ЛАВРЕНТЬЕВСКАЯ ЛЕТОПИСЬ

 

Назад    Оглавление    Вперёд

В лѣ^т̑ . ҂s҃ . х҃ . ч҃г . [1185] Кнѧнь Всеволодъ посла г ⁴⁸ Къıєву к Ст҃ославу къ ⁴⁹ Всеволодичю . и к митрополиту Никиѳору . просѧ єп^с̑па хотѧ поставити Луку смѣренаго дх҃омь . [и] ^Б кроткого игумена сто^г̑ Сп҃са на Берестовѣ^м̑ . митрополитъ же Никиѳоръ . не ⁵⁰ хотѧше поставити ѥго . за/л.132об./не бѣ

на мьздѣ ¹ поставилъ Николу Грьчина . кнѧзю ² Всеволоду не хотѧщю ѥго . паче же Бг҃ви . нѣ^{с̑ А} бо достоино ³ наскакати на ст҃ительскъıи чинъ на мьздѣ . но ѥгоже Бъ҃ позоветь и ст҃аӕ Бц҃ѧ . кнѧзь ⁴ въсхочеть ⁵ и людьє . тако и сего игумена Луку . Бу ҃⁶ извольшю . и ст҃ѣи Бц҃ѣ . и кнѧзю Всеволоду . за ѥго кротость и смѣреньѥ . митрополитъ же Никиѳоръ . повелѣ Николѣ Грьчину ѿписатисѧ землѣ ⁷ Русьстѣи ⁸. и постави сего Луку єп^с̑пмъ Ростову . и Володимерю . и Суждалю . и всеи земли Ростовьскои ⁹. поставлен же ¹⁰ бъı^с̑ м^с̑цѧ . марта . въ . а҃ı . дн҃ь ¹¹. на памѧ^т̑ ста^г̑ Соѳроньӕ архиєп^с̑па Ѥр^с̑лмьскаго ¹². Бъı же ¹⁰ сь ¹³ мужь молчаливъ . мл^с̑тивъ къ оубогъıмъ и вдовица^м̑ . ласков же ко всѧкому ба҃ту и оубогу . смѣрен же и кротокъ . рѣчью и дѣломъ . оутѣшаӕ ¹⁴ печалнъıӕ . поВперёдѣ добр^ъıи пастухъ . иже пасеть словеснъıӕ ѡвцѧ нелицемѣрно ¹⁵. с кротостью и с расмотреньє^м̑ . блюда ихъ и ¹⁶ бдѧ за нь ¹⁷ дн҃ь и нощь . и ¹⁶ послѣдьствуӕ ѡбъıчаю ¹⁸ ст҃хъ . и ¹⁶ преходѧ ѿ дѣла | в ¹⁹ дѣло үншеѥ . и ²⁰ ѡбъıчнъıӕ молбъı ²¹ Бу҃ въздаӕ . в ²² воню блг҃оүханьӕ . приносѧ кадило млт҃веноє . тѣмьӕнъ блг҃овоньнъıи . побѣдивъ мирьскую похоть . и миродержьцѧ кнѧзѧ вѣка сего . супротивника поправъ дьӕвола . и ѥго козни ²³. побѣдникъ ӕвисѧ . противнъı^м̑ ѥго стрѣла^м̑ . и гордъı^м̑ помъıсло^м̑ ставъ супротивно . оукрѣпивъсѧ ѡружьємь кр^с̑тнъıмъ . поношеньє цр^с̑тво ²⁴ на собѣ носѧ . не имаши бо града сде . но будущаго взискаѥши вѣрою непобѣдимою . и Бж҃ьєю помочью . молисѧ за порученоє тобѣ стадо . за люди хр^с̑ьӕньскъıӕ . за ²⁵ кнѧзѧ . и за землю Ростовьскую . иже взирающе на ²⁶ въздержаньє твоѥ . прославлѧють Ба҃ нъıнѣ и присно . и ²⁷ в бесконечнъıӕ вѣкъı ❙

Того же лѣ^{т̑ 28}. бъı^с̑ пожаръ великъ ²⁹ в Володимери градѣ . м^с̑цѧ ³⁰. априлѧ . въ . иı҃ . дн҃ь . на памѧ^т̑ . ста^г̑ Семеѡна . Оужикъı Г^с̑нѧ ^{31 Б} в середу ^{32 В}. погорѣ бо мало ³³ не весь городъ . и цр҃квии числомъ . л҃ . и . к҃ . ³⁴ И зборнаӕ ³⁵ цр҃къı ст҃аӕ Бц҃ѧ Златоверхаӕ . юже бѣ оукрасилъ блг҃овѣрнъıи кнѧ/л.133/зь Андрѣи . и та загорѣсѧ ³⁶ сверху . и что бѧше въ ¹⁹ неи днѣ ³⁷ оузорочии ³⁸. поникадила сребренаӕ . и ссудъ златъı^х̑ и сребренъı^х̑ . и портъ золото^м̑ шитъı^х̑ и женчюго^{м̑ 39}. и чюднъı^х̑ иконъ золотомъ кованъı^х̑ . и каменьѥ^м̑ драгъıмъ . и женчюгомъ ³⁹ велики^м̑ . имже нѣ^с̑ числа . Бу҃ ⁴⁰ попущьшю грѣхъ ради наши . и оумъ ѿ чл҃вкъ ⁴¹ ѿѥмъшю . и ¹⁶ въıмъıкаша изъ цр҃ькви на дворъ ⁴² до всего . а ис терема кунъı ⁴³ и книгъı . и паволокъı оукси ⁴⁴ цр҃квнъıѣ . иже вѣшаху на праздникъ . и до ссудъ ⁴⁵. имже нѣ^{с̑ 46} числа . все ѡгнь взѧ безъ оутеча . ӕко^ж̑ древле кивотъ Бж҃ии плѣненъ бъı^с̑ иноплеменьникъı . се же сѧ здѣӕ грѣ^х̑ ради наши^х̑ . ӕко үмножишасѧ грѣси наши ⁴⁷ и неправдъı . се же наведе на нъı Бъ҃ . велѧ ⁴⁸ на^м̑ имѣти покаӕньє . и въстѧгнутисѧ ѿ грѣха и ѿ зависти . и ѿ прочихъ ^Г злъı^х̑ дѣлъ неприӕзнинъıхъ ⁴⁹. Бъ҃ бо казнить рабъı своӕ . напастьми

