ПОСЛАНИЕ НА УГРУ
Октябрь 1480 г.
См. 15 век.
Подготовка текста Е. И. Ванеевой, перевод О. П. Лихачевой, комментарии Я. С. Лурье
Благоверному и христолюбивому, благородному и Богом венчаному, Богом утверженому, въ благочестии всеа вселенныа концих въсиавшему, наипаче же во царих пресветлейшему и преславному государю великому князю Ивану Васильевичю всея Руси, богомолецъ твой, господине, архиепископъ Васьянъ ростовскый, благословляю и челом бью. Молю же убо и величество твое, о боголюбивый государю, да не прогневаешися на мое смирение, еже первее дръзнувшу ми усты къ устом глаголати твоему величеству,[1] твоего ради спасениа. Наше убо, государю великий, еже воспоминати твое, а ваше, еже слушати. Ныне же дръзнух написати къ твоему благородству, нечто же мало хощу воспомянути от Божественаго писаниа, елико Богъ вразумит мя, на крепость и утвержение твоей державе. Нашедшая ради нынешняя скорби и бед от безбожных варваръ, Богу тако изволшу нашего ради согрешениа, и тебе убо, государю нашему, приехавшу во царствующий град Москву ко всемилостивой госпоже Богородици и ко святым чюдотворцем помощи ради и заступлениа, и ко своему отцу митрополиту, и ко своей матери великой княгине, благоверным князем и богочтивым бояром добраго ради совета и думы, еже како крепко стояти за православное христьянство, за свое отчьство противу безбожному бесерменству.
Тебе же, государю нашему, повинувшеся молению и доброй думе и обещавшуся крепко стояти за благочестивую нашу православную веру и оборонити свое отчьство от бесерменьства, духъ еже лстивых, шепчюще во ухо твоей державе, еже предати христьянство, никако же послушавшу, обещавшу ти ся. И митрополиту со всем боголюбивым собором тебя, государя нашего, благословившу и знаменавшу,[2] вкупе же и сие прирекшу:
«Богъ да сохранит царство твое силою честнаго креста своего и дасть ти победу на враги, и покорить под нозе твои вся сопротивныя твоя, яко же древле Давыду и Костянтину,[3] молитвами пречистыя его матери и всех святых».
Токмо мужайся и крепися, о духовный сыну, яко же добрый воинъ Христов, по евангельскому великому господню словеси: «Ты еси пастырь добрый, душу свою полагает за овца. А наимник несть, иже пастырь, ему же не суть овца своя; видит волка грядуща, и оставляет овца, и бегаеть; и волкъ расхитит и распудить. А наимник же бежить, яко наимникъ есть, и не радит о овцах».[4] Ты же убо, государю, духовный сыну, не яко наимник, но яко истинный пастырь, подщися избавити врученное тебе от Бога словесное ти стадо духовных овець от грядущаго волка. А Господь Богъ укрепить тя и поможет ти, и все твое христолюбивое воинство. Нам же всем вкупе рекшим: «Аминь», еже есть: «буди».
Тако Господу помогающу, тебе же вся сиа, государю нашему, на сердци своем положшу, яко истинный добрый пастырь. Взем Бога на помощі» и пречистую его матерь, и святых его, и святительское благословение, и всенародная молитва, крепко вооружився силою честнаго креста, исходиши противу оному окаанному мысленому волку, еже глаголю страшливому Ахмату,[5] хотя изхитити из уст его словесное стадо Христовых овець.
И по твоем отшествии, государя нашего, святителем, митрополиту, вкупе же и нам, богомолцем вашего благородиа, со всеми боголюбивыми съборы молитву непрестанно сътворяющим, по всем святым церквам всегда молебены и святую службу во всей нашей отчине о вашей победе съвершающим, и всем христианом непрестанно Бога молящим, дабы даровал тебе победу над супротивныа ти врагы, иже и надеемся улучити от всемилостиваго Бога.
Ныне же слышахом, яко же бесерменину Ахмату уже приближающуся и христианство погубляющу, наипаче же на тебе хваляшеся и на твое отечьство, тебе же пред ними смиряющуся и о мире молящуся,[6] и к нему пославшу. Ему же окаанному одинако гневом дышущу и твоего молениа не послушающу, но хотя до конца разорити христианство. Ты же не унывай, но възверзи на Господа печаль твою и той тя укрепит.[7] «Господь бо гордым противится, смиреным же дает благодать».[8]
Прииде же убо въ слухы нашя, яко прежнии твои развратници не престают, шепчуще въ ухо твое льстивая словеса, и совещают ти не противитися сопостатом,[9] но отступити и предати на расхищение волком словесное стадо Христовых овець. Внимай убо себе и всему стаду, в немже тя Духъ Святый постави.
