В лѣто 6489 [981]. Иде ⁹ Володимиръ къ Ляхомъ, и зая ¹⁰ грады их: Перемышль, Червенъ ¹¹ и иныи грады, еже есть под Русию. Семъ ¹² же лѣтѣ и Вятици побѣди, и возложи /л.46./ на них дань от плуга, якоже и отець ¹³ его имаше ¹⁴.

В лѣто 6490 [982]. Заратишася Вятици; иде на ня Володимиръ ¹⁵ и побѣди я ¹⁶ второе.

В лѣто 6491 [983]. Иде Володимеръ ¹⁷ на Ятвягы ¹⁸, и побѣдѣ ¹⁹ Ятвягы ²⁰, и взя землю их. И прииде Кыеву ²¹, и ²² творяще требу кумиромъ с людьми своими. И рѣша старци и боляре ²³: «мещем жребьи ²⁴ о отрока и дѣвицю; на него же падеть, ²⁵ того ²⁶ зарѣжемъ богомъ» ²⁷. И бяшет ²⁸ Варягъ единъ, и бѣ дворъ его, идеже ²⁹ есть церкви святыя ³⁰ Богородица, юже созда Володимеръ. ³¹ Бѣ же Варягъ тои ³² пришелъ из Грекъ, и держаше втаинѣ ³³ вѣру ³³ крестияньску ³⁴; и бѣ у него сынъ красенъ тѣломъ и душею, и на сего паде жребии по зависти дияволѣ ³⁵. Не терпяшет ³⁶ бо диаволъ, власть имыи надо всѣми ³⁷, а сьи ^{А 38} бяшеть акы ³⁹ тернъ ⁴⁰ въ сердци; и тщашеся ¹¹ потребити ^Б оканныи ⁴², и наусти люди. И рѣша пришедше ⁴³ послании к нему, яко «паде жребии на сынъ твои, понеже ⁴⁴ бо изволиша его бозѣ наши себѣ, ⁴⁴ да створимъ ⁴⁵ требу богомъ». И рече Варягъ: «не суть бо бози, нь ⁴⁶ древо; днесь ⁴⁷ есть, а утро изъгниеть ⁴⁷; не ядят ⁴⁸ бо бози, ни пиють, ⁴⁹ ни молвят, ⁵⁰ нь ⁵¹ суть дѣлани ⁵¹ руками ⁵² во ⁵³ дрѣвѣ секирою ⁵³ и ножемъ; а богъ ⁵⁴ есть единь, емуже служать Грецѣ ⁵⁵ и кланяются, иже /л.46об./ створилъ ⁵⁶ небо и землю. и звѣзды, солнце, луну ⁵⁷ и человѣка, и далъ есть ⁵⁸ ему ⁵⁸ жити на земли; и ⁵⁹ ваши бози ⁶⁰ что сдѣлаша ⁶¹;

а сами дѣлани ¹ суть. Не дам сына своего бѣсомъ». Они же, шедше ², повѣдаша людемъ; абие ³ же онѣ народѣ ³, вземше ⁴ оружье ⁵, поидоша на нь и обоидоша ⁶ дворъ около его. Оному ⁷ же стоящу ⁷ на сѣнех съ сыномъ своимъ, и рѣша ему: «вдаи сына своего, да вдамы богомъ». Он же рече: «аще суть бозѣ, то пошлют ⁸ единаго ⁹ бога и поимуть сынъ мои ¹⁰; а вы чему ¹¹ перетеребуете ¹² имъ ^{А 12}. И ¹³ абие онѣ ¹⁴ народѣ кликнуша ¹⁴ велиимъ гласомъ, и подъсѣкоша ¹⁵ сѣни под нима ¹⁶, и тако побиша я ¹⁷. И бяху ¹⁸ бо тогда человѣци ¹⁹ невѣгласи и ²⁰ погани; и ²¹ диаволъ радовашеся сему. не вѣдыи, яко близъ погыбель ²² хотяше быти ему. Тако бо преже тщашеся ²³ погубити род крестияньскыи ²⁴, но прогонимъ бяше крестомъ ²⁵ честнымъ ²⁶ во ²⁷ инѣх ²⁸Вперёдх; здѣ же мняше оканныи ²⁹, яко «здѣ ми есть жилище: здѣ бо не суть учили апостоли, ни пророци прорицали», не вѣдыи пророка глаголюща: «и нареку не люди моя люди моя» ³⁰; и ³¹ о апостолехъ же рече: «во ³² всю землю изидоша ³³ вѣщаниа ³⁴ их и в конець ³⁵ вселеныя глаголы ³⁶ их». Аще бо тѣломъ апостоли ³⁷ не суть были ³⁷, нь ³⁸ учениа их яко трубы гласят ³⁹ по вселенѣи ⁴⁰ въ церквахъ, им ⁴¹ же учениемъ ⁴² побѣжа/л.47./емъ ⁴³ противнаго врага, и попирающе под нозѣ, якоже попраста и и сиа оба, ⁴⁴ приимша ⁴⁵ вѣнець ⁴⁶ небесныи съ святыми мученикы ⁴⁷ и с праведникы.

В лѣто 6492 [984]. Иде Володимиръ ⁴⁸ на Радимицѣ ⁴⁹. И бѣ у него воевода Волчии ⁵⁰ Хвостъ, и посла пред собою Володимиръ Волъчиа ⁵¹ Хвоста; и срѣте Радимичи ⁵² на рѣцѣ ⁵³ Пищани, и побѣди Влъчии ⁵⁴ Хвостъ Радимичѣ ⁵⁵; тѣмь ⁵⁶ же и ⁵⁶ Русь корят ⁵⁷ Радимичѣ, глаголюще: «пищаньци ⁵⁸ волъчиа ⁵⁹ хвоста бѣгали». Бѣша же Радимичѣ от рода Ляховъ; пришедше ⁶⁰ ту ⁶¹ ся вселиша ⁶¹, и ⁶² платять дань Руси, повозъ везуть и до сего дни. ⁶³

В лѣто 6493 [985]. Иде Володимиръ ¹ на Болгары съ Добрынею, уемъ ² своимъ, в лодьях, а Торкы ³ берегомъ приведе на конехъ; и тако побѣди Болгары. И рече Добрыня к Володимеру: «соглядах ⁴ колодникъ, и суть вси в сапозѣх; симъ намъ дани не даяти; поидевѣ искатъ ⁵ лапотъникъ ⁶». И сътвори миръ Володимиръ ⁷ с Болгары и ротѣ заходиша межи собою; и рѣша Болгаре: «толи ⁸ не будет ⁹ мира межи нами, елико ¹⁰ же камень начнеть плавати, а хмель ¹¹ грязнути». И прииде Володимиръ Кыеву ¹².

