Архимандрит Никодим
Оп. в кн.: Книжные центры Древней Руси. Севернорусские монастыри. СПб.: Дмитрий Буланин, 2001. Cм. статью Рыжовой, в приложении к которой опубликовано житие.
Номера страниц после текста. В формате pdf - №114
1 Увещание къ читателемъ 1
Благочестивымъ, христолюбивымъ и усерднымъ чтения божественныхъ и душеполезныхъ писаний, рачителемъ о Господе, во благополучном и душеспасителномъ пожитии радоватися, и здравствовати, и умудрятися въ духовная и чувственная лучшества желаю.
1-1 Написано киноварью.
247
Издревле от церковныхъ изряднейшихъ повествователей и временописцевъ прияся зело потребный и полезный родомъ потомнымъ обычай, (благочестивый читателю2), еже написовати во твари видимой бывающая полезная и вредная, и паче обычная изменения, и в древнихъ народехъ бывших человековъ знаменитых нравы, произволение и действо — не точию же любомудрыхъ, кроткихъ, благихъ и праведных, но и злыхъ и свирепыхъ губителей. И до толика историографомъ онем мысль и тщание бяше, еже ничто без писания оставити, понеже видяшеся человечь родъ в сопротивная присно низходящъ и первозданную прародителемъ память и умазрителное по части угасающе и весма умаляемо. И сего ради Божиимъ наставляеми промысломъ, писанием изоставиша во изрядное нравоучение ко исправлению чтущихъ и послушающих, извествующе, яко жителствовавшим блазе не точию временная приложишася благая, но и вечная обетованна; зле же время жизни во сластех и прочихъ обычаехъ не богоугодне пожившихъ — како Божие поистине наказание многовидне и многообразна, не токмо в жизни временной, но и вечное ждетъ о злодеяниих не покаявшихся томление во узохранилищахъ адскихъ! Сие благочестное онехъ списателей тщание другъ другоприемне есть, усугубляемо и хранимо даже до времене сего с великою многихъ ползою и угёшениемъ духовнымъ — сихъ блаженства и вечныя хвалы достойное усердие и нравоучителный о исправлении человеческихъ душъ богоугодный подвигъ.
И азъ, последнейший, и во всемъ неключимстве исполненный, дерзнухъ подражати, не яко въявленное всемъ представляя повествование сказаниемъ, но келейне во свою духовную ползу и утешение обшедшия мя старости, и во утоление и отраду частых приключающихся ми недугований, и в надежду спасения и облегчения уготованныхъ ми по отшествии от здешних (егоже присно ожидаю) вечных томлений в лепоту, изжившимъ временную жизнь нерадиве. Предлежащимъ написую историю чюднаго в подвизехъ добродетелных, богоугоднаго и преподобствы сияющаго мужа, бывша в лета наша, Феодосиа глаголю, всяк подвигъ монашескаго тризница из юна древнимъ великимъ отцем подобно прошедша и в достоинстве игуменскаго настоятелства во обители преподобного Антониа Чудотворца, именуемой Сийстей, доволное время преподобие поживша. Емуже сожителствовати время некое удостоихся, непо требный, и от священною того руку монашества восприяти образъ, иже от исперва ради навыкновения монашескаго законоположения на прилежное мое прошение во свою келлию отчески приусвои, и видех онаго доблести: смиреномудрие, кротость и любовь ко всемъ уравненную, и в настоятелстве благоискусное разеуждение, в постничестве, и псалмопении, и коленопреклонении безпренемогателное долготерпение, и — еже чюднее — яко приятый келейнаго си правила
2 г Здесь и далее везде, где встречаются скобки, они проставлены в ркп.
248
канон неизменно даже до блаженныя кончины держаше, аще и частыми недугований одержимь бяше. Егоже и скончанию святолепному, и погребению послужити сподобихся, недостойный.
Сего ради потщахся предати писанию от многихъ малая блажненнаго онаго мужа исправлении, да многими леты в песце забвения не будуть покровены, но да останутъ писаниемъ явлены въ духовную ползу со усердиемъ чести, и послушати, и подражати хотящихъ. Темже всякъ чин, и полъ, и возрасть смиренно молю, къ вашей любви до земно главу преклоняя: аще кто вникнет в сию историю, да не усумнится, яко не удобренными и любомудрыми словесы сочинися. Извествую бо, свидетеля Бога поставляя, и яко от самыя юны версты не быхъ грамматическаго и риторическаго благословесия и сочинения правилнаго нака-занъ, ниже при написании мысль ми на се бе приклонена, еже взыскати мужы любомудры, книжнаго сочинения имущы разумъ доволенъ. Но еже самъ, недостойный, онаго исправления виде сподобихся и от инехъ слышати улучихъ, та простейшею историею воедино собравъ, преписахъ, дабы по скончании моемъ, якоже предрекохъ, в память незабвенную остала.
Богъ же Отецъ Господа нашего Иисуса Христа дародатель щедроть и всякия утехи, и ипостасная премудрость умудряющая младенцы Сынъ и Слово Божие съ содвйствиемъ вся совершающего и освящающаго Пресвятаго и Животворящего Духа, да подасть утешение и ползу душамъ чтущихъ, и послушающихъ, и преписующихъ сию со усердиемъ, якоже уповаю, и молюся, и желаю любви вашей духовной при ваших святых молитвах выну застающий многогрешный иеромонах Никодимъ Сийский.
3 История собранная вкратце о блаженном отце Феодосии, иже Сийския обители игуменъ бысть 3
(по преподобии Антонии чудотворцу 14)
Сего израсти приморская полунощному Лдеватому океану сопределная Двинская страна. Родителие его Игнатий и Феодосиа жителство имяху во единомъ от градовъ, Холмогоры зовомом. Той Игнатий хитростию среброковачь бяше и от сего дому потребная имяше. От сею родися чудный отрок 4, о немже предлежитъ слово, иже в возрождении святаго крещения Феодоромъ на-речеся, еже сказуется «даръ Божий». И егда отрокъ в возрасть начатъ приходити, бяше зело смиренъ и отроческихъ глумлений веема удаляшеся. И егда бывшу ему 12 летъ, вданъ бываетъ в научение писменъ, егоже прилежнымъ тщаниемъ въекоре навыче. Любяше выну входити въ церковь Божию на пение, и чтомых богодухновенных словесъ со умилениемъ послушаше, и самъ чтению усердно прилежаше. Сего ради от родителей и купновозрастныхъ не бяше любимъ, но и презираемь непомалу. Отецъ бо выну его принуждаше, множицею же и бияше, да хитрости съреб-
3—3 Написано киноварью.