О боголюбивый вседержавный государю, и молимся твоей державе, не послушай таковаго совета их, послушай убо вселенныа учителя Павла, глаголюща о таковых:
«Открыется гнев Божий с небесе на всяко нечестие и неправду человеком, иже истинну въ неправде держащим, но осуетишася помышленми своими и омрачися неразумное их сердце. Глаголюще быти мудре, обьюродеша и якоже не искусиша Бога имети в разуме, предасть их Богъ в неискусен умъ творити неподобная».[10]
И паки самому Господу глаголющу:
«Аще око твое съблажняет ти, исткни е», или рука или нога, отсещи повелевает.[11]
Не сию же разумевай видимую и чювьственую свою руку, или ногу, или око, но ближних твоих, иже советующих ти неблагое, отверзи далече, отгони, сиречь отсецы и не послушай съвета их. И что убо совещают ти льстивии сии же лжеименитии, мнящеся быти христиане, но токмо еже повергше щиты своя, нимала съпротивльшеся окаанным сим сыроядцом, предав христианство и свое отечьство, яко бегуном скытатися по иным странам. Помысли убо, о велеумный государю, от каковы славы и в каково безчестие сводят твое величество! И толиким тмам народа погыбшим и церквам Божьим разореным и оскверненым, и кто каменосердечен не въсплачется о сей погыбели! Убойся же и ты, о пастырю, не от твоих ли рук тех кровь взыщет Богъ, по пророческому словесие И где убо хощещи избежати или воцаритися, погубив врученное ти от Бога стадое Слыши, что пророк глаголет, яко:
«Аще взыграешися, яко орелъ, и аще посреде звездъ гнездо свое сътвориши, то и оттуду тя свергу, рече Господь».[12]
И ин же глаголет:
«Камо поиду от духа твоего и от лица твоего камо бежу; аще възыду на небо, ты тамо еси, и в последних моря рука Божиа наставляет и удержит десница».[13]
И где паки отходиши, пастырю добрый, кому оставляеши нас, яко овца не имущи пастыря. Мы же надеемся, яко не отринет Господь людий своих и достояниа своего не оставит.[14] Не послушай убо, государю, таковых, хотящих твою честь в безчестие и твою славу в беславие преложити, и бегуну явитися и предателю христьанскому именоватися. Но отложи весь страх и возмогай о Господе, о державе и крепости его; «един бо поженет тысящу, а два двигнета тмы».[15]
По пророческому словеси:
«И не суть бо бози их, яко же Богъ наш».[16]
И рече Господь:
«Где суть бози их, иже уповаша на ня, яко близ день погыбели их».[17]
И паки:
«Лукъ силных изнеможе, а немощни препоясашася силою»; «Господь мертвит и живит», и «Дасть крепость князем нашим, и възнесет рогъ Христа своего».[18]
И паки:
«Близ Господь призывающим и, всем призывающим и воистинну»[19] и «не в силе коньстей въсхощет, ни в лыстех мужьскых благоволит, благоволит Господь на боящихся его и на уповающих на милость его».[20]
Слыши, что глаголет Димокрит, философом первый:
«Князю подобает имети умъ ко всем временным, а на супостаты крепость, и мужество, и храбрость, а къ своей дружине любовь и привет сладок».[21]
Въспоминай же реченная неложными усты Господа Бога нашего Исус Христа:
«Аще весь миръ человекъ приобрящет, а душю свою отщетит, и что дасть измену на души своей!»[22] И паки: «Блаженъ человекъ, иже положит душю свою за другы своя».[23]
И сей убо, яко слышим, безбожный сей агарянский язык приближися ко странам нашим, къ отечьству тии. Уже бо многыа сумежныа странам нашим поплени и движется на ны. Изыди убо скоро, въ сретение ему изыди, взем Бога на помощь и пречистую Богородицю, нашего христианства помощницю и заступницу, и всех святыхъ его. И поревнуй преже бывшим прародителем твоим, великим князем, не точию обороняху Русскую землю от поганых, но и иныа страны приимаху под себе, еже глаголю Игоря, и Святослава, и Владимера,[24] иже на греческих царих дань имали, потом же и Владимира Манамаха, како и колико бися съ окаанными половци за Русскую землю, и инеи мнози, иже паче нас веси.
