ПСРЛ
(Полное собрание русских летописей)
т. 34

Пискаревский летописец

Оп.: Полное собрание русских летописей, т. 34, М., 1978, стр. 31 - 220.

Номер страницы предшествует тексту на этой странице

Начало - Окончание, после 1404 г., с. 153.

По убиени же отца своего |л. 236| сня с себя ризы чернеческия и на третьее лето обещася богу прияти ризу свою, а устава мнишескаво не остася. И совокупи около себе вой многи и отца своего приятели, и помолився богу, иде на поганую Литву и победи ю, и стоя на земли их все лето, и плени всю землю их. По християнской же земле тогда веселие бысть.

В лето 6774 умре царь татарский Берка, и бысть ослаба християном от насилия бесермян.

О князе Доманъте. Того же лета некий князь литовский именем Домант имея первое служе­ние по отчю преданию и оставив отечество свое, землю Литовскую, и пришед во Псков со всем родом своим. И вдохну всего благодати святаго духа и помысля з дружиною своею, и крестися во имя отца и сына и святаго духа въ церкви святыя Троицы |л. 236 об.| во граде Пскове, и нареченно бысть имя ему Тимофей. И бысть радость велия во Пскове, и посадиша его пъсковичи на княжение себе. По сем же восхоте итти воевати землю Литовскую и собра с собою пскович лутших людей и своей дружины, тридевеноста всех. И поспешением святыя троица поплени землю Литовскую и отечество повоева, и возвратися ко Пскову с великим полоном. Князю же Герденю со всеми князи не бывшу дома, приехав в ^т) дом свой, а земля его пленена. И ополчися князь Герден ^т) и Гогорт, и Люмбей, и Люгайло, и прочий литовския в семисот, погнашя вослед князя Доманта, хотяшя его руками яти. Князю же Доманту пребродиша Двину реку и ста на брезе. И пригнаша стражие, поведаше князю велику силу литовскую. Князь же Домант речи псковичем: “Слышял есми ваше му|л. 237|жество во всех странах, потягнем, братие, за святую троицу”. И поеха на литву въстречю и силою божиею победи супротивных 7 сот. Тогда убиен князь Гогорт ^у) литовский, и инех князей избиша и литвы много побиша, а инии въ Двине истопоша, а инии вниз по реце уплышя. А князь Герден убеже в мале дружине. Тогда же убили единаго псковитина, а прочий все сохранени бышя милостию божиею и возвратишася во Псков с великою радостию.

Того же лета князь великий Дмитрей Александрович со всеми князи рускими и князь Домант со псковичи идошя на немцы и бишася с ними в земли Немецкой. И поможе бог великому князю февраля 18, и гониша их до го[ро]да Роковора на 3 пути, а на 7 верстах били немец, яко и коневи не мочи трупием скочити. И возвратистеся с ^ф) победою ^ф) |л. 237 об.| великою. Много и наших избиено бысть. А князь Домант поиде в землю непроходимую, иде на вируяны и плени землю их до моря, и Поморие воева, возвратися с победою великою.

В лето 6777 Митрофан, епископ Сарайский, остави епископию свою, и вь его место постави митрополит епископом Феогнаста Рускому Переславлю и Сараю.

В лето 6778 убиен бысть князь Роман Олгович рязанский от паганых татар, заткошя уста его убросом и резаше его по составом и меташе, а главу его на копие взоткошя. Сей бысть новый мученик за Христа, убиен бысть июля въ 19.

В лето 6779 приидоша немцы, воеваша около Пскова. Князь же Домант еха на них въ 5 насадех съ 60-ю муж и победи их 8 сот на реце на Миропивне апреля 23. |л. 238|

Toe же зимы преставися князь великий Ярослав Ярославич тверской, внук Всеволож, идя ис татар, держав великое княжёнье по брате своем Александре 7 лет. И положиша его во Твери въ церкви Козьмы и Дамьяна. По преставлении же его родися сын его князь Михаил.

Сказание о Отроче монастыре, еже есть во Твери. При великом князе Михаиле тверском некий боярин у него именем Феодор, а у него сын млад, а взяша его въ Дмитров отроком, обра­зом красен и смыслен. И любяше его князь великий и вси людие. И хотяше его князь велики оженити от своего царьскаго племяни. И не хотяше отроку оженитися. И не в кое время поеха отрок на ловы звериные для потехи, и прииде дождь, и заеха не в кую в весь. И по суду божию полюбися ему у гостинника дочь, зело красна и смысленна. И приходяше |л. 238 об.| ко отцу и к матери мно­гажды унылым лицем и хотяше поведати, и стыдяся отча лица. И узнашя отец и мать, и начат его вопрошати многижды, и не могошя поведати срама ради. И не в кое время сказаша о сем отцу и матери. И запретиша ему отец и мать пояти ея, как тако ю от простых людей понять вельможину сыну. И отрок неуклонно со злезами глагола отцу и матери, и всему роду, и отцу духовному. И многа о сем стонаше отец и мать: как так сотворити. И се судьбами божиими послаше по нее отец и мать на смотрение ея, и привезоша ю, и дивишася красоте ее и разуму, и даша на его волю. И известиша о сем великому князю. И едва князь сотвориша волю их, и как прииде время браку,

_________

^т-т) В рукописи строка отмечена на левом поле знаком +.

^у) В рукописи Игогорть.

^ф-ф) Написано дважды, во втором случае зачеркнуто киноварью.

-99-

в той час приеха внезапу князь великий и поя себе ю въ жены, а царицу Марфу |л. 239| постриже въ Mapфине монастыре для бездетства. И отрок от того часа пострижеся въ монастыре, и потому прозвася Отроч монастырь; а где постриже великую кнеиню Марфу, и тот монастырь прозвася Марфин. И как преставися князь Михаил тверский, и после его прислал ординской царь по кнеиню его, хотя взять за ся для красоты ея. И она не хотяшя и дая послом многи дары. И Удамал един посол, чем избыти и глагола: “Не разъяри царя, поди, а сотвори тако: измыйся в мыльне в пару си­нею репою и после того не умывайся. Не полюбит тя царь”. И поеха великая княгиня со злезами къ царю, и сотвори поведенное послом. И видя ее царь и не полюби, и почти вельми, и отпусти во Тверь. И она многи дары даша послу.

В лето 6780 седе в Володимере на столе князь Василей Ярославич костромский, князь вели­кий володимерский и новгородцкий. |л. 239 об.| Того же лета иде местер со всеми немцы ко Пскову. Князь Домант срете их и победи июня въ 8, и шед плени землю их.

В лето 6781 прииде князь Дмитрей Александрович и седе в Новегороде на столе. А князь Василей Ярославич костромской ходи к Торьжку и пожже посад, и посади своего намесника в городе, и поиде назад. А князь Святослав Ярославич начя воевати волость Новгороцкую, Волок, Бежичи, Вологду и много повоева.

Явление о Шилове монастыре, еже в Великом Новеграде. Некий гость богат зело именем Тчил имея у себя жену и дети и приде ко владыке ^х) благословитися соградити церковь божию каменну и монастырь. И благослови его владыка, и сотворив, прииде звать его на свещенье. И рече владыка: “Прости мя, чядо, не вопросих тя от коего стяжания соградил сию |л. 240| благодать?” И рече ему гость: “Отче честный, давах стежание свое убогим и взимах по единой деньге от рубля, и на то возградих сей монастырь”. И рече ему владыка: “Аз, чадо, сему греху вины не вопроси, а ныне недостойно есть се резоиманное богатство, греховное собрание”. И заповеда ему совершяти. Он же поведенное сотвори. И рече ему владыка: “Изготовь гроб и ризы погребальныя и во всем том лязи во гроб”. И сотвори Чил тако. И приде владыка въ церковь и сотвори над ним погребение, все по уставу, и бысть гром велик, и поиде гроб в землю. И бысть видение страшно на всех предстоя­щих ту; жена и дети горько рыдаху. И повеле владыка пети 40-цу и милостину даяти год. И приде година, и гроб подняся мало верху, а на другой год боле, а на третей весь подняся и ста на своем месте по обычаю и до сего дне. И церковь освяти ^ц) |л. 240 об.| владыко и монастырь той, и до сего дне стояше благодатию божиею.

В лето 6784 преставися князь Василей Ярославичь, жив от рожения своего 40 лет, а княженье великое держа 5 лет. Положено тело его на Костроме в церкве святаго Феодора.

Княжение ^ч) великаго ^ш) князя ^щ) Димитрея Александровича в Володимери. В лето 6785 приде князь великий Дмитрей переславский в Новгород на стол и седе на столе в неделю всех святых, а князи поидошя во Орду - князь Борис ростовской и брат его Глеб ростовской и белозерской ^ъ) с сыном Михаилом, и князь Феодор Ростиславичь ярославской, внук Мстислава Давидовича смоленсково, князь Андрей Александровичь и инии князи. Тогда Борис Василко|л. 241|вичь преставися во Орде сентября 16. Княгини же его Мария с сыном Дмитреем взем тело его и несоша в Ростов, и положеша в соборной церкве на левой стране. И княжи в Ростове и на Белеозере Глеб, брат его, до своего живота. Князи же вси с царем Менгу-Темерем поидоша в войну на ясы. И приступишя рустии князи к ясскому х славному Дедякову и взяша его февраля 8; и многи корысть взяша, и полон, и избиша много, град же их пожгоша. Царь же добре почти князи русския, и похвали их вельми и одарив, отпусти их кождо в свою отчину.

В лето 6786 князь Глеб Василковичь ростовский и белозерский жени сына своего Михаила Феодоровною Ростиславича, князя ярославскаго. Того же лета князь Глеб посла сына своего Михаила во Орду на войну с сватом своим Феодором Ростиславичем. |л. 241 об.| Toe же зимы ф Филипово заговейна преставися князь Глеб Василковичь ростовский и белоозерский, и положиша его в Ро­стове в соборной церкве. И по нем начат княжити в Ростове князь Дмитрей Борисовичь, а на Белеозере сын его князь Михайло Глебовичь. Toe же зимы мнози человецы умираху различными недуги.

В лето 6788 преставися князь Давид Констянтиновичь галический и дмитровский апреля в понедельник 2 по пасце. Того же лета епископ Игнатей покры церковь ростовскую свинцом

_________

^х) В рукописи владыце.

^ц) В рукописи освятися.

^{ч) - щ)} Написано вязью.

^ш) каго написано дважды.

^ъ) В рукописи берозерской.

-100-

и дно ея помости мрамором красным. Того же лета князь Феодор Ростиславичь Чорной седе на княженье в Смоленске в своей отчине. Того же лета митрополит Кирил приде ис Киева в Суздаль­скую землю и слышя Игнатия, епископа ростовского, непрово творяще, осудил бе князя своего Глеба по 9 неделях преставления его, |л. 242| изринув его из церкви в полунощи и повеле погрести у Спаса в Княгинине монастыре; и отлучи за то епископа от службы, донеле же князь Дмитрей Борисовичь добил челом за него митрополиту. Митрополит же его простив и рече: “Брате и сыне, кайся о том и плачися до смерти. Осудил бо еси мертвеца преж суда божия, а жива стыдяся его и емля дары от него, дабы ти бог сие отдал”. Toe же зимы преставися в Переславле митрополит Кирил киевский всеа Русии декабря 7. И везоша его на Киев.

В лето 6789 князь Андрей Александровичь испроси себе в Орде княжение под братом ста­рейшим князем Дмитреем и приведе с собою рать татарскую Кавгадыя и Алчедая, и приде с ними к Мурому и с ним боярин его Семен Тонглиевич и иныя крамольники. И послашя по князя Ми­хаила Ивановича, внука |л. 242 об.| Всеволожя, и по Констянтина Борисовича и по иных князи и поиде с ними ратью на Переславль. А татаровя разсыпашеся по всей земле, Муром пуст сотвориша, около Володимеря, Суздаля, Юрьева, Переславля все пусто сотвориша и пограбиша, полон поведоша мужи и жены и дети. А князь великий побежа ис Переславля в мале дружине. А татарове пустошиша грады и волости, и села, и погосты, и монастыри, и церкве пограбиша, книги, иконы, и кресты, и всякое узорочье пограбиша, тако же и около Ростова, и Торжку, и Твери пусто со­твориша. Все же то зло сотвори князь Андрей, добивался великаго княженья, а не по старей­шинству. Татарове же многа зла сотворивше, отъидошя.

В лето 6790 князь Андрей Александровичь приведе другую рать татарскую |л. 243| на брата своего великаго князя Дмитрея, Турай-Темира и Алына ^ы), а с ними воевода Семен Тонглиевич. И пришед, много зла сотвориша в Суздальстей земле, яко же и прежде.

В лето 6791 поставлен бысть на Русь митрополит греченин Максим. Того же лета пришед из Орды князь Дмитрей Александровичь от царя Нагая и смирися с братом Андреем. Того же году сотвориша зло во княжении Курския ^ь) облости. Бяше некто бесерменин, хитр и зол велми, имя ему Ахмат. Той дерьжа баскачювство Курсъкаго ^э) княжения, откупаша бо у татар дани ^э-1) всякия и тем велику досаду творяше князем и всем людем. Еще же к тому наряди две свободы во отчине князя рылского и ворголского ^ю). И умножишася людей во свободах тех, со всех стран сшедшеся, насилие творя християном Курския ^ь) облости, |л. 243 об.| около Воргола ^я), и все пусто сотво­риша. Князь же Олег иде в Орду з жалобою к царю Тельбузе по думе и по слову [со] Святосла­вом, князем липечским ^а). Царь же Телябуга ^б) дав Олегу приставы, рек: “Что будет ваших людей в свободах, те выведите вон, а свободы разгоните”. И пришед князь Олег и Святослав с татары и повеле людем своим грабити свободы те обе и поковати люди их, а свои уведоша в свою отчину. А Охмат бе в то время в Орде у Ногая ^в) царя и слышав то, и здума клевету на Ольга к царю, и глаголя: “Олег и Святослав не князи, но разбойницы, и тебе, царю, ратни; аще хощеши испытати, пошли сокольники своя, есть во княженьи их ловы лебедины”. Бысть же промеж Олегом и Свя­тославом пря. А сокольницы царевы пришед, ловиша лебеди и поидошя прочь, и сказашя царю: “Прямо Ахмат мо|л. 244|лвит, Олег разбойник есть, а к тебе ратен, того для и не идет”. Царь же разгневався, посла рать на Олега и повеле его изымати, а княженье взяти. Татарове же приидошя ратью к городу Ворголу ^г), а князь Олег бежа к своему царю ^д) Тулебузе ^е), а князь Святослав в лесы воронежския. Половина рати погнася за князьми, а другая ^ё) половина заяша все пути и поимаше все княжение Ольгово и Святославле, и бояр старейших взяша 131 ^ж), воююше по всему княже­нию 20 ден, а свободы те наполниша всяково добра и людей, и скота. Гонявше татарове по князех и не обретше их. И пришед, выдашя Ахмату бояр и прочих людей, ркуще: “Ково убьеши, кому живот даси”. И побита ту бояр. Бе же ту переходцы, иже ходят милостыни просят, и тех того дл[я] отпустиша. А подова им порты избитых бояр и рекоша им: “Ходите по землям, глаголите тако: хто имеет спор ^з) держати ^з) |л. 244 об.| с своим баскаком, сице же ему будет”. А что поимашя тии окояннии людей, тех всех в полон поведоша. Трупия же избиянных бояр по деревью вешаще,

_________

^ы) В рукописи Лына.

^ь) В рукописи Кирския.

^{э) - э-1)} В рукописи Кирсъкаго, строка отмечена на правом поле знаком +.

^ю) В рукописи волгорского.

^я) В рукописи Ворлога.

^а) В рукописи повичским.

^б) Написано над строкой.

^в) В рукописи Ногава.

^г) В рукописи Ворлогу.

^д) В рукописи граду.

^е) Так в рукописи.

^ё) В рукописи драгуя.

^ж) Так в рукописи; в Воскресенской летописи 13 (ПСРЛ, т. VII, с. 177).

^з) Написано дважды.

-101-

отсекающе у них главы и правою руку у всяково. Сотворивше же сие зло в Курстей ^и) земле, поидошя прочь. Ахмат остави ту 2 брата своя бесерменина крепити свободы. Сам же не смея тут жити князем, иде в Орду, держася рати татарской. Идучи же к Орде, на всяком стану потинаху человека. Бе же видети стыдко, и страшно ругание от акаянных православному християнъству.

В лето 6792 два оны бесерменина Ахмотовы идоста из свободы в свободу в неделю Фомину, а руси с ними 30 человек. Слышав се то липовецкий князь Святослав, и приде на них разбоем, и уби ту руси 25 человек да 2 бесер|л. 245|менина, а Охматова два брата утекоша к Курску ^й). На утрее же разбегостася обе свободы бесерменския. Се же сотворив Святослав, а Ольгу тово не ведущу. Свя­тослав же се творяше, чая ^к), то добро сотворив, а ново злее бысть зло Ольгу и самому ему. Помале же приде Олег из Орды и сотвори память побитым бояром своим. Потом же слышяв се, послал к ^л) Святославу, глаголя: “Чему еси затерял правду, возложил еси ^л) имя разбойниче на себя и на меня?” Святослав же отвеща ему: “Аз сам ведаю по своем деле”. Иде же Олег во Орду и пришед из Орды с татары уби князя Святослава по цареву слову. Потом же брат Святославль, князь Александр, уби Олега и 2 сына его на едином месте. И бысть радость дияволу и угоднику его Ахмату. |л. 245 об.|

Того же лета преставися князь Роман Володимерович углецкий, а князь Андрей Александровичь приведе царевича из Орды и многа зла сотвори християном. Брат же его князь великий Дмитрей, собрався с братьею, царевича прогна, а бояр князь Андреевых изнимаша.

Того же лета князь Михайло Ярославичь заложи во Твери церковь ^м) Спаса на месте, иде же преже была церковь Козьмы [и] Дамьяна при епископе Симеоне.

Того же лета воеваша литва Олешну и прочий волости владыки тверскаго. И совокупишася на них тверичи, москвичи, волочане, новоторжцы, дмитровцы, зубчане, ржевичы, и гониша их в лесе, и биша. А князя Доманта яша, и литву многу избиша, а ини убежавше, и полон отьяша, возврати|л. 246|шася восвояся.

В лето 6794 году князь Дмитрей и князь Констянтин Борисовичи разделиста отчину свою, и седе князь Дмитрей на Углече, а Костянтин в Ростове.

Того же лета родися князю Дмитрею сын Александр, а Костянтину родися сын Михаил.

В лето 6796 поставлен бысть Ияков епископом Володимерю и Суздалю. Того же лета пре­ставися Игнатей, епископ ростовский, и поставшпа того лета епископа Ростову Тарасия.

В лето 6797 преставися Симеон, епископ тверский первый. Князь же Михаил Ярославичь посла на Киев игумена Андрея изо общаго монастыря на епископию к митрополиту Максиму, и постави его. Игумен же бе родом литвин. Того же лета князь Дмитрей Борисовичь седе в Ро­стове. И умножишася татар в Ростове, и гражане сотвориша вече, и из|л. 246 об.|гнаше их, а именье их разграбиша. Того же лета свершенна и свещенна ^н) бысть церковь Спаса Преображения во Твери епископом Андреем тверским ноября 8, а на Устюзе свещена бысть церковь святыя Богородица епископом Тарасием.

В лето 6801 князь Андрей Александровичь иде в Орду со инеми князьми рускими и жаловося царю на брата своего на князя Дмитрея Александровича. Царь же отпусти брата своего Дедюню ^о) со множеством рати на великаго князя Дмитрея. Они же пришедше много пакости хри­стияном учиниша и градов поимаше много: Володимер, Суздаль, Муром, Юрьев, Переславль, Коломну, Москву, Можаеск, Волок, Дмитров, а всех градов взяшя 14, и всю землю пусту сотво­риша. А князь великий бежа во Псков. Татаро|л. 247|ве же поимавше грады и поидоша на Тверь, Бысть же печаль тверичем, не бе у них князя, тогда князь Михаил их в Орде бысть. Они же хотяше сидети в осаде и битися с татары. В то же время приде князь их из Орды, и сретоша его со кресты, и бысть им радость. Татарове же слышав се и не поидоша ко Твери, но шед Волок взя. А новгородцы приела дары к царевичю Дюденю. Дюдень же возвратися, много зла сотворя християном.

В лето 6802 преставися князь великий Дмитрей Александровичь на Волоце, пострихся в че[р]ньцы и в схиму, и везоша тело его в Переславль, и положиша в церкви у Спаса, княжив лет 18. И по нем седе брат его князь Андрей Александровичь на великом княжение. Того же лета преставися князь Дмитрей Борисовичь ростовской, а по нем |л. 247 об.| седе брат его князь Костянтин.

_________

^и) В рукописи Кирстей.

^й) В рукописи Кирску.

^к) Написано над строкой.

^л-л) В рукописи строка отмечена на правом поле знаком +.

^м) Далее киноварью зачеркнуто каменну.

^н) В рукописи свешенна.

^о) В рукописи Дядю.

-102-

А в Ярославле князь Федор Ростиславичь Черной, а князь Александр Костянтинович - на Углече поле.

В лето 6803 Тарасей владыка идет на Устюг, и по нем иде князь Костянтин Борисовичь и ят владыку, и людей около его пойма. Того же лета погоре город Тверь. Того же лета постав­лен бысть Симеон епископ в Володимере.

Княжение великаго князя Андрея Александровича. В лето 6804 князь Андрей Александровичь собра рати многи, восхоте итти на Переславль и к Москве, и ко Твери. Князь Данило москов­ский и брат его князь Михаил тверской собра противу рати многи, и шед ста против Юрьева на полчища, не дадуще итти князю Андрею к Переславлю. Князь бо Иван Дмитреевич иде в Оръду |л. 248| и приказа блюсти отчину свою Переславль князю Михаилу тверскому. И ту мало не бысть бой между ими, но смирившеся, разыдошася.

В лето 6805 женися князь Юрьи Даниловичь в Ростове.

Сказание о белом клобуке новгороцкого архиепископа. В лето 6843. По явлении святых апостол святейший папа Селивестр ^п) поучив царя Констянтина от божественных писаний и крести его во имя отца и сына и святого духа. Царь же, егда изыде от купели, и зря вси людие на неизречное чюдо: отпадоша бо в том часе от тела его вся струпы, яко чешюя, и весь здрав бысть, и радости многи |л. 248 об.| наполнився, велию славу воздаяхуся богу и блаженному папе, и не вменяще его человека суща, и неослабно зряше на лице его, и чтяше его, яко бога, и многа благая дарования возда ему на церковныя чины, и самому честнейшему папе на послужение, и от своих царьских величеств многия чины устрой, и венец царьский восхоте положити на главу его. Папа же сего не восхоте. Царь же Констянтин, радостию и любовию побежаем, вместо сего сотвори ему одеяние бело тричастно, еже есть клобук, и устрой его чюдно зело, |л. 249| и своима руками возложи на главу блаженному папе, и рече: “Тако ти достоит быти светлу, яко же солнцу посреди всея твари. О пресветый отче и учителю мой!” Селивестр ^п) же, мало отшед, со многим благоговеньством в клобуке оном поклонися царю, и потом став на месте своем, и снем со главы своея, и любезно цело­вав со всеми святители, и испросив у царя блюдо злато, и положи на нем, и постави в церкве святых Апостол на престоле. И как вхождаше в олтарь, хотя служити литоргею, и целоваше кло­бук и на господьския празники возлогаше его на главу честно. Тако же заповеда и по преставлении своем |л. 249 об.| творити.

По некоем времени воста некий царь Карул и папа Формос, и православную веру обесчестиша, и святую апостольскую церковь оскверниша своими нечистыми служении, и святый сей клобук без чести творяху и завистию зряще разпылахуся на нь, видяще его тако утворена и не­навидяще его. По прохождении иже многих лет воста ин папа нечистый, хотя сего святого кло­бука отослати во ину страну на поругание. Человеколюбец же бог храня святыню свою. Невкую нощь ангил господень приде к папе в полату, меч пламенный имея в руце своей, и речь: “О злый учитель, |л. 250| не довлели ти, яко осквернили есте святую православную веру, и многи душа погубили ^р) есте своими богомерскими учении, и ныне конечно хощеши творцу и богу досадити своим буйством, святый белы[й] клобук, иде же хощеши послати, ему же недостояше тамо быти. И ныне по[ш]ли его в Констянтин град к патриарху и сему повеле, но будет устроити яже о нем. Аще ли сего не сотвориша, то пожгу дом твой, и тебе безвременно предам вечной муце”. И сия глаголав, ангил невидим бысть. Папа же востав от сна, ужасеся и страх вели[й] нападе на него. И во утрей день прииде в церковь, и хотя взяти оно божественое |л. 250 об.| сокровище, и зрит ужасно видение: блюдо оно [с] клобуком, преж взяти, а само подняся со престола выше человека, и паки ста на престоле, и прииде с ^с) небесе ^т) глас: “С миром изыдем”. Папа же, слышав се больми ужасеся и не смея ослушатися повелени ангильскаго, паче ж Христова, клобук он святый и з блюдом вложи в со­суд некий честен, и, запечатав своими печатьми, и отпусти его в Констянтин град к патриарху, и написание посла о явлении ангельстем и о страшней его запрещении.

Тогда же бе в Констянтине граде святейши[й] патриарх Увенали[й] ^у), муж добродетелен. И сему в ви|л. 251|дени[и] явися юноша светел и рече: “О святителю святый, в Риме в древняя лета царь Констянтин папе Селивестру сотвори клобук бел носити на главе ради великия церкви благочинства. И латынский папа ныне сего клобука хоте истребити. Господь же, вседержитель, повеле сего

_________

^п) В рукописи Селиверст.

^р) В рукописи погубили ли.

^с)-т) Написано по другому слову.

^у) Так в рукописи; в “Памятниках старинной русской литературы”, вып. 1-2. СПб., I860, с. 294 Филофий.

-103-

послати к тебе. И егда принесут ти сего послани, ты жь приими честно и ^ф) посл[и] его на [Pyc]кую з[емлю] в Вели[кий] Новъ[город] ^ф), и да будет тамо на главе Василия, архиепископа новогородцкаго, [и] на прочих по нем архиепископех новогородцких. Тамо бо разпространися и утвердися вера Христова. В Риме же православие искоренися от обдержащих латынь и честь правосла­вия от Рима отнята есть и предана |л. 251 об.| Великому Новуграду”. Сия же глаголав ангил невидим бысть. Патриар[х] же от видения ужасеся и пребысть недомысляся. В трети[й] же день приидоша послани[и] от папы к патриарху, носяще с собою ковчежец честно утворен, печатен, и даша его пат­риарху, и грамоти посланныя от папы вдаша. Патриарх же прием с честию великою, и грамот прочет, и удивися преславному чюдеси, и ковчежец он распечатав, и святый он клобук целовав любезно, и положи паки в сосуде оном. И не по мнозех днех епископа своего именем Евмения посылает, дав ему ковчежец он с клобуком и со белым златым блюдом. |л. 252| И отпусти его на Рускую землю в Велики[й] Новград и своя написания со благословением запечатав, послав новгородц[к]ому архиепископу Василию.

Невкую жь нощь архиепископу Василию Великого Новаграда молящуся, и седе мало почити, и сон приде на нь, и виде в видении ангила господня, ставша пред ним, клобук бел на главе имея и перстом руки своя указуя на главу свою, и рече: “Василие! Клобук сей белы[й], еже видиши на главе моей, и от Рима есть. Его же содела царь Констянтин на почесть папе Селивестру и на похвалу апостольстей церкви. И ныне же скверный папа латынски[и] хоте сего ^х) поругати и истребити. Господь же, |л. 252 об.| вседержитель, повеле сему быти на твоей главе и на прочих по тебе епископех. Ты же противу сего изыде вне града своего со освещенными соборы на стретение посланых от патриарха: епископом носимый ковчежец. В нем же есть сей святый клобук на блюде злате. Приими сего с честию. Сий бо святый клобук сотвори царь Констянтин от вдохновения святого духа по чину святыя троица и по образу светлово Христова тридневнаго воскресения. И сего ради показа ти его преже, да верно ти будет”. И сия глаголав, ангил невидим бысть. Василий же архи­епископ воспрянув от сна, и страха и радости наполнився, и дивися чюдному |л. 253| видению. Во утрий же день от предстоящих ему на путь уведати сказаннаго. Посланни[и] жь отъидоша неда­лече от града, и узреша грядущаго ко граду епискупа, незнаема суща, и падше, поклонишася ему, и весть приимше возвратишася во град, и архиепискупу вся возвестиша. Василий же архиепискуп посла проповедники во весь град и повеле звонити в тяжкая, а сам облечеся во все свя­тительская одежда со всем собором, со иконы и со кресты, поиде во сретение. И недалече отшедшу ему от церкви святыя Софеи премудрости божи[и], и ту прииде прежреченный епископ, нося с со­бою ковчежец запечатан святительскою печатию. И пришед ко архи|л. 253 об.|епископу Василию, поклонися ему и благословение друг от друга вземше, и целование о Христе, и ковчежец он вда архи­епископу, тако же и написание со благословением от патриарха вдасть. Архиепископ же Василей ковчежец и грамоты взем честно, и поидоша оба в церковь святыя Софеи премудрости божий со священным собором и весь народ. И ковчежец он поставите честно посреди церкве, и написа­ние от патриарха прочет во услышание всем. Сущи же в церкви мужи и жены, и всяк возраст возрадовашася радостию великою зело. Потом же архиепископ Василей, разпечатав ковчежец он, и [о]ттуду взя прежреченны[й] он святый клобук белый, и виде |л. 254| его тацем же образом суще, яко же виде на главе святого ангила, и взем целова его любезно, и возложи на главу свою. И в том часе из церковныя главы от господня образа, иже бе написан под маковицею, изыде велий глас: “Святая святым!” И мало помолчав, вторицею глас прииде: “Испола ити деспота!” Яко же услыша архиепископ Василей и вси сущи во церкви гласы сия, страха и радости наполнишася, и рекоша вси: “Господи, помилуй!” И тако устройся белы[й] клобук на главах святых архиепископех Вели­кого Новаграда. Блюдо же оно златое повеле архиепископ устроити на божественную службу во святей Софеи премудрости божи[и]. Разумейте же, братие и отцы, яко по божию изволению от Рима |л. 254 об.| отнята бысть честь и предана Великому Новуграду и православие искоренися в Риму и во всю ^ц) Рускую землю разпространися и утвердися православная Христова вера. Сей бо свя­тый белы[й] клобук сотвори царь Констянтин в Риме папе Селивестру от святого духа, тричастно, по чину святыя троица и по образу светлаго тридневнаго Христова воскресения и на похвалу апостольския церкви. Посланники же патриарховы архиепископ Василей вельми почтив честию,

_________

^ф-ф) Написано на правом поле со знаком вставки; при переплетении книги часть текста утрачена.

^х) Далее написано второе о.

^ц) В рукописи свою.

-104-

и дары многими одарив, и отпусти их с великою честию восвоя[си]. Мы же прославим в троицы единаго бога, давшаго нам познати и поклонятися его божеству ныне и в бесконечныя веки. Аминь. |л. 255|

В лето 6807 митрополит Максим ^ч), не терпя насилия татарского, оста[в]и митрополию, иже в Киеве, разбежався ^ш). А митрополит шед седе в Володимере и со всем клиросом своим, месяца апреля во 18 день; а Семиону, епископу володимерскому, дасть епископью ростовскую. Того же лета преставися князь Домант псковский майя 20, и положиша его у святей Троицы, иже за дом ея много тружася и за люди псковский. Того же лета преставися князь Федор Черный Ростиславичь смоленский и ярославский, внук Мстислава Давыдовичя, сентября 14, в чернцех и в схиме.

В лето 6809 князь Данило московский ходи на Рязань |л. 255 об.| ратью, и у города бися Переславля, и одоле князь Данило, и много татар изби, а князя Констянтина ^щ) рязанского изымав приведе к Москве.

В лето 6810 преставися князь Иван Дмитреевичь в Переславле майя 15, а Переславль дасть дяде своему князю Данилу московскому, бе бо чад не имея. Того же лета заложиша Великий Новгород камен.

В лето 6811 марта 4 преставися князь Данило Александрович московски[й] в чернцех и в схиме, а сын его Юрьи седе в Переславле. Toe же зимы князь Юрьи Даниловичь з братьею ходи и взя Можаеск, а князя Святослава |л. 256| изыма и приведе его на Москву.

В лето 6812 преставися князь великий Андрей Александровичь июля 27, в чернцех и в схиме, положиша его на Городце. И приидоста во Орду князь Юрьи Даниловичь и князь Ми­хаил Ярославичь тверски[й] о великом княжении, а тверичи изымаша брата Юрьева Бориса на Костроме и ведоша его на Тверь; а в Новгород наместников послаша. Того же лета преставися епископ Тарасей ростовский. Того же лета приходи Акинф со тверичи на князя Ивана Даниловичя к Переславлю, и бися с ними убиен бысть Акинф. А тверичи бежаша и дети Акинфовы Иван да Федор. |л. 256 об.|

В лето 6813 выиде изо Орды на великое княжение князь Михайло Ярославич тверский, и ходи к Москве на князя Юрья и на Ивана, и смирися с ними. Преставися Максим ^ъ) митропо­лит декабря 16 и положен бысть в Володимере в церкви святыя Богородица.

В лето 6814 бысть на Руси Таирова рать. Toe же зимы Юрьи Даниловичь повеле убити князя Констянтина рязанского, его же помал отец его на бою.

В лето 6815 преставися князь Констянтин Борисовичь ростовский в Орде.

В лето 6816 поставлен бысть Петр митрополит. |л. 257|

Княжение в Володимери великаго князя Михаила тверскаго. Того же лета князь великий Михайло Ярославичь ходи к Москве ратью, и бысть бой у Москвы на память святого апостола Тита, а града не взя, возвратися. А ходил князь великий Михайло тверский из Володимеря ратью на великого князя Юрья Даниловичя и на его братию.

В лето 6818 приеха Петр митрополит ис Киева в Суздальскую землю.

В лето 6819 Семион, епископ ростовский, остави епископью. И поставлен бысть епископом Ростову Прохор, архимарит спаский из Ярославля.

В лето 6820 Петр митрополит сня ^ы) сан со владыки сарьского ^ы) Измаила и поста|л. 257 об.|ви Варсунофия епископом Сараю.

В лето 6821 умре царь Тахта, а Аизбяк седе на царстве. И ходи к нему князь великий Ми­хайло и Петр митрополит.

В лето 6822 приидоша новгородцы Великаго Новаграда ратию ко граду Твери, не доехав Твери за 40 верст. А князь велики[й] Михайло Ярославичь в те поры в Орде был, а в те поры во Твери был сын его князь Дмитрей Михайловичь Грозные ^ь) очи. И поехал против их, и новгородцы услышяв ^ь) и побегоша, а князь Дмитрей за ними погна и не сустиже их.

В лето 6823 прииде из Орды князь велики[й] Михаил, веды с собою окояннаго Темиря и Махрожа, и Индыя, и много зла у|л. 258|чини Руси. И бысть им бой у Торжку со князем со Афонасием и с новогородцы и с новоторжцы. И множество их избия, Торжек взяша, а князя Афонасия поймав,

_________

^ч) В рукописи Маскин.

^ш) Так в рукописи.

^щ) Далее повторено на.

^ъ) В рукописи Маским.

^ы-ы) В рукописи сня со владыки сан сарьского.

^ь) Написано на нижнем поле в рамке со знаком вставки.

-105-

посла на Тверь, и с бояры с новогородскими. Андрей, епископ тверский, остави епископью, и по­ставлен Варсунофей. Поидоша новгородцы сами о себе в Орду, и перенемша их тверичи изымаша.

В лето 6824 прииде из Орды князь Василей Констянтиновичь ростовский, а с ним послы татарские Сабанчей [и] Казанчей, и много зла сотвориша Ростову.

В лето 6825 прииде из Орды князь Юрьи Даниловичь на |л. 258 об.| великое княжение и приведе с собою татар Кавгадыя и Астрабыла, поиде ко Твере. И бысть им бой со князем Михаилом за 40 верст за Тверью на Бортеневе, и одоле князь Михайло, и брата княже Юрьева Бориса и кнегиню Юрьеву Кончака ^э) руками яша. И ведоша их во Тверь, и тамо зельем уморена бысть вели­кая княгини ^ю) Юрьева Кончака, сестра царева, нареченна во святом крещени[и] Агафья. И везоша их со Твери ^я) в Ростов и положиша во церкви святыя Богородица в Ростове, а князь Юрьи ^а) бежа к Новуграду. И пришед из Новагорода и доконча со князем Михаилом, что им обема итти во Орду вместе. |л. 259| И поиде князь Юрьи наперед во Орду.

В лето 6826 прииде посол на Русь лют, именем Кочка, и уби у Костромы 120 человек, и оттоле шед пограби Ростов и церкви разграби, а люди поплени. Тогда же князь Юрья поиде во Орду.

