ЛАВРЕНТЬЕВСКАЯ ЛЕТОПИСЬ

 

Назад    Оглавление    Вперёд

В лѣ^т̑ . ҂s҃ . х҃ . м҃з . [1139] Сѣде ⁷ Ѡлговичь в Къıѥвѣ . и нача замъıшлѧти на Володи|меричѣ . и на Мстиславичѣ ⁸. надѣӕсѧ силѣ своєи . и хотѣ ⁹ са^м всю землю держати ¹⁰. с своєю бра^т̑ѥю . искаше подъ Ростиславо^{м̑ А} Смолиньска . и подъ Изѧславо^м̑ Володимерѧ . и посла воѣ на Изѧслава река иди из Володимерѧ . и дошедше Горинъı пополошившесѧ бѣжаша ¹¹ ѡııѧть . и ¹² тогда Всеволодъ приведъ ¹³ брата . ис Курьска Ст҃ослава . и иде с ни^м̑ Переӕславлю ¹⁴. на Андрѣӕ . и хотѧше ⁹ въıгнати Андрѣа . а брата своѥго ¹⁵ посадити . а Андрѣєви ре^ч̑ иди Курску ¹⁶. и Андрѣи тако ре^ч̑ . сдумавъ с дружиною своєю . лѣплѣѣ ми того ¹⁷ смр҃ть а с^овоєю дружиною ¹⁸. на своєи воѡчинѣ ¹⁹. и на дѣднѣ ²⁰. нежели Курьскоє кнѧженьє . ѡц҃ь мои Курьскѣ ²¹ не сѣдѣлъ . но в Переӕславли . и ²² хочю на своєи ѡчинѣ ²³ см҃рть приӕти . ѡже ²⁴ ти брате не досъıти всю ²⁵ землю Русскую ²⁶ держаще ²⁷. а хочешь и ²⁸ сеѥ ²⁹ волости . а оубивъ мене тобѣ то ³⁰ волость . а живъ не иду ³¹ из своѥѣ волости . ѡбаче ³² не дивно нашему роду . тако /л.102об./ и преже бъıло же ³³. Ст҃ополкъ про волость же ³³ ци не оуби ³⁴ Бориса . и Глѣба . а самъ ци долго ³⁵ поживе . и стоӕше ³⁶ Всеволодъ на Днѣпрѣ . и посла Ст҃ослава брата своѥго . к Переӕславл^ю с полкъı . и оустрѣтоша и ¹² Аньдрѣєва дружина . и бишасѧ с ними . и поможе Бъ҃ Андрѣѥвиче^м̑ . на Ст҃ослава ³⁷. и гониша по ни^х̑ до Коранѣ . а далѣ не пусти Андрѣи дружинъı своѥӕ . и заоутра миръ створиша ^Б. и на ту нощь загорѣсѧ городъ . м^с̑цѧ ⁴. се^м̑тѧбрѧ . въ ⁵ . а҃ . дн҃ь ⁶. но не ѿ ратнъı^х̑ . по то^м̑ же лѣ^т̑ . приде Половечскаӕ землѧ всѧ ³⁸. и ³⁹ кнѧзи Половечскиѣ вси . на миръ . и ходїста к ни^м̑ Всеволодъ ис Къıєва . а Андрѣи ис Переӕславлѧ . к Малотину . и створиша ⁴⁰ с ними миръ . Того же лѣ^{т̑ 41}. пустиша Новгородци . Гюргевича ^{42 В} ѿ себе . а ко Всеволоду пустиша дѣти своѣ в тали . рекуще ⁴³ пусти к на^м̑ Ст҃осл^ава . и посла к ни^м̑ Ст҃ослава кн^ѧжитъ ❙

В лѣ^т̑ . ҂s҃ . х҃ . м҃и [1140] Новгородци въıгнаша Ст҃ослава . а ко Всеволоду прислаша ⁴⁴ єп^с̑па с мужи ⁴⁵ своими . реку|ще даи на^м̑ сн҃ъ свои . а Ст҃ослава не хоче^м̑ . и посла к ни^м̑ сн҃ъ свои ⁴⁶. и бъıвшю ѥму Черниговѣ ⁴⁷. и Новгородци сдумавше рекоша Всеволоду . не хоче^м̑ сн҃а твоѥго . ни брата . ни племени вашего . но хоче^м̑ племени Володимерѧ . Всеволодъ же посла по ни^х̑ и вороти єп^с̑па с ними . и держа ⁴⁸ и ^Г съ єп^с̑пмъ . а ⁴⁹ Новгородци сдумавше рекоша . даи нъı шюрина своѥго Мстиславича ^А. Всеволодъ ⁵⁰ же не хотѧ перепустити ⁵¹ Новагорода Володимериче^{м̑ 52}. призва шюрина своӕ и да има ⁵³ Берестии река Новагорода не березѣта ⁵⁴. ати ⁵⁵ сѣдѧть о своєи силѣ . кдѣ си ⁵⁶ кнѧзь ни ⁵⁷ налѣзуть . а Новгородци держа зиму и лѣто . и ¹² съ єп^с̑пмъ ❙

В лѣ^т̑ . ҂s҃ . х҃ . м҃ѳ . [1141] Новгородци не стерпѧче ¹ безо кнѧзѧ сѣдити ². ни жито к ни^м̑ не идѧше ни ѿкуду же . и ємлюще метахуть и в погробъ ³. а ѡнѣмъ не стерпѧще^{м̑ 4}. шедше к Гюргеви ⁵ рекоша ⁶. ѡже к на^м̑ не пуститъ Ѡлговичь Ст҃ополка . а мъı Ѡлговича не хоче^м̑ . а любо к на^м̑ самъ поиди . любо сн҃а пусти ⁷. и посла к ни^м̑ сн҃а своѥго Ростислава . /л.103/ Тоє же зимъı престависѧ блг҃овѣрнъıи и х^с̑олюбивъıи кнѧзь добръıи . Андрѣи . Володимеричь Переӕславли ⁸. м^с̑ца ⁹. генварѧ . въ ¹⁰ . к҃в . дн҃ь ¹¹. А въ третии межю десѧ ^{12 А} похороненъ ¹³ оу ста^г̑ Михаила . ѥгда же и несѧхуть ¹⁴ к гробу . дивьно знаменьє бъı^с̑ на нб҃си . и страшно . бъıша . г҃ . сл҃нца сиӕюща ¹⁵ межи собою . а столпи ¹⁶ . г҃ . ѿ землѧ до нб҃се . надо вьсѣми горѣ бѧше акъı дуга м^с̑ць . ѡсобѣ стоӕче ¹⁷. и стоӕша знаменьӕ та . дондеже похорониша и ¹⁸. Тоѥ же зимъı престависѧ Всеволодъко . Городецьскъıи ¹⁹ кнѧзь . тогда же посла Всеволодъ ис Къıѥва . на Вѧчеслава . река сѣдиши в Къıѥвьскои волости ²⁰ [а] ^Б мнѣ достоить . а ²¹ тъı иди Переӕславлю ²². въ ѡчину свою . в то же времѧ поима городъı . Гюргевъı Ѡлговичь . и конѣ . и скотъı ²³. и ѡвцѣ . и товаръ . кдѣ что чюӕ . В то же лѣ^т̑ вспѧть ²⁴ оуладисѧ Всеволодъ . с ²⁵ шюринома ²⁶ своима . и да има Новъгородъ . и посадиша Ст҃ополка Новѣгородѣ ²⁷. а Гюргевича заста | Новѣгородѣ ²⁷. и посла и къ ѡц҃ю ^В ❙