И достойным хвалам великый князь Дмитрие, прадед твой, каково мужьство и храбьство показа за Доном[25] над теми же окаанными сыроядци, еже самому ему напреди битися и не пощаде живота своего избавлениа ради христьанскаго! И видевъ милосердый человеколюбивый Богъ непреложную его мысль, како хощет не токмо до крове, но и до смерти страдати за веру и за святыя церкви, и за врученное ему от Бога словесное стадо Христовых овець, яко истинный пастырь, подобяся преже бывшим мученикомъ. Святии бо мученици на страданиа и раны любве ради Божиа, якоже на пищу, святии на смерть течаху. Тако и сей боголюбивый и крепькый смерть яко же приобретение вменяаше. Не усумнеся, ни убояся татарьскаго множества, не обратися въспять, и не рече въ сердци своем: «Жену имею, и дети, и богатество многое; аще и землю мою возмут, то инде вселюся».[26]
Но без сомнениа скочи в подвигъ и напред выеха, и в лице ста противу окаанному разумному волку Мамаю, хотя исхытити от устъ его словесное стадо Христовых овець. Тем же и всемилостивый Богъ дерзости его ради не покосне, ни умедли, ни помяну перваго его съгрешениа, но въскоре посла свою помощь, аггелы и святыя мученикы, помогати ему на супротивныа.
Тем же Господа ради подвизавыйся и доныне похваляем есть и славим, не токмо от человекъ, но и от Бога. Аггелы удиви и человекы возвесели своим мужеством, и с подвизающимися ему иже до смерти, от Бога согрешением оставление приаша и венци мученичьскыми почтени быша, равно якоже первии мученици, иже веры ради пострадаша от мучителей, исповеданиа ради Христова умроша. Сии же такожде и в последнее время за веру и за церкви Божиа умроша и равно с сими венца приаша. А иже тогда от супротивных уязвляеми и по победе живи обретошася, сии кровию своею отмыша первая съгрешения и яко победители крепци врагом явишася, и великим хвалам и чести достойни быша не токмо от человекъ, но и от Бога. Тако же убо и ныне, аще поревнуеши своему прародителю, великому и достойному хвалам Димитрию, и тако же потщися избавити стадо Христово от мысленаго волка, и Господь Богь, видевъ твое дерзновение, такожде поможет ти и покорит врагы твоя под нозе твои. И здрав и ничим же врежен победоносець явишися Богу съхраняющу тя, и осенит Господь над главою твоею въ день брани. Аще ли убо ты, о крепкый, храбрый царю, и еже о тебе христолюбивое воиньство до крове и до смерти постражут за православную христову веру и за Божиа церкви, яко истиннии присная церковная чада, в ней иже породишася духовною и нетленьа банею, святым крещениемъ, якоже мученици своею кровию, блажени бо и преблажени будут в вечном наследии, улучивше сие крещение, по немже не възмогут согрешити, но восприимут от Вседержителя Бога венца нетленны и радость неизреченную, ихже око не виде и ухо не слыша, и на сердце человеку не взиде.[27] Яко же первии мученици и исповедници, тако сии последнии будут, бо рече Господь: «Первии последнии, а последнии первии».[28] Аще ли же еще любопришися и глаголеши, яко: «Под клятвою есмы от прародителей, — еже не поднимати рукы противу царя, то како аз могу клятву разорити и съпротив царя стати»,[29] — послушай убо, боголюбивый царю, аще клятва по нужди бывает, прощати о таковых и разрешати нам повелено есть, иже прощаем, и разрешаем, и благословляем, яко же святейший митрополит, тако же и мы, и весь боголюбивый събор, — не яко на царя, но яко на разбойника, и хищника, и богоборца. Тем же луче бе солгавшу живот получити, нежели истинствовавшу погибнути, еже есть пущати тех в землю на разрушение и потребление всему христьанству и святых церквей запустение и осквернение. И не подобитися окаанному оному Ироду, иже не хоте клятвы преступити и погибе. И се убо который пророк пророчествова, или апостол который, или святитель научи сему богостудному и скверному самому называющуся царю повиноватися тебе, великому Русских стран христьанскому царю! Но точию нашего ради согрешениа и неисправления к Богу, паче же отчааниа, и еже не уповати на Бога, попусти Богъ на преже тебе прародителей твоих и на всю землю нашю окаанного Батыа, иже пришед разбойнически и поплени всю землю нашу, и поработи, и воцарися над нами, а не царь сый, ни от рода царьска. И тогда убо прогневахом Бога, и Богь на ны прогневася и наказа нас, яко же чадолюбивый отець, по глаголющему апостолу: «Егоже любит Господь, наказает, бьет же всякого сына, егоже приемлет».