4 Дописано на левом поле Родися в лЬто 7120 [1612].
249
рокователства навыкнетъ и тому да приложить. Отрокъ же выну упраждняшеся на славословие Божие, о рукоделии же нимало брежаше, о чесомъ отецъ его наипаче разгневанъ, вдаде блаженнаго единому от соседь, иже художествомъ меди ковачь бяше, желая, да поне того ремества навыкнетъ.
Феодор же ни о томъ попечения имяше, но присно приметатися в доме Божий и в того оправдании умудряющемъ младенцы выну пребывати и поучатися день и нощь желаше. Егда же родитель его уведевъ, яко отрокъ и о томъ художестве не брежетъ, призвавъ и съ велиимъ гнёвомъ повеле ему, да воскоръ горнецъ мъдянъ содълавъ, принесетъ во известное учения свидетелство. Той же поведенное немедленно совершивъ, ко отцу возвратися. Видев же Игнатий, яко содъланный сосудъ веема непотребенъ, паче о неприлежании его увйрився, толико жестокия наложи отроку язвы, яко еле жива его от рукъ разгневаннаго отца едва отъять стрый блаженнаго Петръ, иже зъло отрока любяше 5 добронравия и смирения 5 его ради. Той Петръ послъжде от руку блаженнаго и монашества образ сподобися восприяти, о чесомъ предлежащая явитъ повесть. Разсмотрив же благоговейный юноша Феодор, яко ни на кий добродетелей успехъ в дому отчи и сродницъх пребывание, и тяжко си вмънивъ, мысляше, каковымъ образомъ техъ сожития избъжати. Слышал же бв от некиихъ, яко во обители преподобнаго Антониа, именуемой Сийской, монаси целомудренную по Бозъ жизнь проходятъ, утаився всех, из дому отча изыде и к помяновенной обители уклонися, и достизаетъ тоя немногими денми (имать бо тая разстояния от града Холмогор 65 поприщъ). И егда близъ бысть, виде святыя церкви плинфозданныя и поваплены, снеговиде сияюща, ужасеся (бе бо тогда месяцъ августъ) и помышляше, откуду на храмех снеговидное подобие, никогдаже бо виделъ бе или слышалъ о здании каменномъ, не бяше бо тогда въ стране той кроме помяновенныя обители каменнаго здания.
Егда же юноша блаженный врать монастырскихъ достиже и обители благолепие узре, о коль возрадовася духомъ, псаломская вещая в себе словеса: «Коль возлюбленна селения твоя, Господи силъ! Желаетъ и скончевается душа моя во дворы Господня!». И: «Се покой мой, во векъ века зде вселюся». И со слезами доволную сотворив молитву и коленопреклонение. Видев же вратника, отверзша врата и вне исходяша, припаде на нозе его, моляся, да внутрь обители внити попустить и настоятелю о немъ да возвестить, и вослед вратника во обитель вниде. Вратникъ же удержавъ его вне стояти, дондеже настоятелю возвестить повелеваше. Юноша же с плачем изыти не хотяше, глаголя: «Монахъ хощу быти!». Видя же вратник такова юношу млада, велие къ подвигу постничества усердие имуща, шедъ, поведа о немъ настоятелю (тогда бывшему) игумену Ионе. Игумен же известився от словесъ вратника, скоро юношу ввести к себе повеле и вопрошати на-
5—5 Написано на месте стертого текста.
250
чатъ, откуду и что требуя во обитель прииде. Отрок же припаде къ ногамъ настоятеля, слезно моляше, да в монашеская облечеть и без отлагания. Игумен же благоразеуденъ сый, и духовными, и внешними даровании украшенъ (о чесомъ предлежащее явитъ слово), видевъ отрока в толикой юности въ Божию любовь разждежену душу имуща, полезными словесы доволно поучивъ, благослови и и ко приятию монашескаго образа приуготовлятися заповеда. Ожидающу убо блаженному отроку Феодору пострижения неколико дней, являхуся ему времяни того дни подобны обхождению всего лета долготою, якоже послежде учеником своимъ исповеда. Игумен же, яко благоразуменъ сый, сего ради умедлити сотвори, не приидет ли юный в раскаяние, труд монастырский видя.
Егда же уразуме непременное отрока желание, пострищы того повеле6, именова вместо Феодора Феодосия, и даде в научение единому от братии, монаху доброжителну, именем Давыду, иже церковный еклисиархъ и доместикъ7 бяше, от юны версты монашествуя. Того добродвтелному жителству Феодосии во всемъ подражатель бывъ, и со отложениемъ власъ, и всякое мирское пристрастие отверже, и всего себе по Бозе вручи наставнику своему. Той, якоже выше речеся, муж духовенъ сый, видя ученика своего юнаго монаха Феодосия, якоже добрую ниву на приятие семяни слова Божия удобну, вседневным от божественых Писаний поучением усердно напаяше. Таже блаженный повелениемъ настоятеля все послушание монастырское въ хлебопекарне и в поварне со всякимъ усердиемъ, с покорениемъ смиреномудрымъ доволнымъ времянемъ пройде, не оставляя и церковнаго пения, и правила8 келейнаго, и поклоновъ. Сего ради от всехъ братии любимъ бе и почитаемь. Видя же настоятель Феодосиа в добродетелех предуспевающа, радовашеся духомъ и суди того быти достойна даръ священства восприяти, еже и совершися принуждениемъ убо настоятеля. Благословением же преосвященнаго Авфониа митрополита новгородскаго во иеродиакона рукоположен бываетъ9 и церковное священнослужение безленостно совершаше. Не едино же иеродиаконство ему споручено бяше, но и кононархомъ доволное бе время, еже в благословенной сердца простоте радо стною совершаше душею. Толико бо приснымъ наставника своего наказаниемъ успе, яко смиреномудриемъ, молчаниемъ, послушаниемъ, и в хождении, и пишеприятии, и во ответехъ благоразумных прочимъ братиям къ добродетели образъ бяше, еже наставникъ его видя, веселяшеся духомъ и некиимъ от братии тай назнаменоваше, яко «юный сей монахъ многим, — рече, — ко спасению наставникъ будет», еже и собысться после-
Сице блаженному предуспеющу, предреченный игуменъ Иона и наставникъ блаженнаго монахъ Давидъ временную жизнь на
6 В ркп. на левом поле дописано пострижен въ лЬто 7140 [1632 г.]. 7 Слово помечено, в ркп. на нижнем поле сделано пояснение и доброписецъ. 8 Далее в ркп. л. 244 об.—245 без текста. В ркп. на левом поле дописано в лето 7143 [1635 г.].