В лѣ^т̑ . ҂s҃ . х҃ . н҃ [1142] Вниде Вѧчеславъ в Переӕславль . и ²⁸ Турову иде Ст҃ославъ Всеволодичь . врагъ же роду хр^с̑ьӕнску ²⁹ дьӕволъ . ражже ³⁰ ср^д̑це Игореви Ѡлговичю . всхотѣ ити ³¹ в Переӕславль . и пришедъ ста по Стрѣкви ³². и много пакости створиша ^Г. села пожгоша . и ¹⁸ жита попасоша ³³.и стоӕше ³⁴ . в҃ . м^с̑цѧ . и приде Изѧславъ из Володимерѧ в помочь Вѧчеславу ³⁵. Ростислав же с Смолнѧнъı . поима ³⁶ въ ¹⁰ вълости ихъ . д҃ . городъı. и слъıшавше ³⁷ ѿидоша ѿ Переӕславлѧ . а ³⁸ Вѧчеславъ спрашавъсѧ ³⁹ съ Всеволодо^м̑ . ѿда ⁴⁰ Переӕславль Изѧславу Мстиславичю . а самъ иде Турову . и ⁴¹ вниде Изѧславъ въ Переӕславль . м^с̑ца ^{9 Д}. генва^р̑ . въ ¹⁰ . а҃ . А Всеволодъ посла сн҃а своѥго . Ст҃ослава Володимерю ⁴². В ту же зиму посла Всеволодъ сна своѥго Ст҃ослава . и Изѧслава Дв҃двича . с Володимеро^м̑ с ⁴³ Галичьскъı^м̑ . в помочь Володиславу . на бра^т̑ю ѥго на меншюю . на Болеславичѣ . и снѧ/л.103об./шасѧ вси оу Чьрньска ⁴⁴. и воєвавше воротишасѧ . боле взе^м̑ше мирнъı^х̑ Лѧховъ нежели ⁴⁵ ратнъı^х̑ .

В лѣ^т̑ . ҂s҃ . х҃ . н҃а . [1143] Всеволодъ ѡжени сн҃а своѥго Ст҃осл^ава . Василковною Полотскаго кнѧзѧ . Тоѥ же зимъı иде Изѧславъ к строєви ⁴⁶ своѥму ^Е. Гюргю ⁴⁷. и не оуладивъсѧ с ни^м̑ иде к брату Смолиньску ⁴⁸. и ѿтуду иде ⁴⁹. к другому брату . своѥму Ст҃ополку ⁵⁰ Новугороду . тамо и ⁵¹ зимова .

В лѣ^т̑ . ҂s҃ . х . н҃в . [1144] Приде Изѧславъ из Н^овагорода . бъıвъ ¹ оу братьи ² своєє ³. Том ^А же лѣ^т̑ . Изѧславъ ѿда дщерь свою . Полотску ⁴ за Борисовича за Роговолода . и Всеволодъ кнѧзь Къıєвьскъıи приде ⁵ с женою ⁶ и со всѣми болѧръı . и с Къıӕнъı . Переӕславлю ⁷ на свадбу . и ѿтуду расшедшесѧ . и всѣдоша [на кони] ^Б на Володимерка на Галичь . и ⁸ ѿтуда ⁹ же ¹⁰ Изѧслава Двд҃вича посла в Половцѣ . повести ^В ѣ ¹¹ на Володимера же . и совокупи вѣ ¹² кнѧзи Русскиѣ Всеволодъ . и иде к Теребовлю . и въıиде противу имъ ¹³ Володимеръ весь совкупивъсѧ . к Теребовлю . и Оугръı приве|дъ ¹⁴. Бана королева оуӕ . и не могоша битисѧ . зане бѧшеть [межи има] ^Г рѣка Серетъ . идоша ¹⁵ ѡбои подлѣ рѣку . за неделю къ Звенигороду . и на Рожни поли не могоша сѧ бити . зане Володимеръ стоӕ на Голъıхъ гора^х̑ . приде же ¹⁶ к нему Изѧславъ Двд҃вичь с Половци . переємъ ¹⁷ два города . Оушицю и Микулинъ . и иде Володимеръ ¹⁸ къ Звенигороду . и ста ¹⁹ по сеи сторонѣ города . а Володимеръ ѡб онуВперёд^{20 Д}. сшедъ з горъı ²¹ . а межи ими ²² рѣка мѣлка ²³. и повелѣ Всеволодъ чинити гати ²⁴. комуждо своѥму ^Е полку . и заоутра переидоша рѣку . и взѧша горъı за Володимеромъ . Володимеръ же мнѧ ако ²⁵ к нему идуть . ста исполчивъсѧ передъ городомь на болоньи ²⁶. сим же полко^м̑ не лзѣ бѧше битисѧ с ними ²⁷ тѣснотъı ради . зане болота пришла ноли ²⁸ подъ ²⁹ горъı . тѣм же взидоша Русскъıи полци на горъı . и заидоша и ⁸ ѿ Перемъıшлѧ . и ѿ Галича . видѣвъше же ³⁰ то Галичане . сътъснушаси ³¹ рекуще . мъı сде стоимъı ³². а ³³ ѡнамо женъı нашѣ възмуть ³⁴. и поча Володимеръ слати /л.104/ къ Игореви река . ѡже мѧ с братомь оумиришь . то по єго см҃рти ^В помогу ти г ³⁵ Къıѥву . тѣм же перельсти Игорѧ . и ⁸ Игорь нача молитисѧ . ко Всеволоду . и ⁸ молбою . и гнѣваӕсѧ . река не хочеши ми добра . про ³⁶ что ми ѡбреклъ ѥси Къıѥвъ . а преӕтелевъ ³⁷ ми не вдаси ³⁸ пріимати . и послуша ѥго Всеволодъ . и ⁸ [в] ^А том же дн҃и створи ^Ж миръ . и ⁸ к вечеру въѣха ³⁹ Володимеръ ко Всеволоду . Всеволодъ же с своѥю ⁴⁰ бра^т̑ѥю оустрѣте и . и цѣловавшесѧ ⁴¹ разидошасѧ разно . и да Володимеръ Всеволоду тъıсѧчю гриве^н̑ серебра . и двѣстѣ . тѣмь бо и бѧшеть оумолилъ . и оуверни ⁴² ѥму Всеволодъ . Оушицю . и Микулинъ . єже бѣ заӕлъ . а тѣмь серебро^{м̑ 43} подѣли бра^т̑ю свою . поченъ ѿ старѣиши^х̑ . и до менши^х̑ . и ѿтолѣ разидошасѧ в своӕ си . Том же лѣ^{т̑ 44}. заложена бъı^с̑ цр҃ки ⁴⁵ Каневьскаӕ . Всеволодомь кнѧземь . м^с̑ца ⁴⁶. июнѧ . въ . ѳ . ⁴⁷