Убиение князя Михаила Ярославича тверскаго в Орде от паганаго безбожнаго царя Азбека. По преставлении великого князя Андрея Александровича по старейшинству дошел бе степени кнежения сему князю Михаилу. И поиде во Орду к цареви, яко обычей есть взимати тамо вели­кое кнежение. Бывшу же ему в Володимере блаженный Максим митропалит со многою мольбою браняше ему итти во Орду и с материю княже Михаиловою со княгинею Аксиньею. |л. 259 об.| И не послушяше их князь Михаил, иде в Орду. И князь Юрьи Даниловичь иде же. Бывшем же им в Орде, и дасть царь великое княжение князю Михаилу. Пришедшу же в Русь посажен бысть на столе в Володимере митрополитом Максимом. И княжившу ему 8 лет, иседе в Орде ин царь, именем Азбяк, и воиде в срацынскую богомерскую веру, не пощадети християн. А тогда нача быти вражда во князех сих. И поидоша паки в Орду оба князи, и бывшу там пре меж ими. И остави царь у себя князь Юрья, а князь Михаила отпусти на Русь. И паки царь взем с князь Юрья мзду и отпусти его на княженье и с ним проклятово князя Кав[га]дыя. Пришед же на Русь и поиде ко Твери ратью, и много зла сотвори. Бывшим же им на Бортеневе, срете их князь Михаил с своими полки, |л. 260| и бысть сеча велика, и победи князь Михаил. А окоянново Ков[га]дыя не вели избити и татар многих. Князь Юрья ж отъеха в Торжек и оттоль в Новград. Се же бысть декабря 22.

В лето 6825 возврати же ся князь Михаил во град свой с великою победою, избави плена множество душ, бывших во скверных руках татарских, и возвратишася во свое отчество с вели­кою радостию. А окаяннаго Кавгадыя приведе князь Михаил во град свой и много чтив и дарив, отпусти его. А он с лестию ротяшеся не ^б) вадити ^б) на нь царю, воевали бо есмя, рече, власть твою без царева слова и повеления. Великий же князь Юрьи Даниловичь совокупив множество новогородцев ^в) |л. 260 об.| и пскович и поиде ко Твери, и срете его князь Михаил противу Синеевскаго, и ту мало не бысть другово кровопролития и умиришася и крест целоваша на том, яко итьти обема во Орду ко царю. Велики же князь Юрьи Даниловичь паки соимяся с Кавгадыем, и поидоша наперед во Орду, тогда же уже наставшу лету 826-му, пойма же с собою князь Юрьи все князи низовские во Орду и бояр з городов, и новогородцев по повелению Кавгадыеву. А князь Михаил послав своего сына во Орду Констянтина, а сам после его поиде во Орду, благословяся у епископа у Варсунофия и у отца своего духовнаго у игу|л. 261|мена Иванна. И последнее исповедание сотвори на реце на Нерли на мног час, очищая душу свою; до того бо места проводи его кнеини ^г) его Анна и сын его Василей, и возвратистася со многим рыданием. Он же поиде к Володимерю, а с ним сынове его князь Дмитрей и Александр. Бывшю же ему в Володемере, и се приде ту посол из Орды от царя, имянем Ахмыл, глаголя: “Зовет тя царь. Поиде вборзе, буди за месяц, аще ли не будеши, то воиименовал уже рать на тя и на твои городы, обадил бо тя есть ко царю Кавгадый, глаголя: не бывати ему в Орде”. Рент же ему бояря его: “Се сын твой в Орде, а еще другаго пошли”. То жь и сынове его глаголаста ему: |л. 261 об.| “Господине, драги[й] отче, не ходи сам во Орду, но котораго хощеши нас поели, занеже обажен еси ко царю, да минет гнев его”. Он же глаголаше им: “Видите ли,

_________

^э) В рукописи Кончаку.

^ю) Так в рукописи.

^я) Далее над строкой написано другими, более светлыми чер­нилами в Ро.

^а) Далее и.

^б) В рукописи ненавидети. Исправлено по Воскресенской летописи (ПСРЛ, т. VII, с. 191).

^в) ро вписано под строкой.

^г) Так в рукописи.

-106-

чада моя, яко не требует вас царь, ни иного бо кого, развее мене, моея бо главы хощет, аще аз, где ^д) уклонюся, то отчина моя вся в полон будет и множество християн избьени будут, а после того умрети же ми будет от него, то лутше ми есть ныне положити главу свою, да неповиннии не погибнут”. И много поучив сыны своя ко всякой добродетели и веляше им последовати благим своим нравом, не могуще намнозе разлучити слез их. И едва разыдошася, отпу|л. 262|сти бо их во свое отечество, дав им ряд, написав грамоту, раздели им отчину свою. Сам же доиде Орды месяца сентября в 6, на усть реки Дону, иде же течет в море Сурожское. И ту срете его сын его Констянтин, царь же дасть ему пристава, не дадущи никому же обидети ^е) его. Егда одари вси князи ординские и царицы, последи же самого царя, и бывшу ему во Орде полтора месяца, и потом рече царь князем своим: “Что ми есте молвили на князя Михаила сотворите има суд с великим кня­зем Юрьем Даниловичем московскым. Да котораго правду скажите ми, того хощу жаловати, а виноватаго казни |л. 262 об.| предати”. И во един убо от дней собрашася вси князи ординсти[и] во едину вежю за царев двор. И покладаху многи грамоты со многим замышлением ^ё) на князя Михаила, глаголюще: “Многи дани поймал еси на городех наших, царю не дал еси”. Михаил же правду глаголя истинну, обличаше лживаго свидетельства их. Окаянны[й] же Кавгадый нечестивы[й], сам бе судия и сутяжей ^ж), той же лживый послух бываше. И покрывати лжего ^з) истинная словеса князя Михаила ^з) [и] изрече многи замышления вины на него, а свою страну оправдал. И паки минувшей единой недели по суде том, в день же суботный, |л. 263| от нечестивых изыде повеление без­законно. Поставиша его на другом суде связана блаженнаго князя Михаила, износяще ему не­праведное осуждение: “Царевы дани не давал еси, противу посла ^и) бился еси, кнегиню великую князя Юрья уморил еси”. Михаил же со многим свидетельством глаголаше: “Колико с[о]кровичй своих издаял еси цареви и князем, все бо исписано имяше, и посла паки избавих на брани и со многою честью отпусти его”. А про княгиню бога послуха призываше, глаголя: “Яко ни на мысле ми того сотворити”. Они же, беззаконнии, ни слышати восхотеша словес преподобнаго и в на|л. 263 об.|стоящую убо нощь и приставиша к нему 7 стражей от седми князей, [и] иных не мало, и покладаху пред ним многи ужа железны, хотяще отяготети нозе его. И вземше порты его разделиша себе. В ту же нощь мало отпустиша ему [от уз] железных, но связан тако бысть всю нощь. И бояр его и слуг бьюще отгнаша от него и отца его духовнаго игумена Александра, и оста един в руку их и глаголаша себе: “Удалиша от мене дружину мою и знаемых моих [от ^к) страсти”. Н]а утре же [в] [не]делю [по]велени[е]м ^к) беззаконных возложиша кладу велику от древа тяжка на выю святого, прообразующе ему поносную муку, юже приим благодаряше господа бога с ра|л. 264|достию и со слезами, глаголя: “Слава тебе, владыко человеколюбче, яко сподобил мя еси начаток прияти мучения моего, сподоби ^л) мя еси и скончати подвиг сей”. И повелеша беззаконии повести святого, после царя, бяше бо на лов пошел. Благоверны же князь Михайло, яко же измлада имяше обычай, никако же изменяше правила своего, но пояша в нощи псалмы Давыдовы. А како поиде из Володимеря, то от недели до недели пощашеся и причащеся, и не дадяше сна очима своима, славя бога со слезами, глаголаше псалтыры и утешяше бояр и слуг своих: “Не скорбите, но по­мяните, как благая прияхом в житии сем, то сих ли не претерпим. Что бо ми есть мука сии ^м) |л. 264 об.| противу дел моих. Но больши достойно есть прияти”. Минувшим же днем 24-м святый же бе в не­изреченном томлении. Нечестивый же Кав[га]дый, досаждая, повеле Михаила в торг привести. И повеле перед собою поставити на колено, величашася и ругаяся ему ^н) много. В то же время съехалось множество от всех язык. Рече же един от предстоящих тут: “Господине княже, пойди в вежю свою, позорно ти есть”. Он же рече со слезами: “Яко позору быхом аггелом и человеком”. И востав иде к вежи. Бывшу же святому в неизреченном томлении и тяготе 26 дней за рекою Терком на реце на Севенце. Бысть же в день среду, повеле отпети заутреню и часы, сам же с плачем послушавше. И по сем повеле правило причащенью. И, взем книгу, |л. 265| нача сам псалмы молитвити тихо со умилением и глубоким воздыханием, точа слезы, яко реку, [и] изрече вся, яже к при­чащенью. И по сем [нача] каятися ко отцем своим духовным со многим смирением, очищая душу свою. Бяше же с ним игумен да два попа. По сем же присядящу у него сыну его Констянтину,

_________

^д) Далее у.

^е) В рукописи обители.

^ё) В рукописи было замымышлением, затем второе мы зачеркнуто киноварью.

^ж) В рукописи сутяжами.

^з-з) Строка отмечена на левом поле знаком +.

^и) Далее бился зачер­кнуто киноварью.

^й) Так в рукописи.

^к-к) Написано на левом поле со знаком вставки; при переплетении книги часть текста утрачена, восстановлено по Воскресенской летописи (ПСРЛ, т. VII, с. 193).

^л) В рукописи спо­добил.

^м) Так в рукописи.

^н) Далее зачеркнуто киноварью у над святым.

-107-

он же приказываше ко кнегине и сынома своима про отчину свою и про бояре и про тех, иже с ним были, и до менших, веля не презрети их. И по сем уже часу приближающимся. В той час окаянный Кав[га]дый исхождаше от царя с ответы на убиение блаженнаго. Михаил же чтяше псолом, и глагола: “Сердце мое смутися во мне, и страх смерти нападе на нь ^о)”. И попы ему глагола: “Возверзи на господа печаль твою, и той тя препитает”. |л. 265 об.| Скончав же святый псалтырь, согнув ю. И в той час един отрок вскочи унылым лицем, глаголя: “Княже, едут уже из Орды Кавгадый и князь Юрьи со множеством народа”. Он же вборзе встав и рече: “Се уже едут на убиение мое”. И вскоре отосла сына своего к царицы Костянтина. Кавгадый же и князь Юрьи сседоша ^п) с коней в торгу. Убийцы же окояннии к вежи князь Михайлове приеха разгнавше от блаженнаго всех людей. И взяша князя Михаила и удариша им сильно и повергошя на землю и бьяху нещадно. Един же от них, именем Романец, извлек нож, удари в ребра святаго, и отреза ему честное сердце его. И тако предасть святую и блаженную свою душу богу ноября в 22 день, в среду, в 7 час; причтен с лики святых и сродники своими з Борисом и Глебом и с князь Михаилом |л. 266| черниговским. А чесное тело его повержено, никем не брегомо. Кавгадый же и князь Юрьи приеха над тело его. Кавгадый же рече: “Князь Юрью, не брат ли ти старейший, как отец. Да чему так лежит?” Князь Юрьи же повеле своим прикрыти. И се един покры тело его котыгою, юже носяше. И положив его на досце и возложи на телегу. И привезоша за реку, рекомую Адже, еже зовется Горесть. Оттоле ^р) же повезоша его в Русь по градом руским. И довесьте Москвы, и положиша его в церкве у Спаса в монастыре. Княгини же и сыном его неведущим ничто же сотворынагося, и не бе кому вести принести.

В лето 6826 князь Юрьи Даниловичь приде в Русь на княженье, приведе с собою князя Констянтина Михайловича и бояр и слуг отца его. И, се уведав, княгини Михайлова Анна |л. 266 об.| и сынове его и епископ Ворсунофей послаша отведывати на Москву. И приехав посланнии поведаше, яко князь Михаил убиен бысть, и плакахуся много неутешно. Бывшу же князю Юрью в Володимере, и посла к нему князь Дмитрей Михайловичь брата своего князя Александра и бояр своих и едва умолиша его. Он же повеле отпустити тело блаженнаго. Они же послашя на Москву бояр со игумены и попы, и привезоша тело во Тверь с великою честию. И сретоша его княгиня и дети князь Дмитрей и Александр, и Василей по Волзе в насадех, а епископ со кресты, и множество народа сретошя на брегу. И плакахуся многи часы, и положиша его в.церкви у Спаса, юже сам создал, посторонь епископа Символа, сентебря в 6 день. И се чюдо сотвори бог: столь далече веземо тело на санех и в телезе и лежа на Москве лето, а обретеся цело все не истлевше. Тако бог удиви святыя своя угодники, страдавших за него. |л. 267|

В лето 6829 преставися князь Давыд ярославский.

В лето 6830 преставися князь Афонасей Даниловичь в Новегороде, в чернцех; и положиша его у святого Спаса в Нередицах. Того же лета ходив во Орду князь Дмитрей Михайловичь тверский, и подья великое княжение под великим князем Юрьем Даниловичем. Того же лета при­ходил посол силен изо Орды со князем Иваном Даниловичем, именем Ахмыл, и много пакости учини по Низовской земле, и Ярославль взя, и много християн изсече, и поиде во Орду. Того же лета князь великий Юрьи ходил к немецкому городу Выбору, и биша его шестью пороков, и не взяша, а не|л. 267 об.|мец много изби и поиде назад. И би его князь Александр Михайловичь со тверичи на Урдоме, и казну его взя, а князь великий Юрьи бежа во Псков.

В лето 6831 в Болгарех замучиша некоего христьянина, именем Феодора, за православную веру християнскую апреля 21 день.

В лето 6832 князь великий Юрьи Даниловичь иде с новогородцы, и взя Устюг град, и поидоша на Двину. И ту прислаша князи устюжские, и докончаша с ^р-1) ним ^р-1) мир по старине. И оттоле поиде князь Юрьи во Орду из Заволочья по Каме реке. Тогда же биша новгородцы литву на Луках.

В лето 6833 поиде во Орду |л. 268| князь Дмитрей Михайловичь, и шед тамо уби великаго князя Юрья Даниловича, без царева слова, на введениев день. И привезоша его на Москву, и поло­жиша его в церкви святого Архангела Михаила на десной стране в 1 суботу поста.

В лето 6834 родися великому князю Ивану Даниловичю сын Иван марта в 30, на память Иоанна Лествичтника. Того же лета в госпожино говейно, августа 4 заложена бысть церковь

_________

^о) Так в рукописи; в Воскресенской летописи мя (ПСРЛ, т. VII, с, 195).

^п) Далее зачеркнуто киноварью сседоша.

^р) В рукописи оттотоле.

^р-1-р-1) Исправлено из к ним.

-108-

святыя Богородица на Москве каменна митрополитом Петром. Toe же осени сентября 15 уби царь во Орде, про великаго князя Юрья Даниловича, князя ^с) Дмитрея Михайловича ^с) тверскаго на |л. 268 об.| реце на Кондракле; и другаго князя Александра новосильскаго ту же уби того же часа. Toe ж зимы преставися святы[й] митрополит Петр декабря 20, в нощи. Тогда же прощени от него три человеки болящи.

В лето 6835 июля в 4 родися великому князю Ивану Даниловичю сын Андрей. Того же лета священа бысть церковь Успение святыя богородица каменная на Москве епископом Прохором ростовским августа в 4 день.

Того же лета прииде изо Орды посол силен на Тверь, и начата насилие творити велико, а князя Александра Михайловича и его братью хотя|л. 269|ше побити, а сам сести хотяше в Твери на княжение, а иных князей ^т) своих хотяше посажати по иным градом руским, и хотяше привести християн в бесерменскую веру. Бывшю же ему во граде Твери на самый празник Успения бого­родица, собрался бо бяше ту весь град праздника ради пречистые, не улучи же окаянный мысли своея, помилова бо бог род християнский от сыроядец. Уведа ^у) бо мысль окаяннаго князь Александрь Михайловичь, созва к себе всех тверич, вооружився ^ф), поиде на Щолкана, рек: “Не аз почах избивати, но он; бог да будет отместник крови отца моего и ^х) брата моего ^х) Дмитрия, зане пролья кровь без правды, да егда |л. 269 об.| и мне се творит?” И поиде на них. Щолкан же слышав идуща на ся князя Александра ратию, изыде противу ему со множеством татар своих, и сступишася, восходящу солнцу, и бишася чрес весь день, и уже к вечеру одоле князь Александр, [а] ^ц) [Щ]елкан по[бе]же на се[н]и, и князь [Ал]ександр ^ц) зазже сени отца своего двор, и згоре Щолкан и с прочими татары, а гостей ^ч) хопылских изсече. Бысть же се месяца августа 15, на Успение святыя богородица. Того же лета поиде великий князь Иван Даниловичь во Орду, а на зиму приде изо Орды на Русь, а с ним 5 темников великих князей: Федорчюк, Туралык, Сюга и прочи[и]. Князь же великий Иван и князь Александр Васильевич суздальский с пред|л. 270|реченными князи татарскими, по повелению цареву, поидоша ко Твери, и взяша град Тверь и Кашин, а прочая грады и волости пусты створиша. А князь Александрь Михайловичь и брат его Констянтин бежа въ Псков. А в Новгород послаша татарове послы своя. Новогородци же даша им 2000 сребра, и послаша к ним, с их послом, своя послы со множеством даров. Того же лета убиша татарове князя Ивана Ярославичя рязанского в Орде.

Великое ^ш) княжение князя Ивана Даниловича ^ш), всея Руси самодерьжца. |л. 270 об.| В лето 6836 седе на великом княжение князь Иван Даниловичь. Того же лета приде на Русь митрополит гречин именем Феогнаст, той на Киев не бывал ^щ). Того же лета женися князь Констянтин Васильевич ростовский у великаго князя Ивана Даниловичя. Toe же осени сентября 6 преставися епископ Прохор ростовский; и в ^ъ) его ^ъ) место поставлен бысть Ростову епископ Антоней.

Придем убо на дивное сказание о граде Маседеи Ерусалимския области о[т] древней повести.

В лето 6843 приде под него Тит и хотя его взяти. И здумавше гражане |л. 271| межю собою: не назвати Тита того суды нам и не покоритися ему. И умыслиша по совету вражию: пересечемся сами, а животы свои сожжем. И выбра ^ы) меж собя десять муж жеребия, кому их посекати, и жены и дети. И опосле те десять мета жеребей, иже кому девяти посечь, и един остася тех посече. И зазже двор царев и церковь. И едина жена утаилась з детьми и сказала воем. И оне не няли веры, и пошли во град, и видевше все посечены на части и жены, и младенцы, и удивилися их жестосердию. А последней сам себя мечем закла.

Сказание о Цареграде - седмь имян ему: 1 Византия, 2 Царьград, 3 Богом царьствующий град, 4 Констянтинополе, 5 |л. 271 об.| Новый Рим, 6 Седьмохолми[й] град, 7 Станбон.

В лето 6836 заложена бысть церковь Ивана Лествичника на Москве, того же лета и священа, сентября в 1.

О обетели чесныя великаго Спаса на Москве. В лето 6838 князь великий Иван Даниловичь заложи церковь камену на Москве святого Спаса майя в 10 день, сотвори ту архимандритию и посади в нем архимандрита перваго, именем Ивана, иже последи Ростову епископ бысть. И со-

_________

^с-с) Написано на нижнем поле в киноварной рамке со знаком вставки, причем Дм написано по Юрья.

^т) Да­лее и.

^у) В рукописи Удиви.

^ф) В рукописи вьоружи воя.

^х-х) Вписано над строкой.

^ц-ц) Написано на левом поле в киноварной рамке со знаком вставки; при переплетении книги часть текста утрачена.

^ч) Далее и.

^ш-ш) Написано вязью, за исключением вича.

^щ) Далее повторено Того же лета прииде на Русь, митрополит.

^ъ-ъ) В рукописи всего.

^ы) В рукописи вьбра.

-109-

твори ю честнейшу всех. Преж бо сего отец его князь Данило учини архимандрита у святого Данила за рекою. Князь же великий Иван преведе ю и учини близ своего двора. |л. 272|

В лето 6839 митрополит Феогнаст постави Новугороду архиепископом Василия в Володимере Волынском во церкви святыя Богородица августа 25 день. В то же время прислаша псковичи к митрополиту Арсения просяще его к себе во Псков на епископство. Митрополит же не поста­вил его.

В лето 6840 преставися великая княгини ^ь) Елена Иванова ^э) в черницах и в схиме, и поло­жена бысть в Спасе марта 1. Того же лета меженина бысть велика в Руской земле. Того же лета прииде изо Орды князь великий Иван Даниловичь и возверже гнев на новгородцы, прося у них сребра закамьское, и в том взя у них Торжек да Бежецкой Верх.

В лето 6841 князь великий |л. 272 об.| Иван Даниловичь созда церковь на Москве архангела Михайла во едино лето, и священа сентября 20 митрополитом Феогнастом. Toe же зимы женися князь Семион Ивановичь на Москве, приведоша за него княжну из Литвы, именем Айгусту, во крещени[и] нарекоша ю Анастасию; а князь Семион тогда седьминатцати лет. Того же году приде в Нов­город князь великий Наримонт, во крещени Глеб, Голицыных корень.

В лето 6843 великий князь Иван Даниловичь приде в Торжек, а литва ^ю) воеваша ^ю) на миру Новоторжьскую землю. И посла князь великий, и позже города литовския Осечень, да Рясну и иныя горотки.

В лето 6844 |л. 273| преставися епископ ростовский Антоней, и поставиша епископом Гаврила.

В лето 6845 поиде во Орду князь Александр Михайловичь изо Пскова, а во Пскове был 10 лет.

В лето 6846 поиде в другие во Орду изо Твери князь Александр, и с ним князь Василей Давыдовичь поиде ярославский. А князь велики[й] Иван выиде изо Орды тогда и сынове его. А его думою посла царь Озбяк по князя Александра и по князя по Василия. А князь великий Иван нача просити у на[в]городцев другаго выхода, глаголя: “Дайте ми запрос царев”. Новгородцы же отвещав: “Того у нас из начала не бывало”. И на даша ему. Того же лета убиен бысть князь ко­зельский Андрей Мсти|л. 273 об.|славичь от своего братанича Василия Пантелеева сына июля 23 день. Toe же осени князь великий Иван отпусти во Орду сынове свои: Семиона, Ивана, Андрея. Toe же осени убиша во Орде окояннии татарове князя Александра Михайловичи и сына его Феодора, повелением царя Азбяка, и розоимаша его по составом.

В лето 6848 приде изо Орды Товлубий, отпущен царем ко граду Смоленску ратию, а с ним князь Иван рязанский ^я) Коротополы[й], и приидоша в землю Рязанскую. А в то время пошел бысть князь Александр Михайловичь пронский во Орду ко царю с выходом. Срете же его Коротопол, изымав его |л. 274| и пограби. И приведше его в Переславль Рязанский повеле убити его. А Товлубий поиде ратью из Переславля ко Смоленску. С ним посла рать свою и князь великий Иван, по цареву велению: князя Констянтина Васильевичя суздальского, князя Констянтина ростовскаго, князя Ивана Ярославичя юрьевскаго, князя Ивана дручскаго, князя Феодора Фоминьскаго, а с ними великаго князя воеводы Александр Ивановичь, Феодор Акинфовичь. И стояше у града немного дней и поидоша прочь, граду не успевша ничто же. Toe же зимы декабря в 6 день убиша брянцы князя Глеба Святославича, вышедше из церкви святого Николы. Бе же в то время во Брянске |л. 274 об.| митрополит Феогнаст, и невозможе уняти их.

В лето 6849 марта 31 преставися великий князь Иван Даниловичь в чернцех и в схиме, и положен бысть в церкви святого арханьгила Михаила апреля 1; и поиде во Орду князь Семион Ивановичь и з братьею и вси князи русти; княжив на великом княжение лет 18 от Рюрика 13 князь великий Иоан Даниловичь.

Великое ^а) княжение князя Семиона Ивановича ^а). Toe же осени выиде изо Орды на великое княжение великий князь Семион Ивановичь, а с ним братья его князь Иван да князь Андрей и вси князи русти даны ему |л. 275| в руце, и седе на столе в Володимере.

Того же лета великий князь Семион Ивановичь наела на Торжек бояр дани брати, и начата силно деяти. Новоторжьцы же прислаша с поклоном в Новгород. Они же послаша к ним бояр изгоном в Торжек без вести, и наместников изымаша, князя Михаила Давыдовича. И восташа

_________

^ь) Так в рукописи.

^э) Так в рукописи.

^ю-ю) ва вое написано другими чернилами на левом поле.

^я) В рукописи разанский.

^а-а) Написано вязью, за исключением новича.

-110-

чернь на бояр, а рекучи: “Почто естя призвали наугородцев, и они князей изымали, а нам в том погибнути”. И нарядившеся во броня нашедше силою на дворы, и выимаша у воевод наместники великого князя, и отпустиша их, а домы их разграбиша. Toe же зимы великий князь Семион Ивановичь приде ратию в Торжек со всею Низовскою землею. Новгородцы же |л. 275 об.| послаша к великому князю Семиону Ивановичю с челоби[ть]ем владыку и бояр, и добиша челом. А князю Семиону Ивановичю побор по всем волостем новгород[с]ким дали да тысечю рублев на новоторжьцех. И посла великий князь Семион Ивановичь наместники своя в Новгород. Toe же зимы приехал митрополит Феогнаст в Новгород со многими людьми, и тяжко бысть владыке и монастырем кор­мом и дары. Toe же зимы умре поганый царь Азбяк. [То]го ^б) же году [пре]ставися [кня]зь Геде[ми]н лито[вс]кий ^б). Toe же зимы приеха в Новгород княжич Александр Михайловичь ко владыке, сын кресны[й], учитися грамоте.

В лето 6850 ходи князь великий Семион Ивановичь в Орду к поганому ^в) Занибеку царю, иже бе |л. 276| сел на царьстве, убив два брата свои. И приде великий князь опять в Русь. Того же лета псковичи отвергошася великаго князя московскаго и Новагорода и послаша в Видьбеск к вели­кому князю Ольгерду, дабы им помогл противу ^г) немец. Ольгерд же приде со многими силами во Псков и з братом Кестутьем противу немец, и немцы тогда стояша под Изборском. Ольгерд же возвратися, не учинив помочи псковичем никоея же, а немцы у него убиша князя Любка, Воинева сына полотскаго князя. Псковичи же посадиша себе на княжение Ольгердова сына князя Андрея, и крестиша его в соборной церкви. Псковичи же видевшеся от литвы не бысть им помочи, и добиша челом Новуграду, |л. 276 об.| и смиришася. Того же лета приде князь великий Семион и митро­полит Феогнаст к царю Чанибеку. Того же лета выде изо Орды на Рязанское княжение князь Ярослав пронский, а с ним посол Киндяк. И приидоша к Переславлю. Князь же Иван Коротопол бися весь день з города, а на ночь выбежа. И посол Киндяк вниде во град и много крестьян изби, а иных полони; а князь Ярослав [седе] в Ростиславле. Того же лета выде изо Орды князь великий Семион. Toe же зимы выде изо Орды митрополит Феогнаст, мучиша бо его во Орде, а рекущи: “Давай дань полетную”. Он же не вдасть, и посули посула 600 рублев. |л. 277|

В лето 6851 убьен бысть на Рязани князь Иван Ивановичь Коротопол. Того же лета поставленна бысть церковь камена на Городищи Благовещение, повелением великого князя Семиона Ивановичя.

В лето 6852 преставися князь Ярослав Александровичь пронский.

В лето 6853 Ольгерд ^д), великий князь литовский, и брат его Кестутей изгониша город Вилну ^е), а князь Евнутей перевержеся чрез стену городцкую и побеже на Москву, и крести его князь ве­ликий Семион Ивановичь и нареченно бысть имя ему Иван, а Наримант бежа в Орду. Того же лета на чюдо святого архангила Михаила ^ё) воста юг ветр с снегом, и вне|л. 277 об.|се лед в Волхвов ^ж) из озера, и выдра 7 городен великаго мосту, о обеде.

В лето 6853 марта 11 преставися великая княгини Анастасия Семионова в черницех ^з) и в схиме, и положена на Москве в Спасе. Того же лета преставися князь Василей Ярославичь муромский.

В лето 6854 слиты быша 3 колоколы больших на Москве да два малых, а мастер Бориско. Того же лета Иван, архимандрит спаски[й], поставлен бысть епископом Ростову. Toe же зимы князь великий Семион отосла княгиню свою Епраксею ко отцу ея, князю Федору Святославичю, на Волок.

В лето 6855 |л. 278| женися князь великий Семион в третие. Понял за ся княжну Марью, дщерь князя Александра Михайловичя тверскаго, а ездили по нее Андрей Кобыла да Алексей Босоволков. Того же лета поставлен бысть епископом Нафанаил Суздалю. Того же лета Магнушь, ко­роль свейский, поиде на Новгородцкую волость, а новгородцы посла воевод своих, а с ними 400 рати. Они же наехавше немец 500 человек побита, а иных изымаша, новгородцев же трех человек убиша. Бысть же бой сей на Жябче ^и)-к) поле. Магнушь же взя городок Ореховец на спасов день лестию, докончав окуп взяти, и посажав намесников своих, поиде прочь. Новогородцы же

_________

^б-б) Написано на левом поле в киноварной рамке без знака вставки; вставлено в текст в той последователь­ности, как в Воскресенской летописи (ПСРЛ, т. VII, с. 207) и Московском своде конца XV в. (там же, т. XXV, с. 173).

^в) но вписано над строкой другими чернилами.

^г) В рукописи притиву.

^д) е написано по и.

^е) В рукописи Ливну.

^ё) Написано по другому слову.

^ж) Так в рукописи.

^з) Первоначально написано в чернцех, затем другими чернилами исправлено.

^и)-к) Жяб написано над строкой.

-111-

и псковичи, |л. 278 об.| и новоторжьцы, и наместники великаго князя поидоша ко Ореховцу и сташа около его в госпожино говейно, и стояше до великаго заговейна, и во вторник на Федорове неделе ^л) взяша град и немец иссекоша, а иных изымаша. И у того твердаго города новгородцев убиша 9 человек, по божию заступлению. А егда пошли новгородцы к Ореховцу, тогда даша жалованье Пскову граду: посадником новгородцким во Пскове не судити, ни седити, а от владыки судите их брату псковитину, а из Новагорода не позывати их ни дворяны, ни Подвойскими, ни софеяны, ни извистники, ни биричи; но назваша Псков брат Новугороду молодшей. |л. 279|

В лето 6856 тое же зимы декабря 15 родися великому князю Семиону сын Данил. Toe же зимы февраля в 2 приидоша немцы ратию на Литву, и бысть им бой велик зело, и побита немцы литвы сорок тысяч. Того же лета убиен бысть от Олгирда Круглец, нареченны[й] во святом кре[ще]нии Еустафей, за правоверную християнскую веру, и положен бысть у святого Николы в Вилне с сродники своими во гробе, велики[ми] мученики Антонием и Иваном, иже пострадаша за право­верную веру християнскую и прияста венец небесный от руки господня. Того же лета князь велики[й] Семен ходи во Орду к царю Чжанибеку.

В лето 6856 приде из Орды |л. 279 об.| князь великий Семен Ивановичь и брат его князь Андрей с пожалованием. Того же лета месяца майя прощена бысть некая девица у гроба великаго чюдотворца Петра, имеяше бо руце к переем прикорчене, и тогда пришед исцеление получи мая 26.

В лето 6857 прииде король краковский со мно[го]ю силою, и взя лестию землю Волынскую, и много зла христьяном сотвори, и церкви святыя преврати на латынское богомерское служе­ние. Того же лета князь великий литовский Ольгерд посла во Орду ко царю Чжанибеку брата своего Кориада просити себе помощи на великого князя Семена. Слышав же то, великий князь Семен и посла своих киличеев: |л. 280| Феодора Глебовича да Амину, да Феодора Шибачеева ко царю жаловатися на Олгерда. Слышав же царь от послов великого князя, яко Ольгерд з братьею улус его, отчину князя великаго, испустошили и выдаст царь послом великого князя братью Ольгердову, князей литовских, Кориада да Михаила, Семена свичслоскаго ^м) да Аишка и дружину их, и приведени быша на Москву послом царевым Тотуем.

В лето 6858 великий князь Ольгерд приела на Москву послы своя к великому князю Семену со многими дары и з челобитьем, прося мира и живота брати своей, князем литовским ^н) Кориаду и Михаилу и все[й] дружине их. Князь же великий Семен |л. 280 об.| дары его прият и мир с ним взят, а братию его, князей литовских, отпусти. Того же лета присла к великому князю из Бельгия князь Люборт, прося за себя сестричны его, дщери князя Констянтиновы ростовскаго, и дасть за него. Тогда же и Ольгерд прислав к великому князю Семену послы своя, прося за себя свести его, дщери княже Александровы Михайловичи тверскаго княжны Ульяны. Князь великий, доложа Феогнаста митрополита, дасть ю за Ольгерда ^о).

В лето 6859 преставися князь Василей Александровичь рязанский. Тое же весны поиде во Орду князь великий Семен и брат[ия] его с ним Иван |л. 281| и Андрей и вы[и]де того же в лето. Тое же осени ок[тября] 12 народися великому князю Ивану сын князь Дмитрей Донской. Тое же зымы ^п) князь великий Семен дасть дщерь свою во Тверь за князя Михаила Васильевича. Тое же зимы родися великому князю Семену сын Иван. Бысть чюдо на Москве у гроба чюдотворца Петра: некая жена лежа два года без ног, и принесоша ю к целебному гробу святителя ^р) Христова Петра, и вскоре исцеление получи. Феогнаст митрополит благослови Данила епископом на Суждаль, отлучен бе некая ради вины и тогда прият древни[й] свой сан. Князь Юрьи Ярославичь муромски[й] обнови отчину свою |л. 281 об.| Муром, запустевшее от первых князей, [и] постави двор свой в городе, тако же и бояре его, и вельможи, и купцы, и вси людие, и церкви обнови, и украсиши их иконами и книгами.

В лето 6860 великий князь Семен Ивановичь собра воя многи и поиде ко Смоленску, и дошед Вышегорода на Поротве ста, и ту приидоша к нему послы от Ольгирда со многими дары, просяще мира. Князь же велики Семеон не остави слова Ольгирдова, мир взя, а послы отпустиша с миром, а сам оттуду поиде ко Угре реце, хотя ити к Смоленску. И сретоша его послы смоленский с челобитьем. Он же стоя на Угре |л. 282| 8 дней, и своя послы послав в Смоленеск, и мир взем возвратися к Москве.

_________

^л) Первоначально написано день, затем исправлено.

^м) В рукописи свичслопкаго.

^н) В рукописи литовских.

^о) В рукописи Ольгирда.

^п) Так в рукописи.

^р) В рукописи святая.

-112-

Рукописание Магнуша, короля свейскаго. Се аз, Магнушь, король свейский, нареченный во святом крещении Григорей, отходя сего света, пишю рукописание при своем животе, и при­казываю своим детем и всей братьи, и всей земли Свойской не ^с) наступати ^т) на Русь на крестном целовани[и], занеже нам не пособляетца. Первее сего подъялся местер Белгер и вшел в Неву, и срете его князь великий Александр Ярославичь на Ижере реце, и самого прогна, а рать его поби. И потом брат мой Масколка ^у), вшед в Неву, город постави на Охте реце и на|л. 282 об.|местники своя посади со множеством немец, а сам поиде за море. И пришед князь великий Андрей Александровичь город взя, а наместники и немцы поби. И потом было намрозмирие [с] Русью 40 лет; и потом на 40 лет с великим князем Юрьем Даниловичем взяли есмя мир вечный на Неве, земле есмяи воде учинили роздел, кому чим владети, и грамоты пописали и [по]печатали. И потом по 30 летех яз, Магнушь король, того не порядя, поднялся есми со всею землею Свейскою, и вшед в Неву взя город Орехов и наместники свои в городе посадил, и силы моя неколи оставих, а сам поиде за море. |л. 283| И потом пришед навгородцы город свой взяли, а моих наместников и немец побили, которые были в городе. И аз, того не поредя, за один год опять поидох к Орехову со всею Свей­скою землею. И срете мя весть, что новгородцы под Ореховцом. И аз пошел под Копорью и под Копорьею есми ночь начевал. И прииде ко мне весть: новгородцы на вукре земли, и яз то слы­шав побегл за море; и воста буря сильна, яко в валех и парусов ^ф) не знати и потопи рати моей много на усть Неровы реки. И пошел есми в землю свою со останком рати, и от того времени наиде на землю нашу Свийскую погибель, потоп, мор, голод и сеча межи собою. А у мене бог ум |л. 283 об.| отьят и седох в полате год прикован к стене чепью железною и заделан был есмь в полате. Потом ^х) приехал сын мой Сакун из Мурамской земли, и выня мя с полаты, и повезе в свою землю Мурамскую. И удари на мя потоп, карабля моя и люди моя истопи ветр, а сам створихся плавая на дне карабленем и строцыем пригвоздихся 3 дни и 3 нощи. И по божию повелению принесе мя ветр под манастырь Спаса в Полную реку, и сняша [мя] с ^ц) доскы ^ц) чернцы, и внесоша в манастырь, и постригоша мя в чернцы и в схиму, и сотвори мя господь жива 3 дни и три нощи. А все то мене бог казнил |л. 284| за мое высокоумие, что наступал есмь на Русь на кресном целовании. И ныне же приказываю своим детем и своим братьем, всей земли Свийской: не наступати на Русь на кресном целовании; а хто наступит, на того бог и огнь, и вода, им же мене казни, а все содея к моему спасению.