251
вечную премениша. По преставлении ихъ прешедшимъ неколикимъ летомъ, блаженный Феодосии прилежнымъ всея братии прошениемъ икономъ обители устрояется, таже и на игуменское достоинство вышепомянутымъ преосвященнымъ Авфониемъ митрополитом новгородскимъ бысть возведенъ. По восприятии же настоятелства вящшимъ трудомъ себе вдаде: на пении церковномъ первый обреташеся и последи всех изхождаше, не оставляя и келейнаго предприятаго правила, и поклоновъ. Часте же изхождаше вне монастыря по службамъ, работающих увещевая, да врученому кийждо рукоделию прилежит со усердиемъ, и поучая, да выну пребывають во страсе Божий, и целомудрии, и любви духовной. Толико же блаженный бе смирен, яко всех последнейша вменяше себе быти, и нипочесому бе познати его не ведущимъ, яко игуменъ есть: ризы бо его бяху многошвенны, слово в кротости умеренно и поклонение нижайшо всемъ воздавати обыклъ бяше. Сего ради повсюду слава о нем прохождаше, яко достигнути и царствующего града10 и даже до палат самодержца, ибо благочестивый государь, слышавъ о добродгЬтел-ном того житии, в велицей блаженнаго [им]яше чести (?) 11 и обители многая содеваше снабдения. И от сигклита церковнаго и гражданъ первейший мнози любящий святаго добродетелнаго ради его жития доволная посылаху обители в награждение дарования. От первопрестолниковъ же Великаго Новаграда толико любим бе, яко градовъ Холмогоръ, Ваги, Мезени и Кевролы со пределы церковное первенство, и духовное правление, и собрание святителских летних даней урочных чрез многое время содержати понужден бысть. Обаче блаженный о сихъ предпочтениях не воз-несеся сердцемъ, но наипаче смиреномудрия придержашеся, всехъ последнейша вменяя себе быти и ничтоже благосотворша. Сего не терпя древний змий, завидениемъ разседашеся, протязая при стези блаженного соблазны многокозненне бо, сладострастными прилоги к нему приразився, но смиреномудриемъ блаженнаго далече отриновенъ, постыдеся, но не преста от злоизобретений напаствования Христову воину. Прешедшу убо 8 лету игуменства блаженнаго, воздвиже на нь чувственный ковъ, на вящшее преподобному прославление возстави бо некиих от братии и земледелцовъ, иже земная мудрствоваху, а не яже по Духу, и вменяшеся имъ блаженнаго добродетелное жителство яко обличение и укоризна, тии к совершению умышленнья злобы удобное время улучиша сице12. Благословением святейшаго Иосифа13 патриарха московскаго и всея России и повелениемъ благочестиваго государя царя и великаго князя Алексия Михайловича всея великия и малыя России самодержца шествующу преосвященному Никону митрополиту14 новгородскому и великолуцкому во обитель Соловецкую ради пренесения честных15 чудотворных
10 Дописано над строкой
11 Дописано на левом поле, запись частично срезана.
12 Дописано на левом поле о изгнании блаженнаго в монастырь Кожеезерский (запись частично срезана). 13 Дописано над строкой. 14 В слове последний слог дописан над строгой. 15. Дописано над строкой.
252
мощей новаго исповедника, святителя и чудотворца16 Филиппа и бывшу во обители сей дней неколико. Тогда клеветницы вдадоша лжесоставные свитки святителю, многаго исполненыя на блаженнаго неправеднаго оболгания (не присущу Феодосию во обители, отшел бо бе во царствующий град монастырския ради потребы). Святитель же писанное и глаголанное о наваждающих слышавъ и желая, да мятежъ утолить, рукоположи во игуменское достоинство единаго иеромонаха Корнилиа. Блаженному же17 повеле отлучитися на время некое 18 во обитель Кожеезерскую, сущую близ океана-моря во пределехъ града Каргополска, в нейже никогда и преосвященному Никону митрополиту бывшу игуменомъ время некое, и бе ему оная обитель любима уединения ради, остояше бо от селения человеческаго яко поприщъ 40 и вящше, великими горами и езеры окружаема.
Сие повеление блаженный слышавъ (еще во царствующем сый граде), прослави Бога многообразий, устроевающаго спасения человеческаго ползу — от многих бо дней началство оставити блаженному мысль бяше. Темже спешно ко обители возвратися, и егда достиже, вместо его бывшему игумену Корнилию должное воздавъ поклонение, отъити ко 19 Кожеезерстъ обители 19 тщашеся20, еже и сотвори воскоре. Многимъ провождающим его отходящаго братиамъ со слезами и скорбениемъ по духовных утъшителныхъ словесъхъ тайными назнаменоваше ганании, яко тое его разлучение не имать продолжитися надолзе.
Посемъ блаженный достизаеть обители Кожеезерския и настоятелем тоя игуменомъ Сергиемъ и братиею честнъ восприемлется, не утаися бо и от онехъ мужа добродетель и яко оклеветание неповинне от зависти страждетъ. Сего ради духовною любовию21, яко чада отца, его почитаху и его22 словесы душеполезными наслаждахуся. Игумен же Сергий многимъ прошениемъ убеди блаженнаго, да с ним во единой келий купно пребывает, и бяху в подвизе духовномъ другъ другу усерднии подражатели. В каковом же смирении, и воздержании, и трудъх постничества блаженный в той обители пребывание имяше. Азъ, недостойный, во отроческих летех еще ми сущу, при помянутомъ тоя обители я игумене Сергии писменъ учящуся (той бо по роду дед ми бяше), сего ради и блаженнаго часть видъти удобно ми бяше. Толико бо прилежаше безмолвию, и посту, и молитве, яко от особной его внутренной келий чрез весь день и нощь кромь церковнаго пения и общебратственнаго на труды монастырьския изхождения никаможе хождаше, и сие въ безмолвии блаженнаго пребывание бяше разеудително. Егда бо время избываше по совершении правила келейнаго и коленопреклонений, тогда книги прочитоваше
16 Дописано над строкой.
17 Слово помечено, дописано на нижнем поле аще и ведый мужа добродетел и невинность во лжесловесии наваждаемых, но
18 Слово помечено, дописано на правом поле дондеже мятеж у...лится (запись частично срезана).
19 В ркп. обители Кожеезерсте, над словами указан иной порядок чтения.
20 Дописано на левом поле в подначалие отъиде в лето 7160 [1652 г.] и бысть тамо 5 лет.
21 Слово помечено, дописано на нижнем поле не яко подначална, но.
22 В ркп. слово испр. из того.