В лѣ^т̑ . ҂s҃ . х҃ . н҃г . [1145] Принесе ⁴⁸ блг҃овѣрнаӕ кнѧгъıни Єлена ⁴⁹. кнѧзѧ Ӕрополка из гробници в цр҃квь ста^{г̑ 50} Ань|дрѣӕ . и положи и ⁵¹ оу Ӕнъкъı . и митрополитъ Михаилъ . [иде] ^З Ц^с̑рюгороду ⁵². В то же лѣ^{т̑ 53}. иде Игорь с братьѥю своѥю на Лѧхъı . а другъı^м̑ в помочь . Того же лѣ^т̑ . Кыѥвъ ⁵⁴ погорѣ половину ^И Подольӕ .

В лѣ^т̑ . ҂s҃ . х҃ . н҃д . [1146] Приде Володимеръ и взѧ Прилукъ . и совокупи Всеволодъ братью свою . на Радосъıни . и сложи путь с Бориша дн҃и ⁵⁵

на Володимера . и наре^ч̑ ѡба Изѧслава ѡставити дома . и перебъı нѣколико . и ¹ разболѣсѧ велми . и везоша и Въıшегороду ². и тамо ³ скончасѧ . м^с̑ца . июлѧ . въ . л҃ . дн҃ь ⁴. И вниде Игорь в Къıєвъ . и не годно бъı^с̑ людемъ . и послашасѧ Переӕславлю ⁵ къ Изѧславу рекуще . поиди кнѧже хочемъ тебе ⁶. и ⁷ слъıшавъ же се ⁸ Изѧславъ сжалиси ⁹. и поиде с дружиною своєю . и с Переӕславци . взе^{м̑ 10} мл҃тву въ ст҃ъмь Михаилѣ . оу ѥп^с̑па Ѥоуфимьӕ . и перешедъ Днѣпръ поиде . и приде к нему Переньлѣѥвъ ¹¹ нѣколико ¹². и пришедъВперёдЖелѧни ¹³. Иго/л.104об./рь же поиде противу ѥму . с брато своимъ Стославомь . и бъıвши^м̑ имь оу Ѡлговъı могъıлъı . и ⁷ не доѣхавше ¹⁴ Игорь с брато^м̑ Изѧсл^ава ¹⁵. побѣгоста . и ¹⁶ бѣжачи^{х̑ 17} изъимаша . а други^{х̑ 18} избиша . а ини истопоша в вода^х̑ . а другъıѣ ¹⁹ изъимаша в городѣ . се же є^{с̑ 20} пособьѥ^м̑ Бжьимъ . и силою ч^с̑тнаго кр^с̑та . и заступленьє^м̑ ста^г̑ Михаила . и млт҃вми ст҃ъıӕ Бц҃а . се же ²¹ бъı^с̑ м^с̑ца августа въ ²² . гı҃ . дн҃ь . и ²³ вниде Изѧславъ в Къıѥвъ . хвалѧ и славѧ Ба҃ ѡ таковѣи помощи ѥго . и въıдоша ²⁴ противу ѥму мно^ж̑ство ^А народа . и ⁷ игумени с черноризци ²⁵. и попове всего города Къıѥва в рїза^х̑ . и по . д҃ . хъ дн҃хъ ємше Игорѧ в болотѣ приведоша к нему ^{26 Б}. и посла и в манастъıрь на Въıдобъıчь . а ѿтудѣ Переӕславл^{ю 5}. и всадиша и в порубъ . в манастъıрѣ оу ста^г̑ Іѡана . и приставиша к нему ^Б сторожѣ . и тако скончасѧ ²⁷ волость ²⁸ Игорева . а бра^т̑ ѥго Ст҃ославъ үбѣжа ²⁹ Новугороду . с малою дружиною ³⁰. и слъıшавше Половечьстии кн^ѧзи . створившеѥсѧ ^А надъ Игоре^{м̑ 31}. прислаша слъı ³² ко Изѧславу мира просѧще ³³. Вѧчеслав же | се слъıшавъ надѣӕсѧ на старѣишиньство ^А. послушавъ болѧръ свои^х̑ . ѿ радости не приложивъ чти ³⁴ къ Изѧславу . ѿӕ городъı ѡпѧ^т̑ . иже бѧше ѿ него Всево[ло]дъ ^В ѿӕлъ . не токмо же то но и Володимерь . заӕ ³⁵ и посади в не^м̑ Андрѣѥвича . Изѧслав же пославъ ³⁶ брата своѥго Ростислава . ѿӕ оу него городъı ѡпѧ^т̑ . и посадникъı исковавъ приведе . и Туровьскаго єп^с̑па Ӕкима . сн҃а же своѥго Ӕрославъ ³⁷ посади Туровѣ . В то же лѣ^{т̑ 38}. иде Изѧславъ к Двд҃вичема на сне^м̑ . и посла ӕ ³⁹ на Ѡлговича с сн҃мъ свои^м̑ Мстиславо^{м̑ Г}. и поидоша ⁴⁰ к Новугороду . и много зла створиша ^{41 А} ѡколо Новагорода . и бѣжа [Ст҃ославъ] ^Д Корачеву ⁴². и посла по не^м̑ Изѧславъ Шварна . и Изѧслава Двд҃вича . и взѧша полона много ү Корачева . Стослав же воротивъсѧ прогна нашѣ ⁴³ ѡпѧть . а са^м̑ бѣжа в Вѧтичѣ . и воротишасѧ в своӕ си ❙ Игорь же слъıшавъ ⁴⁴ в порубѣ съıи ⁴⁵. ѡже иде^т̑ Изѧславъ на брата ѥго . домолисѧ пославъ ³⁷ къ Изѧславу ⁴⁶ гл҃ѧ ѥда ¹⁶ бъı^с̑ сѧ постриглъ . и повелѣ Изѧславъ пострищи и ⁴⁷ єп^с̑пу Переӕславскому . Єоуфимью . и пришедъ постриже и ²³. /л.105/ м^с̑ца ⁴⁸. генварѧ . въ . е҃ . дн҃ь ⁴⁹. Тоѥ же зимъı престависѧ блговѣрн^аӕ кнѧгини