В лѣто 6494 [986]. Приидоша Болгаре вѣры Бохмицѣ, глаголюще, яко «ты князь еси мудръ и ¹³ смысленъ, и не вѣси закона; да вѣруи /л.47об./ в нашь ¹⁴ законъ и поклонися Бохмиту». И рече же Володимиръ: «кака ¹⁵ есть вѣра ваша». Они же ркоша ¹⁶: «вѣруемъ ¹⁷ богу; а Бохмит ¹⁸ ны учить, глаголя: обрѣзати ¹⁹ уды срамъныя ²⁰, а свинынѣ ²¹ не ясти, и вина не пити; и по смерти же, рече, съ ²² женами ²³ похоть ²⁴ творити ²⁴ блудную: дасть бо Бохмит ²⁵ комуждо по 70 ²⁶ женъ красных и исъберет ²⁷ едину красну, и всѣх красоту возложить ²⁸ на едину, и та будет ²⁹ ему жена; здѣ же, рече, достоить ³⁰ блуд творити всякъ ³¹ на семъ ³² свѣтѣ ³³; аще ³⁴ кто будет богатъ здѣ, тъ ³⁵ и тамо ³⁵; аще ли есть убогъ здѣ, то ³⁵ и тамо ³⁶; и ина ³⁷ многа ³⁸ лесть, еже ³⁹ нѣлзѣ ³⁹ писати срама ради. Володимиръ же послушаше их, бѣ бо самъ любя ⁴⁰ жены и блужение много, послушаше ⁴¹ и ⁴² сладко; нь ⁴³ се ему бѣ ⁴⁴ нелюбо о ⁴⁵ обрѣзании ⁴⁵ удовъ и о ⁴⁶ неядении ⁴⁶ мясъ свиных, а ⁴⁷ о питьи ⁴⁸ отинудь ⁴⁹, рекъ Руси ⁵⁰: «понеже бо есть ⁵¹ питье намъ веселие, нь не можемъ безъ сего быти» ⁵¹. Посемъ ⁵² же ⁵² приидоша Нѣмци из Рима, глаголюще ⁵³, яко «приидохомъ послани ⁵⁴ от папежа; реклъ ⁵⁵ ти тако: землн твоя яко земля наша, а ⁵⁶ вѣра ваша не ⁵⁷ яко вѣра наша: вѣра бо наша свѣт есть ⁵⁸, кланяемся богу, иже створи ⁵⁹ небо и землю и звѣзды и мѣсяць ⁶⁰ и всяко дыхание, а бози ⁶¹

ваши ¹ дре/л.48./вянѣ ² суть». Володимиръ же рече: «кака ³ заповѣдь ваша». Они же рѣша ⁴: «пощение по силѣ; аще кто пиеть ⁵ и ясть, все въ славу ⁶ божию творит ⁷, рече ⁸ учитель нашь Павелъ». Рече ⁹ же Володимиръ Нѣмцомъ ⁹: «идѣте ¹⁰ вы ¹¹ к собѣ, а ¹¹ отци наши не суть сего творилѣ ¹²». Сиа ¹³ же глаголы ¹³ слышавши ¹⁴ Жидове Козарьстѣи ¹⁵, приидоша к ¹⁶ Володимиру, ркуще ему, яко ¹⁶ «слышахомъ мы. понеже ¹⁷ бо ¹⁷ приидоша ¹⁸ к тобѣ ¹⁸ Болгаре, крестиянѣ ¹⁹, учаще тя когождо ²⁰ своеи вѣрѣ; крестиянѣ ²¹ бо вѣрують, егоже мы распяхомъ, а мы вѣруемъ ²² единому богу Авраамову, Исаакову ²³, Иаковлю ²⁴. И рече ²⁵ Володимиръ ²⁶: «что есть законъ вашь ²⁷». Они же рѣша: «обрѣзатися, свинѣны ²⁸ не ясти, ни заячины ²⁹, суботу хранити». Онъ ³⁰ же ³⁰ рече: «гдѣ есть земля ваша». Они же рѣша: «въ Иерусалимѣ». Он же рече: «то тамо ли есть». Ониже рѣша ³¹: «разгнѣвался богъ ³² на отци наши, и расточи ны поВперёдмъ грѣхъ ради наших, и предана бысть земля наша крестианомъ ³³». Он ³⁴ же рече имъ ³⁵: «то како вы иныхъ учите, а сами ³⁶ отвержени есте ³⁷ от бога и расточенѣ ³⁸; аще бы богъ ^{А 39} сице законъ вашь любилъ бы, то ³⁹ не бысте ⁴⁰ расточени по чюжимъ ⁴¹ землямъ ⁴¹; еда и намъ тоже мыслите ⁴² зло ⁴² прияти ⁴³. Посемъ ⁴⁴ же ⁴⁴ прислаша Грѣци ⁴⁵ къ Володи/л.48об./меру ⁴⁶ философа, сице ⁴⁷ глаголюще ⁴⁷: «слышахом, яко приходилѣ ⁴⁸ суть Болгаре, учаще тя прияти ⁴⁹ вѣру свою, ихже вѣра оскверняет ⁵⁰ небо и землю, иже суть прокляти паче всѣх человѣкъ ⁵¹, уподоблешеся ⁵² Содому и Гомору, на не ⁵³ же напусти богъ камение горящее, и потопи я, и погрязоша; тако и ⁵⁴ сихъ ⁵⁴ ожидаеть день погыбелныи их, егда приидеть ⁵⁵ богъ ⁵⁶ судити на ⁵⁷ землю ⁵⁷ и погубить ⁵⁸ вся творящая ⁵⁹ безаконие ⁶⁰ и скверны дѣющая ⁶¹; си ⁶² бо омывають ⁶³ оходы своя ⁶⁴, поливавше водою, и в рот въливаютъ ⁶⁵,

и по брадѣ мажются, ¹ наричюще ² Бохмита; такоже ³ и жены их творять ⁴ ту же скверну, и ⁵ ино ⁵ еже ⁶ пуще ⁷: от совокуплениа ⁸ мужеска ⁹ и женьска въкушають ¹⁰». Сиа ¹¹ слышавъ ¹¹ Володимиръ, плюну на землю и рекъ: «нечисто дѣло есть». Рече же философъ ¹²: «слышахомъ и се, яко приходиша от Рима учить ¹³ васъ вѣрѣ своеи, их же ¹⁴ вѣра с ¹⁵ нами малом же ¹⁵ развращена есть: служать бо опрѣснокы, рекше оплатькы ¹⁶, ихъ же богъ не преда, и повелѣ хлѣбомъ служитѣ ¹⁷, и преда ¹⁸ апостоломъ, и приимъ хлѣбъ, и рекъ: се есть тѣло мое, ломимое за вы; такоже и чашю ¹⁹ приимъ, рече: се есть кровъ ²⁰ моя новаго завѣта; сии же того не творят ²¹ и суть ²² не исправилѣ вѣры ²²». Рече же Володимеръ ²³: «приидо/л.49./ша ко мнѣ Жидове, глаголюще сице ²⁴: яко же ²⁵ и Нѣмци и Грецѣ вѣруют ²⁶, егоже мы распяхом». Философъ же рече: «во ²⁷Вперёд ²⁸ того вѣруемъ ²⁹: того ^А бо пророци прорицаху, яко богу родитися; а другыи ³⁰ распяту ³¹ быти и погребену и ³² третеи ³³ день въскреснути ³⁴ и на небеса възити ³⁵. Они же тыи ³⁶ пророкы ³⁷ избиваху, а другыя ³⁸ пророкы ³⁸ претираху древяными ³⁹ пилами ³⁹. Егда же сбыстся ⁴⁰ проречение снх, сниде на землю, распятие ⁴¹ прия ⁴¹ волею, въскресъ ⁴² и на небеса взиде ⁴³; на сих же ожидаше покаяниа ⁴⁴ за 40 и 6 лѣт, и не покаяшася ⁴⁵; и посла на ня Римлянѣ ⁴⁶, и грады их разбиша, а самых расточиша ⁴⁷ поВперёдмъ, и ^Б работають ⁴⁸ поВперёдмъ ^Б». Рече же Володимиръ: «что ради сниде богъ на землю и страсть такову прия ⁴⁹». Отвѣщавъ же, рече философъ ⁵⁰: «аще хощеши послушати, да скажю ⁵¹ ти изначала, что ради сниде богъ ⁵² на землю». Он же рече: «послушаю радъ». И абие ⁵³ нача философъ ⁵⁴ глаголати сице: «в начало исперва створи богъ небо и землю ^В, пръвыи день. Вторыи же день твердь, еже есть посредѣ воды;

