Служебник - краткая схема - статья Смука - перевод один - слегка отличающийся, сверить - текст для себя с разбивкой для наладонника.
На украинском в форматах epub - doc.
Номер страницы предшествует тексту.
Литургия святаго Василия Великаго и преждеосвященная. М.: Типография Рогожского старообрядческого кладбища, 1912. 169 с. Репринт с издания 1647 г. (пятое лето патриаршества Иосифа).
БОЖЕСТВЕННАЯ ЛИТУРГИЯ
ПРЕЖДЕОСВЯЩЕННЫХ
Во святую и великую четыредесятницу, егда имать священник сотворите преждеосвященную, в проскомидии в неделю творит, якоже обычно: и по еже резати первый хлеб, и жрети и прободати, режет и другия хлебы, глаголя на единем коемждо сия: В воспоминание: Яко овча: и, Жрется: и, Един от воин:
Таже вливает во святую чашу вино [409] и воду, глаголя обычная: и покрывает я священными покровцы, и кадит, глаголя молитву предложения. И тако начинает божественную литургию, и исполняет ю, яко обычно.
Егда же имать назнаменати хлебы по призывании Духа святаго, глаголет: Хлеб убо сей: единственне, яко един есть Христос, а Хлебы сия, множественным числом не глаголати. И егда имать вознести, возношает вся вкупе, и раздробляет приносимый первый хлеб, и полагает частицу во святую чашу, и вливает и теплоту, яко обычай.
Таже взем святую лжицу десною рукою, омочает ю во святей крови: левою же рукою емлет кийждо хлеб, и наносит святую лжицу, со святою кровию, омоченную, и прикасается ею святому хлебу крестообразно, во страну, на нейже начертася крест, под мягкостию, и полагает и в хлебоно- [410] сец. Таже емлет и другия, и творит такожде на единем коемждо, и спрятовает их всех в хлебоносец. Таже священник молится, яко обычно, и причащается яко обычно, и исполняет божественное священнодействие по учиненному.
На чтении часов иерей в епитрахили, стоя пред царскими вратами начинает: Благословен Бог наш: Чтец: Аминь. По Отче наш: иерей глаголет возглас и входит в олтарь.
И читаются 3-й, 6-й и 9-й час, таже изобразительныя.
На третием часе, после псалмов, Аллилуиа и Господи, помилуй: иерей глаголет пред царскими дверьми:
Господи, иже пресвятаго Твоего Духа в третий час апостолом Твоим низпославый, того, благий, не отими от нас, но обнови нас молящихтися. [411]
Стих 1: Сердце чисто созижди во мне, Боже, и дух прав обнови во утробе моей.
Стих 2: Не отвержи мене от лица Твоего, и Духа Твоего святаго не отыми от мене.
Слава Отцу, и Сыну, и святому Духу:
На шестом часе, иерей глаголет:
Иже в шестый день же и час на кресте пригвождей в раи дерзновенный Адамов грех, и согрешений наших рукописание раздери, Христе Боже, и спаси нас.
Стих 1: Внуши, Боже, молитву мою и не презри моления моего.
Стих 2: Аз к Богу воззвах, и Господь услыша мя.
Слава Отцу, и Сыну, и святому Духу:
На девятом часе, иерей глаголет:
Иже в девятый час нас ради [412] плотию смерть вкусивый, умертви плоти нашея мудрование, Христе Боже, и спаси нас.
Стих 1: Да приближтся молитва моя пред Тя, Господи, по словеси Твоему вразуми мя.
Стих 2: Да внидет прошение мое пред Тя, Господи, по словеси Твоему избави мя.
Слава Отцу, и Сыну и святому Духу.
По Честнейшую херувим: иерей пред царскими дверьми возглашает:
Боже, ущедри ны, и благослови ны, просвети лице Твое на ны, и помилуй ны.
Чтец: Аминь.