253
и писаше прилежно, хитре страсти уныния отражая. В церкви Божий на пении первый обреташеся, чтению и пению вседневно со всякимъ благословениемъ усердно прлежаше, зело бо23 во чтении бяше24 сладкоглаголивъ и пения доволенъ наукъ имея. Такожде егда на монастырское поделие братия исхождаху, он первый обреташеся, аще от настоятеля и множицею увещеваемь бяше25, да не исходить, но той со смирениемъ отвещеваше, извествуя быти вину благословну, да не будетъ обладай уныниемъ, сего ради исходити себе сказоваше потребно.
Сице ему пребывающу в добродетелном предспеянии, всеми26 любимъ бе, и яко отецъ и наставникъ вменяшеся, и многи стяжа по духу себе други единонравны и в постничестве другъ другу подражатели, от нихже изряднейшие суть сии.
Боголепъ, прозываемый Львовъ. Той27 иже егда в мирском бе жителстве въ царских полатах, знаменитъ бяше, единоутробный бо того брать Григорий благочестивейшаго царя и ве ликаго князя Алексея Михайловича книжнаго чтения и писания от юности бе наказатель и велию самодержчю милость имея. Той Боголепъ всея временная презревъ, монашества образ помяновенной Кожеезерской восприятъ обители и добре подвизашеся, бе бо наказанъ внешняго любомудрия и доброписецъ изряденъ, и многа лета пребысть неизходно, успе в мире, многы книгы28 душеполезныя обители собравъ и застави (?) повеление29.
И Евфимий, иже бе иеромонах доброжителен и потомъ бысть игуменъ пустыни, яже близ града Каргополя Строкина нарицаемая.
И Павелъ иеродиакон, иже бе прежде тоя Кожьезерския обители бысть настоятель благоразумный сей во всемъ, богоугодное его житие беша подобницы, и присною по Богу любовию цветуще. В таковомъ имъ любве союзе долгое пребывающимъ время, прииде от святейшаго Никона патриарха, да игумен Сергий вскоре к Москве прииде. О, коль разлучение безжалостно купно душевной двоицы, ибо от другъ друга едва по доволномъ утешителных и умилителных словес изречении разлучитися возмогоша! И егда Сергий игумен царствующего града достиже, и от святейшаго Никона со всякою восприемлется любовию, и по доволномъ беседословии воспомяну о в подначалии сущемъ блаженнемъ Феодосии, яко тщаниемъ богоугоднаго жития много подвига превосходившу. Сие святейший слышав, зело за безразсудное озлобление такова сиа мужа разкаяся и посылает послание, да всячески Феодосии от подначалства свобод будетъ и пребывает, аможе хощет. Сие послание егда блаженный получи, благодарствие воздаде Богу и воспомяну 30 обитель преподобнаго Антония, свое обещание 30, горящею любовию возжеле ведети и
23 Дописано над строкой. 24 В ркп. далее следует зачеркнутый слог ху. 25Й ркп. слово исправлено из бяже, слог ше дописан над строкой. 26 Дописано над строкой над зачеркнутым словом добрей. 27 Дописано на левом поле. 28 Дописано над строкой другим почерком. 29 В ркп. слово дописано на нижнем поле другим почерком. Дописано на нижнем поле другим почерком; далее в ркп. следует зачеркнутое слово Антониа, слово помечено.
254
с неизреченною о по помяновенных своих собеседникъ и всеа братии жалостию проводится достолепне, аще бо и не хотяще разлучитися, но неудержимаго одержата бе невозможно. И егда Сийскую обитель достиже, о коль радостная от настоятеля и братии восприемлемъ бываете, не точию бо любящий его возрадовашася, но и враждовавший на нь прежде к ногамъ32 жалостно припадающе, прощения желаху, слезорадостная словеса вещавще. Онъ же, яко о Бозе отецъ33 чадолюбив, вся объемля, с любовнымъ целованиемъ смиренно прощения просяше и благорасудными словесы утешаше, во святую церковь вшедъ и гроб преподобнаго отца Антония видевъ многия с молитвою и коленопреклонениемъ излия слезы. И тако неколико дней ему пребывшу. Кожеезерския обители братия, егда блаженнаго любезно и прощениемъ слезнымъ настоятелемъ себе удержати не возмогоша, абие по того отшествии послаша моление ко святейшему Никону патриарху, всеусердне желающе, да Феодосии настоятель обители их будет. И святейший сему соизволивъ, абие посла повеление, яко да игуменствуеть.
Блаженному во обещании своему мало дней пребывшу, внезапу Кожеезерския обители братиа послаша триех братии, носящих патриарше повеление, и блаженному вдаша. И егда прочте, зело духомъ смутися, яко паки в бурю и волнение бывает, низводнимъ принуждениемъ внезапнымъ, обаче повелевающему противо вещати, от юности навыкнувый послушанию34, не дерзаше, да35 не ето дерзновение содееть, не богоугодно вдая себе Божий воли. (Молитва). Преподобного Антония в помощь призвавъ, во обитель Кожеезерскую пути несяшеся, и поя с собою единаго от ученикъ, Савватия именемъ, иже клирикъ бе изящнейший и в добрых превосходя нравех, иеродиаконскую почтенъ честию сый. И егда пришествие желаемаго настоятеля Кожеезерские обители братию ощутивше36, с неизреченною радостию и псалмопениемъ прияша, вручивше себе самых и обитель. И тако блаженный старейшество восприят, вящия труды ко трудомъ приложивъ, духомъ же по своему обещанию выну горя бе, и присно37 помышляя, и Богу в молитве своей со излияниямъ слезъ проповедая, да устроит и и яже всему судбами от обещаннаго в началстве вседневнаго обуревания свобождение да во своемъ обещании поработаетъ ему безмолвие, еже и получи виною сице тою.
По пришествии бо единаго лета и мало вящи обитель преподобнаго Антония Чудотворца Божиемъ попущениемъ внезапну возжеся. И толико объять пламень, яко все здание пояде до основания нещадно, 38 и толико 38 тление сотвори, яко ничесому
32 Испр., в ркп. игамъ. 33 Дописано над строкой другим почерком. 34—34 В ркп. юности послушанию навыкнувый, над словами указан иной порядок чтения. 35 В ркп. дописано над строкой другим почерком не. 36 В ркп. слово испр. из ищуще. 37 В ркп. слово написано дважды, второе написание зачеркнуто. 38-38 В ркп. выражение написано дважды, первое написание зачеркнуто.