сего же дне раздѣлишася воды: полъ их взиде на твердь, а полъ их подъ твердь. Въ третии день створи море и рѣкы и источникы и сѣмена. Въ четвертыи же день солнце и луну и звѣзды, и украси богъ небо. Видѣв же пръвыи от аггелъ, старѣишина чину архангелъску, /л.49об./ и помысли въ себѣ, рекъ сице: «сниду на землю, и прииму землю, и буду подобенъ богу, и поставлю престолъ свои на облацѣх сѣверьскых». И ту абие сверже и съ небесѣ, и по немъ спадоша, иже бѣша под нимъ, чинъ десятыи. И в него мѣсто поставиВперёдхаила: бѣ же имя противнику Сатанаилъ; он же погрѣши помысла своего, и отпадъши славы первыя, и наречеся противникъ богу. Посем же в пятыи день створи господь кыты и рыбы и гады, птица пернатыи. В шестыи день створи богъ звѣри и скоты и гады земныя, створи же и человѣка. Въ семыи же день почи богъ от дѣлъ своих, еже есть субота. И насади ^А богъ раи на въстоцѣ въ Едемѣ и введе человѣка, его же созда; и заповѣда ему ясти от всякого древа, а от древа же единаго не ясти, еже есть разумѣти добру и злу. И бѣ Адамъ в раи, и видяше бога, славляше; егда же аггели славляху бога, и онъ с ними такоже славляше бога. И възложи богъ сонъ на Адама, и успе Адамъ; и взя богъ едино ребро у Адама, и сътвори ему помощницю жену и приведе ю къ Адаму, и рече Адамъ: се кость от кости моея и плоть от плоти моея, сиа наречется жена. И нарече Адамъ имена звѣремъ и птицамъ и гадомъ; а самѣма аггелъ /л.50./ повѣда имена. И покори богъ Адаму скоты и звѣри и птиця; обладаше ими всѣми, и послушаху его. Видѣв же диаволъ, яко почти ^Б богъ человѣка, и възъзавидѣвъ ему, преобразися во змию, и прииде къ Евъзѣ, и рече еи: почто не яста от древа, сущаго посредѣ рая. И рче Евга ко змии: сице ^В бо заповѣда ^В намъ богъ от всякого древа ясти, а еже есть посредѣ рая, от того не ясти; аще ли снѣста, смертию умрета. И абие прельсти змиа: «видяше ^Г богъ в тои день, во ^Д нь же ^Д снидоста от него, и отверзостася очи ваю, и будета яко богъ, разумѣвающе добро и зло». И видѣ жена, яко добро древо въ снѣдь, и вземши, снѣсть, и дасть мужеви своему, и оба ядоста, и отвръзостася има очи, и разумѣста, яко нага еста, и съшиста листвие смоковное и препоясание створиша. И рече богъ: «проклята земъля в дѣлех твоих, и в печалѣ яси вся дни живота твоего». И рече богъ: «еда како просрета руку и возмета от древа животънаго, и живета в вѣкы». И изгна господь богъ Адама из рая; и сѣде прямо раю, плачася и рыдая и дѣлая землю. И прокля господь богъ землю; и порадовася сатана о проклятьи земля. Се на ны пръвое отпадение и горкыи отвѣтъ, отпадение аггельскаго житиа. И роди Адамъ Каина /л.50об./ и Авеля; и бѣ Каинъ ратаи, а Авель пастухъ. И принесе Каинъ от плод земных къ богу, и не прия богъ даровъ его; Авель же принесе агнець пръвенець, и прия богъ дары Авелевѣ. Сатана же влѣзе в Каина и пострѣкаше Каина, и уби Авеля. Рече же Каинъ Авелю: «поидевѣ на поле»; и послуша его Авель. И бысть, яко изидоста, и абие въставши Каинъ хотяше убити и не умѣаше, како убити. И рче сатана: «вземъши камень, удари Авеля, и уби его». И рече богъ Каину: «гдѣ есть брат твои». Он же рече: «еда азъ стражь есмь брату моему». И рече богъ къ Каину: «се кровь брата твоего вопиеть ко мнѣ; и будеши стеня и трясыися до живота своего». Адам же и Евъга плачющася зѣло, и диаволъ радовашеся, рекъ: «се, его же богъ створи и почти, азъ створих ему отпасти от бога, а се нынѣ плачь ему налѣзохъ». И плакастася по Авелѣ лѣто едино; и не съгни тѣло его, и не умѣяста его погрести. И повелѣниемъ божиимъ птенца два прилетѣста; единъ ею умре, и единъ ископа яму, и вложи умершаго, и погребе. И видѣвше же се Адамъ и Евга, ископаста яму, и вложиша Авеля, и погребоста с плачемъ. Бывши же Адамъ лѣт 200 и 30, и роди Сифа и двѣ дщери; и поя едину Каинъ, а другу/л.51./ю Сиф; и от тѣх человѣци расплодишася и умножишася по земли, и не познаша створъшаго я, исполнишася блуда и скаредья всякого и убииства и зависти, и живяху скотскы человѣци. И бѣ Нои единъ праведенъ в родѣ томъ, и роди 3 сыны: Сима, Хама, Иафета. И рече господь богъ: «не имат духъ мои пребывати въ человѣцѣхъ сих»; и рече: «да потреблю от человѣка до скота». И рече господь богъ Ноеви: «створи ковчегъ в долготу 300 лакот, а в ширину 50, в высоту 30 лакот»; Египътяни бо локтемъ сажень зовут. Дѣлаему же ковчегу за 100 лѣт, и повѣдаша Нои, яко быти потопу; и посмѣяхуся ему. Егда же сдѣла ковчегъ, и глагола господь богъ Ноеви: «влѣзѣ ты в ковчегъ, и жена твоя и сынове твои и снохы твои; и введи съ собою по двое от всѣхъ скотъ и от птиць и от всѣх гад». И введе Нои, яко же заповѣда ему богъ. И наведе богъ потопъ на землю, и потопе всяка плоть; а ковчегъ плаваше на водѣ. Егда же иссяче вода, и излѣзе Нои и сынове его и жена его; и от сих расплодися земля. И быша человѣци мнози единогласни, и рѣша другъ другу сице: «съзиждемъ себѣ столпъ до небеси». И пакы начаша здати, и бѣ старѣишина имъ Неврот. И рче богъ: «се умножишася человѣци, и помысли их суетнии». И сниде богъ, ра/л.51об./змѣси языкы