[30] И се убо тогда и ныне той же Богъ и в векы, потопивый фараона и избавлей Израиля, и преславная съдеявы. И аще убо, государю, покаешися от всего сердца и прибегнеши под крепкую руку его, и обещаешися всем умом и всею душею своею престати от первых твоих, еже прилучитися, яко человеку, согрешити. Человечьско бо еже согрешати, рекше падати, и покаанием возстаати, аггельское же не падати, бесовское же не возстаяти и отчаятися. «И сотвориши суд и правду посреде земля». Любов же имети ко ближним и не насиловати никому же, и милость показати к согрешающим, да милостива Господа обрящеши в день зол. Не словом же кайся, а въ сердци ина помышляй, не приимлет бо Богь таковаго покааниа, но точию же словом, то и сердцемь. Яко же благоразумный разбойник на кресте не в долзе времени, но единем словом спасенъ бысть, истинно, всем сердцемъ позна свое согрешение к Творцу возпий: «Помяни мя, Господи, егда приидеши во царствии сии».[31] Но милостивый и щедрый Господь не токмо согрешениа прости ему, но и раю наследника сотвори его. Сицевому поревнуй покаанию, истинное бо покаяние — престати от греха. Аще убо сице покаемся, и тако же помилует ны милосердый Господь, и не токмо свободит и избавит, яко же древле израильских людей от лютаго и гордаго фараона, нас же, новаго Израиля, христианских людей, от сего новаго фараона, поганого Измаилова сына Ахмета, но нам и их поработит. Яко же древле согрешающии израильтяне к Богу, и поработи их Богъ иноплеменником; егда же покаахуся, тогда воставляет имъ Богъ от их колена судиа и избавляаше их от работы иноплеменник, и работаху имъ иноплеменници. Яко же се, егда работаху въ Египте, и избави их Господь от работы египетскиа Моисеом, рабом своим. Потом же дарова имъ Господь Исуса сына Навгина, еже и введе их в землю обетованиа, прием 29 царствъ, и вселишася ту. И по сем согрешиша сынове Израилеви Господу Богу, и Господь Богъ предасть их в работу в руце врагом ихъ. И пакы покаашася, и постави имъ Господь Богъ Июду от рода их, и изби хананея и ферзея и поима царя их Аданивезека.[32] И повеле Июда Аданивезеку отсещи по запятье руку его и плесне ногу его. Сей же Аданивезек самъ глаголя: «Седмидесят царем отсекох конець рукам ихъ и окорнени збирахуся под трапезою моею; яко же бо сътворих, тако же и отда ми Богъ». И приведоша и во Иерусалимъ и умре ту. Июда же не усумневся и не рече тако, яко не царь есмь сый, ни от рода царьскаго, како царю съпротивлюся, но на Бога надеяние и всю надежу имеа, царя царем побежааше. Поимав же и казнию повелев казнити его, и взя землю их, поработи их сыном Израилевом. И паки, егда согрешаху сынове Израилеви Господу Богу, тогда предааше их в руце врагом ихъ и работаша имъ. И егда покаашася, тогда воставляше имъ от рода их судиа, яко же се глаголю Годаниила, и Аода, и Девору с Вараком, и Гедеона, погубившаго трема сты множество тысящь мадиамлян, даже и до Самсуна,[33] убившаго ослею челюстью тысящу муж. И иных многых въставляше имъ Богъ и избавляаше их от работы иноплеменник, и работаша имъ иноплеменници. Ныне же той же Господь, аще покаемся вседушевно престати от греха, и возставит нам Господь тебе, государя нашего, яко же древле Моисиа и Исуса и иных, свободивших Израиля. Тебе же подасть нам Господь свободителя новому Израилю, христоименитым людем, от сего окааннаго, хвалящагося на ны, новаго фараона, поганаго Ахмата. Но его велеречие покорит Господь под нозе твои и послет ти способникы, аггелы своя и святыя мученикы, и смятут ихъ, и погибнут. Тем же и пророческии рещи, Богом утверженый царю, — напрязи, и спей, и царствуй истинны ради, и кротости, и правды; и наставит тя чюдне десница твоя,[34] престолъ твой правдою, и кротостью, и судом истинным свершен есть,[35] и жезл силы послет ти от Сиона, и удолееши посреди враг твоих.