255
отьити от монастырских зданий и сокровищъ. Братия же таковый зряще гнев богопопустный, в велицемъ негодовании хотяху разытися, бяху бо тогда безпастырни, ибо помяновенный игуменъ Корнилий за мало дней до возгорания игуменство остави. Сказуется же, яко во едину от нощей стоящу ему на обычном своемъ нощномъ правиле (бе бо духовен мужь и на молитву зело подвижный) и виде от усопохранителницы, идеже гроб Антония преподобнаго обретается, грядуща мимо олтарь болшия церкве, близъ келлии его монаху священнолепну и глаголюща: «Горе вамъ, окаяннии чернцы, яко своимъ небрежениемъ монастырь возжещи имате!». И от сего ведения зъло ужасеся. И 3 дни неутешно плакавъ, настоятелство остави. Се видение ево в малех днех в событии прииде, якоже выше речеся, 39о чесомъ39 блаженному Феодосию писаниемъ всемъ родственныхъ от обители возвестил. Се же той слышав, зело и о том всем и много плакав, многодневне и всеобразне размышляя, коимъ образомъ да началство оставив, ко обещанию своему возвратится и в негодовании братию отлагающуюся утешив, еже не отпадати своея снабди. И сотвори сице: во едину от дний по совершением литоргии и обидной трапезе братии возвести, яко некие имать нужды во внешних монастырских селех, яже привез онехъ, и ихъ ради потребно да самъ отшедъ, известно разсмотрить и устроить полезная. Братия же намерения его веема не ведуще, усердие своего отца о сихъ похвалиша. Онъ же прилежную ко Богу сотвори молитву и, целовавъ гробъ Никодима преподобнаго, и пути касается, спутника, помяновеннаго ученика Савватиа, имея. И егда реки Онеги достигоша, нимало медля в Сийскую обитель возвратися. И тамо пришествию его братия толико возрадовашася, якобы ни малого сетования о бывшемъ от огня тлении имуще, верующе, яко молитвами чудотворца Антониа и его богоугоднымъ тщаниемъ паки вся лутщея возобновятся. И наставший по поменовенном игумене Корнилий Калинникъ игумен приять его не яко от братии единаго, но яко отца и учителя. Блаженный же, яко братию (общежителную си) видевъ, зело возрадовася духом, понеже от времене многаго желаемое получи видети. О внезапном же от огня толикаго церковнаго и келейнаго здания бывшемъ тлении великомъ сердцемъ поболевъ и слезенъ весь бывъ, печаловаша неутешно. И егда гробъ40 преподобнаго Антониа объемъ, и сихъ не изрече глаголъ молебных со излитиемъ слезныхъ потоковъ, и мало дней от пути истребився. Игумен же и братия собравшеся (ихже бе число 180) и к келлии блаженнаго пришедше, слезно просяху, яко да восприиметь трудъ усердный во царьствующий град Москву шествовати, еже самодержавному, и от царьскаго сиклита сущимъ, и всемъ обители ктиторомъ о семъ возвести. Бе бо ради добродетелнаго жития веема имъ любимъ и всемъ знаемъ блаженный. Аще безмолвия желая и великую путешествия долготу и неудобство помышляя, отрицаше-
39-39 В ркп выражение написано дважды.
40 Испр., в ркп. бробъ.
256
ся. Стыдяся же и толикаго усерднаго всеа братии прошения презрети, бяху бо в нихъ мнози изряднейшии сединами и разумом украшеннии; от нихже икономъ обители монахъ Паисий, прозываемый Мефодиевъ, иже всеми даровании и разумом всеукрашенъ, той толикихъ увещателныхъ не изрече глаголовъ! И едва блаженный к прошению ихъ преклонней и путствовати соизволи, они же напутствоваша его всеми прислушающими к путешествию потребами и просяще, ково возметь от братии и работников себе в послужении, еликих хощетъ. Но блаженный сый, веренъ ученикъ рекшаго «не приидохъ и да послужат Ми, но послужити и дати душу свою избавление за многихъ», и не имея наука от юна в гордости приписовати себе тщетную славу, не избра вящше единаго помяновеннаго своего ученика Савватиа и работника единаго, и тако пути касается.
И егда царьствующего достиже града, и восприимается от всех любочестне. Таже и самодержавнаго монарха улучивъ видети, приключьшаяся обители преподобнаго Антониа подробну исповеда. Великий же самодержецъ государь царь и великий князь Алексий Михайловичь слышавъ о семъ, утешивъ его и во всемъ пособствовати обещася, и ходатайствомъ благородной царицы Марии Ильиничны и отца ея болярина Ильи Даниловича Милославскаго даровано бысть от царьскихъ сокровищъ на монастырское строение до 7000 рублевъ, и иные от ктиторъ мнози доволная имения на строение усердне в руце Феодосиеви вдадоша, о чесомъ блаженный пресвятаго Бога и его угодника преподобнаго отца Антониа молебно благодаривъ, радостно во обитель возвратися. И егде обители достиже, и с великимъ радованиемъ от всея братии приемлется, и нарицается от всехъ настоятель и вождь душеспасителный. Блаженный же первие воздаде пресвятому Богу и его угоднику преподобному Антонию Чудотворцу молебное благодарение. Того богоугоднымъ молитвамъ своего путешествия к подобному возбуждаше хволословию, да благодаримъ Бога, вяще свое распростретъ снабдение благостынне. Тогда настоятельство правя игуменъ Калинникъ, видвв себе и таковому правлению недоволна, остави игуменство, пребысть токмо два лета, и уклонися в монастырь Ошевенской, иже близъ Коргополя града. Тогда братия наивяшще приступивше, слезно просяху, да игуменствуеть нимало послабляюще. Блаженный же веема отрицашеся, ведый и предъявляя тяготу и вседневное попечение, привходящее от началства, извествуя себе на то быти. Они же наипаче принастояху, из нихже и иже прежде вражду составльшии слезно к ногамъ приметающеся, о семъ ему стужаху. Блаженный же, видевъ неотложное ихъ в томъ желание, с намерениемъ усерднымъ повинуся воли ихъ, обаче без царьскаго и святителскаго повеления совершитись не лепо бе.
Сего ради пути во град к Москве паки касается, и достигши Царьствующий градъ, всебратственная писания помяновенному болярину Илии Даниловичу вручаетъ и о брацкомъ намерении возвещает. Той же слышавъ сие, зело возрадовася и без коснения
257
самодержавному возъобъявляет41 о семь. И благочестию ревнитель великий государь любезно сему соизволивъ, своя царьския повеле даровати грамоты со утвержениемъ. Такоже и Новаграда первопрестолнику об нем восписати повеле и паки многа дарования воздаде обители. И тако Феодосии, возвращался, обитель достиже, и братия отдалена радостно сретоша. Таже в наставшее время летне Великова Новаграда достигъ, царская первопрестолнику вдаде писания. Той же мужа ведый добродетель, радостно даруетъ свое святителское благословение и писание, яко да игуменская действуетъ и управляет обитель и братию. И тако с подобающею честию восвоя отпущает.