Таже глаголет священник молитву святаго Ефрема сирина:
Господи и Владыко живота моего, дух праздности, уныния, любона- [413] чалия и празднословия не даждь ми. Поклон.
Дух же целомудрия, смиренномудрия, терпения и любве даруй ми, рабу Твоему. Поклон.
Ей, Господи Царю, даруй ми зрети мои прегрешения и не осуждати брата моего, яко благословен еси во веки веков, аминь. Поклон.
Таже малых 12, глаголюще на кийжди поклон:
Боже, очисти мя грешнаго.
И паки без разделения туже молитву всю до конца и поклон един.
На 3-м и 6-м часе, таже на изобразительных, молитва: Господи и Владыко живота моего: читается с 16 поклоны, на 9-м же часе с 3 поклоны токмо.
Егда на часех бывают паремии, [414] священник глаголет: Вонмем. Таже Премудрость. И Вонмем.
При конце изобразительных священник входит в олтарь, и облачится во священническую одежду, назнаменуяй, и целуяй токмо, ничтоже приглаголя разве Господу помолимся, над единою коеюждо одеждею.
Чтец читает Трисвятое. Отче наш: Господи, помилуй 12, Всесвятая Троице: По сем отверзаются царския врата. Иерей глаголет: Премудрость, Лик: Достойно есть: Иерей: Пресвятая Богородице, спаси нас. Лик: Честнейшую херувим: Иерей: Слава Тебе, Христе Боже, упование наше, слава Тебе. Лик: Слава, и ныне: Господи, помилуй, трижды. Благослови, и иерей творит отпуст.
На отпусте воспоминает святаго, егоже есть храм и егоже есть день. Царския двери затворяются.
Иерей с диаконом поклоняются [412] пред святою трапезою трижды, глаголюще токмо: Боже, очисти мя грешнаго и помилуй мя. И целуют святое евангелие, святую трапезу и напрестольный крест. И взем диакон время исходит и став на обычнем месте, возглашает:
Благослови, владыко.
Священник, стоя пред святою трапезою во олтаре, возгласно глаголет:
Благословенно царство Отца, и Сына, и святого Духа, ныне и присно, и во веки веков.
Лик: Аминь
И абие чтец:
Приидите, поклонимся: трижды.
И глаголет предначительный псалом. Иерей же, пред святыми дверьми став откровенною главою, глаголет молитвы светильничныя, сиречь вечерния, с четвертыя молитвы, зане три первыя по ектениах глаголются. [413]
Молитва четвертая.
Немолчными песньми, и непрестанными славословленьми от святых сил воспеваемый, исполни уста наша хваления Твоего, еже подати величествие имени Твоему святому: и даждь нам участие, и наследие со всеми боящимися Тебе истиною, и хранящими заповеди Твоя, молитвами святыя Богородицы и всех святых Твоих.
Яко подобает Тебе всякая слава, честь и поклонение Отцу, и Сыну, и святому Духу, ныне и присно, и во веки веков, аминь.
Молитва пятая.
Господи, Господи, пречистою Твоею дланию содержай всяческая, долготерпяй на всех нас и каяйся о злобах [417] наших, помяни щедроты Твоя, и милость Твою, посети ны Твоею благостию, и даждь нам избежати и прочее настоящаго дне, Твоею благодатию, от различных козней лукавого, и ненаветну жизнь нашу соблюди благодатию всесвятаго Твоего Духа.
Милостию и человеколюбием единородного Твоего Сына, с нимже благословен еси, со всесвятым, и благим, и животворящим Твоим Духом, ныне и присно, и во веки веков, аминь
Молитва шестая.
Боже великий и дивный, неисповедимою благостию и богатым промыслом управляяй всяческая, и мирская нам благая даровавый: и [418] споручивый нам обещанное царство, дарованными благими: путесотворивый ны дне прешедшую часть от всякаго уклонитися зла: даруй нам и прочее непорочно совершити пред святою славою Твоею, пети Тя единаго благаго и человеколюбиваго Бога нашего.