Марица . дщи Володимерѧ . м^с̑ца . того^ж̑ . въ . к҃ . ¹ въ не^д̑лю . А в понедѣлни^к̑ вложена бъı^с̑ в гробъ . в своѥи цр҃ьви . в неиже и пострижесѧ ² ❙

В лѣ^т̑ .҂s҃ . х҃ . н҃е . [1147] Изѧславъ постави митрополита Клима . калугера ³. Русина ѡсобь ⁴ с шестью єп^с̑пъı ⁵. м^с̑ца ⁶. июлѧ . въ ⁷ . к҃з . на памѧ^{т̑ 8} ста^г̑ Пантелѣимана . и пото^м̑ миръ створи ^А с Половци . оу Воинѧ . В то же лѣ^{т̑ 9}. бъı^с̑ знаменьє ¹⁰. в сл҃нци . и на ту нощь бъı^с̑ гро^м̑ и поторта мало ¹¹. В то^ж̑ лѣто ⁹. присла Володимеръ [и] ^Б Изѧслава ¹² Двд҃вича ¹³. ис Чернигова слъı ¹⁴ ко Изѧславу кнѧзю Києвскому . река брате се заӕлъ ¹⁵ волость мою Ст҃ославъ Ѡлговичь . Вѧтичѣ . поидевѣ ¹⁶ на нь ^В. ѡже ¹⁷ и проженевѣ . и ¹⁸ поидевѣ на Гюрга . а любо с ни^м̑ миръ створи^{м̑ А}. али с ни^м̑ бьємсѧ ¹⁹. Изѧслав^ь же посла напередъ Ст҃ослава сестричича своѥго Чернигову ²⁰ велѧ ². имъ доспѣвати . и доиде Ст҃ославъ Чернигову ²⁰. и згадавше кнѧзи Черниговьстии . и ²² послаша ²³ къ Изѧславу велѧ ²⁴ ѥму ^И поити . река ²⁵ землѧ наша погъıбає^т̑ . а тъı не хочеши по|ити . Изѧслав же совокупѧ воѣ ²⁶ перебродисѧ чересъ Днѣпръ .Вперёд^д̑ Черторъıєю . и ѿтуду ²⁷ посла Оулѣба Чернигову ²⁰. а са^м̑ поиде ²⁸ на Супои . а брата своѥго Володимера ѡстави Къıѥвѣ ²⁹. Оулѣбъ же внида [въ] ^Г Черниговъ и оувѣдавъ ³⁰ ѡже цѣловалъ ^Д кр^с̑ь Володимеръ . и Изѧславъ Двд҃вичь ³¹. и Ст҃ославъ Всеволодичь . к Ст҃ославу Ѡлговичю . хотѧ ³² оубити лестью ³³ Изѧслава . то же слъıшавъ Оулѣбъ . прибѣже ко кнѧзю своѥму ³⁴ ко Изѧславу на Супои . и сказа ѥму . ѡже ѥго ѿступили^{сѧ 35} кнѧзи Черниговьстии . и цѣловали на нь кр^с̑ь . Изѧслав же воротисѧ ѿтуда . а пер[ед]ъ ^Е собою посла к брату Кыѥву ³⁶ к Володимеру . и к Лазареви ³⁷ к ³⁸ тъıсѧчскому . в҃ . мужа . Добръıнку . и Радила . рекъ брате ѣди к митрополиту . и съзови ³⁹ Къıӕнъı всѣ . ато ⁴⁰ молвита си мужа . лесть Черниговски^х̑ кнѧзии . и ѣха Володимеръ к митрополиту повабѧ ⁴¹ Къıӕнъı . и придоша Къıӕнъ много ⁴² мно^ж̑ство народа . и сѣдоша ү ст҃оє ⁴³ Софьи [слышати] ^Ж. и ре^ч̑ Володимеръ к митрополиту . се прислалъ /л.105об./ бра^т̑ мои ⁴⁴ . в҃ . мужа Къıӕнина . ато молвѧтъ ⁴⁵ бра^т̑ѣ своєи . и въıступи Добръıнъка . и Радило . и рекоста цѣловалъ тѧ бра^т̑ . а митрополиту сѧ покланѧлъ ⁴⁶. и Лазарѧ цѣловалъ . и Къıӕнъı ^З всѣ ⁴⁷. рекоша Къıӕне ⁴⁸ молвита с чимь ва^с̑ кнѧзь присла ⁴⁹. ѡна же рекоста . тако молвитъ кн^ѧзь . цѣловала ко мнѣ кр^с̑ь . Давъıдовичи ³¹. и ⁵⁰ Ст҃ославъ Всеволодичь ⁵¹. ємуже ^И азъ ⁵² много добра створи^{х̑ 53 А}. а нонѣ ⁵⁴ хотѣли мѧ оубити лестью . но Бъ҃ заступил мѧ и кр^с̑ь ч^с̑тнъıи . ѥгоже суть ⁵⁵ ко мнѣ цѣловали . а нъıне братьӕ ⁵⁶ поидѣта ⁵⁷ но ⁵⁸ мнѣ . к Чернигову . кто ⁵⁹ имѣѥ^т̑ конь . ли не имѣєть кто ино в лодьѣ ⁶⁰. ти бо суть не ⁶¹ мене ѡдиного хотѣли оубити . но и ва^с̑ искоренити . Къıӕне же рекоша .