различнъıми . ѡгнемь и водою и ратью . и ¹ инъıми различнъıми казньми ². да ӕвѧтсѧ ӕко ³ злато искушено в горнилѣ . хр^с̑ьӕномъ бо многъıми нанастьми внити ^А | въ цр^с̑тво нб^с̑ноє . [са^м бо Хс҃ Бъ҃ ре^ч̑ . ноужно цр^с̑тво нб҃ноє] ^Б но ⁴ нужници ⁵ въсхъıтають ⁶ є . но не предажь ⁷ на^с̑ до концѧ . имени твоѥго ради ста^г̑ . и не ѡстави мл^с̑ти твоєӕ ѿ на^с̑ . аще бо безаконьӕ назриши ⁸ то кто постоить . тъı бо вѣси Вл^д̑ко наши^х̑ согрѣшении . движеньӕ ⁹ на зло . ѥдино прѣщеньє . ѥдина казнь . многовещнъıӕ имуще ранъı . и се ¹⁰ притраньнѣє ¹¹Вперёдѣє . ӕко на хр^с̑ьӕньскѣ ¹² родѣ стра^х̑ и колѣбаньє . и бѣда оустранисѧ ¹³. праведно [и] ^В достоино є^с̑ . тако да ^накажемсѧ ¹⁴. и тако вѣрує^м̑ . подобаше намъ со Иѡвомь гл҃ати . ӕко Г^с̑ви ¹⁵ любо тако и бъı^с̑ . казними ¹⁶ бо Вл^д̑ку познає^м̑ . ѥгоже мъı прогнѣвахо^м̑ . прославлени бъıвше . не прославихомъ . почтени бъıвше не почтохомъ ¹⁷. ѡст҃ившесѧ не разумѣхомъ . куплени бъıвше ¹⁸ не поработихо^м̑ поработившесѧ ¹⁹. не ӕко ²⁰ ѡц҃ѧ ^Г постъıдѣхо^м̑сѧ . согрѣшихо^м̑ казними ²¹ ѥсмъı . ӕко створихо^{м̑ Д} тако и приӕхо^м̑ . но ѡбаче надѣє^м̑сѧ на мл^с̑ть великаго Ба҃ . кажеть нъı добрѣ Вл^д̑ка бл҃гъıи . не по безаконью нашему створи на^м̑ . ни по грѣхо^м̑ наши^м̑ въздасть ²² на^м̑ . тако подобає^т̑ /л.133об./ бл҃гому Вл^д̑цѣ казати . ѡ неизреченноє члв҃колюбьє . понеже хотѧще оуклонихо^м̑сѧ ѿ заповѣди ѥго . се оуже не хотѧще терпи^м̑ . все ²³ с нужею . понеже не волею кдѣ бѣ в на^с̑ въздъıханьє . нонѣ ²⁴ же плачь пространисѧ . Исаїӕ бо пр҃ркъ гле^т̑ . Г^с̑и ²⁵ в печали помѧнухо^м̑ тѧ в печали мало наказаньє твоѥ є^с̑ намъ . да никтоже дерзнеть ²⁶ рещи . ӕко ненавидими Бо҃мь ѥсмъı . да не будеть кого тако Бъ҃ любить ӕкоже нъı възлюбилъ є^с̑ и възнеслъ ѥсть никогоже ²⁷. имже паче ӕрость свою въздвиже ²⁸ на нъı . ӕко паче всѣ^х̑ почтени бъıвше . горѣє всѣ^х̑ здѣӕхо^м̑ . грѣхъı . ӕко^ж̑ паче всѣ^х̑ просвѣщени бъıвше Влд҃чню волю дѣюще . и не презрѣвше ^Е в лѣпоту паче инѣхъ казними ѥсмъı . тѣмже гле^т̑ к на^м̑ прр҃кмь . ѡбратитесѧ ко мнѣ . всѣмъ ср^д̑цемь ваши^м̑ . постомъ и плаче^м̑ . любовью ²⁹ другъ къ другу ³⁰. не воздающа ³¹ зла за зло . правѧща ³² судъ ѡбидимую вдовицю ³³. ѡклеветающе таи ближнѧго сего изгонѧще . по Бо҃ѡц҃ю Дв҃ду глщ҃ю ³⁴. избави мѧ ѿ клеветъı чл҃вча ³⁵. и схраню заповѣди твоӕ ^Д. | да ³⁶ аще сице створи^м̑ . всѣ^х̑ грѣ^х̑ прощени будемъ . и ӕко ³⁷ чадомъ своимъ . подасть на^м̑ всѧ прошеньӕ наша . ѿ ³⁸ тебе бо ѡ ³⁹ Вл^д̑ко . и всепрч^с̑таӕ ^Ж мт҃и . всѧко даньѥ ⁴⁰ бл҃го . и дари свъıше ⁴¹ посъıлаютсѧ . нъıнѧ ⁴² и при^с̑ и в бесконечнъıӕ ⁴³ вѣкъı ⁴⁴ аминь ⁴⁵.

В то же лѣ^т̑ . [1185] Бъ҃ вложи и ⁴⁶ в ср^д̑це кнѧземъ Русскъıмъ . ходиша бо кнѧзи Русстии вси ⁴⁷ на Половци . Ст҃ославъ Всеволодичь ⁴⁸. Рюрикъ Ростиславичь . Володимеръ Глѣбовичь . Ст҃ославичь Глѣбъ . Гюргевичь Глѣбъ Туровьскъıи . Романовичь Мстиславъ . Двд҃вчь Изѧславъ . Всеволодъ