на 70 языкъ и на два. Адамовъ же языкъ не отъятъ бысть у Аверя ^А, тъи ^Б бо единъ не приложися къ безумию их, рекъ сице: «аще бы богъ человѣкомъ реклъ на небо созидати ¹ столпъ, то повелѣлъ бы самъ богъ словомъ своимъ ², якоже сотвори ³ богъ небо и землю и море и вся видимая и невидѣмая ⁴». Того ради сего языкъ не измѣнися, и от сего же суть Еврѣи ⁵. На 70 ⁶ же ⁶ и на единъ языкъ раздѣлишася и разидошася ⁷ поВперёдмъ, и ⁸ коиждо ⁸ их своя ⁹ нравы ⁹ прияша ¹⁰; и по диаволю ¹¹ научению ови рощениемъ вѣроваша и кладяземъ ¹² и рѣкамъ, и не познаша бога. От Адама же до потопа лѣт 2000 ¹³ и 240 и 2 ¹³, а от потопа до раздѣлениа ¹⁴ языкъ лѣт 500 ¹⁵ и 20 и 9 ¹⁵. Посемь ¹⁶ же ¹⁷ диаволъ болшее прелщение вверже въ человѣкы ¹⁸, и начаша кумиры творити, овѣ ¹⁹ древяны, инѣи ²⁰ мѣдяны, друзѣи ²¹ же ²¹ мраморянѣ ²² и златѣи ²³ и сребренѣи ²⁴, и кланяхуся имъ, и приводяху сыны и дщери своя, и заклаху ²⁵ пред ними; и бѣ вся земля осквернена. И началникъ же сеи ²⁶ бяше ²⁷ кумиротворению Серухъ; творяше бо кумиры во имена мертвыхъ человѣкъ, бывшимъ овѣмъ цесаремь ²⁷, другым ²⁸ же храбрымъ, волхвом и женамъ прелюбодѣицамъ. Сеи же Серух роди Фару; Фара же роди трие ²⁹ сыны: Аврама. Нахора и Арана ³⁰. Фара же творя/л.52./ше кумиры, навыкъ у отца своего. Аврамь же, пришед въ умъ, възрѣвъ ³¹ на небо и ³² видѣ звѣзды и небо ³², и рече: «воВперёдто есть богъ, иже се створилъ; а отець ³³ мои прелщаеть ³⁴ человѣкы». И рече Авраамъ: «искушю ³⁵ богы ³⁶отца своего», и глагола ³⁷ Аврамъ ³⁷: «отче, почто прелщаеши ³⁸ человѣкы, творя кумиры древяны ³⁹; тои ⁴⁰ есть богъ, иже сотвори ⁴¹ небо и землю». И приимъ Аврамъ ⁴² огнь, зажьже ⁴³ кумиры въ храминѣ. Видѣ же се Аранъ, братъ Аврамовъ, ревнуя по идолѣхъ, хотѣ вымьцати идолы; самъ ⁴⁴ сгорѣ ⁴⁵ ту Аранъ и умре ⁴⁶ пред отцемь. А ⁴⁷ преже того ⁴⁸ не ⁴⁹ тако бысть ⁴⁹: не бы ⁵⁰ умиралъ сынь пред отцемь ⁵¹. но отець ⁵² пред сыномъ умираше ⁵³; и от сего почаша умирати сынове пред отци ⁵⁴. И возлюби ⁵⁵ богъ Аврама ⁵⁶, и рече богъ Аврааму: «изиди ⁵⁷ от земля своея ⁵⁸ и от дому ⁵⁹

отца ¹ твоего ¹, и иди в землю, юже ти ² покажю ³; и сътворю ⁴ тя въ языкъ великъ, и благословять ⁵ тя колѣна земная ⁶». И створи ⁷ Авраамъ ⁸, яко же заповѣда ему ⁹, и поя Аврамъ ¹⁰ Лота, сыновца своего; бѣ бо ему ¹¹ Лот и ¹¹ шюринъ ¹² и сыновець, бѣ ¹³ бо понялъ ¹³ Авраамъ ¹⁴ братню дщерь Ароню Сарру; и прииде въ землю Хананѣиску ¹⁵ къ дубу высокому. И рече богъ ко Аврааму ¹⁶: «сѣмени твоему дамъ землю ¹⁷ сию»; и поклонися Аврамъ богови. Авраамъ ⁸ же бяше ¹⁸ лѣт 70 ¹⁹ и 5 ¹⁹, егда изиде ²⁰ от Хараона. Бѣ же Сарра неплоды, боляще неплодьствием ²¹; /л.52об./ и рече же Сарра къ ²² Аврааму: «влѣзѣ убо к рабѣ моеи». И поимши ²³ Сарра Агарь, дасть ю мужеви своему; и влѣзъ Авраамъ къ ²¹ Агарѣ, и зачать ²⁵ и роди сына Агарь ²⁶, и прозва и Аврамъ ¹⁰ Измаиломъ. И Авраамъ ²⁷ бѣ лѣтъ 80 и 6, егда ²⁸ родися Измаилъ. Посемъ же ²⁸ заченши ²⁹ Сарра ³⁰, и роди сына, и нарече имя ему Исакь ³¹. И повелѣ богъ обрѣзати Авраму ³² отрочя ³³; и обрѣза ³⁴ Авраамъ ³⁵ въ осмыи ³⁶ день. И возлюби ³⁷ богъ Аврама ³⁸ и племя его, и нарече я в люди собѣ ³⁹, и отлучи я от языкь ⁴⁰, себе нарекъ люди. Сему же Исаку возмогшю ⁴¹, Аврааму же жившю ⁴² лѣт 100 ⁴³ и 70 и 5 ⁴³ и умре, и погребенъ бысть ⁴⁴. Исаку ⁴⁵ же жившю ¹⁶ лѣт 60 ⁴⁷, и роди два ⁴⁸ сына, Исава и ⁴⁹ Якова ⁴⁹; Исавъ же бысть ⁵⁰ лукавъ, а Яковъ ⁵¹ праведенъ. Сеи же Яковъ ⁵² работая ⁵³ у уя своего изо дщери меншеи ⁵⁴ лѣт 7 ⁵⁵, и ие да ⁵⁶ ему ея Лава ⁵⁷ у него ^{А 57}, рекь ⁵⁸: «старѣишюю ⁵⁹ поими»; и вдасть ⁶⁰ ему Лѣю ⁶¹ старѣишую; «а изъ другои, рекъ ему, работаи ми другую седмь ⁶² лѣтъ, а ^{Б 63} изъ Рахилѣ ^{Б 63}». И поя собѣ ⁶⁴ двѣ сестреници ⁶⁵ и двѣ приданыи ⁶⁵, от иея ⁶⁶ же родишася ⁶⁷ 8 ⁶⁸ сыновъ: Рувимъ ⁶⁹, Семеонъ ⁷⁰, Левгию, Июду ⁷¹, Исахара, и Заулоиа, и Иосифа,