И егда блаженный путь благополучно пребывъ, обители достиже, и во обитель всею братиею радостне приемлется, той же первое Божия достигъ церкве, молебное сотворивъ благодарение, и гробъ чудотворца Антониа слезорадостно лобзаетъ, оному свое началствие и самого себе совозлагая. Таже братию благословивъ и лобзав всехъ отцей подобий, и любезное изрекъ приветствие, и въ келлию свою возвратися, и с приятиемъ старейшинства вящ-шихъ начать трудовъ касатися (абие церковь велию во имя святаго апостола Андреа Первозваннаго каменную со предали здати от основания начать, и ни единъ премину день, еже бы ему делателемъ не способствовати), ибо своими руками труждатися обычай име неленостно, не оставляя и подобающаго келейнаго, а наипаче церковнаго пения, и при здании не бе видети его, яко повелителя или настоятеля, но яко единаго от наемникъ.
И тако богоугодно водворялся и в добродетели богатея, и славе о немъ проходящей всюду, яко и издалеча желающимъ спасения к нему приходити. Из нихже бе монахъ Герасимъ, нарицаемый Даниловецъ, Иоаннъ, прозываемый Смирный, иже по приятии монашества бе зело в добродетелехъ знаменитъ, потом митрополит граду Пскову бысть, о чесомъ последи речется. Сей Иоаннъ многа своихъ родителей Стефана и сродники оставль, о добродетелнем житии Феодосиа блаженнаго слышавъ, долгий путь, яко едино прошед поприще, горящею любовию и усердиемъ в повиновение вдадеся и в восприятии монашества Иларионъ наречеся. И толико успе в добродетелном жителстве, не щадя своего юностнаго возраста, яко и блаженнему тай радоватися о немъ духомъ, провидя хотящей быти в немъ Божие дарование, обаче яве не бяше к нему и благоприступенъ, сего ради да скорейше мирское пристрастие отвержет. Той же толико наказание старче радостно воспримаше, якобы ни единаго о нем изгубити слова, убо первее повеленъ бысть братския проходити в послушании подвиги в хлебне и поварне, таже удостояется церковнаго служения кононархъ, таже и уставодержателем бысть учиненъ, и еще от исперва не сый наученъ сему искуству, с великимъ трудом прохождаше, но егда успе, зело бысть всему делатель благоискусный.
41 В ркп. слово испр. из возосявляет (?).
258
Но и о семъ не лепо есть умолчати. Единою бо з благословения настоятеля своего бысть отпущенъ с некиими въ пустыню чудотворца Антониа на езеро, именуемое Дудницы, и в неже время возвратитися ему бе поведено. По случаю премедли, а наипаче ради собрания саморасленныхъ плодовъ земныхъ, ихже со тщанием толико много собрата, яко надеющеся и похвалу от настоятеля улучити и милость, с радостию возвращахуся. И егда хотяху ладиицею к келий пристати, блаженный же смотра тайно и во всемъ лучшая своему ученику сокровищствуя, повеле вратницу отслати я к поварне, иже бе вскрай езера. И тии указаннаго места егда достигоша и на брегъ изъити хотяху, той же вратникъ пришед повелениемъ блаженнаго, яко плодъ преслушания, собранное из ладиицы въ езеро опроверже. Монаха же Илариона во узохранителницу отведъ, прикова к кладе, и еже нечаянно той видевъ, зело ужасеся и о преслушании своемъ жалостно ваяшеся. Братия же пришедше, блаженнаго моляху, да разрешенъ Иларионъ будетъ. Той же братию утешая, глаголаше: «Поистинне, на успехъ ему се будетъ», — и разрешите его повеле. И егда прииде, пад на нозе, прощения желаше. Той же глаголя: «Чадо, яже ради преслушанных устроилъ еси кладу в лепоту тебе и обновити ея подобало (той бо Иларионъ помяновенную кладу ради наказания клириковъ, леностно к церковному пению приходящихъ, яко что хранитель сый з благословения настоятеля бе устроилъ)». И благославивъ отецъ ученика своего, прилежно наказуя послушания не отпадати. И егда его предуспевающа видевъ и намерения его в стропотная непреложное разумев, начат его во град Москву вместо себе посылати ради приключающихся годовых нуждъ монастырскихъ, понеже самъ уже достигъ и старости и начать изнемогати.
В монастырскихъ бо трудехъ и путныхъ шествиях коликъ трудъ претерпе, аще по единому писати и простертая повесть ко изъявлению, но есть доволна, но в простоте рещи. Никтоже когда виде его праздна: аще когда на труды земныя не изхождаше (иже бе велий любитель — многие места очистивъ, злакосноны и пажитны содвла), тогда книги писаше, аще и не веема удобрено, но опасно, многи бо книги бе написалъ (яже и ныне во книгохранителницы видятся). Правилу же толико прилежа, яко по совершении Псалтира и определенныхъ 42 каноновъ многие полагаше43 поклоны и каноны «Умиление» пояше.
Помяновенный же Иларионъ в таковых трудех со всяким усердиемъ подвизался и ради воздержания его многими славимъ бе. Посемъ повелениемъ самодержавнаго рукоположенъ бысть архимандриты Соловетския обители и оттуду во град Ярославль в монастырь Всемилостиваго Спаса бысть преведенъ, таже митрополит богоспасаемому граду Пскову рукополагается, сие сего приписуя своего учителя блаженнаго молитвамъ и в лепоту, ибо егда в послушания чине ему еще сущу, отецъ его образ Псков-
42 Испр., в ркп. определенных. 43 В слове первый слог дописан другими чернилами.
259
скихъ чудотворцовъ ему даровал, глагола: «Чадо, приими сие благословение, негли во странах тех, Богу хотящу, улучиши быти», — еже собыстся.
Небезместно же зде воспомянути и сродника Иларионова иеродиакона Прохора, иже Сергиева монастыря бе келарь и зело во отцехъ знаменить. Той блаженнаго Феодосия имяше, яко л 261 отца, и во всемъ ему бе повинуяся и душеполезныхъ его словесъ прилежно послушая, ко обители велию любовь имяше.
Посемъ ученикъ бысть и послушникъ блаженному монахъ Паисей. И той толикъ бе доброго жития и смысла, яко повелениемъ святЬйшаго Иоакима патриарха всему патриаршу дому икономъ, си есть казначей, бысть учиненъ, и многая в чине том препроводи лета и обители премногая подаде дарования, церковными и братцкими потребами достизающа цены три тысящы рублевъ и вящше — все же се поспешествоваша святаго отца молитвы.