Преставися архиепискуп новгородский Василей месяца июля в 2 день. Новгородцы же с мольбою многою возведоша опять из монастыря с Колмицы Моисея архиепискупа на свой ему стол, его же преже был оставил. Toe же зимы декабря в 6 день митропалит Феогнаст постави наместника своего Алексея во епискупы Володимерю, а по |л. 284 об.| своем животе благословил его на митрополию; и послаша о нем послы во Царьгород к патриарху: князь велики Семен посла своего Дементия Давыдовича да Юрья Воробьева ^ч), а митропалита Артемия Коробьина да Михаила Греченина, яко да не поставит иного митропалита на Русь, кроме сего Алексея епископа, и еже и бысть по прошению их. Toe же зимы февраля в 3 день родися великому князю Семену сын Семен.

В лето 6861 марта в 1 день преставися пресвященный Феогнаст, митропалит всеа Русии, великий наставник, и положиша во церкви святыя Богородица на Москве во храме поклонения чесных вериг апостола Петра, близ гроба чюдотворца Петра об едину |л. 285| стену. Бывша же на про­вождении его епископи ^ш): Алексей володимерский, Афонасей волынский и коломенский Афонасей же. На той же недели преставишася два сына великого князя Семена, Иоанн да Семен.

О преставлении великого князя Семена Ивановича. Toe же весны апреля в 27 день преставися великий князь Семен Иванович, и положен бысть в церкви святаго архангела Михаила. Того же лета июня в 6 день преставися князь Андрей Ивановичь, и положен бысть в той же церкви архан­гела Михаила. Того же лета месяца июля в 15 день, по преставлении князя Андрея Ивановича на сорочины его родися у княгини его сын, и нарекоша и Володимер. Того же лета поидоша князи в Орду, сперся о великом |л. 285 об.| княжении, князь Иван Ивановичь московский да князь Костянтин суздальский Васильевич. Тогда же и новгородцы послаша в Орду посла своего Семена Судокова ко царю, просяще великого княжения князю Костянтину Васильевичю суздальскому. Не послуша их царь, даст великое княжение князю Ивану Ивановичю. Того же лета приидоша из

_________

^с) В рукописи на.

^т) В рукописи неступати.

^у) В рукописи Максолка.

^ф) В рукописи поросув.

^х) В рукописи подтом.

^ц-ц) В рукописи зотскии.

^ч) В рукописи Воробьина.

^ш) В рукописи епикати.

-113-

Царяграда послове, послани[и] ко царю и к патриярху великим князем Семионом и митропалитом Феогнастом, и принесоша грамоты царевы и патриарши ко владыце Алексею, повелеша бо ему ити ко Царюграду ставитися на митрополию. Он же поиде во Царьгород. Тоя зимы ^щ) по кре­щении выиде из Орды князь Иван Ивановичь и вси князи рустии с ним, быша бо вси тогда |л. 286| во Орде с ним.

Княжение ^ъ) великого князя Ивана Ивановича ^ъ). В лето 6862 месяца марта в 25 день, на бла­говещение седе на великом княжении в Володимери князь велики Иван Иванович. Того же лета погоре город Москва, Кремник весь, церквей згорело 13. Того же лета поставлен бысть митропо­литом во Цариграде владыка Алексей на всю Рускую землю. И на ту осень выиде ис Царягорода. Того же лета преставися князь Дмитрей Федоровичь стародубский. Того же лета Федор Глебович собрав воя многи, иде ратью к Мурому на князя Юрья Ярославича, и согна его з города с Мурома, а сам |л. 286 об.| седе в нем; а муромцы яшася за него и поидоша с ним в Орду, и бысть им суд велик перед князьми ординскими, и достася княжение князю Федору Глебовичю, а князь Юрьи выдан бысть ему. Того же лета князь Костянтин Васильевич суздальский сына жени своего князя Бориса у великаго князя Ольгерда литовскаго. Toe же осени преставися князь Костянтин Ва­сильевич суздальский в чернцах и в схиме ноября в 21 день и положен бысть в Новегороде в Ниж­нем в церкви святаго Спаса.

В лето 6863 князь Ондрей Костянтиновичь по преставлении отца своего, поиде в Орду ко царю Чжанибеку, и взя степень отца своего Суздаль и Новгород Нижней, |л. 287| и Городец. И прииде в Русь в свою отчину с пожалованием от царя и седе на княжении суздальском.

В лето 6864 преставися Иоанн, епискуп ростовский, и поставлен бысть Игнатей епискупом Ростову. Того же лета поставлен бысть Василей епискупом в Резань. Toe же осени Алексей митропалит поиде в Царьгород. Toe же зимы поставлен бысть Феофилакт епискупом Смоленску. Toe же зимы прииде Алексей митропалит из Царягорода. Toe же зимы поставлен бысть Иоанн епискупом Сараю. Toe же зимы седе на княжение в Стародубе князь Иван Федорович. Toe же зимы февраля в 3 день, егда заутреню благовестят, и убиен бысть Алексей Петровичь |л. 287 об.| тысецкий. Убиение же его дивно никако и незнаемо, яко ни от кого же никем же, токмо обретеся на площади лежа. Нецыи же глаголют, яко втаю совет сотвориша и оков коваша на нь. И тако всех бояр общею думою убиен бысть, да яко же Андрей Боголюбивый от своих раб от Кучковичь, тако и сий от своея дру­жины пострада.

В лето 6865 взя царь Чжанибек Тивирижское царьство. Toe же осени приде из Орды посол силен, именем Кошак, и велика бысть истома князем руским. О после царицы. Тогда же прииде посол от царицы Тайдулы из Орды к митропалиту Алексею, зовуще его в Орду, да пришед посе­тит ^ы) нездравие ^ы) ея. Он же нача яко на путь потребная готовити, и се тогда за|л. 288|гореся свеща сама собою у гроба чюдотворца Петра августа в 18 день. Митрополит же пев молебен со всем крылосом и свещу ту раздроби и роздасть народу на благословение. И того же дни поиде в Орду и при­шед тамо болящую царицу исцели. И паки вскоре отпущен бысть с великою честию, а в Орде тогда замятия бысть велика: умре бо добрый царь Чжанибек, и седе на царьство сын его Бердебек, и убив братов своих 12 окоянным предстателем своим Товлубием.

В лето 6866 преставися князь Иван Андреевичь. Того же лета вы[и]де из Орды посол, царев сын, именем Мамат-Хожа, на Резанскую землю и много тамо зла |л. 288 об.| сотвори, и к великому князю Ивану Ивановичю прислал о разъезде земли Резанской. Князь же великий и не впусти его в свою отчину в Рускую землю. И потом на борзе позван бысть в Орду от царя Мамат-Хожа, занеже ^ь) к царю в крамолу вниде и убил в Орде царева любовника, а сам бежал ко Арначю, и ностигше гонцы царевы яша его, и убиен бысть тогда повелением царевым. Toe же зимы по крещении пресвещенный Алексей митропалит иде в Киев.

О преставлении великого князя Ивана Ивановича всеа Русии. В лето 6867 ноября в 13 пре­ставися благоверный великий князь Иван Ивановичь всеа Руси в чернцех и в схиме, и положен бысть на Москве в церкви |л. 289| святаго архангела Михаила. Того же лета Бердебек царь умре, а Кулпа седе на царьстве, и царьствова 5 месяц и убиен бысть от На[в]руса со двема сынама своима. И седе

_________

^щ) з выносное лишнее.

^ъ-ъ) Написано вязью, кроме ча.

^ы) В рукописи текст испорчен: посети мне здравие, исправлено по Московскому своду конца XV в. (ПСРЛ, т. XXV, с. 180); в Воскресенской летописи ана­логичная ошибка (там же, т. VIII, с. 10).

^ь) В рукописи заиже.

-114-

Наврус на царьстве и поидоша к нему в Орду вси князи рустии, и бысть има роздел в Орде кня­жением их, и приидоша вси коиждо во свою вотчину. Соиде со владычества архиепискуп новго­родский Моисей.

В лето 6868 прииде ис Киева на Москву пресвещенный митропалит Алексей.

Княжение ^э) великаго князя Д[м]итрея Констя|л. 289 об.|нтиновича ^э) суждальскаго. Toe же весны прииде на царьство Волжьское ^ю) некий царь с востока, именем Хидырь, и бысть лесть во князех ордыньских, и убиен бысть царь Наурус, а Хыдырь седе на царьство и дасть княжение великое князю Дмитрею Констянтиновичю суздальскому. И приде в Володимер июня в 22 день и сед на вели­ком княжении, а не по отчине и не по дедине. И тогда при нем митропалит Алексей постави в Володимери Но|л. 290|вугороду архиепискупа Алексея. О метежи в Орде. Того же лета бысть в Орде мя­теж силен: мнози царие побиени быша и царицы, и царевичи и рядцы, изсекоша[ся] сами межи себе. Toe же зимы в Филипово говение бысть знамение в месецы: темною кровию покровен сотво­рись на чисте небе. Toe же зимы возведоша посла из Орды жукотинцы о разбойницех, и бысть всем князем съезд на Костроме: князь Дмитрей Костянтиновичь и брат его старейший Андрей |л. 290 об.| из Нижнего Новагорода, и князь Костянтин ростовский, и выдаваша разбойников, а посла отпустиша в Орду. Toe же весны в великое говение яко огнены зари явишася, от востока ходяше чрез небо к западу.

В лето 6869 поиде в Орду князь Дмитрей Ивановичь московский ко царю Хыдырю, и выиде из Орды до замятни ^я). Того же лета приидоша в Орду князь вели[кий] Дмитрей Костянтинович и брат его старейший князь Андрей, и князь Костянтин ростовский, и князь Михайло ярослав­ский, и бысть при них замятия велика в Орде. Убиен бысть царь Хыдырь от сына своего Темир-Хожина и седе на |л. 291| царьство на 4 день, а на 7-й день царьства его темник Мамай замяте всем царьством его, и бысть велик мятеж в Орде. А князь Ондрей Костянтиновичь в то время поиде из Орды в Русь, а на пути удари на него князь рятизкой ^а), поможе бог князю Андрею, приде здрав на Русь. А Темир-Хожа побеже за Волгу и там убиен бысть. А князь Мамай приде за Волгу на горнюю страну, и вся Орда с ним, и царь с ним бе именем Авдуля, а 3-й царь воста Килдебек, сын царя Чянибека. Той многих поби, последи жь сам убиен бысть. А ины[е] князи затворишася в Сараи, царя себе именуюше Амурата. А Булак-[Те]мир, князь ордынский и ^б) болгар­ский ^б), взял и все городы по Волзе и улысы ^в), и отня весь Волжеский путь. А князь ардынский Тагай, той Наручядску ^г) страну |л. 291 об.| отняв себе, ту пребываше. Гладу жь в них велику належаше и замятие мнозе, и не престаху межи себя ратяшеся и убивающеся ^д) божиим попущением на них. Тогда же в Орде ограбиша князей ростовских.

В лето 6870 князь великий Дмитрей московской и князь Дмитрей суздальской спряся о княженье, и посла киличеев своих в Орду и вынесошя княженье великое князю Дмитрею московскому по отчине и по дедне. Toe же зимы князь великий Дмитрей Ивановичь московский з братьею, с князем Иваном Ивановичем и с князем Володимером Андреевичем, собрав воя много, и поиде к Пере­славлю на князя Дмитрея Костянтиновича суздальсково; он же бежя к Володимерю и оттоля в Суздаль в свою отчину, княжив два лета ^е). |л. 294 ^ж)|

Великое ^з) княжение князя Дмитрея ^з) Ивановича Донского. Великий князь Дмитрей Ивановичь з братьею и со всею силою иде с Переславля в Володимер и сяде на великом княжении на столе деда и отца своего. Toe же зимы преставяся архиепископ новгородский Моисей, генваря 25, и положен на Сковородке ^и) у арханьгела |л. 294 об.| [Михаила]. Князь великий Дмитрей Ивановичь быв [в] Володимере 3 недели, иде на Москву, и воя распусти.

В лето 6871 князь великий Дмитрей Ивановичь иде с Москвы в Володимер з братьею, и ту к нему приде посол из Орды Мамаевы от царя Авдула с ярлыки на великое княжение, и князь великий Дмитрей Иванович отпустив посла, а сам иде в Переславль. Того же лета благословляет преподобный отец наш игумен Сергей ученика своего Феодора поставити монастырь на Москве, зовомое от древних Симонове на реке на Москве, от града пять попришь до него. |л. 292| Того же лета

_________

^э-э) Написано вязью, за исключением нтиновича.

^ю) В рукописи Воложское.

^я) В рукописи зямятни.

^а) Так в рукописи.

^б-б) Так в рукописи; в Воскресенской летописи Болгары (ПСРЛ, т. VIII, с. 11).

^в) Так в рукописи.

^г) В рукописи Нарудчату.

^д) В рукописи убивающе.

^е) Далее л. 291^а с об. оставлен незаполнен­ным.

^ж) Далее путаница в листах.

^з) Написано вязью. Перед заглавием черно-белая тисненая заставка.

^и) В рукописи Сковородне.

-115-

князь Дмитрей Констянтиновичь пришед в Володимер и сед на великом княжени[и] в другим, а с ним князь Иван Белозерец ^й), пришед бо бе из Муратовы Орды с 30-ю татарины, и тако пре­быв в Володимери едину неделю. Слышав же се князь великий Дмитрей Ивановичь, и пришедше паки со братьею и с вой своими, и согна его с Володимеря. Он же беже в Суздаль. Князь же великий поиде за ним ратью к Суздалю, и взем мир отьиде.

В лето 6872 бысть мор велик в Новегороде в Нижнем: хракаху людие кровию, а ини[и] железою боляху и не долго боляху, но два дни или три, а инии един день болевше умираху. И толико |л. 292 об.| множество бе мертвых, [яко ^к) не успеваху живые мертвых ^к)] погребати. Toe же зимы месяца октября в 23 преставися князь Иван Ивановичь, брат великого князя Дмитрея, и поло­жен бысть во Архангиле на Москве. О мору. Toe же осени и той зимы бысть на люди мор велик в Переславле: на день умираше человек 20 или 30, иногда же 60 или 70, а иногда и до 100 и боле. Болесть же бе еще: преже яко рогатиною ударит за лопатку, или под груди, или меж крыл, и тако разболевся человек начнет кровию хракати и огнь зажжет и потом пот, таже дрожь, и по­лежав день или 2, а ретко которой 3 дни, и тако умираху, а ини[и] железою умираху. Желе|л. 293|за же ни у всяково бываше во едином месте, но овому на шее, а иному под скулою, а иному под пазу­хою, другому за лопаткою, прочим же на стегнех. Бысть сей не токмо во едином граде Переславле, но во всех пределах его. Прииде же сия казнь, послана от бога на людей, с низу от Бездежа к Новугороду к Нижнему и оттоле к Коломне, та же и по всем городом и странам бысть мор велик и страшен, не успеваху бо жывыи мертвых опрятывати, везде бо бе мертвии во градех и в селех, в домех и у церквей. И бе туга и скорбь и плач неутешим, мало бо бе живых, но все мертвии. И погребаху же во едину яму 5 или 6 мертвых, а инде 10 и боле, а дворы |л. 293 об.| мнози пусти быша, а во иных един остася или два, ли женескпол, или мужеск, или отроча мало. Toe же зимы приде из Орды от царя Азиза князь Василей Дмитреевичь суздальский, а с. ним посол Урусманды, и вынесе великое княжение отцу своему князю Дмитрею Костянтиновичю; он же отступися кня­жения великому князю Дмитрею Ивановичю. Toe же зимы преставися епископ Алексей суздаль­ский. Toe же зимы декабря 26 преставися великая княгиня Александра Ивана Ивановича, поло­жена бысть у Спаса в моностыре в пределе, в черницах и в схиме наречена Мария.

В лето 6873 преосвещенный Алексей, митрополит всеа Русии, заложи церковь каменну на Москве, бывшее чюдо в Хонех арханге|л. 295|лом Михаилом, того же лета и кончана бысть. Того же лета июня 2 преставися князь Андрей Костянтиновичь в чернцах и в схиме, Нижнева Новаграда, тамо и положен в церкве у Спаса. И сел по нем брат его Борис Костянтиновичь. О споре Костянтиновичей. Брат же его старейший князь Дмитрей прииде к Новуграду, хотя сести на кнеженьи. Князь же Борис не съступи[ся] ему, он же иде к Москве к великому князю Дмитрею Ивановичю просити себе на него помочи. Toe же осени приде Тягай из Наручади в Резань, и взя град Переславль и пожже. Князь же Олег резанский и князь Владимер пронский собрався поидошя за ним в погоню, постигоша же его, и бысть меж ими сеча зла, и поможе бог християном, а Тяга[й] в мале утече в Наручядь. Toe же зимы приде посол |л. 295 об.| из Орды от царя Баирам-Хози ^л) и от царицы Асан, и посадиша в Новегороде в Нижнем на кнеженье князя Бориса Костянтиновича. Князь великий Дмитрей Иванович посла в Нижней ко князю Борису игумена Сергия звать его к себе на Москву, и смирить его с братом его со князем Дмитреем. Он же не поеде. Игумен же Сергей затвори церкви в Новегороде. Князь же великий Дмитрей дасть рать свою князю Дмитрею Ко­стянтиновичю, и поиде к Нижнему на брата своего с ратью. Дошедшу же ему Бережца, и тут срете его брат его князь Борис и доби ему челом. Князь же Дмитрей седе в Нижнем Новегороде, а брату своему князю Борису дасть Городец, а воя распусти. Того же лета загореся град Москва от Всех святых сверху от Чертолья, |л. 296| и погоре посад весь, и Кремль, и Заречье, бысть тогда засуха великая, и буря вста велия, и меташа за 10 двор головни и берна, никак нельзе было госити. И нихто не успе имения своего вынесть, все огонь поя, в 2 часа все згоре. Се же словет ве­ликий пожар от Всех святых; преже бо того такова пожару не бывало. Того же лета поставлена бысть церковь камена в Торжку Преображенье. Да в Новегороде владыка Алексей постави в Онтоньеве монастыре каменную церковь на воротех, Стретенье господне. А во Пскове поставиша церковь каменную Троицу. А на Лятке ^м) постави Лазута каменную же церковь святаго Николы.

_________

^й) В рукописи Белозерев.

^к-к) Текст пропущен. Восстановлен по Воскресенской летописи (ПСРЛ, т. VIII, с. 12).

^л) В рукописи Баира-Хомзи.

^м) В рукописи Вятке.

-116-

В лето 6874 бысть мор велик на люди в Москве и во всех пределех ея. Того же лета приидоша из Новаграда Ве[ли]каг[о] ^н) Волгою 150 ушкуев |л. 296 об.| с разбойники, [и] избиша по Волзе много татар и бесермян и армен, и Новгород Нижней пограбиша ^о), а суды их, и кербаты, и павозки, и лодьи, и струги, и учаны изсекошя, и идошя в Каму и до Болгар, все воююще. Того же лета князь кипрский плени Александрию и грады пожже, а срацын посече. И разгневася про то царь египетский на християн, и посла рать на Онтиохию и на Ерусалим и в прочая грады, что во области его, и сотвори брань люту и воздвиже гоненье на християн, церкви разграбив затвори, а християн мучя много смерти предаше, а именье взимаху, и монастыри синайский разграби, жилища пу­стынных разруши, священники изби, а Михаила, патриарха антиохейскаго, и вся митрополиты и епископы рас|л. 297|пя, иных вверже в темницу. И сего не стерпя солнце луча своя покры августа в 7 день, 3 часа дни, и бысть солнце аки трех дней и месяц ущербнуся с верхния страны. Слышав же сие царь Иван цареградский и зжалися о сем вельми, и оскорбе, и промышляше, како бы помоще християном. И посла послов своих к салтану египетскому з дары, штобы утолил гнев свой на християн. И послушаше его салтан и отпусти сущих ис темниц митрополитов и епископов, и отверзе церкви предасть им, а взя у них 20 [000] рублев сребра, кроме иных даров великих и безценных. Того же лета поставшна в Новеграде церковь каменну Троицу на Редитине улице. Того же лета ездиша из Новаграда люди молодые на Волгу без наугороцкова слова, а воеводы у них Осиф Ворфоломеевичь |л. 297 об.| с товарищи, и возвратишася со многим прибытком. Князь же ве­ликий Дмитрей Ивановичь разгневася про то на Новград. Того же году поимаше на Вологде боярина новгороцково Василия Даниловича и с сыном ево Иваном, и приведоша его на Москву. Toe же зимы генваря 18 женися князь великий Дмитрей Иванович, у князя Дмитрея Костянтиновича суздальского, на дочери на Евдокее, и бысть свадьба на Коломне. Toe же зимы князь велики[й] Дмитрей с братом своим со князем Володимером Андреевичем замыслиша ставити город камен Москву, и еже умыслиша, то и сотвориша тоя зимы и. камень повезоша ко граду.

В лето 6875 преставися епископ тверский Феодор. Toe же весны заложиша град Москву. Того же году князь |л. 298| ардинский Булак-Темир приде ратью татарскую и пограби уезд весь по Волзе. Князь Дмитрей же Косьтянтинов[ич] с братом з Борисом, собрав вой, поиде противу их. Татарове же побегоша за реку Пьяну, и гоняше по них князи, и избиша много татар, и инии в реце истопошя. А Булак-Темир ^п)-с) в Орду бежа и тамо убиен бысть от Азиза царя. Июля в 23 бысть гром страшен изби на Городце в церкви, че[р]нцов и черниц, на вечерни, а иных по селом изби. Прислаша новгородцы послов к великому князю Дмитрею о миру со многими дары. Он же прия дары их и мир сотвори, а Василья Даниловича и сына его отпусти, а наместники свои в Новгород посла. Приде рать немецкая велневецкая, и по|л. 298 об.|воевашя около града Изборска и до Великия реки, и перебредоша реку приде ко Пскову, и пожже посады, и много зла сотворивше, отьидошя. Toe же осени явися звезда хвостата.

В лето 6876 апреля 11 зажже гром на Городце соборную церковь святаго Михаила, тако же и в Суздале сотворися. Того же лета князь Андрей Ольгердовичь полотский воева Ховрачь да Родень. А князь Володимер взя ^т) Ржеву. Князь великий Дмитрей да Олексей митрополит зазваша любовию на Москву князя Михаила Александровича тверскаго, и бысть ему суд на 3-й день, и поймав его, разведоша его и бояр его разно, и держав их в ыстоме. По том незадолго время приде татарове от Орды, Карач. Князь велики[й] же укрепив князя Ми|л. 299|хаила кресным цело­ванием отпусти его в свою отчину. Он же сжалися о том и положив измену, имеяше ^у) ненависть на великаго князя, паче же и на митрополита жаловашеся. Преставися князь Василей Михайловичь тверский в Кашине. Того же лета князь велики[й] Дмитрей, собра воя много, и посла на князя Михаила тверскаго. Он же бежа в Литву к великому князю Ольгерду, зятю своему, и жаловася ему, и просяше у него помочи себе и оборони, и самого зваше итти к Москве ратью и сестру свою ему научая о том глаголяти. Послушав же Ольгерд, и собра силу многу, поиде к Москве, а с ним брат его Кестутей с сыном Витовтом, и сынове Ольгердови, и вси князи литовстии, и князь Михайло тверский, и смоленская сила. Сего же не ведающе великому князю Дмитрею Ива|л. 299 об.|новичю, донеле же приде Олгерд близ рубежу. Услышав же то князь великий нача

_________

^н) Написано на правом поле в киноварной рамке со знаком вставки; при переплетении книги часть текста утрачена.

^о) В рукописи потребиша.

^п)-с) В рукописи Лубак-Темир.

^т) В рукописи изя.

^у) яше написано над строкой.

-117-

разсылати грамоты по всем градом своим, веля к себе быти всем воем своим, и не успевшу ни­кому же от дальних мест, но елицы близ его обретошася. Сих отпусти в заставу против Ольгерда, еже есть сторожевой полк, а воеводу посла Дмитрея Минина. [А] от князя Володимера воевода Акинф, нарицаемый Шюба, а сними москвичи, коломенцы, дмитровцы. Ольгерд же пришед нача воевати порубежная места. По том на стрече уби князя Семена стародубсково Крапиву в Холхве. По сем во Оболенце уби князя Констянтина Абаленсково, и доиде реки Тростны, и ту изби сто­рожевой полк, и уби ту Дмитрея Минина и Акинфа Шюбу и иных многих декабря 21. Нача же |л. 300| Ольгерд спрашивати изыманых: “Где князь великий?” Они же отвешаще: “Во граде своем в Москве, а рати к нему не успели собратися”. И пришед Ольгерд к Москве ста около града. Посад же преже их пожжен бысть примету ^ф) для, а князь великий Дмитрей и князь Володимер, и Алексей митропалит затворишася во граде. Стояв же Ольгерд у града 3 дни, отъиде прочь, не зделал граду ни­что же, но астаток ^х) посаду пожже, и монастыри, и церкви, и села пожже; а людей иссече, а иных в полон поведе, имение пограби, и много зла сотворив отьидошя в землю свою. Се же первое зло Москве от Литвы сотворися. Toe же зимы князь Володимер Андреевичь послан великим князем в Новград псковичем на помощь, и бысть там от збора до Петрова дни.

В лето 6877 майя 12 бысть пожар велик в Новего|л. 300 об.|роде: погоре город и детинец, и владычен двор, и святая Софея, и людей много погоре. Того же лета немцы приходиша ратью великою под город Избореск. Новгородцы же поидошя на них. Пришедшим же им во Псков, и слышавше немцы, бежаша от Избореска. Того же лета шед немцы взя у литвы город Ковен. Преставися князь Лев смоленский. Князь Борис Костянтиновичь постави на Городце церковь соборную ар­хангела Михаила. Князь великий Дмитрей заложи град Переславль, того же лета и срублен бысть.

В лето 6878 Мамай посади у себя на царство другаго царя Маманта Салтана ^ц). Князь вели­кий Дмитрей посылал воевати город Брянеск. Toe же осени послал князь великий воевати около Твери села и волости. И собрав воя многи, поиде сам ратью ко Твери, и взя град Зуб|л. 301|цов, 2-й Микулин, и волости повоева и пожже, и людей много в полон поведе. Слышяв то князь Михаил в Литве, и зжалися зело, и поиде в Орду ^ч)-ш) Мамаеву, [и] испроси себе посол у царя, и взем яр­лык на великое княжение, и поиде в Русь. Слышав же се князь велики Дмитрей, разосла заставы на все пути изымати его, и много гоняв не постигошя. Он же бежа апять в Литву. Toe же осени по многи ночи бысть знамение на небеси. О втором походе Ольгердове к Москве. Князь же Ми­хаил прибеге в Литву и жаловася зятю своему. Князь же Ольгерд послушав ево, иде в другие к Москве со многою силою, с ним же брат его и вси князи литовстии, и Святослав смоленский, и князь Михаиле И пришед декабря 6 ста около Москвы. А князь велики затворися во граде, |л. 301 об.| а Олексей митрополит в то время бе в Нижнем, а князь Володимер собрався с силою стояше в Перемышле. Ту же приде к нему князь Володимер Дмитреевич пронской. Слышав ^щ) же то Ольгерд убояся и нача мира просити. Князь великий же взя с ним мир до Петрова дни, Ольгерд же восхоте вечново миру, и смирився поиде в свою землю. А стоя у Москвы 8 дней. Toe же зимы князь Михайло тверский поиде в Орду ^ъ).

В лето 6879 выиде из Орды князь Михайло тверский на княженье, и князь великий Дми­трей не сступи ему, но поиде сам в Орду. Князь Михайло же поиде к Володимерю, хотя сести там, и не прияше его. А с великим князем поиде в Орду князь Андрей ростовской. Алексей же митрополит проводе великаго князя до Оки и благосло|л. 302|вив его отпусти. Князь Михайло же, собрав воя, поиде х Костроме, и не дошед возвратися, и взя град Мологу, Углеч, Бежецкой Верх. Того же лета приде из Ерусалима митрополит Герман на Русь милостины ради. Того же лета ушкунцы разбойницы Новаграда пришед взяша Кострому. Того же лета ^ы) бысть знамение в солнце: яко гвозди по нем черны и мгла велика. Тогда же бысть не видети было перед собою за 2 сажени ^ь) человека в лице; птице же по воздуху не видети летати, но падаху на землю. Лето бо бе то сухо, жита посохли. Поставлена церковь каменна в Новеграде в ^э) Нижнем ^э) святаго Николы на Бечеве. Ездиша на съезд бояря новгороцкии, посадники, и докончаша мир с немцы под Новом городом немецким. Того ^ю) же лета поставиша в Русе церковь каменну Николу ^ю). Погоре город Торжек.

_________

^ф) В рукописи приметы.

^х) Так в рукописи.

^ц) В рукописи Слатана.

^ч)-ш) В рукописи роду.

^щ) В рукописи слыжав.

^ъ) Первоначально написано роду, затем исправлено.

^ы) Далее написано взяша, затем зачеркнуто киноварью.

^ь) В рукописи саженини.

^э-э) Написано над строкой.

^ю-ю) Написано на нижнем поле в киноварной рамке.

-118-

Князь велики же Дмитрей приде из Орды, укрепив под со|л. 302 об.|бою княженье. Выведе же с собою из Орды князя Михайлова сына тверсково князя Ивана, окупил ево, дал за нево 30 000 рублев сребра. И приведе ево к Москве, посади на митрополье дворе. О побоище на Скорнищеве. Дек[абря] 25 ве­ликий князь посла рать на князя Ольга резансково с воеводою [с] ^я) [к]нязем ^я) з Дмитреем Ми­хайловичем Волынским. Князь же Олег с вой своими изыде противу их. И бысть брань люта и сеча зла, и поможе бог воем великаго князя Дмитрея. Резанцы же побегоша, мнози же избиени, а иныи изыманы, а князь Олег едва утече в мале дружине. Князь великий Дмитрей посади на Резанском княженье князя Володимера пронсково. Декабря 30 родися великому князю Дмитрею Ивановичю сын Василей. Женися князь Володимер Андреевичь, |л. 303| у великаго князь Ольгерда литовсково на дщери на Елене.

В лето 6880 князь Олег резанской, собрав воя, приде изгоном на Рязань и согна Володи­мера, а сам седе на княженье. Того же лета в Нижнем у Спаса колокол большой сам о себе по­звони, 3-жды удари. Князь Борис Костянтиновичь постави себе город на реце на Суре, именем Курмыш. Месяца августа в 15 бысть чюдо на Москве у гроба чюдотворца Петра: некий отрок, имея руку к переем прикорчившуся и нему сущу, егда же Алексей митрополит кончавше литоргею, и проглагола отрок, и простреся рука его; бе отрок той 7 лет. Видевше же то вси людие прославиша бога и святителя Петра чюдотворца.

В лето 6881 по велице дни князь Михайло тверский подвел рать литовскую втаи, многих литовских князей, под |л. 303 об.| город Переславль, в среду на Фоминой неделе, как обедню отпевают и пожже около града посады, града же не взя, а бояр и людей много полониша, именье поимавше, отъидошя. А сам князь Михаил с своею ратью в то время шед пограби град Дмитров, посад пожже, а бояр и людей з женами и з детьми во Тверь сведе, а з города окуп взя. И оттоле совокупися с ратью литовскою, и иде х Кашину, и сотвори ему так же, что и Дмитрову и Переславлю сотвориша то же. И приневоли князь Михайло брата своево князя Михаила Васильевича кашинсково во всю свою волю. И оттоля разыдошяся кождо восвояси. А инии князи литовстии идошя мимо Тфери много зла сотвориша християном. Того же лета новгородцы приехав в Торжек ставити град, съединившеся с новоторжцы |л. 304| и укрепився крестным целованьем, и сослаша намесников князь Михайловых с Торжку, а тверич всех, тут кои были, побита, а лодьи с таваром взяша. И слышав то князь Михаил, и совокупив силу, пришед к Торжку майя 31, и послаша послов к новгородцем: “Выдайте ми тех, кто моих побил”. И жда от них мира долго. И бысть меж ими раздор, и не хотяше покоритися, и посла послы свои с ответы с высокоумия, и ополчишася на бой битися со тверичи. И бысть им сеча зла на поле, и одоле князь Михайло, а новоторжцы побеждени быша. Одни побегошя к Новуграду, а инии мнози побиении, а иних поведоша во Тверь, а град весь без остатку пожгошя. И бысть пагуба ведия християном: овии во дворех над животом згореша, а инии в церкве задохшеся, |л. 304 об.| а инии от огню бежаша и в реце Тферцы истопишася. А жен и дев одираху и до последних срачиц, сего же и погании не творят, и те истопишася срама ради, и чернцов и черниц нагих пускашя. Бе же многое множество мертвых и наметашя 5 скудельниц. Князь же Михаил сотворив сие великое зло Торжку, и много таваров взя, и корысть велику приобрел, и полон взем, отъиде ко Твери. Того же лета князь Ольгерд литовский, собрав вой многи, а князь Михаил тверский со тверичи с ним же в думе, и поидошя ратью к Москве, и совокупишася оба июня 12. Слышав же се князь великий Дмитрей Ивановичь, собрав силу многу, и поиде с Москвы ратью противу их, и сретошяся близ града Люботска. И перво изгониша |л. 305| москвичи сторожевой полк литовской и биша их, а сам князь великий бежа за враг. И стояше обе рати вооружася, а промеж их враг крут и глубок зело, и стояше тут много дней, и вземше мир меж собою разыдошеся разно.

В лето 6882 в неделю зборную преосвещенный Алексей митрополит постави епископом Суз­далю Деонисья, архиморита Печерскаго монастыря, избрав его мужа разумна и тиха, и смиренна. Того же лета избиша в Нижнем послов Мамаевых, а с ними 1000 татар, а старейшина у них был именем Сараик ^а). Того же лета идоша на низ Вяткою ушконцы разбойницы, 90 ушкуев, и пограбиша Вятку и шед взя Болгары, и даша им откупа 300 рублев. И оттуду разделишася надвое: полови|л. 305 об.|на идошя вниз ^б) по Волге к Сараю, а другая - вверх по Волге, и дошед Обухова пограби

_________

^я-я) Написано на левом поле в киноварной рамке со знаком, вставки.

^а) В рукописи Сараикус.

^б) Написано над строкой.

-119-

все Засурье ^в), и перешед за Волгу суды ^г) исьсекошя, а сами идошя на конях к Вятке. Того же лета князь Володимер Андреевичь заложи град Серпухов дубовой, и приказа в нем намесничество окольничему своему Якову Юрьевичю новасильцу. И помысли благоверной князь Владимер в сердце воздвигнута храм на Высоком, и монастырь тут устроити. И посла со многою мольбою преподобнаго игумена Сергия, еже есть в Радонеже, дабы пришел и благословил место, где храм воздвигнути. Преподобный же, видев веру княжюю и любовь еже к богу, ни мало ослушася, иде со тщанием |л. 306| в Серпухов, и сглядав место подобно на строенье, и сотворив молитву, положи основание церкви своима руками во имя святыя Богородица. Князь же моли преподобнаго да дасть единаго от ученик на игуменство на Высокое. Преподобный же сотворив по прошенью его, дасть от ученик своих именем Афонасия, искусна и разумна. И паки он чюдный старец Серьгей, благо­словив князя, отъиде во обитель свою. Молитвами же преподобнага отца нашего Сергия на том месте церковь создана и монастырь согражен, и братии совокоплено, еже и до сего дни монастырь в Серпухове на Высоком. Того же лета сентября 17 преставися на Москве последней тысячский Василей Васильевичь, сын Протасьевича, в чернцах и в схиме, положен у Богоявления. |л. 306 об.| Ноября 26 родися великому князю Дмитрею Ивановичю сын Юрьи в Переславле, крести же его преподобный игумен Сергей.

В лето 6883 князь Дмитрей Костянтиновичь повеле татар Мамаевых развести разно, Сараику и дружину его, он же окаянный бежа на владычен двор, и зажег двор, нача стреляти з дружи­ною своею. Мало же тогда и владыки Деонисья не застрелиша, бе бо он в то время в Новеграде на своем дворе, пришед бо стрела коснуся перием ^д) мандии его, а его не вреди. Се жь сотвори поганый, да не един бы умер; и убиени бысть ту вси беззаконнии, ни един не избысть. Того же лета пришед татарове из Мамаевы Орды и взяша Кышь, и огнем пожгошя, и убиша боярина Парфенья Федоровича, |л. 307| имение все пограбиша, людей же изсекоша, а иных плениша.