и Вениамина ¹; а от рабу ² двою: Дана ³, Нефталима, Гада, Асира. И от сихъ расплодишася Жидове. Иаковъ ⁴ же сниде въ Египетъ, сыи лѣт /л.53./ 100 ⁵ и 30 ⁵, числом 70 ⁶ и 5 ⁶ душь. Поживе ⁷ же во ⁷ Египтѣ лѣт 17 ⁸ и успе; и поработиша ⁹ племя его за 400 ¹⁰ лѣт. По сих же лѣтехъ ¹¹ възмогоша ¹² людие Жидовьстѣи ¹³, и умножишася; насиляхут ¹⁴ имъ Египтяне работою. В си же времена ¹⁵ родися Моисии ¹⁶ в Жидѣх ¹⁷; и рѣша ¹⁸ волъсви египетьстѣи ¹⁹ цесарю, яко «родился ²⁰ есть дѣтищь в Жидѣх ²¹, иже хощеть ²² погубити Египеть ²³»; ту абие повелѣ цесарь ражающияся ²⁴ дѣти жидовьскыя ²⁵ вмѣтатѣ ²⁶ в рѣку. Мати же Моисиева ²⁷, убоявшися ²⁸ погублениа, вземши младенець, вложи въ крабицю ²⁹, и ³⁰ изънесъши ³⁰, постави в ³¹ лузѣ. В се же время изиде ³² дщи фараоня Фермуфии купятся ³³, и видѣ отрочя ³⁴ плачющеся, и взя и пощадѣ ³⁵, и нарече имя ³⁶ ему ³⁶ Моисы ³⁷; а ³⁸ преже имя ему бѣ Немелхия ³⁸; и ³⁹ въскорми ³⁹ е, и бысть отрочя ⁴⁰ красно. И ⁴¹ бѣ ⁴¹ лѣт ⁴² 4 ⁴², приведе ⁴³ дщи фараоня ко ⁴⁴ отцу ⁴⁵ своему. Видѣв же Моисия ⁴⁶ фараонъ, нача любити Моисиа ⁴⁷; Моисии ⁴⁸, хапаяся ⁴⁹ за шию, и ⁵⁰ срони вѣнець ⁵¹ съ главы цесаревы, и попра и. Видѣвь ⁵² же волхвъ, рче ⁵³ цесареви: «о цесарю, погуби отрочя ⁵⁴ се; аще ⁵⁵ ли ⁵⁵ не погубиши, имать ^А бо онъ ⁵⁶ погубити всего Египта». И не послуша его цесарь, нь ⁵⁷ паче повелѣ не бити ⁵⁸ дѣтеи жидовьскых ⁵⁹. Моисѣеви ⁶⁰ же возмогшю ⁶¹ и ⁶² бысть великъ в дому фараонѣ ⁶³. /л.53об./ Бывшу же цесарю иному, и възъзавидѣша ⁶⁴ ему боярѣ ⁶⁵. Моисѣи ⁶⁶ же уби Египтянина, обидяща Жидовина, бѣжа изъ Египта, прииде ⁶⁷ в землю Мадиамьску ⁶⁸, и ходя по пустыни ⁶⁹, научися от аггела Гаурила ⁷⁰ о бытьи всего мира и пръвом ⁷¹ человѣцѣ ⁷², яже ⁷³ суть была по немь ⁷⁴, о потопѣ и о смѣшении языкъ ^Б, и аще кто

колко ¹ лѣт былъ бяше, и звѣздьное течение ² и число, земную мѣру и всяку ³ мудрость. Посемь ⁴ явися ему богъ въ купинѣ огненѣ ⁵, и рче ⁶ ему богъ ⁷: «видѣх бѣду людии своих въ Египтѣ и низьлѣзохъ ⁸ изяти ⁹ из руку египетьску и извести я от земля ¹⁰ тоя; ты же иди къ цесарю фараону египетьску и рци ему: пусти Исраиля, и три дни положат ¹¹ требу господу богу; аще не послушаеть ¹² тебе цесарь, побию ¹³ и всими чюдесы ¹⁴ моими». И пришедшю ¹⁵ Моисиевѣ ¹⁶ и ¹⁷ глаголавшю ему ¹⁷, и не послуша его цесарь. И попусти богъ ¹⁸ 10 ¹⁹ казнии на фараона: казнъ ²⁰ 1. ²¹ рѣкы въ кровь ²², 2. ²³ жабы, 3. ²⁴ мышьцѣ ^25. 4. ²⁶ песиа ²⁷ мухы, 5. ²⁸ смерть на скоты, 6. ²⁹ прыщевѣ ³⁰ горящѣе ³¹, 7. ³² гладъ, 8. ³³ прузи, 9. ³⁴ тма три дни, 10. ³⁵ моръ въ человѣцехъ ³⁶; сего ради 10 ³⁷ казнии бысть на них, яко 10 ³⁷ мѣсяць ³⁸ губиша дѣти жидовьскыя ³⁹. Егда же бысть моръ въ Египтянех, рче ⁴⁰ фараонъ Моисѣеви ⁴¹ и брату его Арону ⁴²: «и отъиде/л.54./та ⁴³ въскорѣ ⁴⁴». Моисѣи ⁴⁵ же собра ⁴⁶ люди Жидовьскыя ⁴⁷ и поиде от земли ⁴⁸ Египетьскои ⁴⁹. И ведяше я господь по пустынѣ ⁵⁰ и къ ⁵¹ Чермъному ⁵² морю, и преди идяше пред ними ⁵³ столпъ огненъ, а во ⁵⁴ дне облаченъ. Слышавъ же фараонъ, яко бѣжать ⁵⁵ людие, погна по нихъ, яко пригнаша к морю. Видѣвше ⁵⁶ же людие Жидовьстѣи ³⁷, и възъропташа ⁵⁸ на Моисиа ⁵⁹, ркуще ⁶⁰: «почто изведе ⁶¹ ны ⁶¹ на смерть». И възпи ⁶² Моисѣи ⁶³ къ богу; и ⁶⁴ рече господь ⁶⁴: «что вопиеши ⁶⁵ ко мнѣ; удари жезломъ в море». И створи ⁶⁶ Моисѣи ⁶⁷ тако, и раступися вода на 12 ⁶⁸ пути ⁶⁸, и внидоша сынове Израилеви в море. И видѣв ⁶⁹ же фараонъ, погна по нихъ; сынове же Исраилевѣ ⁷⁰ проидоша по суху посредѣ моря; яко излѣзоша на брегъ, и ⁷¹ соступися ⁷² вода о фараонѣ и о воихъ ⁷³ его. И възлюби господь богъ Исраиля; идоша от моря трие ⁷⁴ дии по пустынѣ ⁷⁵, и приидоша въ Миронъ ⁷⁶. И бѣ ту вода горка ⁷⁷, и возьроп-