кнѧзь на^{с̑ 1} вабить к Чернигову . а здѣ ворогъ кнѧзѧ на^ш̑го и нашь ². а ³ хоче^м̑ и оубити . поити же хоче^м̑ битъсѧ ⁴ за своѥго кнѧзѧ и с дѣтми . и ре^ч̑ имъ Володимеръ . того въı братъ мои ⁵ не приказа^{л̑ 6}. Игорѧ поблюду^т̑ сторожеве . а мъı поиде^м̑ к брату . акоже ⁷ нъı велить . рекоша ⁸ же ⁹ Къıӕне . | мъı вѣдаѥ^м̑ . аже ¹⁰ того бра^т̑ твои не казалъ . ни ¹¹ велѣлъ творити . но мъı хоче^м̑ оубити Игорѧ . мъı вѣдаѥмъ ѡже не кончати добро с ¹² тѣмъ племене^м̑ . ни ва^м̑ ни на^м̑ . коли любо ¹³. митрополитъ же много взбранѧше и^м̑ . и Лазарь тъıсѧчскъıи . и Рагуило Володимерь тъıсѧчьскъıи . ӕко не оубити Игорѧ ¹⁴. ѡни же кликнувше поидоша оубитъ ¹⁵ Игорѧ . и ¹⁶ Володимеръ всѣдъ на конь ¹⁷ погна . и идѧхуть людьѥ по мосту . оубити ¹⁸ Игорѧ . ѡн же не мога ихъ минути . оувороти конѧ направо мимо Глѣбовъ ¹⁹ дворъ . и оускориша Къıӕне передъ Володимеромь . и ӕша Игорѧ в цр҃кви . стоӕща по ѡбъıчаю на ѡбѣдни оу ста^г̑ Феѡдора . и ємше и поведоша ²⁰ [и] ^А из манастъıрѧ . и ¹⁶ срѣте ²¹ и Володимеръ . в воротѣхъ монастъıрьски^х̑ . и ре^ч̑ Игорь възрѧ ѡхъ ²² брате камо . и ¹⁶ сскочи ²³ же Володимеръ с ²⁴ конѧ и покръı и корзномь . река Къıӕно^м̑ братьӕ моӕ ²⁵. не мозѣте створити ^Б зла не оубиите ²⁶ Игорѧ . и доведе и Володимеръ ²⁷. до воротъ монастъıрѧ ²⁸. и оудариша и ²⁹ Володимера /л.106/ бьючи ³⁰ Игорѧ . Михаль же видѣвъ то сскочи с ³¹ конѧ . хотѧ помочи Володимеру . Володимеръ же вомча Игорѧ ³² во дворъ мт҃ре своєӕ . затвори ³³ ворота . а ИгорѧВперёдКожюховъı сѣни . Михалѧ же бьюще и ³⁴ ѿторгоша на не^м̑ кр^с̑ь и чепи в гри^вну золота . и въıломиша ворота . и вшедше въ дворъ . оузрѣша ³⁵ Игорѧ на сѣне^х̑ и разбиша сѣни ѡ не^м̑ . и сомчаша ³⁶ и с сѣнии . и ту оубиша и ¹⁶ конець всходъ ³⁷. и за тѣмь оутече Михаль . а Игорѧ поверзъше ³⁸ за нозѣ волокоша и ¹⁶ сквозѣ Бабинъ торжекъ . до ст҃оє Бц҃и . и ту ѡбрѣтоша мужа стоӕща с колъı и возложьше ³⁹ и на кола везоша ⁴⁰ и на Подольє . и повѣдаш^а Володимеру ӕко поверженъ є^с̑ на торговищи . и посла Лазарѧ ⁴¹ тъıсѧчского . и Рагуила ⁴² своѥго тъıсѧчскаго . и приѣхавъше ⁴⁸ видѣша ⁴⁴ Игорѧ лежаща . и рекоста се оуже Игорѧ єсте ⁴⁵ оубили . ато ⁴⁶ похорони^м̑ тѣло ѥго . Киӕне же ⁹ рекоша не мъı ѥго үбили . но убила и Двд҃вича ⁴⁷. и Всеволодичь . ѡже ⁴⁸ замъıслили ⁴⁹ на нашего кнѧзѧ зло . хотѧ и ⁵⁰ убити лестью . но Бъ҃ за наши^{м̑ В} кнѧзє^м̑ . и ста҃ӕ Софьӕ . и ²⁹ пове|лѣ Лазарь взѧти ⁵¹ [тѣло] ^Г Игорѧ . и понести и ⁵² в цр҃квь ста^г̑ Михаила . в Новгородьскую Божницю . и ту положивша ⁵³ и в гробъ ѣхаста ⁵⁴ на Гору . и лежа нощь ту . суботѣ же ⁹ свитающи ⁵⁵. посла митрополитъ игумена . Ананью ста^г̑ Феѡдора . и приѣхавъ игуменъ видѣ и нагого ⁵⁶. и ѡблече и . и ѿпѣ над ни^м̑ ѡбъıчнъıӕ пѣсни . и везе и к ст҃ому Симеѡну . и тамо и ¹⁶ положиша . и посла Володимеръ к брату . повѣдаӕ оубииство Игорево . и печаленъ бъı^с̑ Изѧславъ . и жаловашесѧ ⁵⁷ на Къıӕнъı . и посла Изѧславъ Володимера в Городець . а ⁵⁸ по Ростислава посла Смолинску ⁵⁹ ❙