Тогда же блаженному бысть ученикъ, монахъ Варфоломей, зело добродЬтеленъ. Сей по преставлении блаженнаго восприят достоинство и содержа е 4 лета, донележе Божиимъ благоволением устройся архимандрития.
Таже вышепомяновенный стрый блаженнаго Петръ среброковачь44 прииде, той обители немалая подаде дарования: в велицей бо Пресвятыя Троицы церкве, яже во обители, всеиконное украшение во иконостасе его изждивением бысть чрез изряднейшаго зуграфа Василия, именуемаго Кондакова, устроено. Той зуграф, аще бе юнъ, обаче совершеннаго смысла и воздержания бяше, сего всего наказаниемъ успъ блаженнаго, зело бо любяше того, и той отца. Всемъ украшении церковном помяновенный монахъ Герасимъ изящный бысть помощникъ, бе бо искусен зодий и лиятель мъди и олова, раку бо преподобнаго и иконостасъ лиятелным художеством зъло хитре устроене. Таже стрый его Петръ восприяти монашества, потом и схимонашества образ и в добре исповедании почи, и мнози образом добродътелнаго жития блаженнаго наверхъ добродетелей достигше.
И воистинну бо мужъ бе вёчныя памяти достойный, смирение его бъ паче человека, воздержание толико — от самыхъ бо пеленъ пиянственнаго пития не вкушаше и пищи причащашеся в меру, якобы от видящихъ постный свой уставъ утаити. Молитва бъ непрестанна, выну бо ходя, и съдя, и встая, и легая Иисусово имя призываше, и Давидовы псалмы и каноны поя, бъ ихже от юности45 пети из устъ многия извыклъ бяше. Одежди его толико многошвенны46, якобы аще и на распутие поврещи, никтоже бы в земляй обрелся, телчу бо милоть в зиме и лътъ ношаше и присно на земли пришелца събъ вменяше, чесому во образъ имяше: от коръ древесныхъ плетены вретище, и в немъ мало паксимидъ, и плесницы коряны бяху вложены, и бъ прицепленъ единаго стропа во образ, аки бы в далекъ путь готовящегося. В наказа-
44 В ркп. слово написано другими чернилами над зачеркнутым словом сроднюсь. 45 Испр. в ркп. из ю другими чернилами. 46 В слове слог го дописан над строкой.
260
нии же погрешившей47 братии толико беседуя, бяше умиленъ и слезоточенъ, яко и зрящым, и слышащим умилятися, многащи и свое житие исправляти в лучшая. Суесловие и срамословие никогдаже из устъ его изыиде. Аще же благопоспъшно что добродътелным его трудолюбиемъ устрояше Богъ, никогдаже приписоваше своему снисканию, но выну глаголати обыклъ сице, яко «пресвятый Богъ се молитву преподобнаго Антониа милосердова, и благословение святаго моего старца благопоспешествова», и глаголющым ему, яко «твоим, честный отче, трудолюбием обитель разпространися», отвещаваше: «Азъ ничтоже есмь, ниже единаго достоин паксипемада, и несмь монахъ, но видехъ монахи». И пререкающим ему неправедны в чесом, умилно отвещавати обыклъ бъ: «Чада, мы таковаго обычаи не имамы». И исхождаше в келлию свою тихо, о нейже воспомянути небезместно, бяше бо о едином оконце мрачна и зело прашна. Еда же приключашеся зажещи дрова в тоя пещи, никомуже даяше, но самъ воскладаше и зажизаше. И егда воставаше в день на молитву и помяновенное затворяше оконце, да безмолвно и тихо сотворит молитву, присно же оконцем темъ взирая, умъ ко гробу преподобнаго Антониа возвождаше, со слезами Божия угодника въ помощь призывая, всего себе на его возлагая заступление.
И тое его усердие и от сердца воздыхание чудесне Богъ угоднику своему преподобному Антонию приятно быти извъствова. Единою бо во время есеннее в полунощи возревъ блаженный и видевъ в церкви свет сияющъ, нощной тмъ зело належащей, и возпроси церковнаго стража, аще лампада у гроба чудотворцова возжена или свеща забвена, и то вопроси и кадило вжигателя, и обои известно сказующе, яко лампада и свъщи суть сокрощены. Тогда блаженный с поспешениемъ тече в церковъ и виде лампаду при гробе святаго Антониа горящу и огня являющу блистание необычно. Сие видевъ блаженный, со слезами припад, Богу и его угоднику благодарение воздаваше, ко утрени клепати. И прочая его богоугодныя подвиги кто исповестъ, но от многихъ малая воспомянухом, да временем толикие блаженнаго добродетели в забвение не приидутъ и слышащий и подражати хотящий многия лишатся ползы.
И тако блаженный по возвращении ис Кожеезерские пустыни на игуменстве пребывъ 24 лета и осми месяцъ, исполнь днии бывъ, достиже старости маститы, и начат изнемогати, и причастився пречистыхъ и страшныхъ Христовыхъ таинъ, и братию и работниковъ призвавъ, благослови, и прощение даровавъ имъ, молитвы и прощения у всех прошаше, и еще молитве суще во устьх его и благодарно пение пояше. И тако свитающи субботе, а числу настоящу октовриа 29-му, предаде святую свою душу в руце Господа своего, егоже возлюби и зжеле вослед шествовати усердно. Поживе въ монашестве лет 58, всех 75, и погребенъ бысть со псалмы и песньми близ гроба преподобнаго
47 В слове и дописано над строкой.
261
Антониа. Къ его же погребению стекошася не точию сущий в монастырь и внъ, но и издалеча снидошася, никимже званнии (о семь бо блаженный бъ заповъдалъ, дабы его погребли тихо), но игумения Ьмецкого Покровского Девича монастыря со всъми сестрами прииде, и прочии мнози снидошася от весей различныхъ, и тако братия проводивше, со многими слезами просяще, да заступлением своимъ не оставляет. И тако возвратишася в келлии своя, славяще Отца и Сына и Святаго Духа нынъ и присно и во вьки въков. Аминь.