О брани, иже под Тверью. Прибеже с Москвы под Тверь ко князю Михаилу Иван Василье­вичь, сын тысецкого, да Некомат сурожянин со многою лжею на християнскую пагубу. Князь же Михайло посла их в Орду сее весны на Федоровой неделе, а сам иде в Литву, и пребыв там мало, приде во Тверь. Янекомат приде из Орды июня 14, а с ним посол Ачи-Хожя от Мамая с ярлыки х князь Михаилу на великое княженье. Он же има веры бесерменской и льсти, ни мало не по­ждав того же дни посла к великому князю Дмитрею на Москву сложити крестное целованье, а в Торжек посла намесники свои, а на Углеч рать отпусти. Того же месяца 27 во Твери |л. 307 об.| в церкве у Покрова перед иконою пречистые Богородица свеча загореся сама, а в 29 день знамение бысть в солнце. О походе ко Твери. Князь же великий Дмитрей Ивановичь видев се, яко князь Михайло тверский сложи к нему крестное целованье, и розосла грамоты во все княжение свое и к братье своей, и повеле всем людем к себе вборзе быти, а сам иде ко Твери. Пришедшу же ему на Волок и ту приде к нему вси князи рустии, кождо с своею силою. И поиде с Волока июля 29, а с ним тесть его князь Дмитрей Костянтиновичь суздалской, князь Володимер Андреевичь, князь Борис Костянтиновичь, князь Семен Дмитреевичь, князь Андрей Федоровичь ростовский, князь Василей Костянтиновичь, князь Александр Кос|л. 308|тянтиновичь, князь Иван Васильевичь смоленской, князь Василей Васильевичь ярославской, князь Роман Васильевичь, князь Федор Романовичь белозерской, князь Василей Михайловичь кашинской, князь Андрей Федоровичь стародубской, князь Роман Михайловичь добрянской, князь Роман Семеновичь новасилской, князь Семен Костянтиновичь оболенской, брат его князь Иван торуский, и вси князи рустии, коиж[д]е своим полком. И нача воевати волости тверские с порубежных мест, и тяжко плениша, и взяша град Микулин, и разграбиша весь, августа 1. Приде же князь великий Дмитрей Ивановичь со всеми силами ко Твери августа в 5, и сташа около всего города кругом, и острогом огородиша. А нов|л. 308 об.|городцы со многою силою приде ко Твери же повелением великаго князя, и скрежетаху зубы на тверичь за свою обиду прежнюю. И повеле князь великий устроити чрез Волгу 2 моста великие, еже и бысть вскоре. А князь Михайло Александровичь затворися во граде своем во Твери. Стоя­щим же ратем 3 дни, а на 4-й день в среду августа 8 ^е) приступиша рати все к городу, и туры прикатиша и примет приметаша около всего града, и поидошя бьющеся к Тмацким воротом, мост ^ё) же и стрельницею зазгоша. Во граде же скорбь бысть велика, князи же и вси сущий во граде сотвориша молитву и пост со злезами, и милостью божию и пречистые богородицы огонь угасиша, и туры

_________

^в) В рукописи Зарусье.

^г) Слово исправлено из первоначально написанного пог.

^д) В рукописи персем.

^е) В рукописи 2; исправлено по Воскресенской летописи (ПСРЛ, т. VIII, с. 22).

^ё) В рукописи мыт.

-120-

посекоша, и убиша ту Семена Ива|л. 309|новича добрынского. Бившеся же ратнии чрез день, и едва к вечеру отступиша, тако же и на 2-й день оступиша град от Волги, и по многи дни стояху у града и бияхуся. [Стоя] князь великий со всеми ратьми целой месяц, и учиниша волости и села тверския пусты все, а городки поимаше: Зубцов, Белегородок, и именье разграбиша, а людей в полон разведоша. Мнози же тверичи от находящей рати язвени быша, а инии мнози оружием падоша. А князь Михайло того для не бьяше челом великому князю, ждаше бо себе помочи от литвы, обещася ему Ольгерд многу силу послати. И послаша к нему, и егда пришед литва близ Твери, и слышаща великого князя Дмитрея стояше со многою силою под Тверью и убоявся литва, побегошя |л. 309 об.| назад. Видев же князь Михайло, яко не бысть ему помощи от литвы, яко пророк глаголаше: “Добро есть надеятися на господа, нежели на человека”. И виде град свой изнемогающ, и здумав, посла владыку Еуфимия и старейших бояр своих к великому князю Дмитрею Ивано­вичю с покореньем и с челобитьем, прося мира и даяся во всю волю его. Видев же князь вели­кий Дмитрей покоренье его и челобитье, и не восхоте видети разоренья града и кровопролития християном, и взя мир со князем Михаилом Александровичем на всей своей воле, и грамоты по­писав, отъиде прочь от града.

О костромском взятии и о Прокофьеве кончине. Того же лета, егда бе князь великий под Тверью и в |л. 310| то время из Великаго Новаграда идошя разбойницы, 70 ушкуев, воевода же бе у них Прокофей, 2-й смольнянин. И приидошя х Костроме, гражане же изыдоша против их на бой, а воевода у них Плещей. Видевше же новгородцы, яко много костромич, бе бо их боле 5000, а их только 2С00, и разделившеся новгородцы надвое: едину половину пустиша лесом втаи, и обыдошя около по междеельнику, и удариша на костромич в тыл, а друзии в лице к ним. Воевода же Плещей убояся и покиня рать свою и град, побеже. Видев же костромичи, яко воевода их побежа и не бившеся, но вси побегошя по лесом. Мнози же тут побиени быша, а иних имающе и везающе. Ко граду жь пришедша и виде его никем не брегома |л. 310 об.| и вшед в него, разграби вся, елика беша в нем. И стояше в нем неделю и обретошя вся сокровенная и всяк товар изнесошя на среду, и что лутчее и лехчее, то поимашя, а что тяжкое, то в Волгу меташе, а иное пожгошя. И множество народа поплениша: мужей и жен, отрок и девиц. И оттоле идошя к Новуграду Ниж­нему, и там много же зла сотвориша, християн и бесермян изсекошя, а иных в полон поведоша, а товар пограбиша. И поидошя на низ и повернушя в Каму, и там много по Каме пограбиша, и потом внидошя апять в Волгу, и дошедше Болгар, и ту полон християнский весь попродашя, и поидоша на низ к Сараю, бесермян избивающе гостей, а товар их емлюше, а християн |л. 311| погра­биша. И дошедше устия Волжеского близ моря да града Хазитороканя, и тамо избих их лестию князь хазтороканский, именем Салчей. И тако вси избиени быша без милости, ни един не избысть, а именье у них все взяша, и тако погибоша те злыи разбойницы, яко же рече Христос: “В ню же меру мерите, возмерится вам”. Того же лета побита в Новеграде стригольников еретиков, диякона Никиту да Карпа простца и третьево человека с ними, свергошя их с мосту, развратников святыя веры Христовы.

В лето 6884 в Новеграде в Великом ^ж) река Волхов [идяше] 7 дней на вспять, по третье же [лето] уже так идяше. Того же лета приде митрополит Марко от Богородицы из Си|л. 311 об.|найской горы на Русь милостины ради. В то же лето приде из Ерусалима архиморит Нифонт из монастыря Архангельсково для милостыны же, и паки собрав отъиде, и ста тем на потриаршество Ерусалимское. Того же лета новгороцкий архиепископ Алексей соиде со владычества на Деревеницю, и печальни бышя новгородцы, послашя о том к митрополиту Алексею Саву архиморита з бояры. Митрополит же посла с ними благословение к архиепископу ^з), веля ему итти на степень свои. При­шедшим же им в Новград и новгородцы созвониша вече, и собрашася на Ярославль двор, и послаша с челобитьем ко владыце намесника великаго князя Ивана Прокшича ^и) и посадника |л. 312| Юрья, и тысецково Олисея ^й), и инех многих. Владыка же по благословению преосвещеннаго Алексея митрополита прият челобитье их, и приде на свою архиепископью, и ради бышя новгородцы. И того же лета поиде архиепископ на Москву к митрополиту, а с ним архиморит и посадники новгороцкий многие. И приде на Москву августа 13, и прият его Алексей митрополит с любовию и с веселием духовным, и пребысть на Москве 2 недели, и паки отпусти его Алексей митро­полит в Новград, много поучив о пользе духовной. А князь великий Дмитрей и брат его князь

_________

^ж) В рукописи Нижнем.

^з) В рукописи орхиепископу.

^и) В рукописи Прокшина.

^й) В рукописи Алексея.

-121-

Владимер многу честь воздашя ему и дары многи. Того же лета посылал князь великий Дмитрей Ива|л. 312 об.|новичь князя Дмитрея Волынского ратью на безбожных болгар, а князь Дмитрей Костянтиновичь суждальской посла сыны своя Василья да Ивана, а с ними бояр своих и вой многи. И приидоша в Болгары марта 16. Погании же изыдоша против их, и стагаа на бой и нача стреляти, а инии з града гром пущаху, страшаще полки руския, а инии из самострелов стреляху, а друзии на верблюдах выежжаше, полошающе кони руския. Они же никако сего не страшахуся, но крепко сташа на бой. Окаяннии же болгары побегоша во град свой, и погониша русь по них, и убиша ту бесермян 70. Князи же болгарский Асан и Махмат |л. 313| Салтан добиста челом великому князю и тестю его князю Дмитрею Костянтиновичю 2000 рублями, а ратем их 3000 рублями, а дарагу и таможника великаго князя посадиша в Болгарех и отъидошя прочь, многа зла сотворивше поганым, суды их и села, и зимницы пожгошя, а людей изсекошя. Того же лета поставлен бысть в Цареграде Кипреян митрополит. И пришед в Литву посла в Новгород послы своя ко владыце и патриарши грамоты, глаголя: “Благословил мя вселенский патриярх Филофей на Киев и на всю Рускую землю митрополитом”. Слышав же се владыка новгороцкий и посла к нему ответ, глаголя: “Пошли на Москву к великому князю, и аще тя |л. 313 об.| примет митрополитом на Русь, то и мы примем”. Митрополит же слышяв ответ новгороцкий и не послашя к великому князю на Москву.

О смерти Олгердове. В лета 6885-го умре ^к) великий князь Ольгерд литовский, зловерный, безбожный, нечестивый, а по нем седе сын его Ягайло на княженье, а сынов у него бе всех 12: от первые жены 5, ат другия тверянки, от сестры княж Михайловы, 7. Се же имена их: Андрей, Дмитрей, Костянтин, Володимер, Феодор, Корибут, Скиригайло, Якгайло, Коригайло, Лугвен ^л), Швитригайло ^м), Минигайло ^н). Всем сим городы и княженья разделил есть, а умирая при­казал старейшинство |л. 314| сыну своему Ягайлу, его же бо возлюбил паче всех сынов и княженье великое ему же дал. Toe же весны апреля 23 бысть знамение: оградися луна и бысть от нее луча, аки крест.

О побоище, иже на Пиане. Того же лета перебеже из Синие Орды за Волгу царевич, именем Арапша, и восхоте итти к Нижнему ратью. Князь же Дмитрей Костянтиновичь посла весть к зятю своему к великому князю на Москву. И князь великий приде к Нижнему в силе тяжце, и не бысть вести про царевича Арапшу, и возвратися князь великий на Москву, и посла противу татар рати свои ^о), володимерскую, переславскую, юрьевскую, муромскую, ярославскую. А князь Дмитрей Костянтиновичь посла сына своего |л. 314 об.| князя Ивана да князя Семена Михайловича, а с ними рати свои ^о), и бысть множество ратных. И поидошя за Пьяну реку и приде к ним весть, яко царе­вич Арапша на Волчьей Воде. Они же оплошишася и не в бреженье хожаху, доспехи своя вкладше на телеги и в сумы, а у иных и сулицы еще не насажены беху, и щиты ^п) и копья не приготовлены, а ездяху и порты с плеч спускавше, а мед пияху допьяна, и ловы деюще, потеху себе творяще. А в то время погании князи мордовстии подведоша рать татарскую втаю из Мамаевой Орды на князей руских, им же про то вести не бывало. Дошедшим же им Пара, и ту |л. 315| абие погании вборзе разделишася на 5 полков и внезапу из невести ^р) удари на них в тыл, бьюще руских и секуще. Они же не успеша ничто же сотворити, побегошя ко Пьяне реце. Татарове же биша их в сугон, и ту убиша князя Семена Михайловича и множество бояр. А князь Иван Дмитреевичь прибеже воторопе к реце, гоним напрасно, и ввержеся на коне в реку и утопе, и с ним утопе бояр и вой множество, а инии мнози избиени бышя. Сия же злоба бысть августа 2, в неделю. И одолевше татарове християн, и сташа на костех, и оставиша ту полон весь и грабеж, и поидошя изгоном к Нижнему. Князю же Дмитрею Костянтиновичю |л. 315 об.| не бысть силы стати ^с) противу им на бой, и беже в Суздаль, а людие гражане разбегошася в судех по Волзе к Городцу ^т). Татарове же пригонивше к городу августа 5 остатошных людей избиша, а град весь, церкви и монастыри пожгошя. И отъидошя прочь окаяннии от города в пяток, и начаша волости новгороцкий и села воевати и жещи, и много людей посекоша нижегороцких, отъидошя, а жен и детей в полон поведошя. Того же месяца приде князь Василей Дмитреевичь из Суздаля в Нижней Новгород, и послав повеле вынять брата своево князя Ивана из реки из Пьяны, и привезоша его в Нижней Новгород и положиша в церкви каменной у Спаса в притворе на правой старане августа 23. |л. 316| Того же лета царевич Арапша пришед пограби Засурье ^у) все и пожже. Того же лета мордва собравшеся и при-

_________

^к) В рукописи омре.

^л) В рукописи Луквен.

^м) В рукописи Твитригайло.

^н) В рукописи а Минихайло.

^о) В рукописи своеи.

^п) В рукописи сшиты.

^р) В рукописи навесть.

^с) Далее им.

^т) В рукописи городку.

^у) В рукописи Зарусье.

-122-

шед без вести удариша на уезд Нижегороцкой, и множество людей посекошя и полониша, и останошные села пожгошя, поидошя прочь. Князь же Борис Костянтиновичь погониша за ними во мнозе и постигошя их у реки Пьяны. Они же окаянный побегошя за реку, а который не успели, тех избиша, а инии вметаюшеся в реку истопошя. Toe же зимы посылал князь Дмитрей Костян­тиновичь брата своего князя Бориса и сына своево князя Семена ратыо воевати поганую мордву, а князь великий Дмитрей Иванович посла свою рать с ними же, а воеводу посла Федора Андре|л. 316 об.|евича Свибло. И шедше ани взяша всю землю Мордовскую: села и погосты, и зимницы пограбиша и пожгошя, а самих изсекошя, а жен и детей полониша. Всю бо землю их пусту сотвориша, и множество мордвы, лучших людей приведоша в Нижней и многими казньми разными казниша их и на леду волочаше их по Волзе, псы тровяще.

О преставлении Алексея митрополита. Toe же зимы февраля 12, в пяток, в заутреню ^ф) преставися пресвещенный Алексей, митрополит всеа Руси, в старости чесне и глубоце, в митрополитех был 24 лета, и положен бысть на Москве в созданней от него церкве в орхангиле Михаиле, Чюдо его, еже есть |л. 317| в Хонех, в общем монастыри. Сей убо иже во святых отец наш Алексей митро­полит бе родом от славных и нарочитых боляр черниговских ^х). Преселшуся отцу его, именем Феодору, и з женою своею Мариею и со всем домом в славной и преименитой град Москву, ту же де и родиша сего свещеннаго отрока. Тогда же великое княжение обдержащу князю Михаилу Ярославичю тферскому, при митрополите Максиме, до убиения Акинфова, старее князя Семена 17 лет. Крести же его князь Иван Даниловичь, еще сый не в великом княжени[и], нареченно же бысть имя его во святом крещени Семиона. И еще во младенстве сы[й] изучися грамоте, из |л. 317 об.| млада бога возлюби, и оставль родителя своя и все имение и шед во един от манастырей у Бого­явление постризаетца сый 20-ти лет. И сей ^ц) Алексей митрополит приименование в мнишеством ^ч) чину приемлет и добре подвижеся ^ч) на добродетель и все иночское житие изсправи. Пребысть же в чернечестве до 40 лет, и добродетельнаго жития его славим бе от всех и любим многими зело, паче же и сам князь великий Семен Ивановичь и митрополит Феогнаст зело возлюбиша его. И за многую его добродетель избран бысть Феогнастом митрополитом и нуждею возведен на намесничество, да рассужает |л. 318| церковныя люди по святым правилом вправду и хотяше его по себе наслед­ником быти Рустей митрополии. По том же паки пресвященный митрополит Феогнаст и еписко­пом поставляет его своими руками граду Владимерю декабря 6. И посылают о нем князь великий Семен и митрополит Феогнаст послы своя во Царьград ко царю и патриарху, просяще того Алексею по Фегностове животе митрополитом на Рускую землю, и абие царь и патриарх сотворяют волю их. Пребывшу же Алексею в епискупью толико 3 месяцы, или мало боле, и абие пресве­щенный митрополит Феогнаст |л. 318 об.| отходит жития сего месяца марта в 11 день. Того же лета апреля 26 преставися князь великий Семион.

В лето 6886 приидоша же тогда и поели они, иже ^ш) преже послании во Царьград великим князем Семеном и митрополитом Феогнастом, и принесоша владыце Алексею грамоты царевы и патриарши, веляше итти ему во Царьгород ставитися на митрополию. И тогда отпущает его благоверный князь Иван Ивановичь во Царьгород ставитися на митрополию, а сам князь в Орду отходит ко царю, яко же есть обычай взяти великое княжение по брате своем. Святитель же божий епископ Алексей |л. 319| отходит ко Царюграду, и божиим поспешением в малых днех путное шествие приходит: елико по суху без пакости прииде и елико по водам без беды морскую пучину преплавая, и тако вскоре достизает Царьграда. Тогда же тамо и митрополитом поставляетца на Русь рукама божия святителя архиепископа Констянтинаграда, новаго Рима, вселенскаго патриарха Филофея и еже о нем священнаго собора, и немного по поставлении пребысть, отпу­щен бывает от Царяграда благословением патриарха Филофея и всечестнаго его собора. И незамедлено на свою приходит митрополию на Рускую землю, и тогда приемлем ^щ) бывает честно от великого князя Ивана Ивановича |л. 319 об.| и от всех князей руских, и от епископ, и от всего священичскаго чину, и от всея Руския земля, и возводим бывает на великий степень святейшия митро­полия руская. И пребысть во святительстве и во учительстве лета довольна, уча славу божию и по благочестии побарая, правя слово истинная православный веры, поставляя епископы и ерея, и дьяконы. Бяху же епископи ставления его: Игнатий, епископ ростовский, Василей рязан-

_________

^ф) В рукописи завтреню.

^х) В рукописи черниковских.

^ц) Написано над строкой.

^ч-ч) Строка от­мечена знаком +.

^ш) В рукописи ижь.

^щ) В рукописи приемлет.

-123-

ский, Феофилакт смоленский, Иван сарайский, Парфеней смоленский, Филимон коломенский, Петр ростовский, Феодор тверский, Нафанаил д[о]брянский, Афонасей рязанский, Алексей суждальский, Алексей Великого Нова|л. 320|города, Василей тверский, Данило суждальский, Матфей сарайский, Арсеней ростовский, Еуфимей тверский, Дионисей суждальский, Герасим коломен­ский. Сей суть епископи ставленья его. Постави же на Москве и церковь камену во имя святого архангила Михаила, чеснаго егоЧюдеси ^ъ), юже украси иконами и книгами, и сосуды священными и, просто рещи, всякими узорочьи церковными. И устрой ту общий монастырь, и постави в нем трапезу велию каменну и погреб каменны, еже е[сть] и доныне. Многа же и села, и люди, и езера, и нивы, и пажити подава монастырю тому, еже довлеет на потребу братьи, то все подава ему, не токмо же предреченная |л. 320 об.| даяния и благодеянье, но и себе преставлыпася ту повеле положити, иде же и ныне лежит чесное его тело, цело же и нетленно, всеми видимо же, изцеления много и различна подавая безпрестанно всем приходящим с верою. Взяв же себе таковый монастырь за 12 лет до преставления своего. И паче по том и по мнозех его добродетелех, и по мнозех его изправлениих, и в старости чесне и глубоце и седине чесне, яко же рече Великий Василей: “Честна седина постом украшена”, добре упасе порученное ему стадо и добре подержав церков­ная исправления, 20-ти бо лет мнишеский приим образ, а 40 лет во иноче|л. 321|стве пребысть, во святительстве же 24 лета пребысть. По сем же, егда приспе ему конец жития сего, призывает сына своего великого князя Дмитрея Ивановича, и дает ему мир и благословение и конечное целова­ние, и заповеда ему не положити себе во церкви, но вне церкви за олтарем назнамена место, и тако в руце богови дух свой предасть месяца февраля 12. Бысть ^ы) же всех лет от рожения его до преставления 80 и 5. Князь же великий Дмитрей никако же того сотворити не восхоте, еже таковаго святителя вне церкви за олтарем положити, яко же он заповеда конечнаго ради смире­ния своего, но повеле положити его в созданней ему |л. 321 об.| церкви, близ святого олтаря, на десной стране в храме Благовещенья святыя богородица. И тако пеша над ним обычныя песни епископи ^ь) и архимандриты, и вси свещенницы. Бе же на погребение его великий князь Дмитрей и князь Володимер Андреевичь и сынове великого князя, князь Василей сый еще 6 лет, а князь Юрьи 3-ю лет, и вси бояре их, и вельможи, и все множество христоименитых людей и московскаго на­рода. И тако опрятавше честное тело его, и положиша во гробе со многою честию со псалмы и с песнми, и со свещами и кандилы, и тако проводивше его, разыдошася.

О Митяи архимандрите. По преставлении иже во святых |л. 322| отца нашего Алексея митрополита всеа Руси взыде на степень его некоторой архимандрит именем Михаил, нарица[е]мый Митяй. Здея же незнаемо некако и странно. Облечеся в сан митрополичь, возложи на ся белый кло­бук, и манатию со источники и скрыжальми, и перемонатку митрополичю и посох и, просто рещи, [в] весь сан митрополичь сам ся постави. [Преже ^э) бо сего князь великий Дмитрей Ивановичь ^э)] просил того у Алексея митрополита, дабы благословил прежереченнаго Митяя по своем животе на митрополию. Он же не хотяше того сотворити, понеже новоуку ему ^ю) сущу ^ю) в чернечестве, яко же апостол глаголет: “Подобает епископу непорочну быти и не новоуку, да не развеличався в сеть впадет |л. 322 об.| дияволю”. Князь же великий много о сем нуждаше митрополита, овогда сам приходя, овогда же бояр старейших посылая к нему, дабы сотворил волю его, благосло­вил бы Митяя на митрополию. Алексей жь митрополит, умолен быв и принужен, и ни тако посули быти прошению его, но известуя святительский ^я) старче ^я), паче же пророческий, рече: “Аз недо­волен благословити его, но оже дасть ему бог и святая богородица и пресвещенны[й] патриарх и вселенский собор”. И бысть на нем зазор от всех человек и мнози негодоваху о сем и свещенницы неключимоваху о нем, понеже еще не |л. 323|. . . Зри ^а): Тут пропали 2 тетрати о Мамаеве побоище - 41-я да 42-я, написать вновь, справяся с книгою ^а). |л. 324|

. . .что идут на него вся царьства творящая беззакония, а похваляющеся, ркуще, что их рука высока есть. Велики же князь Дмитрей Ивановичь иде к соборной церкви и ко пречистей матери божий, ко святей церкви, пролья слезы и рече: “Господи, ты всемощный и всесилный и крепкий во бранех, во истину еси царь славы, сотворивый небо и землю, помилуй ны, пречистыя ти

_________

^ъ) В рукописи чюдеся.

^ы) В рукописи бясть.

^ь) В рукописи ипископи.

^э-э)> В рукописи пропущено. Восстановлено по Московскому своду конца XV в. (ПСРЛ, т. XXV, с. 196).

^ю-ю) Написано над стро­кой.

^я-я) Так в рукописи; в Воскресенской летописи святительски и старчески (ПСРЛ, т. VIII, с. 29).

^а-а) Написано на чистом листе в киноварной рамке. Далее л. 323 об. и лл. III-XVII, пронумерованные сверху, оставлены незаполненными.

-124-

ради матери молитвами, не остави нас, егда унываем. Ты бо еси бог наш и мы, людие твои, поели руку твою, слыше, [посрами ^б) враги наша ^б)] и помилуй ны, и оружие их притупи ^в). Силен еси, господи, и кто противится тебе? Помяни, господи, милость свою, юже от века имаши на роде християнстем. О много|л. 324 об.|именитая госпоже, царице небесных чинов, присно всея вселенныя и всего живота человеческаго кормительнице! Воздвигни, госпоже, руце свои пречистая, има же носила еси бога воплощенна, не презри християн сих и избави нас от сыроядец сих, помилуй”. Воста от молитвы, изыде из церкве, посла по брата своего по князя Володимера Андреевича и по всех князей руских, и по великия воеводы, и рече князь великий брату своему князю Володимеру Андреевичю и ко всем князем руским: “Пойдем противу сего окаяннаго и безбожнаго, и нечестиваго, и темнаго сыроядца Мамая за правоверную веру християньскую и за святыя |л. 325| церкви, и за вся християны. И взем с собою скипетр царя небеснаго, непобедимую ^г) победу, восприим Аврамлю доблесть, и нарек бога, и рече: “Господи, в помощь мою вонми бе, на помощь мою потщися, да постыдятца и посрамятца и познают, яко имя тебе господь, [яко] ты един вышний по всей земли”. И совокупився со всеми князьми рускими и со всею силою и поиде противу их вборзе с Москвы хотя оборонити своей отчины. И приде на стан, на место Угрешю, где ныне монастырь стоит, и тут ему явися Никола и хваля его совет и хожение на безбожново Мамая, и с того времени ста монастырь на Угреше. И приде на Коломну, и собра |л. 325 об.| вой своих 100 тысящ и сто, опроче князей руских и воевод местных, яко же при сем великом князем Дмитрее Ивановиче бяше всее силы и всех ратей числом с полтораста тысящ или 200 000. Еще к тому приспеша вотчин розных изда­леча велицы князи Ольгердовичи, князь Андрей Ольгердовичь полотский со псковичи и брат его князь Дмитрей Ольгердович дьбрянский со всею брянскою силою, приехаша поклонитися и послужити великому князю Дмитрию Ивановичю. Мамай же ста за Доном, возбуявся и возгордевся и гневався, стоя три недели со всем своим царьством. И приде другая весть паки к великому князю |л. 326| Дмитрею Ивановичю; поведаша ему Мамая за Доном в поли стояща собравшеся, ждущи к себе на помощь князя литовскаго Ягайла с литвою, да егда зберутся вкупе и сотворят победу с одново. И нача Мамай слати к великому князю Дмитрею Ивановичю выхода просити, как было при Занибеке цари, а не по своему докончанию. Боголюбивый же князь великий Дми­трей Ивановичь не хотя кровопролития и хотя выход дати по християнской силе и по своему до­кончанию, как с ним кончал. Он же не восхоте, но высокомышляше, ожидаше своего нечестиваго советника литовскаго. |л. 326 об.| Олег же, отступник наш, приединився к зловерному и поганому Ма­маю и нечестивому Ягайлу, и нача выход ему даяти и силу свою к нему слати на великого князя Дмитрея Ивановича. Великий же князь Дмитрей Ивановичь уведав лесть лукаваго Олега, крово­пивца християнского, новаго Июду предателя, на .своего владыку бесится, великий же князь Дмитрей Иванович воздохнув из глубины сердца, рече: “Господи, советы неправедных разори, а начинающих рать погуби, не аз почах кровь пролияти християнскую, но он, окоянный Олег, Святополк новый. Воздай же ему, господи, седмьдесят седмерицею, яко во тьме ходят, забыв бла­годать |л. 327| твою. И поострит, яко молния меч мой, и примет суд рука моя, и воздам месть врагом моим и ненавидящим мя воздам, и упою стрелы моя от кровей ^д)-е) их, да не ркут невернии: “Где есть господь их или кто бог их? Отврати, господи, лице свое от них и покажи им, господи, вся злая напоследок, яко род развращенны есть, и несть веры в них твоея, господи. Пролей на ня гнев твой, и на языки нез[на]ющая тебе, господи, и имени твоего святого не призваша. Кто бог велий, яко бог наш? Ты еси бог един творяй чюдеса”. И кончав молитву, иде ко Пречистей и ко епископу Герасиму и рече ему: “Благослови мя, отче святый, противу окояннаго сего сыроядца Мамая и нечестиваго Ягайла, |л. 327 об.| и отступника нашего Ольга, отступившему света во тьме”. И святитель Герасим благослови великого князя Дмитрея Ивановича и вся воя его, и приде противу агарян. И поиде с Коломны великою ратью противу безбожных татар, месяца августа в 20 день, уповая на милосердие божие и на пречистую его матерь богородицу приснодеву Марию, и при­зывая на помочь честный крест Исус Христов. И прошед свою отчину великое княжение и ста у Оки, на усть Лопасны, переимая вести от поганых. И ту наеха его брат его князь Володимер Андреевич и воевода его Тимофей Васильевичь и вси вой остаточныя, что были оставлены |л. 328| на Москве, и нача возитися за реку за Оку за неделю до Семеня дни в день неделный, и переехаша

_________

^б-б) В рукописи пропущено. Восстановлено по Воскресенской летописи (ПСРЛ, т. VIII, с. 35).

^в) В руко­писи приступи.

^г) В рукописи непобедумою мою.

^д)-е) В рукописи кровен.

-125-

за реку и внидоша в землю Рязанскую. А сам великий князь Дмитрей Ивановичь в понедель­ник перебродися [с] своим двором, а на Москве остави воевод своих у великие княгини и у сынов своих Федора Андреевичя. Слышав же во граде на Москве и в Переславли, и в Володимери, и в Ростове, и на Костроме, и во всех градех великого князя и всех князей руских, что пошел князь великий за Оку реку, и бысть во граде на Москве и по всем городом туга велика и плач велик, и глас рыдания, и слышано бысть сиречь в ^ж) высоких: Рахиль плачющи[ся] чад |л. 328 об.| своих [с] рыданием и со воздыханием, не хотяше утешитися ^ж), занеже пошли с великим князем за всю землю Рускую на острыя копия. Да кто уже не плачется жен онех рыдания и горькаго их плача, зряще убо их, кояждо к себе глаголаше: “Увы нам, убогая наша чадца! Уне бы [нам было], дабы ся есте не родили; за сия злострастныя и горькия печали и вашего убивства не подъяли быхом, почто быхом повинни пагубе вашей?” И велики же князь Дмитрей Ивановичь прииде к реце Дону за два дни до рожества святыя богородица. Тогда же приспе грамота к великому князю от преподобнаго игумена Сергия, от святого благословление, в ней же писано благословление тако|л. 329|во, веля ему битися с татары: “Чтобы еси, господине, таки пошел, а поможет ти бог и троица”. Ве­лики же князь Дмитрей Ивановичь рече: “Сии на колесницах, а сии и на конех, мы же во имя господа бога нашего призовем, и победы дай ми, господи, на супостаты, и пособи ны оружьем крестным ниизложити враги наша и на тя уповающа побежаем, молящися прилежно пречистей ти матери”. И се изрек, нача полцы ставити, и устроишася во одежю местную, яко велицы ратницы и воеводы ополчиша свои полцы. И приидоша к Дону, и сташа ту, много думающе овин глаголаху: “Пойди, княже, за Дон”; а ови глаголаху: “Не ходи, занеже умножишася врази наша, не токмо татарове, но и литва и рязанцы”. |л. 329 об.| Мамай же, слышав приход великого князя Дмитрея Ивановича со всеми князьми рускими и со всею силою своею к реце Дону и сеченыя своя виде, и возьярнся зраком, и смутися умом, и разпалися лютою яростию, и наполнися, аки аспида не­кая гневом дышюще, и рече князем своим темным: “Двигнемся силою всею моею темною и станем у Дону противу князя Дмитрея Ивановича, доколе приспеет к нам советник наш Ягайло князь со всею силою своею литовскою”. Велики же [князь] Дмитрей Ивановичь слышав хвалу Мамаеву, и рече: “Господи, не повелел еси в чюжи предел переступати, аз же, господи, не преступих. Сий же приходяще, аки змий ^з) ко гнезду, окаанный Мамай, |л. 330| и нечестивы[й] сыроядец, на християнство дерзнул, кровь мою хотя пролияти, и всю землю осквернити, и церкви святыя разорити”. И рече: “Что великое сверепство Мамаеву? Аки некая ехидна прискающе, пришед от некия пустыня, пожрети ны хощет. Не предай же ми, господи, окаянному сему Мамаю. Покажи ми, господи, славу божества своего, владыко. Где ти аггельсти[и] лицы? Где ти херувимское предстояние? Где серафимское шестокрыльное служение? Тебе трепещют вся твари, тебе поклоняютца небесныя силы, ты солнце и луну сотвори, и землю украси всеми лепотами. Яви ми, боже, славу твою, и ныне, господи, преложи печаль мою на радость и помилуй мя, яко же помиловал еси |л. 330 об.| слугу своего Моисея, в горести душа возопивша к тебе, и столпу огненному повелел еси пред ним ити, и морскую глубину на сушю преложи, яко владыко сый господь страшное возмущение на тишину преложил еси”. И си вся изрекшю брату своему князю Володимеру Андреевичю и всем князем руским, и воеводам великим: “Приспе время, брате, нашея брани, и приде празник пречистый богоматери царици богородицы, и всех небесных сил чинов госпоже, всея вселенныя и чеснаго ея рожества. Аще оживем, господеви оживем, аще ли умрем за мир сей, господеви есмь”. И повеле мосты мостити чрез реку Дон и бродов пытал тое ночи, в канон празника пречистые. Заут|л. 331|ра же в суботу порану, месяца сентября во 8-[й] день, в самы[й] празник рожества пречистые, возходящу ^и) солнцу, и бысть тма велика по всей земли, и мгляно бяше было утро до третьяго часа, и повеле господь тьме уступити, а света ^й) пришествие дарова. Велики же князь Дмитрей Ивано­вичь нача полцы ставити, и вси князи рустии полцы устроиша, и велицыи его воеводы облекоша во одежда местная, и ключа смертная растерзахуся; трус же бе страшен и ужас собранным чадом от востока и запада. И поидоша за Дон в дальняя части земля. И переидоша вскоре за Дон, люто и великим сверепьством и напрасна, яко основанию |л. 331 об.| земному двигнутися от множество ^к) силы

_________

^ж-ж) В рукописи высоких Рахиль плачющих чад своих Рахиль же есть рыданием и со воздыханием не хотяще утешитися; исправлено по Софийской I (ПСРЛ, т. VI, с. 93) и Новгородской IV летописям (там же, т. IV, ч. 1, вып. 1, с. 316).

^з) Написано над строкой.

^и) В рукописи восходящии.

^й) В рукописи всета.

^к)> Так в рукописи.

