ . луче є смиритисѧ ⁴⁰ Ба҃ ради . и посла с покореньє^м̑ къ Ӕрополку . [и] ^Е испроси миръ . и цѣловаша ⁴¹ ч^с̑тнъıи кр^с̑тъ . и ство/л.102/ри ⁴² миръ . и разидошасѧ ⁴³ славѧще Ба҃ . И посемь пакъı створиста ^В миръ . Ӕрополкъ . со Свеволодо^{м̑ 44}. Ѡлговичемь . и даръı многъı межю собою даӕше ⁴⁵. и идоста разно в своӕ си . и на ту нощь дивно бъı^с̑ знаменьє на нбс҃и . Тоѥ же ѡсени [престави Глѣбъ Ѡлговичь ჻ [т]оє же зимы] ^Ж престависѧ блг҃овѣрнъıи кнѧзь Ӕрополкъ . Володимеричь . м^с̑ца ⁴⁶. февра^л̑ . въ ⁴⁷ . и҃ı . дн҃ь ⁴⁸. И ⁷ положенъ бъı^с̑ оу ста^г̑ Андрѣӕ . и вниде Вѧчеславъ бра^т̑ ѥго в Къıѥвъ . и люде^м̑ с митрополито^м̑ срѣтши^{м̑ 49} ѥго . и посадиша и ⁷ на столѣ прадѣда своѥго Ӕрослава . м^с̑ца ^{46 З}. февра^л̑ . въ ⁴⁷ . к҃в . дн҃ь ⁴⁸. И приде Ѡлговичь с Въıшегородци ⁵⁰. пристроивъсѧ с братьєю своѥю . и присъıлаӕ к Вѧчеславу ⁵¹. иди з добромъ из ⁵² города . ѡн же не хотѧ крови пролити . не бисѧ с ними ⁵³.

и смири и ¹ митрополитъ . и оутверди ӕ кр^с̑тмь ч^с̑тнъıмъ. и иде ѡпѧть Турову ². а Всеволодъ вниде ⁸ в Къıєвъ . м^с̑ца ⁴. марта . въ ⁵ . е҃ . дн҃ь ⁶. А в Черниговѣ посади : Володимера . Двд҃вича ❙

Назад    Оглавление    Вперёд