В лѣ^т̑ . ҂s҃ . х҃ . н҃s . [1148] Приде Глѣбъ Гюргевичь . и-Суждалѧ ^А Чернигову ¹. в помочь Ѡлговичемъ . и пребъıвъ оу ни^х̑ нѣколико . приде на Городокъ . и слъıшавъ Изѧславъ . посла и ² к нему зова ³ к собѣ Къıєву ⁴. ѡн же ѡбѣщавъсѧ ⁵ ити и не иде . и перестрѧпъ ⁶ мало послушавъ Жирослава ⁷ рекуща ѥму . поиди Переӕславлю ⁸ хотѧть тебе людьє . ѡн же ⁹ послушавъ ѥго приде ¹⁰ к Переӕславлю вборзѣ свитающю дн҃и ¹¹. Мстиславу же ¹² /л.106об./ лежащю ѥще и дружинѣ ѥго . пригнавше ^Б сторожеве ¹³ рекоша ѥму ^В. не лежи ¹⁴ кнѧже ¹⁵ Глѣбъ ти ¹⁶ пришелъ ^Б на тѧ . ѡн же вста ¹⁷ вборзѣ . и собрасѧ к нему дружинъı нѣколико . и въıступи противу ^Г ѥму из города . и стоӕ ¹⁸ Глѣбъ до заоутрока ¹⁹. и воротисѧ ѡпѧть . Мстислав же скопивъ ²⁰ дружину . и Переӕславьцѣ . и ѡбѣдавъ гна по не^м̑ . и оугони и ² оу Носова на Рудѣ . и ² изъимаша нѣколико дружинъı ѥго . и ²¹ са^м̑ иде в Городець . а Мстиславъ воротисѧ ²² Переӕславлю ²³. и слъıшавъ Изѧсл^авъ бъıвшеѥ . скопи ²⁰ дружину свою и ² Берендичѣ . и приде на нь к Городку . и въıшедъ Гл^ѣбъ смирисѧ с ни^м̑ . и възвратисѧ ^{24 Г} Изѧславъ в своӕ си ❙— В то же лѣ^т̑ . поиде Ростиславъ Гюргевичь и-Суждалѧ ^А с дружиною своѥю . в помочь Ѡлговиче^м̑ . на Изѧслава Мстисл^авича . посланъ ѿ ѡц҃а своѥго . и здумавъ ²⁵ Ростиславъ с дружиною своѥю . река ²⁶ любо си ²⁷ сѧ на^мѧ ѡц҃ю гнѣвати ²⁸. не иду с ²⁹ ворого^м̑ свои^м̑ . то су^т̑ бъıли ворози и ² дѣду моѥму . и строємъ ³⁰ мои^м̑ . но поиде^м̑ дружино | моӕ . къ Изѧславу . то ми ѥсть ср^д̑це своѥ ³¹. ту ти дасть нъı ³² волость . и посласѧ ³³ къ Изѧславу . Изѧслав же радъ бъıвъ посла противу ѥму мужи ^В свои ³⁴. и пришедшю ѥму . радъ бъı^с̑ Изѧславъ и створи ^Д ѡбѣдъ великъ . и да ³⁵ ѥму ^В Божьскъı и инъı городъı . а къ ³⁶ Глѣбови пославъ ре^ч̑ . иди ко Ѡлговиче^м̑ к тѣ^м̑ ѥси пришелъ . ати ти ³⁷ дадѧть волость . и иде Глѣбъ Чернигову ³⁸. а ѿтуда къ ѡц҃ю . а Ростиславъ ³⁹ иде в Городець . а по городо^м̑ посажа ⁴⁰ посадникъı своӕ ❙

В лѣ^т̑ .҂s҃ . х҃ . н҃з . [1149] Иде Изѧславъ Новугороду ⁴¹ ис Къıѥва . в помочь Новгородце^м̑ на Гюргѧ . а воє^м̑ повелѣ по собѣ ити . и поидоша по не^м̑ . и похромоша кони оу ни^х̑ . и ²¹ са^м̑ с Новгородци дошедъ Волгъı ⁴². и ² повоѥвавъ ю и не оуспѣ ⁴³ ничтоже Гюргеви . и ² доше^д̑ Оуглеча полѧ поворотисѧ ⁴⁴ Новугороду . и иде Смолиньску ⁴⁵. ^изимова ту . и наставши веснѣ . приде Изѧславъ Къıѥву ⁴⁶. и ради бъıша людьє . токмо дьӕволъ сѣтоваше ⁴⁷. вложи ⁴⁸ бо нѣкоторъı^м̑ муже^{м̑ В} ѥго в ср^д̑це . и начаша гл҃ти ѥму ^З рекуще . ӕко Ростиславъ ^Г Гюргевичь подмолви^л̑ на тѧ люди . и Берендичи /л.107/ и Киӕнъı . а ⁴⁹ хотѣлъ сѣсти Къıєвѣ ⁵⁰. а пусти и къ ѡц҃ю то твои ворогъ и ѡц҃ь ѥго ⁵¹. держиши и ² на свою голову . Изѧслав же послушавъ ихъ . ѿима оу него имѣньє ⁵². и ѡружьє и конѣ . и ²¹ дружину ѥго исковавъ расточи . а Ростислава всади в лодью толико самого ли четверта ⁵³ пусти и къ ѡц҃ю . и прище^д̑ къ ѡц҃ю Ростиславъ . сказа ѥму ^В всѧ