-126-

руские. Великий же князь Дмитрей Ивановичь перешед за Дон в поле чисто в ординские земли на усть Непрядвы реки, господь бог един вождаше его, и не бе ^л) с ним бог чюжь. О ^м), крепкия, твердый дрьзости мужства! О, како не убояся, ни усумнися толика множество ^к) противных рати! Се бо восташа на нь три земли ^н) и три рати: татарская, литовская, рязанская, но обаче всех сих не убояся, никако же не [у]страшишася, но еже к богу верою вооружившися, и креста честнаго силою вооружившися, и укрепися молитвами пречистыя богородица, и оградися предстательством небесных сил. И помолися богу, глаголя: |л. 332| “Помози ми, господи боже мой, и спаси мя милости твоея ради. Виждь враги моя, яко умножисянамя. И, господи, что сяумножиша стужающии мене? Мнози восташа на мя, мнози борющейся ^о) со мною, мнози гонящей мя и вси языцы обыдоша мя. Именем господним противляхся им”. И бысть ^п) в шестую ^п) годину дни начаша появливатися окаянни измаилтяне в поле чисте. И ту исполчишася безбожнии татарове своими полки противу християном и ^р) начаша ^с) ззиратися ^с) обои полцы. И бысть обоих многое множество, яко и земля тутняше, горы и холми трясахуся. Они же извлекоша оружия своя обоюду остри в ру^т)|л. 332 об.|ках их, и ^у) орли збирахуся, яко же есть писано: где трупи, ту и орли. Пришедшим роком, яко же начаша съезжатися сторожевые полки руские и татарские, сам же великий князь Дмитрей Ивановичь еха наперед во сторожевом полку на поганаго царя Тетяка, наречена плотнаго диявола Мамая, таче по том не долго попустя отъеха в великие полки. И се поиде великая ^ф) рать Мамаева, вся сила татарская, а отселе поиде великий князь Дмитрей Ивановичь со всеми князи своими рускими изрядив полки противу поганых, со всеми ратьми своими. И возрев на небо умиленныма очима, и воздохнув из глубины сердца, и рече слово |л. 333| псаломское: “Братье, бог нам прибежище и сила”. И абие ступишася обои силы ^х) великия на долг час вместо, и покрыта полки поле, яко на десяти верст от мно­жества вой. И бысть сеча велика, и брань крепка, и трус велик зело, яко от начала миру не бывала сеча такова великим князем руским, яко же сему великому князю Дмитрею Ивановичю. Бьющимся им от шестаго часа до девятого, и пролияше ^ц) кровь, аки дождевая туча обоих, християн и татар. И многое множество много безчисленно падоша трупия мертвых обоих, и много руси биено от татар, а от руси татар, и паде труп на трупе, паде тело християнское |л. 333 об.| ната[та]рском, тако же и татарское на християнском. А инде видети руси[н] за татарином гонится, а татарин русина сустигает, смятоша бо ся и смесишася, коиждо бо своего супротивника ^ч) искаше погубити. И рече к себе Мамай: “И власы наша разтерзаются, очи наши не могут огненных слез испущати, языце наши связаются, гортани пресыхают, сердце раставает и чреслами простерзаются, и ко­лене ми изнемогают, и руце ми оцепают”. Что нам рещи или глаголати, видящи злострастную сию смерть? Инии бо мечем посекаеми бывают, а инии сулицами прободаеми, а инии на копия взимаеми. Мнози же не|л. 334|бывалцы москвичи видевше то ^ш) устрашишася и живота отчаявшися, а не помянуша, яко же мученицы, глаголаху [друг] ко другу: “Братие, трьпим мало; зима яра ^щ), ино рай сладок, и страстен меч, но сладостно венчание”. А иные сыны агаряны ^ъ) на побег возвратишася от клича великого и зря злаго убиства. По сих же, в 9 час дни, призре господь милостивыма очима на вси князи руския и на крепкия воеводы, и на вся христьяны, и не устрашишася християне, дерзнуша, яко велицыи ратницы. Видеша верни, яко в 9 час биющеся, аггели помогающе ^ы) |л. 334 об.| християном и святым мучеником полки и воина великого Христова Георгия и славнаго Дмитрия и великих князей руских святых Бориса и Глеба, в них же бе воевода свершенаго полка небес­ных сил великий архистратиг Михайло. Видеша погании полцы двое во[ево]ды тресолнечныя полки и пламенныя их стрелы, яже идут на них. Безбожни[и] татаровя от страха божия и от оружия християньского падаху, вознесе бог десницу великого князя Дмитрея Ивановича на победу иноплеменник. Безбожны[й] жь Мамай со страхом вострепетав, велми востонав, и рече: “Велик бог християнеск, велика сила |л. 335| его”. И рече: “Братие Измаиловичи, побежим неготовыми доро­гами”. А сам вдав плещи свои побеже вскоре паки к Орде. И то слышавше вси князи темныя и вся сила татарская побегоша. И то видевши и прочии ^ь) иноплеменницы, гоними гневом божиим и стра­хом одержими, суще от мала и до велика их на побег устремишася. Видевше же християне, яко

_________

^л) Написано над строкой.

^м) В рукописи От.

^н) Написано над строкой.

^о) В рукописи борющейся.

^п-п) В рукописи бывше святую.

^р) Далее обоих.

^с-с) Написано по счищенному.

^т) Далее повторено в ру.

^у) В рукописи яко и.

^ф) Далее повторено великая.

^х) Далее повторено лы.

^ц) В рукописи пролияша.

^ч) В рукописи супритивника.

^ш) В рукописи ту.

^щ) Далее и.

^ъ) В рукописи ахаряны.

^ы) В рукописи помогающим.

^ь) В рукописи со прочими.

-127-

татарове побегоша с Мамаем, и погониша за ними во след их, быоще их и ^э) се[куще] без м[илости] ^э). И побегоша, даша плещи своя на раны. В погони же той ови татарове оружием падоша от християн, а друзи же в реце истопоша, и гониша до Мечи до реки, и тамо бежащи[х] безчислено|л. 335 об.|е множество избиено бысть. Княжи ^ю) же полцы гонящи били ^я) содомлян и до стану их и полониша богатства много, вся имения их и стада вся татарская. Тогда же на том побоище убиен бысть на приступе князь Федор Романовичь белозерский и сын его князь Иван, князь Федор торуский, брат его князь Иван, Мстислав, Михайло Иванов сын Окинфивичь, Семен Михайловичь, Микула Васильевичь, Иван Александровичь, Андрей Серкиз ^а), Тимофей Васильевичь, Акатьевич, нарицаем[ы]й Валуй, Михайло Бренков, Лев Моро[зо]в, Семен Мелик, Дмитрей Миничь, Александр Пересвет, быв преже боярин бренский, и инии мнози, их же |л. 336| имена суть писана ^б) в книгах животных. Зде же не всех писах избиенных имена, токмо князи и бояре нарочитый и воеводы, а про­чих бояр и слуг оставих имена, не писах, множество ради имян и мнози бо на той брани ^в) побиени быша. Самому же великому князю Дмитрею Ивановичю бяше видети доспех весь бит на нем и язвену, но на телеси его не бысть раны никоея же, а бился с татары в лице, став напереди на первом суиме. О сем убо мнози князи и воеводы глаголаху к нему: “Княже господине, нестави ся на переди битися, но назади, или на крыле, или инде в опришнем месте”. Он же отвещав: “Да како аз возглаголю: братие моя, потягнем вкупе с единого, |л. 336 об.| а сам лице свое почну крыти, или хоронитися назаду? Яко же хощу словом, тако же и делом наперед всех и передо всеми главу свою положити за свою братию и за вся християны, да и прочий то видевше, приимут со усердием дерз­новение”. Да яко же рече, тако и сотвори: бьяше бо ся с татары тогда став наперед всех, а елико одесную его и ошую его множество вой его битых, самово же вкруг оступиша, аки вода много обаполы, и многая ^г) ударения по главе его ударишася и по плещема ^г) его, но от всех сих бог ^д) за­ступил его в день брани, и щитом истинным, оружие благоволение осенил еси над главою его, и десницею своею защи|л. 337|тил есть его, рукою крепкою и мысцею высокою бог избавил еси и укрепивый его, тако промежи многими ратьми цел сохранен бысть. Не на лук бо мой уповаю и ору­жие мое не спасет мене, яко же речь Давыд пророк: Вышняго положил еси прибежище твое; не придет к тебе зло и рана ^е) не приближитца телеси твоему, яко аггилом своим заповесть от тебе сохранити тя во всех путех твоих и не убоишися от стрелы летящия во дне. Се же бысть грех ради наших: вооружаются на ны иноплеменницы, да быхом отступили от своих неправд, от братоненавидения и от сребролюбия не право судящих, и от насилия. Но милосерд есть благий человеко­любец бог, не до конца прогне|л. 337 об.|ваетца на ны, ни в век враждует. И отселе, от страны литовския, князь Ягайло литовский прииде всею силою литовскою Мамаю пособляти и поганым татаром на помощь, [а] християном на пакость. Но и от тех бог избавил, не поспеша на срок за малым, за едино днище или меныни, но точию слышавше князь Ягайло Ольгердовичь и вся сила его, яко великому князю Дмитрею Ивановичю с Мамаем был бой, и великий князь одолев, а Мамай побежал без всякого пождания. Князь же Ягайло со всею силою литовскою побежа назад со мно­гою скоростию ^ё), никим же гоним, не видеша бо тогда князя великаго, ни рати его, ни оружия его, токмо имени его бояхуся и трепетаху. |л. 338| Велики же князь Дмитрей Ивановичь со братом , своим князем Володимером Андреевичем и со всеми князи рускими, и с воеводами, и с прочими бояры, и со всеми вой оставшимися, став тоя нощи на поганых обедящах ^ж) и на костех татарских, утер поту своего и отдохнув от труда своего, и велико благодарение принесе богу, давшему такову на поганых победу ^з), избавляющему раба своего от оружия ^з) люта: “Помянул еси, господи, милость свою, избавил ны еси, господи, [от сыроядец] ^и) сиих, от поганого Мамая и от нечестивых измаилович, от безбожных агарян и от безаконных, подавая честь, яко сын своей матери. И уставил еси стремление страстное, яко же еси уставил |л. 338 об.| слузе своему Моисею и древнему Давиду, и новому царю Констянтину, и великому князю Ярославу Володимеровичю, сроднику великих кня­зей наших, на окаяннаго и проклятаго братоубийцуй, безглавнаго звери Святополка. И ты, пре­чистая богородица, помиловала еси милостию своею нас, грешных раб своих и весь род хри-

_________

^э-э) Написано на правом поле в киноварной рамке со знаком вставки, при переплетении книги часть текста утрачена.

^ю) В рукописи князи.

^я) Далее и до.

^а) В рукописи Серкин.

^б) Так в рукописи.

^в) В рукописи братии.

^г-г) Строка отмечена на левом поле знаком +.

^д) В рукописи бе.

^е) В рукописи рано.

^ё) В ру­кописи скорыстию.

^ж) В рукописи обидящих.

^з-з) Строка отмечена на правом поле знаком +.

^и) В руко­писи пропущено. Восстановлено по Софийской I летописи (ПСРЛ, т. VI, с. 96).

^й) В рукописи братом убийцу.

-128-

стиянский, умолила еси безлетнаго сына своего”. [И] мнози князи русти[и] и воеводы прехвальными похвалами прославиша пречистую матерь божию богородицу. И паки христолюбивый вели­кий князь Дмитрей Ивановичь похвалив дружину свою, иже крепко бишася со иноплеменники и мужески храброваше, дрьзнуша по бозе [и] |л. 339| за веру християнскую. И возвратися оттуду во богохранимый ^к) град Москву и во свою отчинус победою великою и одолев ратных, победив враги своя. И мнози вой его возрадовашеся, яко обретающе корысть многу, пригнаша бо с собою много стад коней и велблюды, и волы, им же несть числа, и доспехи, и порты, и товар. Поведаша же ве­ликому князю Дмитрею Ивановичю, что князь Олег рязанский послав Мамаю на помочь свою силу, а сам на реках мосты переметах, а хто поехал з Донсково ^л) побоища домов сквозе его отчины и дедины, Рязанскую землю, бояре и слуги, а тех велел имати и грабити и нагих пущати. Великий же |л. 339 об.| князь Дмитрей Ивановичь хоте противу послати рать свою на князя Ольга, и се внезапу приехаша к нему бояре рязанский и поведоша, что князь Олег повергл свою отчину, землю Рязанскую, а сам побежал и со княгинею, и з детми, и з бояры. И молиша его много о сем, дабы на них рати не послал, а сами биша ему челом в ряд и урядишася ^м) у него. Велики же князь послуша их и приим челобитье их, рати на них не посла, а на Рязанском княжении посади намест­ницы своя. Тогда же Мамай не во мнозе убежа и прибежа в землю свою в мале дружине, видя себе бита и побеждена, и посрамлена, и пору|л. 340|гана, и паки гневашася и яряся зело, и собра оста­точную свою силу, еще восхоте итьти изгоном на Русь. И сице ему умыслившю, и се приде к нему весть, что идет на него неки[й] царь с востока, именем Тактамыш, из Синие орды. Мамай же, иже на ны рать уготова, и с тою ратью готовою поиде противу его, и сретошася на Калках, и бысть им бой, и царь Тактамыш победи Мамая и прогна его. Мамаевы же князи сшедше с конь своих и биша челом Тахтамышю, и даша ему правду [по] своей вере, и яшася за него, а Мамая оставиша поругана. Мамай жь то виде, побеже со единомысленники, царь же Тахтамыш посла за ним в погоню воя свои. Мамай же гоним сый, |л. 340 об.| прибежав близ города Кафы, бегая пред ^н) Тактамышевы гонители, и сослася с кафинцы по докончанию и по опасу дабы его прияли на избавление, дондежь [избудет] от всех гонящих его. И повелеша ему, [и] прибежа Мамай в Кафу со множеством злата и сребра, кафинцы совещашася и сотвориша над ним облесть, и ту убиен бысть. Тако ко­нец безбожному Мамаю.

О взятии Орды от Тактамыша. Царь же Тахтамыш шед взя Орду Мамаеву и царицы, и казну его, и все улусы поймав, и раздели, богатство Мамаево дружине своей. По том же отпусти послы своя к великому князю Дмитрею Ивановичю и ко всем |л. 341| князем руским, поведа им свой приход, как сел на царство, и победил спорника своего, а их врага Мамая, и седе на царьстве Воложском. Князи же русти[и] посла его отпустиша с честию и з дары. Toe же зимы посла князь великий по Кипреяна митрополита на Киев.

В лето 6889 на вознесеньев день приде Кипреян митрополит на Москву. Родися князю Владимеру сын Иван, и крести его Кипреян митрополит и игумен Сергей. Женися великий князь Ягайло Ольгердовичь литовский, поят некоторую королицу, не имущу ни отца, ни матери, и для ея достася ему королевство в Лядской земли. Царь Тахтамыш приела посла своего к великому князю и ко всем князем руским царевича, Анхозю именем, |л. 341 об.| а с ним татаринов 700, зовуще их в Орду. И дошед Новаграда Нижнево, возвратися, на Москву не иде, но посла от сущих с ним татар не во мнозе дружине. Дионисей, епископ суздальской, присла из Царяграда с черньцом с Малахием с философом, переписа 2 образа богородицы Одигитрея, иже сходит во вторник, в той же образ и в меру, и в широту, и в высоту, [и] поставлен бысть в соборных церквах: един в Ниж­нем, а другой в Суздале. Приде Пимин из Царяграда, и послан бысть в заточенье на Чюхлому. Стоял князь литовский Скиргайло ^о) со всею силою своею под Полоцком, с ним же бысть и немецкая сила, |л. 342| и много бысть тягости гражаном, а града не взя. Toe же зимы и весны явлешеся знамение на небеси: на востоце пред раннею зарею, аки столп огнен и звезда копейным образом.

В лета 6890 майя 6 день преставися князь Василей Михайловичь кашинской. Родися вели­кому князю Дмитрею сын князь Андрей августа 14, и крести его игумен Феодор симоновской.

_________

^к) В рукописи благохранимый.

^л) Первоначально написано з Донскому, затем исправлено.

^м) В ру­кописи ударишася; исправлено по Воскресенской летописи (ПСРЛ, т. VIII, с. 41).

^н) В рукописи предста.

^о) В рукописи Свиргайло.

-129-

О взятии московском и о пленении земли Руския от царя Тактамыша. Бысть не­кое проявление по многи нощи являшеся таковое знамение на небеси: на востоце перед раннею зарею звезда некая, аки хвостата |л. 342 об.| и яки копейным образом, овоща же в вечернюю зарю являшеся, а [о]вогда же в ранней зари являшеся. По многажды бываше. [Се ^п) же знамение проявляше ^п)] злое пришествие Тактамышево на Рускую землю и горькое поганых татар нахождение на християн; яко же се бысть гневом божиим за умножение грехов наших. Бысть в третье лето царьства Тактамышева, царьствующю ему в Орде ^р) и в Сараи, и того же лета царьства его посла татар своих в Болгары, еже есть град на Волзе, и повеле торговцы руския избити и гостей грабити, а суды их и с товаром отъимати и поправадати себе на перевоз. А сам подщався со яростию собра воя многи, |л. 343| и поиде к Волзе со всею силою своею, и превезеся на сю сторону Волги ^с) со всеми князи своими и со безбожною силою своею татарскою, и поиде изгоном на великого князя Дмитрея Ивановичя и на всю Рускую землю; ведяше бо рать изневести, внезапу со умением и тацем злохитрием, не дающе вести про себе, [да] неуслышано будет на Руской земли устремление его. Великий князь Дмитрей Констянтиновичь суздалский то слышав, и посла два сына своя ко царю Тактамышю, князя Василия да князя Семена. Они же пришедше и не обретоша его, бе бо грядый борзо на Русь, и гнаша во след его неколико дни и переняша дорогу его на месте, нарицаемем Серначе ^т), |л. 343 об.| и поидоша за ним со тщанием дорогою, и состигоша его близ предел рязанских. Князь Олег ря­занский срете царя Тактамыша, преже даже ^у) не вниде в землю Рязанскую, и бив ему челом и бысть ему помочник на победу Руси, но и споспешник на пакость християном, и иная некая сло­веса изнесе о том, како пленити землю Рускую, и како без труда взяти город камен Москву, и како победити и изнимати великого князя Дмитрея Ивановича; еще же и царя обведе около своея отчины, земли Рязанския, хотяше добра не нам, но своему княжению помогааше. И в то время неволи си ^ф) едва приде весть князю ^х) Дмитрею Ивановичю, возвещающи ^ц) рать татарскую; |л. 344| аще бо и не хотяше Тактамышь, дабы кто принес весть на Рускую землю о его приходе, того бо ради вси гости руские поимани быша и пограблени и удерьжани, дабы не было вести Руси, но обаче суть нецыи доброхоты на пределех ординских на то устроени ^ч), поборницы суще земли Руской. Велики же князь Дмитрей Ивановичь слыша таковую весть, оже идет на него сам царь во мно­жестве силы своея, и нача совокупляти свои полцы ратных, и выеха из города Москвы, хотя ити противу ратных. И начаша думати думу таковую великий ^ш) князь Дмитрей Ивановичь со всеми князи рускими, и обретеся разность в них, не хотяху помогати. Не помянуша Давыда пророка ^щ) |л. 344 об.| глаголюще: “Се коль добро или коль красно, еже жити братие вкупе”. И другому приснопомнимому рекше: “Друг ко другу да пособляя и брат брату помогая, яко град тверд есть”. Бывших промежи ими неодиначеству и неимоверству, [и] то познав и разумев великий князь Дмитрей Иванович быв в недоумении и размышлении ^ъ), не хотя стати противу самого царя, но поеха в свой град Переславль, и оттуду мимо Ростов, и паки реку вборзе и на Кострому. А Кипреян митро­полит виде во граде на Москве бысть замятия велика, бяху людие смущении, аки овци ^ы) не имущи пастыря. Гражанстии людие возметошася: ови[и] хотяху се|л. 345|сти во граде и затворитися, а друзи[и] бежати помышляху. И бывши разпря межи ими велице: [овии] с рухлядью вметающеся ^ь) во град, а друзии из града бежаху ограблении суще. И сотвориша вече, позвониша во все колоколы и сташа суймом народи мятежницы, крамольницы: иже хотяху изыти из града, не токмо не пущаху из града, но грабляху, ни самого митрополита не стыдешася, но на вся угрозишася ^э). И сташа на всех воротех градских и сверху каменьем шибаху, а доле на землю со оружием стояху со обнажным, не попущающе вылести ^ю) из града. И едва умолени быша позде ^я) некако ^я) выпустиша их из града, и то ограбивше. Граду же единаче метущеся, |л. 345 об.| аки морю в велицей буре, ни отнюду же ^а) утешения обретши, но паче больших зол ожидающи. По том же приеха к ним в город некоторый князь литовский именем Остей, внук великого князя Ольгирда, и той окрепив народы, и мятеж градный устави, и затворися с ним во граде в осаде со множеством народа, с теми, елико

_________

^п-п) В рукописи иже знамение являшеся; так и в Воскресенской летописи (ПСРЛ, т. VIII, с. 42); исправлено по Софийской I летописи (там же, т. VI, с. 98).

^р) В рукописи Орду.

^с) В рукописи Волгу.

^т) В рукописи Сарначе.

^у) В рукописи да иже.

^ф) В рукописи сии.

^х) Написано на полях.

^ц) В рукописи возвещающии.

^ч) В рукописи устроение.

^ш) Далее же.

^щ) Исправлено из прока.

^ъ) В рукописи разсмышлении.

^ы) В ру­кописи овца.

^ь) В рукописи вметающе их.

^э) В рукописи угрозищася.

^ю) В рукописи вьлести.

^я) В руко­писи везде некогда и; исправлено по Софийской I летописи (ПСРЛ, т. VI, с. 99).

^а) В рукописи отнужду.

-130-

их оста и елико бе бежиан собежалося с волостей, и от иных градов елико приключившихся ^б) в то время и от стран бояре ^в), сурожанне, и суконники, и прочи[и] купцы, и архимандриты, и игу­мены, и протопопы, прозвитеры, и дияконы, и черьноризцы, и всяк возраст мужеска полу и женского |л. 346| со младенцы. Князь Олег, обведе царя около своея вотчины, Рязанския земли, и указа ему вся сущая броды на реце на Оце. Царь же прешед Оку реку, и преже взя град Серпухов, и пожже. Оттуду же прииде к Москве граду славному, напрасно устремися, наполнися духа ратнаго, волости и села воююще и жгуще, и народи христьянские секуще и убивающе всяческия, а иныя люди в полон емлюще. И прииде ратью к городу Москву, а сила татарская прииде месяца августа в 23, в понедельник. И приидоша не вси полцы к городу и начаша кличюще выспрашивати, глаголюще: “Есть ли здесь великий князь в городе Дмитрей?” Они же со града с забрала глаголаху им: “Нету”. Татарове же отступиша, |л. 346 об.| и поеха около города, обзирующе и разсматряюще присту­пов, и рвов, и враг, и забралов, и стрелниц, и паки сташа зрящи на град. Тогда же во граде добры[и] люди моляхуся богу день и нощь и пристояще ^г) посту и молитве, ожидающи смерти гор-кия, готовящися с покаянием и со причастием и со слезами. Нецыи же недобрии человецы начаша обходити по двором износящеи с погребов меды господьския и сосуды сребрены, и стляница драгия, и упивахуся до великого пияна, и к шатанию дерьзость прилагаху, глаголюще: “Не устра­шаемся нахождения поганых татар, велик тверд град имуще, иже суть стены камены и врата железны. Не терпят бо ти под градом долго стояти, сугубы |л. 347| страх имуще: изнутри града бойцы, а в неуду града князей наших совокупляемых нахождения блюдутся”. И паки возлазяще на град пияни суще и шатахусь, и ругающися татаром, образом безстудным досажающе, некая словеса износяще исполнь укоризны и хулы кидаху на ня, мняху бо только силы татарския есть. А татарове же прямо к ним на город голыми саблями своими машуще, образом, аки пси нахукивающе издалеча. И в той день те полцы отступиша от града, на утрия же сам царь приступи ко граду со всею силою своею под град ^д). Гражане же узревше со града силу великую и ужасошася зело. Татарове же паки поидоша к городу, гражане же пустиша на них по стреле, они же паче своими стрелами |л. 347 об.| стреляху на град, аки дождь умножен зело не ^е) дадуще ни ^ё) прозрети. И мнози на градных заборолах стояху и от стрел падаху язвени и одолевахуть бо стрелы татарския паче, нежели градские. Бяху бо у них стрельцы горазди велми, овии о[т] них стояще стреляху, а ини[и] скоро рыщуще изущени, а друзии от них на конех скоро ездяще, на обе руце, наперед и назад, скоро, улучно без прогреха стреляху. А инии от них сотвориша лествицы и присланяху ко граду и лазяхут на стену. Гражданя же воду в котлех варяше и кипятнею льяхуть на ня ^ж), тии тако возбраняхуть им. Отшедшим же им и паки приступлешим, и тако по три дни бьяхуся промеж себе, пренемогающе ^з). Егда бо татарове приступаху |л. 348| близ стен градных, тогда граждане стрегущии града и супротивящимся им овии стрелами стреляху со заборол, ови камением шибаху на нь, друзии же тюфяки пущающе на них, а инии самострелы напинающе пущаху, и пороки пущаху, а инии великие пушки пущаху. Един же некто граженин, именем Адам, москвитин бе суконник, иже бе над враты Фроловскими, приметив единаго татарина нарочита и славна, иже бе сын некотораго князя ординского, и напя самострел изпусти напрасно стрелу на него и ею же уязви его в сердце его гневливое и вскоре смерть ему нанесе. Се же бе велика язва всем татаром, яко и самому царю тужити о том. Сим же тако пребывающим, царь стоя у города три дни, а в четвертый день оболга князя |л. 348 об.| Остея лживыми словесы и лживым миром, вызваша его вон из града и уби его пред враты града, а ратем всем своим повеле приступити ко граду со все стороны. Какова же бысть облесть князю Остею и всем гражаном сущим во осаде: понеже царю стоявшю три дни около града, а на четвертый день на утрии в полобеда по повелению цареву приехаша под город тата­рове болшие и князи ординские, и рядницы его, с ними же два князя суздалские Василей да Се­мен, сынове великого князя Дмитрея суздалского. И пришедше под город близ стен градных по опасу, и начаша глаголати к народу сущему во граде: “Царь ^и) вас, своих людей, хочет жаловати, понеже неповиннии есте и ни ^к) есте достойни смерти. Не на вас бо |л. 349| воюя пришел, но на великого князя Дмитрея Ивановича пришел ополчился есть. Вы же достойни есте милования, [и] ничтоже иного не требует ^л) от вас, разве токмо изыдете противу ему в стретение с честию и з дары,

_________

^б) Далее и.

^в) В рукописи бояр.

^г) В рукописи престоящии.

^д) В рукописи градом.

^е) В рукописи ним.

^ё) В рукописи ним.

^ж) В рукописи нь.

^з) В рукописи пренеможаху.

^и) Написано над строкой.

^к) В рукописи нии.

^л) В рукописи требуем.

-131-

купно и с своим князем. Хощет бо видети град сей и в онь внити и в нем побывати, а ^м) вам дарует мир и любовь свою, а вы ему врата градные отворите”. Тако же [и] князи Нижнего Новаграда глаголаху: “Имите нам веру, мы бо ваши есмя князи християнстии, вам то же глаголем и прав[д]у даем на том”. Народи же християнстии веру яша словесем их. Сии помыслиша и прельстишася, ослепи ^н) бо их злоба татарская и омрачи я прелесть бесерменская, ни познаша, ни помянута глаголющего: |л. 349 об.| “Не всякому духу имите веры”. И отвориша врата градная и выдоша со князем своим и з дары многими ко царю. Тако же и архимондриты, и игумены, и попове со кресты, а по них бояре и больший люди, по том народи и черныя люди. И в том часе татарове почали сещи напрасно, а князь Остей преже убиен бысть пред градом, ту же почаша сечи архимондритов и игуменов, и попов, аще и в ризах со кресты, и бояр, честных людей. И ту бяше видети святыя иконы бес ^о) чести ^о) небрегоми и ногами потопчеми, и ободраны, и обоиманы. Татарове же таки поидоша во град секуще, а инии по лествицам на город взыдоша, никому же браняше им из го­рода, ни збрал имущи, не сущу |л. 350| избавляющю, ни спасающаго. И бысть внутрь града сеча велика и внеуду сеча, толико же секуще, яко и руки и плеща их измолкоша и сила их изнеможе, саблям ^п) же ^п) их острия притупишася. Людие же християнстии, суще[и] во граде, бегающе по улицам семо и овамо, скоро ^р) рыщюще ^р) толпами, вопиюще велми глаголюще, бьюще в перси своя: “Несть где избавления обрести, [и несть] где смерти убежати, и несть где от острию мечи укрытися, оскуде князь и воеводы их и все воинство их погребися, и оружия до конца изчезоша”. Овии в церк­вах каменых затворяхуся, но тамо не избыша, безбожны[и] жь силою двери церковныя разбиша и сех мечи изсекоша. Везде же крик и вопль |л. 350 об.| велик и страшен бываше, яко не слышати друг друга вопиющий, множество народу кричящу ^с). Они же християн изведоша, лупяще и изъобнаживше сечаху. А церкви соборныя разграбиша, олтаря [и] святая места оскверниша, и кресты честная [и] иконы чюдныя одраша, украшеныя златом и сребром, и жемчюгом, и камением дра­гим, и пелены, златом шитыя и жемчюгом саженыя ^т), ободраша, а святыя иконы попраша, и со­суды святыя церковныя служебныя расхитиша; и книг множество снесено со всего града [и] из сел в соборных церквах многое множество наметано, сохранил ради спроваждено, то все безвестно |л. 351| сотвориша. Что же изречем ^у) о казне великого князя, яко и тоя многая сокровища скоро истощися, и велехвальное богатество и богатотворное имение быстрообразно разнесошася? Приидем же о взыскании прочих и многих бояр старейших, их же казны долговременством собираеми и благоденьством исполнения, хранилца их исполнь богатства, многоценнаго имения и несчетна, то все взяша на расхищение ^ф) погании. И паки другия суще во граде сурожане, суконницы и купцы, их же суть храмины ^х) наполнена богатства всякого товара, и та вся разхитиша. И многи мона­стыри разориша, и многий святыя церкви |л. 351 об.| разрушиша ^ц), и много кровопролития окаянни содея и святая места оскверниша. Яко же пророк глагоше: “Боже, приидоша языцы в достояние твое, оскверниша церковь святую твою, положиша Еросалима, яко овощное хранилище, положиша трупия раб твоих брашно птицам небесным, плоти пребодобных твоих зверем земным, пролияше крова их, аки воду”. Окрест Москвы не бе погребая их; девица их не оплаканный быша, а ерея и свещенцы их оружием падоша; была бо тогда сеча велика зело и безчисленное множество паде ту избиенных мужей и жен мертвых лежаще и не покровенныи. Ту же убиен бысть Семен, архимондрит спасский, а другий архимондрит Ияков, |л. 352| инии игумений, и дияконы, и попы, и черноризцы, от юна и до стара, мужеска полу и женска, те все посечении, а инии в воде истопоша, а друзии огнем згореша, а инии в полон поведоша в работу татарскую и во страну татарскую, пленении суща быша. И бяше тогда видети во граде плач и рыдание, и вопль мног ^ч), и слезы, и крик неутешаемый, и стонанье многое, и печаль горкая, и скорбь неутешимая, нужа ужасная ^ш), и горесть смертная, страх и ужас, и трепет, и дряхлование, и срам, и ^щ) посмех от поганых християном. Сии вся приключися за умножение грех наших. Тако вскоре злии взяша град Москву месяца августа в 26, на память святого мученика |л. 352 об.| Андрияна ^ъ) и Наталии, в 7 час дни, в четверг по обедех, и град запалиша, а товар и богатство все розграбиша, а людей мечю предаша. И бысть

_________

^м) Далее а.

^н) В рукописи ослеби.

^о-о) В рукописи бесчестны.

^п-п) В рукописи саблями аже.

^р-р) Написано по счищенному.

^с) В рукописи кричющу.

^т) В рукописи сажденыя.

^у) В рукописи изорчем.

^ф) В рукописи расхищения.

^х) В рукописи храмина.

^ц) В рукописи раздрушиша.

^ч) В рукописи много.

^ш) В рукописи не ожастная.

^щ) В рукописи их.

^ъ) В рукописи Андрея.

-132-

оттоле огонь, а отселе мечь: овии от огня бежачи [мечем ^ы) помроша, а друзии от меча бежачи ^ы)] во огне згореша. И бысть им четверообразно пагуба: 1 от меча, 2 от огня, 3 от воды, 4 в полон поведени быша. Бяше дотоле видети град Москва ^ь) велик и чюден, и много людей в нем, кипяше богатством и славою, превзыде же вся грады в Рустей земли честью многою, в нем бо князи [и] святителие живяста. В се же время изменися доброта его и отьиде слава его и всея чести во еди­ном часе изменися, егда взят бысть и пожжен: не видети иного ничево же, развие дым и земля, |л. 353| и трупия мертвых многих лежаща ^э), церкви святыя запалени быша и падошася, а каменныя стояше выгоревша внутре и огоревша вне ^ю) и несть видети в них пения, ни звонения в колоколы, ни­кого же людей ходяще во церкви, и не бе слышати во церкви поющаго гласа ^я), ни ^я) словословия, но все бяше видети пусто, ни единого же бе видети ходяща ^а) по ^а) пожару людий. И не ^б) един же град сей взят Москва, но и прочий грады и страны попленени быша от поганых. Велики же князь Дмитрей Ивановичь со княгинею своею и з детми бысть на Костроме, а брат его князь Володимер Андреевичь на Волоце, а мати его и княгини его в Торжку, а владыка Герасим коломенский в Новегороде. Елма же царь распу|л. 353 об.|сти вой по всей земли Руской воевати княжение великое, ови шедши к Володимерю, много людей и посекоша и в полон поведоша; а инии ходиша ко Звенигороду, а инии к Можайску, а друзии к Волоку, а ини[и] к Переславлю, и взяша его [и] огнем пожгоша, а гражене выбегоша на озеро в судех и тамо избыша, а град поврьгше; а инии к Юрьеву шедше пограбиша и пожгоша, а християн посекоша, а иных в полон поведоша, а села и монастыри и церкви святыя пожгоша, волости повоеваша, и много зла сотвориша земли Руской. Князь же Володимер Андреевичь стояше исполчився близ Волока, собрав силу около себе, и нецы[и] от татар, не ведуще его туто, ни ^в) познаша его, и наеха[ша] на |л. 354| него. Он же о бозе укрепився, удари на них, а тако милостию божию иных ссекоша, а иных поимаша, а инии побегоша. И прибежа ко царю Тактамышю и поведоша ему бывшее. [Он же] понудився ^г), и оттоле поча помалу поступати от града Москвы, и оттоле приступи ратью х Коломне и взя город Коломну. Царь же перевезеся за реку за Оку и взя землю Рязанскую и пожже, а люди посече, а ини[и] разбегошася, а иных в полон поведоша в Орду многое множество рязанцов. Князь же Олег рязанский то виде, побеже. Царь же поиде к Орде от Рязани и отпусти посольством на Русь шюрина своего Шихомата ко князю Дмитрею Констянтиновичю суздальскому, вкупе с его сыном |л. 354 об.| со князем Семеном, а другаго сына его князя Василья поя с собою в Орду. Отшедшим же татаром и по том не по мнозех днех благоверный великий князь Дмитрей Ивановичь и брат его князь Володимер Андреевичь, кииждо со своими бояры старейшими, приехаста во свою отчину на Москву и видети взят град и пленен и пожжен, а святыя церкви разорены и людей многое множество изсеченых трупия лежаще мертвых. И о сем сжалися вельми великий князь Дмитрей Ивановичь, и яко разплакатися им велми слезно. И кто ^д) не плачетца таковыя погибели градныя, или кто не жалует селико множество людей християн напрасно нужно скончавшеся, и кто не сетует сицеваго |л. 355| пленения? И повелеша телеса мертвых хоронити, и даваста ото осмидесят человек мертвых по рублю тем, еже хороняху мертвыя. И сочташа, того всего дано бысть от погребения мертвых 300 рублев. Не по мнозех же днех великий князь Дмитрей Ивановичь посла рать свою на князя Ольга рязанского, князь же Олег сам не во мнозе людей убежа, а землю его до остатка пусту ратнии учиниша, пуща ему бысть и татарския рати. А Кипреян митрополит тогда сущу на Твери, тамо избывшю ему ратнаго нахождения. Посла же по него князь великий ^е) Дмитрей бояр своих Семиона Тимофее­вича да Михаила Морозова, и приде октября в 7. |л. 355 об.| Toe же осени князь Михайло Александровичь тверской поиде в Орду и с сыном своим Александром, и поиде околицею. Того же лета князь Бо­рис Костянтиновичь городецкий поиде в Орду. Приде посол к ^ё) великому князю Дмитрею Ивановичю от царя Тактамыша, именем Карачь, о миру и з жалованьем от царя. Князь же великий повеле християном дворы ставити и град делати. Toe же осени сьеха Киприян митрополит на Киев, разгневася на него князь великий Дмитрей того ради: не седел на Москве в осаде, и посла по Пимина митрополита, и приведе его из заточения на Москву, и прият его с великою честию и любовию |л. 356| на рускую митрополию. Toe же зимы Пимин митрополит постави епископом [Савву] ^ж) Са-

_________

^ы-ы) В рукописи пропущено. Восстановлено по Воскресенской летописи (ПСРЛ, т, VIII, с. 46).

^ь) В рукописи Москвы.

^э) В рукописи лежаще.

^ю) В рукописи внеи.

^я-я) Написано по счищенному.

^а-а) В рукописи пусто.

^б) В рукописи ни.

^в) В рукописи нии.

^г) В рукописи побудився.

^д) Далее не пла.

^е) Исправлено из великого.

^ё) В рукописи в.

^ж) В рукописи пропущено. Восстановлено по Московскому своду конца XV в. (ПСРЛ, т. XXV, с. 210).

-133-

раю во град Переславль. Toe же зимы приде из Царяграда Дионисей, епископ суздалский, во свою епископью генваря в 6, а изправи себе архиепископью у патриарха Нила и сущим по себе епископом в том пределе: в Суждали и в Новегороде, и на Городцы; и дасть ему патриарх и весь вселенский собор фелонь с четырьми кресты. Тогда же вынесе из Царяграда и страсти спасовы и мощи многих святых.