Мстиславичь ^А. и Галичьскаӕ помочь . и Володимерьскаӕ . и Лучьскаӕ ¹. и ² по[и]доша ^Б к ни^м̑ вкупѣ вси . и пере^шедше Оуголъ ³ рѣку . є҃ . дн҃ии Искаша ихъ . Володимеръ же Глѣбовичь внукъ Юргевъ . ѣздѧше ⁴ напереду ⁵ в сторожи^х̑ с Переӕславци . и Берендѣєвъ бъıло с нимь ⁶ ҂.к҃ . и . р҃ . Половци же оуслъıшавше Русь ѡже ⁷ пришли на ни^{х̑ 8}. ради бъıша надѣющесѧ ⁹ на силу рекоша . се Бъ҃ вдалъ ¹⁰ є^с̑ кнѧзи Русскиѣ . и полкъı ихъ в руцѣ наши . оустремишасѧ на бои . не вѣдуще гле҃маго . ӕко нѣ^с̑ му/л.134/жьства . ни є^{с̑ 11} думъı противу Бв҃и . пондоша противу Володимеру . кличючи ¹² ӕко пожрети ¹³ хотѧще . Володимеръ же Бж҃ьєю помочью и ст҃оє Бц҃и . и дѣда своѥго сто^г̑ мл҃твою оукрѣплѧѥ^м̑ и ѡц҃а ^В своѥго ¹⁴. поиде противу им ¹⁵. испросилъсѧ ¹⁶ бѧше оу Ст҃ослава . рекъ ¹⁷ моӕ волость пуста ѿ Половець . пусти мѧ ѡч҃е Ст҃ославе ¹⁸ напередъ с сторожи ¹⁹. кнѧзи же Русстии не оутѧгли ²⁰ бѧху с Володимеромъ . Половци же оузрѣвше полкъ Володимерь . крѣпко идущь ²¹ на ни^х̑ . побѣгоша гоними гнѣвомъ Бж҃ьимъ и ст҃оє Бц҃и . наши же погнаша сѣкуще ӕ . з҃ . тъıсѧчь руками изъимаша ихъ ²² кнѧзии ѡдинѣхъ ²³ бъıло Половьцьсскъı^{х̑ 24} . у҃ . и . з҃ı . Кобѧка ²⁵ руками ӕша . Ѡсолука . Барака ²⁶. Тарга . Данила . Башкърта . Тарсука . Изу . Глѣба Тирьєвича . Єкспа ²⁷. Алака . и Толгъıӕ . Двд҃вча тести с съıно^м̑ . Тѣтиӕ с съıно^м̑ . Кобѧкова тьсти Турундаӕ . и ²⁸ поможе Бъ҃ и ст҃аӕ Бц҃ѧ Володимеру . мц҃ѧ ²⁹. иунѧ ^Г. въ ³⁰ . л҃а . дн҃ь ^Д. в понедѣлник ^Е. на памѧ^т̑ ста^г̑ . Євдокима Нова^{г̑ 31}. Сдѣӕ Г^с̑ь | сп҃сньѥ велико наши^м̑ кнѧзе^м̑ и воѥмъ ихъ . надъ врагъı ³² нашими . побѣжени бъıша ³³ иноплеменьници . и ^Ж Кумани . рекше Половци . и ³⁴ ре^ч̑ Володимеръ сь ³⁵ дн҃ь иже створи Г^с̑ь . възрадуѥмсѧ и възвеселимсѧ в онь . ӕко Г^с̑ь избавил нъı є^с̑ ѿ врагъ наши^х̑ . и покори врагъı наша по^д̑ нозѣ наши . и скруши главъı змиєвъıӕ ³⁶. и бъı^с̑ радость велика . дружина ѡполонишасѧ . и колодникъı поведоша . ѡружьӕ добъıша и конь . и възвратишасѧ домовь ³⁷ славѧще Ба҃ и ст҃ую Бц҃ю . скорую помощницю . роду хр^с̑ьӕньску ³⁸ : : —

В лѣ^т̑ . ҂s҃ . х҃ . ч҃д . [1186] м^с̑цѧ ²⁹ маӕ . въ ³⁰ . а҃ . дн҃ь . на памѧ^т̑ ста^г̑ пр҃рка ³⁹ Ієремиӕ ⁴⁰. В сере^{д̑ З}. на ве^ч̑рни . Бъı знаменьє въ сл҃нци . и морочно ⁴¹. бъı^с̑ велми . ӕко и звѣздъı ⁴² видѣти члв҃кмъ ⁴³ въ ѡчью ӕко зелено бѧше . и въ сл҃нци оучинисѧ ӕко ⁴⁴ м^с̑ць . из рогъ ⁴⁵ ѥго ӕко үгль жарокъ ⁴⁶ исхожаше ⁴⁷. страшно бѣ видѣти члв҃комъ знаменьє Бж҃ьє . В то^ж̑ лѣ^т̑ . того^ж̑. м^с̑цѧ . маӕ въ . иı҃ . дн҃ь . на памѧ^т̑ ста^г̑ му^{ч̑ И}. Потапıьӕ ^І. В су^б̑ту ^К. роди ^Л сн҃ъ оу великаго кнѧзѧ Всеволо/л.134об./да . и нарекоша имѧ ѥму в ст҃ѣмь крщ҃нии .