Яко Ты еси Бог наш, и Тебе славу возсылаем, Отцу, и Сыну, и святому Духу ныне и присно, и во веки веков, аминь.
Молитва седмая.
Боже великий и вышний, един имеяй безсмертие, во свете живый неприступнем, всю тварь премудростию создавый, разделивый между светом и между тмою, и солнце положивый во область дне, луну же [419] и звезды во область нощи: сподобивый нас грешных и в настоящий час предварите лице Твое исповеданием, и вечернее Тебе славословие принести: сам, человеколюбче, исправи молитву нашу яко кадило пред Тобою, и приими ю в воню благоухания: подаждь же нам настоящий вечер и приходящую нощь мирну: облецы ны во оружие света: избави ны от страха нощнаго, и всякия вещи во тме преходящия: и даждь сон, егоже во упокоение немощи нашей даровал еси, всякаго мечтания диавола отчужденный. Ей, Владыко, благих подателю, да и на ложах наших умиляющеся, поминаем в нощи имя Твое, и поучением Твоих заповедей просвещаеми, в ра- [420] дости душевней востанем ко славословию Твоея благости: моления и молитвы Твоему благоутробию приносяще, о своих согрешениих и всех людей Твоих, яже, молитвами святыя Богородицы, милостию посети.
Яко благ и человеколюбец Бог еси, и Тебе славу возсылаем, Отцу, и Сыну, и святому Духу ныне и присно, и во веки веков, аминь.
Исполншуся же предначительному псалму, глаголет диакон ектению:
Миром Господу помолимся.
Лик: Господи, помилуй.
О свышнем мире, и спасении душ наших, Господу помолимся.
Лик: Господи, помилуй.
О мире всего мiра, благостоянии святых божиих церквей, и соединении всех, Господу помолимся. [421]
Лик: Господи, помилуй.
О святем храме сем, и с верою, благоговением и страхом Божиим входящих в онь, Господу помолимся.
Лик: Господи, помилуй.
О господине нашем святейшем вселенстем Архиерее имя рек Папе Римстем, и о господине нашем Митрополите (или Архиепископе, или Епископе) нашем имя рек, (егоже есть область), честнем пресвитерстве, во Христе диаконстве, о всем причте и людех Господу помолимся.
Лик: Господи, помилуй.
О богохранимом государе нашем Императоре (или Короле), имя рек, (или Опредержащих властех [422] наших) и о всем воинстве, Господу помолимся.
Лик: Господи, помилуй.
О граде сем (или О веси сей, или О святей обители сей), всяком граде, стране, и верою живущих в них, Господу помолимся.
Лик: Господи, помилуй.
О благорастворении воздухов, о изобилии плодов земных, и временех мирных, Господу помолимся.
Лик: Господи, помилуй.
О плавающих, путешествующих, недугующих, страждущих, плененных и о спасении их Господу помолимся.
Лик: Господи, помилуй.
О избавитися нам от всякия скорби, гнева и нужды, Господу помолимся. [423]
Лик: Господи, помилуй.
Заступи, спаси, помилуй, и сохрани нас, Боже, Твоею благодатию.
Лик: Господи, помилуй.
Пресвятую, пречистую, преблагословенную, славную Владычицу нашу Богородицу и приснодеву Марию, со всеми святыми помянувше, сами себе и друг друга, и весь живот наш Христу Богу предадим.
Лик: Тебе, Господи.
Молитва перваго антифона:
Господи щедрый и милостивый, долготерпеливе и многомилостиве, внуши молитву нашу, и вонми гласу моления нашего, сотвори с нами знамение во благо, настави нас на путь Твой, еже ходити во истине Твоей. Возвесели сердца наша, во еже боятися имене Твоего святаго: [424] зане велий еси Ты, и творяй чудеса, Ты еси Бог един, и несть подобен Тебе в бозех, Господи: силен в милости, и благ в крепости, во еже помагати, и утешати, и спасати вся уповающыя во имя святое Твое
Возглас:
Яко подобает Тебе всякая слава, честь и поклонение, Отцу, и Сыну, и святому Духу, ныне, и присно, и во веки веков.