Но и о семь воспомянути небезмъстно. Прешедшим убо по преставлении блаженнаго ... летом, недостойному ми во обители архимандритии достоинство правящу въ лъто мироздания ..., а от рожества по плоти Бога Слова ..., приспе память помяновеннаго нами блаженнаго отца Феодосиа в навечерии октовриа 29 числу. Времени настоящу ессению, и лду на езерахъ не весма дебелу сущу. Изходящим братиям на рыбную ловитву. И егда тое ловитвы дълателей назирая брат прииде ко мнъ благословитися по обычаю, вопросих, колико крат в день протязати мрежи обычай имут. И той повода, яко по три краты, и заповъдах ему, да егда обычный урокъ совершат, дабы единощи ради памяти настоящей блаженнаго Феодосиа мрежу протягнути (зъло бо скудно есени тоя бяше ловитва). И егда обычный урокъ ловитвы бысть совершенъ, надзирали всем просителне мое воспомяну повеление, еже бы еще памяти ради блаженнаго мрежу провлещи единою, и о сем мнози того ради вознегодоваша, обаче старейшеми бывше принуждаеми, делу яшася с негодованиемъ. И егда по обычаю начаша влещи, ощутиша во мрежи тяготу необычну и мнъвше, яко бысть от прицепления кладъ во глубине сущихъ езера, и того ради вящий воздвигоша ропот. И егда близ брега начашъ привлачити, узръша внезапу во мрежи рыбу в первых сетех, тогда возблагодушьствоваша и опасно влещи начаша, и едва извлекоша полну рыбъ единаго рода, именуемых лещи, числом великих до осми соть, малыхъ же без числа, и исполниша пять возовъ, и с радостию достигоша обители, хваляше Бога и его угодниковъ — преподобнаго Антониа и Феодосиа, такова ловитва во езерь томъ (еже именуемо Лопское) никогдаже бысть. И сие написахъ, да не будетъ потом иным родомъ в забвении толикое ходатайством угодниковъ Божиихъ бываемое от Бога благодъяния.
Тропарь, глас 8. Подвигомъ добрым подвизався, от юности твоея, преподобне Феодосие, мирскую суету отверглъ еси, девство же и цъломудрие возлюбилъ еси, царствия ради небеснаго. Вина и упояющаго пития до кончины не вкусивый, единаго Бога взыскуя, пустыню пречуднаго отца Антониа достиглъ еси, и в ней во смиренномудрии и слезахъ все житие препроводилъ еси, онаго житию подобяся, и во всемъ бывъ образ добродетелей твоимъ ученикомъ. И ныне въ горния обители преселився, святей
262
Троице предстоиши, поминай нас, чадъ твоих, пресвятей Троице моляся от всякихъ бедъ и скорбей избавити и спасти душы нашя.
Кондакъ, глас 8. Подобен. Взбранной. От юности твоея, преподобие, Господеви возложивъ, вся плотская мудрования воздержаниемъ увядил еси, в постъхъ, молитвахъ образ бывъ твоим ученикомъ. Добродътели богомудраго Антониа наследовавъ, и того обители измлада достиглъ еси, и в ней трудолюбнъ твою жизнь препроводилъ еси въ терпении мнозе. И нынъ со всъми святыми Святъй Троице предстоиши, поминай насъ, чтущихъ всечестную память твою, да вси велегласно воплемъ ти: «Радуйся, досточудне Феодосие, наставниче духовный!».
ИСТОРИЯ О ПРЕПОДОБНЕМ ИГУМЕНЕ ФЕОДОСИИ
Сей родися во граде Холмогорахъ отца именемъ Игнатия сроброковача и матере Феодосии, во святомъ крещении наречен бысть Феодоръ. И во 18 лъто возраста своего прииде во обитель Живоначалныя Троицы в лъто 7140 [1632] августа во 2 день. Приять пострижен и в послушание вданъ бысть монаху Давиду игуменомъ Ионою 7140-го [1632] августа в ... день. Таже во 1743-е [1635] лъто во иеродиаконство посвященъ. Посемъ и на игуменство рукоположен, Авфониемъ митрополитомъ новгороцкимъ во 152-е [1644] лъто генваря въ 12 день.
Посих во 160-е [1652] лъто по неправедному оклеветанию Никономъ митрополитомъ новогороцкимъ посланъ в подначалство в Кожеезерской монастырь и тамо от негоже и на игуменство благословен бысть. И пребыл тамо в подначалствъ и игуменомъ 5 лътъ и 6 месяцъ и во 166-мъ [1658] году, егда Сийской монастырь погоръл, тогда блаженный на объщание возвращен бысть. Таже и на игуменство благословен Питиримомъ митрополитомъ сарскимъ и подонским во 171-е [1663] лето марта во 2 день. И прочее жизнь свою богоугоднъ препроводив и исполнь дней бывъ всего жития своего 75 лътъ и 6 месяцъ. И телесною болезнию объять бывъ, причастися пречистыхъ Христовыхъ тайн, и всю братию, и служебниковъ, и работниковъ благословивъ тогда идущим к объду, наутрие свитающи субботъ почи о Господь с миромъ в лъто 7196-го [1687] месяца октоврия въ 29 день. И погребенъ бысть во усопохранителниць близ гроба преподобнаго отца нашего Антониа Чудотворца. А егда во мирскомъ житие бъ, тезоименитство свое праздновал на память великомученика Феодора Тирона. Во диакона рукоположен Авфониемъ митрополитомъ в лето 7143-го [1635] иуниа въ ... день и былъ во диаконствъ 8 лет и 7 месяцъ.
Посемъ рукоположенъ во игумена тъмъже митрополитомъ 7152-го [1644] лъта генваря въ 12 день и был во игуменствь 13 лътъ и 3 месяцы. От игуменства отставленъ 7160-го [1652] апреля въ ... день и былъ между игуменствомъ 10 лътъ и 11 месяцъ. И паки на игуменство благословенъ 7171-го [1663] года марта въ ... день. И был второе на игуменствъ 24 лъта и 8 месяцъ. И преставися 7196-го [1687] октовриа къ 29-му числу. Всего
263
пребысть на игуменстве 37 лет и 11 месяцов. Во изгнании 5 лет и 11 месяцов. Во диаконстве 8 лет и 7 месяц. Всего пребысть во священстве 52 года и 5 месяц.
Лета 7203-го [1694] году декабря против 17-го числа волею Божиею преставися раб Божий дому святейшаго Андриана патриарха казначей монах Паисий Сийской. Над телом его надгробное пение сам святейший совершал со архиереи в Богоявленском монастыре и по его святейшаго патриарха указу привезен погребсти на обещание в Сийской монастырь генваря в 6-е число. И того же месяца в 14 день преосвященный Афанасий архиепископ холмогорский и важеский над телом вышепомянутым отпев панихиду, погрею в усыпалне, в ней же прощение творят братия ко гробу чюдотворца Антония. Пострижен во 172-м [1664] году, в послушании был у игумена Феодосия, в дому святейшаго казначеем 19 лет, рождение свое праздновал на память великомученика Прокопия.
(БАМ, Архангел. Д. 408)
264 |