Костѧнтинъ . Того^ж̑ лѣ^{т̑ 1}. Здумаша Ѡлгови ² внуци на Половци ³. занеже бѧху не ходили ⁴. томь лѣ^т̑ . со всею кнѧзьѥю ⁵. но сами поидоша ѡ собѣ . рекуще мъı ѥсмъı ци ⁶ не кнѧзи же . [поиде^м̑] ^А такъıже ⁷ собѣ хвалъı добуде^т̑ . и снѧшасѧ оу Переӕславл^ѧ . Игорь съ двѣма сн҃ома . из Новагорода Сѣверьскаго . ис Трубѣча ⁸ Всеволодъ . брата ⁹ ѥго Ѡлговичь Ст҃ославъ из Ръıльск^а . и Черниговьскаӕ помочь . и внидоша в землю ихъ . Половьци же ¹⁰ оуслъıшавше . поидоша рекуще ¹¹ бра^т̑ӕ наша избита и ѡц҃и наши . а друзии изъим^ани . а се нонѣ ¹² на ¹³ на^с̑ иду^т̑ . послашасѧ ¹⁴ по всеи земли своєи . а сами поидоша к симъ . и ждаша дружинъı своєӕ . а си ¹⁵ к ни^{м̑ Б} идуть к вежамъ ихъ . ѡни же не пустѧчи ¹⁶ в вежѣ срѣтоша ихъ . а дружинъı не дождавъше и сступишасѧ . и побѣжени бъıвше Половци . и биша и ¹⁷ до вежь . множество ¹⁸ полона взѧша ¹⁹ женъı и дѣти ²⁰. и стоӕша на вежа^х̑ . г҃ . дн҃и . Веселѧсѧ ²¹. а ²² рекуще бра^т̑ӕ наша ходили с Ст҃ославомъ велики^м̑ | кнѧзе^м̑ . и билисѧ с ними зрѧ ²³ на Переӕславль . а ѡни сами к ни^{м̑ 24} пришли а в землю ихъ не смѣли по ни^х̑ ити . а мъı в земли и^х̑ ѥсмъı . и самѣхъ избили а ²⁵ женъı и^х̑ полоненъı . и дѣти оу насъ . а нонѣ ¹² поидемъ по ни^х̑ за Донъ . и до концѧ избьємъ ихъ . ѡже ²⁶ нъı буде^т̑ ту ²⁷ побѣда . иде^м̑ по ни^{х̑ 28} и ²⁹ луку морѧ . гдѣ же не ходили ни дѣди наши . а возме^м̑ до конца свою славу и чть . а не вѣдуще ³⁰ Бж҃ьӕ строѥньӕ . а ѡстатокъ ³¹ бьєнъı^х̑ тѣ^х̑ . бѣжаша дружннѣ ³² своєи . гдѣ ³³ бѧху переже ³⁴ вѣсть послали . и сказаша имъ свою погъıбель . ѡни же слъıшавше поидоша к ни^м̑ . а по друзи послашасѧ ³⁵. и снѧшасѧ с ними стрѣлци и бишасѧ . г҃ . дн҃и . стрѣлци ³⁶ а копьи сѧ не сннмали ³⁷. а дружинъı ѡжидаючи ³⁸. а ²² к водѣ не дадуче ³⁹ имъ ити . и приспѣ ⁴⁰ к ни^м̑ дружина всѧ . многоє множство . наши же видѣвше ихъ оужасошасѧ ⁴¹. и величаньӕ своѥго ѿпадоша ⁴². не вѣдуще ⁴³ глемаго пр҃ркмъ . нѣ^с̑ чл҃вку мдр^с̑ти ⁴⁴. ни є^с̑ мужства ^В. ни ⁴⁵ є^с̑ думъı противу Г^с̑ви ⁴⁶. изнемогли бо сѧ бѧху безводьємь . /л.135/ и кони и ⁴⁷ сами в знои . и в тузѣ . и поступиша мало к водѣ . по . г҃ . дни бо не пустили бѧху ихъ к водѣ ⁴⁸. Видѣвше ⁴⁹ ратнии үстремишасѧ ⁵⁰ на нь . и притиснуша ^Г и ⁵¹ к водѣ . и бишасѧ с ними крѣпко . и ⁵² бъı^с̑ сѣча зла велми . друзии конѣ пустиша к ни^м̑ съсѣдше . и ⁵³ кони бо бѧху по^д̑ ними изнемогли . и побѣжени бъıш^а наши гнѣво^м̑ Бж҃ьимъ . кнѧзи вси изъимани ⁵⁴. бъıша ⁵⁵. а болѧре и велможа ⁵⁶ и ⁵⁷ всѧ дружина избита . а другаӕ ⁵⁸ изъиман^а и та ӕзвена . и ⁵² възвратишасѧ с побѣдою великою Половцї . а ѡ ⁵⁹ наши^х̑ не ⁶⁰ бъı^с̑ кто и вѣсть ⁶¹ принеса ⁶². за наше согрѣшеньє . гдѣ бо бѧше в на^с̑ радо^с̑ . нонѣ ¹² же въздъıханьє и плачь распространисѧ ^{63 Д}. Ісаїӕ бо ⁶⁴ пр҃ркъ

гл҃ть . Ги҃ в печали помѧнухо^м̑ тѧ . и прочаӕ ^А. и по[и]де ^Б путе^м̑ гость . ѡни же казаша рекуще . поидѣте по свою бра^т̑ю . али ¹ мъı иде^м̑ по свою бра^т̑ю к ва^м̑ . кнѧзе^м̑ же всѣ^м̑ слъıшавше ² таку погъıбель . ѡ ³ братьѣ своєи . и до боӕръ . возпїша ⁴ вси . и бъı^с̑ плачь и стенаньє ⁵. ѡвѣмъ бо ⁶ бра^т̑ӕ избита и ⁷ изъимана . а другъıмъ ѡц҃и ^В и ближикъı . а ⁸ кнѧзь Ст҃ославъ | посла по сн҃ъı своѣ ⁹. и по всѣ кнѧзи . и собрашасѧ к нему г ¹⁰ Къıєву . и въıступиша г ¹⁰ Каневу . Половци же оуслъıшавше ¹¹ всю землю Русскую идуще ¹². бѣжаша за Донъ . Ст҃ослав же слъıшавъ ихъ бѣжавши^х̑ . възвратисѧ г ¹⁰ Къıѥву со всею кнѧзьѥю ¹³. и разидошасѧ в странъı своӕ . Половци же оуслъıшавше ¹¹ ихъ ѿшедши^х̑ гнаша ѡтаи к Переӕславлю . и взѧша всѣ городъı по Сулѣ . и оу Переӕславлѧ бишасѧ весь дн҃ь . Володимеръ же Глѣбовичь . видѣ ѡстрогъ взимає^м̑ . въıѣха из города к ни^м̑ . в малѣ дружинѣ ¹⁴ и потче к ни^{м̑ 15}. и бишасѧ с ними крѣпко . и ¹⁶ ѡбиступиша кнѧзѧ злѣ . и видѣвше горожане . изнемагающе ¹⁷ свои^х̑ . и ¹⁶ въıринушасѧ нз города и бишасѧ . ѡдва изотѧша кнѧзѧ боденого . треми ¹⁸ копьи. А дружинъı много избьєно ¹⁹. и вбѣгоша ²⁰ в городъ и затворишасѧ . а ѡни възвратишасѧ со многъı^м̑ полоно^м̑ в вежѣ . и ¹⁶ по малъı^х̑ дн҃хъ оускочи Игорь кнѧзь оу Половець . не ѡставить бо Г^с̑ь праведнаго в руку грѣшничю . ѡчи бо Г^с̑ни на боӕщаӕсѧ /л.135об./ ѥго . а оуши ѥго в мл҃тву ихъ . гониша бо по не^м̑ и не ѡбрѣтош^а [єго] ^Г. ӕко^ж̑ и ²¹ Саоулъ гони Дв҃да но Бъ҃ избави и . тако и сего Бъ҃ избави из руку поганъı^х̑ . а ²² ѡни ²³ вси держими бѧху твердо и стрегоми . и потвержаѥми многими желѣзъı и казньми . се же и ¹⁶ здѣӕсѧ грѣ^х̑ ради наши^х̑ . зане оумножишасѧ грѣси наши и неправдъı . Бъ҃ бо казнить рабъı своӕ напастьми различьнъıми . ѡгнемь и водою и ратью ²⁴. и инъıми различнъıми казньми . хр^с̑ьӕнину ²⁵ бо многъıми напастьми внити въ цр^с̑тво нб^с̑ноє . согрѣшихо^м̑ казними ^Д ѥсмъı ²⁶. ӕко створихо^{м̑ Е} тако и приӕхо^м̑ . но кажет нъı добрѣ Г^с̑ь нашь . но да ²⁷ никтоже можеть рещи ӕко ненавиди^т̑ на^с̑ Бъ҃ . не буди то . кого тако ²⁸ любить [Бг҃ъ] ^Ж ӕкоже^{нъı 29} възлюбилъ є . [и възнеслъ є] ^З. и ст^с̑рть ³⁰ приӕтъ на^с̑ ради . да нъı избавить ѿ неприӕзни .