Лик: Аминь.
И по возгласе стихословится кафисма 18: Ко Господу внегда скорбети ми: бывает и поклоном на Аллилуиа. На коемждо же антифоне бывает ектениа малая от диакона, и возглас от священника.
Наченшуся же стихословию, отходит священник во святое предложение: и [425] взем преждеосвященный хлеб от хлебоносца, полагает и со благоговением многим во святый дискос, вложив во святую чашу вино и воду обычно, ничтоже глаголя. И взем кадильницу, кадит звездицу и покровы: и покрыв я, ничтоже отнюд глаголя, но токмо: Молитвами святых отец наших, Господи Иисусе Христе Боже наш, помилуй нас. Преждеосвященна бо есть, и совершенна сия жертва.
Аще преждеосвященный агнец сохраняется на престоле, пренесение на жертвенник обычне бывает сице:
Иерей взем преждеосвященный хлеб из хлебоносца, полагает и со благоговением многим во святый дискос. И покадив звездицу и первый покровец, покрывает святый хлеб, ничтоже глаголя.
По сем, диакону предидущу со свещию, иерей кадит престол окрест [426] трижды. И сотворив земный поклон святым даром священник полагает святый дискос на свою главу и в предшествии диакона со свещею и кадильницею преносит и на жертвенник.
Таже вливает во святую чашу от вина вкупе и воды обычно, ничтоже глаголя. И взем кадильницу, кадит покровы: и покрывает я, ничтоже отнюд глаголя, ниже молитву предложения, но токмо: Молитва святых отец наших, Господи Иисусе Христе Боже наш, помилуй нас.
Диакон:
Паки и паки миром Господу помолимся.
Лик: Господи, помилуй.
Заступи, спаси, помилуй, и сохрани нас, Боже, Твоею благодатию.
Лик: Господи, помилуй.
Пресвятую, пречистую, преблаго-[427] словенную, славную Владычицу нашу Богородицу и приснодеву Марию, со всеми святыми помянувше, сами себе и друг друга, и весь живот наш Христу Богу предадим.
Лик: Тебе, Господи.
Молитва втораго антифона
Господи, да не яростию Твоею обличиши нас, ниже гневом Твоим Твоим накажеши нас, но сотвори с нами по милости Твоей, врачу и исцелителю душ наших. Настави нас ко пристанищу хотения Твоего: просвети очи сердец наших в познание Твоея истины: и даруй нам прочее настоящего дне мирное и безгрешное, и все время живота нашего, молитвами Святыя Богородицы и всех святых. [428]
Возглас:
Яко Твоя держава, и Твое есть Царство, и сила, и слава Отца, и Сына, и святаго Духа ныне, и присно, и во веки веков.
Лик: Аминь.
Диакон:
Паки и паки миром Господу помолимся.
Лик: Господи, помилуй.
Заступи, спаси, помилуй, и сохрани нас, Боже, Твоею благодатию.
Лик: Господи, помилуй.
Пресвятую, пречистую, преблагословенную, славную Владычицу нашу Богородицу и приснодеву Марию, со всеми святыми помянувше, сами себе и друг друга, и весь живот наш Христу Богу предадим.
Лик: Тебе, Господи. [429]
Молитва третияго антифона:
Господи Боже наш, помяни нас, грешных и непотребных раб Твоих, внегда призывати нам святое покланяемое имя Твое, и не посрами нас от чаяния милости Твоея: но даруй нам, Господи, вся, яже ко спасению, прошения, и сподоби нас любити, и боятися Тебе от всего сердца нашего, и творити во всех волю Твою.