таша ¹ людие на бога; и показа имъ господь древо, и вложи е ² Моисии ³ въ воду, и осладишася ⁴ воды. Посемь ⁵ же пакы возропташа ⁶ на Моисѣя ⁷ и на Арона ⁸, ркуще ⁹: «луче ¹⁰ ны ¹¹ есть намь ¹¹ бѣше ^{А 12} во ¹² Египтѣ, иже ядохомъ мяса, и лукъ, и хлѣбы до сыти ¹³». И рче ¹⁴ господь к Моисѣевѣ ¹⁵: «слышах хухнание сыновъ Исраилевь ¹⁶»; и дасть имъ манну ясти. Посемь ¹⁷ же дасть /л.54об./ имъ ¹⁸ законъ на горѣ Синастѣи ¹⁹. Моисиевѣ ²⁰ же вшедшю ²¹ на гору къ богу ²¹, они же, сълиявше ²² телцю главу ²³, поклонишася акы ²⁴ богу, их же Моисии ²⁵ изъсѣче ²⁶ 3000 ²⁷ числомъ. Посемъ пакы возропташася ²⁸ на Моисѣя ²⁹ и Арона, еже не бысть воды. И рче ³⁰ господь къ Моисѣови ³¹: «удари жезломъ в камень». Рекь ³²: «еда ³³ и-сего ³³ испустивѣ воды». И разгнѣвася ³⁴ госнодь на Моисѣя ³⁴, яко не възвеличи ³⁵ господа; ни вниде в землю обѣтованную сего ради, роптаниа онѣх ради, нь ³⁶ возведе на гору Вамъску и показа ему землю обѣтованную; и умре Моиси ³⁷ на горѣ. И прия ³⁸ власть Исус Навгинъ ³⁹; и сеи ^{Б 40} прииде в землю обѣтованную, и изби Хананѣиско ⁴¹ племя, и всели в них мѣста ⁴² сынове Исраилевѣ ⁴³. Умершю ⁴⁴ же Исусу, бысть ⁴⁵ судиа в него мѣсто Июда; и иных судии бысть 14 ⁴⁶, при них ⁴⁷ же забыша бога, изведъшаго ⁴⁸ изъ Египта, начаша служити бѣсомъ. Богъ ⁴⁹ разгнѣвавъся ⁵⁰, предаяше ⁵¹ на расхыщение ⁵² иноплеменникомъ; егда ся начинаху каяти ⁵³, богъ помиловаше их; и ⁵⁴ егда избавлеше ⁵⁵, и ⁵⁶ пакы укланяхуся на бѣсослужение. По сих же Илии ⁵⁷ жрець; и посемъ ⁵⁸ Самоилъ пророкъ, и рѣша ⁵⁹ людие Самоилу: «постави намъ цесаря». И разгнѣвася господь на Исраиля, и сего постави надъ нимъ Саула. Таче Саулъ не изволи ходити въ законѣ ⁶⁰ /л.55./ господнѣ ⁶¹, и избра господь Давыда, сына ⁶² Иосиина ⁶², и постави и цесаря над Исраилемь ⁶³; и угоди Давыдъ богу. Сему же ⁶⁴ Давыду кляся ⁶⁵ господь, яко от племени его родитися богу. И пръвое ⁶⁶ нача

пророчествовати о воплощении ¹ божьи ² и рекъ: «изъ щрева ³ прежеденьница родих тя ⁴». Се ⁵ же царствова лѣт 40 ⁶ и умре ⁷. И по немь царствова сынь ⁸ его Соломонъ, иже възъгради ⁹ церковь ¹⁰ богу и нарече ю Святая ¹¹ святыхъ ¹²; и бысть ¹³ мудръ зѣло ¹⁴, но накоиець поползеся ¹⁵; и царствова лѣт 40 ¹⁶ и умре. По Соломонѣ царствова сынъ ¹⁷ его Ровоамъ; при ¹⁸ семъ раздѣлися царство на дво ¹⁹: Жидовьско ²⁰ въ ²¹ Иерусалимѣ одино ²², а другое в Самарии ^А. Въ Самарии же царствова Еровамъ, холопъ ²³ Соломонь; сеи ²⁴ же ²⁴ створи ²⁵ двѣ кравѣ златѣ, и постави едину въ Вифили на холму, а другую въ Енданѣ, и ²⁶ рекъ: «се бога твоя ²⁷, Израилю»; и кланяхуся людие, а бога забыша. Такоже и въ Иерусалимѣ забывати начаша ²⁸ бога и покланяхуся Валу, рекше ²⁹ ратну богу, еже есть Арии ³⁰, и забыша бога отець ³¹ своих. И нача богъ посылати пророкы; пророци же начаша обличатѣ ³² о безаконьи ³³ ихь и о служении кумиръ, они же начаша пророкы избивати, обличаеми от них. И разгнѣвася ³⁴ богъ велми ³⁵ на Исраиля, и рче ³⁶: «отрину я от себе и призову ины люди, иже мене слушають ³⁷; /л.55об./ и аще съгрѣшать ³⁸, не помяну ³⁹ безаконии ⁴⁰ их». И нача посылати пророкы ⁴¹, глаголя имъ: «проричаите ⁴² о отвержении Жидовьстѣ ⁴³ и о призвании странъ». Пръвое ⁴же нача ⁴⁵ пророчествовати Осии ⁴⁶, глаголя: «преставлю царство дому Исраилеву, скрушю ^{Б 47} лукъ Исраилевь ⁴⁸, и не приложю ⁴⁹ помиловати ⁵⁰ пакы ⁵⁰ дому Исраилева, нь ⁵¹ отмѣтая ⁵², отвергу ⁵³ их, глаголеть господь, и будут ⁵⁴ блудяще въ языцѣхъ». Иеремѣ ⁵⁵ же рече: «аще встанеть ⁵⁶ Самоилъ и Моиси ⁵⁷, не послушаю ⁵⁸ их». И пакы тъи ^В же Иеремѣя рече: «тако глаголеть ⁵⁹ господь богъ: се кляхся именемъ ⁶⁰ моимъ великымъ, аще будеть отселѣ ⁶¹ гдѣ имя мое именуемо въ ⁶² устех иудеискых ⁶³». Иезекиилъ ⁶⁴ рече: «тако глаголеть Аданаи господь: расѣю ⁶⁵ вы, вся

останкы твоя вся ¹ вѣтры, зане ² святая ³ моя осквернисте всѣми негодовании твоими; азъ же тя отрину, и не имам тя помиловати пакы. Малахиа же рече: «тако глаголеть ⁴ господь: уже нѣсть ми ⁵ хотѣниа ⁶ у вас, понеже от въстока и до запада имя мое прославися въ всѣх языцѣх, и на всякомъ мѣстѣ принесется кадило имени моему и жертва чиста, зане велие имя мое въ языцѣхъ; сего ради дамъ вы на поносъ и на пришествие во вся языкы». Исаи же великыи рче: «тако глаголеть господь: простру руку свою на тя, истлю /л.56./ тя, расѣю вы и пакы не приведу тя». И пакы то же рече: «возненавидѣх праведникы ^А ваша и начатокъ мѣсяць вашнхъ, и суботъ ваших не прииму». Пророкъ же Самсонъ ^Б рече: «слышите слово господне: азъ приемлю на вы плачь; домъ Исраилевъ падеся и не приложи въстати». Малахии же рече: «тако глаголеть господь: пошлю на вы клятву и проклену благословение ваше, разорю, и не будет в вас». И много пророчествоваша о отвержении их. Сим же пророком повелѣ богъ пророчествовати о призвании иныхъ странъ в них мѣсто. И нача звати Исаия, тако глаголя: «яко законъ от мене изидеть, и суд мои свѣтВперёдмъ; приближается скоро правда моя, изидеть, и на мышцю мою страны уповають». Иеремѣя рче: «тако глаголеть господь: положю дому Июдину завѣт мои новъ, дая законы в разумѣния их, и на сердца ихъ напишю; и буду имъ богъ, и тѣ будут мнѣ людие». Исаия рече: «ветхая мимоидоша, и новая възвѣшу, преже возвѣщениа явлено бысть вамъ; поите богу пѣснь нову; работающимъ ми призовется имя ново, еже благословится по всеи земли; домъ мои домъ молитвѣ прозовется всѣмъ языком». То же Исаия глаголеть: «открыеть господь мышцю свою святую пред всѣми языкы, и узрят /л.56об./ вси конци земля спасение же от бога нашего». Давыдъ же глаголет: «хвалите господа вси языци, похвалите его вси людие». Тако же богу возлюбившю новыи люди, рекъ: «имамъ снити к нимъ самъ и явитися человѣкомъ плотию и пострадати за Адамово преступление». И начаша пророчествовати ⁷ о воплошении божии. Первое ⁸ Давыдъ, глаголя: «рече господь господеви моему: сяди одесную мене, дондеже положю ⁹ врагы твоя подножию ¹⁰ ногама твоима». И пакы: «господь рече ко мнѣ: сынъ мои еси ты, азъ днесь родих тя». Исаия рче ¹¹: «не сли ¹² и ¹³ вѣстникъ, нь ¹⁴ самъ богъ ¹⁵