Того^ж̑ лѣ^{т̑ 31}. [1186] Посла ³² великъıи кнѧзь Всеволодъ Гюргевичь на Болгаръı . воѥводъı своѣ с Городьчанъı . и взѧша [села] ^И многъı . и възвратишасѧ ^І. с полоно^м̑ [многи^м̑] ^К. В се же лѣто въıгнаша Новгородци Ӕрослава . Володимерича . а Двд҃вча Мь|стислава поӕша ³³ к собѣ кнѧжитъ ³⁴. Новугороду . такъ ³⁵ бо бѣ изъ ѡбъıчаи ❙

Того^ж̑ лѣ ³⁶ [1186] Въстави дьӕволъ вражду . искони ненавидѧи добра роду члвч^с̑ку ³⁷. и ¹⁶ борѧсѧ с хотѧщими сѧ сп҃сти ³⁸. ӕко в прежнѧӕ дн҃и . Каина на Авелѧ брата своѥго . а потомъ Ст҃ополка на Бориса и Глѣба власти ради . абъı єдиному ³⁹ власть ⁴⁰ приӕти . а бра^т̑ю избити . тако и сихъ ⁴¹ подоѡстри . Романа ⁴². Игорѧ . [и] ^Л Володимера . на Всеволода . и Ст҃ослава . на меншею брату ⁴³. и бъı^с̑ крамола зла вельми

в Рѧзани ¹ бра^т̑ брата искаше ² и ³ оубити . пославше ⁴ к нима звахуть ⁵ єю к собѣ на свѣтъ ⁶ лестью . абъı како ӕти єю . ѡна же үвѣдаста почаста ⁸ городъ твердити . и ини ⁹ слъıшавше ѡже городъ твердѧть ¹⁰. идоша ¹¹ къ Пръıньску ¹². собравше вои множство ¹³. ѡна же ¹⁴ затвористасѧ в градѣ . и почаша воєвати гра^д̑ єю и села . оуслъıшав же ¹⁵ Всеволодъ великъıи кнѧзь Гюргевичь ¹⁶ правовѣренъ съıи . боӕсѧ ¹⁷ Ба҃ и ³ не хотѧ видѣти кровепролитьӕ в ни^х̑ . посла к ни^м̑ из Володимерѧ слъı ¹⁸ своӕ в Рѧзань . къ Глѣбовиче^м̑ к Роману . и къ И/л.136/горю . и Володимеру . гл҃ѧ имъ . бра^т̑ӕ что тако дѣлаєте . не дивно ѡже нъı бъıша ¹⁹ погании воѥвали . а се нонѣ ²⁰ хочете брату своєю ²¹ оубити . ѡни же слъıшавше се всприимше буи ²² помъıслъ . начаша ²³ сѧ гнѣвати на нь . и болшю вражду въздвигати . ӕко^ж̑ пр҃ркъ Солом[он]ъ ²⁴ гл҃ть . кажа злъıӕ приємлеть ²⁵ собѣ досаженьє . ѡбличишь ²⁶ безумнаго поречеть тѧ . не ѡбличаи злъı^х̑ да не възненавидѧть тебе . ѡблїчаи прм҃дра възлюбить тѧ . а безумнаго ѡбличишь ²⁷ възненавиди^т̑ тѧ . тако и си ²⁸ възревн^оваша и не послушаша ѥго . но замъıшлѧти ²⁹ почаша на нь рать . Всеволодъ же с брато^м̑ своимь Ст҃ославомъ . посласта ³⁰ ис Пръıньска ³¹. в Володимерь ³² к великому кнѧзю Всеволоду Юргевичю . помочи просѧще ³³. ѡн же посла к нима ³⁴ Володимерьскоє ³⁵ дружинъı . т҃ . и рада бъıста . Слъıшаша ихъ пришедше ³⁶ идоша ³⁷ к граду . и ѡбисѣдоша гра^д̑ . и бишасѧ крѣпко . Всеволодъ же Гюргевичь посла к ни^м̑ в помочь ³⁸ Ӕрослава Володимерича . своӕка своѥго . а ³⁹ из Мурома Володимера . и Дв҃да . и бъı|ша оу Коломнъı . слъıшаша ⁴⁰ идуща ⁴¹ [ихъ] ^А из Володимерѧ . бѣжаша ѿ града . и ³ видѣ Всеволодъ бѣжаща ихъ ⁴² ѿ града . въıѣха из града . ѡставивъ ⁴³ брата Ст҃ослава в градѣ . а самъ ѣха г ⁴⁴ Коломнѣ противу Ӕрославу [и] ^Б Володимеру . и Дв҃дви . и повѣда имъ како бѣжали ⁴⁵ ѿ града . и ѡни оуслъıшавше ⁴⁶ възвратишасѧ Володимерю . Всеволодъ же ⁴⁷ иде с ними на свѣтъ ⁶. ко Всеволоду великому Юргевичю ⁴⁸. оуслъıшав же Романъ . [и] ^Б Игорь . и Володимеръ . ѡже воротилисѧ ѡпѧть . и бра^т̑ ихъ шелъ Володимерю ³² на свѣтъ ⁶ ко Всеволоду Юргевичю . идоша ¹¹ ко граду . и Ст҃ославъ затворисѧ в градѣ . и бишасѧ крѣпко . и переӕша воду оу ни^х̑ . изнемагаху же ⁴⁹ людьє в градѣ безводьємь . и послаша в градъ к брату Ст҃ославу гл҃ще . не мори сѧ голодомъ с дружиною . и людии не помори . но лѣзн сѣмо ⁵⁰ къ на^м̑ . тъı на^м̑ братъ свои ци снѣмъı тѧ толико не приставаи к брату Всеволоду . ѡн же послушавъ боӕръ своихъ ѡже молвѧхуть ѥму . /л.136об./ бра^т̑ твои шелъ Володимерю ³² а тобе въдавъ ⁵¹. и ѡтвори гра^{д̑ 52}. ѡни же въѣхавше ⁵³ даша ѥму городъ . а кр^с̑тъ цѣлова к ни^{м̑ 54}. и посадиша и в том же градѣ . а что дружинъı Всеволожи повѧзаша всѣ^х̑ . жену же ⁵⁵ ѥго и ⁵⁶ з дѣтми . а ³⁹ свою ӕтровь ведоша в Рѧзань . и боӕръ ѥго . и имѣньѥ ихъ ⁵⁷