Возглас:
Яко благ и человеколюбец Бог еси, и Тебе славу возсылаем: Отцу, и Сыну, и святому Духу ныне и присно, и веки веков, аминь.
Диакон:
Паки и паки миром Господу помолимся. [430]
Лик: Господи, помилуй.
Заступи, спаси, помилуй, и сохрани нас, Боже, Твоею благодатию.
Лик: Господи, помилуй.
Пресвятую, пречистую, преблагословенную, славную Владычицу нашу Богородицу и приснодеву Марию, со всеми святыми помянувше, сами себе и друг друга, и весь живот наш Христу Богу предадим.
Лик: Тебе, Господи.
Священник возглашает:
Яко Ты еси Бог наш, Бог миловати и спасати, и Тебе славу возсылаем, Отцу, и Сыну, и святому Духу, ныне и присно, и во веки веков.
Лик: Аминь.
По кафисме же поется: Господи, воззвах к Тебе: и диакон кадит по чину. [431]
Егда же певцы начнут Слава, и ныне: отверзаются царския врата. Вход с кадильницею. Егда же имать честися евангелие, в празднование храма, или святаго, или в страстную седмицу, тогда вход со евангелием. Диакон глаголет к иерею тихо: Господу помолимся, иерей же сию молитву входа.
Молитва входа:
Вечер, и заутра, и полудне, хвалим, благословим, благодарим, и молимтися, Владыко всех, исправи молитву нашу яко кадило пред Тобою, и не уклони сердец наших в словеса, или в помышления лукавствия: но избави нас от всех ловящих душы наша, яко к Тебе, Господи, Господи, очи наши и на Тя уповахом, да не посрамиши нас, Боже наш. [432]
Яко подобает Тебе всякая слава, честь и поклонение: Отцу, и Сыну, и Святому Духу ныне, и присно, и во веки веков. Аминь.
По конце же стихир, глаголет диакон, или священник, возгласно:
Премудрость, прости. И поют лики: Свете тихий: Диакон: Вонмем. Священник: Мир всем. Диакон: Премудрость. Чтец прокимен. Диакон: Вонмем. Чтец: Бытия чтение. И диакон: Премудрость. Чтец вторый прокимен.
Посем возглашает диакон:
Повелите.
И по исполнении сего, держя священник свещник со свещею и с кадильницею обема рукама, зря к востоком, и назнаменуя крест, глаголет велегласно: Премудрость, прости.
Таже обратяся на запад к народу, глаголет: [433]
Свет Христов просвещает всех.
Чтец: Притчей чтение.
Диакон: Вонмем.
И чтец глаголет паремию: аще во утрий день кому имать быти бдение, или полиелей, чтутся паремии празднику, или святому.
И по исполнении, глаголет священник:
Мир ти.
Диакон: Премудрость.
Чтец поет:
Да исправится молитва моя, яко кадило, пред Тобою, воздеяние руку моею жертва вечерняя.
И по пении чтеца, лик поет тожде.
Таже чтец, стих 1:
Господи, воззвах к Тебе, услыши мя, вонми гласу моления моего, внегда воззвати ми к Тебе.
Лик: Да исправится: [434]
Чтец, стих 2:
Положи, Господи, хранение устом моим, и дверь ограждения о устнех моих.
Лик: Да исправится:
Чтец, стих 3:
Не уклони сердце мое в словеса лукавствия, непщевати вины о гресех.
Лик: Да исправится:
И паки чтец поет:
Да исправится молитва моя, яко кадило, пред Тобою.
И лик поет:
Воздеяние руку моею жертва вечерняя.
Подобает ведати, егда чтец поет: Да исправится молитва моя, яко кадило, пред Тобою: вси людие, сущии во храме и во олтаре, стоят на коленах молящеся. Егда же начнет: Воздеяние руку моею: востают. На прочиих же стихах: Да исправится: [435]