В лета 6891 благовещение бе в среду по велице дни, и снег лежал по велице дни с четыре не­дели и на санех ездили. Toe же весны апреля |л. 356 об.| в 23 князь великий Дмитрей Ивановичь посла в Орду сына своево князя Василья из Владимеря во свое место тягатися со князем Михаилом тверским о великом княжении, и поидоша на низ в судех на Волгу к ^з) Орде. Тогда же поиде в Орду князь Иван Борисовичь ко отцу своему князю Борису Костянтиновичю, в Орде бо ему сущу. Князь Дмитрей Костянтиновичь суждалский посла в Орду сына своего князя Семена. В начале явления иконы образа пречистые, иже ес[т]ь ныне на Тихвине. Того же лета явилася икона, об­раз пречистые богородица Одигитрие, во области Великого Новагорода, во Обонежской пятине, на Ояти |л. 357| в Выченицах, сто верст от града, а того никто же весть, откуду явилася. И быша от тоя иконы пресвятыя образа чюдеса многа, и ту поставиша церковь во имя Рожество святыя богоро­дица. И не по мнозе времени оттоле сошла невидимо да явилася на Кожеле, оттоле двадесять верст на Кукове горе, и на том месте поставиша церьковь во имя Покров святыя богородица. И от­толе явилася на Тихвине, над рекою на горе, икона образ пречистые на воздусе, и собрашеся множество народа на великое чюдо то, и на том месте на горе заложиша церковь, три венцы, во имя честнаго ея Успения. И к нощи разыдошася |л. 357 об.| людие по домом, на утрие же приидоша на то место, и не обретоша ничто же, а струб церковны[й] и икону узреша на другой стране реки Тихвины, и ту свершишя церковь. И оттоле начат быти у пречистые богородица на Тихвине велия чюдеся верою приходящим, и стоя церковь и образ на том месте седмь лет, и згоре та церковь от свещи, а чюдотворную ту ^и) икону обретоша невреженну, и поставиша ину церковь. Того же лета, о Петрове дни, поиде в Царьград Дионисей, архиепископ суждалский, и с ним отпусти князь великий Дмитрей Ивановичь отца своего духовнаго Феодора, игумена симонавского, управ­лен[ья ради] митрополия руския. |л. 358| Того же лета, июля ^й) в 5 день, в неделю, преставися князь Дмитрей Констянтиновичь ^к) суждалский в черньцех и в схиме, нареченный во святом крещении Фома, а во мнишеском чину Феодор нареченны бысть, и положен бысть в Новегороде в Нижнем в церкве каменной ^л) святом Спасе на правой стороне, подле отца своего Костянтина Васильевича, и бысть же на великом княжении 2 лета, а в своей отчине на великом княжении 19 лет, а жив всех лет 61. Князю же Борису Костянтиновичю, брату его, тогда в Орде сущу [у] царя Тактамыша и з сыном своим Иваном, и дасть ему царь княжение Нижнево Новагорода и вы[и]де на Русь ноября во 8, с ними же вы[и]де из Орды братаничь его князь Семен. |л. 358 об.| Toe же осени о Николине дни князь Михаил Александровичь тверский выиде из Орды без великого княжения, а сын его князь Александ[р] оста в Орде, [а] князя Василья Дмитреевича царь у себе же оставил в Орде. Toe же осени бысть в Володимери посол лют, именем Адаш Тахтамыш. Toe же зимы убиен бысть на Москве некий брех, именем Некомат, за некую крамолу. Toe же зимы на Москве Пимин митрополит постави два епископа: Михаила во Смолёнеск, а Степана Храпа епископом в Пермь ^м).

В лета 6892 прииде из Царяграда в Киев Дионисей, архиепископ суждалский, в митрополитех, и хотя ити на Москву, хотя быти митрополитом |л. 359| на Руси. И изыма его князь Володимер киевский Ольгердовичь, глаголя ему: “Пошел еси на митрополию без нашего веления”. И тако пребысть в заточении [и] в нятьи до смерти. Toe же весны бысть дань тяжела по всему княже­нию. Всякому безо отдатка со всякие деревни по полтине. Тогда же и златом даваше в Орду, а с Новагорода с Великого взя князь великий черный бор. Toe же осени выде из Царяграда Фео­дор, игумен симоновский, ему же патриарх дасть архимондритию и лишьшую честь ему поручи на Руси, паче иных архимондрит. Toe же зимы приидоста из Царяграда некая два митрополита гречина, единому имя Матфей, а другому Ника[н]др, а с ними архидьякони ^н) и прочий сановницы, и позываху |л. 359 об.| митрополита Пимина во Царьгород.

В лета 6893 князь Олег рязанский взя Коломну изгоном и наместники изыма Александра Андреевича, нарицаемого Остея, и прочих бояр и лутчих людей поймав, поведе с собою, и много

_________

^з) В рукописи в.

^и) Написано над строкой.

^й) В рукописи июня.

^к) Первоначально написано Ивано­вич, затем исправлено.

^л) Далее и.

^м) В рукописи Серпь.

^н) В рукописи архидиаконии.

-134-

злата и сребра и всякого товара наимався отъиде. Toe же весны майя в 9 поиде Пимин митро­полит в Царь[град] и изволи плыти по воде Волгою к Сараю. Того же лета князь Дмитрей Ивановичь посла брата своего князя Володимера Андреевича на Ольга рязанского со множеством вой. Тогда же в той войне убиша на Резане князя Михаила Андреевича полоцкаго, внука Ольгердова. Того же лета месяца июня в 29 день |л. 360| родися великому князю Дмитрею Ивановичю сын Петр, и крести его преподобный игумен Сергий. Того же лета преставися епископ ростовский Матфей гречин. Toe же осени октября 15 преставися в Киеве митрополит Дионисей иже ^о) преже бысть архиепископ суздальский, и положен бысть в печере Антоньяве, и тело же его и доныне цело, есть и нетленно. Toe же осени ноября 26 день побеже из Орды князь Василей, сын великого князя Дмитрея. Toe же осени преподобный игумен Сергие издил на Рязань ко князю Ольгу о миру, мнозии бо преже того к нему ездиша и не возмогоша умирити их, тогда же взя с великим князем Дмитреем Ивановичем мир вечный. Toe же зимы месяца генваря в 1 день погибе солнце ^п), и пребысть 2 |л. 360 об.| часа во мраце, и паки светло бысть.

В лета 6894 князь Борис Костянтиновичь иде в Орду, того же лета и приде. Того же лета побеже из Орды князь Василей Дмитреевичь суздальского Кирдяпа, и срете его посол, изнима его и приведе его в Орду ко царю, и за то прият от татар истому велику. Того же лета мор ве­лик бысть в Смоленце. Того же лета князь великий Дмитрей Ивановичь посла отца своего духовнаго Феодора, орхимондрита симоновского, о управлении митрополии во Царьград. Тогда же из Нижнево Новаграда иде во Царьгород архимондрит печерский Ефросин на поставление ^р) епископьи суздальский ^с). Toe же осени приде из Орды князь Александр Михайловичь тферский. |л. 361| Како ходи князь великий в Новугороду к Великому. Toe же зимы в Филипово говейно, пред рождеством Христовым великий князь Дмитрей Ивановичь собрав воя многи, и поиде з братом своим Володимером Андреевичем и со всеми князи рускими на Новгород Великий, волости и села воюющи и жгущи, держа гнев на Великий Новгород и нелюбие великое про ^т) волжан ^т), что взяли разбоем Кострому и Новгород Нижний. Новгородцы же послаша послы своя противу ве­ликого князя, Иева Аввакумовича и Ивана Александровича, с челобитьем о миру. Великий же князь миру не дал, а послы их отпусти без миру, а сам не дошед Новагорода за 15 верст и ста ту на поле, бяше бо уже о ^у) крещении ^у). Новогородцы послаша к нему с челобитьем владыку Алексея. |л. 361 об.| Он же приехав к великому князю и рече: “Господине, князь великий, яз тебе благословляю, а Великий Новгород весь челом бьет, чтобы еси, господине, учинил мир, а кровопролития бы не было. А за винныя люди Великий Новгород челом бьет тобе осмь тысящь рублев”. Великий же князь велми держа нелюбие ^ф) на Великий Новгород и владыки не послуша, но хотяше итти к Но­вугороду. Владыка же посла наперед себе в Новгород Клементия Васильевича, посаднича сына, глаголя: “Князь великий ^х) миру не дал, а хощет ити на Новгород, и вы держите опас”. И тогда поставиша новгородцы острог, по спу хоромы. А князь Патрекей Наримантовичь, да князь Ро­ман Юрьевич, и с копорскими князи бяше в городе, и выехаша из города и с новогородцы в доспесе |л. 362| полни ко Жилотугу, в неделю, до обеда. И стояше ту воспятишася опять в город. А вла­дыка приеха ^ц) от великого князя без миру. По том же бысть переполох велик в Новеграде, по крещени[и] на четвертый день промчеся весть в городе, что стоит князь великий Дмитрей Ива­новичь со всею силою своею у Жилутуга ^ч). Новгородцы же слышавше начата боятися велми, и послаша на вести испытовати. Они же ездиша и не обретоша нигде же рати. И тогда послаша новгородцы с того переполоху к великому князю архимондрита два ^ш) да с ними 7 попов, да 5 че­ловек житейских, с конца по человеку. В то же время новгородцы около города пожгоша монасты­рей великих 24 да деревяных церквей 6, а Плотничский |л. 362 об.| конец и Людин конец, и Неревский ^щ) конец, у всякие улицы в Новегороде за Копаницею все хоромы пожгли; и мног ^ъ) бысть убыток Великому Новуграду. А святого Николы монастырь на Понедельи ратнии пожгли, церкви же не сожгли, а волости много повоеваша. А купцов ноугородц[к]ых много товару пограбиша, и людей многих и жен и детей в полон поведоша. Тогда же предиреченные послы ноугородцкие, ехав на Понеделье, добили челом великому князю Дмитрею Ивановичю за Великий Новгород

_________

^о) В рукописи ииже.

^п) Написано по счищенному.

^р) В рукописи доставлении.

^с) В рукописи з вы­носное.

^т-т) В рукописи прол вожан.

^у-у) В рукописи от крещения.

^ф) В рукописи нелюбию.

^х) Далее и.

^ц) В рукописи приехав.

^ч) Так в рукописи.

^ш) ва написано по счищенному.

^щ) В рукописи Нерепский.

^ъ) В рукописи много.

-135-

и мир взяли по старине. А за винные люди докончали, заволжан ^ы) и хто в путь с ними ходил, и за тех,за кем княжьчина залегла, 8000 рублев и черной бор князю великому с них взяти. И взем|л. 363|ше ^ь) тогды новгородцы с полатей у святые Софеи 3000 рублев, и послаша великому князю Дмитрею Ивановичю с посадником Григорьем Якуновичем и посадником Васильем Федоровичем, а 5000 рублев докончали великому князю на Заволочской земли, понеже бо и заволочане были на Волзе, и пристав своих послаша в Заволочье, Федора Тимофеевича и Тимофея Юрьевича, Юрья Дмитреевича и иных мо[ло]дчих детей боярских и молодых людей, брати то сребро на заволочанех. Великий же князь из Ямен воротися и поиде к Москве, мир взем с Новым городом, а наместники своя и черноборцы послав в Нов[город] Великий. Того же году великий князь Ягайло Ольгердович литовский еде женитися в Лятцую |л. 363 об.| землю и женися тамо, а поня королевну Казимерову дочь Едвигу ^э), а тамо крестися в римскую веру, и по тому достася ему королевство. И посла в Ли­товскую землю, и повеле крестити Литву в немецкую же веру, половину своево города Вильны. А два литвина его большие ^ю) крестишася в християнскую веру. Он же хоте их крестить в свою же веру и не послушаша его. Король же Ягайло казни их многими муками и смерти веле предати. Того же году князь Василей, великого князя сын Дмитреев, прибеже из Орды в Подольскую землю в Великие Волохи к Петру воеводе.

[В ^я) лето 6]895 [князь] великий [Дмитр]ей отда д[щерь с]вою Софью [на Р]езань за к[няз]я Федора [Олгов]ича ^я). Смоленское побоище. Toe же весны великий князь Святослав Ивановичь смоленский со братаничем ^а) |л. 364| своим князем Иваном Васильевичем, да князь Глеб Святославичь, да брат его князь Юрьи, совокупивше силу многу, поидоша ратью к городу Мстиславлю ^б), преже бо того Мстиславль город был смоленский, но отняв его литва за себя, и восхотеша его от литвы отняти, и идуще воеваху землю Литовскую, а кого где изымавше, нещадно мучаху различными казн[я]ми, муж и жен и детей, а иных в ызбы запирающе, зажигаху. Приде же великий князь Святослав Иванович ко Мстиславлю, на страшной недели в среду, месяца апреля во 18, гражане же мстиславцы затворишася во граде, бяше бо с ними во граде князь Коригайло ^в). И стояху смол[н]яне под городом Мстиславлем 11 дней, не успеша ничто же. И бысть уж в Фомину не­делю в полутра |л. 364 об.| узреша смолняне в поле стяги литовские рати. В первом же полку бе князь великий Свиригайло Ольгердовичь, а в другом брат его князь Корибуд, а в третьем брат их Се­мен Лугвень, с ними же князь Витофт Кестутьевичь, и вся сила с ними литовская, идяху ^г) же вборзе на поле. И видевше их смолняне, смутишася, и почаша вскоре рядити полки своя, и пои­доша к бою противу себе обои. [И] соступишася на поли под Мстиславлем ^д) на реце на Вехре, а людие горожане стояще на забралех зряще. И бысть им бой надолзе, и по сем князи литовские Ольгердовичи ^е) одолеша, а смолняни побиени быша, а инии побегоша. И ту убиен бысть князь великий Святослав смоленский, сын великаго князя Ивана, |л. 365| а внук Александров, а правнук Глебов Ростиславича, от некоего ляха в дуброве, наехаша на него уже ему лежащу, ту же и скончашася. Убиен же бысть и братаничь его князь Иван Васильевичь. А детей Святославлих, князя Глеба да князя Юрь[я] ^ё), поимавше поведоша в Литву, а прочих смол[н]ян и бояр и слуг побита, а иных поимаша, а инии бежачи назад ^ж) в Вехре реце истопоша. А князи литовские погониша по них и прогониша к Смоленску изгоном, смол[н]яне же во граде затвориша, они же стоявше немного у города и взяша окуп с него. А телеса избиеных князей даша им и взяша над смолняны свою волю, елико восхотеша. А на княжении на смоленском посадиша из своея руки князя Юрья Святославича, |л. 365 об.| а брата его князя Глеба в Литву поведоша с собою. Бысть же сей бой месяца апреля в 29 день. Того же лета князь великий Дмитрей Ивановичь отпусти бояр своих старейших противу сыну своему князю Василью в Подольскую землю. Toe же зимы генваря 8 родися великому князю дщерь Анна. Toe же зимы месяца генваря 19 прииде на Москву князь Василей ко отцу своему великому князю Дмитрею Ивановичю ис Подольские земли, а с ним князи лятцкие, и Панове, и ляхове, и литва.

В лета 6896 соиде со владычества архиепископ новогородцкий Алексей, нездравия ради своего. Того же лета августа 15 день, во граде |л. 366| Володимери Пимин митрополит постави на Резани епи-

_________

^ы) В рукописи воложан.

^ь) В рукописи взем же.

^э) В рукописи Едвину.

^ю) Два выносных л.

^я-я) На­писано на левом поле в киноварной рамке, при переплетении книги часть текста утрачена.

^а) В рукописи братоничем.

^б) В рукописи Мстиславу.

^в) В рукописи Киригайло.

^г) В рукописи идаху.

^д) Первоначально на­писано Мстиславам, затем исправлено.

^е) В рукописи Ольгердовича.

^ё) Далее и.

^ж) В рукописи назади.

-136-

скопа Феогнаста. Того же лета июля в ^з). . . преиде из Царяграда на Москву в другий ряд Пимин митрополит. Того же лета преставися владыка Герасим коломенский. Toe же зимы генваря в 17 день Пимин митрополит постави Иоанна архиепископом Новугороду на Москве в церкви архангела Михаила, а с ним быша [на] поставлении том епископи: Михайло смоленский, Феогнаст рязанский, Сава сарайский, Данило звенигородский. Того же лета месяца генваря ^и) 18 родися князю Володимеру сын Ярослав в Дмитрове, а в крещении бысть имя его Афонасей. Тогда же розмирие бысть великому князю Дмитрею Ивано|л. 366 об.|вичю со князем Володимером Андреевичем, и поимани быша бояре старейший княж Володимеровы, и разведении вси разно по ^й) городом, и сидеша всии в нятии у приставов. Приходи гречин митрополит на Русь, именем Феогнаст трапизонский, милостины ради. Князь Лугвень ^к) литовский, нареченный во крещении Семен, приела послы своя в Новгород Великий, Овогимонта и Братошу, хотя быти у них в Новегороде и сести на гороткех, чем владел Наримонт.

В лета 6897 марта в 25 день, на благовещениев день князь великий Дмитрей Ивановичь взя мир и прощение и любовь со князем |л. 367| Володимером Андреевичем. В неделю цветоносную Пимин митрополит Павла, архимондрита володимерскаго от Рождества святыя богородица, постави в [е]пископы на Коломну. На той же недели во вторник страстной ^л) Пимин митрополит выеха с Москвы и поиде во Царьгород, а князя великого утаився и не возвестив ему. И князь великий прогневася про то на него и не любо ему бысть. Поиде же с ним Михаил, епископ смоленский, да Сергий, архимондрит спаскый ^м). Се уже третье иде Пимин во Царьгород, се же и конечное, тамо бо и преставися. Toe же весны родися великому князю Дмитрею сын майя в 16 день и наречен бысть |л. 367 об.| Костянтин. Крести же его брат его старейший князь Василей да Мария Васильева тысячекого.

О житии и о преставлении великого князя Дмитрея Ивановича, царя рускаго. Сий убо вели­кий князь Дмитрий родися от благоверну и от пречестну родителю, великого князя Ивана Ива­новича и матери великие княгини Александры. Внук же бысть князя великого Ивана Данило­вича, собрателя Руской земли, и корени святого, и богом сажденнаго саду отрасли благоводна и цвет прекрасный царя Владимера, новаго Констянтина, крестившего Рускую землю, сродник же бысть новому чюдотворцу Борису и Глебу. |л. 368| Воспитан бысть во благочестии и в славе со всяцеми наказании духовными, и о[т] самех пелен бога возлюби. Отцу же его великому князю Ивану Ивановичю оставлешу житие света сего и приимшиму небесныя селения, сий же оста млад сый, яко лет 9, с любимым братом своим князем Иваном Ивановичем. По том же и мати его преставися великая княгини Александра, и пребысть един во области великого княжения, и приемшю ему скипетр державы Руския земля и настолование земнаго царьства и отчину свою великое княже­ние, по данней ^н) ему благодати от бога, чести ^о) же и славе. Еще же млад бысть возрастом, но духовных прележа делесех и пустотных бесед |л. 368 об.| не творяше и срамных глагол не любляше, злонрав­ных человек отвращашеся, а со ангели всегда беседоваше, божественных писаний всегда со уми­лением послушаше, о церквах божиих велми печешися, а стражю земли Руския мужеством своим держаше, злобою отроча обреташеся, а умом совершен всегда [бываше], ратным же всегда во бранех страшен бываше, и многи враги востающия на нь победи, и славный град свой Москву стенами чюдными камен[ны]ми огради, и во всем мире славен бысть, яко кедр в Ливане умножися и яко финик в древесам протцвете. Сему же бывшю лет 16, приведоша ему на брак княгиню Овдотию, от земля суздалския, |л. 369| дщерь великого князя Дмитрея Костянтиновича, от матери великия княгини Анны, и возрадовашася вся земля руская о совокуплении брака его. По браце же целом[у]дрено живяста, со умилением смотряста своего спасения, и во честе совести крепости ра­зума предержа земное царство и к небесному присягая, плотиугодия не творяху, и аки к[о]рьмчия крепок противу ветром волны минуя ^п), направляем вышняго промыслам, яко пророк на страже божий смотрения, и тако смотриша своего царства. И умножишася слава имени его, яко свято[го] великого князя Владимера, воскипе земля руская в лето княжения |л. 369 об.| его, яко же преже обетования Израилю. Страхом господарьства своего ^р) огради всю землю рускую, от востока и до запада ^с) хвально бысть имя его, от моря и до моря, от рек [до] конца вселенныя превознесеся честь его. Цари земстии

_________

^з) День не указан.

^и) Написано над строкой.

^й) В рукописи под.

^к) В рукописи Лугвинь.

^л) Далее повторено недели.

^м) В рукописи сь епископы.

^н) Первоначально написано данние, затем исправлено данньи.

^о) В рукописи честии.

^п) В рукописи милуя.

^р) В рукописи его.

^с) В рукописи запади.

-137-

слышаща его удивишася, врази же его взавидеша ему, живущии ^т) окрест его, и навадеша ^у) на нь нечестивому Мамаю, тако глаголюще: “Великий князь Дмитрей московский себе именует Руской земли царя, и паче ^ф) честнейша ^ф) тебе славою, супротиву стоит твоему царьству”. Он же наважен лукавыми советники, иже ^х) крестьянскую веру держат, а поганых дела творят ^ц), и рече Мамай князем своим [и] рядцам: “Прииму землю |л. 370| русскую и разорю церкви християнския, и веру их всю преложю, и велю кланятися своему Бахметю. А идеже церкви были, ту ропати ^ч) поставлю, и баскаки посажю по всем градом руским, а князи рустие избью”. Аки преже Агаг, царь васанский, похвалися на киот завета господня, иже в Силоме, сице похвалися и погибе сам преже. И послав безбожный Мамай преже себя ратию на Русь воеводу своего, окаянного Бигича, с ве­ликою ратью и со многими князи ординскими. И се слышав великий князь Дмитрей Ивановичь, и поиде во сретение ему со многою силою Руския земля, и бися с погаными в Резанской земли на реце на Воже. И поможе |л. 370 об.| бог и святая богородица великому князю Дмитрею Ивановичю, а поганыя агаряне посрамлени быша, а ини[и] ссечени, а ини[и] побегоша. Великий же князь Дми­трей Ивановичь возвратися с великою победою, тако заступаше свою отчину, Рускую землю, от поганых противнаго нахождения. Безстудный же Мамай срама исполнися, в похвалы место безчестие приде ему, и поиде сам на Рускую землю похвалися на великого князя Дмитрея Ивано­вича, исполни свое сердце злаго беззакония. Слышав же се князь великий Дмитрей Ивановичь, воздохнув из глубины сердца своего к богу и пречистей его матери, |л. 371| и рече: “О пречистая госпоже дево богородице, владычице, заступница ^ш)-ъ) и помочница миру! Моли сына своего за мя грешнаго, да достоин буду главу и живот положити за имя сына твоего и за твое, иныя помочница не имам, развее тебе, госпоже, да не порадуют ми ся враждующей ми без правды, ни ркут погани[и]: “Где есть бог их, на него же уповаша?” Да постыдятца всии являющи рабом твоим злая, яко аз раб твой есмь и сын рабы твоея. Испроси, госпоже, силу и помочь от святого жилища сына твоего и бога моего на злаго моего супостата и нечестиваго врага. Постави им, госпоже, столп крепости от лица вражия, возвеличи имя християнское |л. 371 об.| над погаными агаряны и всегда пострами их”. И призва вельможа своя и вся князи Руские земли, сущая под властию его, и рече князем Руския земли и вельможам своим: “Лепо нам, братие, положити главы своя за правоверную християнскую веру, да не ^ы) приати будут грады наши погаными, не запустеют святыя божия церкви и не разсеяни будем по лицу всея земли, да не поведени будут жены наши и дети наши в полон, да не томими будем погаными по вся дни, аще за нас умолит сына своего и бога нашего пречистая бо­городица” ^ь). И отвещаша ему князи русти и вельможа |л. 372| его: “Господине рустий царю, рекли есмя тебе живот свой положити служа тебе, а ныне тебе ради кровь свою прольем и своею кровию вто­рое крещение приимем”. И восприим Аврамлю доблесть, помолився богу и помощника имуще свя­того великаго чюдотворца Петра заступника Руския земли, и поиде противу поганаго, аки древ­ний великий князь Ярослав Володимеровичь, на злочестиваго Мамая, втораго Святополка. И стрете его в татарских полех на Дону на реце и сступиша, аки сильный тучи блеснуша оружия, яко молния во дни дожда. Ратнии сечахуся за руки емлющися и по удолием кровь течаще, |л. 372 об.| и Дон река потечаше с кровию смесився. Главы же татарские, яки каменье валяшеся и трупие поганых, яки дуброва посечена. Мнози достовернии видяху ангели божия помогающи християном. И поможе бог великому князю Дмитрею Ивановичю и сродника ему святая ^э) мученика Бориса и Глеба, окаянный же Мамай от лица его побеже, проклятый Святополк в пропасть побеже, нечестивы[й] же Мамай без вести погибе. А великий же князь Дмитрей Ивановичь возвратися с великою победою, яко же преже Моисей Амалика победи. И бысть тишина вилика в Руской земли. И тако врази |л. 373| его посрамишася, иныя же страны слышеща победы, даныя ему на враги от бога, и вси под руце его поклонишася, раскольницы и мятежницы царьства его вси погибоша. Обычей же имеяше великий князь Дмитрей Ивановичь, яко же Давид богоотец и пророк Сауловы дети помиловаше, и сий великий ^ю) князь неповинныя любляше, а повинныя прощааше, по вели­кому Иеву, яко отец миру есть и око слепым, нога хромым, столп и страж и мерило известно ^я) к свету правя подвластный, от вышняго промысла правление приим роду человечю, всяко смете-

_________

^т) В рукописи живуще.

^у) В рукописи навидеша.

^ф-ф) В рукописи паки честнейшу.

^х) В рукописи их же.

^ц) В рукописи творях.

^ч) В рукописи рупати.

^ш)-ъ) В рукописи заступнице.

^ы) Написано над строкой.

^ь) В рукописи богородице.

^э) В рукописи святого.

^ю) В рукописи виликий.

^я) В рукописи известок.

-138-

ние мирское исправляше, высокопаривий |л. 373 об.| орел, огнь попаляя ^а) нечестие, баня мыющимся от скверны, гумно чистоте, ветр плевел развевая, одр трудившимся ^б) по бозе, труба спящим, воевода мирный, венец победе, плавающих пристанище, корабль богатству, оружие на враги, мечь ярости, стена нерушима, зломыслящим сеть ^в), степень непоколеблема, зерцало жития, с богом все ^г) творя и по бозе поборяя, высоки[й] ум, смиренный исмысл, ветром тишину, пучина разуму; князя руския во области своей крепляаше, вельможам своим тихо уветлив в наряде бывааше, никого же не оскорбляше, и всех равно любляаше, в младых словесы наказаше, |л. 374| и всем доволь подоваше, к требующим руцепростирааше. Аще дрьзну несрамно рещи о житии сего великаго князя [и] царя рускаго Дмитрия Ивановича, да се слышаще царие и князи научитеся тако творити. Сей убо от юныя версты бога возлюби и духовных прележаще делех, аще и книгам не учен сый добре, но духовныя книги во сердцы своем имяше. И се едино повем от жития его ^д); тело свое честно сохраня до женидьбы, церковь святому духу соблюде не скверну, очима зряще часто к земли, от нея же взят бысть, душу и ум простирааше к небеси, иде же лепо есть ему пребывати. И по браце совокупления тело свое чисто же соблюде, греху непричастен, |л. 374 об.| Христова апостола Павла збы[сть]ся о нем реченное: “Братие, вы есте церкви бога живаго, яко же рече: “Вселюся вняда похожю”. Царский убо сан держаше, и ангельски живяше, постом и молитвою и по вся нощи стояше, сна же токмо мало приимаше, и паки по мале часе не молитву востааше и подобу благу творяаше всегда, в бренем телеси безплотных житие совершааше. Землю рускую управляше на престоле царстем седя, яко пещеру в ^е) сердцы ^е) д[е]ржаше, царьскую багряницу и венец ношаше, [а] в чернеческия ризы по вси дни желааше облещися, и по вся часы честь и славу от всего мира приимаше, [а] крест Христов |л. 375| носяше; в пребожественныя дни поста в чистоте храняшеся, а по вся неделя святых тайн причащашеся, и преочистованну душу хотя представити пред богом. По истинне явися зем-ный ангел и небесный человек. Поживе лет со своею княгинею Овдокеею 22 лета в целомудры[и], прижит сыны и дщери, воспита во благочестии; а вотчину свою великое княжение держаша 29 лет и 6 месяц, а всех лет от рождества его 38 и 5 месяц. Многи же труды и победы по правоверной вере показа, яко и никто же. По том разболеся и прискорбен бысть добре, и паки лехчае ему бысть, и возрадовашеся великая княгини |л. 375 об.| и сынове его радостию великою и вельможа его. И паки впаде в болшую болезнь и стенание приде во сердцы его, яко и внутреннем его торзатися, и уже приближися ко смерти душа его. В то же время родися ему сын Констянтин. И призва к себе княгиню свою и сыны своя, и бояры своя, и рече: “Послушайте мене вси: се аз отхожю к богу моему. Ты же, драгая моя княгини, буди чадом своим отец и мати, наказующи их укрепляющи, и все по заповедей господним, послушливым и покорливым быти, и бога боятися и родителя своя чтити и страх их держати во сердцы своем и вся дни живота своего”. По том же рече |л. 376| сыновом своим: “Вы же, сынове мои и плод чрева моего, бога бойтеся, поминайте писание: чтите родителя своя да благо вы будет, мир и любовь имейте межи собою. Аз бо предаю вас богови и матери ва­шей, под страхом ея всегда будете, обяжете заповедь мою себе на выю свою, воскладайте словеса моя на сердца своя. Аще ли не послушаете родитель своих, помяните писание: клятва отча дом чадом раздрушит, матерне воздыхание до конца осквернит. Аще ли послушаете, долголетни бу­дете на земли и во благих пребудет душа ваша, [и] умножится слава дому вашего, и врази ваши падут под ногама вашима, |л. 376 об.| иноплеменницы побегнут от лица вашего, и облегчится тягота земли вашей, и умножится нива ваша обилием. Бояры своя любите, честь им достойную воздавайте противу служений их, без воля их ничто же не творите, приветливи будете ко всем слугам своим, но все творите с повелением родитель своих”. Рече же бояром своим: “Сберитеся ко мне, да скажю вам, еже сотворих в житии моем, ведаете каков обычай мой есть и нрав, родихся пред вами и при вас возрастох, и с вами царьствовах, землю рускую дрьжал лет 27, а от рожения ми 40 лет. И мужьствовах с вами на многи страны, и противным страшен быв во бранех, и поганыя |л. 377| низсложих божиею помочью и враги покорих. Великое княжение свое вельми укрепих, мир и тишину земли руской сотворих, отчину свою с вами соблюдох, еже ми предал бог и родители мои, и вам честь и любовь даровах, под вами городы держах и великий власти, и чада ваша любих, и никому же зла сотворих, ни силою что отьях, ни досади же, ни укорих, ни разграбих, ни безчествовах, но всех любих и во чести держах, и веселихся с вами,

_________

^а) В рукописи попаляяа.

^б) В рукописи друдившимся.

^в) В рукописи свет.

^г) В рукописи се.

^д) В рукописи сего.

^е-е) В рукописи во цари.

-139-

и с вами поскорбих. Вы же не нарекостеся у мене в боярех, но князи земли моей, и ныне же по­мяните словеса моя и своя, еже рекли естя ко мне во время свое: “Должни есмя тебе служа и детем твоим главы положити своя”. И укрепитеся истинною |л. 377 об.| послужите княгини моей и чадом моим от всего сердца своего. Во время радости повеселитися с ними, во время скорби не оставите их, да скорбь ваша на радость преложитца, бог же мира да будет [с вами]”. Призвав же первие сына своего князя Василья большаго на старейший путь, предаст в руце его великое княжение, еже есть стол отца твоего и деда, и прадеда со всеми пошлинами ^ж). Дал есми ему отчину свою землю рускую, и раздавал еси сыновом своим городы своея отчины по частям, на чем им княжити, и земли им роздели по жребием. Второму сыну своему князю Юрью дал есть город Зве­нигород ^з) со всеми пошлинами и Галич, иже неколи ^и) |л. 378| было княжение Галичьское, со всеми волостьми и с пошлинами. А третьему сыну своему дал, князю Андрею, Можаеск и други[й] город Белоозеро со всеми волостьми и с пошлинами, се же было неколи княжение Белозерское. Чет­вертому сыну своему князю Петру дал есть город Дмитров со всеми волостми и з пошлинами. И тако утверди златопечатаною грамотою. И целова княгиню свою и дети своя, и бояря своя, конечное целование дав им и благослови их и пригну руце свои к переем. И тако предасть свя­тую душу свою непорочную в руце истиннаго бога месяца майя в 19 день, на память святого муче­ника Патрикия, на пятой недели по велице дни, |л. 378 об.| в среду, долго вечера в 12 час нощи. Тело же его святое и честное на земли остася, а святая его душа в небесныя кровы вселися. Егда жь преставися благоверный и христолюбивый и благородный великий князь Дмитрей Ивановичь всеа Русии и просветися лице его, аки ангелу. Видевши же княгини его мертва на постеле лежаща и восплакася горьким гласом огненныя слезы изо очию испущающий, утробою разпаляшесь и в перси своима руками биюще, яко труба рать поведающе и якоарган сладко вещающе: “Како умре животе мой драгий, мене едину вдовою оставив? Почто не молвиши ко мне? Свете |л. 379| мой прекрасный, что рано уведаеши? Винограде многоплодный, уже не подаси плода сердцу моему и сладости души моей. Чему, господине, не взозриши на мя, ни промолвиши ко мне? Уже ли мя еси забыл? Что ради не взозриши на мя и на дети своя? Чему им ответа не даси? Кому ли мене приказываешь? Солнце мое, рано заходиши. Месяц мой красный, рано погиблеши. Звездо восточный, почто к за­паду ^к)-л) грядеши? Царю мой, како прииму тя или послужю ти? Господине ^м), где честь и слава твоя, где господьство твое? Господарь всей земли руской был еси, ныне же мертв лежиши, ничим же не владевши. Многия страны примирил еси |л. 379 об.| и многия победы показал еси, ныне же смертию побежен, изменися ^н) слава твоя и зрак лица твоего пременися во изтление. Животе мой, како повеселюся с тобою? За многоценныя багряница худыя сии и бедныя ризы приемлеши, за царьский венец худым си платом главу покрывавши, за полату красную гроб приемлеши. Свете мой светлый, чему помрачился еси? Аще бог услышит молитву твою, [пом]олися ^о) о мне, [к]нягине [сво]ей ^о). Вкупе жих с тобою, вкупе умру с тобою. Юность не отъидет от нас, а старость не постиже нас. Кому призывавши мене и дети своя? Не много радовахся с тобою, за веселие плач и сле|л. 380|зы приидоша ми, а за утеху и радость сетование и плач яви ми ся. По что аз преже тебе не умрох, да бых не видела смерти твоея и своея погибели? Не слышиши, господине, бедных моих слез и словес? Не смилят ли ти ся моя горькия слезы? Звери земныя на ложа своя идут и птица небесныя ко гнездом летят, ты же от дому своего напрасно отходиши. Кому уподоблюся? Остала бо есми царя. Старые же вдовы тешите мене, а молодые вдовы плачите со мною, вдовия бо беда горче всех людей. Како восплачю ^п) или како возглаголю? Великий мой боже, царь царем, за­ступник ми буди. Пречистая госпоже богородица, не остави мене |л. 380 об.| и во время печали не забуди мене!” И принесоша благовернаго великого князя Дмитрея Ивановичя, царя всеа Руси, во цер­ковь святого великаго архангела Михаила, иде же ес[т]ь гроб отца его, и деда и прадеда, и певше над ним обычное? надгробное пение, и положиша его во гроб месяца майя в 20 день, на память святого мученика Фалелея. И плакашеся над ним князи рустии и бояре, и архиепископи, и епи-скопи, и весь народ, и несть такова, хто б не плакал, и пения не слышати во мнозе плаче. Бе же ту гость митрополит тряпизонский Феогнаст гречин и Данило, владыка смоленский, и Сава, епи-

_________

^ж) В рукописи болшинами.

^з) В рукописи в Звенигороде.

^и) В рукописи неколико.

^й) В рукописи испущаще.

^к)-л) Далее и.

^м) В рукописи и нес.

^н) ни написано над строкой.

^о)-о) Написано на левом поле в киноварной рамке; при переплетении книги часть текста утрачена. Помещение вставки в основном тексте отмечено киноварным знаком +.

^п) сила подчищено и исправлено.

^р) В рукописи обычныя.