розоимаша ¹ . и Володимерци многъı повѧзаша . иже бѧху послани в засаду ² къ нимъ . оуслъıшав ³ же Всеволодъ полонену жену и ⁴ з дѣтьми . и до ⁵ боӕръ . и имѣньє . взѧто . печаленъ бъı^с̑ велми . а бра^т̑ сѧ передалъ . приде ⁶ из ⁷ Володимерѧ . и сѣде в Коломнѣ . и почашьсѧ ⁸ воѥвати . и бъı^с̑ ненависть межю ими люта . Всеволодъ же Гюргевичь слъıшавъ то . ѡже ⁹ передалсѧ Ст҃ославъ ¹⁰ на льсти . а дружину ѥго выдалъ . нача збирати вои . река даи мою дружину добро^м̑ . како ¹¹ то єси оу мене поӕлъ . аще ¹² сѧ миришь с братьєю своєю . а мои люди чему ^А въıдаєшь . ӕзъ ¹³ к тобѣ послалъ . а тъı оу мене въıбилъ чело приславъ . аще тъı ратенъ . си ратни ^Б | же . аще тъı миренъ а си ¹⁴ мирни же . ѡни же слъıшавше ѡже ¹⁵ хочеть ити на нь ¹⁶ Всеволодъ . послаша к нему гл҃ще . тъı ѡц҃ь тъı г^с̑нъ . тъı бра^т̑ . гдѣ твоӕ обида будеть мъı переже тобе ¹⁷ главъı своѣ сложи^м̑ за тѧ . а нонѣ ¹⁸ не имѣи на на^с̑ гнѣва . аще ѥсмъı ¹⁹ воѥвали на ²⁰ своѥго брата ѡже на^с̑ не слушаѥть ²¹. а тобѣ сѧ ²² кланѧѥ^м̑ . а мужѣ твои пущає^м̑ . Всеволод же ²³ не всхотѣ мира ихъ . ӕко пр҃ркъ ²⁴ гл҃ть . брань славна ²⁵ луче є^{с̑ 26} мира студна . съ лживъıм ²⁷ же миромъ живуще . велику ²⁸ пакость землѧ^м̑ творѧть . Того^ж̑ лѣта . на зиму иде на Полтескъ . Дв҃дъ Ростиславичь изъ ²⁹ Смолиньска . а сн҃ъ ѥго Мстиславъ из Новагорода . из Ложьска ³⁰ Василко Володаревичь . из Дреютьска ³¹ Всеславъ . и слъıшаша Полочане . и здумаша рекуще . не може мъı стати противу Новгородце^м̑ . и Смолнѧно^м̑ . аще попустимъ ³² ихъ в землю свою . аще ^{и 4} миръ створимъ с ними . а много нъı ^В зла створѧть . попустѧт нъı землю идучи ³³ до насъ . поиде^м̑ к ни^м̑ на сумежьє . и собрашасѧ вси . и ⁴ идоша к ни^м̑ . и срѣто/л.137/ша ӕ ³⁴ на межа^х̑ с поклоно^{м̑ 35} и с ч^с̑ью . и даша ѥму ³⁶ даръı многъı и оуладишасѧ ³⁷. и разидошасѧ в странъı своӕ кождо ихъ [во своӕ си] ^Г ❙—

В лѣ^т̑ . ҂s҃ . х҃ . ч҃е . [1187] м^с̑цѧ ³⁸ . маӕ . въ . в҃ . дн҃ь ³⁹ на пренесеньє ст҃ою мч҃нку Бориса и Глѣба ⁴⁰. родисѧ оу ⁴¹ Всеволода кнѧзѧ великаго ⁴² сн҃ъ . и нарекоша имѧ ѥму в ст҃ѣмь крщ҃ении ⁴³ Борисъ . В то^ж̑ лѣ^т̑ . приходи єп^с̑пъ Черниговьскъıи ІІерѳурии ⁴⁴. Ко Всеволоду Гюргевичю Володимерю ⁴⁵ мира просѧ оу него . абъı оумирити ѥго с Рѧзанци съ Глѣбовичи . занеже єсть Рѧзань Черниговьскъıи єп^с̑пъ ^{46 Д}. и стоӕ в монастъıри ү Взнесеньӕ . на самъıи ^Е праздни^к̑ Възнесеньӕ Г^с̑нѧ ⁴⁷. Всеволодъ же Гюргевичь боӕсѧ Ба҃ . не хотѧ видѣти свадъı . послуша ѥго и своѥго єп^с̑па блж҃наго Лукъı молѧщемасѧ ⁴⁸ има ѡбѣма . посла ѥго в Рѧзань с миро^м̑ . приставѧ к нему своѣ мужи и Ст҃ославли мужи . и Ӕрославли ⁴⁹ брата ѥго . Всеволодичю Ѡльгову внуку . а ихъ мужи вси пусти Рѧзаньскъıѣ . ѡже ⁵⁰ изьимани бъıли . ѡн же прнше|дъ ⁵¹ в Рѧзань к Роману . и Игорю . Володимеру ⁵². Ст҃ославу . и Ростиславу ^Ж. ѡн же оутаивъсѧ всѣ^х̑ мужии [и] ^З пословъ Всеволожи^х̑ . и шедъ инако рѣчь извороча к ни^м̑ .