пришед спасеть ¹ ны». И пакы: «яко дѣтищь родися намъ, ему же начало бысть ² на рамѣ его, и прозовется ³ велика свѣта аггелъ, и велика власть его, и миру его нѣсть конца». И пакы: «се дѣва въ ⁴ чревѣ прииметь ⁴ и родит, и нарекут ⁵ имя ему Еммануилъ». Михѣи ⁶ рче ⁷: «Вифлеомъ, домъ Ефрантовъ, еда не мног еси ^А быти ⁸ в тысущах июдовахъ ⁹; ис тебе бо изидет старѣишина быти въ Израили, исходи его от днии вѣка; сего ради дасться, до времени ражающия родит, и прочии от братия ¹⁰ его обратятся на сыны Исраилевѣ ¹¹». Иеремѣя рече: «се богъ нашы ¹², не вмѣнится инъ к нему; изъобрѣте ¹³ всякъ путь ходожества ¹⁴ и дасть ¹⁵ Якову ¹⁶, отроку ¹⁷ своему; /л.57./ по сих же на земли явися, съ человѣкы ¹⁸ поживе». И пакы: «человѣкъ есть; кто увѣсть, яко богъ есть; и яко человѣкъ умираеть ¹⁹». Захарии ²⁰ рче ²¹: «послушая ²² сына моего, и не услышю ²³ их, глаголеть ²¹ господь». И Осип рче ²⁵: «тако глаголеть ²⁶ господь: плоть моя от них». Прорекоша же и страсти его, ркуще ²⁷, яко же рече Исаия ²⁸: «о, лютѣ души ихь ²⁹, понеже свѣт золъ свѣщаша, ркуще: свяжемъ праведника». И пакы то ³⁰ же рече: «тако глаголеть ³¹ господь: азъ ни зъпротивьлюся ³², ни глаголю противу, и лица ³³ своего ³³ не отвратих от стыдѣниа ³¹ и заплеваниа ³⁵». Иеремѣя рече: «приидѣте, вложимъ древо въ хлѣбъ его, истребимъ от земля живот его». Моиси ³⁶ рече о распятии его: «узрите животъ вашь висящь прямо очима вашима». Давыдъ же рече: «въскую ³⁷ шаташася языци ³⁸». Исаия ³⁹ рече: «яко овца на заколение веденъ бысть». Ездра же рече: «благословепъ богъ, распростерь ⁴⁰ руцѣ свои, и спасъ Ерусалима ⁴¹». О воскресении ^Б 42 же его ркоша ⁴³; Давыдъ же рече: «въстани ⁴⁴, боже, суди земли, яко ты наслѣдиши въ всѣхВперёдх ⁴⁵». И пакы: «въста ⁴⁶, яко спя, господь». И пакы ⁴⁷: «да въскреснеть ⁴⁸ богъ, разидутся ⁴⁹ врази его». И пакы: «воскресни ⁵⁰, господи боже мои, да вознесется ⁵¹ рука твоя». Исаия рече: «сходящии въВперёд, сѣнь ⁵² смертную ⁵³, свѣтъ ⁵⁴ восия ⁵⁵ на вы». Захарии рече: «и ты въ кровѣ ⁵⁶ завѣта твоего испустилъ еси /л.57об./ ужникы своя ⁵⁷ ото рва, не имуща ⁵⁸ воды». Много пророчествоваша

о немъ ¹, еже и сбыстся ² все». Рече ³ Володимиръ ³: «то в кое время сбыстся ⁴ се, и было ли се есть; еда ли то ⁵ перво ⁶ хошеть ⁷ быти». Онъ же, отвѣщавъ, рече, яко «уже преже сбысться ⁸ все, егда воплотися. Яко же бо преже ркохомъ ⁹, Жидомъ пророкы ¹⁰ избивающемъ ¹¹ и цесаремъ их законъ преступающемъ ¹², предасть ¹³ я богъ въ расхыщение, и во ¹⁴ плѣнъ введени ¹⁵ быша во ¹⁶ Асурию ¹⁶ грѣх ради их, и работаша тамо лѣт 70 ¹⁷, и посемъ ¹⁸ возвратишася ¹⁹ на землю свою; не ²⁰ бѣ у них цесаря, и архиерѣи ²¹ обладахут ²² ими до Ирода иноплеменьникъ ^{А 23}, иже обладаеми сего ^{Б 24} властью ²⁵. В лѣто 5500 ^В посланъ бысть Гаврилъ ²⁶ къ дѣвици Марии в Назарефь ²⁷, от колѣна Давыдова, рещи еи: «радуися, обрадованная ²⁸: Господь с тобою». И от слова сего ²⁹ зачатъ Слово божие въ утробѣ, и роди сына, и наркоша ³⁰ имя ему Исус. И се волхвы ³¹ приидоша от въстока ³², глаголюще: «гдѣ ³³ есть цесарь Жидовескъ; и видѣхомъ бо звѣзду его на въстоцѣ ³⁴, приидохомъ ³⁵ поклонитися ему». Услышав же Ирод, смятеся, всь ³⁶ Иерусалимъ с нимъ; и призва книжникы ³⁷ и старци людьстѣи ³⁸ и въпрашаше ³⁹: «кдѣ ⁴⁰ христос ражается». Они же рѣша: «въ Вифлеомѣ Жидовьстѣмъ ⁴¹». Иродъ же се слышавъ, посла, рекъ: «избиите /л.58./ младенца ⁴², сущая ⁴³ дву лѣт ⁴⁴». Они же, шедше ⁴⁵, избиша младенца ⁴⁶. Мария ⁴⁷, убоявшися ^Г, скры отрочя ⁴⁸; Иосифъ же съ Мариею ⁴⁹, поимъ ⁵⁰ отрочя ⁴⁸, и ⁵¹ бѣжа во ⁵² Египетъ, и ⁵³ бѣ ту ⁵³ до умертвиа ⁵⁴ Иродова. Въ Египтѣ же явися аггелъ Иосифу, глаголя: «въстани ⁵⁵, поими отрочя ⁵⁶ и матерь его, иди ⁵⁷ въ землю Исраилеву». Пришедшю ⁵⁸ же ему, вселися в Назарефъ. Възрастъшю ⁵⁹ же ему и ⁶⁰ бывшю ⁶¹ лѣт 30 ⁶¹, нача