[36] Тако глаголет Господь: «Аз воздвигох тя, царя правды, призвах тя правдою и приях тя за руку десную, и укрепих тя, да послушают тебе языци. И крепость царем разрушу, отворю ти двери и гради не затворятся. Аз пред тобою поиду и горы поравнаю, и двери медныа сокрушу, и затворы железныа сломаю».[37] Се твердое, и честное, и крепкое царство дасть Господь Богъ в руце твои, Богом утвержденый государю, и сыновомъ сыновъ твоих в род и род в веки. Тем же убо от чистыа веры, молитвою к Богу день и нощь, въ молитвах и молбах, литиами и соборы святительскыми, и божественными возношенми вашими, потребную и лепую память о благочестивей вашей державе и царскиа вашеа победы исповедаем во святыхъ тайнах, яко да покорени будут врази ваши под ногами вашими и да одолеете среди ратных. Да разсыплются поганыа страны, хотящая брани, от Божиа молниа омрачаеми, яко пси гладни языки своими землю да лижют, и аггель Господень буди поганяа их.[38] Радуемся и веселимся, слышаще доблести твоя и крепость и твоего сына Богомъ данную ему победу, и великое мужество, и храбрость, и твоего брата, — государей наших, показавшим противу безбожных агарянъ. Но по еуангельскому великому словеси: «Претерпевый до конца, той спасенъ будет».[39] Молю же и о сем царское твое остроумие, и Богом данную ти премудрость, да не позазриши моему худоумию. Писано бо есть: «Дай премудру вину, премудрее будет, сказай праведному, приложит приимати» и «еже разумети закон помысла есть блага. Сим бо образом много летъ поживеши и приложат тие ся лета животу».[40] Съ сими же всеми да будет милость великаго Бога Господа нашего Исус Христа, молитвами пречистыя его матере и всех святыхъ и великих чюдотворець земли нашеа, пресвященных митрополит русскых Петра, Алексея и Ионы, и Леонтия, епископа ростовскаго, чюдотворца Исаиа и Игнатиа и преподобных и богоносных отець наших Сергиа, Варлаама и Кирила[41] и прочих, и нашего смирениа благословение на тебе, нашем государи, и на твоем сыну, и на твоем государьстве, и на твоей братии, на ваших князех, и болярех, и воеводах, и на всем вашем христолюбивом воиньстве. И мирно да будет и многолетно ваше государьство, победно, со всеми послушающими вас христолюбивыми людьми да пребудет во вся дни живота вашего в векы веком. Аминь. Лета 89.[42]
[1] ...еже первее дръзнувшу ми... глаголати твоему величеству... — Вассиан имеет в виду, очевидно, разговор, происходившин между ним и Иваном III во время поездки великого князя в Москву в конце сентября—начале октября 1480 г.
[2] ...митрополиту со всем боголюбивым собором тебя... благословившу и знаменавшу... — Согласно «Повести ο стоянии на Угре» митрополит Геронтий также был в числе лиц, «моливших» в Москве Ивана III стоять «за православное христианство».
[3] ...Давыду и Костянтину... — Имеется в виду библейский царь Давид и Константин Великий.
[4] «Ты еси пастырь добрый... не радит ο овцах». — Ср. Иоан. 10, 11—13.
[5] ...страшливому Ахмату... — Имеется в виду ордынский хан Ахмат (Ахмед).
[6] ...тебе же пред ними смиряющуся и ο мире молящуся... — Переговоры с Ахматом происходили, очевидно, во время стояния на Угре во второй половине октября 1480 г., чем и определяется время написания «Послания...».
[7] ...възверзи на Господа печаль твою и той тя укръпит. — Ср. Пс. 54, 22.