приключьшаӕсѧ ¹ ѥму ^А. и слъıшавъ ² ѡц҃ь ^Б ѥго сжалиси река ³. тако ли мнѣ нѣту причастьӕ в земли Русстѣи . и мои^м̑ дѣтемъ . и ⁴ совкупивъ дружину свою и воѣ ⁵ и Половцѣ . надѣӕсѧ ⁶ на Ба҃ . и поиде ⁷ м^с̑ца ⁸ иоулѧ . въ ⁹ . к҃д . и пришедшю ѥму къ Вьӕханю . и приде к нему ^А Ѡлговичь . и Всеволодичь . ѡба Ст҃ослава . с дружиною рекуща поиди брате . то ¹⁰ на^м̑ ворогъ всѣмъ . и брата ¹¹ нашего үбилъ . и пришедше сташа ¹² оу Бѣлъı Вежѣ . и стоӕша м^с̑ць . сжидаюша ¹³ к собѣ ¹⁴ Половець . и ѿ Изѧслава покореньӕ . и видѣвше ¹⁵ ѡже нѣту ѿ Изѧслава ни вѣсти ^В. Изѧславъ же слъıшавъ посла по брата Смолиньску ¹⁶. и Володимеру ¹⁷ Гюрги же ре^ч̑ . поиде^м̑ к Переӕславлю . ту ти ѥму ^А прити . да негли ¹⁸ ту ¹⁹ покоритсѧ . и прише|дше ²⁰ и сташа оу Куднова сельца . и ²¹ перешедше Стрѧковь . Володимеру сущю ²² в засадѣ Переӕславли ²³. брату Изѧславлю . и Ӕрополку ^Г Мстиславичю . с Поршанъı . и стрѣлѧющи^м̑сѧ ѡбоимъ . во тъ^{ж̑ 24} дн҃ь приде Изѧславъ слъıшавъ ²⁵ пришедшаго Гюргѧ . и ре^ч̑ ѡже бъı пришєлъ са^м̑ толико ²⁶ з дѣтми . то котораӕ бъı ѥму волость люба . ту же ²⁷ бъı взѧ^л̑ . но ²⁸ же на мѧ привелъ Половци . и ворогъı моѣ Ѡлговичѣ . то ²⁹ хочю сѧ бити . Къıӕно^м̑ же не хотѧщи^м̑ . гл҃щимъ ³⁰ мирисѧ кнѧже мъı ³¹ не иде^м̑ . ѡнъ же ре^{ч̑ 32} ако ³³ миръ буде^т̑ поидѣте со мною . атъ ми сѧ буде^т̑ добро ѿ ³⁴ силъı мирити . и придоша Къıӕне . и приде к нему Изѧславъ Дв҃двичь в помочь . и стоӕ Гюрги . . г҃ . дн҃и . и в третии дн҃ь исполчивъсѧ по зорѣ . поиде ѿ Стрѧкве ³⁵ мимо городъ . и ста межи валома . Изѧслав же въıправисѧ ³⁶ весь из города .Вперёдболоньи и с товаръı . за ѡгородъı . и бъıвшю на оутрьӕ . Изѧслав же ѿслушавъ ѡбѣдню . ү ста^г̑ Михаила . поиде ³⁷ Изѧславъ ис цр҃кви къ Єфимью ³⁸ єп^с̑пу слезъı проливающю. гл҃щю ³⁹ ѥму кнѧже смири/л.107об./сѧ с строємъ ⁴⁰ свои^м̑ . много ⁴¹ сп^с̑ньӕ приимеши ѿ Ба҃ . и землю свою избавишь ѿ великъıӕ бѣдъı . ѡн же не всхотѣ надѣӕсѧ на мно^ж̑ство вои . гл҃ѧ ⁴² добъıлъ ѥсмъ ⁴³ го[ло]вою ^Д своєю Къıєва . и Переӕславлѧ . и поиде противу ѥму . Гюргеви стоѧщю за Ӕнъчиномъ селце^{м̑ 44}. и стоӕша ⁴⁵ противу собѣ до вечерни . и поступи Гюрги вспѧть . и Изѧславъ по не^м̑ . ӕко ⁴⁶ сл҃нцю заходѧщю сступишасѧ ⁴⁷ ѡбои . и бъı^с̑ сѣча зла . и ²¹ первѣѥ ⁴⁸ побѣгоша Поршане ⁴⁹. пото^м̑ Изѧславъ Дв҃двичь . по си^х̑ Къıӕне . и Переӕсл^авци . и многъı избиша . а другъıӕ ⁵⁰ руками изъимаша . Изѧслав же перебреде на ⁵¹ Каневъ . толико ²⁶ са^м̑ третии . и иде г ⁵² Къıѥву . се же ⁵³ бъı^{с̑ 54} м^с̑ца ⁸. августа въ ⁹ . к҃г . дн҃ь ⁵⁵ во вторни^к̑ . а ⁵⁶ наоутриѧ вниде Гюрги в Переӕславль . хвалѧ . и сл^авѧ Ба҃ . и пребъıвъ . г҃ . дн҃и . иде Къıѥву ⁵⁷. а Изѧславъ събравъсѧ ⁵⁸ с женою и з дѣтми . бѣжа Лучьску ⁵⁹. а Гюрги вниде ^Е в Къıѥвъ . хвалѧ и славѧ Ба҃ . и сѣде на столѣ дѣдни . и ѡтни . а Ростиславу да сн҃о|ви

своѥму ¹ Переӕславль ❙— И ² вшедъ Изѧславъ в Лучьскъ . и поча ³ совкуплѧти ⁴ Оугръı . и Лѧхъı . и тоє ⁵ зимъı приде к нему Болеславъ . и Єндрихъ ⁶ бра^т̑ ѥго . и помочь Оугрьскаӕ ⁷. и сташа оу Чемерина . и придоша к Вѧчеславу в Пересопницю . Гюргевича ⁸. два. Ростиславъ . и Андрѣи . и помочь Володимиркова . и са^м̑ Володимерко приступилъ бѧше ближе к Шюмьску . и оубоӕшасѧ Лѧхове и Оугри . рекоша ко Изѧславу . не вси сѧ ѥсмъı ⁹ совкупили нъıнѣ . а бъı нъı како створити миръ . ѡни же то извѣтъ положьше ¹⁰ воротишасѧ ѡпѧть . Вѧчеславу же нудѧщю брата на миръ . и не послуша ѥго . но приимъ свѣтника Гюргѧ Ӕрославича . и тако творѧ . ѡже ¹¹ оуже Лѧхове воротишасѧ и Оугри . приимъ ¹² в ср^д̑ци си . акоже ¹³ въıжену Изѧслава . и ² переиму волость собѣ . кнѧзь же Гюрги ¹⁴ с брато^м̑ своимъ Вѧчеславо^м̑ . и со всѣми своими дѣтми . поидоша к Лучьску . Ростиславу ¹⁵ Гюргевичю ¹⁶. с братомъ свои^м̑ Андрѣємъ . ходѧщю напередь ¹⁷ с Половци . ставши^{м̑ 18} имъ /л.108/ оу Муравицѣ ¹⁹. бъı^с̑ в нощь ²⁰ пополо^х̑ золъ ²¹. ӕко и По[ло]вце^м̑ всѣ^{м̑ 22} бѣжати . назадъ с ²³ своимъ воѥводою Жирославо^м̑ . сущю Андрѣєви напредѣ ^Б. а брату ѥго Ростиславу за ни^{м̑ В} стоӕщю . и вабѧчю ²⁴ брата ²⁵ к собѣ . Андрѣи же не послуша . но стерпѣ злъıи то ²⁶ пополо^х̑ . Андрѣєва же ²⁷ дружина приѣздѧче к нему ²⁸ жаловаху гл҃ще . что твориши кнѧже . поѣди прочь ѡже ли ²⁹ добуде^м̑ сорома . Андрѣѥви же не послушавшю ихъ . но възложившю ³⁰ надежю на Ба҃ . прежда до свѣта . видѣв же Андрѣи бѣжавше ³¹ Половьци всѣ . Ба҃ похвали оукрѣпльшаго и . и ѣхавъ ³² к брату своєму ³³. и Половечьскъı^м̑ кнѧзе^м̑ съѣхавши^м̑сѧ ³⁴ к нимъ ³⁵. и здумавши^м̑ имъ ѿступишасѧ назадъ . и сташа оу Дубна . пожидающимъ и^м̑ посольӕ ³⁶ ѿ ѡц҃а своѥго . бъı^с̑ же и вѣсть ӕко идеть Гюрги . с брато^м̑ своимъ Вѧчеславо^м̑ . поступиша ³⁷ пакъı к Лучьску . и поидоша во два пути ^Г к Лучьску . Володимеру сущю ³⁸ брату Изѧславлю в Лучьстѣ ³⁹. приближающи^м̑ же ²⁷ сѧ имъ к городу ⁴⁰. и ⁴¹ видѧщи^м̑ стѧгъı ⁴² ѡц҃а своѥго . и пѣшиѣ въıшедше ⁴³ | из города . и стрѣлѧющи^м̑сѧ с ними . Ростиславу же . и Борисови . и Мстиславу . не вѣдущи^м̑ мъıсли брата своѥго Андрѣа . ӕко хощеть ткнути на пѣшиѣ . зане и ⁴⁴ стѧгъ ѥго видѧхуть не възволоченъ . не величаву бо ѥму сущю ³⁸ на ратнъıи чинъ . но похвалъı ищющю ⁴⁵ ѿ ѥдиного Ба҃ . тѣ^м̑же пособьѥ^м̑ Бж҃ьимъ . и силою кр^с̑тною . и мл҃твою дѣда своѥго ⁴⁶. въѣхавъ ⁴⁷ преже всѣ^х̑ в противнъıӕ . и дружина ѥго по не^м̑ . и изломи копьє своє в ⁴⁸ супротивьѣ ⁴⁹ своє^м̑ . бѣжащи^м̑ же пѣши^{м̑ 50} по гробли к городу . оулучи и са^м̑ по ни^х̑ . дружинѣ же ⁵¹ не вѣдущи^м̑ ѥго . токмо ѿ менши^х̑ ѥго ⁵² дѣтьскъı^х̑ . в҃ . видѣв же ⁵³ кнѧзѧ своѥго в велику бѣду впадша . зане ѡбиступленъ ⁵⁴ бѣ ратнъıми . гнаста по не^м̑ . ӕтъ ⁵⁵ бо бѣ