не ӕко ст҃льскъı но ӕко ¹ перевѣтникъ и ложь . ӕко^{ж̑ 2} гл҃еть мудр҃ъıи Соломонъ . гнѣвъ оукротимъ . лжею проливаєть сваръ . а рать не до концѧ смирена . проливаѥ^т̑ кровь . а брань славна лучьши ³ єсть мира студна . со лживъı^{м̑ 4} миромь живуще велыо пакость землѧ^м̑ творѧть . тако и Перѳюрии ⁵ єп^с̑пъ . исполнивъсѧ ⁶ срама и бещестьӕ ⁷. иде инѣмъ путе^м̑ вВперёдсвою . Всеволодъ же Гюргевичь слъıшавъ ⁸ ѡ Перѳюрьи ѡже ⁹ тако створилъ . хотѧше послати ^А по не^м̑ и ӕти ѥго . но положи оупованьє на Ба҃и на ст҃ую Бц҃ю . Того^ж̑ . лѣ^{т̑ 10}. Всеволодъ Юргевичь Володимерь внукъ Мономаховъ ¹¹ . ѿдалъ дчерь свою Всеславу Чернигову ¹². за Ӕрославича Ростислава . внука Всеволожа Ѡлговича ¹³. и ведена бъı^с̑ . м^с̑цѧ . иулѧ . въ . а҃ı . дн҃ь ¹⁴. на памѧ^т̑ ст҃оє мчн҃ци . Єоуѳимьи ¹⁵. И бъı^с̑ радо^с̑ вели/л.137об./ка в градѣ Володимери ¹⁶ . Ӕрославу Володимеричю ту на свадбѣ . а из Мурома ^Б Дв҃дъ Юргеви^ч̑ . и ¹⁷ потомь разидошасѧ в своӕ си кождо ихъ ❙ Того^ж̑ лѣ^{т̑ 10}. Бъı^с̑ болесть силна ¹⁸ в люде^х̑ вельми . не бѧше бо ни ѡдиного же ¹⁹ двора безъ болнаго ²⁰. а в-ъıно^{м̑ 21} дворѣ нѣкому ^Б бѧше ни водъı подати ^{22 А}. [но вси лежать ²³ болѧ] ^В. Бъ҃ бо казнить рабъı св^оӕ напастми ²⁴ различнъıми . водою и ѡгнемь и болѣзньми тѧжкъıми . но аще безаконьӕ ²⁵ наша назриши ²⁶ Г^с̑и . то ²⁷ кто постоить . тъı бо вѣси наша согрѣшеньӕ Вл^д̑ко . подвизаньє ²⁸ на зло . и Дв҃дъ пр҃рокъ гл҃ть . наказаӕ накажи мѧ Г^с̑и . но смр҃ти не предажь ²⁹ мене . и соломонъ прмд҃ръıи гл҃ть болестемъ . в лѣтѣ ³⁰ часто пребъıвающи^м̑ . и сама смр҃ть не ѡблѣнитсѧ прити . Ісаıӕ пр҃ркъ ^Г гл҃ть . Г^с̑и в печали помѧнухо^{м̑ 31} тѧ и прочаӕ ³². ӕко створихо^{м̑ Д} тако и приӕхо^м̑ . но ѡбаче н^адѣємсѧ на мл^с̑ть великаго Ба҃ . кажет нъı добрѣ блг҃ъıи Вл^д̑ка . не по безаконью нашему ^Б створи на^м̑ . ни по грѣхо^м̑ наши^м̑ въздасть на^м̑ члвк҃лбць ❙ Того^ж̑ . лѣ^{т̑ 33}. Исписана бъı^с̑ цр҃къı | ст҃аӕ ³⁴ Бц҃а в градѣ Ростовѣ . блж҃енъıмъ Лукою єп^с̑пмъ . Того^ж̑ лѣ^{т̑ 35}. Иде великъıи кнѧзь Всеволодъ Юргевичь . внукъ Володимерь ³⁶. на Рѧзань . съ Ӕрославомъ Володимериче^м̑ . с своӕко^м̑ своимъ . и с Володимеро^м̑ Муромскъı^м̑ Юргевиче^м̑ . и Всеволодъ Глѣбовичь . ис Коломнъı . иде с ними ³⁷ на братью свою . и перебродивше Ѡку ³⁸ идоша к Понову ³⁹. и взѧша села всѧ ⁴⁰ и полонъ многъ . и възвратишасѧ в своӕ си ѡпѧ^{т̑ 41}. землю ихъ пусту створивше и пожгоша всю ⁴² ❙

В лѣ^т̑ . ҂s҃ . х҃ . ч҃s . [1188] м^с̑цѧ . марта . въ . и҃ı . дн҃ь . в сре^д̑ . вербноє недѣли ^{43 Е}. Престависѧ Володимеръ Глѣбовичь Переӕславли ⁴⁴. внукъ великаго кнѧзѧ Геѡргиӕ ❙— того же лѣ^{т̑ 35}. престависѧ Борисъ Всеволодичь . Того^ж̑ лѣ^{т̑ 35}. Прислашасѧ Новгородци . к великому кнӕзю Всеволоду . просѧ ⁴⁵ Ӕрослава Володимерича своӕка ѥго . ѡн же ѿпусти и ⁴⁶ с иими ⁴⁷. с ч^с̑тью великою Новугороду ⁴⁸. Того^ж̑ лѣ^т̑ . На зиму . м^с̑цѧ ⁴⁹. ѳевралѧ . въ . зı҃ . дн҃ь ⁵⁰. бъı^с̑ гро^м̑ страшенъ . зарази двоє