[8] «Господь... смиреным же дает благодать». — Притч. 3, 34.
[9] ...прежнии твои развратници не престают... и совещают ти не противитися сопостатом... — Ο «духах лстивых», шепчуших «во ухо твоей державе, еже предати христьянство», Вассиан говорил и в начале послания. Имена этих «развратников» и «духов лстивых» могут быть раскрыты благодаря летописным рассказам (Независимый свод 80-х гг. и Московский свод), где упоминаются противники войны среди советников Ивана III — боярин Иван Васильевич Ощера, представитель рода Сорокоумовых-Глебовых, служивших московским князьям еще с XIV в., и Григорий Андреевич Мамон из рода Нетши, находившегося до Ивана III на службе у удельных князей.
[10] «Открыется гнев Божий... творити неподобная». — Рим. 1, 18, 21, 22 и 28.
[11] «Аще око твое събляжняет... отсещи повелевает. — Марк. 9, 43 и 47; Мф. 18, 8, 9.
[12] «Аще взыграешися... рече Господь». — Иер. 49, 16.
[13] «Камо поиду... и удержит десница». — Пс. 138, 7—10.
[14] ...не отринетъ Господь людий своих и достояниа своего не оставит. — Пс. 93, 14.
[15] «един бо поженет... двигнета тмы». — Вт. 32, 30.
[16] «И не суть бо... Бог наш». — Вт. 32, 31.
[17] «Где суть бози их... погыбели их». — Вт. 32, 37 и 35.
[18] «Лулъ силных изнеможе... възнесет рогъ Христа своего». — I Цар. 2, 4, 6 и 10. Β Библии слово «рог» символически обозначает силу, крепость, могущество (см. подробнее в статье М. П. Алексеева «Пророче рогатый» Феофана Прокоповича. — Β кн. «Из истории русских литературных отношений XVIII—XX вв.». М.—Л., 1959, с. 17—43).
[19] …«Близ Господь... и воистинну»... — Пс. 144, 18.
[20] «не в силе коньстей... на милость его». — Пс. 146, 10.
[21] ...что глаголет Димокрит, философом первый... привет сладок». — Слова античного философа Демокрита (V в. до н. э.) заимствованы Вассианом из «Пчелы», греческого сборника изречений XI в., переведенного уже в XII—XIII вв. Характеристика Демокрита, как первого (возможно, в смысле — наиболее древнего) из философов, в «Пчеле» отсутствует — она принадлежит Вассиану.
[22] «Аще весь миръ... на души своей!» — Мф. 16, 26.
[23] «Блажен человек... за другы своя». — Иоанн. 15, 13.
[24] ...Игоря, и Святослава, и Владимера... — Речь идет о киевских князьях X в. Игоре, его сыне Святославе и ο Владимире Святославиче Святом.
[25] ...великый князь Дмитрие, прадед твой, каково мужьство и храбьство показа за Доном... — Ссылка Вассиана на Дмитрия Донского (к этому же примеру он обращается и далее), очевидно, имела особое значение; его оппоненты, «лстивые духи» и «развратники», отговаривавшие Ивана III от сражения с ханом (Ощера и Мамон), ссылались, судя по рассказу Независимого свода 80-х гг., в поддержку своей позиции на пример Дмитрия Донского, не оказавшего сопротивления Тохтамышу. Β противовес этому сторонники решительной борьбы с ханом вспоминали ο роли Дмитрия Ивановича в Куликовской битве. Характерно, что и известный нам текст «Задонщины» (краткий вариант) был переписан кирилло-белозерским писцом Ефросином в 1479—80 гг. к столетию Куликовской битвы; к близкому времени некоторые исследователи (Β. Α. Кучкин, А. И. Плигузов и др.) относят и создание «Сказания ο Мамаевом побоище».
[26] Жену имею и дети и, богатество многое; аще и землю мою возмут, то инде вселюся... — Этот отвергаемый Вассианом аргумент против борьбы с ханом представляет значительный интерес потому, что он перекликается с рассказами других источников об Угре. Β заключительной части «Повести ο стоянии на Угре», помещенной в Типографской летописи, содержащей призыв к «храбрым, мужественным сынам» русским, автор упоминает «великих государей», бежавших от турок с «именми многими и з женами и з детми» и «скитающихся, яко странных»; он умоляет бога избавить православных христиан от такой же участи. Близость этих текстов дает основание предположить, что и ростовская «Повесть об Угре» вышла из кругов, близких к Вассиану.