двѣма копьєма ¹ конь под ни^м̑ . а третьимъ ² в передни ³ лукъ ⁴ в ⁵ сѣделнъıи ⁶. а с города акъı дождь каменьє метаху на нь . єдин же ѿ Нѣмчичь видѣвъ и ⁷ хотѣ просунути рогатиною . но Бъ҃ сблюде и . многаждъı бо Бъ҃ любѧщи^х̑ ѥго вмѣта[є]ть ^А в напасти ⁸. но мл^с̑тью своѥıо избавлѧѥть . ѡн же помъı/л.108об./сли ⁹ и ре^ч̑ собѣ в ср^д̑ци . се ми хочеть бъıти Ӕрославича ^Б см҃рть . и помолисѧ к Бу҃ . и въıнѧ ¹⁰ мечь свои . призва ¹¹ на помочь собѣ ¹² ста^г̑ мч҃нка Феѡдора . и по вѣрѣ ѥго избави и ¹³ Бъ҃ без вреда . и ст҃ъıи мч҃нкъ Феѡдоръ ¹⁴. бъı^с̑ бо и ¹⁵ памѧ^т̑ ста^г̑ [м^ч̑ка] ^В Феѡдора во тъ ¹⁶ дн҃ь . єдин же ѿ дѣтьскою тою оубьєнъ бъı^с̑ ту с ни^м̑ бъıвшею ¹⁷. ѡц҃ь же ѥго Геѡргии . и стръıи ѥго Вѧчеславъ . и бра^т̑ӕ ¹⁸ ѥго всѧ ¹⁹. радовахусѧ видѣвше ѥго жива . и мужи ѡтни похвалу ѥму даша велику . зане мужьскъı ^Г створи . паче всѣ^х̑ бъıвши^х̑ ту . кон[ь] же ѥго ӕзвенъ ²⁰ велми . оунесъ г^с̑на своѥго и оумре . ѡн же жалуӕ комоньства ѥго . повелѣ и погрести . надъ Стъıремъ ²¹ ту . стоӕщи же имъ ѡколо города . и ¹⁵ не дадущи^м̑ ни водъı почрети ²². за . г҃ . не^д̑ли . Володимеру же брату Изѧславлю . изнемагающю с ²³ людми своими в городѣ . Изѧслав же посла к Володимерку к свату Гюргеву гл҃ѧ . введи мѧ к Гюргеви в любовь . ӕзъ во всемь виноватъ . передъ Бм҃ь и перед ни^м̑ . Володимерку же молѧ|щюсѧ ѡ не^м̑ . Ростиславу же сн҃у Гюргеву . с Гюргемь . съ ²⁴ Ӕрославомь ²⁵. не дадущю сѧ мирити . Изѧславу же паче молѧщюсѧ . ѡ мирѣ . Андрѣѥви же [кн҃зю] ^Д вложи Бъ҃ в ср^д̑це . сущю ѥму мл^с̑тву на свои родъ . паче же на хр^с̑ьӕнъı . поча молитисѧ ѡц҃ю гл҃ѧ . не слушаи Ӕрославича примири сн҃вьца . не губи ѡч҃инъı своѥӕ . шлющи^{м̑ 26} же имъ межи собою . и цѣловавши^м̑ кр^с̑тъ . веснѣ приспѣвши ²⁷ миръ створиша . и воротиша ²⁸ в Пересопницю . в Вѧчеславлю волость . Изѧслав же радъ бъı^{с̑ 29} кр^с̑тному цѣлованью . приѣха къ стръıѥма в Пересопницю . и сѣдши^м̑ имъ на ѥдино^м̑ мѣстѣ и оуладишасѧ . кдѣ что своѥ познавше лице^м̑ имати ³⁰. Изѧславъ же поклонѧсѧ стръıѥма и ¹⁵ ѣха Володимерю ³¹ ❙

Назад    Оглавление    Вперёд