-140-

скоп |л. 381| сарьский, [и] игумен Сергий, преподобный старец. И разыдошася многа плача наполнишася. Пятый же сын его князь Иван после отца своего преставися. А шестый сын его князь Констянтин, еже ес[т]ь меньший всех детей его, той четверодневну ему сущу по отце оставшуся. Седмый же сын его старейши[й] был Данило, а той преже преставися. О страшное чюдо, братие, и дива исполнено! О трепетное видение и ужас обдержаше! Слыши небо и внуши земле ^с)! Како возпишю или како возглаголю о преставлении сего ^т) великого князя? От горести душа язык свезаетца, уста разгражаются, гортань премолкла есть, смысл из|л. 381 об.|меняется, зрак опустевает, крепость изнемогает. Аще ли премолчю, нудит мя язык яснее рещи. Егда же успе вечным сном великий князь Руския земли Дмитрей Иванович, аер возмутится, земля трясашеся и человецы смутися. Что ли нареку день той, день многия туги и скорби? Народ глаголаше ^у): “О горе нам, братие! Царь царем умре, господин владычествующих, солнце помрачается, луна обла­ком закрывается, звезда сияющия всему миру к западу грядет”. Да ^ф) си глаголю, понудит мя слово писати житие ^х) сего, никто ^ц) же ^ц) почюдится, еже помысл даяше сложению и речи утвержение. |л. 382| Помощника ^ч) же представлю похвале бога святому, яко же глаголется: бог Авраамов [и] Исааков, [и] Ияковль, преизлишния любве и добродетели царя. Ничто же бо прилагая онех ^ш) древних философ елинских и повести их, но положу достоверный его похвалы, яко в зерцале имый смесна разуму божественного писания. Которых убо в мире тако светло и славно и чести достойно жития просия и имя возрасте над человекы? Красен бо взором и чист душею и свершен разумом. Иному ^щ) убо сказание ^ъ) бывает, на честь похвалы прилагание дружня любовь ^ы) понужает; великому же князю благочестия |л. 382 об.| держателю от жития светлости и украшение и от прародитель святолепие, по великому Дионисию: говор воде ветром бывает, мокрота земли солнцем погибает, ум владетель чювствием, ум во сердцы сад вкореняет, сердце же плод умный миру подавает. Тако же и сий великий князь Дмитрей Ивановичь знаменит в родех бысть. Несть убо лепо инем родителем таково чадо родити, ниже достойно таковому чудному чаду от иных родителев родитися, аще не бы смотреньем ^ь) всех вседржителя бога? Кое ли приложение славе его зделаю? Ибо не миримо есть, яко на море ^э) в него текущих рек, есть бо и бес того |л. 383| полно. Иным бо чело­веком в начатце ^ю) похваление бывает, иным же в середовечие ^я), иным ^а) же в старости, сей же все с похвалою добродетели вся лета жития его соверши. Един же благочестен родися, многим пра­родителем ^б) славу прорасти, елико найдет тако и той ^в), и не усумнуся рещи о нем, яко же во всю землю изыде слава его и в конец вселенныя величество его. Кому уподоблю ^г) великого сего князя Дмитрея Ивановича, царя Руския земли, и настольника великому княжению, и собрателя ^д) руския области християнского? При[и]дете любимицы, церковнии друзи ^е), к ^ё) похвалению словесы, по достоянию |л. 383 об.| похвалити держателя Руския земля. Ангила ли тя нареку? Но в плоти суща ангельски ^ж) пожил еси. Человека ли? Но выше человеческаго существа дело совершил еси. Первозданнаго ли тя нареку? Но ^з) той прием заповедь содетеля и преступи. Ты же обеты своя по свя­том крещении чисты сотвори. Сифа ^и) ли тя нареку? Но того премудрости ради людие богом нарицаху. Ты же чистоту соблюде и богови раб обреташеся, и божий престол держа господин земли руской явися. Еноху ли тя уподоблю? Но той преселен бысть на землю неведому. Твою же душу ангели со славою вознесоша на небеса. Ноя ли тя именую? |л. 384| Но той спасен бысть в ковчезе от потопа. Ты же соблюде сердце свое от помысла греховнаго, аки в чертозе в чистом телеси. Евера ^й) ли тя нареку, не ^к) примесившися ^к) земных язык ко столпотворению ^л)? Ты же столп не­честия разрушил ^м) еси в Руской земли и не премесив себе к иноземным ^н) странам на християнскую погибель. Аврама ли тя нареку? Но ты тому верою убодобися, а житием превзыде паче оного. Исаака ли тя возхвалю, отцем на жертву ^о) приготованна богу? Но ты сам душю свою чистую непо­рочную богови жертву принесе. И Израиля ли тя возглаголю? Но той с богом вострозе боряшеся ^п).

_________

^с) В рукописи земли.

^т) В рукописи его.

^у) В рукописи глаголюще.

^ф) Написано дважды.

^х) В руко­писи а жития.

^ц-ц) В рукописи ничто же не.

^ч) В рукописи помощь никако.

^ш) В рукописи от них.

^щ) В рукописи ино.

^ъ) В рукописи иносказание.

^ы) В рукописи любы.

^ь) В рукописи смотрение.

^э) В ру­кописи мори.

^ю) В рукописи начадце.

^я) В рукописи середовичи.

^а) В рукописи и другому.

^б) В рукописи родителем.

^в) В рукописи пой.

^г) В рукописи уподоблюся.

^д) Далее на.

^е) В рукописи друзии.

^ё) В рукописи и.

^ж) В рукописи ангельский.

^з) В рукописи на.

^и) В рукописи Иосифа.

^й) В рукописи Авера.

^к-к) В рукописи не кресившися.

^л) В рукописи столпутворению.

^м) В рукописи раздрушил.

^н) В рукописи земным.

^о) В рукописи рождеству.

^п) В рукописи брящеся.

-141-

А ты с нечестивыми |л. 384 об.| агаряны и с поганою литвою за святыя церкви, християнскую утвержая веру, аки ону духовную лествицу. Иосифа ли тя явлю целомудренаго плода духовнаго, обладав­шего Египтом? Ты же во целомудрии ум держаше и владетель всей земли Руской явися. Мои­сея ли тя именую? Но той князь бысть единому еврейскому языку. Ты же многия языки в своем княжении имеяше, честью благодарения во многия страны имя твое превозсия. Похваляет бо земля римская Петра и Павла, а асийская Ивана Богослова и индийская апостола Фому, и ерусалимская Якова, брата |л. 385| господня, Андрея Прьвозваннаго все Поморие, царя Констянтина греческая земля, Володимера киевская с [о]крестными грады. Тебе же, великий князь Дмитрей Ивановичь, вся Руская земля. А[з] же недостойный не возмогох твоему преславному господьству по достоянию хвалы приложити за грубость моего неразумия. Умоли убо, святе о роде своем и за вся люди, сущая во области царьства твоего, [ты ^р) убо предстоиши ^р)] иде же духовных отец паствины и вечное насыщение. Кое убо их насыщение оноя радости, красота раю паствины суть, лице божие видети! Ту песнь поюще ангельсти[и] лицы, ту содружение велие бывает с вышними силами, |л. 385 об.| ту сладкаа честь от туждего сего насилия изшедших, ту премудрии лицы пророк, и ту судия ^о) апостольского числа, и ту безчисленных мученик воинства, ту исповедницы свою мзду усердно приемлют, ту вернии мужи ^т) крепостию смысла похотение ^у) суетного сего света умяхчиша, ту и святыя жены благим нравом мужеский пол победиша, и ту отроцы, иже зде чистоту сохранше, со ангелы ликоствоваху, ту и старцы, их же старость маломочный сотвори, но сила добраго деяния не погуби. Да с теми убо святыми ^ф) нам лепо есть жити и с теми радости насладитися, благодатию и человеколю|л. 386|бием единороднаго сына твоего, с ним же благословен еси, с пресвятым [и] благим и животворящим ти духом, и ныне и присно и во веки веком, аминь. По преставлении же его пятый сын его Иван преставися, а ^х) шестый же сын его Констянтин ^х) четверодневен по отцы остался. Седьмый же сын его старейши[й] был Данило, и той преже преставися. Того же лета приеха в Новгород Великий князь Семен Ольгердовичь Лугвений на пригороды. Того же лета князь Борис Костянтиновичь иде в Орду, а в то время царь Тактамышь пошел ратию на Тимир-Кутлуя и сстиже ^ц) его на пути, [и] иде с ним 30 дней, и по том |л. 386 об.| царь пощаде его, отпусти его назад от места, нарицаемаго Уруктана. И повеле ему дождати себе в Сараи, а сам шед воева ^ч), да взя землю Тимир-Кутлуеву и грады его дальние пойма, а самого не може дойти, и возвратися на свои кочевища. Того же лета июля 21 загореся на Москве внутри города церковь святаго Афонасия по обеде, и мало не весь град Кремль погоре, по вечерни ^ш) же едва угасиша ^щ). |л. 387|

Княжение ^ъ) великого князя Василия ^ъ) Дмитреевичя. В лета 6897. Того же лета месяца августа в 15 день, на успение святии богородици седе на великом княжении в Володимери князь Василей Дмитреевичь на столе отца своего и деда, и прадеда, а посажен бысть царевым послом Шихоматом. Того же лета князю великому Василию |л. 387 об.| [бысть] [р]озмирие ^ы) со князем Володимером Андреевичем, и поеде князь Володимер [с] сыном своим князем Иваном и бояры старейшими во свой град Серпухов, и оттуду в Торжек, и тамо пребысть неколико время в Теребенском, дондеже умиришася. Toe же осени сентября в 11 день преставися Пимин митрополит в Цариграде, тамо [и] положен бысть, а имение его разяша инии. Месяца декабря в 5 день преставися княгини Ондреева Мариа ^ь), мати княжь Володимерова, нареченная во мнишеством чину Марфа, и поло­жена бысть в монастыри ея у Рожества на рве, его же сама созда. Toe же зимы по крещении сми|л. 388|рися князь великий Василей со князем Володимером Андреевичем, и дасть ему к его отчине Волок, да Ржеву ^э). Генваря в 26 день родися у князя Володимера сын Феодор. Того же лета преставися Дионисей митрополит в Киеве, лежит в печере Феодосьеве. Того же лета преставися архиепископ новгородский Алексей, положен бысть во церкви святого Воскресения в монастыре на Деревеницы.

В лета 6898 прииде на Москву Кипреян митрополит, в великое говенье, на средокресной ^ю) недели, и прият его князь великий Василей Дмитреевичь с великою честию. Тогда же приидош ^а)

_________

^р-р) В рукописи пропущено. Восстановлено по Новгородской IV летописи (ПСРЛ, т. IV, ч. 1, вып. 2, с. 366).

^с) В рукописи сидия.

^т) В рукописи мужии.

^у) В рукописи похотению.

^ф) В рукописи святыи.

^х-х) Написано по счищенному.

^ц) В рукописи зстиже.

^ч) В рукописи воевода.

^ш) В рукописи вечерни.

^щ) Далее л. 386^а оставлен незаполненным.

^ъ-ъ) Написано вязью. Перед заглавием черно-белая тисненая заставка.

^ы) Верхний угол л. 387 оторван, часть текста утрачена.

^ь) В рукописи Марии.

^э) В рукописи државу.

^ю) В рукописи средохрестной.

-142-

с ним два митрополита гречина, Матфей иандре|л. 388 об.|янапольский и Никандр гаианский. Тогда же приидоша с ними епископи рустии, кийждо на свою епископью. На Ростов прииде Феодор архи­епископ, ему же дасть патриарх во Цариграде архиепископьство; на Суздаль Ефросин архиепископ; на Чернигов и на Брянеск Исакий епископ; на Рязань Бремей епискуп, Феодосей епископ на Ту­ров. Ти всии во едино лето кийждо свою епископью прияша. О пожаре на Москве. Того же [лета] ^я) месяца июня в 22 день бысть пожар на Москве на посаде, загореся от Аврама арменина, и неколико тысящь дворов згоре, и много зла бысть християном. Того же лета на Тахтамыша прииде ин царь силен, |л. 389| из Шамахейския земли, и бысть сеча велика. Того же лета прииде грамота от патриарха к Новуграду Великому, по митрополичю слову, о суде с подписью, с патриаршескою рукою Антоньевою Новаго Рима; имеет же и самая грамота и митрополичи руки: микомидийский митрополит, никейский, моневасиский и андреянопольский, сербьский, ганьский, драмский. Того же лета князь Василей Дмитреевичь утече за Яик, и прииде на свою отчину на Москву. И после из Орды прииде посол Улан царевич и посади князя Василия Дмитреевичя на великое княжение. О миру с новогородцы. Прислаша новгородцы к великому князю Василию Дмитреевичю послы |л. 389 об.| своя Юрья Семеновича, Аврама[ва] внука, Кирила Андреяновича, и докончаша мир по старине. И посла князь великий в Новгород наместника своего Остафия Сыту. О псковском миру с новогородцы. Того же лета ходиша новгородцы со князем Семеном Ольгердовичем на Псков ратью, и сташа в Солци ^а). И ту псковския послы приехаша и кончаша мир, а за должник и за холоп ^б), и за рабу, и хто в путь ^в) ходил на Волгу, а за тех не стояти псковичем, но выдавати их. Князь великий Василей Дмитреевичь взя Новгород Нижний, князей со княгинями сведе, а князь Семен Дмитреевичь в Орду уйде. |л. 390| О Софии Витофтове дочери, когда приведе[на] за ве­ликого князя. Toe же осени великаго князя бояре Василия Дмитреевича: Александр Поле, Але­ксандр Белеут, Селиван, приехаша в Новгород из Немец со княжною Софиею с Фитофтовою дочерью, а с нею князь Иван Ольгимантовичь. И стояв на ^г) Городище ^г) поехаша ^д) на Москву, и приидоша на Москву с нею месяца декабря в 1 день. Toe же зимы генваря в 9 день женися князь великий Василей Дмитреевичь, поят княгиню Софию Витофтову дщерь Кестутьевича.

В лета 6899 году во Греках царь Мануил Иванович написа икону Спасову своима рукама, |л. 390 об.| благословенною рукою. И в некое время царь поеде на утеху и видяше ерея блуд творяше со женою, и бияще его нещадно. И как пребываше царь на одре своем, виде ту икону на престоле, перстом указывая на него и претяще ему, и биюще его батожием много: не свой суд восхищавши, твое дело царьское судити, а не святительское, царь, велиим часом. И приидоша ближние его, и видеша раны на теле его, и удивишася, и прославиша царь бога о таком чюдеси. А та икона стоит ныне в соборе у пречистые Богородицы на Москве против царьского места, указным перстом, а не благословенною рукою, а риза на той иконе сребряна кована, |л. 391| золочена. Того же году приде из Орды князь Борис Костянтиновичь. О взятии Вятки от татар. Того же лета царь Тактамышь посла царевича, именем Бектута, на Вятку ратью. Он же шед взя Вятку и люди посече, а иные [в] полон поведе.

О разбойницех ново[го]родцких. В лета 6900. Того же лета новгородцы и устюжане и про­чий, к тому совокупившеся, и вы[и]доша в насадех и во ушкуех рекою Вяткою на низ ^е), и взяша Жюкотин и Казань, и вышедше на Волгу, пограбиине гостей всех, возратишася. Князь Михайло Александровичь тверский отьят владычество от ^ё) епископа своего Евфимия ^ж) Висленя. |л. 391 об.| Он же иде на Москву. Того же лета Кипреян митрополит иде на Тверь, а с ним два митрополита гре­чина Матфей [и] Никандр да Михайло, епископ смоленский, [С]тепан ^з) [Х]рап, епископ [п]ермьский ^з), Данило, епископ звенигородцкий, и постави на Твери епископа ^и) Арсения, августа 15 день, на успение богородицы. Тогда же ходи Киприян митрополит [и] в Новгород Великий, а с ним вла­дыка Иоан ^й) рязанский. И срете его владыка новгородцкий Иван со всем собором и всем Новым городом со кресты у святого Спаса в Нередицах, и прияша его в честь, и пиры многи сотвориша, и дары многи вдаша. О гневе Киприану. И начата митрополит просити у Но|л. 392|вагорода суда своего

_________

^я) В рукописи пропущено.

^а) В рукописи Елцы.

^б) В рукописи холов.

^в) В рукописи поту.

^г-г) В ру­кописи новгородцы.

^д) В рукописи приехаша.

^е) В рукописи них; исправлено по Московскому своду конца XV в. (ПСРЛ, т. XXV, с. 219).

^ё) В рукописи его.

^ж) В рукописи Евфия.

^з-з) Написано на левом поле в кино­варной рамке; при переплетении книги часть текста утрачена. Помещение вставки в основном тексте отмечено киноварным знаком +.

^и) Далее им.

^й) Taк в рукописи. Выше на л. 388 об. под 6898 годом епископом рязанским назван Иеремия.

-143-

месяца. И новгородцы отвещаша единеми усты: “Целовали есмя крест содного, а грамоты попи­сали”. И рече им митрополит: “Целованье с вас снимаю, у грамот печати порву, а вас благослов­ляю и прощаю, а мне суд дайте, как было при иных митрополитех”. И новгородцы того не сотвориша, и митрополит поиде из Новагорода, на владыку и на весь Новгород держа нелюбие великое.

В лета 6900 преосвященный Кипреян митрополит постави Полотску епископа Феодосия. Toe же весны преставися княгиня Ольгирдова Ульяна, дщи князя Александра тферскаго, нареченна во мнишеском чину |л. 392 об.| Марина; и положена бысть в пещере на Киеве. Преставися митрополит Ма[т]фей гречин андреянопольский, в пяток 6 недели по пасце; и положен бысть у Михай­лова чюда. Преставися Павел, епископ коломенский. Того же лета Кипреян митрополит постави на Коломну епископа Григория. Преставися владыка Еуфимей тверский Вислень; и положен быть на Москве у Михайлова чюда за олтарем. Приходи на царя Тахтамыша из Шамахейской земли царевичь, и бысть им бой силен. Поиде в Орду князь великий Василей Дмитреевичь июля 16 день ко царю Тахтамышу. Подписана бысть на Коломне церковь каме|л. 393|на Успение богородицы, юже созда великий князь Дмитрей Ивановичь. О преставлении преподобнаго игумена Сергия троецкаго. Toe же осени сентября 25 день, на память преподобныя Ефросиний преставися пре­подобный и богоносный отец наш игумен Сергий троецкий, иже в Радонежи, иже начальник и учитель всем монастырем, иже в Руси; и положен бысть в отчине и обители святыя Троица, иже сам созда. Князь Семен Лугвений иде из Новагорода в Литву ко братии своей Ольгердовичем. Toe же осени месяца октября в 24 день приде из Орды от царя Тактамыша великий князь Василей Дмитреевичь, многу честь от царя прием и дары, |л. 393 об.| еще же придаст ему к великому княжению и Новгород Нижний и Городец со всеми что ни есть в власти их, тако же Мещеру и Торусу. Толику же честь прия от царя, яко же ни един от прежних великих князей не прият, тако ни от которого царя. Сице удиви господь милость свою на нем, и бысть тогда радость велика в Рустей земли. О брани с новогородцы, о розмирие. Toe же осени заратишася новогородцы к великому князю, приела бо к ним князь великий Василей Дмитреевичь Ивана Всеволожича и Данила Ти­мофеевича о черном бору и о грамоте, иже целовали новгородцы, что к митрополиту не зватися им на Москву о судех, а судити было владыце: “И вы к митрополиту ото|л. 394|[шли]те ^к) грамоту, а целование с вас митрополит снимает”. Новгородцы же того не ^л) послушаша ^л), и в том ся учинило розмирие. О Витофте. Король Ягайло дал Витофту Кестутьевичю княжение литовское. Месяца ноября в 6 день, на память Павла исповедника князь великий Василей Дмитреевичь иде с Москвы в Новгород Нижний, и с ним боя[ре] его старейши, и пребысть тамо до рождества Христова, и паки возвратися на Москву, намесничество приказа Дмитрею Александровичю Всеволожю. О Да­ниле Феофановиче. Toe же зимы преставися февраля в 13 день Данило Феофановичь, нареченный в мнишеском чину Давид, иже бе истинный боярин |л. 394 об.| великого князя и правый доброхот, служаш[е] ^м) бо государю безо л[ь]сти в Орде и на Руси [паче] всех, и голову свою складаше по чюжим странам, по незнаемым местом, по неведомым местом, многи труды понес и многи истомы претерпе. Егда [же] бежа из Орды [князь Василей], и тако угоди своему господеви. И тако тогда великий князь, люб[ве] ради и[же] к нему на погребение его, зжалився по нем, прослезися и тако плака на много час. Положен бысть в манастыри у Михайлова чюда близ гроба дяди его, Алексея митрополита. О рати на Торжек. Toe же зимы на Федоровой недели князь великий Василей Дмитреевичь посла дядю своего князя Юрья |л. 395| на Торжек ратию. Они же шедше много повоеваша новгороцких волостей и возвратишася.

В лета 6901 в празник пасхи новгородцы и новоторжцы снемшеся вечем, убиша в Торжку некоего христолюбца, именем Максима, добра хотяще великому князю. Слышяв же то князь великий разгневася и посла воя своя в Торжек, и повеле привести к себе вся убийца. И шед испыташе о них, и приведоша на Москву 70 человек, и повеле их казнити многими казньми. Того же лета совокупиша новгородцы рать, а с ними князь Роман литовский да князь Костянтин белозерский и воеводы новгороцкии. И шед взяша Кличен и |л. 395 об.| Устюжню. А из Заволочья собрашеся мнози новгородцы, и шед во многих насадех и ушкуех взяша град Устюг и пожгоша, и церковь соборную розграбиша, много злата и сребра взяша, а иконы ободрашя. И стояше тут месяцвоююще, и людей из лесов выводя мучаху, и вся волости и села пуста сотвориша. Людии же и скот поправа-диша на низ по Двине. Тако же и Белоозеро град и села и волости повоеваше. О взятии Болгар ^к)

_________

^к) В рукописи оттошлите; буквы шли вырваны.

^л-л) В рукописи не послушавше.

^м) Буква е вырвана.

^н) В рукописи Болгал.

-144-

от турков. Того же лета Амуратов сын Челябей, иже ^о) срачински глаголетца Амира, иже владея землею полуденьною ^п) и всею греческою, и всею Македониею, и Сербскою землею, и Ефесскою, и Прускою, и Селавриею, и Каласаи, |л. 396| и Фесалоникии ^р), и Срацины, и Бесермены и Турки, и со всех сих земель собра тмочисленныя полки своя, поиде на Болгарскую землю. И пришед взя град их стольный славный Терънов и царя пленника сотвори, и патриярха, и митрополиты, и епископы, и всех сущих плени, и мощи святых бывших в земле их пожже, и церковь соборную разори и мезгит в ней учини, и вся люди покори под ся, и землю ту перея за ся. Того же лета июля 29 преставися князь Иван, брат великаго князя Василия, в чернцех ^с) Иосаф; положен бысть у Спаса в притворе. О миру с Новым городом. Toe же осени прислаша новгородцы послов к великому князю лучших людей, бьюще челом за своя вины, |л. 396 об.| а к митрополиту послашя грамоту целовальную. И докончашя мир по старине и митрополит взя у них грамоту, рече: “Не буди на вас сего греха, что есте на сей грамоте целовали. [А] архиепископа Иоанна и весь град благослов­ляю и прощаю”. А в Новгород посла князь великий послы своя Федора Кошку [и] Ивана Уду, и шед укрепиша мир с новгородцы. А черной бор даша новгородцы великому князю по всем во­лостям новгородцким, митрополичю же послу Дмитроку ^т) даша полчетверста рублев денех. Toe же осени приеха служить ^у) к великому князю из Орды 3 татарина царева двора, постельницы его, имена их: Вахты-Хозя, Ходыр-Хозя, Мамат-Хозя. Крести |л. 397| же их сам митрополит Кипреян на реце на Москве. Бе же ту сам князь великий и вси боляре, и весь народ града Москвы, и нарече имена им Анания, Азария, Мисаил. Того же лета великая княгиня Евдокея Дмитреева постави на Москве церковь каменну Рождество святыя богородица и украси ю иконами и всякими узо­рочий церковными. Преже сево [ту] была мала церковь древяна Воскресенье Лазарево ^ф), и егда созда сию церковь, тогда и ту причиниша близ олтаря на десной стране, иде жь и доныне есть Воскресенье Лазорево; священа бысть церковь та Кипреяном митрополитом февраля 1, в неделю. Зима же сия студена бысть вельми, мнози человецы и скоты измираше на пути. |л. 397 об.|

В лета 6902 майя 6 преставися князь Борис Костянтиновичь, и положен [бысть] в вотчине своей в Суздале. Toe же весны даша княжну [Марию ^х), дщерь великого князя Дмитрея за князя ^х)] Семена Ольгердовича литовсково, нарицаемаго Лугвена, и бысть свадьба на Москве июня 14. Того же лета князь Василей Дмитревичь суздальской и брат его князь Семен побегоша в Орду к царю Тактамышю, и гонивше по них ^ц) не постигошя. Июля 9 родися князю Володимеру сын Василей. Того же лета ходиша новгородцы со князем Романом литовским и с Костянтином белозерским ко Пскову, и стояше неделю под городом, бе же тогда в нем князь Андрей Ольгердовичь и сын ево Иван. И убиша ту в заезде князя Ивана копорского и Василия Федоровича, |л. 398| и иных многих, и отъиде новгородцы, мира не взем ни града. Того же лета приходиша немцы ратью на Литву, на князя Витофта, и бысть им бой у города Вильны, и паки разыдошяся града не вземше. Того же лета замыслиша на Москве ров капать, почаша с Кучково поля, а конец ему хотеша учинити в Москву реку, широта же его сажень, а глубина то ж. И много бысть убытка людем, понеже поперег дворов копаше, и много хором меташе разно, а не учиниша ничто же. Toe же осени ноября 28 преставися Федор, архиепископ ростовский, и положен бысть в Ростове в соборной церкве.

В лета 6903 марта 30 родися великому князю Василию Дмитреевичю сын Георгей. |л. 398 об.| Майя 18 прощена бысть у гроба чюдотворца Петра жена некая, именем Иуфимия. Июня 14 начата подписывать церковь Рождества богородицы, юже созда княгиня Евдокея. Того же лета згоре на Москве на посаде много тысящь дворов. Июня 19 преставися князь Борис Михайловичь ^ч)тферский в Кашине, и положиша его во Твери в Спасе. Августа 15 погоре во Твери от грому Новый град, иже на Волзе на Старице. Приходиша царь Колочан, Андронников сын, с турки к Царюграду, и вы[и]де противу им царь Мануил с греки и с фряги, и прогони турки. Месяца августа 26 день слово о чюдеси пречистые богородицы, егда принесена бысть икона образа ея, юже написа |л. 399| Лука еуангелист, от града Владимеря в славный сей град Москву, благослови отче.

О приходе Темир-Аксаце. В лето 6903, в великое княженье благочестиваго и христолюбиваго великаго князя Василия Дмитрсевича, воста некий безбожный царь, именем Темир-Аксак, с вос-

_________

^о) В рукописи и.

^п) В рукописи полоденьноною.

^р) В рукописи Фесаланикии.

^с) В рукописи чернчах.

^т) Далее зачеркнуто киноварью даша.

^у) Написано над строкой.

^ф) В рукописи Христово.

^х-х) В рукописи пропущено. Восстановлено по Воскресенской летописи (ПСРЛ, т. VIII, с. 64).

^ц) В рукописи нинь.

^ч) Да­лее зачеркнуто киноварью кашинский.

-145-

точный страны от Синия орды, от Шамахейския земли, и велику брань сотвори, и много мятеж воздвиже в Орде и на Руси приходом своим. Сей бо царь Темир-Аксак многи брани воздвиже, и многи сечи показа, и многи победы учини, многим полком сопротивным одоле, и многи гроды [раскопа], |л. 399 об.| многи люди погуби, и многи страны и земли повоева, многи области язык плени, многи царьства и княжения покори под себе. А се имена тем землям и царьством, их же попленил Те­мир-Аксак: Чагадае ^ш), Хорусане, Голустния, Китай, Синяя орда, Ширязы, Испагань, Орначь, Гилян, Сиз, Шибран, Шамахи, Савас, Арзунум, Тефлизи, Тевризи, Гурзустани, Обези, Гурзии-Багдаты, Темирькабы, рекше Железная врата, и Асирию и Вавилонское царьство, иде же Нов, ходоносор ^щ) был, иже ^ъ) Иеросалим пленил и трех отроков, и Севастию, иде же мучены ^ы) 40 мученик, и Армению Великую, иде же был Григорей епископ, |л. 400| и Дамаск Великий, и Сарай Великий. Со всех сих земель Темир-Аксак дани и оброки имаши, и на войну ходят с ним. И со всех сих стран собрав ^ь) тмочисленныя полки и прииде со многою силою на царя Тахтамыша, и бывшу бои межи ими и одоле Темир-Аксак, а Тахтамышь побеже. И оттоле восхотев Темир-Аксак итти ^ч) на Рускую землю, християн воевати. И пройде всю землю татарскую, и приде близ предел Рязанския земли, и взя град Елец ^ю) и князя елецкаго ^я) изнима, и многи люди помучи ^а), поиде же паки на Рускую землю. Се же слышав князь Василей Дмитреевичь, собра воя многи, поиде с Мо­сквы х Коломне, |л. 400 об.| хотя итти противу его. И пришед ста на березе у Оки реки, а Темир-Аксаку ^б) стоящу на едином месте две недели, не ^в) поступя ^в) ни семо, ни овамо ^г). Граду же Москве пребывающу во смущении и готовящуся ^д) сидети в осаде, и многу народу сущу в нем отовсюду собравшуся, по вся же дни частым вестем приходящим на Москву возвещающу прещение грозы Темир-Аксаковыи, како готовится ^е) воевати Рускую землю и како похваляется ити к Москве, хотя взяти ю и люди руския попленити и места святая разорити, а веру християнскую искоренити, а християн томи[ти и] гонити и мучити, |л. 401| пещи и жещи, и мечи сещи. И бяше сий Темир-Аксак вельми нежалостив и земло немилостив, и лют мучитель, и зол гонитель, и жесток томитель, воздвизая гонение на християны, яко же древний зловернии цареве перви мучители на християны, яко же Иулиян Законопреступник и Диоклитиян ^ё), и Максимьян, и Декий, и Ликиний, и прочий мучи­тели. Тако ^ж) же и сий Тимир-Аксак мучительский хваляся ^з), хотя воздвигнути гонение великое на християны. И сия же грозныя и страшныя вести слышаще вельми в печали быша народи християнстии и [с] воздыханиями и со слезами моляхуся богу, дабы избавил от таковыя беды |л. 401 об.| и скорби. Кипреян же митрополит заповеда тогда всем людем поститися и молитися, и молебны пети. И всии народи християнстии с радостию и со тщением и со усердием многом и верою твориша пост и молитву, покаяние и слезы и обеты, кто же по своей силе, от мала и до велика их, молящися богу и пречистей его матери. Князь же великий Василей Дмитреевичь и митрополит Кипреян, и прочий князи, братия ^и) великого князя, умыслиша совет благ, да принесут чудотворную икону пречистыя богоматере из града Владимеря во град свой Москву, глаголюще сице: “Никто же нас может избавити от нужи сия и пе|л. 402|чали, развее владычице нашей богородицы и приснодевы Мария, та бо преложит печаль нашу на радость, та бо есть заступница наша и града нашего и вся­кого града и стран и всего рода человеческаго, иде же с верою призывают ея на помощь. Сия бо избавляет вся християны от глада ^й) и от пагубы, от труса и от потопа, и от огня и меча, и от нахождения поганых и от [на]падения иноплеменник, и от нашествия ратных и от межиусобныя брани, и от напрасныя смерти и от всякого зла находяшаго на нас. Но точию с верою призо­вем имя ея на помощь и со усердием помолимся ей и не погрешим ^к) прошения нашего”. |л. 402 об.| И яко умыслиша, сице и сотвориша, и послаша по ^л) чюдную ону икону пречистыя богородицы в слав­ный стольный град Володимер. Сим же тако бываемом, пришедше же они послании и повелеша свещенником церкви оноя Владимерския пения молебная совершати пред образом богоматере. И на мнозе молившеся со слезами, и по сем приступлыне свещенницы и взяша ис киота пречюдную и чюдотворную икону пречистыя богородица и понесоша ю от града Владимера ко предре­ченному граду Москве, страха ради окаянных агарян и нахождения ради безбожнаго Темир-

_________

^ш) В рукописи Чагидие.

^щ) В рукописи Новходоно собор.

^ъ) В рукописи их.

^ы) В рукописи мученики.

^ь) В рукописи собран.

^э) В рукописи отъити.

^ю) В рукописи Елечь.

^я) В рукописи елечьскаго.

^а) В рукописи помочи.

^б) В рукописи Темири-Яксаку.

^в-в) В рукописи поступяся.

^г) В рукописи намо.

^д) В рукописи готовяшеся.

^е) В рукописи готовятся.

^ё) В рукописи Диоклинтиян.

^ж) В рукописи Татако.

^з) В рукописи хваляшеся.

^и) В рукописи и братия.

^й) В рукописи града.

^к) В рукописи погрешшим.

^л) В рукописи под.

-146-

Аксака, его же иногда |л. 403| под востоком солнычнымслышахом [далека суща], ныне жь близ дверей приготовился ес[т]ь, и готовится, и поощряется, и вооружается на ны зело. Проводиша же пречестныя икону из града Владимеря в самый празник успения ея со кресты и кандилы всии священницы и весь народ града того, малии и велицыи, юнии и старии, мужы и жены, и отроковицы, и младенцы, и ссуще[и] млеко на руках м[а]т[е]рей своих, со слезами многими, далече шествие творяше, не могуще отлучитися таковаго утешения и заступления и скорый помощи и надежи. И тако многи слезы излиявше и велико рыдание сотворше, и много моление принесше |л. 403 об.| и со стра­хом и с трепетом многим облобызавше всии народи они образ пречистые богородицы, и возвратишася во град свой Володимер. Егда же приидоша близ града Москвы со пречюдною иконою пречистый богоматере, тогда изыде весь град в стретения ея, митрополит Кипреян со кресты [и] иконами, и с кандилы, и епископи с ним и архимондриты, и игумены, [и] иереи, и дияконы со псалмы и песньми и с молебными правилы, по них князи и бояре, княгини и боярони, мужи и жены, и юноши и девы, и старцы со уношами, отроцы и младенцы, сироты и вдовицы, нищий и убозии, иноцы и иноки|л. 404|не, и всяк возраст мужеска полу и женска, от мала и до велика. Все мно­жество безчисленно народа християнского сретоша ю далече за градом на поли. И яко узреша чюдный образ предреченныя иконы пречистые богоматери, и тако всии падоша на земли со мно­гими слезами, молящеся и воздыхающе из глубины сердца. И тако на мнозе благодаривше ея и воставше от земля, руце воздевше на высоту, вопиюще и глаголюще: “О всесвятая владычице богородице, избави нас от нахожения безбожных агарян, хвалящихся достояние твое разорити. Защити князя и люди от всякого зла, заступи град сей и всякий |л. 404 об.| град и страну, в них же про­славляется имя сына твоего и бога нашего и твое. Избави нас от нахожения иноплеменник, от поганых пленения, от огня и меча их, и от напраснаго убиения, и от обдержащия нас скорби, и от печали, нашедшея на нас, и от настоящаго гнева, беды и нужа премени ^м) и от всех сих пред­лежащих нам искушений пришествием своим к нам и благоприятными молитвами к сыну своему и богу нашему свободи. О пресвятая госпоже владычице богородице, умилосердися на нищая и убогая и скорбящия ^н) люди твоя, на тя бо надеющеся не погибнем, но избудем |л. 405| тобою от враг наших. Не предай же нас, заступница наша и надежда наша, ненавидящим нас, но советы их разори и козни ^о) их раздруши и во время скорби сея нашедшая на нас, буди нам, теплая заступ­ница ^п) и скорая помочница ^р), и предстательница ^с), да избывше от всех злых находящих на нас, благодарне ^т) ти возопием: “Радуйся, заступнице, християном и покрове граду нашему”. И тако на мнозе благодарение воздавше, и поидоша во град со иконою богоматере. И принесше, поставиша ю в соборной церкви пречистыя богородицы честнаго Успения ея на десней стране, иде же [и до]ныне стоит, заступающи и сохраняющи ^у) |л. 405 об.| град сей и вся християны от великия напасти, прихо­дящая на нас грех ради наших. Бы[сть] же тогда ново и преславно чюдо, паче надежа нашея, и превелико удивление, и многое милосердие владычне и пречистыя его матере преславныя вла­дычице нашея богородица и приснодевы Мария на роде християнстем. В день бо той [и] час, в он же принесена бысть чюдотворная богородицы икона от града Владимеря к славному сему граду на­шему, и во время оно, в не же изыде все множество християнского народа на сретение пресвятыя богородица, и возопиша со слезами молящись ей, просящи помощи от нея и заступления |л. 406| от поганых нашествия, поведаху же сице бывшей тогда у оного поганаго царя, яко в день той [и] час, гордый ^ф) он и суровы[й и] бесчеловеческий, да сице реку, не имы[й] вида ^х) человеча ^ц), но весь мерзок ^ч) и безобразен и немилостивы[й], иже от Огары от рода Темирь, ижь преже зело убо ^ш) дыша, зело же хвалясь на християны, на овца ^щ) Христовыя паствы, паче же на самое Христово имя ^ъ), ныне жь паки убояся и устрашися зело, и смятеся умом, и ужасеся душею, объяти и страх и трепет, и мнети ему, яко некоему многу воинству градущу на нь от Руския земли, и вскоре возвратися, отнюду же прииде и вборзе к путному шествию устремись, |л. 406 об.| и быстр[о] идяше, яко некому гонящу по нем, но по истинне гоним бяше силою божиею ^ы) и помощию и заступлением пречистыя ^ы) владычица нашея богородици приснодевы Мария ^ь), крепкия во бранех ^ь) християн-

_________

^м) В рукописи премении.

^н) В рукописи скорблящия.

^о) В рукописи коздни.

^п) В рукописи заступнице.

^р) В рукописи помочнице.

^с) В рукописи предстатильнице.

^т) В рукописи благодарней.

^у) В рукописи сохраняющий.

^ф) В рукописи гряды.