[27] ...но восприимут от Вседержителя... не взиде. — 1 Кор. 2, 9.
[28] «Первии последнии, а последнии первии». — Мф. 20, 16.
[29] «Под клятвою есмы от прародителей, — еже не поднимати рукы противу царя, то како аз могу клятву разорити и съпротив царя стати»... — Этот текст также передает (хотя едва ли точно) возможную аргументацию противников борьбы с ханом. Русские князья, получая ярлык на великое княжение, несомненно, приносили какую-то присягу («клятву») ханам, митрополиты «правым сердцем» молились за ханов и их «племя» и «благословляли» их; ханы неизменно именовались в древнерусских источниках «царями». Сторонники подчинения хану, несомненно, ссылались на законность (легитимность) власти ордынского «царя», опираясь на принципы, сформулированные в апостольских посланиях («Несть бо власти, аще не от Бога», «Бога бойтеся, царя чтите...»). Слова из «Послания на Угру» ο «клятве царю» содержатся и в особом рассказе ο стоянии на Угре в кратком кирилло-белозерском летописце (ТОДРЛ, т. XVIII. М.—Л., 1962, с. 289—293), но там они приводятся как слова самого Ивана III.
[30] «Его же любит Господь... его же приемлет». — Евр. 12, 6.
[31] «Помяни меня, Господи, егда придеши во царствии сии». — Лк. 23, 42.
[32] ...востави имъ Господь Богъ Июду... и изби хананея и ферзея и поима царя их Аданивезека. — Здесь, как и перед этим, в упоминании Моисея, Иисуса Наввина, Вассиан передает сюжеты Библии. Сказание ο победе израильского судьи Иуды над царем Адонивезеком содержится в Книге Судей (Суд. 1, 5—7). Это же сказание упоминается в кирилло-белозерском рассказе об Угре, причем явная немотивированность его и дословное совпадение с посланием Вассиана дает основание полагать, что кирилло-белозерский рассказ основан на послании Вассиана.
[33] ...Годаниила, и Аода, и Девору с Вараком, и Гедеона... и до Самсуна... — Библейские персонажи, израильские воители, описанные в Книге Судей после рассказа ο победе над Адонивезеком. Гофониил победил ханаанеев, Аод — моавитян, Варак, посланный пророчицей Деворой (Деборой), одержал победу над союзом ханаанских племен, Гедеон — над мадианитянами, Самсон над филистимлянами (Суд. 1, 13; 3, 18—284; 7, 13—16).
[34] ...напрязи, и спей, и царствуй... десница твоя... — Ср. Пс. 44, 5.
[35] ...престол твой... свершен есть... — Пс. 44, 7.
[36] «и жезл силы... посреди враг твоих» — Пс. 109, 2.
[37] «Аз воздвигох тя... затворы железныа сломаю» — Ис. 45, 1—2.
[38] ...яко пси гладни... поганяа их. — Пс. 36, 3.
[39] «Претерпевый... спасенъ будет». — Мф. 10, 22.
[40] «Дай премудру вину... лета животу». — Притч. 9, 9—11.
[41] ...пресвященных митрополит русскых Петра, Алексея и Ионы, и Леонтия, епископа ростовскаго, чюдотворца Исаиа и Игнатиа и преподобных и богоносных отець наших Сергиа, Варлаама и Кирила... — Здесь перечисляются московские митрополиты — Петр (начало XIV в.), Алексей (конец XIV в.) и Иона (середина XV в.), затем ростовские святители — епископ Леонтий (XII в.), Исайя (XI в.) и Игнатий (XIII в.), затем святые, основатели монастырей — Сергий Радонежский (конец ХІе в.), Варлаам Хутынский (конец ХІІ—нач. XIII в.), Кирилл Белозерский (конец XIV — начало XV в.). Имена этих святителей и порядок их перечисления различаются в разных версиях «Послания на Угру».
[42] Лета 89. — Дата дана, по всей видимости, по сентябрьскому стилю и не противоречит датировке послания октябрем 1480 г. Β Вологодско-Пермской летописи указано еще, что послание писалось «на Москве, на Дорогомилове», но это единичное указание отсутствует в остальных текстах послания.