чюдеса творити и проповѣдати царство небесное; и избра собѣ ¹ 12 ² ученикъ ², нарече ³ [имена]  ^А, и нача чюдеса велика ⁴ творити ⁴, и мертвыя въскрѣшати ⁵, прокаженыя оцѣщати ⁶, хромымъ ходити, слѣпымъ прозрѣние творити, и ина многа чюдеса велия ⁷, якоже бѣша пророци прорекли о немь ⁸, глаголюще: «тъи недугы ⁹ наша понесе ¹⁰ и болѣзни наша исцѣли ¹⁰». И крестися от Ивана ¹¹ въ Иерданѣ, показая ¹² новымъ людемъ обновление. Крестившюся ¹³ ему, и се отверзошася небеса, и духъ сходящь зракомъ голубинымъ ¹⁴ на нь, и глас глаголя: «се есть Сынъ мои возлюбленыи ¹⁵, о немже благоизволих». И посылаше ученикы своя проповѣдати царство и покаяние въ оставление грѣховъ. И хотя исполнити пророчество ¹⁶, нача повѣдати, яко подобаеть ¹⁷ сыну человѣчьскому ¹⁸ пострадати и распяту быти, третии день въскреснути ¹⁹. Учащу же ему въ церкви, /л.58об./ архиерѣи ²⁰ и книжници ²¹ исполнишася зависти, и искаху убити и, и ²², имше, ведоша и къ ²³ игѣмону Пилату. Пилатъ же испыта, яко безъ вины предаша и, хотѣ пустити и ²⁴; они же рѣша ему: «аще сего пустиши, не имаеши ²⁵ быти другъ кесаревѣ ²⁶». Пилатъ повелѣ, да и распнуть ²⁷; они же, поимше ²⁸ Исуса, ведоша и на мѣсто Краниево, и распяшя ²⁹ ту; и бысть ³⁰ тма по всеи земли от 6-го ³¹ часа до 9-го ³²; и по 9-мь ³³ часѣ испусти духъ Исус; и церковная запона раздрася на двое, и мертвии въсташа ³⁴ мнозѣ ³⁵, им же повелѣ в раи ити. И снемше съ креста, положиша въ гробѣ, и печатьми запечаташа гробъ людие Жидовьстѣи ³⁶, и стражи приставиша, ркуще ³⁷: «да ³⁸ како ³⁸ украдут ученици его». Он же третии день въскресе ³⁹; явися ученикомъ, въскресъ ⁴⁰ изъ мертвых, рекъ имъ: идѣте во ⁴¹ вся языкы и научите вся страны, крестяща я ⁴² въ имя Отца и Сына и святого Духа. И пребысть с ними 40 ⁴³ днии, являяся имъ по въскресении ⁴⁴; и егда исполнишася дние 40 ⁴⁵, повелѣ имъ ити в гору Елеоньскую; и явивъся ⁴⁶ имъ, благословивъ я, рече ⁴⁷ имъ: «сядете въ градѣ Иерусалимѣ ⁴⁸, дондеже пошлю ⁴⁹ вы обѣтование Отца моего»; и се рекъ, возношашеся ⁵⁰ на небо. Они же поклонишася ему, и възратишася ⁵¹ /л.59./ въ Иерусалимъ, и бяху въ церкви выину. И егда скончашася денье ⁵² 50 ⁵³, и сниде Духъ святыи на

апостолы ¹; и приимше ² обѣтование святого Духа, разидошася ³ по вселенѣи ⁴, учаще, крестяще ⁵ водою. Рече ⁶ Володимиръ: «что ради от жены родися, и на древѣ распятся, и водою крестися». Он же рече ему: «сего ради, и понеже исперва род человѣческыи ⁷ женою согрѣши ⁸, диаволъ ⁹ прельсти ¹⁰ Евгу и Адама, и отпаде рая ¹¹; тако же и богъ отместие дая диаволу ¹², женою первое ¹³ побѣжение ¹⁴ бысть ¹⁵ диаволу ¹⁶, женою бо испаде Адамъ из рая ¹⁷; от жены ¹⁸ воплотися богъ и повелѣ ити в раи вѣрнымъ. Еже ¹⁹ распяту быти, сего ради: от древа ²⁰ вкушь, испаде породы, богъ же сего ради страсть прия на древѣ, да древомъ диаволъ ²¹ побѣженъ будеть ²², а от древа животнаго приимут праведнии. А еже водою обновление: понеже при Нои, умножившимся грѣхомъ въ человѣцѣхъ, и наведе богъ потопъ на землю и потопи человѣкы водою; сего ради рече богъ: «понеже погубих человѣкы грѣх ихъ ради, нынѣ же пакы водою очищу грѣхы человѣкомъ, обновлениемь водою»; ибо Жидовескъ род в мори очистишася от египетьскаго злаго нрава, понеже вода изначала бысть пръвѣе ²³, рече бо: «духъ божии ношашеся верху воды». Еже нынѣ крестятся духомъ и водою, якоже и ²⁴ Гедеонъ прообрази, по семь ²⁵; егда прииде к нему /л.59об./ аггелъ, веля ему ити на Мадиамы, он же, искушая ²⁶, рече къ богу, яко ²⁷ положю ²⁷ руно на гумнѣ, рекъ ²⁸ тако: «аще будеть ²⁹ суша по всеи земли, а на рунѣ роса». И положи руно; и заутра видѣвъ по всеи земли сушю ³⁰, а на рунѣ роса. И рече: «и ³¹ еще искушаю бога моего ³¹: аще будет ³² по всеи земли роса, а на рунѣ суша»; и бысть тако. Се же прообрази, яко иностраннии ³³ бѣша ³⁴ суша преже, а Жидове руно; послѣ же наВперёдхъ ^А роса, еже есть святое крещение, на Жидехъ суша. И пророци проповѣдаша, ³⁵ яко водою обновление ³⁶ будеть. Апостоломъ же учащимъ по вселенѣи ³⁷ вѣровати богу, их же учение ³⁸ мы, Грѣци ³⁹, прияхомъ ⁴⁰, и вся вселеная ⁴¹ вѣруеть учению их. Поставилъ же есть ⁴² богъ день единъ, в он ⁴³ же ⁴³ хощеть судити живымъ и мертвымъ, съшед съ небеси ⁴⁴, и ⁴⁵ воздати ⁴⁶ комуждо по дѣломъ его: праведнымъ царство ⁴⁷ небесное, и красоту неизреченую,

и веселие бес конца, не умирати ¹ в вѣкы ²; а грѣшником мука огнена, червь неусыпающии, тма кромѣшная ³, и ⁴ муцѣ не будет ⁷ конца ⁵. Сица ⁶ же бысть ⁷ мука, иже не вѣруют ⁸ господу нашему Исусу христу: мучими будуть въ-гни ^{А 9}, иже не креститься ¹⁰. И се рекъ, показа ему запону, на неи же ¹¹ написано судище господне; и показаше ¹² ему одесную праведныя, в веселии предъиду/л.60./ща в раи, а ошюю ¹³ грѣшником ¹⁴ мука вѣчная ¹⁵. Володимиръ же въздохнувъ, ¹⁶ рече: «добро симъ одесную, зло же симъ ошююю ¹⁷». Он ¹⁸же рече ¹⁸: «то аще хощеши ¹⁹ одесъную ²⁰ стати съ праведными, то крестися». Володимиръ же положи на сердци своемъ, рекъ: «пожду еще мало», хотя испытати о ²¹ всѣх вѣрахъ. Володимиръ же дасть ²² сему дары многы; давъ, отпусти съ честью ²³ великою.