^х) В рукописи видя.

^ц) В рукописи человека.

^ч) В рукописи мерзов.

^ш) В рукописи уво.

^щ) В рукописи отца.

^ъ) Далее и.

^ы-ы) Зачеркнуто позднее М. Полевским.

^ь-ь) Зачеркнуто позднее М. Полевским.

-147-

скому роду помочницы. Сице бо есть милосердие божие и пречистые его матере на нас грешных и сица победа ея на противный, и сице одоления на безбожныя. Не видеша бо полков наших и не слышаша руских князей и со воинствы грядущих на них, ни гласа труб их, но толико возопиша християне в печали сердца своего и призваша бога на помочь и пречистую его матерь, и в той час безбожный со бегом к Орде |л. 407| возвратишася, гоними гневом божиим. И тако сеть его ^э) сокрушися ^я), и мы избавлени быхом, помощь наша от господа, сотворшаго небо и землю. Слышав же благоверный великий князь Василей Дмитреевичь и вси князи рустии и все православное воинство их, яко и[же] преже хваляися безбожный Темир-Аксак потребити християнство и разорити святыя церкви, и положити всю землю рускую пусту ^а) и огнем пожещи, се же невидимо побежен бысть и прогнан от вседержительныя руки всевидца ^б) бога. И о сем велико благодарение воздаша богу и пречистей его матери о преславном ея чюдеси, бывшем на нас грешных. По сем же Кипреян |л. 407 об.| митрополит совет сице совещает и глаголет тако великому князю: “Не подобаше, о сыну, забвение быти толицей и божией милости и помощи святыя богородици и заступления на роде человечестем, да не оставит без праздника бывшее сие преславное чюдо богоматере пред очима нашима”. И вскоре повелеша на том месте церковь поставите, иде же сретоша чюдотворную икону святыя богородица, на воспоминание бывшаго ея чюдеси и великих благодеяний божиих, бывших на нас, недостойных рабех его. И устроена же бысть церкви та и украшена иконами и книгами, и тако свяща ея сам митрополит во имя святыя |л. 408| богородица ^в), чеснаго ея Сретения. И оттоле уставися таковый праздник празновати месяца августа в 26 день в честь и в славу пречистые влады­чица наша богородица и приснодевы Мария; есть и до ныне церковь та и монастырь около ей устроен в славу Христу богу нашему. О взятии смоленском. Toe же осени князь великий Витофт литовский, собрав силу многу около себе, и поиде ратью творяся на Тимирь-Аксака. И пром[че]ся всюду слово то, яко идет Витофт на Темирь-Аксака. Се бо внесе [слово] того ради, да ся бы смоль-няне оплошили, а в то время князи смоленские в разности бяху по отчине. И бывшу Витофту под Смоленском, и выеде к нему князь |л. 408 об.| Глеб Святославичь не во мнозе. Он же честив его и одарив отпусти с миром и с любовию, [рече ^г) ему: “Выедете ко мне вси князи с любовию ^г)], слышал бо есмь, что есть промежю вами неодиначство и недружба велика, и каково межи вами будет слово или пря, да шлетеся на меня, яко на третей, и аз межю вами в правду разсмотрю”. И тако сотвори над ними облесть, а они веру емше словесем его лукавым, вы[и]доша к нему з дары, все братеники Святославичи и все князи смоленский, и з бояры своими, а во граде ни един их не остася, чаяху бо яко в правду разсудит ^д) их. Он же пойма всех князей смоленских и послав в свою землю |л. 409| Литовскую, а посад пожже, а люди многи полони. И тако взя княжение смоленское за себе и наместника своего посади князя Амонта да Василия Борейкова. Сей первое взятие Смоленску от Витофта сентября 28 день. А князь Юрьи Святославичь бе в то время на Резани у тестя своего Ольга. Toe же зимы князь великий Витофт посылал рать на Ольга рязаньского. Литва же шедше повоеваша землю рязаньскую и отьидоша восвояси.

О епископех ростовских. В лета 6904 марта 14 Кипреян митрополит постави на Москве Григорья епископом Ростову |л. 409 об.| и Ярославлю, и Белуозеру, и Углечю Полю и Устюгу ^е), и Молозе, а были с ним на поставление епископи: Ефросин суздалский, Арсеней тверский, Феогнаст резанский, Григорей коломеньский, Феодосей полотьский ^ё). Сей же Григорей и бяше 35-й епископ в Ро­стове. А се поимена епископом их: 1 ^ж) епископ ^ж) Федор, 2 - Феогнаст, 3 - Федор, 4 - Ларион, 5 - Феодор, 6 - Феогнаст, 7 - Леонтей ^з) чюдотворец, 8 - Ларион, 9 - Исаиа чюдотворец, 10 - Ефрем, 11 - Нестер, 12 - Леон, 13 - Лука, 14 - Иоан, 15 - Пахомей, 16 - Симон, 17 - Кирьяк, 18 - Митрофан, 19 - Кирил, 20 - [Кирил], 21 - Тарасей, |л. 410| 22 - Игнатей, 23 - Семен, 24 - Прохор, 25 - Антоний, 26 - Яков, 27 - Иоан, 28 - Гаврило, 29 - Игнатей, 30 - Петр, 31 - Парфеней, 32 - Арсеней князь, 33 - Матфей гречин, 34 - архиепископ Фео­дор, 35 - сей Григорей, 36 - Дионисей, 37 - Феодосей, 38 - Ефрем ^и), 39 - Трифон, 40 - Васиян Рыло, 41 - Иосаф ^й) Оболенски[й], 42 - Тихон. Toe же весны князь великий Василей Дмитреевичь еде в Смоленеск видетися с тестем своим Витофтом ^к), и быв у нево возвратися к Мо-

_________

^э)-я) В рукописи ему показа.

^а) Первоначально написано посту, затем исправлено.

^б) В рукописи всевидци.

^в) Далее и.

^г-г) В рукописи пропущено. Восстановлено по Воскресенской летописи (ПСРЛ, т. VIII, с. 68).

^д) В рукописи разсудити.

^е) В рукописи Юстигу.

^ё) В рукописи подольский.

^ж-ж) Вписано дру­гими чернилами.

^з) Написано по счищенному.

^и) В рукописи Еврем.

^й) В рукописи Иосиф.

^к) В руко­писи Витовтом.

-148-

скве, с ним же был у Витофта и Кипреян митрополит ^л), и постави на велик день Насона епископа в Смоленце, и оттоле иде |л. 410 об.| к Киеву, и пребысть тамо полтора года.

О епископе Стефане Пермском. Того же лета преставися апреля 26 день епископ пермский Стефан; и положен бысть на Москве в монастыре у святого у Спаса, в застенке в милостивом Спасе; о нем же мало нечто изреку. Сей бе рожен и воспитан во граде Устюзе ^м), отца же бе именем Семиона, клиросника сущиа ^н) соборныя церкви на Устюзе ^м), мати же бе его Мария; тамо ^о) же и гра­моте научися. И по том, еще уне сый, пострижеся во иноческий образ, по сем же от Арсения, епископа ростовскаго, в дияконы поставляется, от Герасима же коломенского в попы |л. 411| совер­шается. По сем же изучися гречиску языку и грамоте, та же научися пермскому языку и азбуквы сложи пермским языком, и книги переведе на пермский язык. Сея ^п) же ^п) пермскиа ^р) грамоты от века не бывало. И бысть ему желание итти в Пермь и учити люди некрещеныя. И взем благосло­вение от святителя и помолився богу учаше люди некрещеныя, вшед в Пермь, яко овца посреди волк, и учаше вере Христове и обращая их от ^с) идолослужения ^с), крещаше во имя отца и сына и святого духа, а кумиры их сокрушая огнем пожигаше. Многих же крести, яко до тысящи душ, |л. 411 об.| и сперва же многа озлобления и раны и гонение претерпе от них. По неколице же времене по­ставлен бысть от Пимина митрополита епископом в Пермь. И шед опять в Пермь некия от них и грамоты изучи пермьской и поставляше попы и дияконы, и церкви ставляше, и славяше в них бога пермьским языком. И бе чюдно видети в земли той, иде же прежь бе идолослужение и бесом угождение от начала миру, ныне же в последнее время седьмыя тысящи на останочном месте бла­гочестие просия и благоразумия явисяи вера Христова процвете. Слышавши же сие православн[и] |л. 412| християне во всех странах руских, и прославиша бога. По истинне бо достоит радоватися, яко сама истинна в евангилие рече: “Бывает радость на небеси о едином грешнице кающимся”. Се же ни един ни два, но вся земля пермьская просветися учением добраго пастыря и божия святителя Стефана, его же житию и добродетели мнози суть свидетели. Есть же от жития его и книги сло­жены имущи ^т) тетратей со двадесять. Зде же мало что изрекох о нем, но токмо не потаено будут добрая дела его, еже сотворил. Егда же приспевшу же концу жития его, и в то время прилучися ему ити на Москву к митрополиту |л. 412 об.| Кипреяну о церковных делех, и не мало дни поболев, пре­ставися к богу, добре упас богом порученное ему стадо и вся изправив церковная и законная правила, еже во иночестве и еже ^у) во ^у) священичестве и во учительстве. Во епископстве же пре­бысть 12 лет, подражатель быв святых апостол. И ныне со святители предстоя престолу Хри­стову молитися о стаде своем и о всем мире со святыми всеми. Того же лета князь Олег рязанский приде ратью к городу Любутьску, гражане же затворишася и бьяхутся с ними из города. Князь же великий посла к нему и отведе его от Любутьска ^ф). На ту же осень о покрове князь великий Витофт иде ратью на Резань и |л. 413| прогна князя Ольга, а ^х) землю рязанскую всю плени, а люди изсече и в полон поведе. Тогда бысть Витофт на Коломне, князь же великий видеся ту с ним и многу честь и дары дасть ему. Князь Василей Ивановичь смоленский и князь Патрекей ^ц) Наримонтовичь приехаша в Новгород, и прияша их новгородцы. О посольстве в Новгород. Князь великий Василей Дмитреевичь и князь великий Витофт прислаша послы своя соединого в Новгород, веляше им мир разверечь с немцы. И не послушаша новгородцы, но сице ответ ^ч) даша ^ч): “Нам, гос­подине князь великий Василей Дмитреевичь, с тобою мир свой, а с Витофтом ин, а с немци ии мы тоя”. Генваря 15 день |л. 413 об.| великому князю Василью Дмитреевичю родися сын Иоан.

В лета 6905 месяца марта преставися на Москве владыка смоленский Данил и положен бысть у Михайлова чюда. О двинянех, како дашася великому князю. Тоя же весны двиняне далися великому князю Василию Дмитреевичю, и князь велика[й] разверже мир с новогородцы. Новгородцы же послаша к великому князю владыку Иоанна и посадника Богдана и Кирила. Князь же великий не послуша и отпусти их без миру. Того же лета при[и]де Кирил чюдотворец на Белоозеро и состави обитель и преставися 900 ^ш) месяца июля в 9 день, а всех |л. 414| лет живе 90; а храм поставлен каменной 7004-го. Того же лета князь Александрь Иванович, внук княж Ми­хаилов тверскаго, о Петрове заговений жинися, у князя Федора Михайловича [Моложьскаго] ^щ).

_________

^л) Далее повторено был у Витофта.

^м) В рукописи Юстюзе.

^н) В рукописи сущи на.

^о) В рукописи такс.

^п-п) В рукописи Се яз.

^р) В рукописи пермскииа.

^с-с) В рукописи одоило служение.

^т) В рукописи и мощи.

^у-у) В рукописи и во же.

^ф) В рукописи Люботьска.

^х) В рукописи на.

^ц) В рукописи Патрекеии.

^ч-ч) В рукописи отведаша.

^ш) Перед и после цифры 900 поставлены киноварные точки.

^щ) В рукописи пропущено. Восстановлено по Воскресенской летописи (ПСРЛ, т. VIII, с. 70).

-149-

О Иване Всеволодиче тверьском, зяте великого князя. Того же лета князь Иван Всеволодич отъ еха со Твери на Москву, [а] ко князю Михаилу Александровичю послал, сложил целование. Князь же великий прият его с честию и с любовью и дасть ему город Торжек. О свадьбе его же. Toe же осени сентября в 23 день князь Иван Всеволодич тверский женися на Москве, поя сестру великого князя княжну Настасью. |л. 414 об.| Октября в 7 Кипреян митрополит приеха ис Киева на Moскву, а с ним епископи: Михайло смоленский, Исакий брянский, Феодор лучский. О князе Иванне Михайловиче тверском, зяти Кестутьеве. Toe же зимы князь Иван Михайловичь тверский ездил в Литву к великому князю Витофту, к своему шурину, и со княгинею, и з детьми, и з бояры своими. И тамо пребыв неколико дни[й], и паки оттуду отпущен бысть с честию. Toe же зимы генваря в 8 день Кипреян митрополит постави Исакия епископом Перми.

О стоянии турков под Царемгородом 7 лет. |л. 415| В лета 6906 злочестивый царь турский, сын Амуратов ^ъ), брат Челибяев, именем Баазыт, собрав воя многи, и пришед город оступи со все сто­роны, и пути перея по морю и по суху, и стоя под городом 7 лет, надеяся взяти его, а прочия окрестныя ^ы) многи грады и страны греческия взяша и поплениша. Тогда же сущи[и] во граде царь и патриарх, и прочий людии и бяху в печали велице и во истоме, и во оскудении. Слышав же то князь великий Василей Дмитреевичь и зжалися им зело, обмыслив со отцем своим митропо­литом Кипреяном и со братьею своею, и со прочими князьми рускими, и послаша во Царь|л. 415 об.|град много сребра в милостыню с чер[н]цом Родионом со Ослебятем, иже преже был боярин люботской. А князь Михайло тверский тако же послал прото[по]па своего Данила со милостынею. Донесшим же им сию милостыню во Царьгород, царь и патриарх, и вси людие велико благодаренье воздаша богу и много хваление, и благословение всылаху Русии, и послаша поминок великому князю и благословение: икону чюдну, на ней же бе написан Спас [в] белоризцех, и стоит же та икона в церкви его Благовещение на его дворе и до сего дне, на левой стороне на поклоне. О войне новгородец на Белоозеро и на Галичь, |л. 416| и на Устюг, и на Заволочье. Того же лета ходиша новгородцы на Волок ратью, воевода посадник Тимофей Юрьевичь, Юрьи Дмитреевичь, Василей Синець, а вой с ними 3000, и повоеваша Белозерские волости, а з ^э) города взяша окуп 60 рублев, и Кубенские волости, а из города то все пограбиша, и Устюг повоева пожгоша. А под Орлецем стояша месяц, бьючи пороки, заволочане же убиша з города Левожку, и взяша новгородцы Ор­лец и раскопаша. А на двинянех окуп ^ю) взяша 2000 рублев да 3000 коней, а у наместника ^я) великаго князя взяша присуд и пошлины, а самово пустиша в Русь, а у гостей |л. 416 об.| у низовских взяша окупа 300 рублев. А воеводу двиньского Ивана Мики[ти]на приведше в Новгород кинуша с мосту, а брат его Анфал убежа с пути на Устюг, а Герасима и Родиона постригоша в чернцы. Челобитье новгородец. Того же лета ездиша на Москву к великому князю Василию Дмитреевичю новгородцкие послы, посадник Иосиф Захарьичь и тысячский Анания Констянтиновичь ^а), с челобитьем от Новагорода [и] со многими дары. И князь великий пожаловал их, мир взя, и дасть им князем великим во свое место брата своего меныпаго князя Андрея, а псковичем князя Иоанна Всеволодича тверскаго. |л. 417| О Темир-Кутлуеве царе. Того же лета при[и]де некоторый царь, именем Темир-Кутлуй, и прогна царя Тахтамыша и седе в Орде и в Сараи на царьстве, а Тахтамыш сослася с Витофтом, и бежа из Орды в Киев и со царицами, да два сына с ним. Того же лета Ямант ^б) при­езжал от Витофта на Москву посольством. Княгини великая Софья была у отца Витофта. Toe же зимы княгиня великая Софья Васильева Дмитреевича ездила в Смоленеск к отцу своему, к вели­кому князю Витофту, и к матери своей, и з детьми своими, и з бояры многими. И пребысть тамо две недели, и отпущена бысть честно и со многими дары. |л. 417 об.| И принесе ^в) оттуду многи иконы, обложеныя златом и сребром, еще же и часть святых страстей Спасовых, иже давно принесены были в Смоленеск от Царяграда. Того же лета князь великий Василей Дмитреевичь посылал брата своего князя Юрья в Казань на князя Семена. [Т]ого же лета убиен бысть князь Роман Юрьевич на Шолоне; и положено бысть тело его у святого Спаса в Порхове.

О преставлении великой княгини Марии Семеновой. В лета 6907 марта 17, в великое говенье преставися великая княгиня Мария Семенова Ивановича ^г), нареченная во мнишеском |л. 418| чину Фетиния, а положена бысть на Москве в монастыре у Спаса. Toe же весны майя в 15 день преста-

_________

^ъ) В рукописи Амаратов.

^ы) В рукописи открестныя.

^э) В рукописи из.

^ю) В рукописи откуп.

^я) Далее у.

^а) В рукописи Констянтиновича.

^б) В рукописи Амант.

^в) В рукописи принесу.

^г) Далее нарек.

-150-

вися княгини Мария ^д) Семионова Лугвенева в Литве в Мстиславле, дщи великого князя Дмитрея, и привезше ю на Москву, положиша в новой церкве каменой в Рожестве богородици. О ^е) Архангиле. Того же лета подписывана церковь на Москве архангила Михаила, а мастер Феофан иконник гречин со ученики своими. Взятие Новагорода Нижнего от Ентяка ^ё) царевича. Toe же осени князь Семен Дмитреевичь |л. 418 об.| суздальский прииде ратию к Новугороду Нижнему, а с ним царевичь Ентяк с тысячею татар. Людие затворишася во граде, а воеводы у них бяху Володимер Даниловичь, Григорей Володимеровичь, Иван Лихорь ^ж), и бысть им бой с ними. Татарове же отступиша от города, и паки приступите, и тако по три дни бьяхуся, и много людей от стрел паде и по сем мир взяша: кристияне крест целоваше, а татарове по своей вере даша правду, что им никоторого зла християном не творити. |л. 419| И по том татарове сотвориша лесть и роту свою измениша, и пограбиша всех християн, нагих пущаше, а князь Семен глаголаше: “Не аз сотворих лесть, но татарове, и аз не волен в них, а с них ^з) не могу”. И тако взяша град [октября] ^и) 25, и быша ту две недели, дондеже услышаща, что хочет на них итти князь великий ратью, и побегоша к Орде. О болгарской войне. А князь великий слышав се и собра рати многи, посла брата своего князя Юрья Дмитреевича, а с ним воевод своих и старейших бояр и силу многу. Он же шед взя город ^й) Болгары Великия, и град Жюкотин, и град Казань, и град Керменчюк, и всю землю их повоева, |л. 419 об.| и много бесермен и татар побиша, а землю татарскую плениша. И воевав три месяцы, возвратися с великою победою и со многою корыстью в землю рускую.

В лета 6908 женися князь Юрьи Дмитреевичь на Москве, у князя Юрья Святославича смо-ленскаго поят дщерь, именем Настасью.

Побоище Витофт[о]во со царем Темир-Кутлуем. Князь Витофт Кестутьевичь литовский, собрав воя многи, с ними же бе царь Тахтамыш своим двором, а с Витофтом литва, немцы и ляхи, жемоть, татарове, волохи, подоляне, единых князей ^к) с ним бе 50-и числом, и бысть сила ратных велика зело. [И] со всеми [сими] полки и со многочисленным ^л) |л. 420| ратьми ополчився, поиде на царя Темир-Кутлуя и на всю его силу татарскую. Похвалився, глаголаше бо Витофт: “Пойдем и победим царя Темир-Кутлуя, взем царьство его, посади[м] на нем царя Тахтамыша, а сам сяду на Москве на великом княжении на всей Руской земли”. Преже бо того свещашася Витофт с Тахтамышем, глаголя: “Аз тя посажю в Орде на царьстве, а ты мене посади на Москве на великом кня­жении на всей Руской земли”. И на том поидоша на царя Темир-Кутлуя. А царь Темир-Кутлуй в то время приспе со многими своими полки ратными и со князьми своими ординскими, и со всею силою татарскою, и сретошася с Витофтом |л. 420 об.| обои в поле ^м) на реке на Ворскле, и бысть им бой велик месяца августа 12 день. На долзе же бьющимся, поможе бог татаром, и одоле царь Темир-Кутлуй, победи Витофта и вся силу литовьскую. И убежа Витофт в мале дружине, а татарове погнаша по ^н) них секуще. А Тахтамышь царь бежа ^о) з бою того много же пакости учини земли литовской. Побиша же татарове на том великом побоище много князей литовских и воевод, и бояр великих, и християн много, и литвы, и немец, и ляхов, и иных людей многое множество безчисленное паде тогда, мало остася их. И поиде царь Темир-Кутлуй х Киеву и взя |л. 421| с него 3000 рублев литовских сребром, а силу свою всю роспусти воевати земли литовские, и ходиша рати татарские, воючи даже до Великаго Лучскаго, и много городов поплениша и стран воеваша, и много зло творив Темир-Кутлуй земли литовской, и отъиде в землю свою. Се же имена князей литовских, избитых тогда на бою том: князь Андрей полотский Ольгердовичь, брат его князь Дмитрей дьбрянский, князь Иван Дмитреевич Кидырь, князь Ондрей пасынок ^п) Дмитреев ^р), и князь Иван Евлашковичь, князь Иван Борисовичь киевский, князь Глеб Святославичь смоленский, князь Лев Корьядовичь, князь Михайло Васильевичь, брат его князь Семен, князь Михайло |л. 421 об.| подбереский, брат его князь Александр, князь Михайло Даниловичь, брат его князь Дмитрей, князь Федор Патрикеевичь волынский, князь Ямант ^с) Туйлуковичь, князь Иван Юрьевичь Белский, князь Луспытко краковский. О преставлении князя Михаила тверскаго. Того же лета по празнице госпожине дни разболеся князь Михайло Александровичь тверский, и бысть ему бо­лезнь тяжка, изнемогашеть добре и собою мало владеяше, и грамоту духовную повеле писати.

_________

^д) Далее повторено в 15 день.

^е) Далее повторено о.

^ё) В рукописи Ентяга.

^ж) В рукописи Лихов.

^з) В рукописи ним.

^и) В рукописи от.

^й) В рукописи городы.

^к) Далее и.

^л) В рукописи многою численными.

^м) В рукописи полце.

^н) В рукописи в.

^о) В рукописи побеже.

^п) В рукописи пасыноч.

^р) Далее и.

^с) В рукописи Амант.

-151-

И в то время приде из Царяграда протопоп Данило, его же с милостынею посылал бе, и принесе ему благословение от патриарха и поминок |л. 422| икону, на ней же бе писан страшный суд. Он же повеле владыце Арсению встретити честно со кресты святую ту икону и весь собор с ним, архимондриты и игумены, и попы, и дияконы со свещами и с кандилы. А сам воста от постеля своея, аки забыв старость свою, и яко же чюяше немощи своей, и срете икону ту на дворе своем у церкви святого Михаила, и любезно лобыза ^т) ю ^т) и сотворив день той празник честен. По отпущени[и] же литорги[и] зва на обед к себе епископа своего Арсения и с ним архимондриты, и весь причет цер­ковный, и от мнишескаго чину. А сам понудися на обеде сести с ними, уже бо бе велми изнемогая, и повеле подержати ся. |л. 422 об.| Тако же повеленну трапезу уготовити ^у) нищим, убогим, хромым и слепым и бедным, и до изобилия напитати их, повеле милостыню дати им. По обетовани[и] же своем испив ко всем сущим на обеде, бывшим с ним, и нача прощатися у всех и от всех прощения просити, коемуждо из своея руки чашу подая и поцелов[ав] его, глаголаше: “Прости мя и благослови”. Они же не могуще ^ф) удержатись жа[ло]стно плакаше. И тако со всеми по ряду целуя прощашеся ^х), от малых до великих, и отпусти их. Они же отхожаху плачющеся. Последи же целова детей своих и бояр, и слуг, и всех сущих своих. Учаше дети своя, глаголя: “Чада моя, имейте обычая |л. 423| благи боголюбие и милостыню стяжати, правду любити, целомудрие и и братолюбие честно держати”. И заповеда им брату брата любити и честити, а не обидети, а старейшаго брата им всех слушати. Бояром же своим рек: “А вы, брате, воспомяните моим детем, чтоб в любви были, яко же указах им”. И раздели им коемуждо часть отчины: сыну князю Ивану и его детем Александру [и] Ивану Тферь, Новый городок, Зубцев, Радилов, Вбрынь, Опоки, Вертязин; а князю Василию и Борису и сыну его Ивану Кашин, Коснятин; а сыну Федору два горотка Микулины с волостьми, яко же написах в грамоту духовную: “по чему им княжити и жити [и] не преступати |л. 423 об.| моего слова и грамоты духовныя”. И востав поиде в соборную церковь святы[й] Спас и помолився пред образом спасовым и пречистыя и прочих святых, и по том нача у гробов ^ц) воск[л]анятися великих князей, деда своего князя Михаила Ярославича и отца своего Александра Михайловича. Пришедше же ко столпу, иже на правой стране, иде же написан Аврам, Исак, Ияков, [и] под тем местом указа ся положити, и поиде из церкви. И вышед из церковных дверей ста на степени, народа же бе мно­гое множество, он же поклонися им, смиреномудрия и любве образ показуя, и от всех проще|л. 424|ния прошаше, глаголя: “Простите мя, братие, и благословите всии”. Они же яко единеми усты со восклицанием плачюще, глаголаху: “Бог простит тя, господине наш”. Видение же бе зрака его тогда изменилося на дряхлость и светлость лица его ^ч) преложися на бледность от многия истомы и от великия ему болезни. И по сем поиде со степеней церковных, сынове же его и бояре мняху на свой двор идуща, он же рукою ^ш) указываше, веляше вести себя в монастырь. Княгини же его Евдокия ^щ) со прочими княгинями и з снохами своими, тако же и сынове его и внучата, бояре же и вси людие, то от него слышавше, велик [плач] сотвориша. Он же тако |л. 424 об.| поиде в Лавру святого Афонасия, они жь всии проводшна его ^ъ) плачющеся. И в том часе повеле ся пострищи во мнишеский чин, и постриже [и] епископ Арсеней августа 20, и нарече имя ему Матфей. И пребысть 7 дней в монастыре, преставися августа 26, во вторник, долго ночи, в куроглашение ^ы), и во гроб положен бысть в среду. Бысть жи всех дней жития лет 60 и 6. Бе же в день той многи[й] плач по всему граду. Toe же осени князь Иван Всеволодичь тверский сослася со князем Иваном с Михай­ловичем и при[и]де на Тверь со княгинею и з бояры, и взяша мир межи собою. Ноября 30 преставися |л. 425| князь Юрьи, сын великого князя Василья, 6 лет, и положиша его во архангиле Михаиле.

В лета 6909 седе на княжении во Тфери князь Иван Михайлович. О страстех господних. В то же лето изъобретени ^ь) быша страсти господа нашего Исуса Христа, их же некогда принесе боголюбивый епископ Дионисей суздальский из Царяграда, премногою ценою искупив ^э) я ^э) и многою верою и любовию приобрете ^ю) я ^ю), и великим трудом оттуду принесе я. По том же неколико время во граде Суздали сокровени быша, в каменой стене церковной заздани быша, сея же весны обретени ^я) быша и несоша их на Москву. Сретоша же их честно со кресты весь чин священни­ческий |л. 425 об.| и весь град. Toe же весны женися князь Иван Володимеровичь на Москве, у князя Фе-

_________

^т-т) В рукописи лобызая.

^у) В рукописи уготоватися.

^ф) Далее другими чернилами написано над строкой М. Полевским убо.

^х) В рукописи прощатися.

^ц) В рукописи гроба.

^ч) В рукописи твоего.

^ш) В рукописи рукую.

^щ) В рукописи Авдотия.

^ъ) Написано над строкой.

^ы) В рукописи куру глашение.

^ь) В рукописи изъобретении.

^э-э) В рукописи искупився.

^ю-ю) В рукописи приобретеся.

^я) В рукописи об­ретении.

-152-

дора Ольговича рязанского поят дщерь его Василису. Царь Шадибек Того же лета умре царь Темир-Кутлуй, а Шадибек седе на царьстве. Того же лета царь Темир-Аксак посылал сына своего боронити Царяграда, он же шед побив турков возвратися. Царь Шадибек в Смоленске. Того же лета месяца августа князь Юрьи Святославичь да князь Олег рязанский приидоша к городу Смо­ленску, а в Смоленске бысть [в то] время мятеж и крамола, ови хотяху Витофта, а друзии отчича своего. Князь же Юрьи сослася з горожаны, а они не |л. 426| можаху терпети насильства от по­ганых ляхов и предашася князю Юрью, отвориша ему город, а во граде сидел тогда от Витофта князь Роман Михайловичь дбрянский, и наместницы Витофтовы поимаша, князя жь Романа убиша и бояр побита дбрянских и смоленских, которые князя Юрья не хотели, а княгиню Ро­манову и дети отпустиша. И тогда князь Юрьи взя Смоленеск и седе во своей отчине в Смоленце. А князь великий Витофт тое же осени приде ратью ко Смоленску на князя Юрья Святославича, стоя много дней под Смоленском и не взем его, поиде ^а) во свою землю, перемирие взяв. А во граде в Смоленце тогда кра|л. 426 об.|мола бысть, люди[й] посекоша много и мор на люди бысть. О княжь Семенове княгине суждальского. Тое же осени князь великий Василей посылал искати княгини княж Семеновы Дмитреевича Ивана Ондреевича Уду да Федора Глебовича, а сними рать свою, и идоша на мордву. Наехаша же ю в татарской земли на месте, нарицаемем Цибирца, у святого Николы, поставил бо бяше церковь ту бесерменин Хази-баба, и ту изимаша княгиню Семенову Александру и ограбивше ю приведоша на Москву и з детми, и пребысть на дворе Белеутове, дондеже князь Семен сослався покорися. |л. 427| Знамение. Бысть знамение на небеси: помрачение в солнцы и тьма бысть, солнце погибе и явися серп на небеси, и по том явися солнце, кровавы лучи испущающи с дымом, месяца октября 29 день.

Знамение. В лета 6910 месяца марта являшеся на западе в вечернюю зорю звезда немала копейным образом, верху же ея аки луч сияше, на востоце восходящи и на летнем западе яв­ляшеся, юже видехом по 12 дний ^б) тако восходящу и сияющу. Месяца марта в 27 день преставися князь Иван Всеволодичь тверский, нареченный во мнишеском чину Игнатей, и положен бысть в Твери в Спасе, |л. 427 об.| а отчину свою приказа князю Александру Ивановичю. О владыце. Майя в 6 день преставися Михайло, владыка смоленский, и по[ло]жен бысть у Троицы в Сергиеве монастыре близ гроба его. Бой литве с рязанцы. Того же лета князь Родислав Ольговичь рязанский иде ратью на Брянеск и сретоша его [князи] литовский: князь Семен Лугвени Ольгердовичь, князь Александр Патрекеевичь стародубский, и бысть им бой у Любутска, и побиша литва рязанцов, а князя Родислава изнимаша и приведоша его с нужею к Витофту, и сковавше ^в) его ^г) ввергоша в темницу, и пребысть в нужи той великой 3 лета, |л. 428| дондеже Витофт взя на нем 2000 рублев окупа и отпусти его. Смерть Ольгова. Того же лета июля в 5 день преставися князь Олег рязанский, нареченны[й] во святом крещении Яков, а ^д) во мнишеском чину Яким, и положен бысть на Солодще в монастыре. О князе Семене суздальском. В то же лета слышав князь Семен Дмитреевичь суздальский, что княгини его и з детьми изнимана и казна его взята, сам бо бяше тогда бегая по татарским местом, и посла к великому князю с челобитьем и с покорением. Князь же великий опас дасть ему. Он же при[и]де на Москву из Орды, и взя мир с великим князем, |л. 428 об.| и иде с Мо­сквы на Вятку со княгинею и з детьми, болен бо бяше уже, и пребысть на Вятке 5 месяц, и впаде [в] больши[й] недуг, преставися декабря 21 день, на память Петра чюдотворца. Се[й] же князь в животе своем много напасти подъят и многи истомы претерпе в Орде на Руси, дабиваяся своей отчины, осмь лет поряду в Орде служи четырем царем: первому Тахтамышу, другому Аксак-Темирю, третьему Темир-Кутлую, четвертому Шадибеку, а все то поднимая рать на великого князя московскаго, како бы найти свою отчину, новгородцкое княжение. И того ради много труда |л. 429| подъя, не обретая покоя ^е) ногама своима, и не успе ничто же, но аки всуе тружася.

В лета 6911 июня в 9 день преставись Сава, епископ сарайский. Приходил из Орды на Русь посол царевичь Ентяк, и был на Москве да изъобмолвил Микулу татарина. О Вязьме. Князь великий Витофт посла князя Лугвеня к Вязьме ратью, он же пришед взя Вязьму, а князя Ивана Святославича изнима и приведе его к Витофту. О свадьбе. Тое же осени октября во 8 день же-нися князь Андрей Дмитреевичь на Москве, у князя Александра Патрекеевича у стародубскаго |л. 429 об.| поят дщерь его Огрофену. О брани. Бысть вражда межи князьми тверскими: князь Иван Михай-

_________

^а) В рукописи пойдем.

^б) Далее и.

^в) В рукописи скопавше.

^г) Далее и.

^д) В рукописи 30.

^е) В рукописи покая.

-153-

ловичь посла рать х Кашину ноября в 19 день на брата своего на князя Василия, и князь Василей бежа на Москву, а князь Александр пришед взя Кашин, и по том смири их князь велики Василей Дмитреевичь. Toe же зимы преставися князь Василей Дмитреевичь городецкий.

О взятье в друго[й] ряд, о Смоленце. В лета 6912 князь велики Витофт со Ольгердовичи: с Корибутом, с Лугвенем, с Швитригайлом, и со всею силою при[и]де ратью ко Смоленску, и князь Юрьи со смольняны в городе |л. 430| затворилися. Витофт же стоя всю весну, колико бився и тружався, не може его выстояти, и пушками бив, бе бо вельми крепок Смоленеск. И стояв 7 недель отступи прочь, а волостем смоленским много зла учини. И князь Юрьи сослася с великим князем Васильем московским, и выеха из города не во мнозе, а ^ё) княгиню свою з бояры оставив в Смо­ленске, ис приказа им ждати себе на первый срок и на другой, и на третей. А ^ё) сам прииде на Москву и бил челом великому князю Василию Дмитреевичю, даючися ^ж) ему сам и со всем кня­жением своим. Князь же велики Василей ^з) не прия |л. 430 об.| его, не хотя изменити Витофту. Князю жь Юрию на Москву сущу, а Витофт в то время собрав силу многу и пришед ста у Смоленска. Гражане же не могущи терпети во граде, в ^и) гладе ^и) пребывающе, и от многия изнеможения и истомы, предаша град Витофту ^й) месяца июня 22 ^к) день. Витофт же взем Смоленеск и княгиню Юрьеву изнима и посла ю в Литву, а князей смоленских пойма, а бояр смоленских, которые хотели добра князю Юрью, тех разведе и расточи, а ^л) иных замучи. А во граде наместники своя ляхи посади |л. 431| предав им град предержати и по князя Юрья послана взыскание. Слышав же то князь Юрьи, сжалися зело, и в горести душа побеже с Москвы в Новгород Великий и з сыном своим Федором, и новгородцы прияша его с миром. О часех. Того же лета князь великий на своем дворе за Бла­говещением часы постави чюдны вельми и с луною, мастер же бе чернец Лазарь Сербии, цена же их ста боле полутора рублев ^м). Месяца ^н) июня 22 день постави митрополит Кипреян игумена борисоглебскаго Тимофея епископом Сараю. О архиепископе Иванне. Того же лета Кипреян митро­полит |л. 431 об.| отпусти в Новгород Ивана архиепископа, а был на Москве в поимании 3 лета и месяць 6, а сидел в монастыре у Николы у Старово. Того же лета июля во 8 день Кипреян митрополит поеха в Литву к Витофту да и на Киев. То[го же] лета Арсеней, епископ тверски[й], заложи церковь каменну Успение богородицы на Тмаце реке. Toe же осени преставися на Твери княгини княже Ивана Михайловича, дщи Кестутьева, нареченна во мнишеском чину Марфа. О свадьбе. Toe же зимы князь Володимер Андреевичь жени сына своего князя Семена у новосильскаго князя. Toe же зимы февраля |л. 432| 13 преставися Григорей, епископ коломенский. О тверских князех. Toe же зимы при[и]де на Тверь князь великий Василей кашинский, и пойма его брат его князь Иван и бояр его, держаше их в нятьи, а князь Юрьи Всеволодичь отьеха со Твери на Москву. Toe же зимы преставися преподобный архимондрит Еуфимей суздальский. О зиме без снегу. Зима же сия незнаема была гола без снегу, а розводие было до великого заговейна, а роскалие было на масленой недели.