чади ¹. и храмину зажже . ӕкоже ² Дв҃дъ пр҃ркъ /л.138/ гл҃ть ³. призираӕ на землю творѧ ю трѧстисѧ . прикасаӕсѧ в ⁴ гора^х̑ вскурѧтсѧ ⁵. аще безаконьӕ наша назриши Г^с̑и . то ⁶ кто постоить пре^д̑ тобою воину ⁷. Исаїӕ ⁸ пр҃ркъ гл҃ть . наказаӕ накажи нъı Г^с̑и . смр҃ти не предажь ⁹ на^с̑ . Г^с̑и в печали помѧнухомъ тѧ в ¹⁰ печалї мало наказаньє твоѥ є^с̑ на^м̑ . стрѧсе ¹¹ землю и ¹² смѧте ¹³ ю . ӕви людемъ свои^м̑ жесткаӕ ¹⁴ по дѣло^м̑ ихъ ❙

^А В лѣ^т̑ . ҂s҃ . х҃ . ч҃з . [1189] Кнѧзь великъı^и Всеволодъ . ѿда дчерь свою Верхуславу Бѣлугороду ¹⁵. за Рюриковича Ростислава . м^с̑цѧ . иулѧ . въ . а҃ дн҃ь ❙— Того^ж̑ . лѣ^{т̑ 16} сщ҃на бъı^с̑ цр҃къı ¹⁷ сборнаӕ ст҃аӕ Бц҃ѧ . великъı^м̑ сщн҃ьє^м̑ . блжн҃ъıмь єп^с̑пмъ Лукою . при кнѧзи велико^м̑ Всеволодѣ и сн҃ѣ ѥго Костѧнтинѣ . и Ӕрославичи Ростиславѣ зѧти ¹⁸ ѥго . и бъı^с̑ радость велика в градѣ ¹⁹ Володимери . и сщ҃на бъı^с̑ на канунъ ст҃оє ²⁰ Бц҃и Оуспеньӕ ^Б. Того^ж̑ лѣ^т̑ . Престависѧ Глѣбъ кнѧжичь . м^с̑цѧ . семтѧ^б̑ въ . к҃ѳ . дн҃ь ²¹ ❙ Того^ж̑ . лѣ^{т̑ 22}. Престависѧ блт҃овѣрнъıи [и] бл҃женъıи ²³ єп^с̑пъ Лука . Ростовскъıи . [и] ^З Володимерьскъıи . м^с̑цѧ ²⁴. ноӕбрѧ . въ ²⁵ . ı ҃. дн҃ь . спрѧта|вше тѣло ѥго кнѧзь ве[ли]къıи ^Г Всеволодъ Гюргеви^{ч̑ 26}. съ игуменъı и с черньци . с клирошанъı . с попъı ²⁷. положиша и оу ст҃оє ²⁸ Бц҃и . в градѣ ²⁹ Володимери въ . аı҃ . ноӕбрѧ . на пѧмѧ^{т̑ Д} ст҃хъ . Минъı . и Виктора . и Викентьӕ ^{30 Е} ❙— Того^ж̑ лѣ^т̑ . Родисѧ оу Всеволода сн҃ъ . и нарекоша и въ ст҃ъмь крщ҃ньи ³¹ Геѡргии ❙—

В лѣ^т̑ . s҃ . х҃ . ч҃и . [1190] Посла блг҃овѣрнъıи хр^с̑олюбивъıи великъıи ³² кнѧзь Всеволодъ сн҃ъ Гюргевъ . внукъ Мономаховъ Володимерь г ^Ж Къıѥву ³³. Ст҃ославу ко Всеволодичю . и к митрополиту Никиѳору . ѡц҃ѧ своѥго дхв҃наго Іѡа^н̑ . на єп^с̑пьство ^З. ӕкоже Г^с̑ь гл҃ть . на кого призрю не ³⁴ на кроткаго ли ³⁵. и на смѣренаго . и трепещющаго ³⁶ словесъ мои^х̑ . тако и ³⁷ на сего бл^ж̑наго призрѣ Бъ҃ и ст҃аӕ Бц҃ѧ . хотѧщю ³⁸ ѥго поставити служителѧ своєи цр҃кви . и пастуха всеи ³⁹ земли . Ростовьскои . и Суждальскои . и Володимерьскои . єже и бъı^{с̑ 40}. поставлен же бъı^с̑ . м^с̑цѧ . генва^р̑ . въ . к҃г . дн҃ь ⁴¹. на памѧ^т̑ ста^г̑ мч҃ка Климента єп^с̑па ⁴². а в Ростовъ пришелъ на свои столъ . /л.138об./ м^с̑цѧ . февра^л̑ . въ . к҃е . дн҃ь ⁴³. на памѧ^т̑ ста^г̑ ѡц҃а Тарасьӕ ⁴⁴. тогда сущю великому кнѧзю Ростовѣ ⁴⁵ в полюдьи . а в Суждаль въшелъ . м^с̑цѧ . марта . въ . ı ҃ ⁴⁶. дн҃ь . на памѧ^т̑ ста^г̑ мч҃нка Кондр^ата ⁴⁷. а в Володимерь ⁴⁸ вшелъ того^ж̑ м^с̑ца . въ ²⁵ . s҃ı . дн҃ь . в пѧто^{к̑ 49} на канунъ ⁵⁰ ста^г̑ Ѡлексѣӕ члв҃ка Бж҃ьӕ . и друга Бж҃ьӕ Лазарѧ . Того^ж̑ . лѣ^{т̑ 51}. Родисѧ оу блг҃овѣрьнаго и х^с̑олюбиваго кнѧзѧ ⁵² Всеволода сн҃ъ . м^с̑цѧ . февра^л̑ . въ . и҃ . дн҃ь ⁵³. на памѧ^т̑ ста^г̑ пр҃рк^а . Захарьи ⁵⁴. и нарекоша и въ ст҃ъмь крщ҃ньи ⁵⁵ Ѳеѡдоръ . и

тогда сущю кнѧзю великому ^А в Переӕславли . в полюдь^{и 1} ❙ —

Назад    Оглавление    Вперёд